.... قراركم بيدكم.....

[badr]

مع الاسف بذلت مجهود في تصميم الدروس والشروحات

على امل الفائده للجميع والرقي بقسم التصاميم للافضل ونشر الفائده بين الجميع

بس للاسف مضت عشر دروس وهي تقريبا الثلث وجميعها سهلة التطبيق وحرست انها

تكون واضحه للجميع حتى يطبق الكل ويستفيد لكن مع الاسف احصل شكر وثناء وكلام جميل

مااحصل تطبيق الدروس ولا متابعه الا من عضو واحد وهي طفلة المطر مشكوره

وانا متاكد انها تضاهيني في الامكانيات بالتصاميم بل افضل مني برغم ذلك ماتقصر

تطبق كل درس اما البقية ......؟؟

مادري اكمل بقية الدروس ويستمر الحال على ماهو عليه شكر وثناء فقط من غير تطبيق ومشاركه بتصاميم

ولا ايش الفائده من الدروس اليومية اوقفها وخلاص:(



الخيار لكم والفائده لكم انا مااراح احصل من ورا هذا كله اي شي سؤ نشر العلم والفائده

ارجع واقول الخيار لكم

تحياتي heart2

[badr]

وما اشوف ولا رد واحد

اتمنى رد بالايجاب او الرفض للدروس لاني حاسس مالها اي قيمة ولا فائده
:(

[أبو رائد]

الأخ العزيز / بدر


مجهوداتك رائعة جدا .. ومميزة

والجميع يقدم لك الشكر على ما تبذله من جهد

وهناك عدة أمور أريد توضيحها لك :

1 ـ الكثير منا يجهل الفوتو شوب فنقف مبهورين أمام ما تصنعه وهو ما تسميه بسيط في تطبيقه ...
ولكننا نحاول أن نتعلم بإذن الله تعالى بجهودكم في هذا القسم .

2 ـ الدروس التي وضعتها سريعة جدا .. فبين كل درس يوم واحد فقط وأحيانا في نفس اليوم .. لذلك يصعب على المبتدئ تطبيق الدرس الأول حتى يبدأ بالدرس الثاني وهكذا

3 ـ صادفت الدورس التوقف المفاجئ للمنتدى وانتقالنا إلى السيرفر الجديد ..



لذلك نرجو

الصبر على أعضاء المنتدى ..
فنحن مقبلون على تطورات كثيرة بإذن الله تعالى
وسوف نقوم بعمل مسابقات في الفوتو شوب ونقدم الجوائز للفائزين



ولك جزيل الشكر


أخوك / أبو رائد

[نجم الليل]

تحياتي للاخbadr
كما قال اخي ابورائد
لاتستعجل التطبيق على المبتدى صعب ولابد ان ياخذ وقت اكثر لكي يبدع وياتي بالجديد من عنده
مش معقول ابدا ان يطق الدرس وياتي به ليعرضه , كانه لم يفعل شي
ومجهودك تشكر عليه
تحياتي
اخوك ********* نجم الليل *********

[طفلة المطر]

هونك بدر اعتقد على حد علمي انك انت المصمم رقم 2 في هالمنتدى

يعني صبرك والدروس سهله صح بس صعبه على واحد مايعرف وش الفتوشوب

واعتقد ان الكل بيستفيد سواء كان مسجل او متصفح للمنتدى ولمن يتعلمون ماراح

تلاقي وقت عشان تنقد او تشجع تصاميمهم

وعلى قول بورايد خل فترات بين الدروس وان شاء الله بيسير احسن اقسام المنتدى

والله يجزاك الف خير

طفلونه

[badr]

مشكورين على تفاعلكم معي والرد على سؤالي واستفساراتي حول الدروس وقلت المشاركه

كلامكم على العين والراس بس يابو رائد الدرس تطبيقة ماياخذ اكثر من عشر دقايق او ربع ساعه بالكثير

يعني لو واحد حاول يطبقة حتى لو جاهل ماراح يغلب لانه موضح خطوات العمل والبيانات حتى باللغة الانجليزية حتى يسهل على الجيمع التطبيق

انا مااثني على دروسي بس القصد انه يوم واحد كافي لتطبيق الدرس اذا مافرضنا دخول الاعضاء بشكل يومي

زين انا بوقف عند هالعشرة دروس فترة حتى يتسنى للاعضاء تطبيقة في المده الكافيه وانا اتمنى اشوف التطبيقات في هالقسم حتى نحس انه هالقسم صاحي وفيه مشاركات مهما كانت بسيطة وانا انتضر اي استفسار او سؤال حول الدروس او البرنامج .

واعتقد لو فيه ناس تطبق كان واجهو بعض الصعوبات وبالتالي كان شفنا اسأله بالمنتدى

أسوة بالمنتديات الثانية

على العموم انا حاضر باي سؤال وبالمساعده في اي وقت فيما اقدر عليه واتمنى للجميع التوفيق

اكرر شكري مره ثانية للجميع .

[أبو رائد]

الله يعطيك العافية يا بدر

ومشكور على تجاوبك مع أخوانك في المنتدى

[badr]

تامرون امر وانا تحت امركم باللي تطلبون

[برق الشمال]

ابو حمود ؟؟؟؟؟؟؟؟؟؟؟؟؟؟؟؟؟؟؟

وش فيك زعلان ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

خلك عاقل اقول واصبر

وانت شفت رد ابو رائد عن سبب عدم التطبيق وفيه سبب غفله اخوي ابو رائد


ان تنزيلك للمواضيع صادف اختبارات للطلاب

وفيه اكثر من عضو موودين بالمنتدى الان انتهوا من الثانويه العامه ويقدمون

وانت خابر التقديم ومغثته
<<<<<<<<<<<< يقول بقلبه تذكر ايام التقديم يا ابو حمود وايام المرمطه

يالله يا ابو حمود هد اعصابك

وانا انشاء الله تبي تشوف تطبيقي بس انت تخبر الشركه والصيفي عندي بس راح انشاء افضي الوقت عندي بالليل عشان اطبق لان انت تدري اني اتمنى اتعلم التصميم


تحياتي

[badr]

تامر امر برق

[Power Speak]

نبي نتعلم



وودنا والله يا بدر


وانشاء الله نتعلم