فكاهة الشعر

[الساجدة لله]

السلام عليكم ورحمة الله وبركاته0

اقصد بطعم الفاكهة-----------

اليكم وعلى السريع هذة القصيدة التي تقع من طرائف الشعر يلحقها رد عليها من شعراء بلادنا ----------

واللي عندة غيرها ينزلها وسانزل كل ماقرأت بهذا المجال-----------------------

القصيدة

>

<

>

قال الذي بطنه من الرز مليان ....... يلهم من المزه على غير قـــادي

عمره وصل خمسين ماذاق قرصان ....... ولا ناظر المرقوق وسط البوادي

يدربي كرشه ويزنت بليهان ........ وان قلت له وين انت به قال غــادي

ماهو بمثل اللي مر دكان ......... شرى طحينيه وخبز وزبـــادي

سليمان البخاري

الـــــــــــــــــــرد

حي الكلام اللي منقيه فنـان .......... اللي بتكريم البشـاور ينادي

زدني نهم زدني عطش زدني ادمان ......... زدني كسل زدني جهل بالنـوادي

بكيت متأثر وغنيت طربان .......... ياريحة العنبر ســـرت في فـــــؤادي

اسمك لنا ياطيب الفال عنوان .......... مثل العلم بين الحضر والبـــوادي

خلك بشانك واترك الناس تشتان ......... بالضغط والسكر ونم وانت هــادي

لين اتغدي كنك دعايات ميشلان ........... ماعاد تقدر تلتـفت للمنـــادي

أم عبدالرحمن

[سامي الشمري]

أشم ريحة كبسة ..!!


أم عبد الرحمن ..!!


قصيدتين رائعتيـن ..


صح لســانك ..


و لســان الشعراء


و سلمتِ على النقل الجميل


تحياتي لك ِ

[نواف الفهاد]

:
:

" الساجدة لله " .....!!
في كل مرة .. ألمح هذا .. الأسم ... !!
أراهن .. أن مساء الرائدية ..!!
أجمل .. / .. وأنقــا ..!
وبــ بهاء ..!!

:
:

شكراً .. لــ كل هذه الحروف .. !!
ولـ هذه المساحة ....!
المبهجة ....!
هنا ..!

:
:

تقبلـــي تقديري ..!
سلالالام ..!

[الساجدة لله]

استاذ سامي الفاضل ، استاذ نواف الفهاد الفاضل0

اشكر مروركما وتفضلكما في الرد0

[VIP]

رائع مانقلتي اختي

بارك الله فيج

[الضيغم]

الله يوفقك الساجده لله .. .. ..

حلووه القصائد الطريفه .. .. ..

وبأنتظار المزيد من مشاركات الأعضاء .. .. ..

[ماعاد تفرق]

ياهلا فيك يالساجده لـله ....

وفكره جميله جدا" ومميزه وأتمنى من باقي الأعضاء المشاركه ...

وأنــا عندي أبيات بس كالعاده ما أعرف إسم الشاعره واللي تشتكي فيها

من دلاخة حبيبها وإنه إنسان بلا مشاعر .... تقول :


لي صاحبٍ منه تبي تطلع الروح ....
............................... خبـلٍ ... ومن هي مولـعه فيه خبلـه ...!!

عـامين ألمحّ له مع الجد ومزوح ....
............................. وأقول : يـــا عنتر ... تناديك عبــلـه ...!!

طال الغباء ثم قلت أنا أغليك يالوح ....
............................ مجرووووحةٍ جــرحٍ مخـاطره عجـله ...!!

دنـَّـــق وقال أنا من العام مجروح ....
.......................... وأشـَّر لـ جــرحٍ مبطيٍ وسط رجـــــــله ...!!

[أبو رائد]

سلمتِ يا الساجدة لله

على هذا الموضوع المميز

والله يعطيك العافية

[الــســامــر]

يعطيك العافيه يا أم عبدالرحمن

قصايد فعلا فكاهية .. ويعطيك العافيه

وصح لسانك

أشوفك..على ..خير..!

ســلام

[الساجدة لله]

اهلين ، اشرقت صفحتي بردودكم المتميزة ،


اسفة على التأخير

واليكم :-

يامرحبا بك عدد ماطار تمساح .... او عدد ماتـنقش سنون نعامه

او عدد مايزعل على الموز تفاح .... وعداد قشر في بعير وسنامه

او دب امعط لابغى يطير ماطاح .... الا بجــرف بعيد ولا عــدامه

والا خروف دايم الدوم نواح .... ضيع ثغاه وجاب صوت الحمامه

على عشير كن زوله لاراح .... كنغر وشكله مايعرف الوسـامه

ماشافني وانا مع السوق رواح .... صد وتركني بين شبه وعلامه

الله يخلف على العشير وعشيره ، (مسكين ناقل داه برداه) <---------------بالعامية ---------

[سامي الشمري]

لي صاحبٍ منه تبي تطلع الروح ....
............................... خبـلٍ ... ومن هي مولـعه فيه خبلـه ...!!

عـامين ألمحّ له مع الجد ومزوح ....
............................. وأقول : يـــا عنتر ... تناديك عبــلـه ...!!

طال الغباء ثم قلت أنا أغليك يالوح ....
............................ مجرووووحةٍ جــرحٍ مخـاطره عجـله ...!!

دنـَّـــق وقال أنا من العام مجروح ....
.......................... وأشـَّر لـ جــرحٍ مبطيٍ وسط رجـــــــله ...!!



هذي للراحلة المرحومة / عابرة سبيل


يعطيكم العافية

[الساجدة لله]

اهلين ابو دانه>>>>>>>>>> مدري بنته ولا اخته >>>>>>>> تجهل صلة القرابة >>>> مهم الله يحفظها ويخليها.

اشكر مرورك اخي الفاضل واليكم:

ضيدان ماودك نشكل عصابة ... نحتل بعض بنوكها والمحلات

ام يجي لي ولك قدر ومــهابه ... والا تبـــيـتــنا بيات الشريفات

والرجل ودك يشتهر في شبابه ... بالطيب والا بالعــلوم الرديات

ولا يهتـني ف اكله ولا في شرابه ... الين تطلع صورته بالمجلات

سعد بن عبدالله الهتلاني العجمي

الـــــــــرد

لا تحسب انا ياسعد وسط غابه ... هاللي تراوى لك تراهن عمــارات

وموضوعك اللي جبت كله غرابه ... والظاهر انه سابع المستحيلات

واخاف لاتـنبح عليك الكلابه ... ثم هات نسلم من مخاليبها هـــات

يابوك ماعمري دخلت النيابه ... ومن العمر مابقى كثر مافــات

وان كان تبغي الرأي قبل يغدا به ... من واحد جرب جميع الحيلات

خل الخطب للي يعرف الخطابه ... نهارنا شمس وفي الليل لمـبات

ضيدان بن صبحان العجمي