إستفسار يا أهل الخفجي

[بباي]

السلام عليكم ورحمة الله وبركاته
كيف حال الجميع
سمعت مثل غيري ان بالخفجي فيه خطوط دي سي ال
لكن هل هذا الخبر صحيح ؟
اذا الخبر صحيح هل الخطوط على جميع الأحياء ؟
يا ليت تعطوني اسعار خطوط الدي سي ال إذا امكن ؟
وشرح تفصيلي ووافي عن كل شيء يخص هذه الخدمه
اخوكم عليمي نت الله يخليكم لي ساعدوني
بباي

[أحمـــد]

وعليكم السلام ورحمة الله وبركاته ,,,,


بباي بزيارة هالرابط يمكن تلقى أجوبه على أسئلتك ..



http://www.alraidiah.com/vb/showthread.php?t=23404


:: تقبل فائق الاحترام والتقدير ::

[بباي]

مشكور اخوي احمد
بيض الله وجهك
الله لا يحرمنا منك يا رب

[أبو رائد]

هلا بك يا بباي


سمعنا بأنه وصل إلى الأسكان و الكيلو

فقط بالخفجي .. والبقية بشهر رمضان


والله العالم ..

[بباي]

أبو رائد

اشكرك يا الغالي على المرور

والله يكتب اللي فيه الخير للخفجي

[سالم1]

الكيلو فقط

أعرف شخصين عندهم دي أس ال بالكيلو
سيرت على واحد منهم وتفاجأت لما شفته وقلت بمزح : الدي اس ال وصل الصعيد؟؟؟ وعشيرق أقدم حي ما وصل له.

[الضيغم]

الدي اس أل شغال عندنا من احسن ما يكووون .. .. ..

بحي الأسكان والكيلو فقط مثل ما قال ابو رائد حووول رمضان باقي الاحياء انشالله .. .. ..

[نايف فهاد]

خدمة ال دي سي ال...

شغاله...

بالكيلو والأسكان والشركة....فقط


والبقيه راح تكون خلال الشهرين اللي جايه...

[@البارق@]

مشكور اخوي احمد

[طليفيح]

السلام عليكم ورحمة الله وبركاته
يـــــــــــاخي انشبولهم شفلك ناس يبيون الخطوط الدي سي ال
وسوو حركه كل نص ساعه واحد يدق عليهم ولا اتفقو بالمنتدى كل يوم على خمسه من اهل الخفجي يدقون تسوون جدول شرايكم بالفكره والله اسبوع الاهم مشقلينها

[عامر999]

بباي

صحيح اخوي الخدمه اشتغلت في الاسكان وهذا اللي
انا متاكد منه ولكن غير الاسكان ماعندي علم

لكن اذا تبي تعرف ان الخدمه تقدر توصلها على تلفون بيتكم
اتصل على 907 والموضف المختص طبعا راح يقولك
اذا الخدمه تقدر توصلها على خطكم ولا لا

المهم سعر الخدمه رسوم تاسيس 300 ريال تجيك على الفاتوره مره وحده
ورسوم اشتراك شهري على حسب السرعه
128 الظاهر والله اعلم انها 100 شهريا
256 200 شهريا
215 اتصل على 907 يعلمونك بالاسعار

طبعا اشتراك الشركة المقدمه للخدمه
مثل نسما ...صحارى .. اول نت... تجدها عند محلات الكمبوتر
واسعارها متفاوته



طبعا بالنسبه لنا في الاسكان شغاله من اول
لكن اذا طلبتها الحين لازم يلطعونك شهر او شهرين

وازيدك من الشعر بيت اذا الكبينه حقت الحي اللي
انت ساكن فيه امتلت مشتركين دي اس ال
لازم تنتظر االى ان يفصل احد المشتركين الخدمه
عنده و تحل محله يعني سرا
زي الفوال حق الغامدي :biggrin:

وانا ااايد فكرة الاخ طليفيح
شركة الاتصالات يبيلها حشرررررر :mad:
يعني نكثف الاتصال عليهم صدقوني
خدمه الدي اس ال ضروريه لاي واحد يستخدم الانترنت
في بعض دول الخليج وصلت السرعه 3 جيجا
واحنا الى الحين على 128 ميجا ولا يتغلووون علينا

وطبعا بالنسبه للهاتف مالهم اي منافس في السعودية
وماخذين راحتهم شفط من الفلوس

اذا كان استخدامك للانترنت اكثر من 400 رياال انصحك
بالاشتراك بالخدمه الحين قبل بكره
لان خدمه الدي اس ال رسومها ثابته ماتزيد ولا تنقص مع كثرة الاستعمال
سواء اتصل ساعه او شهر الرسوم نفسها ما تتغير

بباي
عليك 907 ازعجهم كل يوم اتصل عليهم
انا عندي خط ثاني في الغربيه وكل يوم اتصل فيهم
اخر موعد في 3\9\2006 يعني بعد ثلاث ايام


هذا كل المعلومات اللي اعرفها عن الدي اس ال في الخفجي

[بدرانو]

ياخوان انا سمعت انها ل3000شخص فقط يعني محدودة الأشخاص


ان شاء الله اكون غلطان؟