آل سالمين

[حمد الدليهي]

درباس وصل لي جديد المثايل
ماهي مجرد صفصفة قاف واوزان

وانت الصديق وما انت ساعي رسايل
بمدح وامجد من لهم عندنا شان

من دون قاصر في جميع القبايل
حضر وبدو وافين في كل الاوطان

واكيد غير الحق مانيب قايل
ماهي سوالف بهرجة صوت ولسان

يا اهل الهجن ومضمرين الاصايل
ياللي تبون الفوز في كل ميدان

الفوز والناموس لاهل الجمايل
اللي لهم تاريخ في كل الازمان

آل سالمين اهل الكرم والفعايل
روس الشيوخ ومن مقاديم شيخان

طولاتهم فاقت على كل طايل
وامجادهم صفحات في كل ديوان

عيال منصور النسب والحمايل
يوم المعارك خيل وسيوف فرسان

وقتٍ مضى والناس جايل وصايل
قومٍ لهم قوه وسطوه وشجعان

من تربة الظفرة لغرب القلايل
من لاذ بحماهم على عز وامان

مايرخصون معبسات الشمايل
عاد الاراضي مالها حدود واركان

منهم سعيد ونادرٍ بالفضايل
وعبيد عونه من طويلين الأيمان

بانوا وجابوا نادرات السلايل
انتاج والا في رفيعات الأثمان

لها تفانوا في جميع الوسايل
هجنٍ لها في كل مركاض عنوان

لاهتزت العصيان مثل الارايل
شاشوا وكسب الشوط ثابت وُكدان

متصدرين ومحتمين الاوايل
انجاز بالوثبة والأخر سويحان

عندي على شي ٍ ذكرته دلايل
والمستحيل اقول من دون برهان