قالوا في حــــــــــائل ..!!

[شمالي]

سـلام يـادار ذراهـا رجالـهـا"="سلام من قلب ترعـرع بجالهـا
سلام احلى من ينابيـع جوفهـا"="اعداد مالسالت شغايـا جبالهـا
دار بها بالجود والطيب والسخاء"="صيت مابين اجواد شرق وشمالها
ومن عهد ابو تركى تمارت بزينها"="شيخ صعيبات الامـور ارتكالهـا
بمصقلات الهند والدين والشـرف"="اسس بلاد يطمئن مـن لجالهـا
واليوم من فضل الالـه انتهضنـا"="مسيـرة التعليـم حنـا عيالهـا
بوجود ابو فيصل درانـا وعزنـا"="اقصى الامانى من طلبها ينالهـا
شهم كريم النفس ماصـك بابـه"="من حدته دنيا الشقا قـال انالهـا
جماعتى شعبى فلا فـرق بيننـا"="ابنا وطن يازينهـا يـوم قالهـا
والا النظافه مـن قديـم نظيفـه"="تشهد لها (الليدى ) نظيفه رمالها
لاشك ماننكـر جهـود البليهـى"="حق علينا نشكر اللى سعى لهـا
ورئيسها الحالى بعيد عن الدنـا"="مانطلـب الا يجتهـد لاكتمالهـا
وختامهـا اعيـد مبـدا مقالهـا"="سـلام يـادار ذراهـا رجالهـا

عثمان المجراد 1406 هـ




يازين حايـل والجبـال المطلـه"="ويازين اهلها بالكرم والطبيعـه
رجالهم قوله هـلا عـادة لـه"="وقوله تفضل والمجالس وسيعـه
من زار حايل يرغبـه مايملـه"="حايل عروس للشمـال وبديعـه
بجبال طى والكرم فـى سجلـه"="من دور حاتم والليـال المجيعـه
نحب حايل من طبيعه هـل لـه"="ومن سب حايل ياملا مانطيعـه
عسى مراهيش السحايب تعلـه"="ويخضر جنابه ويتزايـد ربيعـه
بجهود ملكنا نالت الخيـر كلـه"="ونفوس اهلها بالمعـزة رفيعـه
حصلت لابن عبدالعزيز وحصل له"="قواد سرب الموت يوم الوديعـه
واللى نوانا بسـو ربـى يذلـه"="كيـد بصـدرة بالزهايـد نبيعـه
وكل على ماضيه خيـار الادلـه"="وفهد طبيب اهل القلوب الوجيعه
ياسم على كبدة سـواة الاهلـه"="ويرجع ذليل راضـى بالهزيعـه
ويالله اللـى كـل كايـد تحلـه"="تحفظ لنـا حكامنـا والشريعـه

الشاعر ( غريب بن فهيد الحربى )



احب حايل حب ماهـو طبيعـى"="حب مع الايـام يكبـر مجالـه
احبها من يوم سنـى رضيعـى"="واليوم بعض السود بيض بداله
فى حسنها الفتان وصفى يضيعى"="الله عليها يـوم يـرزم خيالـه
والبرق وسط الغيم يلمع لميعى"="من فوق هامتها وعالى جبالـه
وقام المطر يمكر بجـو ربيعـى"="وطاب التمشى فى رقايق ليالـه
ياسرك منظرها بشكل فضيعـى"="مثل العروسه فى بدايـه ليالـه
خص ليا نطيت فـوق الرفيعـى"="وشفيت فنجال الضحى والبيالـه
وخذت لك سجات مع كل ريعـى"="بارض حباة الله وكمـل جمالـه
من فوق جيب لا نهمته سريعى"="دايم مع الفرجه خفيـف ظلالـه
وخاويت لك طيب وباله وسيعى"="ماهو بخيل ولا يعرف النغالـه
مع خوته تنسى عيالك جميعـى"="يازين لا سولف ويازيـن بالـه
هذا منى قلبى وسومى وبيعـى"="قبل المنايـا ماتحقـق منالـه

الشاعر ( عبدالعزيز بن طلال الصقيرى)


يامحلا القيـلات باكتـاف حايـل"="بظلال طلـح والمكيـف طبيعـى
باكتاف حايل والجبـال الهوايـل"="اللى كما الجواهر حصى كل ريعى
لا صرت بين اللغف وام المسايل"="جليسك السبهـان والا القويعـى
بديار شمـر كاسبيـن النفايـل"="اللى لهم عصم الشوارب تطيعـى
باجاء وسلمى مكرمين السبايـل"="امجادهم من قبـل دور الدريعـى
اللى حموها بالسيوف الصقايـل "="غلبا هل الطولات واهل الصنيعى
اهل الجبل وافيـن ياكـال كايـل"="ولولا الثناء كان القدايم تضيعـى
مافيه شك ولابـى قـول قايـل"="وحشى معشى الذيب فعله يضيعى
وراعى جفيفا من خيار الدلايـل"="وغضبان والمجفى وولد القفعـى
وياما و ياما لو نعـد الفضايـل"="مايحصى الكتاب لهـا والمذيعـى
وادخل على الله مانسب القبايـل"="مار ان شمر لى ربوع وذريعـى
مناثر البـن الحمـر كالنشايـل"="عند البيوت اللى قراهم سريعـى
اهل المناوخ بالسنيـن السحايـل"="ترفع لهم بيض بصـوة رفيعـى
وصلاة ربى عـدد ماقـال قايـل"="على النبى الهاشمـى الشفيعـى

