حمد الدليهي
09-08-2013, 02:24 PM
"" في عهد ابومتعب ""
بسم الله ابدا وارفع الصوت مسموع=والشعر جزلات المعاني وُفوده
ديوان غنيته وديوان مطبوع=واليوم فكري في جديدي يقوده
ولابد للاعداد حسبه ومجموع=وايامنا معها الليال معدوده
الطير غنا للفرح ورد وشموع=غنا على غصن التهاني نشوده
افراحنا ماهي على يوم واسبوع=عيدين والذكرى فرحها نعوده
شامخ وطنا في سما العز مرفوع=المجد عنوانه بْصفحة صموده
يوم الدول ثورة مرشح ومخلوع=حنا فخرنا في قيادة فهوده
الشعب متماسك ونوع الوفا نوع=والأمن من كل النواحي يسوده
واللي يخل اسلامنا فيه ممنوع=على الكتاب ومانقضنا عهوده
دفاعنا عنه بالارواح مدفوع=اجسادنا فدوة حصاه ونفوده
اسراب طيارات ورجال ودروع=وقت الشدايد محتمينه جنوده
والشر سدره والفتن تطلع فروع=ونقضي على عرق السدر قبل عوده
في عهد ابومتعب حكم واتعب الجوع=عهده تميّز بالعطايا بْنوده
وشرق الوطن نجمٍ تلالا له سطوع=نفح الهواء نسنس على الشرق نوده
سعود بن نايف على الطيب مزروع=امير خير وكل خيرٍ يزوده
فيه الكرم من حاتم الطائي طبوع=تفوق جود وجود مدات جوده
سديد راي وكل ماقال متبوع=باول سنه بانت فعايل جهوده
ومحمد الهزاع له فعل ونفوع=طور لنا الخفجي وحرك جموده
نفذ مشاريع وبدا كم مشروع=في ظله الخفجي توسع حدوده
والطيب وهبه فيه ماهوب مصنوع=وحلاّل عسراتٍ تجيه معقوده
والرزق عند الله ولاهوب مقطوع=والحق مرضي والاوادم شهوده
بسم الله ابدا وارفع الصوت مسموع=والشعر جزلات المعاني وُفوده
ديوان غنيته وديوان مطبوع=واليوم فكري في جديدي يقوده
ولابد للاعداد حسبه ومجموع=وايامنا معها الليال معدوده
الطير غنا للفرح ورد وشموع=غنا على غصن التهاني نشوده
افراحنا ماهي على يوم واسبوع=عيدين والذكرى فرحها نعوده
شامخ وطنا في سما العز مرفوع=المجد عنوانه بْصفحة صموده
يوم الدول ثورة مرشح ومخلوع=حنا فخرنا في قيادة فهوده
الشعب متماسك ونوع الوفا نوع=والأمن من كل النواحي يسوده
واللي يخل اسلامنا فيه ممنوع=على الكتاب ومانقضنا عهوده
دفاعنا عنه بالارواح مدفوع=اجسادنا فدوة حصاه ونفوده
اسراب طيارات ورجال ودروع=وقت الشدايد محتمينه جنوده
والشر سدره والفتن تطلع فروع=ونقضي على عرق السدر قبل عوده
في عهد ابومتعب حكم واتعب الجوع=عهده تميّز بالعطايا بْنوده
وشرق الوطن نجمٍ تلالا له سطوع=نفح الهواء نسنس على الشرق نوده
سعود بن نايف على الطيب مزروع=امير خير وكل خيرٍ يزوده
فيه الكرم من حاتم الطائي طبوع=تفوق جود وجود مدات جوده
سديد راي وكل ماقال متبوع=باول سنه بانت فعايل جهوده
ومحمد الهزاع له فعل ونفوع=طور لنا الخفجي وحرك جموده
نفذ مشاريع وبدا كم مشروع=في ظله الخفجي توسع حدوده
والطيب وهبه فيه ماهوب مصنوع=وحلاّل عسراتٍ تجيه معقوده
والرزق عند الله ولاهوب مقطوع=والحق مرضي والاوادم شهوده