العز للنفس

[حمد الدليهي]

ذبحتنا كل يومٍ تقول عند الامير
ماتدري ان الامير يشوف مثلك خدم

العز للنفس دايم ماتحطه خشير
والناس في فعلها تبني وفعلك هدم

من طلعة الشمس لين تغيب رحلة مسير
على الاهانات والتذليل سقت القدم

والشحذه اللي بسلمك عندنا ماتصير
الشاعر اليّا غدى شحاذ شعره عدم

هذي حقيقه على الواقع تْوقع تطير
فيها ترى تنصدم وان قلت ماتنصدم

اسمع وزبدة كلامي باوله والاخير
ترى حياتك حسب وضعك حياة الندم