المساعد الشخصي الرقمي

مشاهدة النسخة كاملة : ( شـ مّـ ر )

الأســــلمي
02-08-2006, 03:10 PM
( شـ مّـ ر )

لـ / ضحوي الأسلمي



الليله.. هذي.. غير عن.. كل ليله
..................................... ودي أولعها.. قصيد.. ومثايل


بسوق شعري ..وأمتدح لي قبيله
........................... شمر هل الطولات ..وأهل.. الفعايل


ياربعي ..اللي صيتكم.. ينثي له
.............. ................هذا الدهر ..وإن مر.. ذكر القبايل


هزيتوا ..الكون الرحيب ..وهويله
.............................فيما سبق.. يامسويين ..الهوايل


والغيم طاريكم.. غصب.. ينحني له
.........................ينزل معاه.. سهيل.. بالكف ..شايل


مدة يديكم ..دوم.. ماهي.. بخيله
..........................كن الصخا.. رجال.. وانتم.. سلايل


انتم معارك حرب.. ياهي.. طويله
.............................. انتم سوالف عز.. انتم جمايل


انتم نبات الطيب ..انتم حصيله
...........................انتم ..يامكثركم بوقت ..الصمايل


انتم.. على من عال ..نار وفتيله
...........................انتم حكايا مجد.. ترقى الطوايل


انتم زمان ٍ ..ماحصل فيه.. ميله
..........................مافيكم سنافي.. زمانه.. تمايل


تاريخكم باللي مضى ..من يشيله
.............................ثقيل.. لكن غير كل.. الثقايل


منهو جهلكم ..يالطنايا ..هبيله!!
....................وشلون يجهل ..في ..عيال الحمايل


ولو قيل نعم ونعم ..والله قليله
......................في واحد ٍ ربعه.. سناعيس حايل


لبيه.. ياحايل.. ومن ينتمي.. له
........................ياارض ٍ ..غلاها ملتوي بالنحايل


كل ٍ سمع فيه.. وتمنى.. يجي له
..................متشوق.. لسلمى ..واجا.. والنفايل


وكل شمري..بااطرافها ..ينعي له
.........................يكفيك لاجيته ..وشفت الدلايل


قبل الصياني ..ينطحك حب.. هيله
.........................ماصك بابه ..بالمسا.. والقوايل


يعطيك قبل انك تجي ..وتحكي له
...........................عمايله.. تاج بروس.. العمايل


أنا اشهد ان الجود ..نعمه فضيله
..................وحنا كسبنا الجود.. وزين الخصايل


لكن قبل ماانهي ..القصيد وجزيله!!
.................شوفوا بااخر بيت.. وش كنت قايل:


شمر قبيله؟؟.. إيييييييييه.. شمر قبيله
..........مثل القبايل؟؟.. لا.. لا.. غيررررر القبايل


وسلامتكم

:101: :101:
أبو رائد
02-08-2006, 03:40 PM
صــح لسان شاعرها .. يا الأســلــمي


والله يعطيك العافية .. على هذه الرااائعة


والنعم .. بــ شمر .. وألف نعم ..


شمر قبيله؟؟.. إيييييييييه.. شمر قبيله
..........مثل القبايل؟؟.. لا.. لا.. غيررررر القبايل
دخــــٌيل
02-08-2006, 04:41 PM
صح الله لسانك ولسان قايلها...

ونعم يابعد حيي..!!

لك كل الغلا..
الأســــلمي
03-08-2006, 10:45 PM
اخوي ابو رائـــــــد


نورت صفحتي بمرورك



الله لا يهينك على الاطراء




دمت بخير
الأســــلمي
03-08-2006, 10:57 PM
الزيــــــــن

حياك اخوي


واشكرك على المرور





دمت بود
عبدالحكيم
03-08-2006, 11:09 PM
لبيه.. ياحايل.. ومن ينتمي.. له
........................ياارض ٍ ..غلاها ملتوي بالنحايل



ياملي ياحايل :)

يعطيك العافيه اخووي الاسلمي

ولاهنت

سيووووو