((( ديوان الشاعر منصور الرمالي )))

[غرك زمانك]

ياهم يلي فـي خفـا خافقـي طلـت********ارحل ترا منصـور قـرب رحيلـه
ياهـم جانـي ماكفانـي وحصلـت ******** جسمي قضاء .. وعظام جسمي نحيله
ياهم انا اخفيتك بصـدري ولا زلـت ******* اخفيك خوف اهل النفـوس العليلـه
اخاف قول اللي يقولـون لـو قلـت ********* اللـي سوالفهـم عـراض وطويلـه
لو حملـوا سلمـى مثـل ماتحملـت ********** صاحت ل أجا من جور حمل تشيلـه
ولو ان سنجار الجبل شـال ماشلـت ******* مبطي شكا ضيـم الحمـول الثقيلـه
اصبر ولو شفت الزمن مال ماملـت ******** واقول يمكـن يعتـدل عقـب ميلـه



جليس الشمــــس







ارحم جليس الشمـس ياجالـس الفـي******** يرجي لقاك .. ولا حصل منـك لقيـاء
ان صرت ماسوى في حياتك ولا شـي *******انت الحياة .. وغيرهـا شـي واشيـاء
يا أقفيت ياقف نبض قلبـي وانـا حـي ********ومع رجعتك .. ترجع حياتـه ويحيـاء
ارفق بحال اللـي كـواه الجفـا كـي ********** واسق العرق اللي لهـا وقـت ضميـاء
العيـن دمعـه دم .. ماعـاد بـه مـي *********** وان طال هجرك .. صارت العين عمياء
واعرف ترى مبداي .. في دنيتـي ذي ******** الفاء .. والاول واو .. والثالـث اليـاء


في مركبي





هذا انـا وابقـا انـا … ماتغيـرت *******مبـداي ثابـت ماتغيـر طبـوعـي
لا . لاتحسب انك على قلبي اثـرت *****أو تحسب اني من فراقك جزوعـي
لاتحاول اخضاعي ترانـي تجبـرت ******وأبعد عليك مـن الثريـا خضوعـي
البادي اظلم وانـت بالظلـم كـدرت ******صفو المحبه بيننـا رغـم طوعـي
واليـوم يالغـدار لفراقـك اختـرت *******ولاعاد تذرف لـو توفـى دموعـي
عن عالمك ياخاين العهـد هاجـرت ******واعطيتك الايضاح عن ذات نوعـي
في مركبي عن جاير امواجك ابحرت****** خلاص مابعـد ارتحالـي رجوعـي

صرختــــــي






انولدت ابكي وانا مـادري واصيـح ******** صرختي كانت .. ليـوم ادري نـدا
صرختي كانت وانا مـدري صحيـح ********ترفض اول يوم مـن عمـري بـدى
صرختي قبل انجرح صرخة جريـح ********وانجرحت وصرت للصرخه صـدى
يحسدونـي يحسبـونـي مستـريـح********** مادروا بي مـن ردا رحـت لـردى
ان جلست احترت !! وان وقفت اطيح****** والامـل دونـه مسافـات ومــدى

[غرك زمانك]

قصتي قــصه

قصتـي قصـه بدايتهـا العـذاب ****واخرتها الموت فـي دنيـا عنـاي
الشقا لي بيـت والحرمـان بـاب*****والخيال فراش واحزانـي غطـاي
اصبح الدخان لـي زاد وشـراب****والسهـر بالليـل والونّـه جـداي
حاضري لاشيء والماضي سراب****وكل من ناديـت مايسمـع نـداي
في شبابي من عناي الراس شـاب*****والله اعلم كيف ؟؟ انا عشت بصباي


