لقــيتـــها....!!

[المهتوي]

بعد الغياب وبعـد طول إنتـظـاري
لقيتها صدفه مـع زحمــة النــاس


لقيتها وزادت مـن الشــوق نــاري
وأتحطمت أحزان عمري كما كاس

وأصبحت عن غيري أخبي وأداري
وأخاف يلمحني من الناس وسواس

أتعــثـر بممشـاي والقلــب جــاري
طايـر يبيـها معتـلي هـب نسنــــاس

مدري أبــادرها وأبـدي أعتـــذاري
ولا أصبّــر حـالي بقــول لا بـــاس

مير البلا قلبــي من الهــم بــاري
مالي معه حيله ولا عنده إحساس

من سحــرها تاخــذ عقول وتباري
ريم الفلا بالزين وهي جوهر ألماس


أتكلمت والصوت لحــن الكنــاري
يرخى لها منه شديدٍ قوي بــاس

قفّت وأنا جالس أناظر وأباري
زولٍ جميلٍ فارع الطول ميّاس

مالي أبد حيله سوى إني أداري
ماصابني منها قبل تلمح الناس

وعزاه ياقلبٍ طوتك الطــواري
وتاه العقل مني وأنا بس محتاس


وســلامــتــكـمـ ،،
دمــتــمـ بحفــظـ الله ورعــايــتــهـ ،،

[الضيغم]

المهتوي صح الله لساااان الشاعر على هالأبيات الجميله .. .. ..

الله لا يهينك عالنقل المميز .. .. ..

[دخــــٌيل]

..,,.,.,.,هلا بالغلا المــهتوي..,.,.,.,

نفس التواصل .. نفس الإبداع.. نفس الروح الطيبهـ ..

صح الله لسانك ياعزيزي.. ولاهنت على هالرائعه..

لك كل المحبهـ ...

[داعــ العين ــج]

هــلا وغـــلا

المـــهـــتــوي ،،

مــشــكــور اخــوي علــى هالأبيـــات ،،

لاهنت يالغـــآلي ،،

[المهتوي]

هــلا و غـــلا حــبــايبــي ،،


ســلـمــتـ يمــيــنكـمـ وســلمــتــمـ عـلى الــمرور ،،


دمـــتــمـ بحفــظـ الله ورعــايــتـهـ ،،