الشاعر( عبدالمحسن الحمود الهذيلى)



مثل الذهب مهما علا فوقها غبار"="يبقى مدى الايـام سلعـه ثمينـه
ومثل المطر مهما المطر هل مدرار"="لو غاب صاحـوا النـاس وينـه
ومثل البحر غلطان من قال غـدار"="موجه يساوى لكل طيـر وسفينـه
ومثل اشتياق الام اشتـاق للـدار"="شوق العمى للشوف بصبى عينـه
دار سكن فيها السناعيـس تنـزار"="غصب على اللى جاحد فى حنينـه
دار الشرف والجود دار لللاخيـار"="مشاعرى وان جت اعبـر دفينـه
للضيف فيها قدر وحقـوق للجـار""ماحد ينام ونفـس جـارة حزينـه
اقولها ولو زرت انا كـل الاقطـار"="حايل مـع الايـام يـزداد زينـه

الشاعر ( عثمان سالم المجراد)


حايل ومن سماك حايـل يحلـه"="ربى من ذنوبه ويحسن جـوارة
حايل زمت من فوق سلمى مطله"="فـوح اجـا اشبهـه بالمنـارة
حايل يحيل الماء بجالـه وظلـه"="فى هجير القيض لوبـه حـرارة
حايـل لهـا درب كريـم يدلـه"="من يعشق الطولات سهل مسارة
حايل خلوج والحيا مرتبـع لـه"="وتسقى عياله من ثمرها خيـارة
حايل لاذكرت فـلا مـن يملـه"="طاريك يـادار الهنـا والطهـارة
حايل سهلها والجبـل شاهدلـه"="بالطيب والنخوة سقى الله ديـارة
حايل شهد لها مغترب عانى لـه"="حتى الهوى فيها قليـل غبـارة
حايل ومن جاله يـزورة يعلـه"="يلقى بها طبع السخاء والظفـارة
حايل وسبحانه الهى جعـل لـه"="حـب بقلبـى مايهـدم جـدارة
حايل عسى الوابل مديـم يبلـه"="زهر النفل يخلط بياضه صفـارة
حايل بها الغالين والحـب كلـه"="يسكن بجنب السور شرق الزبارة
حايل غدت مثل العواصـم بدلـه"="تزهى مع الخفرات زين وتضارة
حايل تزين الزين والزيـن كلـه"="وكلما اندفع بالزين ماهو خسارة

الشاعر(محمد العلى الجارالله)



منقول
دمتم بخير
شمالي ..

[abw_slman]

احـب حايـل حـب ماهـو طبيعـى"
"حـب مــع الايــام يكـبـر مجـالـه

تستاهل حايل كل ذا الوصف وأكثر ديرة حاتم
يعطيك العافيه على ها النقل وتسلم يمناك

[أبو حاتم ..!]

للضيف فيها قدر وحقوق للجار"
..................................."ماحدٍ ينام ونفس جارة حزينه
اقولهـا ولـو زرت انـا كـل الاقطـار"
"حـايـل مــع الايـــام يـــزداد زيـنــه





انا اشــــــــهد . . . ياجدي ياحائل . . .


مشكووووور يالشمالي . . .لكن الله يهديك هيّضتنا على حائل . . .




. . .

[نجم]

حــــائـــل بــعــد حــيي

تسلم والله على النقل الرائع

صح لسانك ولسان الشعار

دمت بحفظ الله ..

[طليفيح]

السلام عليكم ورحمة الله وبركاتة
عـــــــــــــزالله قـــصيد على كـــيف كيفك
يعطيك العافية وماقصرت

[غرك زمانك]

يعطيك العافيه على هالقصيد الطيب وحايل تستاهل عروس الشمال يسلمووووووووووو

[ابتسـ ألم ـامة]

http://www.alraidiah.net/up/ar/alm1.gif


:101: هلا وغلا شمالي :101:



نقل متميز


لكلمات رائعة


صح لسان الشاعر



وسلمت يمناك لاختيارك المميز




دمتم بود


:101: وعلى الخير بإذن الله نلتقي :101:

http://www.alraidiah.net/up/ar/alm2.gif
كلمــات مــن ذهــب

كل شيءٍ بناؤه أصعب من هدمه إلا العادة
وكل شيءٍ يبدأ صغيراً ثم يكبر إلا المصيبة

[شمالي]

ابو سلمان
مشكور على مرورك هنا

***
سعد فريح الغيثي
مشكور على تواجدك هنا في صفحتي المتواضعه

للضيف فيها قدر وحقوق للجار""ماحد ينام ونفس جارة حزينه
اقولهـا ولـو زرت انـا كـل الاقطـار"
"حـايـل مــع الايـــام يـــزداد زيـنــه

الـــشـــاعــــر ( عـــثـــمــــان ســـــالــــــم الـــمــــجــــراد)

ونعم بهذا الشاعر
ابو عبد الرحمن


****
نجم
صح بدنك بالنيابه عن عمي ابو عبدالرحمن

دمتم بخير

[الاختيار الصعب]

حائل والعقال مايل

شكراً لك ..

[أبو رائد]

سلمت .. والله يعطيك العافية

على هذا الموضوع .. وهذه القصائد الرااائعة فعلا

وحائل تستحق الكثير والكثير

[شمالي]

الاختيار الصعب
الف شكر لك على تواجدك هنا

...

ابو رائد

ربي لا يحرمن من تواجد يالغالي
كل الشكر لك
دمتم بخير