سيناريو حبـــي





سيناريو .. حبي معك فلم كرتون ****تجي النهايه ماعرفـت البدايـه
قصة غرام بين فاتـن ومفتـون******صارت ودارت بينهم دون غايه
قصه غريبه بين عاقل ومجنـون******وصاروا مجانين سـوا بالنهايـه
تفرقوا صدفه وماكـان يـدرون*******وتقابلو صدفه !!! بدار الرعايـه
قصة غرام كلهـا الام وحـزون*******احسن لها تنشر ونعمـل دعايـه

عسى وليف الروح




ابغى لقاه وهو يبي قـرب لقيـاي*****واصبر وانا تصلا الضمير الملايل

ياناس هذا هو بـلا القلـب ودواي******وهذا هو اللي لجله الدمـع سايـل
هذا هو اللي عشت لجلـه بدنيـاي*****وهذا الذي ماريـد غيـره بدايـل
قريب اقرب من يسـاري ليمنـاي******وابعد من الدوحه عن جبال حايـل
ابو ه وامـه مايطيقـون طريـاي******حالوا عليـه ولا تجيـه الرسايـل
ويامن يساعدني على حـل بلـواي*****عيت معي تجدي جميـع الوسايـل
وعسى وليف الروح يسمع بشكواي*****وليته باريج الشرق يقـرا الدلايـل

حلفت انا ما اشكـــي





حلفت انا ما اشكي على الناس همي****الا . على رب البشر جالي الهـم
عناي انا ماشكيه حتى علـى امـي*******لو كان مابه حي .. ارحم من الام
وعندي خبر صفو الزمن مايتمـي*****لو يستمـر سنيـن وشهـور ماتـم
دنيـا تفـرق ياسـعـد ماتلـمـي********شره يعم !! وخيرها خـص ماعـم
ياخوك انا منها ارتفع ضغط دمـى*****حتى نحلت وصرت عظم بـلا دم

[غرك زمانك]

أمر مٌر مَر


امّـر مٌـر مَـر فـي دنيتـي لـي*****وامَر مٌـر مَـر لـي فـي حياتـي
ليا جاني العاني وانا مامعـي شـي*****ودي تجينـي قبـل ياتـي وفاتـي
ان اعتذرته ضن ضـن الـردا بـي******وانا الردا ماهو صفه مـن صفاتـي
اضحك واهليبه وانا منكـوي كـي******من خوفي التقصير فـي واجباتـي
ومن لااشتهر بالجود صيته وهو حي****ماطالع له صيـت عقـب المماتـي



ان مارحمت الحـال


لاتترك المجروح يشكي .. ويشقـا******واعرف ترى كثر الجفا منك جراح
وان مارحمت الحال وش عاد يبقا*****غير الرحيل لعالم فيـه .. نرتـاح
كـل يـدور عـن حبيـب ويلقـا******شخص بلقياه الهواجيـس تنـزاح
ومي البحر لو منه الزرع .. يسقا*****يموت حتى لو يحاضيه .. فـلاح


كيف ابا انسى !؟

قالوا انسه قلـت ثامـن مستحيـل******يصبـح النسيـان للعاشـق عـزا
قالوا تلقا غيـر محبوبـك بديـل*******قلت حبه في لجـا جوفـي لـزا
حالف مانساه الى يـوم الرحيـل*****ولا تناسا الزين لو عشـت بـوزا
كيف ابنسا ؟؟؟ من معي سوا جميل****والـردا للطيـب مايصبـح جـزا
بالوليف الحلـم ياتـي كـل ليـل********وكل مارقد في منامي لـي غـزا


هي وحدهــا


لاتسألونـي عـن عنـاي اسئلـوهـا******ولاتسألونـي ياهلـي ليـه مكسـوف
هي وحدها تعـرف بـلاي انشدوهـا*****وهي وحدها اللي عندها السر مكشوف
والياعرفـتـوا علـتـي عالجـوهـا*******وعلاج خافـي علتـي ياهلـي نـوف
والكـان ماتقـوون بـس اخبـروهـا******في حالتي قولوا تجي ! يمي تشوف !!

