المساعد الشخصي الرقمي

مشاهدة النسخة كاملة : مســاحــات ( حرّة ) ..!!

سامي الشمري
04-10-2006, 10:00 PM
.
من يجيد إتقـان الحرف ..

لا يبخل عليـنا بالمشـاركة هنا

بشرط أن تكون من كتابته ..

:101:
.
.
.
بدايـات الرحيل .
.
من هنا .. كانت بدايات الرحيل ..!!
......................... و من هنا .. كانت نهايات الوله ..!!
راحلا ً عنّك .. مدامك مُستحيل ..!!
....................... راحلا ً حبـــك ... .. مدامك تجهله .!!
.
.

الغيـَـاب
.
دمــع الغيـــّـاب اللي سكنّ داخلي " ســَــال "
............................ من بعد ماغبتي ... طرى طــاري العــزف ..!!
لا تسأليــني في غيــــابك عن " الحـَــال "
.............................. أنا جروحـــي .. كلــهــا ( نزف × نزف ) ..!
.
.
ضــايق .
.
الحــال .. في بعـض المخاليق ضايق ..!
.............................. و الحـــال عندي .. ضايقً خمسة أعوام ..!!
أن قلت لك " فرحان " أو قلت رايق ..!
............................ أكذب عليك .. ... الحــال ضايق .. ولا أنام ..!
.
.
عايش بـ لا شيء ..!!
.
دمـع الهجـر .. زخ المطر .. داخلي فيّ
..................................... إذا رحلت .. أسكن معك في عيونك ..!!
عمرك سمعت بـ شخص .. عـايش بلا شيء .!!
................................. هــذا " أنـا " عــايش حيــاتي بدونك" ..!!
.
.
غـُــربـه
.
غـُــربـه .. و عارف كيف عايش بـ غـُـربه ؟
.............................. ساكن وطن .. لكن يخون المحبيــن !!

.
.
:101:
سامي الشمري
04-10-2006, 10:01 PM
.
.

الغريـــــــب
.

مع مرور الوقت .. أبكي للزمــن ..!!
............................ و الزمــن .. يبكي .. على حــال " الغريـــب ..!!
ما دريت أن الحيــاة .. بلا ثمن ..!!
.......................... ليـــــن .. شفت النــــور ... شعّ .. بلا نصيب ..!!

.
.
.
سامي الشمري
04-10-2006, 10:08 PM
ضيـــــَــاع .
.
.

هنا كان الشموخ و عزة النفس و الوسواس ..!
............................. هنا كان الشعور أكبر من اللي كــّـذب أحلامي ..!!
هنا .. مدري هنا .. مدري هنا .. تضيع الناس ..!!
.............................. هنا ضاعت بي أحلامي .. هنا ضاعت بي أيامي !!
هنا ...ضاقت بي الدنيــا .. هنا .. دقت بي الأجراس ..!!
..............................هنا كانت لي أحلام الطفولة .. و أنجلى سامي ..!!
سامي الشمري
04-10-2006, 10:12 PM
إلى الأخ الحبيب .
عازف الكيبورد ..!!

.
.
.

أبشــّـرك يا عــازف أني استخفيـــت ..!!
......................... " شاب الولد ".. يعني الولد صار شايب ..!!
الجرح فيني .. من عنى الوقت كبريت ..!
........................... يحرق لهيب الجرح ... جرح العطــايب ..!!
أصغـر جروحي ... داخلي دمهّا ميـــت ..!!
............................. الجرح طايب ؟؟؟ هيــّـن الجرح طايب !!
.
.
.
سامي الشمري
04-10-2006, 10:19 PM
:

