رديه بين الامير طلال الرشيد وفهد المساعد

[طليفيح]

السلام عليكم ورحمة الله وبركاتة

طلال الرشيد :

صديق الطفولة وش جرى لك مع الايام

هي انصفت دنياك ولا انت بك مثلي

فقدنا ملامحنا مثل ساير الانــــــــــــام

عبث بنا جور الزمن والزمن يبلـــي

وقفنا جميع وبيننا حاجز الاعــــــــوام

صعيب وصولي لك وصلــــــــــي

وانا اشوف في وجهك طريقٍ غشاه عتام

وذاك النخيل واشوف دارك ودار اهلي

وسدرةٍ هي اكرم من اهل بيتها اللـــــوام

وفي وجهك اصحابي عصى مدرسي وفصلي

وعودٍ كبير ودايم فالظلال ينـــــــــــــــام

في ذكرياتي له بعد ملمح وجلــــــــــــــــي

وسورٍ كتبنا فيه ذكرى عبث واوهــــام

ولي في عيونك صورةٍ زانها جهلــــــــــي

بثوبٍ تبلل بالمطر والتراب وشـــــام

وانا احب اسير العب وهي حافيةٍ رجلي

انا وانت طفل وطفل دايم رضا وخصام

بكانا سهل والضحكة امرٍ بعد سهلـــــي

دعاني بوجهك نادهٍ ينده الاحــــــــــلام

معه رمحٍ مدري هو علي غاضبٍ اولجلي

انا كيف اباصل والامل خلف مو قدام

كثير الاسى والسهد يامن فعل فعلــــــــــي



فهد المساعد :

فقيد الرجولة وين حطت بك الاقدام

انا ماتخيلتك تزور اللحد قبلي

عقيد الطنايا شيخ شمر ذرى المنضام

حفيد الجنازة بلوة الي بلا المبلي

عقيدٍ لقومك بس تبكي عليك اقوام

من الساحل الشرقي الى الساحل القبلي

انالاذكرتك طاح راسي على الاكمام

اسولف لقلبي عنك وابكي على مهلي

اسولف عن اول مرةٍ جيت قبل العام

وشفتك بعيني مثل ماكنت في عقلي

امير وعظيم وشاعر وفارس ومقدام

سجَِِل البياض اللي بنقش الذهب مطلي

سنافي شهم فزَاعٍ لا قام يعني قام

يغيث الضعوف ولا يقول الوبل وبلــي

طلال الشهامة نكست من عقبك الاعلام

الا من قتل خيَال وش نفعة الرجلـــــي

طلال الاوادم كلها من لحم وعظــــــام

تعيش وتموت بصمت تالي ورى متلــــي

عداك انت يامن عشت عمرك عظيم اشمام

وقفت فمماتك تنتخي من نوى قتلي)

رحيلك بنى للحزن وسط القلوب خيام

ووداعك جعل كف الثرى بالدمع مملي

عسى من لبست لخشيته فرمضان احرام

ودعيته (يارب اكرم نهار الحشر نزلي)

يعوضك عن دنيا بها حاسد ونمـــــــام

ويرفع مقامك عن مقام البرى السفلــــي


منــــــــــــقول

[الضيغم]

الله يرحمك يا ابن رشيد .. .. ..


وصح لسان الشعار وتسلم يمناك يابو فهد .. .. ..

عزالله خوووش قصيده يالذيب .. .. ..

ماشالله عليك هاليومين عشره على عشره .. .. ..

[غرك زمانك]

مشكور طليفيح على القصيده لامير طلال الرشيد الله يرحمه ويدخله فسيح جناته ومانسى الشاعر المعروف فهد المساعد اللذي اطربنا بكلماته الطيبه

للك الشكر والتقدير.......

[الريم]

قصديه ولا اروع

< بكـــت :(

مشكور اخوي على هالقصيدهـ ..

تحــياتي لكــ

الــريــم

[نجم]

صح لسانك الشاعر المرحوم أبو نواف والشاعر الكبير فهد المساعد

شكرا لك على النقل سلالالام ...

[شـــقـــاوي]

يعطيك الف عافيه على النقل

[الـرـوـوـوح]

الله يرحمك يا ابن رشيد .. .. ..


وصح لسان الشعار وتسلم يمناك يآطليفيح .. .. ..

بصرآحه قصـيده حـززينه ): .. .. ..

ننتـظر جديدك .....