[سامي الشمري]

امّـر مٌـر مَـر فـي دنيتـي لـي*****وامَر مٌـر مَـر لـي فـي حياتـي
ليا جاني العاني وانا مامعـي شـي*****ودي تجينـي قبـل ياتـي وفاتـي
ان اعتذرته ضن ضـن الـردا بـي******وانا الردا ماهو صفه مـن صفاتـي
اضحك واهليبه وانا منكـوي كـي******من خوفي التقصير فـي واجباتـي
ومن لااشتهر بالجود صيته وهو حي****ماطالع له صيـت عقـب المماتـي


شمووووووووووووووخ ..


رحم الله منصور ..


و رحم الشعر من بعده ..!!


غرّك زمانك ..


أنا هـــُـنـــا مـُـتابع ..


:101:
:101:

[غرك زمانك]

لو جو صــدري


لو جو صدري صار للمملكـه جـو*****ماتوا ضمـا سكانهـا فـي ثوانـي
ولو كان صدري للبشر مصدر الضو****باشعاعه احـرق ساكنيـن المبانـي
ياناس مهما الناس صاحـوا وعانـو****مافيه ابـد مخلـوق مثلـي يعانـي


محتار فيك اليوم


محتار فيك اليوم واحتـرت مبطـي*****وش قصتك بالضبط ؟؟ حيرتني فيك
تخطي تجيني تعتـذر ثـم تخطـي*****وتزعل وترضا قبل اجيلك واراضيك
اطلبك ماتعطـي وتبغانـي اعطـي*****وياما عطيتك بس ماعـدي اعطيـك
واحكي معك باسلوب للصوت اوطي****وانت بكلامك تزعج اللي حواليـك
لاشك رايح نكشـف اللـي تغطـي*******وافهم حقيقة حاضرك قبل ماضيـك
بقلبي سطيت ورايح بقلبـك اسطـي*****واخذ بثار جـروح قلبـي واخليـك


مالي جـــدى

ارجوك خل البـاب يازيـن مفتـوح******لاتقفله في وجه مـن جـاك عانـي
ألطف بروحي يابعـد كـل مملـوح*******جفيتنـي والنـوم بعـدك جفـانـي
مالك وزين وبالغلا اغلى من الـروح******لك خافقي من دون غيـرك دعانـي
مالي جدى غير السهر منك والنـوح******من يوم ربـي فـي غلاكـم بلانـي
حيران فيك ولا اقدر امشي ولا اروح*******واسري مع الهاجس وانا في مكانـي
شفني جريح وضمّدو جرح مجـروح********والا اتركن لاتجرحن جـرح ثانـي


سئلت بالهاتف


ما الوم صدري لو تضايق وانا ضقت*******دام الفضا رغم اتساعه علي ضـاق
ياناصر من رحت اتصـل ماتوقفـت********حظ السعاده ما سعى لـي بالاوفـاق
سئلت بالهاتف عن اللي لـه اشتقـت******من زود ما بالقلب من ود واشـواق
قالوا حبيبك من وفاته مضى وقـت*******عنّا وعنّـك بـدل القـرب بافـراق
كذبـت ماقالـوا ورديـت صدقـت********وعند الكبينه طحت انا وسط الاسواق
بغيبوبتي مضيـت يوميـن مافقـت*******واللي فقد نصفه معذب ولـو فـاق
للموت من شي جرالـي ؟؟ تشفقـت*****عفت الحياة وصرت للقبـر مشتـاق
وياخوك عقب صويحبي للكدر ذقت******وياليته العايش وانـا ذقـت مـاذاق

[غرك زمانك]

