علمينـي ..!

[حمـّال الأسيـّه]

أصدق ماكتبت .. ومن أقدم كتاباتي .. وأول مشاركاتي .. اتمنى ان تلاقي استحسانكم


انتي غير الناس انتي
انتي محد يشبهك فـ مرايتك
الا عيوونك
انتي من يقدر يخوونك

((علميني)) كيف اسافر في تضاريس التناهيد الحزينه
كيف اشوفك في عيوني طفلةٍ ترسم مراجيح المدينه
في يديني
علميني !! كيف يجمعنا وطن !! وكيف يبعدنا زمن
وكيف ادافع عن خفوقي من طعوونك
لو هجرتك وش يردك في حياتي غيرك انتي
ولو سهرتك وش يذكرني بليلي غير صمتي
جيت متنكر ! لبست جروح غيري
ولما صار الحلم يكبر
قمت ادور عن مصيري

علميني
كيف تجمعنا خطوط الطول من خلف الحنايا
وابحث اكثر في دوائر عرض خصرك عن زوايا
وانثر الباقي من اليابس بصدري في بحيرات النوايا

علميني
كيف يبقى الجرح نفس الجرح في كل الأماكن ؟
وكيف صار الورد داكن ؟
لو سمحتي
ممكن افتح نافذة هالحزن وابحث في جبينك عن علاقه
تربط الشمس مع المساء
والحروف الأبجديه من الألف للياء
وعن نقوشٍ تشبه الحناء
وعن أساور تلبسك في معصمك أو تلبسيها
علميني وعلميها
اتركي لي أي لحظه اخذ انفاسي بها
واقدر أخونك

آآآآآآآآآه ..
ياآخر محطات اشتياقي!! وكلي الباقي
وين اسافر عن عيونك
وانتي كل الناس انتي
وانتي غير النااس انتي
انتي محد يشبهك في أي حاجه
إلا انتي
انتي آخر من خرج من ضلعي الأعوج
ومن بعدك كسرته
لاعدلته !! لاحذفته
لا أخذتيه ومشيتي !! بعدها يمكن نسيتي
أن آخر من بقى من نساء الجاهليه
حفنة طعون وخناجر
وكيف اسافر
ومابقى لي في جنون العمر



دمعات ومحااجر





أخوكم / حمـــّال الأسيـــّه

[نواف الفهاد]

جنون .. ونبض .. ومــدى ..
وكلام يطـــول .. في شــرحه .. وعباراته ..
نبض .. مختلف .. يأخذنا ..
بعيداً .. خلف البحر .. حيث المساحة الأكبر ..
لــ العبارات .. والحروف .. والعشق ..!!

/
\

الغـــالي ..
حمّــال الأسيــة ..!!
من البداية .. تشعل المكان .. بـ حرفك ..
لـ تشرق بك .. القلوب .. بـ فرح ..
هلا .. بك .. وبـ حرفك ..!!

/
\

لك كــــــل الغـــــلا ...
سلالالالالام ..!!

[سامي الشمري]

حمــّـــال الأسيــّــة ..

!!!

إذا كانـــت هذه أول مشـاركة لك فـ أطربنـا بما خطت بـه يــدك ..

سجــل إعجــابي الشديد فيــما كتبت

تحياتــي لـك

[حمـّال الأسيـّه]

شهادتكم تعني لي الشيء الكثير

اتمنى ان بدايتي كانت موفقه وذلك مااستنتجته من ردودكم

شكراً لـ تشريفكم للخاطره .. واتمنى انها لاقت استحسانكم

أخوكم المحب / حمـّال الأسيـّه

[عواد العنزي]

علميني !! كيف يجمعنا وطن !! وكيف يبعدنا زمن
وكيف ادافع عن خفوقي من طعوونك
لو هجرتك وش يردك في حياتي غيرك انتي
ولو سهرتك وش يذكرني بليلي غير صمتي
جيت متنكر ! لبست جروح غيري
ولما صار الحلم يكبر
قمت ادور عن مصيري

حمّال الاسية

وأول رائعه يتحفنا بها

كادت ان تسلب بل سلبت عقولنا

هذا أول الخير

ننتظر بفارغ الصبر رائعه أخرى

صح لسانك يالغالي والله لايهينك

وتقبل مني كل الحب والاحتراااااااااااااام

[النورس]

حمال اسيه ....

يقال ..اول الغيث قطره ..

لا كنك بلا سابق اندار .. اتيث بالغيث كله .. ولم تمهلنا نتقط انفاسنا ..فقد كان غزيرا حد الغرق .. في دروب الاحساس ..

مفرده فاقت الوصف والخيال ..

حمال اسيه ..

هنا .....

الحب برمته ..العشق بروعته ..الاحساس برقته ..؛

وهنا .....

لا جدال اننا سنتفق انك قادم لتسجل اجمل واروع حظور على صفحات الخواطر ...؛

نحن في الانتظار..؛

النورس