المساعد الشخصي الرقمي

مشاهدة النسخة كاملة : ارسلت انا لجبال حايل سلامي

ابو سكب
21-09-2006, 09:50 AM
ارسلت انا لجبال حايل سلامي =
يوم الغلا والشوق والشمس عشاق

حايل ..بعشقه ينتهي بي كلامي =
ورقيت انا في عشقها كل الآفاق

لاتنشدن يالايمي وش علامي =
حبيتها من هامتي ..لاسفل الساق

حبيتها واسرفت له من غرامي =
ومن زودشوقي له غدى الشوق مشتاق

بيني وبين الشوق شبه احتدامي =
يكمش وريد القلب والقلب صفّاق

اشوف انا صديانها في منامي =
واشوف باحاته على كل الاوراق

واشوف اجا ورمان وهاكالعصامي =
وبرزان يضحك لي وانا بالوصل عاق

حايل ..تهدّي..واستريحي ونامي =
دام القدر ياحلوتي صار ..سراق

دام القدر سوّا سوات الحرامي =
لابد مايسمحلي الوقت ..بعناق

يالايمي وشلون مثلي يلامي =
وشلون ينلام الضحى بحب الاشراق ؟!

والسلام
:101:
شـــقـــاوي
21-09-2006, 03:00 PM
أخوي ابو سكـــب ...

الف شكر على القصيده الرائعه ...


مع خالص التحيه والاحترام ...
أبو رائد
21-09-2006, 11:55 PM
ابو سكب

سلمت على هذه القصيدة الرائعة


والله يعطيك العافية
أبو فهاد
22-09-2006, 03:15 AM
أوووووووووووووووووووووه .. يا ابو سكب ..




وش هالإبداع ..





الله يعطيك العافية على النقل يا مبدع ..
غرك زمانك
22-09-2006, 03:51 AM
ارسلت انا لجبال حايل سلامي =
يوم الغلا والشوق والشمس عشاق

لاهنت يابو سكب على القصيده