إلى المُبتًسِم دوما ً

حكومــي



الليالي يا حكومي صارت أبعد من خيالي !! = عشت بالدنيا غريب .. و صارت أحلامي سراب
.
صرت وحدي من بقالي ؟ يالله قلّ لي من بقالي ؟ ؟ = دايم أذوق الكآابة ..و الكآبة ..لي عقاب
.
لو سأل عنّي غريبٍ .. قلت له .. مالك و مالي ؟! = ولو سأل عنّي صديقً .. قلت له .. حالي خراب
.
أيه " غـُـربه " عيشتي يا آخوك .. شوف اللي جرالي = أيه " غـُـربه " و الغرابة كيف أنا مثل الضباب ؟؟
.
شوف دمّعي .. فوق خدّي .. ينتثر من مرّ حالي = شوف حالي يا بعد حالي .. طمسّها الاكتئاب !
.
ماعرفت الحب ..!! لكن .. أعرف أوصاف الليالي = أعرف أن الليل جمرة .. و أدري أنه لي عذاب
.
و أدري أن الجرح سهره .. جارحه من دون بالي = و أدري أن الحب غدرة .. تتقنة كل الذئاب
.
هذا هو اللي تعلم بالحياة .. المُرّ .. حالي = كيف يرجع يا حكومي .. شخص .. عايش بإغتراب !؟
.
عبد الله بن شنار
05-10-2006, 04:56 AM
الأخ الحبيب سامي


السلام عليكم ورحمة الله وبركاته


موضوع فوق الرائع

ومشاركتي معك ستكون نفس مواضيعك اللي اخترتها

استلم يالغلا










بدايـات الرحيل


قالت ارحل قلت لحظه يابنيه
................ في خفوقي الف كلمه والف معنى
قالت انته معك دنيايا شقيـه
.............. والهوى والحب ماشفته نفعنــــــــى






الغيـَـاب

يامحمد غيبتك طالت وطالت
........... يالعضيد اللي لك ابصدري مكانه
عالت الغيبه على قلبي وعالت
........... يالعضيد اخوك قد جنت جنانــــه




ضــايق


ضايقن محتار مدري ويش اسوي
............. لا رفيق ولا خوي ولاعشيري



عايش بـ لا شيء ..!!


عايشن ياخوك لكن دون خوه
.................. راحوا ارجال المعالي فالدياري








الغريـــــــب


الغريب اللي ادور له حلولي
............ الحسد موجود مدري ويش جابه



إلى الأخ الحبيب
نواف الفهاد

يارفيقن تعجز الاوصاف طيبه
........... لو ابنطق ماني بحول الحراوي



سامي

شكرا على الموضوع
الرائع

وكل مره بجي ببحر غير


يعطيك العافيه يالغلا
سامي الشمري
05-10-2006, 09:26 PM
عبد الله ..


شكرا ً لـ حضورك الجميـل ..

.
.
.

" أبــــواب ".

باب " الفــــرح " سكـّـر على وجهــي البـــاب ..!
.................................. و بـــاب " الحـزن " يـــاخوك .. منهو يصكّة ؟
عبد الله بن شنار
06-10-2006, 05:28 AM
احساس شاعر


انا انسان خاويتك وحبيتك من اعدادي
................. وانا المخرج على المبدع لجل عينك هنيالك
شـــقـــاوي
06-10-2006, 06:47 AM
.
ضــايق .
.
الحــال .. في بعـض المخاليق ضايق ..!
.............................. و الحـــال عندي .. ضايقً خمسة أعوام ..!!
أن قلت لك " فرحان " أو قلت رايق ..!
............................ أكذب عليك .. ... الحــال ضايق .. ولا أنام ..!

ألف شكر ...
حاكم المطيري
08-10-2006, 04:40 AM
.

..

...


مشكور أخوي سامي على الموضوع الرائع وصح ألسانك أنت وعبدالله

<<<<<<< مسوين قطيّه باللسان :biggrin:

قصدي صحت ألسنتكم:tongue:


آآه .. يــامــن نــظـــر لي بــنـظـرة خــجــل=إلـتـفـت لـي خــجـــول وقــلــت لا تــخــجــلــي

إبــتـــســم لـي وقـــال .. أتـحــبــنــــي ..؟ قــلـت أجـل.؟=حــب طــفــلٍ يـحـب ذوق طــعــم الــجــلي



...