تصيح من وضعك


وافق معي وارفق بشخص لكم طـاع*****والطف بذات ينتظـر لطـف ذاتـك
الحق غريق في بحر حبكـم ضـاع*****وانقـذ حيـاة اللـي تهمـه حياتـك
تصيح من وضعك وانا اعيش باوجاع*****اخفهـن لوجـاك سبـب وفـاتـك
عطني شقى عمرك وهمك والاوجاع******خوذ السعـاده واعطنـي مشكلاتـك
واحرق بقلبي واترك القلـب يلتـاع********ولا تترك ........ يحـرق شفاتـك
الله خلقك وبك خلـق سـر الابـداع********ملاك ماحد به صفـه مـن صفاتـك
ياا عز واغلى خلق ربي على القـاع******وشلون انا اسهر منك وانت بمباتك ؟؟
انا وفي ويوم الوفا يالوفـي ضـاع*******وابغى وفا واعطيـك كـل امنياتـك
اموت منك ولك ترى القلـب مابـاع*******وابعث بعد موتـي معـي ذكرياتـك


يابو قاسي



يابو قاسي شفت .. ماشفتـه وعفـت*******عفت من ماشفت انـا حتـى النظـر
ان ظحكنا يـوم عشـر ايـام زفـت********وان رقدنـا ليـل .. مانمنـا شهـر
يابو قاسي من زمـان اليـوم خفـت*******وصرت اخاف .. من ايتسامات البشر
لاتلومن لـو عقـب قـوه ضعفـت*********ولاتلـوم القلـب ماقلبـي صـخـر
يابـو قاسـي فـي بـلاد الله طفـت********واغتربت وشبت في سـن الصغـر
راس مالي مـن ورا الدنيـا عرفـت*****اننـي مخلـوق لجـل اشبـع قهـر


يانفس صبــــرك





ياقلـب مـادام الزمـان متحـديـك*****اصبر على ميلات وقتـك وجـوره
ويانفس صبرك والفرج عند واليـك********كونـي علـى ماقـدر الله صبـوره
هـذي هـي الايـام لابـد تسقيـك**********عقب الحلا كاس الكدر والمـروره
وهذي هي الاقـدار لابـد ترميـك*******من بـره الامـن لمظلـم بحـوره
لاتجزعـي دام الممـات متقفـيـك*******وكوني على صعب المواقف جسوره
ولاتيئسي مـن رحمـة الله يخليـك******الله هو القادر علـى حـل امـوره

[غرك زمانك]

شـــــــــــــاكرين مــــتابعتك اخـــــــــوي سامي الشمري

[طليفيح]

حي القصيدة وحي رااااااااااااااااااااااااااااااعيها

يعطيك العافيه اخـــــــــوي غرك زمانك على قصا يد المرحوم منصور سعدي الرمالي الشمري


عنـــــــــدي اضـــــــافه قصـــيده


الـــقصر



يانجم يالي غبت من غبت ما بنـت *******وش حال بين ايـام مجـدك وبيـك

الشمس تطلع واسئل الصبح وين انت*****وتغيب شمسي واسئل الليـل وينـك

وين انت انا مناهن مناهن لا هنـت******منهان من شخـص عجـز هينـك

ارجع متى ترج ان انهنت وسجنـت******والي سجنـي كـان جـده سجينـك

ارجع ورجع مجد ماضي كما كنـت *****ورجع من المديـون للنـاس دينـك

با السيف في شبه الجزيرة تسلطنت ***** واخضعت اهلهـا وملكنـه يدينـك

ياقسي في وجه الاضداد مـا لنـت******** من عاشرك ينعـم بعطفـك ولينـك

مثلك ولـد والله فـلا جابـت بنـت ******* لاشـك عيـن يمهلنـك سنينـكـك

اقولها وينـك وانـا دل ويـن انـت ******* لاشك من زوود القهر قلـت وينـك

ياقصر يالي بدلـوا طينـك اسمنـت *********احذر وتخون وتنكر اصحاب طينـك

الله يخونك كان لأهل الوفـا خنـت********ووفيـت للـي بالخـفـا خاينـيـك

ياقصر لا تسكن واذا اضمت واسكنت*****اخفس قهر واخفس معك ساكنينـك

[فـتـــــــــون]

