وقال القلب آآآآآآآآآآآآه ((قصه رومانسيه إجتماعيه واقعيه))

[فتوتة سكر]

--------------------------------------------------------------------------------


السلام عليكم ورحمة الله وبركاته
هذي قصه حلوووه شفتها بأحد المنتديات وحبيت أكتبها لكم
طبعا راح أكتبها على أجزاء وكل ماكانت ردودكم حلوه كل ماكملت القصه أسرع..
<<تتشرط مه وجها!!! خخخخخخخخخخ


وأبيــ تفاعلـ <<< تحسب نفسها بلعبة هع هع هع



الجزء الأول:
مع كل ثانية تمر تزيد قوة صوت التلفون في أذن عبير فقامت منزعجة من نومها ومدت يدها تشيل السماعة وردت بصوت نعسان ويبي ينام:ألوو
ومن الطرف الثاني:هلا عبير ياخيشة النوم ,كيفك؟
عبير:أنتِ ماتخافين اللّة خليني أنام بلا هالأزعاج من أول الصبح,واللّة إني مانمت أمس بدري حرام عليكِ!
وفاء:ههههااي واللّة مو مشكلتي بسرعة قومي الحين لا بهالجزمة اللي قدامي على راسك,
عبير:أف,أنتِ قولي لي شتبين مني الحين؟!
وفاء:أبي أزور صديقتي وحبيبتي في بيتها حرام يعني؟!
وتقفز عبير من على السرير:صج!صحيح بتجين عشان أشوفك ياسبالة وحشتيني من زمان ماشفتك..
وفاء:أيوه..صج ياماما يلة قومي حبيبتي غسلي وجهك وعدلي كشتك وتكشخي أبي أشوفك عروس!
عبير:أصلاً أنا كل يوم عروس وبعدين تعالي إلي يسمعك يقول هاذي وحدة جاية تخطبني لولدها !
وفاء:أجل أنا أيش باأسوي مو لأن ولدي خلاص صار يشتغل وأنا طبعاً تمنيت صديقة عمري وحبيبتي تصير مرت ولدي ..
عبير:هههااي حلوة هاذي أقول حبيبتي الشرهه مو عليكِ الشرهه على اللي قاعدة تكلمك الحين لكن أنتِ تعالي وأنا بارويك شغلك ياالساحرة
وفاء:أقول تراك هذارة وايد الحين أخوي ناصر بالموت رضى يجيبني لش لايقعد يصارخ مالي خلق هذرتة من الصبح.. يلة بايو
عبير بصوت كلة سرحان:بايـــــــــات,من قالت وفاء أسم أخوها ناصر تذكرت عبير الموقف المحرج اللي صار لها معاه لدرجة إن وجهها صار تفاحة حمرا جداً جداً..

[فتوتة سكر]

*الجزء الثاني:
<< وها الذكرى كانت من أسبوعين لما وفاء أصرت على عبير إنها تروح معاهم مزرعتهم ملك أبوها مع بيتهم ومع بنات خالتها وبعد محاولات من وفاء أقتنعت عبير وراحت معاهم بعد موافقة أمها طبعاً وهناك بعد الوناسة والغدا في العصر كذا كانت عبير تتمشى مع وفاء بكل حالمية وصوت العصافير يعم المكان والرومانسية تمشي معاهم واللي يشوفهم بذيك الحالة مايقول صديقات يقول عاشقات والحلوة وفاء بهبالها وشجاعتها إللي ماأدري من فين طلعت قامت وتحرشت ب*** كان قدامهم لأن شكلة كان لطيف وفجأة ماشافوه إلا توحش عليهم وصار يخوف وقاموْ يركضون بكل قوتهم خوفاً من ال*** اللي صار يلحقهم وهم من الفزع ماكانو يشوفون لا إللي قدامهمْ ولا إللي وراهمْ,وكانت حالة عبير وهي تركض إن شيلتها طايحة وتلهث مع كل نفس يطلع منها وفجأة صقعت بجسم شخص قوي من قوته دار راسها وحسبت إنها صخرة منعتها إنها تطيح (وطبعاً الأحراج هني بدا) ورفعتْ هي راسها والتقت نظراتها بنظراته وتموْ يناظرون بعضْ بصدمة لمدة دقيقتين تقريباً ثم بعدت عبير عيونها بسرعة ودقات قلبها تتسارع ووقفتْ تُدور على وفاء بس مالقتها وفكرت إنها يَِِمْكِنْ هربتْ من طريق ثاني ومن الأحراج والتوتر ماعرفت شنو تسوي أو تقول ولحسن الحظ كانت بنت خالة وفاء اللي أسمها جنان مع هذا الشخص فتصرفت بسرعة وقالت لها: تعالي عبير معاي داخل وبكل خوف وإحراج ومشاعر غريبة راحت معها وكانت تحس بجنان نار تغلي من القهر وكأنها متضايقة من الموقف اللي صار برا فقالت لها تبي تحسن الموقف: آسفة أنا ماأنتبهت أنو فية أحد لأن ال*** كان يلحقنا و.......قاطعتها جنان إللي حَسْتْ بالذنب:أيه ماعليك حصل خير إن شاء اللّة بس وفاء فينها؟
عبير:هاه أيه صج وينها ماأدري عنها هي بعد قامت تركض
أكيد المسكينة للحين ال*** وراها إمشي خلنا نروح نشوفها,
جنان:يلة لا تروح فيها البنت $$
وطلعوا جنان مع عبير عشان يدوروا على وفاء وشافوا وفاء جالسة على الأرض تأن من الألم وجنبها نفس الشخص وال*** ل**** (هاذي سبة مو في مكانها هههه) راحت عبير من دون شعور تركض لصديقتها الباكية وتقول: وفاء حبيبتي وش فيكِ وش صار لكِ؟!؟!؟!
وفاء:آه يا عبير لحقيني هذا ال*** قليل الأدب السبال شمخني في ريلي,عبير ناظرت مكان الشمخ وشافت شلون كان الجرح عميق والدم ينزل بغزارة وما أحد متصرف خلاص ما أقدرت تتحمل أكثر ولفت وجهها وهي تحس أنو بيغمى عليها وما رفعت نظراتها إلا تشوف نفس الشخص يراقبها بنظراته وهي أبداً ما أعجبتها نظراته وأنقهرت منه يشوف البنت تتألم وجالس صنم ولاصمنديقة فقالت لوفاء:
قومي ياقلبي معاي وألتفت لجنان: بلييز جنان تعالي ساعديني نوقف وفاء وبنفس الدقيقة كانت وفاء تحاول توقف بصعوبة ومو قادرة تتنفس عدل ولا هم قادرين يمشونها فعصبت عبير على هذاك الشخص الصنم (إللي عرفت من وفاء بعدين أنو أخوها ناصر ) وقالت له وهي تناظره بعيونها أللي يتطاير منها الشرر: هي أنت ما عندك إحساس تشوف البنت مو قادرة تمشي ولا أحنا قادرين نمشيها وأنت كأنك طوف ما تمد يدك تساعدنا ............!
كانوا كلهم متفاجئين من أسلوب عبير ,جنان كانت مفتحة فمها وعيونها ع الآخر وحتى وفاء اللي تتألم كانت مستغربة من فين جابت عبير كل هالجرآة ما شاء الله عليها حبيبة قلبي أدري بها من زود ما تحبني خايفة علي هههه...وبعد فترة صمت قام ناصر من الإحراج وحمل أخته للسّيارة وقال للباقي يجو يركبوا السيارة عشان يروحوا وكان ناصر يفكر في نفسه:والله خوش على آخر عمري تجي بنت ماأعرفت تأكل نفسها تقوي نفسها علي والله لو ما حالة أختي تتطلب السرعة كان غسلت شراعها..!
وبعدها وصلوا عند بيت عبير ونزلت عبير من السيارة عشان تدخل بيتهم لكن ماطافت عليها نظرات ناصر الساخرة اللي رماها بها وهي نازلة....>>
توقفت ذكريات عبير لهذا الحد لمن رن الجرس وقامت تكلم نفسها بصوت مسموع:واااي! جات وفاء وأنا للحين حتى ماغسلت وجهي شلي بيردني من لسانها الطويل الحين ..؟!
وتقوم عبير بسرعة تنادي الخدامة: لجين يا لجين .......
لجين:نعم ماما؟؟
عبير:اسمعي روحي افتحي الباب لوفاء صديقتي,أنا بلبس الحين وأنت دخليها المجلس وقولي لها أني دقايق وأنا عندها,, وفي خمس دقايق كانت عبير بأبهى حلة ونزلت تحت للمجلس مالقت فيه أحد ,فراحت للخدامة تسألها :لجين وين صديقتي؟ماجات!؟
لجين:لا ماما هذا الهندي اللي يشيل ال**الة..
عبير اهاا أوكي خلاص أنت روحي نظفي المطبخ.
الخدامة:زين ماما..
وما مرت خمس دقايق إلا والجرس يرن فراحت عبير بسرعة من الفرح عشان تفتح الباب وبدون حجاب لأنها كانت تبي تشوف وفاء بأسرع وقت وكانت متأكدة أن في الصبح يكون الشارع فاضي,
فتحت عبير الباب وهي شاقة الحلق والابتسامة مالية وجهها الجميل وتتحول علامات الفرح في وجه عبير إلى تفاجئ باللي واقف جنب وفاء ؟!!!!!!!! ( أكيد عرفتوه.. )

...يتبع...

[الدر المكنون]

وين باقي القصه كمليها

[فتوتة سكر]

الدر المكنون علشانك أكملها

[فتوتة سكر]

الجزء الثالث:
وكان نفس ذاك الشخص وحامل في يده صندوق كبير وبسرعة عبير خبت نفسها وراء الباب وهي تقول بحيا:هلا وفاء تفضلي
وفاء بمسخرة:طيب ياحبيبتي روحي داخل خلي أخوي يجيب هذا الصندوق عند الباب الرئيسي لأنه ثقيل علينا ومن الربكة والإحراج
تروح عبير تركض لعند الباب الرئيسي اللي داخل وتخلي الباب مفتوح والكل شافها طبعاً ودخّل ناصر الصندوق وراح وهو يقول لوفاء :متى مخلصتي دقي علي وأنا بجي آخذك ..
وفاء:اوه من فين جاي هالكرم ياأخوي
ناصر:واللّه أني معطيك وجه يلة روحي داخل لا أطيح فيك تكفخ لين ما تتكسر عظامتك
وفاء:هه هه هه
وتدخل وفاء داخل البيت لتمضي في يومها,ويركب ناصر السيارة اللي ما كان داري عن هوا دارة كانت عبير سارقة بالة وقلبه وكل شي فيه وكان هو يفكر فيها ويتخيل شكلها:آه شكثر هي جميلة ورقيقة واللّه إنها حلوة العيون وساع عسلية والشعر ناعم وقصير اسود ويا حظي فيها لو أنا خذتها لي زوجة, وينبه نفسه:هي أنت بشنو قاعد تفكر وجنان اللي تحبك وتموت عليك!! آنا ما علي منها ما احد ضربها على يدها وقال لها تحبني وأنا ما راح أربط نفسي بإنسانة أنا ما أحبها وممكن إني أعذبها لا مستحيل آخذها...وفي غمرة تفكيره ما ينتبه إلا .....طرااااخ!!
في بيت عبير:

وفاء :خلاص أنا بروح يا عبير بتصل لأخوي ناصر يجي ياخذني وتتصل وفاء على جوال أخوها وما يرد استغربت سكرت واتصلت البيت وترفعه الخدامة:ألو
وفاء:وين ناصر؟؟؟؟
الخدامة:ما فيه بيت..
وفاء: طيب فين بابا ؟
الخدامة: دقيقه بنادي
أبو ناصر:هلا عبير
عبير:هلا يبه أنا أبي أرجع وناصر قال لي بيمر علي بس مو لاقيته فأتصل للسايق يجيني
أبو ناصر بهدؤ:أيوه يابنتي أخوك صابة حادث بسيط وإحنا بنروح له الحين وأنت تعالي لنا وأنا رسلتلك السايق لهناك بس بشويش
ترى أخوك ما صابه شي ..
وفاء إن شاء اللّه يله باي..
عبير:وشفيك كأنك محصلة طراق على وجهك
وفاء:بروح مع السايق أخوي ناصر بالمستشفى..
عبير بفزع: خير وشفيه؟؟!
وفاء بخوف: ما أدري صابة حادث اكو صوت هرن السايق يله باي
وتروح وفاء بعصبية خوفاً على أخوها العزيز وتركب السيارة وتقول للسايق الهندي:يله راج بسرعة روح مستشفى (...) وكانت وفاء طول الطريق سرحانة وفجأة يمسك السايق بريك يطيرها قدام (وكانوا في وسط الحي يعني مو في شارع عام)ومن الطرف الثاني كانت السيارة اللي بغت تصقعهم فعصبت وفاء أكثر من ماهية معصبة وبكل تهور تنزل من السيارة لمن شافت الرجال اللي فيها نزل وتقول له تشوف بغيت تودينا في داهية ..
الرجال اللي كان يبدو أنه مستمتع: آسف أختي أنا ماأنتبهت.!
وفاء:يعني ناقصة أنا بلاوي أففففففففف,وتركب وفاء السيارة وتقول للسايق يروح بسرعة وضل الرجل يراقبها ويراقب السيارة لحد ما اختفت وصار ما يشوفها
والقهر إنه كان يبتسم.....

يللا أنا بإنتظار ردودكم...

[فتوتة سكر]

الجزء الرابع:
وبعد ساعة في المستشفى كانت بدرية أم ناصر جالسة على كرسي في غرفة الانتظار وتبكي وتصيح بأعلى صوتها:آه ياولدي ياحسرتي عليك ياولدي لاتروح عني يا ناصر.......
وفا:لا يمه لا تقولي كذا ..أخوي ناصر بعيش وبيهتم فينا لين ما ترجعوا أنت وأبوي لبعض..((أم ناصر منفصلة عن أبو ناصر من شهر تقريباً وذلك بسبب الغيرة والشك والله يهديهم ويرجعوا لبعض فبرغم من كبر سنهم إلا أنهم لازالوا يحبون بعض مرررررررة))
أبو ناصر: شب سكتوا الريايل يمروا منية وأنتوا جالسين تصارخون
لا يسمعونكم وبعدين الولد إن شاء الله مافيه إلا الخير ..
ويطلع لهم الدكتور من غرفة العمليات :السلام عليم
أبو ناصر :وعليكم السلام..خير دكتور
الدكتور:أنتوا عايلة المريض ناصر؟
أبو ناصر :أيوة يادكتور أنا أبوة وش فيه ولدي ؟!
الدكتور: طبعا ًمثل ما انتووا عارفين الحادث اللي عملو ناصر مش سهل وأنتوا ياجماعة إيمانكم بالله قوي ولازم ترضوا بالقدر.. تقاطعه وفاء بخوف: ليش يادكتور أخوي فيه شي؟
أم ناصر:آه ياحسرتي عليك ياولدي! وتبشي..
الدكتور: هدوا بالله يا جماعة الخير الولد مابو شي بس أنتوا لازم تساعدوه ماتخلوه يحس بالنقص..!
أبو ناصر:خير يادكتور ايش فيه ولدي ؟
أصعب لحظة على الدكتور لما يخبر أهل المريض وش فيه:
إحنا دلوئت عملنا لألو عملية وهي إن شاء الله ناجحة 90% بس ممكن إنه يتعرض لأشي في رأسوه ..
أبو ناصر:شلون يعني يادكتور ما فهمت عليك..؟!
الدكتور:والله هو إذا صحي راح نعرف نعرف شو صار فيه بس أنتوا لاتربكوه وتخلوه يخاف طمأنوه لأنوه أي شي راح يصير فيه راح يكون مؤقت نظراً لقوة الظربه اللي جاتوه في رأسوه فهمتوا عليه
ياجماعه؟
أم ناصر :أيوة والله فهمنا بس هو متى بيصحى؟
الدكتور:أصبروا وإن شاء الله خير ...
وفاء وهي ساهمة :إن شاء الله..
في بيت عبير:
عبير من سمعت بالحادث اللي صار لها كله سرحانة وتفكر في ناصر هي تدري أنه في شي يجذبها له ما تدري يمكن نظراته
الحارقة بعيونه الرمادية ..ولا يمكن هيئته الرجولية ...أفففففف الله
يستر إنشاء الله ما يصير فيه شي والله إن لو .....تقطع سلسلة أفكارها أختها الصغيرة وهي تهز ريولها عشان تنتبه لها:عبير.. عبير.. عبير..
تنتبه عبير وطالع أختها اللي شوي وأصيح :نعم دانتي حبيبتي شنو تبين؟؟
دانه:أنا قاعدة أحفظ جداول الضرب وأبيك تسمعين لي ..
عبير:ولا يهمك لكن كل غلط بضربة !
دانه اللي تدري أنه كلام بدون فعل مثل كل مره:أنزين يله
وكانت عبير تطالع في وجه دانه وتذكرت سلمان اللي مره يشبه دانه((وهذا سلمان أنولد بعد دانه بسنه وحده وتم عايش معهم سنتين وكان معاه التهاب رئوي الله يكفينا شره ومات منه والكل حزن عليه خصوصاً عبير وأمها لأنهم كانوا أقرب النّاس له))
ومع الذكريات المؤلمة تذكرت الحادث اللي صار لأخو وفاء قلبها
نقزها وخافت عليه وعيونها امتلت بالدموع وتركت أختها وراحت تركض غرفتها وسكرت الباب خوفاً من إنها تنفضح وتمت تبشي
لين ما انتبهت لأمها اللي كانت جالسة على السرير جنبها :
يمه عبير حبيبتي فيك شي؟
ألتفتت عبير لأمها وهي تمسح دموعها :لا يمه سلامتك مافيني شي..
أم عبير:عيل ليش كل هاالبشي والدموع؟!
عبير:ولا شي بس وأنا أشوف دانه تذكرت أخوي سلمان
وما قدرت أستحمل ..
أم عبير:آه يابنتي كلنا ما نقدر بس هذا اللي الله كاتبنه وإن شاء الله ورزقني بأسميه سلمان على أسم أخوك الله يرحمه ..
عبير:الله يرحمه..<أم عبير حامل في الشهر الرابع>
دخلت عليهم الغرفة أحلام:هاي وش فيكم وش هالكآبة؟؟!!
أم عبير:مافينا شي يله أنت وأختك تعالوا تعشوا..
عبير+أحلام:إن شاء الله يمه..
((عبير ما عندها ألا أختين :أحلام بثاني ثانوي 16 سنة ودانه بثالث ابتدائي))
وفي المستشفى:
كانت وفاء على أحر من الجمر خايفة على أخوها أما أمها وأبوها حالهم كان بارد بس أكيد من الداخل يغلون ..ويقطع عليهم الصمت صوت جوال وفاء يرن وترفعه:هلا ريم
ريم :هلا وفاء ها بشريني كيفه أخوي ناصر ؟؟…
وفاء:والله العلم عند الله بس يقولون أنه طيب ..أنتِ قولي لي هادي شنو يسوي؟.
ريم:لاتحاتين أنا قاعدة معاه وهو نايم…
وفاء بخوف:لا يكون ريم أنتِ لوحدك بالبيت…؟
ريم:لألا تخافين أنا قاعدة مع خالد بس أنتِ مو تنسين أي شي يصير بلغيني ترى مو معناه أني قاعدة بالبيت ما أحاتي….
وفاء:طيب خلاص يله باي وخلي بالك على هادي..
ريم:أوكي حبيبتي يله باي
((وفاء عندها غير أخوها ناصر الكبير ..ريم أختها وهي أصغر من ناصر بسنه وحده بس وهي مخطوبة لولد عمتها خالد وهم يعيشون أجمل لحظات الحياة مشحونة بالحب من شهرين
وبعد أخوهم هادي المسكين اللي لمن كان عمره أربع سنين ماشافوه إلا مايقدر يمشي إلى الآن وهو عمره 12 سنة ويمشي على كرسي متحرك ويدرس في مدرسة خاصة الله يعافيه؟))
بعد ما سكرت وفاء التلفون قال لها أبوها:ها كيفهم هناك بالبيت؟
وفاء تتنهد:بخير..بس يبه مو كأنه ناصر طول علينا ..
أم ناصر:خلي عندك صبر يا بنتي..
وما خلصت أم ناصر جملتها إلا والدكتور جاي لهم:لو سمحتوا تفضلوا معاي ناصر الحين بيصحى من البنج بس بليز بدون إزعاج..
الكل:إن شاء الله…
ودخلوا الغرفه اللي فيها ناصر وكلها دقايق وبدا ناصر يفتح عيونه .………………………………………………………………………………
تخيلوا ايش شاف؟!
مسكين ناصر ماكان يشوف إلا الظلام ..!! يا حراااااااااااااااااااام!!

يتبع..

