النصر لاجا سهل // مثل الهزيمه !!!

[أبو حاتم ..!]

//



//



//




للرائديه واعضائها قطعه من جوفي . . .




ان شاء الله ان القصيده تعجبكم . . .







شاب القصيد وباقي الهم مـا شـاب//
.................................................. .....ونعيم فكـري مـا تجـاوز جحيمـه . .

يوم انفتح معناي للحـرف وانسـاب//
.................................................. للحزن قيمه واصدق الشعـر قيمـه . .

نويت أمّيلها غزل واكسـب إعجـاب//
.................................................. .....حديث عشـقٍ مـن نديـم لنديمـه . .

لكن حضر هم الشعر والغزل غـاب//
.................................................. ..جا للشعر بيـن المحانـي حطيمـه . .

من يحترق ماله عن النـار مجنـاب//
...............................................وما هوب شرط إن العواقـب سليمـة . .

والشعر لو جاله جماعات وأحـزاب//
.................................................. زيف المشاعـر لا تمـادى ذميمـة . .

ياشينها لا طوّلت حـرب الأعصـاب//
.................................................. ما ينتصر فـارس ولا مـن غنيمـة . .

ماجا بدون حساب ماجا له حسـاب//
.................................................و النصر لاجا سهـل مثـل الهزيمـة . .

احدٍ عرق وجهه من الوقت صبـاب//
.................................................و احدٍ عرق غيـره مسبـب نعيمـه . .

للفعـل روايــه وللمجـلـس آداب//
.................................................. وللمستقيـم أفكـاره المستقيـمـة . .

والصفحة اللي ضيّعت جهـد كتّـاب//
.................................................. ..وجودهـا وسـط المجلـد جريمـة . .

من عابها يفتح على الناس له بـاب//
.............................................يشيب راسه ما عرف من خصيمـه . .

ومن غض طرفه ضاع والوقت غلاّب//
.................................................و العقـل نعمـه والجهالـة عقيمـة . .

إلى متـى زود التفاخـر بالأنسـاب//
.................................................. .العـز مـن تـوّج جديـدة قديمـة . .

كبوة جواد الروس من حظ الاذنـاب//
...........................................وبعض الاسامي جت لاهلها ظليمـه . .

بس العزى ما ينقص النار مشهـاب//
...............................................من شذ محروم ٍعسـاه الحـريمـه . .

والفعل بيت وعزه النفـس الإطنـاب//
.............................................يبنى على الشيمة وبـذل وعزيمـة . .

ولو نظرة العالم لنا بـدو وأعـراب//
.................................................ح نا الأصـول الثابتـات المـديمـه . .

حنا بنينا المجد مـن قـوّ الأسبـاب//
................................................تا ريخنـا طـبّ العقـول السقيـمـة . .

وما يلغي التاريخ تظليـل الأغـراب//
.................................................ا لحـر يفهـم والبهيمـة بهيـمـة . .




الشااااااااعر : عبيد الأزمع . . .

[الضيغم]

صح لسان الشاعر وتسلم اخوووي على هالنقل المميز .. .. ..

[أبو فهاد]

صح لسان الشاعر ..



ونقل مميز كالعادة يا ابو نايف ..

[عبدالله محيلان]

حبيت اقتبس واعلق لاكن اقتبس وش واخلي وش كل القصيده رائعه
ماقول الا صح السانك واللسان الشاعر

[السـبيـعـي]

صح لسان شاعرها ولا هان ناقلها

ويعطيك العافيه على نقل هالرائعه

[داعــ العين ــج]

صح لســـان الشــاعر ،،

ومــشــكــور اخوي على النقل الرائــع ،،

[عواد العنزي]

سعد

هلا وغلا

وعاداتك ماتجيب الا الطيب ياطيب

صح لسان الشاعر عبيد الازمع

ولاهنت على النقل المميز

احتراااااااااااااااامي

[سامي الشمري]

الله الله يا سعد على الذوق الرائع


صح لسانك و لسان الشاعر عبيد


تحياتي لك ..

[الاختيار الصعب]

ماجا بدون حساب ماجا له حسـاب//
.................................................و النصر لاجا سهـل مثـل الهزيمـة . .

بيت من ذهب ..

سيحفظه التاريخ

[أبو رائد]

ماجا بدون حساب ماجا له حسـاب//
.................................................و النصر لاجا سهـل مثـل الهزيمـة . .

احدٍ عرق وجهه من الوقت صبـاب//
.................................................و احدٍ عرق غيـره مسبـب نعيمـه . .





الله عليك يا سعد على هذه القصيدة

رااائعة ..فعلا .. سلمت .. والله يعطيك العافية

[ماعاد تفرق]

ماجا بدون حساب ماجا له حسـاب //
.................................................و النصر لاجا سهـل مثـل الهزيمـة ..

احدٍ عرق وجهه من الوقت صبّـاب //
.................................................و احدٍ عرق غيـره مسبـب نعيـمـه ..


عواااايدك يابو نايف ماتجيب إلا الجزلات ...

صح لسان قايلها وسلمت يمين ناقلها ولاهنت

والله يالذيب ....

في أمــــان الله ...