مدلول
06-03-2006, 03:11 PM
بسم الله الرحمن الرحيم
قال تعالى (( وقضى ربك الا تعبدوا الا اياه وبالوالدين احسانا )) وقال تعالى (( ولا تقل لهما افٍ ولا تنهرهما وقل لهما قولا كريما واخفض لهما جناح الذل من الرحمه وقل ربي ارحمها كما ربياني صغيرا ))
وذكر الرسول صلى الله عليه وسلم في حديثه عن السبع الموبقات وذكر من بينهن (( عقـــــــــــــوق الوالدين ))
وكما جاءت السنه ان رضى الله من رضى الوالدين ... والشواهد كثيره ...
وللأسف في زمانا هذا نسمع العجب العجاب من العقوق للوادين نسال الله العافيه ... والسوالف يوم تمر علينا حقنا ان ناخذ منه العبر والمواعظ سواء خيره او شره ....
وهالقصه هذي ابي اقصه لكم وهي ماهي قديمه بالحيل عن عقوق الوادين ونبي ناخذ منه العبره والموعظه .... ونسأل الله العفو والعافيه ....
تقول القصه
أن كان به رجال اسمه جحيش بن مهاوش تزوج وجاب ثلاث عيال وكـــــــان حريص على عياله بالحيل ... ومرت السنين والسنين وماتت أم العيال (( حرمتك ياجحيش )) وهم صغار ،، فقام ابوهم جحيش بتربيتهم وماتزوج بعد امهم خايف انه تكون قاسيه على عياله ... فكان يوكلهم وينومهم ويسهر عليهم .. ويداريهم مدارت الام فكان لهم الام والابو ... حتى انه كان اليا طلع يوديهم عند الجيران على شان مايستاحشون لحالهم ... فكان يطلع من الصبح يروح ايتقنص لهم ،، والمقسوم يجيبه لعياله .. حتى انه كان يحرم نفسه من الاكل اذا كان الاكل شوي ويكتفي بشرب الماء وينام عليه ..... الله اكبر ....
ومرت السنـــــــــين والسنـــــــــين وكبرو العيال وصارو رجال وزوج العيال واحد ورا الثاني ... ............. وهو كبر انت ياجحيش وماعاد يقوا على القومه والقعده .. وضعف شوفه وحيله ... وعقب كــــــــــــل اللي سواه لهم مالقى من عياله الا الجحود والعقوق والعياذ بالله ... والسبب من حريم العيال اللي توذن من خدمة الشايب وكل منهن تقول لرجله اطرد ابوك عننا ترا اوذانا ... حتى انهم قاموا يصكون الباب من دونه ...... فقررو العيال انهم يجدعونه بديره بعيده او بخرابه ويفتكون منه ..... (( وخذاه ولده حدى عياله اسمه علي قال يايبه نبي نسافر يم خوالي نسلم عليهم ... الشويب صدق ومشى ... وهم بالطريق كل شوي يسأل ولده وين حنا به يقوله بالديره الفلانيه .. الشايب يعرف الديار حافظهن بس ان شوفه ضعيف ... المهم كل يوم يسال الشايب عن الديره اللي قاعد يمشون به ... وعقب كم يوم من سفرهم وهم بالطريق سال الشايب ياوليدي حنا وين به ؟؟؟ قال حنا بالديره الفلانيه حول وادي سلاحيب ... فعرف الشايب ان ولده يبي يرميه بالوادي ... فقال ياوليدي خلنا نستريح وجلسوا شوي ...... فقال الشايب
قال الذي يقرا بليا مكاتيب = ياللي تقّرون العمى من عناكم
ياعيال ياللي تشرفون المراقيب = تريضوا لي واقصروا من خطاكم
خوذوا كلام جحيش مابه تكاذيب = مثل السند مضمون للي وراكم
ياعلي وان صرتوا ضيوف ومعازيب = ترا الكلام الزين ملحة قراكم
المذهب المذهب ترا المذهب الطيب = ترا ردا المذهب يبور بنساكم
ياعيال ماسرحتكم باللواهيب = ياعيال ماعمر المعزب ولاكم
ياعلي ماضربتكم بالمشاعيب = ولا سمعو الجيران لجت بكاكم
من حبكم ارطب القلب ترطيب = يفز قلبي يوم يبكي حداكم
ياما تمسعرت القبايل تقل ذيب = من خوفتي يقصــــر عليكم عشاكم
وياما قطعت من الفياض العباعيب = ندور من صيد البرايا غداكم
ياعيال هاكم لحيتي كلها شيب = هذا زمان قعودنا في ذراكم
قمت اتوكــــــــا فـــــــوق عوج المصاليب = وقصّرت خطايا يـــــوم طالت خطاكم
ردولي القرضه عليكم مطاليب = ردولي القرضه جزا من جزاكم
ماني بفاضحكم بوسط الاجانيب = بفعولكم يدرون كل اقرباكم
خوالكم ياعيال هم ماكر الطيب = ياعيـــــــال مدري هالردى منيــــــن جاكم ؟؟؟!!!!