[فتوتة سكر]

الجزء الخامس


وفي مكان ثاني وعالم آخر كان جالس على البحر يفكر في اللي صار له وأتخذ قرار ماراح يتراجع عنه وفجأة يقطع الصمت صوت موبايله يرن بنغمة البيت ورفعه وكانت أخته:ألو راشد؟
راشد:هلا كوثر خير؟
كوثر:الخير بوجهك تقولك أمي متى بتجي؟
أنا جاي في الطريق تبون شي؟
كوثر:لا سلامتك يله باي
راشد:بايات......
وقام ركب السيارة عشان يروح البيت ويبلغ أمه بالقرار اللي خذه وهي أكيد بتفرح له ........!<احزرو من هالشخص......لا تستعجلوا لاحقين بنعرفه>
وفي المستشفى..
توه ناصر مفتح عيونه..
أبو ناصر :ها ياولدي إن شاء الله أحسن ..؟
ناصر وهو ماسك يد أمه:أيه الحمدلله أحسن..بس ليه مسكرين الأنوار ؟؟!فتحوها أنا أبي أشوفكم.......
وفاء بصدمة تطالع أبوها اللي بدوره منصدم وكان يطالع الدكتور وأم ناصر كانت عيونها غرقانه بالدموع لأن إحساسها من قبل بأن بصير في ضناها شي ماخاب..وما قدرت تستحمل وطلعت برا الغرفة تبكي ولدها وبكرها وأول فرحة لها:آه ياولدي ياولدي يامسكين توك صغير مالحقت تشوف النور والألوان وتنحرم من عيونك وراح مستقبلك ياحبيب أمك آه مين اللي راح يرضى يوظفك ومين اللي بتقبل تعرس عليك آه والله وضعت وضاعت أحلامك وصرت يا ولدي ((عمي)) جرحت هالكلمه قلب أم ناصر
ماقدرت توقف على ريولها أكثر من كذا وغمى عليها وأبو ناصر اللي كان يراقب حرمته وحالتها تقطع القلب من زجاج الغرفة الخارجي خوفاً عليها <لأنه طبعاً يحبها مره وماوقف حبه لها ولادقيقه > وراح بسرعة لها لمن شافها طايحه يسعفها ..
ووفاء اللي ظلت مع أخوها:ياحبيبي ياناصر هذا العمى بس من قوة الضربة وهو مؤقت وكم يوم ويجع لك نظرك وتشوف مثل أول.....
ومامدى وفاء تكمل إ لا ناصر توه يستوعب كلامها ويقاطعها ويصرخ: لالاااااااااااااااااااااااااااالالاااااااااااااااا اا خلاص أنا انتهت حياتي وراحت أحلامي وانتهى مستقبلي وقام يبكي مثل الطفل الصغير اللي خذوا منه لعبته اللي يحبها ووفاء تبكي معاه وماقدرت تتكلم ...بعد فترة رجعوا أم ناصر وأبو ناصر وهو هدأ شوي ورفع عينه لهم وسألهم:صحيح أنا صرت عمي؟؟؟؟؟؟؟؟!!
ماحد عرف الجواب وضل هالسؤال في بالهم كلهم ........
ناصر طلع من المستشفى وطلبوا منه يراجعهم بع أسبوع ..
*بعد أسبوع من هالحوادث كلها*
عبير كانت رايحه تزور وفاء في بيتها وكانت الساعة 4 العصر وصلت البيت وكان الباب مفتوح لان الخدامة كانت طالعه ترمي ال**الة ودخلت عبير وبالحديقة شافت.......؟ منو تتوقعون شافت ..أكيد انتو خطأ.......هههه
هي شافت هادي الأخو المقعد لوفاء واللي كان يقطع فؤاد عبير مره ..وراحت لعنده:كيفك هادي؟
هادي بصوت طفولي:أنا تمام الحمدلله بس ناصر هو اللي مو بخير
وقام يبكي ويقول كلام متقطع ..: هم مو راضين يقولون لي شنو فيه يفكرون أني صغير ماأفهم ولا لأني ماأمشي ...؟؟
عبير تبي ترجع له الأبتسامه :خلاص ياحبيبي قطعت قلبي أنا لما أعرف ايش فيه بأقولك..أوكي...
فرح هادي أنه بيعرف وش في أخوه: أوكي أوكي ياصديقة وفاء وأنا آسف لأني ماراح أقدر أناديها لك أنت أدرى بحالي.. روحي لها في غرفتها داخل..
عبير بأبتسامه:ماعليه حبيبي يله كمل لعبك..
وكان ناصر يسمع الحوار من نافذة الصالة بدون قصد وفكر:شكثر هالأنسانه حنونة <وبتردد : لو أنا ...لو أنا ماصار لي اللي صار كان طلبتها وتزوجتها بس هي الحين أصلاً مابترضى تربط نفسها بواحد عمي مايشوف ..آه..
ودخلت عبير اللي من جد حبت ناصر بصمت ..وفي الصالة شافته جالس يفكر بعمق وسرحان وهي عرفت باللي صار له قالت لها وفاء بالتلفون لما كلمتها ...وماتدري من وين جات لها الجرآه وراحت هناك قدامه وقالت:السلام عليكم..
ناصر عرفها :وعليكم السلام ياهلا
عبير: شخبارك أخوي ناصر إن شاء الله بخير الحمدلله على السلامه
ناصر ازعجته كلمة أخوي هاي بس حب يجاريها بالكلام : الله يسلمك أخت عبير ..
عبير اللي استغربت كيف عرفها:ماشاء الله عليك عرفتني..!!؟ومانسيت أسمي؟!!
ناصر دون مايدري فلت لسانه وتجرأ يقول لها مشاعره:أنا أنسى أسمك وأنا من شفتك وأنا عقلي مقفل وقلبي مشغول بحبك وبالي دايم أنت متربعة فيه ..وأنا ما أقدر أسوي شي لأني عاجز..! عاجز.. وأكيد مافي وحده بتربط نفسها بإنسان عمي مايشوف..!....
في الطرف الثاني من البحرينأحداث قصتنا تدور بين البحرين والسعودية بحيث أن معظم الشخصيات من السعودية بس عايشين بالبحرين لظروف بذكرها بعدين والبعض الآخر من البحرين وكل اللي صار سابقاً في البحرين)
كان راشد وأريج أخته جالسين مع أمهم يسولفون فاستغلت أم حسين <أمهم >الفرصة أنها تقول لولدها عن بنت لقتها وتبي تخطبها له: ياراشد ياولدي أنا لقيت لك بنت الحلال اللي تقدر تسعدك ..
راشد :يمه أنا قلت لك أني قررت أعرس بس مو الحين صبري شوي..!
أم حسين:متى ياولدى أنا بموت وماشفت عيالك ..
راشد: عسى عمرك طويل يمه لا تقولي كذا أنا بعرس بس بعد شهر يعني أخلص أشغالي..وعشان خاطرك يله قولي لي من اللي أخترتيها لي؟
أم حسين :الحمدلله فكرتك هونت عشان المسعدة اللي في بالي وبالك..
راشد تضايق من ذكر أمه لسيرة مها اللي مو مرغوب فيها بس عشان مايضايقها قال لها:أفا يمه لا تحاتين أنا ماهونت بس أنت قولي مين؟
أم حسين:والله هي وحدة بنت ناس أجاويد ومحترمين واسمها عبير بنت إبراهيم.!..
راشد: حصل خير بس ها مو الحين بعد شهر أن شاء الله
أريج اللي كانت منشغلة بالتلفزيون: الله يهديك ياخوي ويوفقك..
أم حسين:الله يسمع منك يابنتي...
ونرجع للعاشقين اللي حالهم ماكان يسر :
عبير تفاجأت أنه ناصر بعد يحبها مثل ماهي تحبه وحمدت ربها وكان الحزن مملي ملامحه وصوته فقالت له:لا لا تقول كذا أنا وحده والله.........قاطعها ناصر :عبير بصراحة :أنا لو ماصار لي الحادث وكنت أشوف وتقدمت لك كنت بتقبلي بي؟؟
عبير:ناصر أولاً: أنت حتى لو تقدمت لي الحين وبحالتك هاذي باأوافق..وثانياً:ماتدري أن كلمة لو حرام و...
قاطعها ناصر بقساوه و قال لها:عبير بليز أنا ماابي شفقه من أحد وخصوصاً منك أنت لأنك الإنسانة الوحيدة اللي حبيتها والقدر يبي يبعدني عنها و.....
هالمره قاطعته عبير وهي تدعي العصبيه :ناصر شوف أنا ماأشفق عليك ولا أفكر بهالشي أبد, أنا...أنا...أنا أحبك ياغبي..!

يتبــــــــــع..

[فتوتة سكر]

الجزء السادس:

أما في ذاك القصر الكبير اللي يعيشون فيه أولاد العز في السعودية ..كانت قاعدة جنان تفكر في ناصر وتبكي ودموعها تنزل مثل المطر وفي نفسها :آه ياقلبي والله أني ماعدت أستحمل أكثر من كذا..ليه؟..ليه يازمن ..بالأول كان ناصر حتى مايعبرني ويوم حسيت أنه صار منتبه ييصير فيه حادث وينعمي ..آه الحين خلاص راح حلمي في أنه يصير زوجي ..هو صحيح ولد خالتي بس لا أمي ولا أبوي راح يوافقون ..مستحيييييييل ..أبوي رغم أنه مدللني وملبي لي كل طلباتي بس عنده يزوجني غصباً علي ولا يزوجني واحد عمي وضلت تبكي لين ماجات في بالها فكرة :بما أن أبوي مارضى أروح لهم البحرين أزور ناصر ليه ماأتصل؟! وقامت رفعت سماعة التلفون وضل يرن وصاح في الصالة وكان ناصر مكانه ماقام من قالت له عبير أنها تحبه وهو بعده يفكر بالكلمة اللي تحمل معاني وااايد ومو مصدق عمره وفجأة رن التلفون اللي أعاده لأرض الواقع وحاول يمد يده ويرفعه ونجح ...ناصر:ألو مرحبا
جنان:مرحبا بك ناصر الحمد لله على السلامة
ناصر:الله يسلمك ياجنان فيك الخير والله
جنان :كيفك الحين أن شاء الله أحسن؟
ناصر حس بصوتها نبرة حزن لأنها أكيد بعد اللي صار له عرفت أن أبوها المتكبر عليهم وهم في صحتهم أكيد بيكون أكثر غرور وهو عمي ومستحيل يوافق يزوجها له لو كان يبيها وهذا اللي هي تظنه ...
ناصر:أنا بخير الحمد لله بس.. بس ناقصني عيون ياجنان ..
جنان:عيوني لك لو تبيها ...
ناصر ويبي يوعيها لنفسها لا تتعلق فيه أكثر:تسلمين يا أختي والله أنك غالية عندي مثل وفاء أختي ومافي أخو يحب لأخته تصير بدون عيون ..
جنان اللي جرحها أكثر من اللي هي فيه:مشكور ياناصر أوكي أجل أنا بسكر الحين وسلم على خالتي والبنات مع السلامة ..
ناصر الله يسلمك من الشر يله مع السلامة ..نزلت جنان السماعة والدموع كانت في عيونها وهالكلمات في قلبها:
مدري يسمونه حب ولا عذاب ..
مدري القمر غافل ولا تعبان..
ياعشاق وين الدليل..
ياورد أحمر من يشتريك..
أصحى ياعاشق لاتنام في نار الحب
ويكويـــــــــــــــــــــــــــــــك...
أما عبير بعد ما سوت عملتها اللي ندمت عليها لأنها تحس أنها سوت شي خطأ وصار مثل العار لها بنسبة لتربيتها ولأخلاقها <وهذا كان تفكير عقلها>بس قلبها كان يقول شي ثاني كانت فرحانة أنها قالت له وريحت نفسها وتتمنى أنها قدرت ترفع معنوياته وهي مجرد ماقالت له راحت تركض للدرج عشان تركب غرفة وفاء وكان الخجل ذابحها مووووووت أما وفاء اللي كانت بتنزل لها ووقفت فوق مكانها عند الدرج لما سمعت عبير تكلم ناصر وسمعت كل كلامهم وفرحت لأخوها كثير وخصوصاً إن اللي تحبه ويحبها هي أقرب صديقة لها وبسرعة رجعت غرفتها عشان لا تنكشف إنها سمعت شي ...وثواني ألا عبير تدخل عليها الغرفة وهي تدعي أنها طبيعية فقامت وفاء تسلم عليها وماتدري ليه سلمت عليها وضمتها بعمق أكثر يمكن شكر لرفيقة دربها أنها ماراح تترك أخوها وحيد ....وتمو يسولفون ويضحكون بقية الوقت ..
وفي عقل إنسان آخر وفي مكان ثاني ..
راشد خلاص دخلت مزاجه فكرة أنه يرتبط مره ثانية ..وكان جالس في المكتب في مؤسسة أبوه يخلص شغله عشان يقدر يقدم موعد خطبته قد مايقدر وكان يفكر بصمت:ياترى شلون بيصير شكلها ..وجات في باله (مها) خطيبته الأولى اللي ماتوافقوا وتركها وظل فترة مو قادر
ينساها فسافر لبنان بحجة أنه بيمسك فرع مؤسستهم اللي هناك عشان يقدر ينساها وبالفعل تخطى هالمرحلة
ونساها بس بعده عنده عقدة من اللي سوته فيه<بعدين بتعرفون وش سوت ..كل شي في وقته حلو >وترك التفكير فيها لأنه من جد كرهها ..وقام يحاول يتذكر شنو قالت له أمه أسم البنت اللي بتخطبها له :يارب وش اسمها..؟وش اسمها؟.. أيوه تذكرت اسمها عبير إبراهيم منو هذا إبراهيم لايكون بس إبراهيم صاحب شركة الخيرات اللي يشتغل فيها محمود وهو ماعنده اللي بنات ويسمونه أبو عبير...يجوز ليش لا ..ويقطع أفكاره صوت تلفون المكتب :نعم نادين وش بغيتي؟
السكرتيرة :أستاذ راشد في واحد بدو أياك برا ..
راشد:أوكي خليه يدخل بسرعة...<وهاذي حياته كل يوم تقريباً> ...
ونرجع لبيت وفاء:
كانت عبير تتأمل وجه وفاء..
وفاء:خير فيه شي وجهي.ولا معجبة ..؟
عبير:معجبة..عندك مانع؟؟
وفاء:لا طبعاً ماعندي مانع وأنا عندي غيرك حبيبتي تغازلني..
عبير:ولو لا تصدقي نفسك وايد بس كنت أفكر فيك وأحس فيك شي ...!؟
وفاء:آه حتى أنت شفتي اللي بعيوني..والله ياعبير مو قادرة أرسي على بر ..لو تشوفين حال أمي وأبوي ..أمي في السعودية عند أهلها لاهي مطلقة ولا هي معرسة رغم أنها معرسة ماأدري لمتى بتم تعاند ..وأبوي كأنه عزابي بس والله أنا حاسة فيه حاول وقال لأمي أنها ترجع بس هي مارضيت واحنا اللي ضايعين بدون أمي وأبوي ...
عبير تبي تواسي وفاء وتخلصها من الضيق اللي هي فيه شوي:طيب ياوفاء يمكن هذا أحسن لهم لما أبتعدوا شوية عن بعض عشان كل واحد يحس بقيمة الثاني عنده
وفاء:أمي من الحادث اللي صاب ناصر كثرت جياتها هنيه عشان أخواني ناصر وهادي بس ماتبات معانا وهذا اللي مخليني منقهرة رغم أني أشوف في عيونها لما تجي حسرة ..آه ما أتمنى ألا أن قلوبهم ترق وينجمع شملنا من جديد ...
عبير: إن شاء الله يارب ......
وقبل مايأذن المغرب رن جوال عبير وكان أبوها يقول لها إنه برا عشان تطلع له فسلمت على وفاء وطلعت برا الشارع ولقت أبوها يكلم ناصر اللي طلع برا بمساعدة الهندي الشغال عندهم ويقوله:الحمدلله على السلامة ياولدي ناصر ..
ناصر:الله يسلمك عم إبراهيم مشكور والله ماتقصر ..
أبو عبير:ياولدي ليش طالع برا روح داخل أحسن لك ..!
ناصر: والله زهقت قلت أغير جو شوية ..
أبو عبير:الله يساعدك ...يله فمان الله سلم لي على أبوك ياناصر ..
ناصر:الله يسلمك ..يله مع السلامة..
عبير+أبوها:مع السلامة..
وكانت عبير في قمة الخجل من الاعتراف اللي قالته لناصر اللي من سمعه وهو محلق في سماء السعادة وصار عنده هدف في الحياة ورجع له أمل كبير وقرر أنه يتقدم لها لأنها تحبه وماراح ترفضه وخصوصاً أنه يحتاجها أكثر في هاذي الفترة ..هو كان خايف أنه يكون أناني بهذا القرار لكن هو عنده أمل أنه بأذن الله بيرجع يشوف ويعوضها عن تضحيتها بقبولها الزواج من واحد عمي ممكن أنه مايشوف مره ثانية..
في اليوم الثاني ..الوقت كان مساء..وكانت وفاء قاعدة مع ناصر في الصالة وقالت له:ناصر..أخوي حبيبي؟..
ناصر بدون نفس:هاه شتبين مني ياالسوسة..؟
وفاء:حرام عليك الحين أنا سوسة لكن ماراح أقولك شي..
ناصر بمسخرة وطفش:لا أرجوك أبوس ريولك قولي لي.. بعد هذا اللي ناقصني وحدة مثلك الله يعين ريلك عليك..
وفاء:يتحمد ربه ويشكره طول عمره هو أصلاً فين بيلاقي اللي مثلي..وطيب خلاص ماباقولك وتسوي وفاء نفسها تكلم روحها بصوت عالي:قومي ياوفاء خبري عبير بالسالفة أحسن لك لاتقعدي محتارة كذا ..
ناصر:أنت مجنونة !تبلشي الناس ببلاويكِ!..
وفاء بأستعباط :أي ناس؟؟!
ناصر:عبير صديقتك ليه تبلشيها بهذرتك الفاضية؟
وفاء:والله ماكانت عنها فاضية ليه من قبل ليه بتكون الحين.؟
ناصر:طيب قولي لي وش عندك؟
وفاء تبي تقهره:كم بتعطيني أول ؟
ناصر:تراني عطيتك وجه يله ضفي وجهك ..
وفاء:خلاص..خلاص..باأقولك <وبجدية:
ماتلاحظ ياناصر إن الظروف اللي أنت تمر فيها قربت أمي وأبوي من بعض من جديد..
ناصر:والله هذا الشي الوحيد المفيد في الحادث اللي صار لي واللي أنا حاس أنه حلو وأنا أنتظر يصير هذا الشي وباأكلمهم في موضوع أني أبي أخط........
وفاء اللي عارفة هو ليش سكت ووش كان بيقول بس لازم الإحراج:وش فيك سكت ؟؟!
ناصر:هاه ولا شي بعدين ..بعدين..
وفاء:هههاااي..يفكر أني غبية و ماأفهم.. وقامت بسرعة وقبل ماتركب على الدرج رن التلفون وناصر كان جالس على الكنبة اللي جنب التلفون ويسمع صوته فمد يده ورفعه بصعوبة وقال:ألو مرحبا
عبير:ألو السلام عليكم..
ناصر عرفها وكان ميت على صوتها الناعم:وعليكم السلام ياهلا..
عبير:ممكن أكلم وفاء؟
ناصر بأستعباط عشان يسمع صوتها أكثر :من أقول لها ؟
عبير تكلم نفسها بصوت واطي مره ومع ذلك سمعها ناصر:ماتعرف صوت حبيبتك ياغبي..:معاك عبير ..
ناصر:ياعمري أنا أعرفك بس لأن مايصير أكلمك بدون صفة فلازم أسئلك من أنت عشان أسمع صوتك أكثر...
عبير كانت فرحانة ومستحية من الكلمة اللي قالها وقلبها كان طبول بس هي ماتبيه يحسب أنها من هالبنات :
طيب وين وفاء؟
ناصر المتونس:لحظة شوي أناديها لك ,والله مايحتاج هذي جاية ..
وفاء:هلا بعمري وقلبي وحياتي واللي بتصير...<سكتت شوي وهي تفكر:وش هالمصيبة كنت باأقول لها مرت أخوي أشوى أني أنتبهت لنفسي ..<وكملت:واللي بتصير معاي في الجامعة عما قريب..
عبير:بل بل بل وش هالحب اللي نازل عليك..!وبعدين ليه تذكرينا بالجامعة الحين أحنا ماصدقنا ناخذ منها إجازة ..(وفاء وعبير سنة أولى جامعة خلصوا سمستر واحد ., عبير تخصص حاسب,ووفاء تخصص تمريض )
وفاء:هاذي جزاتي أنا اللي أحبك وأموت فيك..!؟
عبير:آه ياعمري أنا بعد أحبك والله يخلينا لبعض ولا يفرقنا ويخلينا نروح مع بعض اليوم السوق..
وفاء تناظر أخوها ناصر وتذكر اللي اتفقوا يعملونه مع أبوهم.. :اليوم..أممم ما أظن أقدر..
عبير:أفا ..ليه؟!
وفاء: بعدين بعلمك بالخطة اللي بنسويها..
عبير: أوكي أجل أنا أخليك الحين..باي
وفاء:بايات..
ناصر: هاه دخلت الفكرة عقلك؟...
وفاء:أيوه خلاص أنا بروح أنادي أبوي وأنت تقوله اللي اتفقنا عليه ..
ناصر: أوكي يله بسررررررررررررعة..

يتبــــــــــــع

[فتوتة سكر]

الجزء السابع:

..وراحت وفاء تنادي أبوها اللي كان جالس مع هادي بالحديقة ..وفعلاً جاء أبو ناصر وهو حامل هادي على كتفة
وراحت وفاء سحبت هادي من يد أبوها وباسته على خده وقال لها ناصر:وصلي لي هدوي حبيبي..وخذه في حضنه يعوضه عن أمه بقليل من الحب..
سعود(أبو ناصر): شبغيت ياولدي ناصر أختك تقول أنك تبيني..!؟
ناصر بدون لف ودوران<طبع في العائلة>:أيه بغيت أسألك الحين شنو عليك أنت وأمي ترى يايبه مايصير كذا لا معرسين ولا مطلقين ..!
هادي الملقوف:أيوه صحيح يابابا ..
سعود بهدؤ: طيب أنا عندي لكم بشارة ..
وفاء وقلبها طاير من الفرحة ماتدري ليه تحس انه خلاص هالمشكلة بتعدي على خير: قول يايبه بشرني وفرحني..
أبو ناصر طلّع تلفونه الجوال وقام يدور في الأرقام الصادرة على أسم (الغالية)واتصل وحطه على لسبيكر :
الطرف اللي رد:هلا والله بأبو ناصر حبيبي وأبو عيالي..
أبو ناصر:هلا فيك أنتِ ياريحة هالبيت اللي محتاجك .. شوفي عيالك لعوزوني وكل شوي قالوا لي نبي أمي..!
بدرية(أم ناصر):وش دعوة هذا أنت معاهم وإن شاء الله بكرة أنا عندكم وماعاد في طلعة مرة ثانية..بس أنت لا تقول لهم خلها مفاجأة ..!
أبو ناصر يضحك ويناظر أولاده اللي قالوا له بتأشيرة من رأسهم أنه مايقول لها أنهم يدرون..
أبو ناصر:أوكي أجل أنا أخليك بروح أنا عشان أصحي بدري
وأجي آخذك وأنتِ بعد دخلي نامي ترى الساعة 7 أنا عندك ..
أم ناصر:إن شاء الله يله في حفظ الله الغالي..
أبو ناصر:في حفظ الرحمن..
وبعد ما سكر سعود من بدرية شاف وجوه أولاده اللي الدموع مليانة في عينة واللي الابتسامة مالية وجهه فأبتسم لهم ..
وفي هاالحظة دخلت عليهم ريم مع خالد خطيبها وولد عمتها..
خالد:السلام عليكم..
الكل:وعليكم السلام..
ريم:بسم الله الرحمن الرحيم ..وش فيكم طالعوا وجوهكم كأنكم كنتوا في عزاء ..!؟
هادي:ههههههه..ريم ..ريم ..خلاص ماما بترجع ومابتروح..
ريم وهي متونسة مرة:صج يبه..؟
أبو ناصر:أيوه يابنتي الحمد لله..
خالد:الحمد لله..والله ريم كانت وايد تحاتي وهاملتني.. ويغمز لوفاء اللي تمت ناقعة من الضحك..
ريم تطالع خالد بعين وعين: لا والله ..أحلف..!
خالد يبي يقهرها:والله..<ويطلع لها لسانه..
ريم:صج أنك ما تنعطي وجه هذا وأنا اللي مفرغة نفسي هالأسبوع كله لك لكن ماعليه شوف اللي تيي وتروح معاك..خل وفاء تنفعك ..
ناصر وهو يضحك على خبال أخته وولد عمته :هي ياجماعة الخير ترى السالفة ماتستاهل مو تنحل مشكلة الكبار وتجي مشكلتكم أنتو يالصغار ..
خالد <مسوي نفسه بيصيح>:فال الله ولا فالك..لاتفاول علي حبيبي<وبنعومة>:أنا مالي غنا عن ريمي حبيبتي ونور عيني..
ريم اللي ستوت خدودها حمرا <بكل رقة>:أحم أحم طبعاً طبعاً وأنا بعد حياتي مالي غنا عنك أبداً أبداً..
وفاء تقاطع حوار عيون الحبيبين:هي أنتو ياعصافير الحب أنا هنيه احترموا شوي أو لا تعلموني السخافة..
خالد :أنت بعد حبيبتي ونور قلبي ..
ريم تدز خالد مسويه نفسها زعلتْ:خلاص روح روح مابيك!
خل وفاءوه تعطيك حبها..
وفجأة وبدون سابق إنذار وبسرعة جات لها بوسة في خدها سوت الفعايل فيها وخلتها تنطم وتحمر وتقوم تركض غرفتها <مستحية البنت>
وفاء: أوه يا خالد وش هالحركات بعد وتصفر.. بس زين لك خليت البنت تقوم ..
خالد وهو يفكر في نفسه بضيق :هي حاله صار لنا شهرين مع بعض غير مغامرات قبل وللحين ما تقدر تتقبل مني حتى بوسة ..أففف..!
وفاء:وينك.؟وين وصلت..؟
خالد:لقلبك حبيبتي..
وظلوا يسولفون ويضحكون بدون ريم اللي قرر خالد بعدين يكلمها,..
وأبو ناصر طلع ينام وهو يدعي ربه يخلي عياله في هالسعادة وماشي يخرب عليهم فرحتهم ويشفي ولده ناصر ويخطب له بنت الحلال عشان يشوف عياله ويعرس وفاء بنته ويعافي هادي ولده...كل هاذي الأمنيات كانت في قلب أبو حنون..
في السعودية:
جنان حالها ماكان يسر لا عدو ولا صديق بدت تضعف ودايم تفكر هي خلاص ناصر شالته من رأسها وعقلها بس قلبها ماتقدر تتحكم فيه ..شوية ودخلت عليها أمها الغرفة:
أم جنان:وش فيك يابنتي ليه مسويه في نفسك كذا لا أكل ولا نوم ..!؟
جنان بملل:مافيني شي يمه..
أم جنان اللي قلبها يقول لها أن في بنتها شي مخبيته عنها وهي لازم تكتشفه:زين يابنتي قومي كلي لك لقمه ونامي..
جنان:يمه ما أشتهي ولا فيني نوم..
أم جنان اللي تحاول قد ما تقدر تطلع بنتها من عزلتها اللي حطت نفسها فيها:طيب وش تقومي نزور خالتك بدرية الحمد لله هداها وتصالحت مع ريلها وبكرة بترجع البحرين..
جنان:الحمد لله ..خلاص أجل بلبس عباتي وبجي معك..
أم جنان في نفسهاالحمد لله أني قدرت أقنعها على الأقل)..
بنفس الوقت جنان في نفسها:خالتي آه ياخالتي أنت فيك ريحة الغالي..وجت هالكلمات في بالها:
رغم البعد الذي أملاه علينا القدر حبيبي..
ألا انك دائماً ببالي..
لا أغفو ولا أنام ألا وأراك في أحلامي..
لا أترك لعقلي فرصة التفكير ألا واتخذت المركز الأول في عقلي..
بُعدك يا قلبي أضاف لك لمسة من حبي وشوقي إليك..
بعدك عني جعل إحساسي باللوعة ورغبة الجنون عندي تزداد..
إرجع ياحبي وكلي أمل أن لك مني وعد بأن لا أنســـــاك
لو طـــــــــال الفــــــــراق..
وفي الطرف الثاني من البحرين :
أريج أخت راشد قاعدة مع زوجها محمود اللي من السعودية :
أريج: محمود حبيبي..؟
محمود وهو لاهي بالتلفزيون :هلا عمري..
أريج:ماتبي تأكل شي..؟
محمود:لا شبعان ومالي خلق..
أريج:طيب..سمعت أن راشد أخوي قرر أخيراً يخطب..
محمود أنتبه لها:صج؟!ماقال ولا سمعت..!
أريج:للحين ماراحوا بس بعد أسبوعين كذا بيروحوا يخطبوا له وحدة اسمها عبير هي عايشه بالبحرين لكن أصلها من السعودية ..
محمود: أوه بياخذ من بني عشيرتي ..
أريج:أيه وهذا اللي مفرّحني لأني أحب السعوديين..
محمود:كلهم..؟؟!
أريج:لا بس أثنين منهم..
محمود:واحد أكيد أنا.. ومن الثاني يا الخاينة..؟
وتدخل من الباب الخدامة ومعها ريهام اللي راحت تركض لحظن أبوها:بابا ..بابا هبيبي وين لحت ؟ماثفتك! (بابا حبيبي وين رحت ؟ماشفتك!)
محمود:هلا ببنتي وقلبي ..أنا موجود معاك..
ريهام (عمرها 3 سنوات):أسوى فتلتك لحت عني..
(أشوى فكرتك رحت عني)..
محمود:لا لا تخافين مابروح عنك..
أريج تكلم محمود:هذي هي الشخص الثاني ..وتكلم ريهام:يله قومي ماما نروح ننام ..
ريهام:لا ما أبي.. أبي بابا..
محمود:هههه ياحبيبة بابا أنت يله قومي نروح كلنا..
*وأنتهى اليوم والكل كان يحس بطعم السعادة..ماعدا شخص واحد ما أنتهى يومه وكان جالس عند البحر اللي تعود في الفترة الأخيرة يروح كثير هناك ويجلس ويناظره ويشكي له همه بس هذي المرة كان يأخذ رأيه وهو يفكر في نفسه:آه يابحر.. شفت خلاص معاناتي بتنتهي قول:
يارب.. يرزقني ببنت الحلال اللي تسعدني وتعوضني عن الستة شهور اللي قضيتها وكأني ميت وأتمناها كل يوم تتصل بي الصباح وتقول لي ما قدرت أصبر ياراشد ياحبيب قلبي أصبر لين الظهر ما أكلمك تراك توحشني بسرعة..آه
وترك التفكير شوي وهو يشوف الساعة وتفاجأ لمن شافها 11 الليل :بل صار لي 3 ساعات جالس عند البحر ولا حسيت بوقتي لهاي الدرجة صار البحر عندي شي كبير..آه أقوم أروح البيت وأنام أحسن لي..
وفي وادي ثاني كان هناك شخص ثاني بعد ما أنتهى يومه..
كانت جالسة على السرير تفكر باللي صار لها من أول يوم جاب لها أبوها الجوال هدية نجاحها مع أصرار منها على أن كل صاحباتها عندهم جوال ألا هي وابتدأت شلالات الذكريات: يا أحلام.. يا أحلام..
أحلام:هلا يبه بغيت شي؟!
أبو عبير:أيه يا بنتي تعالي أبيك..
أحلام:خير يبه..؟
أبو عبير وهو يمد عليها كيس أبيض وأنيق تفضلي يابنتي هذي الهدية اللي وعدتك فيها وأنت تبينها بس ها حطي بالك على نفسك ترى الجوال خراب بس أنا واثق فيك أنت الحين ما شاء الله عليك قريب تروحين ثالث ثانوي وعاقلة
وتفهمين.هاه خلاص أعتمد؟
أحلام أعتمد يبه ومشكور ياأغلى أبو في الدنيا..وراحت باسته على رأسه ومشت...يتبع
ياترى شنو اللي صار لأحلام مع الجوال لما نكمل ذكرياتها بنعرف..
وكيف بيراضي خالد ريم اللي ماتتقبل منه شي هل بيقدر يقنعها..؟
وعبير بتكون من نصيب من. راشد؟ ولا ناصر؟
ووفاء هل بتقابل اللي كان بيصقعها بالسيارة ذاك اليوم مرة ثانية؟

