رن الجرس

[سند مطر]

رن الجرس ,, يقول جاني .. إتصالك ..
من شفت .. رقمك قلت .. يعني .. يبيني ..!



كم لك .. سنه عايش .. بعيدن .. لحالك
والحين .. تطلبني .. سند .... ماتجيني ..!


يعني .. بعد ماعاد .. ينفع ... ضلالك
قلت الأسف .. شيئًا .. بماضي سنيني ..!


الحين .. تعرفني .. سبب .. ماجرالك
وتبي .. تبيًن لي .. بإنك .. حزيني ..!


الحين .. تبغى لك .. يمين .. لشمالك
من عقب ماطنشت .. مدًة .. يميني ..!!


ماتقول لي .. هو ليه .. غايب .. سؤالك
عني / مع انك .. قلت .. بإنك عويني ..!


لا تحسب انه .. يوم يكثر .. حلالك ..!
بقول .. ياكفوفه ... طلبتك .. عطيـني ..!


أنا الكريم .. اللي يلو هو ... تهالك ..!
ما مدً كفه .. قال .. من .. يحتويني ...!


نسيت .. صاحب .. كان يرفى خمالك
نسيتني من قلت .. عونك .. يدينـي ..!


لا يا حسافه .. كان .. هذا .. مجالك ..!
خليت لي .. هم الزمن ... يعتريني ..!


لا تلومني .. يومن .. دهشت اتصالك ..!
معقول .. من هو .. باعني يشتريني ......!!!


.


.