..

.


ولي عودة إن شاءالله


بعد الصلاة...
ظنا وايل
11-10-2006, 07:19 AM
عمرك سمعت بـ شخص .. عـايش بلا شيء .!!
................................. هــذا " أنـا " عــايش حيــاتي بدونك" ..!!

صح لسانك بيت وقفت عنده كثيرا جدا ورغم الجزر الذي امر به الا انك تشد الاحساس بقوة بل تستفز المشاعر لتنساب رغم انفها

سامي


لله درك يا مصيبة زمانك

رغم الجميع تشع نور ومهابة


سامحني على القصور بس بيت عن الف بيت

اهني نفسي بقرائتي للبيت

دمت بخير
محمد بن زميع
11-10-2006, 09:43 AM
ألف شكر أخوي سامي على الموضوع الجميل الشيق ,,,

.......................,,,,,,,,,,, تـــــــــــايـــــــــه,,,,,,,,,,................ ...


الفكر من عقبك غدا فيه هوجاس=أجلس مع ربعي وكني لحالي

.......................,,,,,,,,,,, تهيااااض ,,,,,,,,,,,,.....................


يهيضني للبدع زين السوالف=وتهيضني جزل القصايد والأبيات
ويهيضني طنخ الرجال العوارف=طبيعة الفطره على طيب نيات
ويهيضني طلعة جبال ومشارف=ويهيضني في العصر هبة نسيمات
ويهيضني لاشفت ذود متوالف=ترعى بقاعٍ زادها الله نباتات


.................,,,,,,,,,,, سلاااااااااام ,,,,,,,,,,,,................


ســلاااااام ياحرٍ تعلا بمرقاب=حرٍ مكانه فوق روس الجبالي
رجل الصمايل دون سيفٍ ومشعاب=طناختن من ساس جدن وخالي

ألف شكر لك أخوي سامي على إثارة هذا الموضوع الشيق

تحياتي لك
سامي الشمري
11-10-2006, 09:49 PM
شكرا ً لـ كل من كان هـُـنـا ..


/
\
/
\

الألم ..و " الآه " و الجروح الدفينه
.................................. و القدر و الحب .. مني ماهو سالي
ماملكت.. من الحزن... إلا " مدينة "
............................... ولا تركت من الحبايب ... إلا " غالي "!

:101:
حاكم المطيري
13-10-2006, 09:04 PM
.
..
...


ياما سمعت هروج وهروج من ناس**وهروجهم ماحركت شعر راسي


,,,,,,,,,,,,,,,,,,,,,,,,,,,,,


لا تحسب أنك تمشيني على كيفك** بدري عليك وعلى عشرة من أشكالك



...
..
.
عبدالحكيم
14-10-2006, 02:34 AM
هلا وغلا

بـ سامي

مساحات حره نقشت فيها أحرف من ذهب
تعبر عن مشاعر إختلطت لتنسقها بروعة وجمال حروفك

ودي أرد بماتجول فيه مشاعري بأحرف
ولكن
تخونني الكلمات والأحرف
لعدم تمكني فيها :(

رائع ياسامي بكل حالاتك

وأحبك يامليييي

وعساك على القوه دايمن

خيك

حكـومـے
عواد العنزي
16-10-2006, 01:55 AM
سامي الشمري

فكرة رائعه بروعتك يـعـطـيـك الـعـافـيـة

إحترااااااااااااااااامي


سؤآآآآآآآآآآآل:confused:

ليه الصحيح اليوم ماحدن يريده

................................. وليه البشر تمشي ورى شخص كذاب

لاسولـف الكـذاب قالـوا ولـيـده

............................... ولاسـولـف الصـادق لـقى لـوم وعـتـاب


مل الصبر!!:mad:

والله إنـي صـبــور والله إنـي كـــتــوم

................................... لاكــن الـوقـت هــذا مايـخــلي صبر

المصايب بقلبي مثل ضرب السهوم

................................ ومن كثر ماأخفّي ضاق حتى الصدر

أشهدإنـك ياحـظي طـايـحٍ ماتـقـوم

.............................. لانـهـضـتك دقـايـق تـنـحني وتـعـثــر

غربل الوقت حظي واثقله بالهموم

............................ لعـن إبـوهـا حـيـاةٍ كـل إبـوهـا قـهـر



ح ــــزن:frown: :frown:

الـلـيــالـي لــعـن أبــوهـا زودت غــربــالـي

..................................والــغــرابــيـل تــحـدانــي في طـريــق أحــزانـي

دايــم لــحــالـي وحــيـدوعــزتـي يـــاحــــالــي

...................................مــاوفــالــي غــيــر حـــزنــي ضــل مـــاخـــلانـي

من صــغــرســني وحـــزنـي دايـمٍ يــبــرالــــي

....................................صرت أنا الـمجـني عـلـيه وصـار حـزنـي جـانـي



طـلــب..:wink:

طـالـبـك تـكـفى خـفــوقي تـرحـمـه

............................... وشيل من راسك حبيبي هالضنون

إسمع اللي جـاك مني وافـهـمـه

.............................لـويـخـون الــوقــت والله مـاأخـــون



مـحـاولـة وصف:rolleyes:


لابــغــيــت أوصـف حـــلاهــا أشــهــد إنـي مـقــدره

...................................لــعـن ابــوهــا.. كـــل ابــوهــا طـاغــيــة زيــن وحـــلا

يـــوم فــلـة شــعــــرهــا لـــيـــل وابــغــى أســـهـــره

....................................ويـــوم شــفــت خـــدودهـا قــلــت أنـا الـلــيـل إنـــجــلا



بــخــتــصــار.....:cool:

كتبت الشعرلعيونه وحلفت إني فلا اخونه

................................. نعم أهواه أنا وآبيه أبيع الكون ذا واشريه

أزعل هالبشر دونه جميع الناس يفدونه

................................ وانا هالكون ذا مابيه لو إنه مانوجد هو فيه






إحتراااااااااااااااااااااامي:101:
سامي الشمري
25-12-2006, 08:23 PM
شكرا ً لكم ..!


و عذرا ً على نقلها هـُـنا ..!



..


:101:
سامي الشمري
25-12-2006, 08:25 PM
تدري كثر ما أحب وصفك و ذكراك ؟؟؟
.................................... أحب حتى الناس .. لا سولفت بك ..!

:101:
سامي الشمري
25-12-2006, 08:26 PM
كثر ماغرّد العصفور في عشّه ...!

كتبتك داخل أوراقي ..!


كتبتك .. داخل أعماقي ..!


أنا الشاقي .. أنا الشاقي ..!

تعال ألحق ..!

ترى باقي ..!


قليلً منّي الباقي ..!


:101:
سامي الشمري
25-12-2006, 08:32 PM
همّ


أنا السفينه .. و بحر الهمّ غرّقني ..!
............................ أنا الشواطيء .. و طين الهمّ في جاله ..!
.
حتى قيود الزمان اللي تطوقني ..!
.......................... ماظنتّي يوم واحد ... تُكســّـر .. أغلالــه ..!
سامي الشمري
25-12-2006, 08:44 PM
( :101: )


الأرض ... لا من مشت .. تنحت خطاويها ..!
.............................. عشان يبقى على الدنيا .. أثر باقي
سامي الشمري
27-12-2006, 06:08 PM
( !! )

ماتغيـّـر حزننا الباقي .. " على ماهو عليه " ..!
.................................... دمع .. و فراق .. و بلاوي .. و دمعي أقهره ..!
الله أكبر .. كيف يضحك بي .. أنا طفلً سفيه ؟؟
.................................. و الله أكبر .. كيف تضحك بي .. عيون المبزرة ..!