وشرآآآآآيكم في حماس أحلى من كذا؟؟؟
<<شكلي بتسطر
خخخخخخخخخخخخخخخخخ


يتــــــــبع...

[فتوتة سكر]

وينككككككككم؟؟؟؟؟؟؟؟

[فتوتة سكر]

خلاص زعلتوووني مافية تكملة

[الدر المكنون]

نحنو موجودين بليز كملي القصه لنهايه اهم شي النهايه متحمسه ابي اعرف النهايه شنو تكون:smile: :smile: :smile:

[فتوتة سكر]

ههههههههه تونا ريضين يس بكمل عشانك أنت>ي

[فتوتة سكر]

الجزء الثامن..

نكمل أسراب الذكريات اللي كانت تمشي مثل النهر في بال أحلام..
أخذت أحلام الكيس من عند أبوها وهي راجعة غرفتها:آه وأخيراً صار عندي جوال مثل صديقاتي ..وأول شيء بأسوية الحين بأسجل أرقام صديقاتي وبعطيهم رقمي..بعد يومين صار جوالها ما يسكتْ ..دقيقة مسكول جاي..ودقيقة مسكول رايح.<من الفرحة>.. ومسج رايح ومسج راد.. ..<<حركات البنات>>..
أحلام تفكر بعد مارجعت من السباحة في بركة الذكريات..: بس أنا ما صار لي أسبوع من أخذته وتجيني هذي الرسالة الغريبة..وتخليني أتبهدل كذا..
آه أنا مليت من التفكير ..ليه ما أروح أخبر عبير ...أفففف بس هي أكيد نامت الحين ..<آه ياربي أنا السبب لأني رفعته دون ما أشوف الرقم وأتأكد أنه مسجل عندي .وبدون شعور رجعت مسكت الجوال وفتحت الرسالة اللي كانت على جزأين وقرأتها : (مرحبا أنا أسمي نايف..وأحب أقولك إني من سمعت صوتك اليوم وأنا مو قادر أركز على شيء من أشغالي ممكن نتعرف؟)
المسج الثاني: (أنا عمري 21 سنة وأدرس وأشتغل.. بليز إذا أنت موافقة دقي لي مسكول وأنا أتصل وإذا مو موافقة مسحي الرقم وأنسي إني طلبت منك شيء ..ماتدرين يمكن يصير بينا نصيب..!)
أحلام في نفسها:ليش ما يكون صاج بكلامه ومو من هاي الشباب الطايشين
..يله أخليها على الله وأنام الحين أحسن لي وبكرة يصير خير..
وفي طرف ثاني:
كانت قاعدة تفكر:آه ياربي أنا ليه سويت كذا ..أنا ما كان قصدي بي..(أففف أصلاً أنا ما عندي عذر على اللي سويته بس حتى هو لازم يتفهمني شوي ويحس على دمه أنه أنا مهما كان إنسان..وإذا بيزعل خله يزعل!.مرده بيراضيني..
وفي ذاك القلب اللي كانت متأكدة أنه بيراضيها كان يفكر في نفس الوقت:
هي اللي سوته غلط بس أكيد ما كان قصدها..وأنا صار لي ساعة أبي أنام ومو جايني نوم لأني ما سمعت صوتها..ليه ما اتصل فيها الحين وأطيب خاطرها بكلمتين حلوين..وفي هاذي الحظة رن جوال ريم على نغمة راشد:من يقول أني لغيرك أنا متعلق مصيري ياحبيبي في مصيرك...
طبعاً ريم من سمعت النغمة عرفت أنه خالد وترددت في البداية:ارفعه ولا لا؟ يله مهما صار لازم بنفتح الموضوع..ورفعته بصوت تعبان: ألو
خالد اللي عرف أنها زعلانة لأن عادتها ترحب فيه فرد عليها بهدؤ:
أهلاً حبيبتي ..
ريم بكل برود:أهلاً
خالد:وش فيك ريم..؟!
ريم بقسوة شوي:مافيني شي ..وأيش تبي؟
خالد اللي متعود على أسلوبها الصريح القاسي "(وهذا هو أسلوب مرت خاله وبعد وفاء أكثر وحده متعود عليها هي أعظم من ريم..ماعدا الأولاد صايرين أرق من البنات..هههه)رد عليها بحرارة : شنو ريم وش أبي ؟!
أنتِ تعرفين أكثر من أي إنسان آنا وش أبي..أنا أبيك أنتِ..أنا ما جاني نوم وأنت زعلانة رغم أنه مالك حق تزعلين بس لو أنا ما أعرفك انك مستحيل تتنازلين وتتصلين والله لحقرتك بس هم مو بيدي احبــك وما أقدر على زعلك..
ريم أبتسمت لنفسها وتمد ربها على نعمته لها في ولد عمها للي صابر عليها لأنه لو واحد غيره كان من زمــــان شاف له وحدة ثانية ..وردت بكل هدؤ :
أنا بعد خالد احبك ومستعدة أفداك بنفسي لو بغيت بس أنت لازم تفهمني وتصبر علي شوي ..وبحزن تكمل: والله خالد مو بيدي آنا جالسة أحاول بس...<سكتت بعجز ماقدرت تكمل..
خالد: خلاص ريم آنا بتحمل شوي بعد بس أهم شي الحين ما أبي أسمع هاذي الرمسة الحزينة أكرميني بوحدة من ضحكاتك الحلوة عشان أعرف أنام..
ريم ضحكت غصباً عنها :ههههااي أنا قلت أنه مردك بتتصل وتراضيني..يله تصبح على خير أبي أنام بكرة الماما بتجي..
خالد:وأنت من أهل الخير والعافية والمازولا..
ريم:ههههااي حلوة هاذي المازولا..يله باي حياتي..
خالد:بايات عمري..
وأخيــــــــــــراً حل الســــــــــلام..ههههههه..
بداية يوم جديد والساعة 7 الصباح..وكانت الشمس مشرقة والسماء صافية وتغريد العصافير منتشر في كل مكان..<<حشى ولا إذاعة الصباح..ههه>
في بيت أم حسين..
كوثر بملل وهي تشوف أمها نازلة من فوق : صباح الخير يمه ..
أم حسين:هلا صباح الخير يا بنيتي وش فيك قالبة وجهك من الصبح..
كوثر: مافيني شي يمه بس شنو هذا ملينا يمه الناس إجازة وكل الناس تطلع إلا إحنا هذا واحنا في ثالث ثانوي يعني المفروض تعاملونا معاملة سبيشل..
أم حسين: آه والله وراحت أيام أبوك الغالي اللي كان ما مر خميس ولا جمعة ألا لازم مطلعنا..الله يرحمه..وأخوك حسين لاهي في هولندا حتى ما يسأل عن أحوالنا..آه.. ألا أقولك فين أخوك راشد؟
كوثر: هو نايم..بصراحة يمه أنا أمس الساعة 12وشوي كنت بروح الحمام
وسمعت صوت في غرفته الظاهر أنه كان توه راجع..
أم حسين: آه الله يهديه ..طيب فين أختك عنك؟!
كوثر:بعدها نايمة زهقتني وآنا أحاول أجلسها ومو راضية تصحى..!
أم حسين: طيب أ،ا بروح بيت جارتنا سعاد وش رايك تروحين معاي بدل ما أنت جالسة لحالك..
كوثر في نفسها: أوه من حق بيت جيران ماعندهم ألا بنت دايم تهاوشنا يوم أحنا يهال وولد ما نسمع حسه ألا بالصريخ على أيام أبوي الله يرحمه..وترد على سؤال أمها ماتبي تكسر بخاطرها كافيها اللي فيها:طيب يمه خلاص بروح معاك رغم أني ماطبيت هناك من وأنا عمري 8 سنين ولا أتذكرهم عدل..
أم حسين: يله بسرعة لبسي عباتك وجيبي عباتي وبتذكرينهم هناك..
كوثر:أن شاء الله يمه
أما أبو ناصر من الساعة 6 ونص وهو يمشي بالطريق وكله شوق لزوجته اللي صار له 3 أسابيع و8 ساعات و4 دقايق ما جلس معها(ما شاء الله عليه من الوله عاد حتى الدقايق ماباقي ألا الثواني هههه) وصل عند بيت حماته في السعودية ودخل ولقى بدريه لحالها قاعدة في الصالة وهي مبوزة والتلفزيون شغال وما حد له..
أبو ناصر:السلام عليكم لأحلى وحدة شفتها في حياتي..
أم ناصر: وعليكم السلام ..أيه أيه قص علي..وروح ما أبي أكلمك مقومني من الساعة 5 الفجر..وتقولي الساعة 7 أنا هنيه والحين الساعة 8 ألا ربع وتوك جاي..
سعود: هههه الحين هذا اللي مزعلك يا عمري شسوي الطريق كان زحمه والجمارك ما يقصرون ..وبعدين أنت ِ لمتى بتهونين عن هاذي الحركات.. تذكرين..من أيام خطوبتنا وأنت تسوين لي كذا..
بدريه:ههههااي محلى ذيك الأيام بجد كانت مثل العسل..
سعود يبي ينرفزها أيه طبعاً أيام اللي كنت صغيرة وحلوة ..آه
بدريه تطقه بخفيف: هي تراني بعدي صغيرة..
سعود ما جوبها لأنها مهما كبرت بتظل نفس أول مرة طاحت عينه في عينها..وظل يناظر عيونها اللي تناظره ودخلوا مع بعض في عراك طويل من الشوق والوله ..تقطعه بدريه: آه تصدق ولهت عليك واشتقت لك ولحظنك الدافي الحنون ..
سعود ضمها له ورد عليها بعيونه وهي سكتت وفهمت الجواب..<لغة المحبين..>
في بيت وفاء النشاط قايم فيه:
وفاء:يله ناصر بسرعة خلك أنت مكانك هنيه ما نبي نتعبك وأنا بروح أجيب الأغراض ..
ناصر:فين هادي؟ بعده نايم؟ أمي يمكن تجي في أي لحظة..!
ريم:خلك أنت في نفسك..أحنا عارفين شغلنا ..خالد قوم أنت جيب العصير والبيبسي من الثلاجة..
خالد: لا بالله فلحت آنا أنت ما خذتني لك زوج ولا خدام..
ناصر:هههه أشوى أنا ما أشوف ولا كان شغلوني..
ريم:بتقوم الحين ولا أفلع راسك بهاذي الكيكة اللي قدامي..
خالد:الله حلوة الكيكة عادي بتمتع بطعمها...
وفاء:ياقلبي يا خالد أحبـــــــك لما تنرفزها..ههههااي..
ريم:أففف أكرهك أنتِ وياه لمن تتفقون مع بعض ..أروح أجيب العصير أحسن لي من هالريال اللي ما منه فايدة هو ويا أخته اللي معاه..
الكل :ههههههههههههههه..
نرجع لأم حسين وبنتها :
وصلوا بيت الجيران ودقوا الجرس ..دقايق وفتح لهم الباب ولد تقريباً في 12 سنة :هلا تفضلوا عمتي في هاذي الغرفة وأشر على غرفة متصلة بالبيت بس لها باب ثاني برا..
أم حسين :مشكور ولدي...
كوثر:بسم الله مو هذا اللي كان كله مع أبوي وبس يصارخ كيف لين الحين ماكبر..
أم حسين:يمه كوثر وش صاب عقلك فيه شي ..هذا ولد خاله مدري عمه ياحظي..
كوثر:يعنو والله يشبهه..وسكتوا ودخلوا على سعاد جارتهم وهي علاقتها بأم حسين مرة قوية..
سعاد:هلا وغلا بوخيتي القاطعة<قام سلام النسوان ؟..أم حسين وهي تبوسها:هلا غناتي والله مو مني تعرفين الظروف في البيت..
سعاد تناظر كوثر:يا مرحب ..من هاذي كوثر ولا نرجس؟
كوثر:هلا خالتي أنا كوثر ..كيفك عساك بخير؟...
سعاد:الحمد لله ما شاء الله وكبرتي وصرتي عروس يا كوثر..
كوثر توردت خدودها:مشكورة خالتي..
سعاد: وليه ماتزورونا أنت وأختك نرجس.مو قد المقام..؟
كوثر:ما عاش من قال كذا ..بس حنا ما نحب نطلع من البيت وايد..
وضلوا شوي سوالف وتناهى لمسامع عبير صوت باب الحمام اللي جنب الغرفة أحد يدخله ويسكر الباب وفتح الماي وأبتدئ يغني: أخبارك أيه حبيبي ..طمني عليك حبيبي..واحشيني عينك حبيبي..أخبارك أيـــه..
أأأأأا(ناسي المقطع هههه) ويكمل: أهدي لعينيك سلامات ..والله بكرة تروق يا حبيبي وأحكي لك الحكايات..وسكت...
كوثر في نفسها: معقولة هذا الصوت الحلو صوت خليلو اللي كان يلزق في أبوي بس عشان أنه على أسمه..ومن يتركه يصارخ ويصيح بصوت.. سبحان مغير الأحوال....والله وناسه..تعالي يا نرجس سمعي اللي أسمعه..
سعاد تقطع أفكارها:يا الله ..من بيسكته هذا الحين كل يوم على هاذي الحالة
ووين شهد هاذي تجي تقول له يسكت ..ما يدري أن عندنا ضيوف..
أم حسين:وش دعوه يعني أول مرة هي ياما جيت وسمعته وشفتْ عمايله خليه هذا خليل الغالي مدلل المرحوم..
سعاد: والله ذكريات أول وناسه ..ويسمعون خليل:آي يلعن شكلك (كأنه يسب شي عوره)..
سعاد:غربل الله بليسك يا خليل وتنادي بنتها :شهد يا شهد شهد يعلك ماتصمخين وينك؟
شهد وهي طفشانه:ها يمه شتبين؟!
سعاد: تعالي يمه سلمي على خالتك..
وتدخل شهد الغرفة:هلا وغلا بخالتي ..وسلمت عليها ألتفتت لكوثر:أوه من هاذي :أريج؟ ولا كوثر؟ ولا نرجس؟
كوثر: حزري فزري..
شهد: أمممم ما أتوقع أريج لأنها أكبر ..أنت أكيد نرجس..؟!
كوثر:طبعاً...لا... هههه أنا كوثر..
شهد: حي الله كوثر اللي أبد ما تسال..
كوثر تمزح وتأشر على نفسها بصبعها وتطالعها بنظرات تكبر:أنا أسأل عليك ..وتأشر على شهد بصبعها من فوق لتحت:وأنت آخر مرة طاردتني من غرفتك وما خليتيني ألعب بلعبتك ليش أنها جديدة...
شهد:ههههااي بعدك تذكرين سالفة من 10 سنين الله يعينك على نفسك أجل ويعين المطفوق اللي بياخذك بتظلين تتذكرين أقل الأخطاء اللي يسويها..
وضحكوا وضلت تسولف معاها وفجأة يدخل خليل الغرفة ويتفاجئ بوجود وحدة ويرجع ورا الباب ..وما حد شافه غير كوثر اللي فقعت ضحك على شكله وهو كان ورا الباب يبي يسلم على خالته أم حسين اللي متعودة تشوفه بهالشكل بس من هاي القمر اللي معاها (هذا كان تفكيره)..وتوصل لأذنه صوت ضحكتها الساحرة<مثل ما سماها>..وأنقهر ومشى ...
كوثر:هههه آي هههه هههه وي ما أقدر آي بطني ..هههه...
شهد:بسم الله عليكِ وش فيكِ؟
كوثر انتبهت لنفسها وأنها مو في بيتهم:ها ولا شي بس..وتأشر على الباب بصبعها..وترد تضحك..
الكل أستغرب منها..راحت شهد فتحت الباب تشوف وش صاير ..ما شافت شي بس أنتبهت انه ماكو حد بالحمام..ورجعت:أكيد شفتي خليل..؟!
سعاد:أيوه والله ما أدري هالولد متى بيهون.مهتم في نفسه وكأنه بنت ما يخلي كريم,شامبو,دواء,مرهم..ألا واشتراه..
نوار أم حسين:أحسن من أنه ما يهتم بعد..
كوثر:السموحه ترى ما كان قصدي أضحك كذا بس شكله كان مضحك..
شهد: عادي حبيبتي خذي راحتك حنا متعودين عليه أصلاً حتى لو تسألين أمك بتقولك ..
كوثر مستغربة مرة وأنهت هذا الكلام بابتسامه حلوة جات لها وحدة بالمثل من شهد...يتبع.تتوقعون أن كوثر بيتبط مصيرها في بيت جيرانهم؟وتتوقعون أم ناصر بترجع تتهاوش مع زوجه ؟وريم بتتقبل ولا كيف؟وأحلام كيف بتتصرف؟ أنتظروا الجزء الجديد وبتعرفون..


يتبـــــــع...