مير ياعلكم في حاميات اللواهيب =ياللي على الوالد خبيث(ن) لقاكم
شفت الجفا والحيد والظلم والريب=بضلوعكم لا يسر الله قراكم
ياعيـــــــال بعتوني بصفر العراقيب = ماهي حقيقه !! سّود الله قراكم
قصيتكم واسندت وادي سلاحيب = ولقيت بالبيدا مدافيق ماكم
عسى نساكم ماتحمل ولا تجيب = وتغيب شمس الصبح ويغتم سماكم
اهبوا هبيتوا ياكبار الاغابيب = اخسوا خسيتوا يقطع الله نماكم
ولابد يومن عاوي(ن) دوني الذيب = بالقبر يفرق طيبكم من رداكم
ويوم انتهى من القصيده اثاري ولده علي يبكي ويشيله ويرده على بيته ويطلق حرمته .....
وسبحان الله يقولون ان الله استجاب دعوة الشايب وانقطع ضناهم .... الله اكبر ....
عسى الله مايبلانا ..........
الرويات تعددت في صياغ القصه ولكن المعنى واحد .... ونسال الله العفو والعافيه ....
اخوكم / مدلول الشمري
وللجميع التحيه
قال تعالى (( وقضى ربك الا تعبدوا الا اياه وبالوالدين احسانا )) وقال تعالى (( ولا تقل لهما افٍ ولا تنهرهما وقل لهما قولا كريما واخفض لهما جناح الذل من الرحمه وقل ربي ارحمها كما ربياني صغيرا ))
وذكر الرسول صلى الله عليه وسلم في حديثه عن السبع الموبقات وذكر من بينهن (( عقـــــــــــــوق الوالدين ))
وكما جاءت السنه ان رضى الله من رضى الوالدين ... والشواهد كثيره ...
وللأسف في زمانا هذا نسمع العجب العجاب من العقوق للوادين نسال الله العافيه ... والسوالف يوم تمر علينا حقنا ان ناخذ منه العبر والمواعظ سواء خيره او شره ....
وهالقصه هذي ابي اقصه لكم وهي ماهي قديمه بالحيل عن عقوق الوادين ونبي ناخذ منه العبره والموعظه .... ونسأل الله العفو والعافيه ....
تقول القصه
أن كان به رجال اسمه جحيش بن مهاوش تزوج وجاب ثلاث عيال وكـــــــان حريص على عياله بالحيل ... ومرت السنين والسنين وماتت أم العيال (( حرمتك ياجحيش )) وهم صغار ،، فقام ابوهم جحيش بتربيتهم وماتزوج بعد امهم خايف انه تكون قاسيه على عياله ... فكان يوكلهم وينومهم ويسهر عليهم .. ويداريهم مدارت الام فكان لهم الام والابو ... حتى انه كان اليا طلع يوديهم عند الجيران على شان مايستاحشون لحالهم ... فكان يطلع من الصبح يروح ايتقنص لهم ،، والمقسوم يجيبه لعياله .. حتى انه كان يحرم نفسه من الاكل اذا كان الاكل شوي ويكتفي بشرب الماء وينام عليه ..... الله اكبر ....
