الشوق ماله عمر يفنى وينعاد

[بسمه]

الشوق ماله عمر يفنى وينعاد



الشوق ماله عمر يفنى وينعاد


الشوق ماله عمر يفنى وينعاد
له في القلب إن عاد وان غاب رجفه

مع كل فرقا , له ورى الجفن ميلاد
وأن ماتت الفرقا لقى الشوق حتفه

جيت أقتل الفرقا من بلاد لــ بلاد
ملّ الطريق يشيلني فوق كتفه

وأنا بعد مليت من كثر ما أرتاد
هالشارع اللي كان لك فيه شرفه

تظمأ عيوني شوفك , وتشبع سهاد
عيّا الزمن يقطع ظماها بــ رشفه

لاوجهك أسقاها , ولا ذاقت رقاد
ماغير طيفك , طيفك اللي أعرفه

كنّه ظبي , وعيوني ظلال صيـاد
يجفل قبل يرتد للجفن طرفه

مشكلته أنه كل ما أشتقت يزداد
حتى ملا جدران وقتي وسقفه

وأصبحت أشوفه فــ أول الغيم لاجاد
وفي أقصى الشفق لاطاحت الشمس خلفه

وفـي الأرض لانامت عقب صوت رعاد
وفي كل شباك ٍ صحت منه درفه

أتعبت طيفك لوم , واللوم مافاد
ويوم الأمل في شوفتك مات نصفه

نويت أسافر عنك بجروح ٍ جداد
وعمر ٍ من أوراق الزمن حان قطفه

نويت , لكن جابني الشوق منقاد
وجابك حنينك , والزمن سال عطفه

شفتك تبــسّـم لي خجل مدري عناد
وفي نظرتك شوق ٍ من الظلم وصفه

حسيت كني طفل , وعيونك أعياد
ياعيدي اللي له ورى الصدر رجفه

سـمّ اللقا صدفة , وأسـمّيه ميعاد
أنا أنتظرتك , وأنت مريت صدفه

[قلبي الخفجي]

يعطيك العافيه


..

[دانة الكون]

رااائعه
صح لسان الشاعر
الف شكر

[اسيرة القمر]

حرف راقي ..


مليئ بالجمال و العذوبه

بوح يـحمل بين طياته اجمل المعآني

سكبت الابدآع هنآ كالعطر

ليرتسم على صفحتك بروآئح الشذى

طاب لي المكوث هنآ بين اروقة حرفك

دمت بود

[ثلجة وردية]

يعطيك العافيه على الطرح الجميل..
بإنتظار جديدك بكل شوق.
..

[بسمه]

الله يعطيك العافية

للطله

[رباب]

سلمتـ انآملك ع الاختيآر الجميل ..
يعطيك العااافيهــ ...
كل الود .