استفسار عن الاستقدام

[ha11]

السلام عليكم ورحمة الله وبركاته
لوسمحتو حبيت استفسر عن تقديم الخادمات من اي مكتب والجنسيات المتوفرة وكم يطلب المكتب للتقديم ،،،، وشكرا

[دانة الكون]

وعليكم السلام ورحمة الله وبركاته
المكاتب متعدده و كل شخص بيعطيك رأيه حسب تجربته مع المكتب ناجحه او فاشله
و اعتقد الاسعار إذا مو نفسها تكون متقاربه
و ان شاء الله يفيدونك الاعضاء اكثر

[شمس النهارر]

السلام عليكم ورحمة الله وبركاته

ياليت احد يفيدنا بمعلومات جميله عن الاستقدام خادمات المنزليه


ااصحاب المكاتب وينكم وش عندكم من العماله: المتوفره

وكم المده علشان تجي101::101::101:

[شاب طموح]

مرحبا
صباح الخير ع الجميع :101::101:
بخصوص مكاتب الاستقدام والاستقدام ومثل ماتعرف كانت أول عن طريق المكاتب لكن الان لا النظام تغير خلاص صارت عن طريق شركات معتمدة فقط !!! .

الان وزارة العمل صرحت ل 16 شركة فقط معتمده وموثوقة للاستقدام موجودة في 9 مدن وهي على ما اذكر الرياض الدمام الخبر الجبيل القصيم حايل ابها باقي ثنتين نسيتهم .

التقديم المعتمد والرسمي عن طريقهم فقط لاغير . أما عن المده فهي خلال شهرين تكون عندك حتى الفلبين بشهرين لكن هم بالعقد اللي توقعه معاهم يكتبون 6 شهور عشان يحمون أنفسهم لو حصل عليها مشاكل في بلدها او شي لأن النظام الجديد لصالح المواطن حيث فيه عقوبات ماليه تدفعها الشركة للمواطن في حال التاخير عن المدة المذكورة في العقد فهم يقولون لك 6 شهور يعطون نفسهم فرصة لكن بالواقع هي بشهرين تكون عندك وعلى المكان اللي تبيه .

بالنسبة للخفجي مافيها شركات معتمدة لكن الجبيل والدمام والخبر فيها اذا تحب قدم عن طريقها ولاتخاف ولاتشيل هم لأنها معتمدة 100%100 .

بالنسبه للخفجي فالأقرب لها هو الجبيل ثم الدمام والخبر لذلك سأذكر لك اسماء الشركات المتعمدة هناك :

الجبيل ( الشركة السعودية للاستقدام - شركة جدارة للستقدام )
الدمام ( شركة الخدمات العمالية - شركة الجزيرة للخدمات المساندة )
الخبر ( شركة الشرقية للاستقدام )

أما عن الاسعار فــ اللي متأكد منه الفلبينيه بــ 15 ألف من غير التأشيرة .




أتمنى أكون أفدتك وتمنياتي لك بالتوفيق

تحياتي

[ha11]

مشكورين عالردود الله يجزاكم خيراذا صارالتقديم عن طريق الشركات يعني مكاتب الخفجي الحين مافيها استقدام

[شمس النهارر]

السلام عليكم ورحمة الله وبركاته


معقول الكلام الي قاله ان الحين في شركات للاستقدام


طيب نبي ارقام لو سمحتو

ومين منكم قدم ياليت يفيدني

هل هورخيص او غالي او زيه زي المكاتب الاستقدام

افيدونا

[شاب طموح]

صباح الخير ع الجميع :101::101:

الان الاستقدام اللي متأكد منه هو عن طريق الشركات اللي صرحت لها الوزارة مؤخرا" وهي 16 شركة في 9 مدن ( مكاتبها الرئيسية في 9 مدن والبعض منها افتتح فروع لها في باقي المدن ) اما الخفجي فما فيها اي فرع للشركات المعتمدة .

بالنسبة لمكاتب الاستقدام .. يجب أن تفرقوا بين مكاتب الاستقدام وبين مكاتب الخدمات اللي تقوم بدور الوسيط بينكم وبين مكاتب الاستقدام ! . ماتلاحضون ان بالخفجي فيه مكتب حق مقاولات وخدمات عامه واستقدام !! اذا شفتوا مكتب مثل هذا بتاع كلوا - على قولة المصريين - اعرفوا انه وسيط بينكم وبين مكاتب الاستقدام وليس مكتب استقدام رسمي !!

بشكل عام يوجد بالسعودية 338 مكتب استقدام رسمي لكن 8 منها تم الغاء تصريحها مؤخرا" .

أتمنى أكون قدمت لكم معلومة صحيحة ومفيدة :101:

[ha11]

الله يجزاكم خير عالردود

[عبدالمنعم]

وعليكم السلام ورحمة الله وبركاته
مكتب القويعي للاستقدام لاباس فيه وقديم بالخفجي مكانه قريب من بنك الاهلي بجانب استديو شهد