سؤال للمصممين . . كيف ابدا واتعلم

[Power Speak]

السلام عليكم

كل يوم يزيد اعجابي بالفوتوشوب والرسومات اللي تسوونها على اللوحات والتواقيع وغيرها
اتمى اني اتعلم وماشاءالله تبارك الرحمن فيه عندنا دروس كثيره بالمنتدى تعلم على الفوتوشوب
لكن مشكلتي كيف ابدا اتعلم وانا معلوماتي صفر
يعني انتظر النصيحة علشان ابدا اتعلم وتشوفون تصاميمي مثلكم ;) وتصفقون لي بعد :ty:

[badr]

كل المطلوب منك انك تجرب تعبث خربط خرب جرب كل شي قدامك

زمان انا كنت مولع بالفلاش برغم اني ماكنت افهم فيه ولا شي

بس كنت اتعبث جلست اسبوع كامل اجلس على البرنامج بشكل يومي ماافهم شي

كان يذبحني الملل والطفش بس كان في داخل شي يدفعني كنت ابي اتعلمه بالطيب بالغصب اهم شي اتعلمه:D

شوي شوي قدرت اسوي دائرة تختفي وترجع تطلع هههههههههههههههههههه كان بمثابة انجاز لي
حسيت اني مصمم خطير ههههههههههههههههههههههه

المهم الفوتوشوب بالمره سهل وفيه خفايا كثيرة بس كمبتدأ لاتلتفت لها كل ماعليك تتعبث

طبق الدروس بحذافيرها حتى لو ماتدري انت شقاعد تسوي شوي شوي راح تتعلم

كمبتدأ اشوف انك لا زم تتعلم التالي :

- كيف تتعامل مع الطبقات وترتيبها وكيف تحذف طبقة وكيف تنسخها وترتبها - تطبيق الدروس كفيل بهالشي.

- كيف تستخدم ادوات الرسم وكيف تغير في اعداداتها وخصائصها - وتطبيق الدروس كفيل بهالشي.

- كيف تستخدم الفلاتر .. والفلاتر تتعلمها من كثر الممارسه لانك بكثرة الممارسه تعرف تأثير كل فلتر وتحفظه مع الوقت - وتطبيق الدروس كفيل بهالشي .

- كيف تحفظ التصميم بصيغتين :
1- PSD وهذي الصيغة تمكنك فيما بعد من انك تفتح العمل وتعدل فيه على راحتك .
2- JPG وهذي صيغة الصور وانا افضل احفض التصميم بهذي الصيغة بعد ما انتهي منه
لانه بهالصيغة يكون حجم التصميم صغير ويسهل تحميله ونقله وارساله .

بأختصار شديد اخوي الرمز لاتجلس مكتوف الايدي نزل البرنامج وافتحه واشتغل بس اشتغل
وانشاء الله الدروس راح تساعدك كثير - وابتعد عن الاشياء النضريه وحفظ اسماء الادوات ووضائفها التطبيق كفيل بكل شي .

انشاء الله نشوفك مصمم مبدع في هالمنتدى واتمنى لك التوفيق وللجميع ... واسف على الاطاله


تحياتي smile0

[طفلة المطر]

طبعاً بدر الله يعطي العافيه قالك الي تبي بس حبيت انبهك عن خطأ كثر يطيحون فيه
( يبون يخلون التصميم محشي بدون لا يركزون في الي يسونه اهم شئ يكدسون صور وفلاتر في غير مكانه )

وعشان تتلافا هذا الخطأ قبل لا تصمم تحط موضوع في راسك تحاول تركب عليه
الصورة والألوان يعني تصميم مبدئي بس عشان تحدد وجهتك ولمن تبدأ تنفذ التصميم
حط عليه لمسات ناعمه وحلوه مو المهم حاجه جديده وغير المهم حلوه وتناسب الموضوع )

ادري قرقرت كثير بس تحمل وصدقني التصميم ما يحتاج غير شويت روقان وتركيز

مثل ما قال بدر طبق الدروس وافهمها ومع التكرار بتتعلم حتى لو أخطأت في الاول .

[badr]

هالنقطة اللي تطرقتي لها انا نفس اعاني منها كثير افتح الملف وانا مادري وش بسوي

عندي امكانيات جيده واعرف اصمم تصاميم جميلة الى حد ماء وعدي خلفيات ولا اروع

بس المشكله انا الحين ابي ايش ....؟

وش التصميمي اللي بصممه.....؟

مادري .... مافي بالي شكل معين ولا تصميم معين لذلك اطول في التصميم افكر وافكر

وساعات تجي معي الفكرة صدفه او تبني نفسها بنفسها مع كل شي ارسمه ... اذا تملكين هالصفة الحسنة فانا احسدك لاني اجلس احفر واحفر براسي لين اطلع لي بتصميم معين في بالي وابدا اطبقة على الفوتوشوب..:(

فيه نقطة مهمة وهي صفاء التصميم انا عن نفسي افضل يكون التصميم واضح قليل التكلف معبر

مايشتت الناضر له ...... على سبيل المثال هالتوقيع اللي تحت لو ركزنا فيه نلاحض مكوناته :

صوره .... لون اسود كخلفية...... شكل فقاعات ...... الاسم داخل الفقاعه..... الايميل

فقط وفلترين فقط لا اكثر ولا اقل والحمد لله انا مقتنع فيه

اسف على الاطاله بس حبيت انوه لنقاط اختي طفله لانها فعلا مهمه...:ty:

تحياتي heart2

[طفلة المطر]

هلا بدر التوقيع رايق

بس مو دايم اخلي تصاميمي بدون فلاتر وحركتكات

لانه احيان يسير رايق واحيان فاضي

اهم شئ يكون حلو ومعبر

طفلونه

[أبو رائد]

الرمز

لازم يكون عندك برنامج الفوتوشوب

وبإمكان تنزيل البرنامج من هذا الموقع

تفضل هناا (88)

ولكن حجم البرنامج كبير جدا .. فلازم تستخدم برنامج مساعد للفوتو شوب

مثل برنامج الفلاش جت .. وإليك البرنامج مع الشرح

تفضل هناا (http://www.alraidiah.com/vb/showthread.php?s=&threadid=450)


وبعد ذلك تبدأ مع Badr و طفلة المطر في سلسلة الدروس

ولسهولة البحث

تفضل هناا (http://www.alraidiah.com/vb/showthread.php?s=&threadid=1985)

[Power Speak]

هذا تبوني غصب اتعلم خخخخ


جزاكم الله خير وما قصرتوا

يعني انزل البرنامج اول شيء ثم ابدا اتعلم

[طفلة المطر]

اي غصب تتعلم


<<<< والا بتسويلك زي ما سوى بوش بالعراق


http://smilies.sofrayt.com/%5E/r/giggles.gif


طفلونه

[Power Speak]

لا خلاص ابي اتعلم



كلش ولا بوش

[طفلة المطر]

رموز ماتجيش الا بالعين الحمرا


طفلونه