ياحظ شمر في تراحيب حظاه

[حمد الدليهي]

ياحظ شمر في تراحيب حضاه
ياحظ من معهم مزايا تراحيب
الطيب دايم منهجه من عرفناه
من وين ماجيناه دايم على الطيب
نلمس نتايج فزعته لانصيناه
كامل ووافي في جميع المواجيب
يفداه منهو مايقدر هل الجاه
واللي ماثمن للنشاما مطاليب
يضحك حجاجه ماعبس في محياه
يسمو كلامه في اجزال التراحيب
ذكره تسيّد والسبب فعل يمناه
صيته تسولف به جميع المناديب
يستاهل التمجيد مثله وشرواه
والشعر في مدحه قوافيه ماتشيب