ارجوك خل البـاب يازيـن مفتـوح******لاتقفله في وجه مـن جـاك عانـي
ألطف بروحي يابعـد كـل مملـوح*******جفيتنـي والنـوم بعـدك جفـانـي
مالك وزين وبالغلا اغلى من الـروح******لك خافقي من دون غيـرك دعانـي
مالي جدى غير السهر منك والنـوح******من يوم ربـي فـي غلاكـم بلانـي
حيران فيك ولا اقدر امشي ولا اروح*******واسري مع الهاجس وانا في مكانـي
شفني جريح وضمّدو جرح مجـروح********والا اتركن لاتجرحن جـرح ثانـي



رائع

ياصديقي


سلمت الأيادي

[أبو فهاد]

آآآآآآآآآآآآآآآآآآآآآآآآآآآآه يا الإبداع ..



مليوووووووووووووووون شكر يا غرك زمانك ...





موضوع متميز بدون شك .. وستجده في أعلى الصفحة من المواضيع المميزة لهذا الشهر ..

[غرك زمانك]

تسلم اخوي ابو فهااااااااااد وهذا شرف لي انك اعجبت بهذا الموضوع

مع خاااااااااااالص تحياتي..........

[غرك زمانك]

تسلمين ياااااااااااصديقتي فتون على مرورك

لكي خااااااااااالص تحياتي

[غرك زمانك]

حياااااااااااااك اخوي طلفوحي مشكور على القصيده

لاهنت...................

[ناصر الشمري]

مشكور اخوي غرك زمانك على القصائد المميزه ولك خالص تحياتي

والشكر موصول لاخوي طليفيح على قصيدة ( القصر ) ويستاهل الموضوع

ان يكون مميز يا ابو فهااااااااااااااااااااااد

[شـــقـــاوي]

ان مارحمت الحـال


لاتترك المجروح يشكي .. ويشقـا******واعرف ترى كثر الجفا منك جراح
وان مارحمت الحال وش عاد يبقا*****غير الرحيل لعالم فيـه .. نرتـاح
كـل يـدور عـن حبيـب ويلقـا******شخص بلقياه الهواجيـس تنـزاح
ومي البحر لو منه الزرع .. يسقا*****يموت حتى لو يحاضيه .. فـلاح

الف شكر اخوي غرك زمانك على الديوان

[غرك زمانك]

تسلم اخوي ناصر الشمري ولاهنت على مرورك وردك يالغالي

[غرك زمانك]

هلابك اخوي الشقااااااااوي العفو ماسويناااااااا شي تستااااهلون اكثر من كذا

[نواف الفهاد]

:
:

الغالي ..!
غرك زمانك ...........!!

:
:

أدهشت القلوب .. !
بـ تواجدك المميز .. في هذا القسم ...!
وذوقك الراقي جداً .......!!

:
:

لك كــل الغلا ..!
سلالالام ..!

[غرك زمانك]

نواف هلابك ولاهنت على مرورك يااااااااااااااقلبوووووووووه

[عامر999]

ارحم جليس الشمـس ياجالـس الفـي******** يرجي لقاك .. ولا حصل منـك لقيـاء
ان صرت ماسوى في حياتك ولا شـي *******انت الحياة .. وغيرهـا شـي واشيـاء
يا أقفيت ياقف نبض قلبـي وانـا حـي ********ومع رجعتك .. ترجع حياتـه ويحيـاء
ارفق بحال اللـي كـواه الجفـا كـي ********** واسق العرق اللي لهـا وقـت ضميـاء
العيـن دمعـه دم .. ماعـاد بـه مـي *********** وان طال هجرك .. صارت العين عمياء
واعرف ترى مبداي .. في دنيتـي ذي ******** الفاء .. والاول واو .. والثالـث اليـاء

مشكور اخوي غرك زمانك على الديوان الرائع لشاعر منصور الرمالي

[غرك زمانك]

هلابك اخوي عاااااااااامر وشكرين لمرورك