JaRaH
10-02-2006, 03:01 AM
قصيدة رائعة للشاعر ناصر القحطاني
يسعد صباح الفقـر ياللـي تذمينـه=في ذمتي منتي من الفقـر معـذوره
ما شلت هم الرغيف اللـي تشيلينـه=كل الهموم لسواد العيون مذخـوره
مانتي فقيره تقوليـن اليسـر وينـه=ياقطعة السكر من الملـح ميسـوره
من علم الجوري انشـودة بساتينـه=من هز ريش النعاس اللي كسا حوره
من ذكر الخيزران اللي نسـى لينـه=من جدل الليل لين اختـال ديجـوره
سلسالك الفضي –اصلا- لو تذمينـه=ما راحت اكثر عقود الماس مغروره
والازرق الرث يا ملحه ويـا زينـه=ابهي من ارض نهار العيد ممطـوره
مستورة الحال.. بس القاف تغرينـه=ليه اتنحى.. واخلي الحال مستـوره
والله لاغنـي لفقـر غنـت سنينـه=لين ايسر المترفات تمـوت مقهـوره
قالوا لي ان الجديـل الـي تربينـه=معه تربين حلـم فاحـت عطـوره
قالوا بـذاك الركـن سـر تخبينـه=ومراية – من رداة الحظ – مكسوره
لاينكسر مثلهـا الخاطـر وتشقينـه=تمنظري في المرايه..حي هالصوره
مذكور..جرح ورا الاضلاع تخفينـه=وتحت المخده رسالة عشق.. مذكوره
اثر الهوى جاء يسوق الشوق بيدينه=غصن جفاه اليباس وزف عصفـوره
يا من يكون الحبيـب الـي تحبينـه=ياللي بوجه الياللـي ثـروه وثـوره
وقت مضا .. ملمس العبـه تمنينـه=واليوم خضر القلوب العاب منثـوره
الحزن ليه العيون السود في عينـه=والبحه اللي ترد الروح مذعـوره؟!
فقر ستير ولا ازكي مـن رياحينـه=ولا نعيم فضـوح تغـرق زهـوره
والميت اللي يبـي دعـوات حيينـه=كنتي وصاته ونزفه وآخر شعـوره
يازمة الغيم وارخايـة هـدب عينـه=ماقلت لك مانتي من الفقر معذوره؟!
يسعد صباح الفقـر ياللـي تذمينـه=في ذمتي منتي من الفقـر معـذوره
ما شلت هم الرغيف اللـي تشيلينـه=كل الهموم لسواد العيون مذخـوره
مانتي فقيره تقوليـن اليسـر وينـه=ياقطعة السكر من الملـح ميسـوره
من علم الجوري انشـودة بساتينـه=من هز ريش النعاس اللي كسا حوره
من ذكر الخيزران اللي نسـى لينـه=من جدل الليل لين اختـال ديجـوره
سلسالك الفضي –اصلا- لو تذمينـه=ما راحت اكثر عقود الماس مغروره
والازرق الرث يا ملحه ويـا زينـه=ابهي من ارض نهار العيد ممطـوره
مستورة الحال.. بس القاف تغرينـه=ليه اتنحى.. واخلي الحال مستـوره
والله لاغنـي لفقـر غنـت سنينـه=لين ايسر المترفات تمـوت مقهـوره
قالوا لي ان الجديـل الـي تربينـه=معه تربين حلـم فاحـت عطـوره
قالوا بـذاك الركـن سـر تخبينـه=ومراية – من رداة الحظ – مكسوره
لاينكسر مثلهـا الخاطـر وتشقينـه=تمنظري في المرايه..حي هالصوره
مذكور..جرح ورا الاضلاع تخفينـه=وتحت المخده رسالة عشق.. مذكوره
اثر الهوى جاء يسوق الشوق بيدينه=غصن جفاه اليباس وزف عصفـوره
يا من يكون الحبيـب الـي تحبينـه=ياللي بوجه الياللـي ثـروه وثـوره
وقت مضا .. ملمس العبـه تمنينـه=واليوم خضر القلوب العاب منثـوره
الحزن ليه العيون السود في عينـه=والبحه اللي ترد الروح مذعـوره؟!
فقر ستير ولا ازكي مـن رياحينـه=ولا نعيم فضـوح تغـرق زهـوره
والميت اللي يبـي دعـوات حيينـه=كنتي وصاته ونزفه وآخر شعـوره
يازمة الغيم وارخايـة هـدب عينـه=ماقلت لك مانتي من الفقر معذوره؟!