[فتوتة سكر]

الجــــزء التاســــــع .. :

نروح لأحلام في غرفتها:
كانت أحلام جالسه في غرفتها تفكر شنو تسوي بهاذي الرسالة اللي ماخذة كل تفكيرها وقطع تفكيرها جوالها يرن شافت :وفاء تتصل بك..استغربت ..ليه متصلة على تلفوني مو على تلفون عبير..ورفعته..أحلام:هلا والله ...
وفاء:هلا أحلام ..كيفك؟
أحلام:تمام أنت كيفك؟
وفاء:أحلى تمام وأحلى صباح عندي..
أحلام:وش دعوه وش عندك؟!
وفاء ما تبي تفضح أسرار بيتهم وتقول لها عن هواش أمها وأبوها اللي ما قالته لحد غير عبير لأنها مثل أختها اللي تكتم أسرارها فقالت: كذا ..فرحانين وبنسوي حفله وكنت أتصل لعبير على تلفونها لكن ما ترفع ليه؟وش فيها؟
أحلام: ولا شي بس هي بعدها نايمة...
وفاء: اهاا غريبة ..طيب من تجلس قولي لها تكلمني ضروري ..
أحلام:أوكي باي
وفاء:باي..
سكرت أحلام من وفاء وهي تفكر:ليه ما أكلم صديقتي زهرة وأقول لها عن اللي صار لي وآخذ نصيحتها ..بس زهرة ما تنفع لأنها وايد متمسكة وبتقول لي:طنشي..وأنا أبي وحدة تقول لي كيف أـصرف عدل ..أممم ليه ما أتصل برجاء وآخذ رأيها أنا سمعت أن هي عندها جوال من زمان وأكيد صارت لها مثل هاذي المواقف ..وتطلع رقم رجاء وهو مخزن في الجوال وتتصل..
رجاء:ألو أهلييييين..
أحلام:أهلين شخبارك رجاء؟
رجاء:تمام بس وش اللي نازل عليك غريبة متصلة تسألي عني وأنت حدك معاي مسكولات..!
أحلام:بصراحة كذا أنا متصلة آخذ رايك في سالفة...
رجاء حستْ أن السالفة فيها ولد وأبتدئ عقلها بالخراب: خير قولي لي وأنا أعطيك الحل تراني مجربة وايد..
أحلام علمتها بكل السالفة ...(تخيلوا شنو ردت عليها..)
في بيت وفاء:
كل شي كان جاهز تقريباً للمفاجأة اللي مجهزينها لأمهم اللي كانت تفكر أن المفاجأة عندها هي برجعتها دون ما يدرون..
هادي:أوه متى بتجي أمي وايد تأخرت !!..
خالد:وأنت كله ما عنك صبر استني شوية يا أخي.. !
ريم وهي تأشر على خالد بصبعها:هي أنت يا اللي أسمك خالد هد أخوي في حاله ولا تكلمه بعد أنت ووفاء أحرار أحنا مالنا خص فيكم بس أخوي هدوي ما عليك منه فاهم؟!؟
خالد:كيفي ولد خالي وأنا حر معاه وش دخلك أنتِ؟
هادي :أختي ولها دخل أنت وش عندك..
وفاء بحماسه: هي أنتوا سكتوا خلاص أ[وي وصل ومعاه أمي..
ناصر فرح من كل قلبه اليوم خلاص بيقول لهم على اللي يفكر فيه من زمـــان..
ودخلت أم ناصر الصالة وما استغربت أن عيالها مو في استقبالها <على بالها ما يدرون..
أم ناصر: آه من جد اشتقت للبيت ..أنا بروح أشوف عيالي ولهانة عليهم..
أبو ناصر :قبل ما تروحين تعالي برويك المجلس ..أنت رحتي من جهة وجاوا عيالك خربوه من جهة ثانية تعالي شوفيه عشان تهزئينهم..
وتروح أم ناصر معاه وهي ماسكة قلبها وفتح أبو ناصر الباب..وبنفس اللحظة كلهم قالوا مع بعض: أهلاً من جديد بأحلى أم في الدنيا والكون كله..
أم ناصر الدمع أمتلئ في عيونها وما قدرت تحبسه وهي تطالع عيالها يبكون وأول وحدة راحت لها وفاء وضمتها لصدرها وهي تبكي: آه يمه يا ريحة البيت اللي
ما يستغني عنك ..اشتقنا لك وايد..
بدريه:وأنا بعد اشتقت لكم..
هادي: يمه ما عليك منها تعالي لي أنا ولهان عليك أكثر منها..
الكل ضحك وراحت بدريه لهادي وضمته لصدرها وهي حاسة أنها في الفترة الأخيرة مقصرة معاهم كلم ..
أم ناصر:يا حبيبي يا هادي كيف حالك؟
هادي بدأ يصيح:يمه مو زين أنا بدونك لا تروحين عني مرة ثانية ..
أم ناصر:وأنا اقدر أروح عن عيني يا نور عيني..
ناصر:احم أحم أنا هنا ولا ليش أني ما عندي عيون ما أصير نور عينك..
أم ناصر قامت لولدها وضمته لصدرها وهي تبكي عليه:
آه يا حبيب أمك يا ناصر ا،ت الكل في الكل..
ريم مبوزة:أيه وأنا بنت القطه السوداء..
وفاء:ههههااي ..لا أنت مرت القط الأسود..
الكل:هههه
خالد: أنا قطو أسود يا وفاء لكن ما عليه ..اوريك..
أم ناصر: تعالي لي يا ريم يا بنتي أنا مالي غنا عنك أنت مكاني إذا أنا غبت شلون بنت القطوه وأنت روحي ..
خالد:أحم أحم..شخبارك يا مرت خالي؟ وعمتي..؟
أم ناصر:هههه حتى أنت يا خالد صرت مثلهم ..الحمد لله أنا بخير بس لأنكم عيالي اللي أحبهم وما أقدر أستغني عن ولا واحد منهم..
الكل: ولا أحنا نقدر .. والكل في هذا البيت كان فرحان برجعة أم ناصر..
وفي بيت عبير..
إبراهيم (أبو عبير):ألا وين البنات للحين ما جلسوا من النوم؟
هدى(أم عبير): لا والله ما جلسوا ما فيه ألا دانه جالسة مع أمك بالمطبخ تعلمها كيف تخيط شنطة..
أبو عبير:يحليلها وكبرت بنتي وصارت تبي تخيط ..
أم عبير: عجل أيش تفكر ..عبير وأحلام صاروا عروسات وبكرة يعرسوا ودانه بتلحقهم أن شاء الله واللي في بطني بعد ..
أبو عبير:أن شاء الله..تصدقين هدى صج أني أبي ولد بدل سلمان الله يرحمه لكن لو بتجي بنت مثل أحلام حبيبة قلبي عادي عندي..
أم عبير: أي والله خانة حيلي هالبنت..(مساكين ما يدرون أن اللي يتكلمون عنها وواثقين منها ما تفكر نفس تفكيرهم..)
واللي يصير في غرفة أحلام..
أحلام: رجاء أنت من صجك! تبيني أدق له وأقول له أنا موافقة أتعرف عليك..!
رجاء:أيه عادي والله شوفيني أنا صار لي مثلك ..رسل لي واحد مسج يقول لي أنه يبي يتعرف علي ووافقتْ ولو تشوفيني كيف عايشه مثل العسل ..هو اللي مفرحني.. كلامه جنان وحلو..صدقيني ما بيضرك لأنه مجرد كلام في تلفون ولو حبك من صج بيتزوجك..وهذا اللي صار لوحده أعرفها شخصياً والله جربي وبتشوفي..
أحلام:.....لا تعليق......
رجاء: ها وش بتسوين ؟..
أحلام: آه والله ما أدري وش أقول يمكن أسمع كلامك بس بفكر شوي..
رجاء: لا تفكري ولا تتعبين نفسك كلميه الحين هاذي فرصتك تعيشين حياتك..
أحلام:أوكي خلاص مشكورة ما تقصرين..
رجاء:هههه العفو حبيبتي ما طلبتي شي ..مع السلامة..
أحلام: مع السلامة..
انتهت من مكالمتها مرتاحة مرة وقامت بتنزل بتروح تصبح على أمها وأبوها ويدتها(اللي عايشه معهم في البيت..) وقبل لا تدخل الصالة سمعت كلام أبوها على أنه لو جاته بنت مثلها بيستغني عن الولد ونقزها قلبها:لهدرجة أبوي يحبني وواثق مني وفرحان فيني..كيف أنا أخونه بسهوله وأكلم شخص ما أعرفه ولا يعرفني في سبيل تحطيم سعادة بيتنا لا مستحيـــــــــــل..ودخلت عليهم الصالة..
(ياترى هل خلاص بتنسى الموضوع وما راح تفكر فيه مرة ثانية وهل بيتركها نايف في حالها)..
في طرف آخر:
سعاد:حياكم الله في كل وقت وأنستونا والله ياريت تعيدوا هالزيارة قريب مرة..
أم حسين:أن شاء الله ما يصير خاطرك ألا طيب..
شهد وكوثر طلعوا قبلهم للحديقة ..
شهد: يله ياكوثر أن شاء الله تجينا مرة ثانية ..ونرجس بعد تراكم مرة وحشتوني..
كوثر:هههه أن شاء الله ولا يهمك أنتِ تآمري أمر بس لي طلب أول..
شهد:آمري وتدللي..
كوثر بكل جدية:أول تجين بيتنا وتدخلين غرفتي وتطلبين مني تلعبين بلعبه من ألعابي وأرفض وأطردك يعني أنتقم منك ..وبعدين أجي مرة ثانية..
شهد مستغربة ومو مصدقة الكلام اللي قاعدة تسمعه: كوثر أنتِ من صجك..!؟
كوثر: أيه نعم..
شهد بعدها مستغربه وفاتحه فمها:لا ما أصدق أنتِ وش قاعدة تقولين مذله هي..
كوثر ماقدرت تستحمل فقعت ضحك:هههه هههه أنت صدقتي..؟!
شهد خلاص عيونها دمعتْ ضربتها على كتفها وهي تمسح دموعها:أنت ****ه تدرين ولا لا..؟
كوثر:أيه أدري يا حبيبة قلبي..هههه
شهد:وتضحكين بعد هاه ..؟
كوثر:أيه ليش لا..هههه
وطلعت أم حسين في هالحظة من الغرفة عشان ترجع البيت:يله كوثر بنروح البيت.. يله مع السلامة شهد وهالمرة عليك الزيارة..وسلمي على خليلو اللي
مايستحي ماجى سلم علي..
شهد: هههه أن شاء الله خالتي مع السلامة ..
كوثر وهي تغمز لشهد: ما قلت لك أن هالمرة أنت اللي بتجين..
شهد:أوه والحين معاك ترى ما أجي..
كوثر:لا والله خلاص شهوده ترى أمزح معك تعالي بأقرب فرصه..
شهد بابتسامه: أن شاء الله يله باي..
كوثر:باي....وراحت كوثر مع أمها البيت..
ورجعت شهد داخل تبي تروح لأخوها تشوفه..وهو كان في الغرفة الخارجية <الديوانية> جالس لحاله وشاف اللي صار قدامه من طلعت كوثر مع شهد برا دون ما يسمع كلامهم ودون ما يشوفونه لأنه بعيد..وكان يفكر: ياترى من هاذي البنت اللي جات مع أم حسين وأنا ولا عمري شفتها وتقعد مع أختي وكأنها تعرفها من زمان يا الله شكثر غريبة هالإنسانة خلت شهد في 10 دقايق تمر بكل أنواع المشاعر أول شي شفتها مستانسة وتبتسم بعدين متفآجأة وبعدين تصيح وبعدين تضحك وتنقهر..كل هذا في 10 دقايق عجل لو قعدتْ معها ساعة شنو بتسوي..؟ يحليلها شافتني كذا..في ذي الحظة سمع شهد تناديه:....خليل:نعم شهد أنا هنيه ..
شهد وهي تضحك:من صجك شافتك كوثر وأنت كذا...!
خليل ما أنتبه للأسم وهو يضحك:أيه وخير يا طير من هي يعني عشان حرام تشوفني كذا عادي..
شهد:هههه تصدق تمت دقايق وهي تضحك عليك..
خليل صارت خدوده حمرا بس ما رد عليها من القهر..
شهد لاحظت التغير اللي في أخوها :تصدق يحليلها من زمان ما شفتها ومع ذلك ما نسيتها وبسرعة رجع حبها في قلبي هي مرة حبوبه ..
خليل: شهد منو هاذي؟!
شهد: من صجك ما تعرفها تذكر مرة أنت رايح بيت خليل الله يرحمه وشبصت(لزقت) فيه وجت لك وحدة تمقع (تشد) شعرك وتقولك: خل أبوي أترك أبوي وجيت أنت منقهر من دلاعتها..
خليل متفاجأ:لا تقولين هاذي هي..!
شهد تضحك عليه:أيوه هاذي كوثر..
خليل: اهاا يعنو نسيتها بس ما شاء الله كبرت وتغيرت..
كوثر:هاه وش رايك نخطبها لك..
خليل: فال الله ولا فالك ..بعدني صغير..
شهد:آه بس الله يهديك وتعرس عشان ألبس أحمر في عرسك..
خليل:هههه أنتوا هذا اللي يهمكم يا البنات...
دخلت في ذيك الصالة الكبيرة المتناسقة على بعضها واللي يحس الواحد لما يدخلها بالدفء والحنان أحلام:السلام عليكم..
الأم +الأب:وعليكم السلام..
راحت باست أمها وأبوها على رأسهم :صباح الخير..
مع بعض: صباح النور..
أبو عبير:هاه وش عندك للحين نايمة يا بنتي ؟!
أحلام: لا يبه ما عندي بس كان راسي يعورني والحين الحمد لله راح الألم..
أم عبير:الحمد لله يله روحي أكلي فطورك مع يدتك بالمطبخ..
ودخلت عليهم دانه :يمه يبه شوفوا خيطت هذا وتمد عليهم ثوب صغير حق عروستها(لعبتها)..
أحلام بأعجاب:الـلــّه..دانه هذا مسواك؟؟!
دانه بفرحه:أيه والله ..
أبو عبير يضحك:وليه الحلفان أحنا مصدقينك ..
أم عبير:شاطرة حبيبتي وجزاء لك لأنك تعلمت شي مفيد اليوم لما نطلع بشتري لك لعبة فله اللي تبينه ..
دانه فرحت:صج يمه والله مشكورة وراحت لصدر أمها الدافئ ..
وعند هذاك الإنسان اللي يحاتي السعادة..
راشد كان بالمطبخ يشرب كافي وسمع أخته تنادي:
يمه ..يمه.. ,كوثر ..كوثر؟ وين راحوا هاذولي وخلوني لحالي..
راشد:نرجس حبيبتي تعالي هنيه..
نرجس فرحت من الخاطر لما سمعت حس أخوها راشد من زمان ما تكلمت معاه وهم لحالهم..هي أقرب وحدة له ودايم يسولف معها وراحت بسرعة: أوه راشد قلبي وعيوني هنيه..
راشد:الناس تقول صباح الخير أول..
نرجس:صباح الخير يا أحلى أخ في الدنيا <قالتها بنغمة موسيقيه>
راشد بنفس نغمتها الموسيقية:صباح النور لأحلى أخت بالكون..
نرجس بجديه:راشد شنو فيك أحسك متضايق ..؟
راشد ابتسم:مثل العادة أول وحدة تحسين فيني..
ابتسمت نرجس بس ما علقت تبيه يطلع الكلام بروحه..
راشد:تصدقين نرجس أنا أعدت التفكير في نفسي وخلاص قررت....يتبع..
ياترى شنو هو قراره ؟
وناصر كيف بيكون وقع الخبر على أهله ؟
وأحلام شنو بيصير فيها؟
وعبير من بتختار ؟
ووفاء من اللي ماخذ تفكيرها؟
وجنان هل بتنسى ناصر ولالا؟؟

يتـــــــــبع...

[فتوتة سكر]

الجزء العاشر..

في بيت وفاء..
الكل كان قاعد وبعدها الحفلة مستمرة عندهم ..
ناصر صفق بيده عشان الكل ينتبه له وبالفعل الكل التفت له ..
أم ناصر:خير ولدي بغيت شي
ناصر:أيه يمه الله يخليكم تعالوا كلكم هنيه أبيكم في كلمة رأس..
الكل راح وهو ساكت..
أبو ناصر ماسك قلبه عسى ما فيه ولدي شي..
ووفاء كانت فرحانة لأنها حاسة أن الموضوع عن عبير ..
الكل قعد وهو ساكت ..
ريم:قول اللي عندك خلاص حنا كلنا هنيه..
ناصر:يمه..يبه..أنا قررت أتزوج..
الكل أنصدم ألا وفاء اللي كانت شاقة حلقها..(يعني الضحكة على الآخر ).. والكل كان في باله سؤال بس ما أحد تجرأ يسأله غير هادي الطفل اللي ما يدري انه ممكن أخوه ينجرح من كلامه..
هادي:طيب ناصر أنت كيف تبي تعرس وأنت ما تشوف مافي بنت بتوافق..
الكل أنصدم من هادي ونفسهم لو يضربونه من كلامه لأخوه ..بس ناصر جاوبه بقصد أن الجواب يكون لأمه وأبوه : ياجبيبي يا هادي أنا أخترت خلاص ..والبنت موافقة..
أم ناصر بضيق شوي:ومنو هاذي..؟
ناصر:عبير صديقة أختي وفاء..!
ريم:طيب وش دراك أنها موافقة.؟!
ناصر توهق ما عرف كيف يقولهم أنه كلمها ..فأنقذته وفاء:
هو قال لي وأنا أخذت رايها وقالت لي أنها موافقة..
أبو ناصر:أنتوا متأكدين أن أحنا لو تقدمنا لو تقدمنا لهم ما راح يرفضونا ..
وفاء +ناصر:أيه متأكدين..
خالد:بس يا ناصر أنت بعدك صغير وما تتحمل مسؤليات الزواج ..قاطعه ناصر بأسى:وأنا ما باخذها لأني صغير ولا كبير يا خالد أنا محتاجها في حالتي هاذي محتاج اللي يكون ما عنده شي يشغله عني ويحبني ويخاف علي.. ..وأذا هي بتتحمل مسؤلية عمي ليش أنا ما أقدر أتحمل مسؤلية زواج..؟! من يقول..!
أم ناصر بحزن:وإحنا ما نكفي يا ولدي..؟
ناصر:يخسي ويهبي اللي يقول ها الكلام يا يمه بس أنت تعرفين الأختلاف بين الأثنين..
ريم تبي تنهي هالحزن:على بركة الله .. إن شاء الله اليوم ولا بكره نتصل فيهم يا ناصر ونروح نخطبها لك..
ناصر:قبل كل هذا أبي أسمع راي أمي وأبوي ..؟!
أم ناصر:والله عبير إنسانه كلها ذوق واحترام وأخلاق وأن شاء الله يسعدكم ويسوي اللي فيه الخير..
أحم احم..نرجع للقرار المهم اللي ممكن يؤثر على مجريات القصة..
نرجس:وش قررت ياراشد ..؟
راشد:قررت أقول لأمي نهاية هذا الأسبوع تتصل في بيت إبراهيم عشان نخطب بنتهم عبير ..والله يا نرجس مليت من الوحدة والهم والكدر..أبي أغير حياتي وأفرح شوي قبل ما أموت ..
نرجس:فال الله ولا فالك شنو تموت يا أخوي..؟!إذا أنت مت بعد عمر طويل أنا من لي..
راشد:أنت لك ريلك حبيبك..
نرجس:ومن قال لك أني بعرس حبيبي..؟
راشد:وليه أن شاء الله ما بتعرسين..؟!
نرجس بجد:أنا وكوثر متفقين ما نعرس عشان ما نخلي أمي بروحها وعشان ما نفترق عن بعض أبداً..
راشد:هههه والله أنكم يهال..!
نرجس:أيه هاذي الضحكة ولا بلاش..
أنفتح باب الصالة ودخلت أم حسين وكوثر:السلام عليكم..
نرجس+راشد:وعليكم السلام..
راشد:هلا من فين جايين ..؟
أم حسين: من بيت سعاد جارتنا رحنا نزورها...
نرجس تكلم أمها وهي صاده عن كوثر ما تبي تكلمها: لكن هين يا يمه تروحون وتخلوني لحالي..
أم حسين:أنت نامي لين الظهر وأحنا ناخذك معنا ..ولي بس عن وجهي مناك..وراحت نرجس مبوزة الغرفة ولحقتها كوثر..
كوثر:نرجس حبيبتي ردي علي..كلميني..
نرجس مبوزة:مابا أكلمك..
كوثر:والله نرجس جلستكْ قلت لك قومي جلسي معاي ما رضيتي تقومين ونزلتْ لقيت أمي بتروح بيت جارتنا وقالت لي تعالي معاي ما حبيتْ أقول لها مابي أروح وأكسر بخاطرها كفاية اللي حسين أخوي..ورحت معاها..
نرجس ما تقدر تزعل على أختها:طيب والمطلوب مني الحين..
كوثر:إبتسامة...
نرجس غصباً عنها أبتسمتْ..
كوثر:أو يا نرجس ..لو شفتي اللي شفته بس ..هههه..
نرجس: شنو شفتي.؟!
كوثر:تذكرين خليل اللي كان دايم مع أبوي يفكره أبوه لأنه أبوه مات..
نرجس: يس وش فيه..
كوثر:وحنا جالسين عند سعاد سمعتْ واحد يغني في الحمام بصوت يذبح ولا كأنه ذاك اللي كان يصارخ بصوت يلوع الشبد وبعدين قام يكلم نفسه ويسب في حاجة في يده وهو ما يدري أن في أحد موجود مع أمه..
شكله..!؟ (تخيلتوه.؟)
نرجس بتفكير:شلون..؟
نرجس بحماس: ودخل عليكم..؟!
كوثر:أيه..بس تخيلي شلون كان
كوثر:كان محني شعره وحاط عليه قبعة سباحه خضراء وحاط في وجهه كريم أبيض وصاير كأنه فيه الجدري..و..
نرجس:هههه هههه هههه
كوثر:صبري ما سمعتي شي ..تخيلي شنو كان لابس..؟
نرجس وهي ناقعة من الضحك:شنو..؟
كوثر:كان لابس شورت أحمر وبلوزة صفراء وكلها حنة وكان شكله كول ويضحك ..وضلوا يضحكون كل ما تذكروا السالفة ويتمسخرون..
في السعودية وبالتحديد في بيت جنان..الساعة 11 الظهر
كانت جنان ملانه وهي بعدها في حبستها اللي حطت نفسها فيها تفكر:أففف لمتى آنا بظل كذا ؟ لازم أنسى ناصر رغم أن الأمر مو بيدي بس لازم أحاول وقامت بدون تفكير مسكت جوالها واتصلت في وفاء بنت خالتها وماردت عليها..فنزلتْ تحت المطبخ لقت الخدامة هناك سألتها:
وين ماما؟
الخدامه الأندنوسيه:ماما في روح تزور صديقة هي..
جنان:طيب فين سالم أخوي؟...
الخدامه:برا في حديقة..
وراحت جنان برا من باب المطبخ والخدامه الغبية ما قالت لها أن سال أخوها عازم صديقه على الغداء وقاعد معه برا
..يتــــــــــــــــــــــــــــبع..