ومرت السنـــــــــين والسنـــــــــين وكبرو العيال وصارو رجال وزوج العيال واحد ورا الثاني ... ............. وهو كبر انت ياجحيش وماعاد يقوا على القومه والقعده .. وضعف شوفه وحيله ... وعقب كــــــــــــل اللي سواه لهم مالقى من عياله الا الجحود والعقوق والعياذ بالله ... والسبب من حريم العيال اللي توذن من خدمة الشايب وكل منهن تقول لرجله اطرد ابوك عننا ترا اوذانا ... حتى انهم قاموا يصكون الباب من دونه ...... فقررو العيال انهم يجدعونه بديره بعيده او بخرابه ويفتكون منه ..... (( وخذاه ولده حدى عياله اسمه علي قال يايبه نبي نسافر يم خوالي نسلم عليهم ... الشويب صدق ومشى ... وهم بالطريق كل شوي يسأل ولده وين حنا به يقوله بالديره الفلانيه .. الشايب يعرف الديار حافظهن بس ان شوفه ضعيف ... المهم كل يوم يسال الشايب عن الديره اللي قاعد يمشون به ... وعقب كم يوم من سفرهم وهم بالطريق سال الشايب ياوليدي حنا وين به ؟؟؟ قال حنا بالديره الفلانيه حول وادي سلاحيب ... فعرف الشايب ان ولده يبي يرميه بالوادي ... فقال ياوليدي خلنا نستريح وجلسوا شوي ...... فقال الشايب
قال الذي يقرا بليا مكاتيب = ياللي تقّرون العمى من عناكم
ياعيال ياللي تشرفون المراقيب = تريضوا لي واقصروا من خطاكم
خوذوا كلام جحيش مابه تكاذيب = مثل السند مضمون للي وراكم
ياعلي وان صرتوا ضيوف ومعازيب = ترا الكلام الزين ملحة قراكم
المذهب المذهب ترا المذهب الطيب = ترا ردا المذهب يبور بنساكم
ياعيال ماسرحتكم باللواهيب = ياعيال ماعمر المعزب ولاكم
ياعلي ماضربتكم بالمشاعيب = ولا سمعو الجيران لجت بكاكم
من حبكم ارطب القلب ترطيب = يفز قلبي يوم يبكي حداكم
ياما تمسعرت القبايل تقل ذيب = من خوفتي يقصــــر عليكم عشاكم
وياما قطعت من الفياض العباعيب = ندور من صيد البرايا غداكم
ياعيال هاكم لحيتي كلها شيب = هذا زمان قعودنا في ذراكم
قمت اتوكــــــــا فـــــــوق عوج المصاليب = وقصّرت خطايا يـــــوم طالت خطاكم
ردولي القرضه عليكم مطاليب = ردولي القرضه جزا من جزاكم
ماني بفاضحكم بوسط الاجانيب = بفعولكم يدرون كل اقرباكم
خوالكم ياعيال هم ماكر الطيب = ياعيـــــــال مدري هالردى منيــــــن جاكم ؟؟؟!!!!
مير ياعلكم في حاميات اللواهيب =ياللي على الوالد خبيث(ن) لقاكم
شفت الجفا والحيد والظلم والريب=بضلوعكم لا يسر الله قراكم
ياعيـــــــال بعتوني بصفر العراقيب = ماهي حقيقه !! سّود الله قراكم
قصيتكم واسندت وادي سلاحيب = ولقيت بالبيدا مدافيق ماكم
عسى نساكم ماتحمل ولا تجيب = وتغيب شمس الصبح ويغتم سماكم
اهبوا هبيتوا ياكبار الاغابيب = اخسوا خسيتوا يقطع الله نماكم
ولابد يومن عاوي(ن) دوني الذيب = بالقبر يفرق طيبكم من رداكم
ويوم انتهى من القصيده اثاري ولده علي يبكي ويشيله ويرده على بيته ويطلق حرمته .....
وسبحان الله يقولون ان الله استجاب دعوة الشايب وانقطع ضناهم .... الله اكبر ....
عسى الله مايبلانا ..........
الرويات تعددت في صياغ القصه ولكن المعنى واحد .... ونسال الله العفو والعافيه ....
اخوكم / مدلول الشمري
وللجميع التحيه