كل يبدي رأيه بالموضوع 000

[الدووووخي]

السلام عليكم ورحمة الله وبركاته ..

مرحبا بجميع الأعضاء ..

موضوعي اليوم عن ما مدى التأثير على الدوري اوعلى الأندية بعد غياب اهم عناصرها بسبب اختيارهم للمنتخب ..

بتصوري ان التأثير كبير على مستويات الفرق ..

فقد لاحظنا بعض لقاءات الفرق بدون لاعبيها الدوليين ..

المستوى سيئ نوعاً ما ..

وبعض الفرق الضعيفة تستغل هذا الوقت لمحاولة التقدم في الترتيب وكسب معظم اللقاءات ..

الموضوع للنقاش ..

كل منا يبدي رأيه على هذا الموضوع ..

[الـ()ـرستان]

أصلا انا شايف لازم توقف الدوري في الفترة هذه فترة اعداد المنتخب وان كان ولا بد من استمراره فارى ضروري اعتماد سياسة تأجيل اللقاءات :)


الحين الدوري الانجليزي غايب عنه 25 محترف تقريبا بسبب بطولة الامم ويفكرون في ايقافه !!

[هلالي الرائدية]

خلو اللاعبين الصغار يأخذون راحتهم
هذه فرصه كبيره لهم

مشكووووووووووووور يالدووووخي على هالفكره الرائعه

[النورس]

بالعكس ارى انها فرصه لأبراز وجوه جديده لم تأخذ فرصتها عند تواجد الدولين ..

فأذا لم يجدو هذه الفرصه للعب واثبات الوجود متى سيجدونها ...

تحياتي يا البرنس ..

النورس

[الدووووخي]

هلا والله فيكم جميعا ...

بس أنا أقول ان الدوري سوف يفتقد متعته وأثارته في غياب الدوليين ...

ومشكورين على طرحكم لوجهات النظر ...

[هلالي الرائدية]

موضوع هادف مشكووووووور الدوخي

[الدووووخي]

الله يعطيك العافية هلالي الرائدية ...

وترى دايم مواضيعي هادفة ...

مثل أهدافي في المباريات ...

[ابوشهــــاب]

هلا الدوووخي

اشوف مافي فرق

لان الفرق المميزه معروفه ما تتغير

وينعدون على الاصااابع

بس يمكن يقل مستوا الانديه

يعني الدوري ينخفض مستواه


ومشكور على الموضوع


سلااااااااااام

[قسوره]

بالله عليك يالدوخي الدوري هذا تسميه دوري ؟!!

ياخي شف المباريات اللي للحين ما نلعبت, تخيل في فرق ما لعبت لا ذهاب و لا إياب مع بعضها للحين, ومنها الهلال و الإتحاد !!!

المنتخب السعودي و إعداده, تسمونه إعداد بالله عليكم ؟!!!

بطولة ودية فيها أربع منتخبات مدري وش تبي, و لا فوق كذا حتى ما يحققها و هي على أرضه


والله يالدوخي, الترتيبات و الإعداد كله غلط في غلط, ونظام الدوري غلط, و الجهاز الفني للمنتخب غلط, و الصحافه عندنا غلط <<< و مع كل هذا لازلنا نكابر و نقول بأننا نتقدم << نتقدم للخلف !!!

أول مره بحياتي أشوف دوري يشارف على النهاية و فيه مباريات من الذهاب للحين ما نلعبت !!!


يا بن الحلال وسع الخاطر و الحمد لله إنها ماشيه على هالحال

المعذرة يمكن أكون طلعت برا الموضوع شوي, بس بالنسبه للاعبين المنتخب و مدى تأثيرهم, فهذا شيء أكيد, أي فريق يغيب عنه نجومه لازم يتأثر

المنتخبات الأوروبيه تستدعي لاعبيها لآداء لقاء ودي واحد فقط و من ثم يعود اللاعبين لفرقهم << تخيل لا بطولات وديه و لا بربسه زايده, لقاء ودي يكون في الشهر مره << و في هذا الأسبوع تلعب جميع المنتخبات الأوروبية لقاءات وديه مع بعضها أو مع منتخبات من خارج القارة, يعني تخيل قارة كاملة تتوقف فيها جميع الدوريات في وقت واحد لمدة أسبوع

وقبل كأس العالم بمدة تكون الدوريات إنتهت, ومن ثم المعسكر النهائي للمنتخب << وتشوف الإعداد على أكمل وجه, واللاعبين في كامل الجاهزية !!

شوف بالله عليك الفرق و بعدها بتعرف حنا صح و لا غلط


شاكر لك يالدووووخي



إحترامي

[نواف الفهاد]

:
:

شف الأهلي .. بعد غياب الدوليين ...
وتعرف تأثيرهم ......!!

:
:

قد .. لا يكون الأهلي .. النادي الوحيد .. الذي يفتقد نجومه ..
لكنه بـــ كل تأكيد .. المتضرر الأكبر ....!!

:
:

الدوووووخي .....!!
رائع أنت حيث حللت بـــ قلمك ...

:
:

لك كــل الغــلا ...
سلالالام ..!!

[الدووووخي]

هلا والله ابو شهاب ...

يعطيك العافية أخوي الغالي ...

وكلامك صحيح ...

[الدووووخي]

هلا بالغالي قيصر روما ...

وشف فيك شان حملة على الأخضر ...

هدي الرمي يالغالي ...

ووجهة نظرك أحترمها مع اني أختلف معاك في بعض النقاط ...

تسلم يالغالي على المرور ...

[الدووووخي]

هلا بعاشق القلعة ... هلا بنواف الفهاد ...

الاهلي والهلال والاتحاد ...

أعتقد انهم اكثر الفرق المتضررة ...

تسلم ياقلبي على مرورك ...