[فتوتة سكر]

الجزء الحادي عشر:

وطلعت جنان برا عند الطاولات ماشافت أخوها فراحت عند شجر في حديقتهم مصمم على شكل أحواض وفيه ورد أحمر ووردي صغير ومظهره روعة وقفت عنده وهي ماسكة وردة وتمت تقص أطراف الوردة وهي ساكتة وتفكر في ناصر لا إرادياً وقامت تكلم نفسها بصوت مسموع وهي تطالع السماء :ليه ياربي ليه آنا حظي كذا ليه ولا مره حصل لي الشرف أني آخذ اللي أبيه من قلب رغم كل هالعز اللي آنا فيه ونزلت دموعها لا إرادياً وهي تكمل:
خلاص آنا مليت أعيش خذ روحي ياربي ولا تخليني أشوف اللي ما أبي أشوفه.. وتكمل صياحها بشهقات وصوت عالي ماقدرت تكتم اللي في نفسها أكثر..
كان حسام صديق سالم جالس في على الطاولات اللي قدام الورد اللي هي واقفة وراه..وهي ما شافته لأنها بس دورت أخوها في جهة الطاولات اللي وراء الورد..(تخيلوا المشهد<يعني صف من الورد وراه طاولات وقدامه بعد طاولات..> فما ظنت أن فيه أحد..
وفي هاذي اللحظة <لحظة اللي بدت فيها جنان بالكلام..>رفع حسام عيونه عن الورق اللي كان مندمج فيه في حل قضيه يتناقش فيها مع سالم وهذا هو سبب جيته هنيه..فتفاجئ وهو يشوف بنت قدام عيونه كانت في عيونه مو أي بنت كانت لابسة بيجامة نوم صوفيه لونها وردي فاتح فيها رسم دبدوب ووجهها الأبيض خالي من أي مكياج وعيونها حلوه ولونها عسلي (يشابه لون عيون أمها وخالاتها..<هي عندها خالتها بدريه أم وفاء وخالتها ليلى هاذي في سن وفاء وعبير لأن جنان أكبر منهم بسنه وهي ليلى عايشه في السعودية في بيت اهلها وهذا شي طبيعي لأنها مو متزوجة وراح تنقل في السمستر الجديد لجامعة البحرين بتدرس مع وفاء وعبير وتخصصها هندسة بسبب الحاح من وفاء وبعد بسبب أنها مو مرتاحة في الجامعة اللي هي فيها..> <نرجع لموضوعنا الأساسي ضيعناه:
المهم وكل شي فيها كان يدل على الفخامة ..وسمع الكلام اللي قالته وجاته صدمه وهو يفكر :معقولة بنت مثل هاذي بهالعز والجمال ومو سعيدة في حياتها ؟..ياترى شنو السبب اللي يخليها تصيح كذا وتدعي على نفسها بالموت..؟1
حسام وهو منزل عيونه للأرض وفي قلبه<زين الوردة مالها ذنب > :أحم أحم ..
جنان نزلت عيونها من جهة السماء وطالعت في الشخص اللي كان يتنحنح وتفاجأت <ياترى وش بيصير؟>
جلست من النوم مصدعة حدها ورأسها يعورها وما تدري ليه رفعت رأسها تشوف الساعة وتفاجأت ..
عبير تكلم نفسها:شنو هذا معقولة أنا نايمة لين الحين.!
آه شنو هذا الصداع اللي يأكل راسي..بل عليه..وقامت دخلت الحمام اللي في غرفتها غسلت وطلعت مسكت جوالها لقت فيه 5مسكولات :3 من جوال وفاء و1 من وفاء بعد بس من رقم البيت و1 من بشاير..(بشاير هاذي عضو من أعضاء شلة وفاء وعبير ومعهم بعد زينب وكلهم صداقتهم قويه بقوة التصاق الجبل في الأرض..)من شافت رقم وفاء بسرعة اتصلت فيها :
وفاء:هلا يالدبة كل ذيه نوم الحين الساعة 35و11 الظهر..
عبير:هلا حبيبتي سكتي بس قعدت وآنا مصدعة ومو قادرة ..أوكي شنو عندك متصلة فيني؟؟!
وفاء:أفهم من كلامك يعني يله بسرعة أبي أسكر ..!
عبير:هههه لا بس الحين بيأذن الأذان عشان بروح لأمي أشوفه وبرد أصلي..
وفاء :أهاا بس كنت أبي ابشرك..
عبير فرحت تحس أن لناصر علاقة بالموضوع:ها قولي فرحيني..
وفاء:أمي رجعت البيت اليوم الصباح..
عبير بفرح:صج؟!
وفاء:أيوه صج عيل لعب ..لا وهذا بس نص الخبر ..
عبير:شنو بعد فرحيني قولي..
وفاء: أول تمني أمنية..
عبير:هههه وش دراك أنه فيه رمش على خدي ..
وفاء:هههه..يشوفك قلبي حبيبتي .. هاه تمنيتي؟
عبير: أمممممممم أيوه خلاص ..
وفاء:تحققت أمنيتك..
عبير:وأنت وش عرفك فيها..؟!
وفاء:بتعرفين بعدين..
عبير:والله أنك غريبة الأطوار ..إلا تعالي كيف حال ليلى وحشتني مرة ..
وفاء:عال العال تسلم عليك خلاص بتجي تدرس معانا بالجامعة وناسة ليلوه..
عبير:واو شي جميل أخيرا بتم معنا وايد حبيبة قلبي..
وفاء: هي ترى بعدني على الخط..
عبير:هههه أنت ياعسل أموت فيك..
وفاء:هههه يله بايو وبعدين بكلمك..
عبير:أوكي باي..
وسكرت عبير وهي مقررة أنها بعدين بتتصل لبشاير وقامت وراحت تنزل تحت لقتهم كلهم قاعدين بالصالة دخلت:السلام عليكم..
الكل:وعليكم السلام..
أم عبير:وش فيك يا بنتي توك جالسة من النوم؟
عبير:ماادري يمه بس مرة رأسي يعورني ..
أبو عبير:وش فيكم أنتوا اليوم كلكم رأسكم يعوركم..!
عبير:ليش منو غيري رأسه يعوره..؟
فاطمة(جدتهم أم أبوهم اللي أصلها بحريني ):أختك أحلاموه منو غيرها..<أم إبراهيم يدتهم كل مناقر مع أحلام..>
عبير أنتبهت ليدتها وراحت لها باست رأسها :شلونك يمه فاطمة..
فاطمة تتنهد :آه بخير بشوفتك يا الغالية..
عبير:يسلمووو يمة..
أحلام:وآنا يمه لمن شفتيني ماصرتي بخير..؟!
فاطمة تحب تعاند أحلام :لا وعععع ولا شفت الخير مالت عليك <وتمد لها يدها..
أحلام بقهر:لكن ماعليه والله لأوريكم وراحت غرفتها مبوزة والكل ضحك عليها..
أبو عبير:يالله ياهدى أنا رايح أصلي بالمسجد بغيتوا شي وآنا راجع..
هدى (أم عبير:سلامتك الغالي في حفظ الله ..
أبو عبير:أجمعين أن شاء الله يله مع السلامة .ز
الكل:مع السلامة..
عبير:يبه..يبه..صبر شوي..
إبراهيم:هلا يا بنتي بغيتي شي؟!
عبير:أيه يبه وصل لي هذا الكيس الصغير بيت وفاء
وخلهم يعطونها اياه أذا ما عليك أمر
إبراهيم : أن شاء الله يله روحي صلي ..
عبير:أن شاء الله يبه ..<وراحت مبتسمة وهي تفكر بليلى لمن تعطيها وفاء الكيس شنو بتقول..؟؟!
يتبع
ياترى شنو راح يصير ؟وايش دخل ليلى بكيس عبير؟وجنان ايش راح يصير لها ؟ وأحلام خلاص راحت فكرة نايف من بالها ولا لا؟

يتبــــــــــع...

[فتوتة سكر]

الجزء الثاني عشر..

دخلت أريج مع بنتها ريهام لبيت اهلها ..
أريج:السلام عليكم..
أم راشد + راشد :وعليكم السلام..
أريج:كيفك يمه؟
أم راشد:بخير الله يسلمك..
راشد:هلا ريهام حبيبتي تعالي لخالو..
ريهام وهي تروح تركض لحظن خالها:لاسد هنيه (يعني راشد هنيه)
راشد:قولي خالي مو راشد يا الدبة..
ريهام تطلع لسانها لراشد:أنت الدبة..
أريج:ماما ريهام شنو قلنا مو عيب يقولوا لخالهم كذا..
ريهام بندم وشوي وتصيح:أن ساء الله آنا آثفة (أن شاء الله آنا آسفة)
أريج:إلا قول لي يا أخوي يا راشد وش أخبارك وش علومك؟
راشد:بخير والحمد لله بس أنتظركم تخطبون لي !
أم راشد بغضب:شنو يعني ؟! خلاص خلصت شغلك ولا قلت لي عشان أروح أخطب لك؟؟!
راشد يضحك على ملامح أمه:هههه هههه لا يمه أنا اليوم بس قررت أقول لك ..
أريج: ولا يهمك من العيون هاذي قبل هاذي لو تبي نروح اليوم نخطبها لك بعد..
راشد بتردد:هاه لا..لا .. خلوها يوم الخميس الجاي..
أم راشد: وأخيراً بردتْ قلبي يا راشد يا حبيبي ..بس لو أخوك حسين يرضى يرد علينا ..قوم يا ولدي أتصل فيه الله يخليكم خلوني أتطمن على ولدي ما سمعت صوته من سنتين <وتبكي بكاء يقطع القلب>
أريج:خلاص يمه لا تعورين قلبك كذا ..الحين راشد بيتصل فيه وتطالع أخوها بنظرة رجاء..
راشد اللي زهق من كثر ما يتصل ولا يلقى جواب
ما حب يرفض طلب أمه :خلاص يمه سكتي الحين بتصل فيه..
سكتت أم راشد ودموعها على خدها وهي تشوف ولدها ماسك جواله يتصل..(تتوقعون يرد عليهم)..
نرجع عند جنان وحسام صديق أخوها..
جنان تطالع في حسام بصدمه وبدل ما تروح داخل زاد صياحها وانهارت على الأرض..
حسام ما عرف شنو يسوي البنت مغمي عليها وهو لوحده معاها وسالم لين الحين مارد <حشى مو عصير هذا اللي بيجيبه..
وفي هاذي اللحظة طلع سالم من باب الصالة وشاف أخته على الأرض طاح العصير من يده وانصدم وهو يشوف صديقه واقف حيران مو عارف شنو يسوي راح يركض تجاه أخته :جنان أختي حبيبتي وش فيك وكان يهزها ومو لاقي منها استجابة فصرخ: حسام بليز روح المطبخ قول للخدامة تعطيك كاس ماي ..وراح حسام وهو مو فاهم شي وجاب الماي بسرعة وهو مايبي يطالع في أخت صديقة إحتراماً له رغم أنه عيونه كانت غصباً عنه تلتفت لها بس أجبر نفسه يدور وسمع سالم يقول له:حسام الله يخليك روح بسرعة شغل السيارة بوديها المستشفى ما ادري شنو فيها.. وراح حسام يشغل السيارة بينما سالم راح يجيب عباية أخته..وكلها 5 دقايق أو أقل إلا وهم منطلقين بأقصى سرعة للمستشفى ..(ياترى شنو بيصير
وحالتهم في بيت وفاء كانت:
أم ناصر +أبو ناصر: في دارهم يرتاحون..
وفاء +ناصر :جالسين بالصالة يشوفون التلفزيون ..
ريم وخالد:في غرفة ريم جالسين مع بعض<مخطوبين ومن حقهم هههههاااي ..
وهادي المسكين مثل كل وقت لحاله بغرفته وفي يده دفتر يكتب فيه..
**رن جرس الباب يعلن عن وصول أحد..
وفاء:لجين روحي فتحي الباب ..
وراحت الخدامة تفتح الباب ورجعت:ماما وفاء هذا برا في واحد بابا يبي أنت..!
وفاء مستغربه:واحد بابا يبي أنا..منو هذا؟!
ناصر:خلك هنيه أنا بروح أشوف..
وفاء ما تبي تتعبه:لا خلك أنت يا ناصر ..وتكلم الخدامه:
لجين منو اللي عند الباب ؟!
لجين:ماما هذا بابا مال صديقة أنت عبير..<<كلامها مكسر..هههه..
وفاء:أهاا أوكي الحين بروح ..وراحت لبست شيلتها وطلعت وهي تفكر:ليش يا ترى شنو اللي يايب عمي إبراهيم هنيه خلني أطلع وأشوف..وقفت عند الباب :
تفضل عمي أدخل..
إبراهيم :زاد فضلك يا بنتي آنا بروح بس جايب لك هالكيس من عند عبير..
وفاء استغربت :ما قالت لها عبير عن كيس بتخلي أبوها يجيبه لها وهي توها مكلمتها..!!
وفاء أخذت منه الكيس..مشكور عمي سلم لي على الأهل كلهم..
إبراهيم:العفو الله يسلمك..ألا شنو أخبار أبوك وناصر أخوكِ؟
وفاء ابتسمت:الحمد لله يسلموا عليك <وفي خاطرها: وقريب يزوروك>
إبراهيم:الله يسلمك يله سلمي على الأهل كلهم أنت بعد..
وفاء:أن شاء الله ..مع السلامة ..وسكرت الباب وهي تفكر ياترى شنوا هالكيس؟
ونرجع لأحلام بعد ما فشلتها يدتها فاطمة وراحت غرفتها مبوزة:
أحلام تكلم نفسها بصوت مسموع<تتذمر>:أففف متى بيشبك هذا وترفس الكومبيوتر بريولها<هاذي مشكلتنا والله..هههه>إلا ورنة التلفون تعلن أن النت شبك..
أحلام والفرحة مو سايعتها :واو وأخيراً..
ودخلت فتحت مسنجرها لقت عندها إضافة .قبلت وهي تفكر :أقبل وأشوف مين..بس قبلت طلع شابك وهو اللي ابتدأ..وهذا الحوار اللي دار بينهم من خلال الماسنجر:
(حبيتك والله حبيتك):السلام عليكم..
أحلام(لاتحلم فالحلم خيال):وعليكم السلام ..من معاي؟
(حبيتك والله حبيتك):معاك اللي ذاب في هواك..
(لاتحلم فالحلم خيال):لو سمحت وضح أكثر ما عرفتك؟!
(حبيتك والله حبيتك):أنا نايف اللي خليتيني معلق بين السماء والأرض ولا رديتي عليّ..أنا فهمت من عدم أتصالك أنك ماتبين تكلميني بس والله صدقيني ماني من النوع اللي في بالك..
(لاتحلم فالحلم خيال):......لاتعليق........
**أحلام أنصدمت: من وين له هذا إيميلي؟!**
(حبيتك والله حبيتك):وينك ليه ماتردين عليّ؟!
(لاتحلم فالحلم خيال):من وين لك إيميلي؟وكيف أخذته؟وليش تكلمني؟!
(حبيتك والله حبيتك):شوي شوي عليّ يا أحلام تبيني أجاوبك بجاوب بس صبري مو كذا مره وحدة !
(لاتحلم فالحلم خيال):لا وتعرف أسمي بعد من قال لك به؟ووش عرفك بي؟
(حبيتك والله حبيتك):بل بل صبري وبقول لك كلتيني بقشوري يا بنت الناس..!
(لاتحلم فالحلم خيال):بسرعة قول والله ترى ما عندي غير البلوك..
(حبيتك والله حبيتك):شوفي يا حلوة آنا أخذت رقمك من عند وحدة من صديقاتك وحتى إيميلك هي اللي عطتني أياه وأسمك بعد..
(لاتحلم فالحلم خيال):معقولة وحدة من صديقاتي تكون خاينة ومنافقة بعد.! لا مستحيل..!
(حبيتك والله حبيتك):أنت معتبرتها صديقتك وهي خانتك..فهذا يدل على أنك ما أخترتي الصديقة الصح ولازم تنتبهي لنفسك....
(لا تحلم فالحلم خيال):أنا مستغربه شلون كذا..واحد مثلك جاي يسوي نفسه يبي يتعرف يقعد ينصح ..وبعدين منو هاي البنت الخاينة..؟!
(حبيتك والله حبيتك):لأن آنا قلت لك أني مو من ذا النوع اللي في بالك..أنا بس مرة سمعت صوتك ومو قادر أنساه أو أنساك <أيه قص عليها مسكينة .. هههه..
(لاتحلم فالحلم خيال):معقولة يعني مجرد كلمة (ألو أهلين)تخليك تحبني!؟صراحة ما تدخل العقل..!
(حبيتك والله حبيتك):أنت شكلك مو عايشه في الدنيا ياما ناس تعارفوا من النت وصاروا أحباب وأصدقاء يمكن أكثر من اللي معهم في نفس المكان سواء كانوا بنات أو أولاد فمثلاً أنا متعرف على واحد من سورياء وهذا هو صديقي الروح بالروح كأنه أخوي..
(لاتحلم فالحلم خيال):زين ..بس..والله راسي عورني..
(حبيتك والله حبيتك):عاد وش دعوة يا أحلام هذا وأنت أسمك أحلام قاعدة تمنعينا من الأحلام..!ليه بس؟!
(لاتحلم فالحلم خيال):هذا الواقع المؤلم هو اللي يمنعنا كلنا مو آنا اللي أمنع..
(حبيتك والله حبيتك):بس الحلم ببلاش ومحد يقدر يمنعنا عنه وأكيد كل شخص له حلم..
(لاتحلم فالحلم خيال):أكيد لكن شنو يسوي الواحد إذا كانت ظروف حياته صعبة..
(حبيتك والله حبيتك):ولا شي بس يتكلم مع شخص يثق فيه..ترى أنت إذا كلمتيني ما راح تخسرين شي لأني والله وهذا أنا احلف لك أني ما راح أضايقك بشي أبداً بالعكس لو كنتِ متضايقة راح أريحك..!
(لاتحلم فالحلم خيال):وشنو اللي يثبت لي؟!
(حبيتك والله حبيتك):حبي لك يثبت ..
(لاتحلم فالحلم خيال):لحظات شوي وبرجع..
(حبيتك والله حبيتك):خذي راحتك..
**وراحت أحلام تغير نكنيمها تحس أنها صارت متفائلة وتفكر:والله صدقت رجاء بكلامها .!
(وردة حياتي):بـــــــــــــــــــاكد..تأخرت؟!
(حبيتك والله حبيتك):لا عيوني عادي حلال عليك..
(وردة حياتي):شوف آنا فكرت في الموضوع واتخذت قراري
(حبيتك والله حبيتك):وشنو هو قرارك؟؟؟
(وردة حياتي):أنا قررت ما أكلمك!!<شنو هالتناقض بالتفكير والكلام..!
(حبيتك والله حبيتك):كذا أنت شكلك ناويه تحطميني..!؟
(وردة حياتي):صبر شوي ..أنا قررت ما أكلمك بالتلفون ..جاست في الماسنجر ..لأني بصراحة ماأقدر أكلمك بالتلفون وأخليك تسمع صوتي بس في الماسنجر أخف شوي ..وأنت بكيفك..
(حبيتك والله حبيتك):أكيد بكيفي عجل بكيفك..خلاص ريحتيني كذا أنا موافق..
(وردة حياتي):بس هاه بدون تعدي حدود..
(حبيتك والله حبيتك):هههه على هالخشم ولا يهمك..
(وردة حياتي):بل صار لنا ساعتين نسولف الوقت سرقنا..باي بخليك الحين..
(حبيتك والله حبيتك):باي..
**أم راشد على نار وتدعي من أعماق قلبها لربها أن ولدها حسين يرد عليهم..
أريج متوترة وخايفة على أمها يصير فيها شي من كثر التفكير ..وتدعي بقلبها:الله يعينك يا يمه..
راشد ماسك موبايله:وهو يرن وينتظره يرد عليه وهو يتمنى أنه يرد عليه <لأن هو صج مجطل الموضوع (يعني مو مهتم) لكنه أخوه وقلبه يحاتيه ..ورن فوق الخمس رنات وما رفعه .. راشد فقد الأمل وكان بيسكره (يقفله) بس اللي حصل أن حسين وللمرة الأولى من بعد غياب سنتين تقريباً يرد عليهم..
حسين بضعف:ألو..
راشد طار كل الزعل اللي في قلبه على أخوه وبفرح: ألو حسين حبيبي هذا أنت؟شخبارك؟
حسين :أيه هذا أنا وآنا زين الحمدلله..وحشتوني مره
وودي أشوفكم..
راشد:ليه يا أخوي ما ترجع حنا ودنا نشوفك بعد..
حسين خلاص مو قادر يستحمل أكثر:ياراشد لا تزيدني أنا تكفيني هالغربة اللي القدر كتب أني كتب كلمته في أني أتم عايش فيها طول عمري..!
راشد:وليه يعني ؟أنت اللي حاكم على نفسك مو القدر ..حنا كلنا نبيك هنيه أنت اللي ماتبي تجي..
حسين: .............<<يبكي..
راشد سمع حس أخوه يبكي:ليش تبكي يا حسين يكفي..!
أم راشد كانت قاعدة تسمع ردود راشد على ولدها البكر حسين وتبكي بصمت ..بس لمن سمعته يقول ليش تبكي ماقدرت وراحت سحبت جوال راشد من يده بسرعة وبدون مايحس وحتى ماعطته فرصة أنه يعترض ومسكت الجوال تبي تكلم ولدها وقبل لا تتكلم سمعته يقول وهو يبكي بشهيق عالي يفكر أنه يكلم راشد:تسألني ليه أبكي ياراشد؟! أنا أبكي على حظي الرديء..أبكي على أني عندي أم مو قادر حتى أشوفها ..وأعتبر نفسي مقطوع من شجرة أعتبر نفسي ميت أنا ياراشد ..ولهان على أمي مره ونفسي لو أسمع كلمة منها وولهان عليكم كلكم والله يشهد علي بس شلون أجي وأحط عيوني في عيون أمي أو أتكلم معاها أنا خجلان من نفسي موت ياراشد أنا أحس بذنب أحس أني آنا السبب في موت أبوي وترمل أمي وتيتم أخواني ......
ياترى ليش يحس حسين انه السبب في موت أبوه..؟
وأحلام هل بتستمر مع نايف ولا لا..؟
وليلى خالة وفاء هل صحيح بتروح تدرس بالبحرين مع وفاء وعبير ولا كيف؟
وجنان شنو بيطلع فيها ؟ووش بيصير موقفها مع حسام؟
ومتى بيروح ناصر يخطب عبير وهل بيلاقي اعاقات في هالسبيل؟..

[فتوتة سكر]

الجزء الثالث عشر:

أم راشد قطعها قلبها على ولدها بعد ماسمعت كلامه <وقامت تبكي مثله..
أم راشد:ياولدي لا تقول كذا وانا أمك قوم تعال وارجع لي أضمك واحظنك قبل مااموت ياولدي..!
حسين بقد ما انصدم فرح من قلب: بعد عمر طويل يا يمه لا تقولين كذا عسانا ما نخلى منك ياشمعة البيت..
شلونك ولهت عليك يا الغالية..؟
ام راشد: كذاب ومن عيونك لو أني واحشتك مثل ما تقول كان جيت لي ورجعت لحظني مو صابر على فراقي سنتين يا الظالم <وقامت تبكي وهي تكمل :يا ولدي هذا قضاء الله وقدره وحنا لازم نرضى به ونخلي إيمانا بالله قوي
وانت مالك ذنب في اللي صار ياولدي ..
حسين:ونعم بالله..صح ان ذنبي مو مباشر بس يرجع ويكون
بسببي لأني انا الوحيد اللي ينلام في هاذي السالفة ..
ام راشد:ياولدي انسي والنسيان نعمه وقوم تعال لي اشوفك واضمك لصدري وأكحل عيوني بشوفتك يا الغالي ياللي من ريحة الغالي ..
حسين:يمه..مو الحين والله ما اقدر أشوفكم وانا سبب بلواكم ..!
أم راشد بحزن:ياولدي قوم تعال واترك عنك هالخرابيط قوم ياحبيب أمك ارجع من هولندا بلاد الأجانب وتعال لبلد العرب اللي أنت منهم..!!
حسين:يمه آنا مو في هولندا..!!
أم راشد تفاجأت:شنو؟! عجل فين انت؟؟!
حسين:يمه آنا في السعودية وبالخصوص في مكة المكرمة ..
أم راشد:وكيف ومن متى؟!
حسين:آنا صج لما سافرت رحت هولندا بس ثلاث شهور وبعدين السنة وشوي الباقيين قضيتهم في مكة وعايش مع صديقي في شقة وندفع الإيجار نص بالنص ...
أم راشد:طمنتني ياولدي دام انك عايش في بلاد الإسلام وأرض الكعبة الشريفة لكن يله ياولدي عشان تثبت لي غلاي عندك روح تعمر وادعي لنا وتعال ارجع قبل هالأسبوع وخلني اشوفك..
حسين ما حب يقطع قلب أمه أكثر ويخليها تتذلل له لا سمح الله وهو بعد عنده رغبه كبيره بالعودة لهم فقال لها: إن شاء الله يمه يا أحلى أم بهالوجود..!
أم راشد:يله في أمان الله وحفظة يسلمون عليك خواتك..
حسين:الله يسلمهم ولهت عليهم بلغيهم تحياتي..
ام راشد:إن شاء الله يله ياولدي في حفظ الرحمن..
حسين:أجمعين ان شاء الله ..
سكرت أم راشد التلفون من حسين وهي تتنهد بفرح وارتياح..
وفاء وهي راجعه الصالة ومستغربة من الكيس اللي ما عمرها عبير ذكرته لها وفيها فضول كاسر تبي تعرف شنو سالفة هالكيس..؟؟!
وسمعت ناصر يقول:هاذي انت يا وفاء تعالي قولي لي شنو صاير ؟
وفاء:لحظة ياناصر بشوف شنو هالكيس اللي يايبته عبير..؟؟!
ناصر وهو متوتر:زين بسرعة..
وفاء فتحت الكيس وكان فيه هدية صغيره مغلفة وشكلها مرتب وفوقه ورقة دفتر عاديه مره فتحتها وهي تقرأ بصوت عالي:وفاء حبيبتي تركي عنك اللقافة ولا تحاولي تحوسي باللي في الكيس لأني أدري ان الفضول ذابحك الحين ..وفي اقرب فرصة تقدرين تشوفين فيها ليلى خالتك عطيها اياه وقولي لها إني ارسلته اليوم يوم مولدها..
وتستـــــــــــاهلين لأني انا اللي غلبتك..
.................................................. .......
وفاء توها مستوعبه السالفة ..وخلاص انقهرت وودها لو تكفخ نفسها وهي تتذكر أحداث هالسالفه اللي قبل 8 شهور ..يوم تجي ليلى تبات معاهم وتتجمع مع عبير في بيت وفاء :
ليلى:شوفوا بنات خلونا نتفق ..!
عبير:على شنو نتفق؟؟
ليلى بمسخرة:حنا الحين تقريباً متقاربين في السن ولكن أكيد في وحده قبل الثانية .......
وفاء تقاطعها:ايوه كملي بلا مقدمات..
ليلى:زين صبري يا الغبية خليني أكمل ولا تقاطعيني..
عبير:يله زين كملي وتركوا الهواش..
ليلى:خلونا نتفق ان أول وحده تتذكر يوم ميلاد أي وحده فينا تكون الرابحة..
وفاء وهي رافعة حاجب<كانت منقلبة عليهم ذاك اليوم>:طيب شنو بتعطوني لو ربحت..؟؟!
ليلى:اللي تتذكر أول وحدة فيكم لها مني مفاجأة بتسرها مرة..بس لو انا اللي ربحت شنو بتعطوني؟؟!
عبير:بنعزمك على أكبر عشاء في الدنيا في المكان اللي تبينه ..
ليلى وهي تضحك بهسترة :ههههااي قف مي فايف..
وقاموا يضحكون...
وفاء تذكرت هالرهان اللي تراهنوا عليه هم الثلاثة وكانت حاطه في بالها أنها تبي تهزمهم بس للأسف فازت به عبير..!
ناصر حيران:هي أنتِ وين رحتي؟وشنو سالفة هالورقة وفي ايش عبير غلبتك؟!
وفاء رجعت من عالم سرحانها :ها ناصر خذ شوف وبتفهم,
ناصر أدرك ان وفاء نست انه مايشوف فسكت..
وفاء تداركت الكلمة اللي قالتها فقالت لأخوها تبي تخفف عنه:آسفة ناصر والله ما كان قصدي أجرحك انا بس كنت..
قاطعها ناصر:وهو يحن عليها لأنه يعرف أخته لمن تحس بأنها جرحت أحد تقعد تحاسب نفسها وتلومها طول اليوم: خلاص يا وفاء حصل خير أصلاً انا اليوم في المغرب موعدي في المستشفى يعني اليوم بعرف مصيري النهائي مع عيوني وإذا كنت برجع أشوف..؟!
في السعودية في المستشفى سالم كان قاعد في غرفة الأنتظار وهو يحاتي على أحر من الجمر ومعاه حسام صديقة يحاول يهديه:خلاص يا سالم اختك مافيها إلا العافية..
سالم واللي يعرف عن حركات حسام البطاليه كان حارقة قلبه على انه شاف أخته اللي يعرف أكثر من أي شخص
شكثر هي حلوة فهو خايف أن حسام يحط عينه عليها فهو هو بيكلمه بعدين لمن تتحسن حالة أختة: أدري ان مافيها شي..
حسام باستغراب:عجل ليه متوتر ومرتبك كذا وتروح وتجي؟؟!
سالم:بعدين ..بعدين..
طلع لهم الدكتور:السلام عليكم أخوانا..
سالم استلم الرد:وعليكم السلام..ها بشر يا دكتور؟!
الدكتور:شنو تقرب لك المريضة؟
سالم:جنان أختي يا دكتور..
الدكتور:والله ماادري شنو أقول لك بس هي حالتها النفسية مرة زفت شكلها تلقت صدمة خلتها تطيح..أنا بسألك :هي كيف كانت تصرفاتها هالأسبوع؟
سالم:والله أنا طول هالأسبوع كنت مشغول بس انا سمعت من الوالدة أنها صار لها أسبوع كل حابسة نفسها في غرفتها وماتطلع وما تأكل زين كل مالها خلق..
الدكتور:هي محتاجة تغير جو ذي حالتها النفسية مرة تعبانه شكلها تحاول تبعد نفسها عن الناس فأنتوا بدون ما تحس حاولوا تقربونها منكم أكثر وغير كذا مافيه..بس أعصابها مرة فالتة فحاولوا ما تثيرونها..
سالم منصدم ويفكر بصمت: كل هذا في أختي وأنا ماأدري شنو السبب ياترى؟ هي طول عمرها تمشي بفخر وخيلاء بس انا لاحظت عليها هالأسبوع انها مرة منكسرة الخاطر..الله يستر بس..
حسام كان يستمع للي يقوله الدكتور ويتذكر دعائها على نفسها بالموت وهو مصمم انه يخلي البسمة تنرسم على فمها ..لأنها عجبته ودخلت مزاجه...!

