وش ياخذ الباعوض من ريش قرناس 0

[الساجدة لله]

السلام عليكم ورحمة الله وبركاته0

هدية:-


قالت عنزي و قلت فخر ومعزة ****** أهل الكرم والعلم والحلم والباس

قالت شمالي قصدها بي تهزة ****** ماتدري اني بفتخر وارفــع الراس

الحمــــــــــدلله روسنا دوم رزة ****** اللي خلقنا بس نحني له الراس

صافي نسبنا والحسب فية عزة ****** أصل أصيل وفصل والعرق دساس

أهل الوفاء والدين صافي منزه ****** عن كل ماشاب العقيده من أدلاس

حنا العقيلات انشدي رجال غزه ****** حنا هل الدنيا وللدين حــــــــراس

حنا سنايد نجد في كل حــــزه ****** لا خانت حلوق الرجاجيل الأنفاس

حنا اجبال يعجز الريـــح هـــــزه ****** حنا لنجد حزام وعصابة الــــــراس

نارد حياض المرجـــــلات ونلــزه ****** مانمشي دروب الرذيله والأدناس

من يغلط لسانه علينــا نجــــزه ****** واللي يحقر قدر الرجاجيل ينداس

منا العدو تكفيه بالعين خــــــزه ****** يقضي عليه الخوف مع كل هوجاس

من ذكرنا في قلبه تثور نـــــــزه****** من طاري الويلان يبلاه وسواس

نومه كوابيس وروعه وفـــــــــزه ****** دقت نواقيس الخطر له والأجراس

وان هو لقي له من علينا يــوزه ****** هون له الصعبات وابليس خنــاس

مايدري انه للمهالـــــك يــــدزه ****** عجل علي مبناه يمحي من الساس

يابنت حنا من نخانا نعــــــــــزه ****** يأمن بنا الملهوف وتهابنـــا الناس

مرسولنا للخير دايـــــــم نكـــزه ****** ولصرخة المحتاج نرخي الأكياس

تاريخنا مجـــــد لبسناه بــــــزه ****** نمشي بوسط السوق ماندحم الساس

لك ماتركنا بكاس الأمجاد مـزه ****** واجد عليك ومثلك حثالة الكاس

وش جاب حر الطير لفريـخ وزه ****** منهو يساوي جوهر الماس بنحاس

لاتحسبين انك لنا مــسـتفـــزه****** وش ياخذ الباعوض من ريش قرناس



يستاهلون عيال وايل..

منقول

أم عبدالرحمن

[أبو فهاد]

ألف شكر على النقل ..



ونعممممممممممممممم بعيال وايل ..

[نجم]

ألف شكر على النقل ..

وقصيده رائعه ونعم والله

بعيال وايل ..

[الساجدة لله]

السلام عليكم

اشكر مروركم جزيتم خيرا

[هوى العز]

قالت عنزي و قلت فخر ومعزة ****** أهل الكرم والعلم والحلم والباس

أنا اشهد انهم رجال و كفو عيال وايل و لا يهونون باقي القبايل

احترامي

[البــــــــــدر]

000

http://www.qassimy.com/sd/sounds.php?tell=263



ومشكورة على النقل


وصح لسان الشاعر

[عواد العنزي]

الساجدةلله

الف شكر على النقل الرائع

وصح لسان الشاعر

وسلمت يمينك على النقل ياأم عبدالرحمن

وتقبلي مني كل الحب والاحترااااااااااااااام

[أبو رائد]

سلمتِ يا الساجدة لله

والله يعطيك العافية

على هذه القصيدة الرائعة

[عقاااب]

ونعم والله بعيال وايل ..
ولا تهون باقي القبايل..
حنا بني وايل ليا حل ملزوم الموت والله ما حسبنا حسابه

[عبدالعزيز الجلعود]

منا العدو تكفيه بالعين خــــــزه ****** يقضي عليه الخوف مع كل هوجاس

سلمت يمناك على النقل يا ام عبد الرحمن

بس ياليت تبينين لنا الشاعر اذا كا معر وف لديك

كل الشكر لك

كوني بخير