صينية كرات البطاطس المحشية

[الامير باسل]

صينية كرات البطاطس المحشية


أعشقها http://forums.graaam.com/images/smilies/2012/new%20graaam%20%2888%29.gif


المقادير:

جبن موزريلا مبشور للوجه

لـ البطاطس:
من 3 إلى 4 حبات بطاطس متوسطة الحجم
1/2 ك بقدونس مفروم
1/4 ك كريمة خفق
فلفل أسود مطحون - ملح
ماي للسلق

لـ حشوة الدجاج:
شوية زيت
نص كيلو صدور دجاج
بصلة متوسطة
فصين ثوم
حبتين جزر متوسط الحجم
مكعب ماجي
فلفل أسود محطون - كمون مطحون - كزبرة مطحونة - ملح
1 م ك صويا سوس
بقدونس مفروم

لـ البشاميل:
50 جرام زبدة
ا م ك زيت
2 فص ثوم مهروس
3 م ك طحين أبيض
2 ك حليب سايل
3/4 ك كريمة خفق
فلفل أسود مطحون - ملح
1 ك جبن موزريلا مبشور

الطريقة:

لـ البطاطس:

http://forums.graaam.com/images/images_thumbs/bfe02e92777ff6f396f4593ac62bfa94.jpg

نسلق البطاطس لين تصير ذايبة
بالغوا في مدة السلق لأنه كل ما صار البطاطس ألين كل ما كانت ألذ

http://forums.graaam.com/images/images_thumbs/37c89fc5b55956941345eddc4a7f5f76.jpg


بعد ما نسلقها نشخلها من ماي السلق ونتركها تبرد شوي
بعدين نهرسها بـ شوكة, إذا كانت مسلووقة واايد راح تنهرس بكل سهولة
نضيف لها كريمة الخفق + الفلفل الأسود المطحون + الملح .. ونكمل هرس
نعتمد على الذوق في تقدير الملح والفلفل
لما نوصل الطعم اللي نبيه نضيف البقدونس المفروم ونهرس
وبس صارت جاهزة
لذيذة كل شوي آكل منها http://forums.graaam.com/images/smilies/2012/new%20graaam%20%2855%29.gif

لـ حشوة الدجاج:

http://forums.graaam.com/images/images_thumbs/8664bcacc3eb2858b36f6e0c1e8a209d.jpg

نقصص صدور الدياي لـ مكعبات صغيرة جدًا جدًا جنه مفروم
أحسن قطعوها واهيه شبه مثلجة يصير تقطيعها سهل ومرتب
نقصص البصل لـ مكعبات صغيرة بعد
بـ المقلاة .. نسخن شوية زيت وبعدين نحط عليه البصل مع رشة ملح
نقلب لين يصير البصل شفاف بدون ما يشقر عقب نحط عليه الدياي

http://forums.graaam.com/images/images_thumbs/f3eed521561a1a1fde0ed2fa9f54242f.jpg

نقلب الدياي مع البصل هلى نار متوسطة لين يصير أبيض ويبتدي ماايه ينشف
نهرس الثوم ونضيفه للدياي قبل لا ينشف واااايد يعني يكون رطب شوي
هي نخلي النار هادية
نضيف الماجي والملح والبهارات والصويا ونقلب كل شي مع الدياي
كمية البهارات والملح نعدلها حسب ما نبي

http://forums.graaam.com/images/images_thumbs/0cb94a3afe492d4233012c2f60838977.jpg

نبشر الجزر ونضيفه للدياي ونقلب

http://forums.graaam.com/images/images_thumbs/2edbb23bceecae20ea1701b350335dd7.jpg

لما يذبل الجزر وينضج الدياي نبند النار
ونضيف البقدونس المفروم

حشوة بسيطة ويمي أحبها واستخدمها بـ واايد أشيااء

لـ البشاميل:

http://forums.graaam.com/images/images_thumbs/fdb70df98cb5e729f2e33e1f8565c65a.jpg


نحط مقدار الزبدة والزيت على النار لين تذوب الزبدة
نضيف كمية الطحين ونخليهم شوي يتحمصون تحميص خفيف جدًا

http://forums.graaam.com/images/images_thumbs/df22acfbcabdfe20ec958445ee0415ac.jpg

نشيل الجدر عن النار ونبتدي نضيف كمية الحليب بـ التدريج
لازم يكون الحليب دافي أو حار وما نضيف مرة وحدة
نحط شوي ونخلط لين يندمج مع الطحين ونحط شوي وهكذا لين نخلص
عقب نضيف كريمة الخفق ولازم تكون دافية أو حارة بعد
نضيفها بـ التدريج بعد
بعدها نضيف الثوم المهروس والفلفل الأسود المطحون والملح
ممكن تضيفون فلفل أبيض مطحون أو أي نكهات تحبونها
نرجع الجدر للنار
نخليه لين يثقل مع التحريك المستمر
أنا أحبه سااااايح فـ ما أخليه يثقل واايد
حطو في بالكم إنه يثقل أكثر عقب ما نبند النار عنه ولين ندششه الفرن

http://forums.graaam.com/images/images_thumbs/82ff82d271939ed253629363313e48b7.jpg

نبند النار عن البشاميل بعد ما يجهز ونضيف الموزريلا
نحركها معاه واهيه بـ تذوب مع الحرارة

http://forums.graaam.com/images/images_thumbs/ac9d6c4555bc40c0811ccb9cff0f146b.jpg

ناخذ شوية من البطاطس بـ يدنا وعقب نحشيه بـ حشوة الدياي ونكوره

http://forums.graaam.com/images/images_thumbs/20421720ddefe2b379cf045755d6d208.jpg

نوزع الموزريلا على الوجه

http://forums.graaam.com/images/images_thumbs/918379d87809c9ad44bc90d093a1a892.jpg

نصبّ البشاميييل عليهم
وندخل الصينية الفرن من تحت لين تاخذ لون وبعدين نشغلها من فوق
الغرض تحمير البشاميل بس

إذا غرفتوها على طول عقب ما تطلعونها من الفرن
بـ تجوفون إنه الكور بـ تنهرس ويخترب شكلها
شي طبيعي لأنها واايد حاارة
أحسن نطروها شوي تتماسك يعني تقريبًا 10 دقايق
عقبها راح تقدرون تغرفونها واهيه محافظة على شكلها
بس حاسبوا وانتوا تغرفون .. شوي شوي

http://forums.graaam.com/images/images_thumbs/e0fe0d4658de25a060c0704ebb3a2da7.jpg


بـ العافية

منقول

[دانة الكون]

الف شكر ع الوصفه

[محمد القاضي]

شـكــ وبارك الله فيك ـــرا لك ... لك مني أجمل تحية .

[ثلجة وردية]

تسلم الايادي
يعطيك العافيه على روعه طرحك
نرتقب المزيد من جديدك
..

[الامير باسل]

تسلم الايادي
يعطيك العافيه على روعه طرحك
نرتقب المزيد من جديدك
..
يسلمو على ردك ليا
شكرا

[الامير باسل]

الف شكر ع الوصفه
يسلمو على ردك ليا
شكرا

[الامير باسل]

شـكــ وبارك الله فيك ـــرا لك ... لك مني أجمل تحية .

يسلمو على ردك ليا
شكرا