يتبــــــــــع...

[فتوتة سكر]

الجزء الرابع عشر..

عبير في غرفتها تفكر بصوت مسموع وهي فرحانة:قال أيه قال عبير تنهزم وأخيراً رويتك شغلك ياوفاء الحين أكيد الكيس وصل لك وعرفتي بكسبي للمعركة ههههااي.. بعدها ضحكة ترن في نواحي الغرفة ويصاحبها هالمره صوت جوال عبير يرن وشافت أن وفاء المتصلة رفعته وهي تضحك:يا مية أهلين وسهلين..
وفاء بحمق وعصبية:في عين عدوك قولي آمين..
عبير وهي بعدها تضحك وبطريقة غرور:قلت لك بحطمك ما صدقتيني وأنتِ على كيفك
وفاء:أكيد على كيفي عجل على كيفك..
عبير:أقول وفاء حبيبتي خلاص سكري الموضوع والله راسي مصدع ومو قادرة..
وفاء بمسخرة:سلامة راسك يا الخاينة..
عبير:أمواه لحبيبة قلبي..سمعي شرايك تشبكين الحين يمكن نلاقي ليلوه نطفشها شوي..
وفاء:تصدقين قود آيديا ..يله بروح اشبك بـــــاي..
عبير:بـــــــاي..
نرجس وكوثر وهم نازلين من غرفتهم ويضحكون راحوا لقوا أمهم متونسة بعكس حالها لمن تركوها مالها خلق فسألتها كوثر:يمه علامك فرحانة؟
أو راشد:فديتكم والله أخوكم حسين يسلم عليكم..!
نرجس بأستغراب:حسسين؟!ليش هو رد عليكم؟!
أريج:أيه وخلاص كلها أسبوع وهو راجع ..
نرجس:يابعد عمري أخوي أشتقت له..
راشد:هي أنتي وآنا وين رحت؟!
كوثر:أنت بالقلب وهو معاك..هههههههااي
أريج تقاطعهم:يله يمه آنا بروح الحين البيت تعبانة تآمروني على شي..
أم راشد:شنو فيك يا أريج صج أنتِ وجهك صاير لونه أصفر..؟!
أريج زاد توترها:ها يمه ولا شي سلامتك بس راسي يعورني..<ورن جوالها>خلاص يمه هذا محمود يله باي ..
الكل:مع السلامة..وحطي بالك على نفسك(قالتها أم راشد)..
ريم مع خالد في غرفتها ..وهو منسدح على سريرها وهي جالسة على الكرسي اللي قدام المرايه وتسحي شعرها(تمشطه)وتقول:حبيبي خلود..؟!
خالد:قلبه..
ريم بخجل:تسلم ...بغيت آخذ رايك ...
خالد بأهتمام:في شنو..؟
ريم:وش رايك نروح اليوم المغرب نخطب لناصر بعد مانتصل وناخذ منهم موعد وعلى ماتستوي السالفة وتخلص الأجرائات بتاخذ أسبوع وهو بصراحة معور قلبي وودي أشوفة مع اللي تسعدة ..
خالد:والله فكرة حلوة خلاص قومي نروح نسأله وإذا موافق هو وأمك وأبوك ماعندي مانع..
وقامت ريم مع خالد عشان ينزلوا تحت لكن اللي حصل أنهم سمعوا كلام ناصر لوفاء أنه اليوم موعدة في المستشفى ..وأنهى ناصر كلامة بوصول خالد وريم للصالة فعرف أنهم سمعوه ..
ريم:صج ياناصر؟! مادريت أن اليوم المغرب موعدك في المستشفى والله توني أقول لخالد أنك تبي لو تبي نروح اليوم المغرب نخطب لك عبيروه بنروح..
وفاء:هي لو سمحتي أسمها عبير..!
خالد:أي والله قاعدة وهي تقلب في أسامي الناس ولو أحد قال لها ريموه تزعل..!
ناصر كان يفكر بكلام ريم:لا يا ريم أنتِ أتصلي فيهم وخذي الموعد بكرة أن شاء الله عشان أمون أنهيت فحوصاتي وعرفت مصيري فهي لها الحق بمعرفة كل شي قبل ما توافق على الأرتباط فيبني ..
وفاء بأعجاب:صح لسانك نصور..
ناصر يدعي الغضب:هي لاتبدين بالغلط أسمي ناصر مو نصور..شنو أصغر عيالك آنا..!
خالد:آآآه بكرة بنشوف أم العيال إذا ماقالت لك نصور وأحلى على قلبك..
ناصر برومانسية:شلون عجل هاذا أنتت قلتها بلسانك أم العيال...
ريم تبي تختبر خالد:أحم أحم ..خلودي..؟!
خالد:شب ! شنو هاذي بعد خلودي ؟أخوك الصغير وأنا ماادري..؟!قولي خالد وعمى..
ريم بتعجب:طالع هذا مو توك تقول لناصر انها لمن تكون من أم العيال أحلى على قلبك؟!
خالد يحب ينرفزها:ايه هذا أنتي قلتيها لو كانت من أم العيال..؟!
ريم:لا والله أحلف..عجل آنا منو..؟
وفاء:هههههااي ..أنتِ حي الله خطيبته الدلوعة..
ريم:شبي أنتِ بس..مااحد دخلك في الموضوع ..
خالد:هي لاتغلطي على أختي الغالية تراها الوحيدة وأنا اللي دخلتها..عندك مانع يعني..!.؟
ريم وهي تمد يدها:مالت عليك بالعشر أنت معاها ..
وفاء تطلع لسانها بحركة تقهر ريم..
ناصر:بسكم أنتوا ماتجتمعون في مكان ألا تهاوشتوا اللي يسمعكم يقول نسوان ريل ..خلاص صدعتوا راسي..
خالد:سلامة راسك يا الأخو(وهنيه رن جوال خالد )..
خالد وهو رافع التلفون:هلا والله باللي ناسيني..
المتصل:شدعوة عاد أمس شايفك ولا جنبك أحد تبي تقهره..
خالد:ماشاء الله عليك دايم ذكي وتفهمها وهي طايره ..وينك حبيبي أشتقت لك..!؟
المتصل:ههههااي والله أنك نكتة مع هالريم ..شنو صاير بعد متهاوشين؟؟
خالد:لا ياقلبي لا تفاول علي بس كذا تعرف أحبك شسوي بعمري ..
المتصل:هههههه ..أقول وأنا أخوك تراني زهقان وطفشان وجالس في البيت بروحي ماكأن عندي أخو المفروض يقعد معاي..
خالد:شدعوة حبيبي أنت تآمر أمر الحين جاي لك ..والله ماأقدر أخليك يانور عيني..
المتصل:هههههه أكيد ماتقدر أخوك الوحيد يله أنا أنتظرك..باي
خالد:بايات..
ريم بغضب بس تدعي الهدؤ:شدعوة ..حبيبي ونور عيني..كنت تكلم منو؟
خالد مستمتع:والله كنت أكلم واحد..
ريم:أدري أنه واحد لأنك ماتقدر تكلم وحدة..والله لأقص رقبتك لو تكلم وحدة..
خالد:وأنتِ شدراك يمكن وحدة وأنا قاص عليكِ ؟؟..!!
ريم خلاص عصبتْ:طز فيك أنت معاها..وركبت غرفتها دون ماتعطيه مجال يرد..
خالد يضحك لكنه متألم في قلبه لأنه آلمها وهو يدري شكثر هي تحبة وتغار عليه من الهواء اللي يتنفسه..وتذكر هالموقف قبل خطوبتهم يوم يروحون البحر مع بعض كلهم وتجي له وحدة تقول له:لو سمحت يا الأخو ممكن تجي تساعدني بحمل هذا الكرتون..؟
هو طالع في ريم اللي أحمّر وجهها وتوه بيمشي يساعدها الا وهي تروح لها :تعالي أختي أنا بساعدك..وتم مبتسم عارف أنها تغار عليه..وتقطع أفكاره وفاء:
هي خلود منو كنت تكلم؟!
خالد:ههههههه كنت أكلم نايف أخوي بس حبيت أحرق أعصابها..{خالد ماعندة الا أخو واحد ويتيم الأبوين}
وفاء:آآآه الله يهديكم ..أنا بروح أشبك مواعدة عبير عشان نبي نلعب على ليلوه خالتي يله باي..
خالد :أنا بعد بروح يله باي..
أحلام طلعتْ من الماسنجر بس لأانها ماقدرت تتحمل هالعواصف من المشاعر الجديدة اللي تجتاح قلبها فخافتْ خافت تسوي شي تندم عليه بعدين وطلعت..وكاهي بعدها جالسة قدام شاشة الكومبيوتر والنت شابك ومو قادرة تسوي فيه شي وسمعت أحد يطق باب غرفتها..
أحلام:دخلي..
عبير:وش دراك يا الساحرة أن دخلي مو أدخل؟؟.!
أحلام وهي لازالت سرحانة:لأن احنا يا الذكية كلنا بنات وماعندنا ريايل في البيت وأبوي بعده مايرجع من المسجد ..
عبير:واااو ماشاء الله عليكِ محللتنها..أوكي أحلاموه أشوفك حطيتي الكومبيوتر في غرفتك واستحليتيه كأنه لك وحدك تراني أبي أجلس عليه شوي يله بسرعة...
أحلام:خذيه ماأبيه..
عبير أستغربت أول مرة في حياتها أحلام تتنازل عن النت بسهوله {هم حالتهم المادية وسط يعني الحمد لله لاهم أغنياء ولاهم فقراء..على قد الحال فما عندهم غير كومبيوتر واحد في البيت}
عبير:أحلام فيك شي وأنا ماادري عنه؟
أحلام انتبهت لنفسها:هاه ولا شي سلامتك قلت لك أخذية وفكيني من القرقة الزايدة..
عبير:على راحتك..وقامت عبير وفتحت مسنجرها..لقتها شابكة وعلطول كلمتها :
(ناداني الحب ولبيته):هلا والله بالغلا ليلى..
(أنفاس خامدة):هلا فيك عبيروه شلونك؟
(ناداني الحب ولبيته):الحمد لله تمامووو أسأل عنك..؟
(أنفاس خامدة):سألأت عنك العافية..أنا بخير ولله الحمد..
(ناداني الحب ولبيته):دوووم موب يوووووم يارب..
(أنفاس خامدة):يسلمووو
(ناداني الحب ولبيته):صج..كل عام وأنتِ بخير..
(أنفاس خامدة):وأنت بخير بس ليش ؟احنا سنة جديدة الحين؟؟!
<في هاذي اللحظة شبكت وفاء>وعلطول كلمت ليلى..
(في خاطري لو أشوفك مرة ثانية):هاي ليلوه..شفتي عبيروه فازتنا..هئ هئ هئ هئ
<ليلى توها مستوعبه أو متذكره السالفة فأشركت عبير معهم في المحادثة..>
(أنفاس خامدة):يؤ صحيح اليوم عيد ميلادي والله نسيت على البركة عبير أخيراً قدرتي تهزمي وفاء..ههههههههااي
(ناداني الحب ولبيته):أي والله أخيراً..قف مي فايف..هههههه
(في خاطري لو أشوفك مرة ثانية):لا والله حلفي أنتِ وياها شرايكم أطق لكم بلوك ونخلص..
(أنفاس خامدة):لا والله حلفي أنتِ بس هذا بعد واليوم فرحتكم بي ..
(ناداني الحب ولبيته):ماعليكِ منها ليلوه أنتِ بس قولي لي متى بتجين لنا البحرين؟؟
(أنفاس خامدة):ليش؟مافالت لك وفاء أني خلاص بجي أدرس وياكم في البحرين؟
(ناداني الحب ولبيته):بلى قالت بس شنو السبب مادريت؟؟
(أنفاس خامدة):ماأدري والله بس أبد مو مرتاحة في الجامعة اللي أنا فيها وغير كذا في بنات مضايقيني ومفتقدتكم وايد فقلت أجي لكم بدل قعدتي بروحي ..<ليلى بنت وايد هادئة وماتندمج مع أحد بسرعة تحب الوحدة دوم وهذا اللي مخليها مفتقدة الناس الوحيدين اللي رافقتهم في حياتها اللي هم شلة وفاء وعبير>
(في خاطري لو أشوفك مرة ثانيه):أنا جيت شنو قلتوا عني مامداني رحت أكلم رفيجتي حشيتوا حش..!
(ناداني الحب ولبيته):بسم الله الرحمن وأنتِ كله شاكه في عمرك..فديت ليلوه ماتحش في أحد..
(أنفاس خامدة):شفتي شلون يا وفاء عندي مدافعين ..ألا تعالي صج بسألك أنتِ عمرك ماحطيتي نك نيم إلا وأنت تقصدين به شي ويكون حقيقي فمنو هذا اللي في خاطرك تشوفينه مرة ثانيه هاه أعترفي يامجرمه؟؟1
(ناداني الحب ولبيته):أيوه صج يا مجرمة منو هذا؟؟!
(في خاطري لو أشوفك مرة ثانيه):هههههههه هههههه هههههه ..عارفيني مااقدر أخبي عليكم شي..يا طويلين العمر هاذي سالفة طويلة ما تنقال بالماسنجر لمن تجون لي بعلمكم بها..
(ناداني الحب ولبيته):واااااااو حتى أنتِ ياوفاء صار عندك سوالف ..
(في خاطري لو أشوفك مرة ثانيه):هههااي أحترمي نفسك أقول هاذي سالفة عاديه مرة بس لو تسمعونها بتضحكون..
(أنفاس خامدة):خلاص فكونا ..على فكرة ترى انا بجي لكم البحرين بكرة..والحين لازم اطلع ..أشوفكم على خير..
(ناداني الحب ولبيته): على خير أنا بعد بطلع بـــــاي..
(في خاطري لو أشوفك مرة ثانيه):دامكم بتطلعون شقعد آنا أسوي ..يله سي يو..
<وكل وحدة سكرت جهازها من جهة وفي بالها أفكار من جهة ثانية>
شنو تتوقعون ياتر ى تكون نتيجة فحوصات ناصر.؟وأيش اللي بيصير في البحرين عند ليلى وعبير ووفاء؟وشنو السبب الحقيقي اللي خلى ليلى تغير جامعتها للبحرين ولا اللي قالته لعبير مقنع؟ومنو هذا اللي نفسها وفاء تشوفة؟
للجواب على هالأسئلة أنتظروني..
وأبي رايكم ..

[فتوتة سكر]

وأبي هاذي المرة ردووووود

[ابتسـ ألم ـامة]

http://www.alraidiah.net/up/ar/alm1.gif


:101: هلا وغلا فتوتة سكر:101:

قصة جميلة


وأحداث مشوقة


قرأت جزء منها


وراح أتابع معك


أكملي


بانتظارك



دمتم بود


:101: وعلى الخير بإذن الله نلتقي :101:

http://www.alraidiah.net/up/ar/alm2.gif
دعاء رمضان اليومي
دعاء اليوم الخامس عشر ..

اَللّهُمَّ ارْزُقْني فيهِ طاعةَ الخاشعينَ ،
وَ اشْرَحْ فيهِ صَدري بِانابَةِ المُخْبِتينَ ،
بِأمانِكَ ياأمانَ الخائفينَ .
http://www.alraidiah.org/up/up/15771335220060908.gif

[فتوتة سكر]

مشكوورة إبتسامة الم وإقريها تراها تجججججن وهاذي التكملة

[فتوتة سكر]

الجزء الخامس عشر:

دخل سالم على أختة في الغرفة اللي تلقت فيها علاجها وعلطول رفعتْ عيونها له وشافت في عيونه كلام..عورها قلبها من نظراته اللي ماتستحملهم فنزلتْ عيونها ..هو تقدم خطوتين راح ومسك وجهها ورفعه وخلى عيونه تقابل عيونها وقدم لها هالكلام بعيونه:

~ ~ ياقمري مالي أرى نوركِ يتذبذب..؟! لم أعهدكِ هكذا من قبل..!
فقد كنتُ دائماً أقتبسُ من ضوء نوركِ لأنير داخلي..!
ففي كل ليلة كنتِ تظهرين لي بإطلالتك البهية ..!
لتجلي الظلام وتبعثي في روحي حياة جديدة ملؤها الآمال والأحلام ..
وتبعثي وتوقظي المشاعر على حبكِ الجارف..!
أما الآن.. فأنني دهش منكِ!!
كيف تعتمين!وأنت مصدر إضاءة القلوب..!
أم أن كوامنها قد أعتمتْ فأعتمتِ معها..؟؟!! ~ ~
{..منقول..<أبراء لذمتي أي شي انقله بقول الا اذا كان من تأليفي.. }
هي فهمت معنى نظراته وكلامهم رغم أنه ماأتكلم فما قدرت غير أنها تتنهد:آآآآه..
سالم:سلامة قلبك من ال آآآآه ... جنان..شنو فيك؟؟
جنان بنظرات حذرة توجهها لسالم : هاه..مافيني شي..!
سالم مثل الأب الحنون: علي أنا ياجنان؟!على أخوكِ سالم؟! روحي حبيبتي قصي على هندي وقولي له هالكلام ..أنا عارف أن في شي صاير في حياتك وأنتِ ماتبين تقولينه لي ..بس ياجنان أنا أخوكِ الوحيد اللي مستعد يسمع كلامك لآخر لحظة في عمره دون تذمر أو شكوى ..لا وبعد بحاول أساعدك مهما كانت مشكلتك عويصة <وابتسم لها..
جنان وهي تقدم له بعيونها شكر نابع من قلبها وتفكر بنفس الوقت: ياحظها اللي بتكون زوجتك ياسالم..وردت عليه:أدري يا أخوي والله أدري بس ....
سالم اللي حس أن السالفة أكبر من أنها تكون عادية:يا جنان حتى لو كانت السالفة كبيرة أنا بتفهمك وبساعدك تراست مي < ثقي بي ..
للي مايفهمون E ههههههااي اتغشمر والله ..
جنان بعد تفكير قررت تعلم أخوها بالسالفة يعلى وعسى يقدر يسوي لها شي فقالت له:خلاص ياناصر أنا بعلمك بالسالفة لكن توعدني ماتخبر أحد أبداً لو شو صار..!!
سالم أبتسم لها وهو ناقزه قلبه عليها: أن شاء الله يله أنتِ لبسي عباتك الحين
وأنا بروح أكمل أوراق الخروج وأدفع الحساب عشان نطلع من هنيه..
جنان:اوكيك..

يتبــــــــع...

