مصر من تانى

[الشاعرر]

مصر من تانى
شعر : محمد عبد القوى حسن

واحب مصر
ضلوع بتتشوق لنيلى
وتروى طمى اللهفه
من وردة حنينى
احبها قد ابتسام الشوق
فى اوردة التوحد
واحبها
نسمة ربيعى للمهج
واحبها عسل الامانى
فى تسابيح اشتياقى
تناهيد وليده بتكتب عشقها
حرفين ندى
وحرفين صلاه
وتلات حروف متشبكين
دمى
شراين غنا للعشق يتوضوا
بين زمزم الايام
وروضات الصبا
والخدمه ميرى
فى صحرا تكوينى
طوابير بتحكى الشمس
لليل المسافر
تواريخ بتطلع من سما
عيون الصحاب الطيبين
وبيوت فقيرة بتستحمى بالذكر
تسابيح وضى وفجر لسه بيتولد
فى ايدين رضيع
من ننى عينه قصيدة الاكتمال
واحبها بقد الشجر
على شط ايامى
وبقد نخل صعيدى
بيحاكى الصفاء
وبحبها لولى فى حوارى الصيف
والقاهره بتحبى باناملها فى ضلوعى
واسكندريه صبيه نعسانه
بتشطف عينها فى موالى
عنب السويس النبيتى
ف ضحكة اصحابى
تقطفنى لمسة ساحره
من ضى اورادى
من نهد ايامى
من شهد مهد الصبا
ولحد احلامى العفيه
بمجد بينبت
ووجد بيثبت
اللحظه فى عروقى
عشقى ومعشوقى
والشيخ محمد رفعت
والنقشبندى
وقلل قناوى
فى السيده زينب
واربع عساكر جيش
فى محطه المترو
وتلات بنات من جامعة المنيا
وعلم على جبينى
فى التحرير يودينى
من بين السموات الرحيبه
يرسينى
قمرابتسامى ف قمح اطفالى
بساتين رضا ضحكة قناديلى
حداد جاهين والست على مكتبى
ندهة عصارى مافوق السد تجمعنا
ترجع تدمعنا تانى
مصر من تانى

[اسيرة القمر]

على شط ايامى
وبقد نخل صعيدى
بيحاكى الصفاء
وبحبها لولى فى حوارى الصيف
والقاهره بتحبى باناملها فى ضلوعى
واسكندريه صبيه نعسانه
بتشطف عينها فى موالى
عنب السويس النبيتى
ف ضحكة اصحابى
تقطفنى لمسة ساحره
من ضى اورادى
من نهد ايامى
من شهد مهد الصبا
ولحد احلامى العفيه

ابيات راقت لي
كل الشكر لك وتسلم الايادي

[الشاعرر]

اسيرة القمر
يسلم مرورك الراقى
من سندسات المهج
لليل بيحكى سيرة الاشراف
تطلع اسيره بالقمر
والقمر يحكى حكايات المجد للاصحاب:101::101::101:

[شاهندا]

يعطِـــيكْ العَآفيَـــةْ..
عَلَـــىْ روْعـــَــةْ طرْحـــكْ’..
بإآنْتظَـــآرْ الَمزيِــدْ منْ إبدَآعكْ ..
لــكْ وردّيْ وَأكآليلَ ورْديْ

[الشاعرر]

تحياتى لك شاهندا وعلى متابعتك الجيده
تقبلى تقديرى
:101::101::101:

[ثلجة وردية]

أنا بحب مصر كثيير
ربي يحفظها ويحفظكم جميعاااا
وتسلم أناملك ع الكلمااات الراائعة
سنبقى نترقب
داائما جديدك الغني بالمتعة
خالص التحايا:101::101:
..

[الشاعرر]

ثلجه ورديه
احبك الله الذى احببتى مصر فيه
واعزك واكرمك واشكرك كثيرا على متابعتك الجيده لكل مااكتب
واتمنى لمنتدانا كل التقدم والرقى ان شاء الله:101::101::101:

[قمر الشرقية]

طرح يعتلي قمم الجمآل.."
وآبدآع وتميز هو متصفحك..
"كلنآ شوق لـتذوق عذوبة إبدآعكـ.."
وإنتظأر كل جديد لكـ

http://www.l-7oob.com/vb/storeimg/img_1341647591_771.gif

[الشاعرر]

قمر الشرقيه
شكرا لحضورك البهى