[فتوتة سكر]

وطلع سالم من الغرفة وشاف حسام قاعد على واحد من الكراسي اللي برا وهو متملل في جلسته لكن باله مشغول ..فراح قال له:تعبناك معانا يا ابو الشباب..
حسام:لا شدعوة يا سالم عزيز وغالي ..
سالم:زين خلاص آنا الحين بروح أنهي الأوراق..وكاهي جنان أختي الحين بتلبس عباتها وبنمشي..
حسام:أوكي ماعندي مشاكل (وابتسم)..
****************************
ريم بعد ما أنقهرتْ من حركة خالد طلعت غرفتها والعبرة خانقتها وهي كانت تتحدى الدمعة وماخلتها تنزل من عينها هي تدري أن خالد يلعب عليها وأنه لايكلم وحدة ولا شي بس هذا الشي خارج عن سيطرتها تحبه وتغار عليه حتى من كلام المسخرة نفسة!!
ضلت منسدحة على سريرها وهي شابقة (ضامة) الدبدوب <اللي أهداها اياه خالد في اول عيد ميلاد لها اول ما أكتشفوا مشاعرهم تجاه بعض> لصدرها وتتنفس شذاه اللي تحس ان شذاه من شذى خالد وهي تفكر :أيه صج وينه هادي ماشفته اليوم مسكين ماأحد جايب خبره خلني أقوم أشوفه..
وطلعت من غرفتها وراحت لغرفة هادي ودخلتْ وشافته بمنظر يقطع القلب
....نايم على ذاك الكرسي المتحرك ورقبته مايله وشكله بريء بس في شي لفت نظرها!!شافت في يده دفتر غريب ولونه أسود ومحدد بأحمر ..راحت شالته من يده وشافت مكتوب بخط يده اللي يبا له تحسين :
~ ~..أشكي عليك الحال ياعارف الحال..
ولو مابيدك شي.. يكفي لك أشكي..يكفي تروح بكلمتك ضيقة البال..
ويكفي تحس بضيقتي دون ما أحكي ..~ ~

يارب أسألك بحق القرآن الكريم أن تشفي عجزي يكفيني اللي أعانيه من العذاب يا الله ما أبي أتعب أهلي معاي أنا صرتْ مثل الحمل الثقيل مثل العالة اللي تعكر صفو حياتهم عليهم ياربي ياقادر على كل شي أتوسل لك أنك ترجَّع لي ريولي يا الله وتحفظ لي أمي وأبوي وأخواني من كل شر ..
عبدك المحب:هـــــــــــــــــــادي..
دمعت عيونها ونزل الدمع بغزارة وغطتْ فمها بيدها خوفاً من أنها تصدر صوت ببكائها وتفظح نفسها أو تسبب في جلوس هادي من النوم فردت ْ
الدفتر لمكانه وماحاولتْ تقرأ الكلام اللي يبين أنه مكتوب من زمــــان لأن قلبها مايتحمل أكثر....وقامتْ أخذتْ هادي وضمته لصدرها وهي حاملته حطته على سريره وباسته في عجز الإنسان اللي يتمنى يسوي أي شي عشان ينقذ اللي يحبه من اللي هو فيه بس مايقدر..وغطته باللحاف عدل وطلعتْ برا الغرفة وسكرتْ الباب بهدؤ وهي تفكر:سبحان الله اللي يعطي شي ويأخذ شي...
{هادي صج ان عمره 12 لكن جسمه مره ضعيف وقصير واللي يشوفه يظن أنه ولد عمره 7 سنوات لأنه خفيف مثل الريشة..}
نزلتْ ريم تحت وهي تسمع أذان المغرب يأذن نادت الخدامه الفلبينيه : لجيندوت (هي اسمها لجيندوت بس وفاء ماتحب تناديها فيه تقول أنه صعب فصارتْ تناديها بنفس أسم خدامة بيت عبير <لجين>)
الخدامة:نعم ماما
ريم:وين الكل؟؟ماأشوف أحد !!
الخدامه:هذا ماما وفاء في صلي عشان يبي يروح مع بابا ناصر المستشفى بعد شوية وبابا خالد من عصر في طلع مايرجع وماما في روح بيت الجيران والحين في يرجع وبابا طلع المسجد يصلي...<<حشى ولا موجز الأخبار..
ريم:اهاا أوكي خلاص روحي..وتمتْ في الصالة تنتظر أمها ترجع عشان تقول لها تتصل بيت إبراهيم وتأخذ منهم موعد عشان يروحون يخطبون عبير منهم..
مرت فترة العصر وأنتهت في بيت أم حسين بسرعة البرق وماصار فيها شي الكل في حاله وفي غرفة نرجس وكوثر:
كوثر:شرايك نرجس نتصل في شهد بنت جيرانا نقول لها تجي لنا وحشتني السبالة..
نرجس:والله أنا من بعد طردتها لي ذيك المرة وأنا كارهتها ماأحبها..
كوثر:ههههه هههه بلا يهاله علينا هاذيك سالفة من 10 سنين وترى أنا شفت البنت وايد طيبة..
نرجس:أوكيك على رايك..
وفي ذيك الديوانيه اللي في بيت سعاد ..
كانت شهد جالسة مع خليل ومعاهم أمهم ..كل واحد قاعد على كنبة والتلفزيون قدامهم..
خليل:ههههههههه ههههه آآآه والله تعجبني رايتشل لما تفشل جوي ههه..
شهد وهي ملانه ماتحب تشوف هالحلقة:أسكتْ أنت بس يالنحيس بس متولي
التلفزيون وحاط لنا برنامج مثل وجهه.. <تتحنطب عليه هههههه..
سعاد:شفيك ياشهد على أخوك أنتِ من زمان تدرين أن أخوك ِ يحب برنامج فريندز شنو اللي تغير الحين؟!
خليل يبي يقهرها:شوفي شهوده حبوبة تبين روحي طالعي في تلفزيون ثاني على ماأظن فيه تلفزيونين غير هذا في البيت..
شهد موصله حدها:أنطم ومالك شغل..
خليل:هههه حره على قلبك ..(وفي هاذي الأثناء رن التلفون وبكل قهر رفعته شهد وبدون نفس: ألو مرحبا..
كوثر:يامليون مرحبااا هلا والله..
شهد ماعرفتها:هلا فيكِ أنتِ <وسكتت..
كوثر:ها شهوده ماعرفتيني؟؟!
شهد انحرجت من قلب منو هاذي ؟؟والله ماأذكر صوتها يعني اكيد مو وحدة معاي في المدرسة :آسفة أختي مو قادرة أتذكر صوتك..!
كوثر:مالت عليكِ ياخاينة ماتعرفين كوثر اللي طردتيها من غرفتك قبل كم سنة..
شهد بفرح وأندهاش وبصوت عالي خلتْ أمها وخليل يناظرونها بعجب:شنو؟؟1 كوثر ماغيرها؟؟!
كوثر:لا بنت عمها..شنو قاعدة اللعب وياكِ أنا ..
شهد:صج ياكوثر شلونك؟عساك بخير؟وحشتيني..
كوثر:مايوحشك وحش..أنا بخير والحمد لله..نسأل عنك أنا ونرجس..
شهد براحه:سألت عنكم العافيه والله أني كنت ملانه حدي وهذا خليلوه مستولي على الرموت وماني عارفة شنو أسوي؟؟!
{خليل قام يطالع فيها بعين وعين }
كوثر تذكرتْ يوم تشوف خليل وفقعت ضحك..كل ماتبي تتكلم تجي لها موجة ضحك ثانية ..
شهد فهمت ليش تضحك:خلاص كوثر بعدك تذكرين خليلوة تعودي حبيبتي<وتطالع اخوها بنظرة تقهر وتطلع له لسانها..
كوثر:آآه والله ماني قادرة ..المهم انا كنت متصله أقولك تعالي الليله عندنا عازمينك على العشاء..
شهد تطالع في امها وتبتسم:ها عازميني الليله..! أن شاء الله خلاص بس ببلغ الوالدة وأحاول أجي لكم...
سعاد:مايحتاج تحاولين كاني عطيتك الأذن دامك بتروحين بيت الغالية..
شهد:كلللوش كوثروه شنو سويتي أمي على طول رضتْ ياليت تعلميني
الوصفة عشان أجربها كل مرة اذا بغيت أطلع ..
كوثر:ههههههاااي الله يقربل بليسك ياحلوة..خلاص أنا بسكر الحين وننتظرك مو تتأخرين علينا ..
شهد:أوكي في أمان الله ..باي..
كوثر:وحفظه ..بايات..
سكرت شهد من كوثر وهي تتنهد..
سعاد:أنتِ ماتهونين عن هالحركات..! متى بتكبرين هاه؟؟!
شهد راحتْ عند ريول أمها وأنسدحت عليها وهي تدلع:أنا صغنونتك يمه مابكبر..!
خليل وهو بعدة يفكر في كوثر:يحرك راسة يميمن ويسار ويبوس صبعه ويحطة عند يبهتة ويقول:الحمد لله والشكر...
طالعتْ فيه وهي مقهورة فيه لكن ماتبي تحرق أعصابها ..وطلعت له لسانها وضحكتْ على شكلة..
وفاء خلصتْ صلاة وطوت سجادتها وراحتْ لبستْ عباتها وخذتْ شنطتها ونزلتْ شافتْ ريم في الصالة وراحتْ لعندها وقالتْ : ها ريم مابتروحين معانا المستشفى؟؟!
ريم:.......لامن جواب....<سرحانة <<اكيد تفكر بالحبيب هههههههههااي
وفاء:تأشر عليها بحركة مسخرة:هي أختاه أين أنتِ؟؟!
ريم أنتبهتْ لها وفاقت من سرحانها:هاا ..وفاء شنو تبين؟؟
وفاء:اللهم صبرك ياروح!أقولك مابتروحين معانا المستشفى ؟؟
ريم:ها..لا مابروح لأني الحين لمن ترجع أمي بتتصل بيت عبير نأخذ منهم موعد ...
وفاء:أهاا زين تسوين <<الا أمهم داخلة الصالة وتقول:بشنو كنتوا تطروني هاه؟؟اعترفوا..
ضحكوا..وفاء:ولا شي يمه كانت ريم تقول لي أنا مابتروح معانا المستشفى بتقعد معاك ِ عشان تكلموا بيت عبير ..
بدرية تذكرتْ موعد ولدها وبحزن:على خير..
وفاء رن جوالها:يمه كاهو خالد وصل يله انا بروح ..بطلعّ ناصر من المجلس عشان نروح ..باي..
بدريه:آآآه حطوا بالكم على نفسكم..
وراحتْ وفاء تساعد أخوها وطلعوا برا وركبّته في السيارة ورا حسب رغبتة ..وركبتْ قدام مع خالد..
خالد:وفاء وين ريم؟مابتجي؟؟!
وفاء تبي تعذبه شوي:لا هي أصلاً ما طلعتْ من غرفتها ..يؤ تصدق لا يكون فيها شي؟؟!
خالد نقزه قلبه:فال الله ولا فالك.بقوم دقيقة بشوفها ..
وفاء تضحك على شكله وناصر يتكلم:تعال وين رايح؟! بنتأخر..! ماعليك منها تلعب عليك..ريم مع أمي في الصالة ..يله خلّصنا نبي نخلّص..
خالد حس بالتوتر اللي في ناصر فمشى دون مايتكلم...
راشد في المكتب ينهي الأوراق اللي بيده يبي يرجع البيت ويرن جواله وأستغرب بادئ الأمر لمن شاف حسين أخوه المتصل بعدين تذكر أنهم كلموه ورفعه والأبتسامة مرتسمة على وجهه:مرحباااا السااااع..
حسين بضحكة كبيرة:مرحبتين هلا بالأماراتي ..
راشد:هههه كيفك يأخوي أخبارك؟؟
حسين:الحمد لله نسأل عنكم..
راشد:الأهل بخير وعافية بس ننتظرك تجي حق تساعدني في الشركة...
حسين:أنت تآمر أمر حبيبي..
راشد:تسلم بغيت أقول لك شي..
حسين:سم..
راشد:سم الله عدوك...بس أنا قررت أخطب ..
حسين يقلد على صوت البنات:كللللوش..وأخيراً ..
ويرجع لصوتة الطبيعي :مابغيت يارجال بغيت تعنس..
راشد:هههه والله أنك مو في الدنيا ..حسين ترى انا خطبتْ من قبل بس الله ماأراد لذيك العلاقة الأستمرار ..
حسين عوره قلبه على اللي يسمعه والندم يزيد عنده شكثر أشياء صارتْ ومايدري عنها ولازم يعوض بيتهم عنها فقال(عسى أن تكرهوا شيئاً وهو خيراً لكم)...اسمع بغيت اقول لك ترى بعد بكرة انا عندكم أبيك تجي لي المطار الساعة 11الصباح بس ها لاتقول لاحد خلها مفاجأة..
راشد:والله ! ؟ أوكي خلاص في انتظارك حبيبي...
حسين:يله سلم لي على الأهل..
راشد :الله يسلمك..

يتبــــــــع...

[فتوتة سكر]

الجزء السادس عشر:

بعد ماسكر حسين من عند راشد جلس يفكر: ياربي شكثر أشياء صارت وأنا ماأدري عنها كله بسببي وبسبب تهوري أنا لازم أرجع وأعوضهم وما اخليهم يحتاجون شيء فقدوه وأنا السبب أنا لازم أرضى بقضاء الله وأستغفره على كل أفعالي والله غفور رحيم ..
>> حسين قبل ما يسافر كان إنسان حبوب والناس تحبه لكن...هو كان مغازلجي ولسانه طويل مره وتوصل فيه الوقاحه احياناً انه يسوي أشياء ما أحد يتوقعها رغم طيب قلبه والحين هو يظن أنه تغير ..فهل يا ترى مابيستوي له شيء يخليه يرد لشخصيته القديمه اللي طبعاً هي أحلى من القديمه لأنها الأساس فتكون عفويه ! ولا صج هو تغير!
_ _ _ _ _ _ _ _ _ _ _ _ _ _ _ _ _ _

جنان لبستْ عباتها وخلصتْ ماعندها أغراض ..خلاص هي جاهزة وقامت تبي تطلع من الغرفة تستنى أخوها برا بس خافتْ أن يكون فيه أحد وعملتْ لها لثام بشيلتها ..يعني ماتبين غير عيونها وطلعتْ وسكرتْ الباب وتسندتْ عليه وهي تحس برأسها يدور وماأنتبهتْ للشخص اللي رفع رأسه لها أول ماطلعتْ من الغرفة..
حسام كان يراقبها وكل تهور قام راح لها قريب منها وقال: ماتشوفين شر ياجنان!!
جنان علطول طالعتْ فيه وأستغربتْ من وقاحته أبداً ماأعجبها أسلوبه فردتْ عليه بنظرة أحتقار لاغير وبعدتْ عنه..!
أي واحد مكان حسام كان ممكن ينقهر من هالحركة كن حسام عجبته وزاد تمسكه فيها ورد قال:الحمد لله على السلامة << مصمم الأخ يبي يسمع صوتها..
جنان طالعتْ فيه بقهر وأحتقار ولا عبرته للمرة الثانية وفي نفسها:شنو هذا طوف مايفهم .. مابي ارد عليك ياأخي انقلع ..
حسام وبعده مستمتع: اقول, جنان,.بقول لك شيء.. ليش تبين تموتين؟؟!!
جنان اندهشتْ وماقدرتْ تمسك نفسها:شنو ؟؟!! أنت شقاعد تقول؟؟!ووشدراك أني أبي اموت؟؟! أنت تعرف عني شي؟؟!!
حسام بمسخرة وارتياح انها اتكلمتْ : أيه أعرف..!
جنان بخوف انه يعرف عن حبها لناصر اللي مايعرفها غيرهم:شنو اللي تعرفه؟؟!
حسام بكل ثقة وتهور:أعرف انك حلوه واني معجب فيك و......
مسكين الريال ما امداه يكمل كلامه الا وسيل من الشتمات تنهال عليه بقوه من جنان اللي ارتاحت من جد على انه مايعرف وتضايقتْ من كلامه عنها:هيْ أنت يا**** ياغبي ..! وبعجز تكمل:أنت ماتفهم ؟! خرعتني..! افففف! انقلع..مالك حق تجي تكلمني أنت فاهم!!
<<بتهديد وهي تأشر له بصبعها السبابه..
حسام بطريقة تحرق الأعصاب:لي الحق ياحلوة..!
جنان: ومن عطاك الحق؟؟!
حسام:حبي عطاني الحق...!!
جنان بقهر وخوف من انه يجي اخوها ويشوفها معاه ويفهم شي غلط: وقح..!
< ودخلتْ الغرفة لأنها ما تقدر تستحمل هالصدمات اللي تجيها وراء بعض...!
أما حسام من جهة ثانية ارتاح جزئياً من اللي سواه ويحسه لمصلحة البنت ومصلحته..
وكلها دقايق وجاء سالم ونادى أخته ومشوا كلهم للسيارة مع سالم اللي ما يدري عن شيء >>ضايع في الطوشة..خخخخ...
ووصلوا لمواقف السيارات ... جنان تدور بعيونها على سيارة أخوها وما حصلتها ..
سالم حس بحيرتها وقال لها:أحنا لمن شفناك طايحة بسرعة جينا المستشفى بسيارة حسام..
جنان من سمعتْ أسم حسام علطول دارتْ تطالع فيه وهو كان جنب أخوها ومن غير ماسالم ينتبه ابتسم حسام باستهزاء وهي خلاص عصبتْ منه ماتدري ليه مو طايقته الغبي..؟؟!
حسام: ها سلوم بتسوق أنت ولا أنا اسوق ..؟؟!
سالم:سلوم في عينك حسوم..! أنتسوق..
حسام: حسوم في عينك .. طيب أنا بسوق وغمز له وركب...
جنان جات تبي تركب من الباب اللي خليها تجلس وراء أخوها لكن كان فيه سيارة والباب ما يتفتح بالمقدار المطلوب فأظطرتْ بأكراه أنها تروح تقعد وراء حسام..
ومشت السيارة بهدؤ والكل يفكر بصمت إلى أن.................
_ _ _ _ _ _ _ _ _ _ _ _ _ _ _ _ _ _ _ _ _ _
يتبــــــــع...

[فتوتة سكر]

بدرية أم ناصد مع ريم في الصالة..
ريم ها يمه شنو قالت لك..؟؟
بدريه: صبري بس خليني أحط السماعة أسكرها..شنو أنتِ اللي يسمع أنك أنتِ اللي بتعرسين مو أخوك..؟!!
ريم حست بالجرح من كلام أمها وردت: يمه أنا وأخوي ناصر سوى ما فرقتْ إذا كنت أنا ولا هو ...!
بدريه حستْ باللي سوته وكبرتْ بنتها في عينها: زين يابنتي والله موب قصدي بس صبري شوي علي خليني آخذ نفسي وأقول لك...
ريم كأنها ما سمعتْ أمها: يله يمه قولي..
بدريه:شنو يعني بتقول قالتْ لي الله والنبي يحيكم..
ريم: وما سألتك شنو الموضوع اللي تبينها فيه..؟!
بدريه: لا قالتْ لي تعالي ونتفاهم ولا تنسين ياريم أن أنا وهدى أم عبير رفقه من قبل مو بس من الحين..
ريم:إنشاء الله بكرة المغرب يكتب الله لأخوي حياة سعيدة مع اللي يستاهلها وتستاهله..
بدريه: الله يسمع منك يابنتي..
دخل سعود أبو ناصر وهو يسمع نهاية حوارهم وقال: يارب.. والسلام عليكم..
ريم+أم ناصر: وعليكم السلام والرحمة..
أبو ناصر:هاه شنو صار؟؟ بشروني؟؟!
ريم عرفتْ أن أبوها يتكلم عن ناصر وموعده في المستشفى مو خطبته فردتْ:
والله يا يبه توهم طالعين من البيت من شوي وما ندري شنو صار أنا قلتْ لوفاء تتصل فيني تبشرني..
أبو ناصر:أنشاء الله خير يارب ..
أم ناصر والدموع شوي وتطفر: أنشاء الله يارب ..
أبو ناصر:يله أم ناصر أنا بروح أبدل ملابسي وأرتاح شوي لين موعد العشاء تراني مرة ميت يوع..
أم ناصر بأبتسامة:أنت تآمر أمر حبيبي الحين أروح أزهب لك العشاء...
أبو ناصر رد لها الأبتسامة ومشى ..
ريم:أحم أحم انا هنيه.. عيني عينك بعد..
أم ناصر بعين وعين : ريموه والنهايه معاك..
ريم: هههاي واله بس أتغشمر يمه >> وقالت هالجمله وهي تتخيل نفسها مكان أمها وخالد مكان أبوها..
أم ناصر تركتْ بنتها وراحتْ المطبخ تزهب العشاء لريلها ..
أما أبو ناصر دخل الغرفة وبدل ملابسه وطّلع جواله وأتصل برقم يبين انه حافظنه وكان ينتظر جواب من الشخص اللي قاعد يتصل فيه ..ويوم رفعة الطرف الثاني ..بكل حنيه قال:هلا حبيبتي.....!
خالد ووفاء وناصر وصلوا المستشفى صار لهم 10 دقايق وهم ينتظرون الدكتور يخلص من المريض اللي عنده وهم قاعدين على الكراسي القريبة من غرفة الدكتور اللي يعالج ناصر وشوي الا يسمعون صوت وحدة تصرخ شكلها نتيجة علاجها سلبية وكانت تقول: ياحسرتي عليك ياولدي خلاص الأمل مات ..والله كريم..
ناصر توتر..ووفاء لاحظتْ هالشيء وقالت له:خلي ايمانك بالله قوي يا نصور ..كل إنسان الله كاتب له اللي في مصلحته ..
خالد لاحظ أن باب غرفة المرضى بدى ينفتح:يله نصور كاهم المرضى خلصوا وشافوا أم في عز شبابها معاها ولدها اللي يبين أن عمرة 13 او 14 سنه وتألموا لمشهدها وعورهم قلبهم عليها .. ودخلوا الغرفة يواجهون مصيرهم.....
خالد + ناصر: السلام عليكم..
الدكتور: وعليكم السلام..تفضلوا..
وجلس ناصر على الكرسي اللي جنب الطبيب وقال له :ياناصر أحنا سوينا اللازم وأخذنا في الأعتبار كل الأجرائات اللي نقدر نسويها لترجع تشوف لكن للأسف ماوصلنا اا لنتيجة وحدة بس......
_ _ _ _ _ _ _ _ _ _ _ _ _ _ _ _ _ _

هااااااااه عطوني رآيكـــم؟؟؟؟؟
اتمنى انها عجبتكم ..
لاتبخلون علي بطلتكـــم الحــــلوه .. ^_^

[فتوتة سكر]

بصراااحة زعلتووووني منيب كااااتبة أبد

[الدووووخي]

الله يعطيك العافية فتوتة سكر ...

[فتوتة سكر]

الجزء السابع عشر:

أحلام وهي تتفحص اللي شابكين عندها باللستة شافته ودق قلبها بقوه انتظرت ثانية الا وهو جاء يكلمها بتحيات الولهان ..وهذا الحوار صار في الماسنجر حيث كان نايف يكلم وحدة من الضحايا العده اللي مجمعهم لكن من شاف احلام الضحية الجديدة او اللعبة الجديدة اللي تجذب الطفل اكثر من اللعبة القديمة فعمل للي كان يكلمها بلوك ورجع لأحلام:
(الا ياليت لي حيلة اكون بقربك الليلة):مرحباا ملاااييين للي انقطعوا عني وخلوني مثل المجنون انتظرهم..
(تكفيني منك بسمتك تنسيني الألم والجراح):مرحبااا الآف الملايين سوري والله ظروفي ماتسمح لي اني اشبك في أي وقت..
(الا ياليت لي حيلة اكون بقربك الليلة):نو بروبلم يا عمري انتِ بس قولي لي كيفك؟ شخبارك؟
(تكفيني منك بسمتك تنسيني الألم والجراح):زينة ولله الحمد بس عندي شوية أكتئاب..
(الا ياليت لي حيلة اكون بقربك الليلة): أفااا لييييش؟؟!
(تكفيني منك بسمتك تنسيني الألم والجراح): والله هاذي يدتي هالعيوز مللتني محتلة التلفزيون ومو مخليتني أغير هالأخبار اللي تزهق..!
(الا ياليت لي حيلة اكون بقربك الليلة): ههههه عييب ياقلبي مايقولون عن يدتهم كذا .. أحمدي ربك على يدتك على الأقل عندك يدة مو مثلي..!
(تكفيني منك بسمتك تنسيني الألم والجراح): كيف؟ أنت ماعنك يدة؟ ماتت؟
(الا ياليت لي حيلة اكون بقربك الليلة):ايه الله يرحمها هي ويدي وامي وابوي الله يرحمهم
أحلام عورها قلبها عليه وحسته محتاج من يحنو عليه..
(تكفيني منك بسمتك تنسيني الألم والجراح):الله يرحمهم..اففف عليك ياحبيبي كسرت خاطري والله شوي واصيح..
(الا ياليت لي حيلة اكون بقربك الليلة):هي أنتِ! آنا ماأبي شفقة من احد..انا الحمد لله أهلي مو مقصرين علي..لا خالي ولا مرت خالي ولا أخوي الوحيد..
(تكفيني منك بسمتك تنسيني الألم والجراح): ماقصروا والله يجازيهم ..
(الا ياليت لي حيلة اكون بقربك الليلة): أقول أحلام .. ماعندك مايك؟!
(تكفيني منك بسمتك تنسيني الألم والجراح):ليش؟ هو آنا عندي بس مابحطة..!
(الا ياليت لي حيلة اكون بقربك الليلة): أفاا يا أحلام! ليش والله انا مابظرك بشي خوب أنا ماقلت لك طلعي معاي ولا ابي اشوفك مجرد بكلمك في التلفون لاغير ولا اكثر ..وأنا بعد اللي بتصل لك مو انتِ!!!
(تكفيني منك بسمتك تنسيني الألم والجراح):المسأله مو مسألة من اللي بيتصل يانايف المسأله هي أني أحس أني أخون ثقة أهلي ليش أنت مو قادر تفهمني أنا ودي بس والله خايفة يانايف خايفة..
(الا ياليت لي حيلة اكون بقربك الليلة): لا تخافين يأحلام ولا شي أنت مابتخونينهم لأني نيتي صافيه ومو من اللي يبون يضيعون شرف البنت أنا بس أبي اتخذك صديقة تقدرين تكلميني لو تضايقتي وأنا بالمثل.. وماتدرين لو تعلقنا ببعض أكثر يمكن يصير بيننا نصيب .. لكن هذا مو وعد الوعد أني ماراح أضرك بشي ابداً ابداً..
أحلام متوترة وهي تفكر >> تحسه صادق في كل كلمة قالها لكنها مازالت خايفة..
(الا ياليت لي حيلة اكون بقربك الليلة): ها شنو قلتي؟؟!
(تكفيني منك بسمتك تنسيني الألم والجراح): خلاص طيب استسلمت أنت الفايز..بس مو هالمرة المرة الجاية..
نايف ماحب يضغط عليها عشان لاتغير رايها..
وضل يفكر: هو صحيح أني كلمت بنات وايد بس ماادري ليه احس أحلام غير عنهم كلهم لدرجة اني قلت لها كل شي عن نفسي صحيح للحين ماكذبت عليها ولافي شي حتى في أسمي..مو مثل الباقيين ولاكلمة فيها لو ذرة من الحقيقة..الله يستر بس..
< وهنية تذكر ولد عمتة اللي الحين هو في المستشفى وحب يتصل فيه يتطمن عليه فقال لأحلام: (الا ياليت لي حيلة اكون بقربك الليلة): أوكي حبيبتي أحلام أنا لازم أطلع الحين عندي شغل ضروري..وخليني أكلمك قريب مرة ثانية وبليييز مو تطوليين علي..
(تكفيني منك بسمتك تنسيني الألم والجراح): ههههه أوكي عمري يله باااااااي..
بعد فترة مو قصيرة,,خخخخخ
في بيت أم راشد:
شهد:أقول عيوني الحين أخوي بيصرقعني لو مارجعتْ البيت! متى بترجع أمك تأخرتْ؟!
كوثر:هههه كاهي وصلتْ وكانك طلبتيها من مارد المصباح..!
شهد: ههههههه ههههه
نرجس تنادي على أمها : يمه تعالي يله شهد تبي تروح بيتهم..
نوار وهي تسلم على شهد: هلا والله ببنتي حبيبتي شلونك؟؟!
شهد: بخير خالتي الله يسلمك..
نوار: وين بتروحين قعدي تو الناس ..
شهد وهي تبتسم:أي تو الناس خالتي الساعة الحين عشر ونص.. ويرن جوال أم راشد وترفعة...
نوار: هلا بولدي هلا والله..
خليل:هلا خالتي شخبارك؟
نوار: بخير الحمد لله وينك يالقاطع ماتنشاف؟؟!
خليل: والله الدنيا ياخالتي كاسرة ظهري...!
نوار: ههههه والله مااقدر عليك أنا ياخليلوه الله يقربلك..
خليل: هههه بغيت أقول ياخالتي اذا ماعليك أمر بمر على شهد الحين خليها تتجهز..
نوار:أنت تعال الحين وأنزل ايغي اشوفك ويصير خير..
خليل اللي يعرف انه مابيقدر يوقف في وجه خالتة ولا يعاندها: أوكي أنا عند الباب ..باي..
أم راشد: يله يابنات روحوا لبسوا شيلاتكم خليل بيدخل < وراحوا كوثر ونرجس لبسوا شيلاتهم ورجعوا الصالة..
وراشد هو اللي فتح لخليل الباب.. وبعد السلام والعتاب على الإنقطاع دخلوا الصالة..
خليل بعد ماسلم على على خالتة ظل منزل عيونه وماشاف لاكوثر ولاغيرها..
أما راشد شاف شهد وقال لخليلوه يدزه: خليلوه عاد أرجوك لاتقول لي هاذي أختك شهد! وهو يأشر عليها ..
شهد رفعت له عيونها على طول واستحت شوي..
خليل يضحك: ههههههه هههه ههه وهو في غيرها ؟؟!
راشد يضحك: تذكر يوم اللي كنا نتعاون عليها ونضربها..!وضحكوا..
شهد: لا والله..!!
والكل ضحك عليها..

يتبـــــــــع....

[فتوتة سكر]

نرجس كانت تعاني من ألم في بطنها فأنسحبت بهدوء دون مايحس فيها أحد ..!
وقبل لايروحون بيتهم.. رفع خليل عيونه ولمح كوثر وهي سرحانة حدها وظل يطالع فيها من تحت لتحت دون مايخلي احد ينتبه له..وكان شكلها درامي مثل الغزالة البرية اللي ملامحها متمردة لكن داخلها مايعلمة غير رب العالمين..
أم راشد تقطع هالمسرحية اللي ماتدري عن وجودها أصلاً: كوثر حبيبتي روحي جيبي
عصير حق خليل قبل لايروح..
خليل: لا شدعوة خالتي أنا موب غريب وبعدين أنا بمشي مايحتاج........
تقاطعة كوثر بعناد:لا يحتاج.. صبر شوي مابتضرك دقيقة..
خليل تفاجأ من جرأتها ومن نظرات الأصرار في عيونها فسكت وأومأ لها براسه دلاله على الموافقة..
كوثر جابت صينية فيها انواع عدة من العصير ومدتها له..وهو جلس يطالع محتار ياخذ أي واحد..
فشارت عليه: أنصحك تاخذ التفاح تراه لذيذ.. > وهنيه التقت عيونهم لفترة ماتسمى فترة لأنها كانت أقصر من انها تسمى فترة لكنها كانت نظرة تحوي من المشاعر ما لايمكن تواجدة لو التقت عيون لمدة طويلة مو بس لفترةاذا ماكانت تحمل الصدق اللي هم حملوه في قلوبهم...
خذة وقال لها: مشكورة ماتقصرين..وطلع لبيتهم مع أختة اللي نبهته انه مايحب عصير التفاح وكان رده لها بأنها مالها شغل وشربة ذاك اليوم وعجبة لدرجة أنه حلم فيه .>>خخخخخخ ماصار عصير هذا..!
خالد خلاص مو قادر يتحمل بعده عن ريم طول اليوم يحس نفسة بيطفر من كثر ما صدته ..
يمكن هاذي المره العشرين اللي يتصل فيها على جوالها وتعطية بزي>مشغول..رغم أنه في بيتهم مع ناصر وخاله ومرت خاله ووفاء ..والكل كان راضي بنتيجة الفحوصات .. وكان أملهم بالله كبير..وحتى نايف أخوه اللي اتصل يتطمن على ناصر قال لهم انها فترة شدة وتزول والله يسمع منه..
أبو ناصر مل لما شاف خالد مقابل جواله وقاعد:شنو فيك خلووود؟؟ ماكأنك جاي تقعد معنا أنا من جيت وأنا أشوفك ماسك هالجوال..!!؟؟
وفاء اللي كانت عارفه شيسوي ضحكت بصوت خفيف..
أما خالد: لا والله ياخالي مافيني شي بس عندي أتصال ضروري قاعد أحاول القطة ومو راضي يظبط معي ..
أم ناصر اللي حست فيه وبعد لأنها مانست للحين اللي صار ومازالت الشكوك تسيطر عليها فتبي بأي طريقة تعاند فيها زوجها دونمايحس بأنها متعمدةفقالت له: خالد ياولدي روح نادي على ريم يمكن ماتدري أنه أخوها رجع من المستشفى..
خالد وكأنه الفرصة جاتة من الله نقز فرحان: طيب الحين بروح..<<رغم انه كان من حقة يروح لها لو بغى بس احتراما لناصر وخاله ظل معهم في الصالة..
وراح يطق الباب ولا أحد يرد علية..
اتصل فيها وهو عند باب غرفتها وسمع صوت جوالها يرن وسمعها تقول بصوت عالي تكلم نفسها<< وهاذي عادة فيها: لو تمووت ماني راده عليك ياخلود والله لأعلمك شلون ماتعيد حركاتك البايخة هاذي ..ومايدري ليه يحسها كانت تبكي وهي تتكلم..لكنها عطته مره ثانية بزي..ورد اتصل وسمعها تقول مره ثانيه بصوت عالي:أوووه متى بيستسلم هذا خله يولي ماني رافعه بس ..مايصير..أنا ابغي...وكل هذا التردد وهي تكلم نفسها..
خالد عرف انها تبغي ترفعة لكن كبريائها يمنعها فرسل لها مسج:
{ ترى إذا مارفعتيه ياحبي بيصير فيني شي اليوم صدقيني تعبت من نار فرقاك}
>هو كان واقف عند الباب يبغي يسمع ردة فعلها..ويتفاجأ بشهقه عالية تصدر منها وبعدها تقول: فال الله ولا فالك ياخلود يا ال**** تبغي تخوفني هاا لكن ما برفعة عناد فيك والله يحفظك من كل شي..
ودزت له مسج عكس كلامها اللي قالته وكان المسج يقول:{ عادي تراك ماتهمني بعد اللي سويته}

خالد خلاص كاتم كل الضحك اللي فيه ومو قادر يستحمل .. فرد طق الباب ..
ريم: مين؟؟
خالد ماتكلم لأنة لو تكلم ممكن تعانده وماتفتح له فرد طق الباب مره ثانية..
ريم أستغربت وقامت فتحت الباب وتتفاجأ بخالد في وجهها وكان مبتسم الإبتسامة اللي تذوبها في مكانها وتصنمت ولا تحركت ..بس ألتقت عيونهم بحوار عتاب بدون كلام..لكن قطع خالد الصمت اللي ماعجبه: ممكن أدخل ؟!
ريم رجعت لها القسوة: طبعاً لا..
خالد: أفاا ليه بس ياريم؟؟!
ريم: لو ماتعرف ما كان...... وسكتت ماكملت..
خالد برقه: ما كان أيش ؟!
ريم بتردد: ولا شي بس تسمح تخليني بروحي..
خالد: طبعاً لا..
ريم: لا والله وبأي حق أنشاء الله ...!!
خالد ماعجبته رمستها: بحق أني زوجك ي الحلوة ولا أنتِ ناسية ..؟؟!!
ريم حست أنها لو أستمرت بينقلب كل شي ضدها فسكتت ونزلت راسها وبدت تذرف الدمع اللي كانت حابسته طول اليوم ...
خالد ماقدر يستحمل يشوف دمعها ينزل فدخل لها الغرفة وسكر الباب ..وراح لها وضمها لصدرة ولأول مره ما تعترض ريم ..
وكانت تقول له بكلام متقطع: خا... خالد... أنا..آ..آسفة....والله بس...أنت..تعر...تعرف...
خالد حط صبعه على فمها يفهمها أنها مو لازم تتكلم وقال بندم على الحركة اللي سواها:
أنا اللي آسف ياحبيبتي أنا اللي حاولت أغيظك من البداية عذريني ياعمري والله ماكان قصدي أني أزعلك...
ريم بصمت طالعت فيه و الدمع مانشف من على خدها وبحركة لاشعورية رفع خالد يده ومسح الدمع اللي ظل وقال لها: ماتبين تعرفين نتايج أخوك ناصر؟
ريم: والله أنك ظريف فاكرني أستناك ياحبيبي تجي تقول لي أصلاً من زماااان قالت لي وفاء..
خالد اللي اندهش: هههه هههه الله يقطع شرك صحيح ان كيدهن عظيم..
ريم: ههههه أعلمك آنا أعلمك..
في اليوم التالي >يوم الثلاثاء<
وفاء قامت من النوم وهي حاسه بنشاط غريب وقامت غسلت وبدلت ملابسها وعدلت شكلها ثم نزلتْ تحت ..وتفاجأت لما دخلتْ الصاله وهي تشوف وأخوها ناصر وفي وحده بنت معانقته بطريقة غريبة واللي أغرب انه أخوها ناصر اللي كانت تقدر تشوف وجهه وظهر البنت اللي تغطيه العبايةاللي ماكانت غريبة عليها كان مبتسم ماسك البنت براحة ومغمض عيونة

.. يتبع..

[فتوتة سكر]

الجزء الثامن عشر..

وفاء قامت من النوم وهي حاسه بنشاط غريب وقامت غسلت وبدلت ملابسها وعدلت شكلها ثم نزلتْ تحت ..وتفاجأت لما دخلتْ الصاله وهي تشوف وأخوها ناصر وفي وحده بنت معانقته بطريقة غريبة واللي أغرب انه أخوها ناصر اللي كانت تقدر تشوف وجهه وظهر البنت اللي كانت تغطيه عباية مو غريبة عليها كان مبتسم ماسك البنت براحة ومغمض عيونة.. يتبع..
ناصر كان مغمض عيونة كأنة في حلم ..أما وفاء اللي كانت ماتقدر تشوف غير ظهر البنتوهي لابسة عباية وقفت من هول الصدمة وماجاء في بالها غير ان هالبنت هي عبير...
وظلت واقفة متوترة تراقب المشهد بصمت إلى أن سمعت أخوها يقول للبنت: ماخلصتي..؟؟!!
البنت بصوت رقيق: إلا خلصتْ...
وفاء أرتاحت نسبياً لأننها تقريباً عرفتْ الصوت..
البنت: كيف ماقلتوا لي؟! لكن والله لأوريكم..! صج ماتستحون آنا آخر من يعلم..!
ناصر: والله ما كان قصدي ياعمري بس هي جات كذا ..
وفاء توها مستوعبة اللي يصير وبشهقة: ليلوه..!!؟
ليلى على طول التفتت على وراها وشافتْ وفاء بنت أختها اللي تموووت فيها وصار لها فترة ماشافتها ..وراحت لحظنها وذابوا الثنتين في عناق حار عناق الخوات المشتاقين لبعض..
وفاء:كذا ياللي ماتستحين تجين دون ماتقولي لي؟!
ليلى بدلع:والله حبيت ـأسويها لكم مفاجأة وبعد لاتنسين اني من يوم السبت ببتدي دراسة معكم كيف ماتبيني اجي واليوم الثلاثاء مابقي شي على بداية السمستر..
وفاء:ايه صج راح عن بالي والله..
ليلى بصوت واطي: سكتي بس لو اقول لك شصار لي وأنا جاية..
ناصر حس ان في شي غريب:شفيكم؟وين رحتوا عني؟!
وفاء: مافينا شي نصور سلامتك احنا معاك بس اعذرنا
حبيبي بنروح فوق عندنا أشغال ..
ناصر:أوف ياللي ماتستحون بتروحون وبتخلوني لحالي لكن ماعليه لأوريكم ..
ليلى: هي أنتِ وفاء بصراحة أنا مايطاوعني قلبي أخلي ولد أختي لحاله..
ناصر وهو يصفر : عاشت لولو خالتي ..
الكل: هههههه هههههه
ريم دخلت عليهم بنشاط وبنغمة رومانسية: صبـــاح الخـير
الكل: صباح الخير..
ليلى:ايش عندها ام الرومانسية..
ريم بصدمة: ليلوه؟!من متى أنتِ هنيه؟!
ليلى مبرطمة:هاذي بدال ماتجين تسلمين على خالتك تقولين لها كذا! يعني اطلع ارجع بيتنا..!
ريم بمسخرة: بل بل ماتسوى كلمة قلتها ! حياك الله حبيبتي بأي وقت والبيت بيتك..بس منو اللي جابك؟!
 وراحت لها تسلم عليها..
 وليلى تجاوب على سؤالها: جابني السواق..
ناصر انقهر:هي مجنونة انتِ تجين كل هاذي المسافة مع سواق هندي يعني لو صار لكم شي ماراح يعرف يتصرف..
ليلى تضضحك وهي تتذكر اللي جرا لها: الله يقطع شرك يانصور ماصارت نص ساعة بالكثير مع الزحمة ساعة الا ربع..
وفاء اللي عرفت ان صار لليلى شيء مثل ماقالت:ولو لولو مرة ثانية مو تعيدينها ..
ليلى: طيب خلاص كلتوني وأنا تعبانة بعد عناء السفر..
الكل ضحك عليها :هههه ههههه

في بيت أم راشد

نوار تكلم سعاد ام خليل في التلفون:والله هذا هالولد ماادري وين راح من الصبح طلع اقول له وين بتروح قال لي عندي مشوار وراجع..
سعاد: زين خلي خليل يجيب لكم الكهربائي يصلح لكم
الجرس عادي تراه ولدك مثل راشد وحسين..
نوار: آه ذكرتيني بحسين حشاشة يوفي ..آه ياوخيتي قال لي انه جاي هالأسبوع عشاني ولا يندرى..
سعاد تبي تخفف عن صديقة عمرها: دعواتك يا الغالية له وانشاء الله يسهل عليه..
نوار : انشاء الله الله يوفقة ويحفظة يارب..
سعاد: يارب.., يلة حبيبتي عن اذنك منو اللي جايني عند الاباب يمكن محمد ولد اختي<<الياهل اللي شافتة عبير وفكرتة خليل ههه..>>
وطمنيني على احوالكم اول بأول وانا بقول لخليل يجيب لكم اللي يصلح جرسكم..
نوار: انشاء الله حبيبتي ماتقصرين والله يله مع السلامة..
أم راشد قعدت وهي ساكتة وفجأة دخلوا عليها نرجس وكوثر وهم يضحكون بصوت عالي محزا الصمت اللي كان مخيم على المكان..
نرجس+كوثر:صباح الخير يمه..
نوار مندهشة: صباح النور ..غريبة..ايش فيكم؟؟!
نرجس: مافينا شي يمة..! ليش؟؟!
نوار:لا بس مو من عوايدكم.....
ويقطع عليهم حوارهم صوت راشد يضحك ضحكة من قلبة من زمان ماسمعوه يضحك كذا وهو كان بيدخل عند الباب..
كلهم التفتوا له وهو وقف مندهش مااتوقع انه يشوفهم كلهم قاعدين وفي الصالة بعد وظل يطالعم ومنقهر من الحظ النحس..!
أم راشد: اهاا شفييك يمه راشد تصنمت مكانك..
راشد: لا يمه ولا شي بس معاي صديقي وكنا بندخل الصالة وماتوقعتكم جالسين في الصالة اصلا فكرتكم نايمين فانصدمت مو من عوايدكم تقعدون مبكر..
ام راشد: روح دخلة في المجلس..
راشد بروح مرحة: لا يمة خلاص بدخله هنيه عادي..
نرجس وكوثر فتحوا فمهم من الدهشة لان اخوهم اللي لما يطلعون يقول لهم انتبهوا شعوركم لا تطلع تحجبوا عدل ...الخ..الحين يببي يدخل صديقة وهم قاعدين بدون شيلة..
ام راشد باستغراب: راشد شفيك؟؟! ماتشوفني انا وخواتك قاعدين..
ومامداها تكمل كلامها لأن راشد سحب صديقة اللي كان واقف برا عند الباب ودخله داخل ..والكل اندهش وظل يطالع بسكون..

في السعودية وفي بيت جنان بالخصوص ..

جنان ملت من الجلسة في غرفتها وهي مو غافلة عن محاولات سالم اخوها في انه يخليها تنزل وهي ماترضى وهم متفقين انها اليوم في الليل بتقول له على اللي فيها واللي يجرا لها كله..
فقررت تنزل تشوف لها شغلة تسويها بدال ماتقعد ترثي نفسها وحملت معاها الدفتر اللي تكتب فيه..
وصلت الصالة وشافت امها قاعدة مع صديقاتها الثنتين..
جنان بصوتها المخملي:السلام عليكم..
ام سالم برفحة يوم اللي سمعت صوت بنتها اللي حابسة روحها بالغرفة ردت وردوا معاها صديقاتها: وعليكم السلام هلا يمة ..
جنان: هلا..
وحدة من صديقات امها: ماشاء الله عليك ياجنان والله كبرتي وصرتي عروسة..
جنان بحيا: يسلموو خالتي..
تقول الثانية: في أي سنة الحين انتِ ياجنان؟
جنان: سنة ثانية جامعة..
الأولى: مو خالتك ليلى في مثل سنك؟
جنان : لا ليلى ووفاء بنت خالتي اصغر مني بسنة..
ام جنان: تغديتي يابنتي؟
جنان اللي تدري بأمها تحاتيها حاولت تطمنها: الحين يمه بروح اتغدى بس وينة اخوي سالم؟
ام جنان: والله طلع مع صديقة حسام اللي دووووم يروح ويجي معاه وقال لي بيرجع معاه بيتعشون هنيه..
جنان من تذكرت حسام لاعت شبدها بس هي مو ناقصة تعكير مزاج فتناستة وقالت لأمها: اوكي عن اذنكم بروح اتغدى..
صديقة امها الثانية: اذنك معاك حبيبتي..
وبعد ماراحت جنان..
الأولى تقول: ماشاء الله عليها كل ماجالها تحلو زياده..
ام جنان: آه فديتها هالبنت ماادر يشفيها مرضانه هاليومين..
الثانية: ماتشوف شر..
ام جنان:الشر مايجيك..
اما جنان رغم جمالها وغرورها وكل مافيها الا انها فيها طبع حلو تحب تعتمد على نفسها في كل شي فراحت المطبخ وخذت لها سفن آب مع بريدة حطت فيها جبن شي على الطاير وراحت قعدت في الجلسة اللي في الحديقة..
ومامدها تقعد 5 دقايق الا والقراج <مكان توقيف السيارة> يفتح وتدخل سيارة اخوها اللي تعودت تشوفها ..
سالم وحسام بعد لمحوا جنان قاعدة في الحديقة سالم فرح من قلب لما شاف اختة طلعت من غرفتها وفرحتة نستة ان حسام غريب وما المفروض يشوف اختة اما حسام حس ان الله استجاب دعاه كان يتمنى يشوف طيفها لكن هو شافها لكن ماطاف عليه من شكلها يبين ان نفسيتها زفت في زفت ..
اما جنان لما لمحت الشخص اللي مع اخوها تبهدلت ومااعرفت شتسوي تقوم تروح وتترك اغراضها ولا تشيلهم معها مرة صار كل شي متوتر يوم عجزت وما وصلت لحل تركت كل شي وراحت بسرعة تبي تدخل داخل لأن ماعليها عبايةتسترها..ومن السرعة والبهدلة طاحت المساكة اللي كانت حاطتها أي كلام من
شعرها اللي انفل وطاح مثل الشلال على ظهرها يعلن عن نعومتة وجمالة وهي مااهتمت تاخذ شبصتها الا تركتها وراحت داخل بسرعة..
سالم وحسام نزلوا من السيارة..
سالم يبي يلحق اختة بسرعة فقال لحسام: حسوم حبيبي انتظرني هنية بسوي لك درب عشان ندخل المجلس ودون ماينتظر منه جواب راح يسرع داخل..
حسام راح وقعد مكان جنان بالظبط ومافاتة ان سالم كان مثل المطيور يبي بسرعة يروح لأختة وهذا اللي هو مستغرب منه كيف ان حسام يحب اختة بصورة جنونية ..ومايرضى عليها فكيف اهو صديق عمره يخونه في تحرشة بأختة وقرر يكلمة في موضوع انه خلاص يبيها له على سنة الله ورسوله..
وانتبه لدفتر على الطاولة وقال في نفسه :اكيد هذا حق جنان وبتردد مد يده يبي يشوف ايش فيه يبي يتعرف على شي واحد على الأقل عنها يخصها ..
فتحة عشوائيا ولقى مكتوب بخط يبين عليه من زمان..

في انتظار الحب
مرّ بي الحب ..
وأنا بعد صغيرة..
شعري المغسول..
منكوش..
ومشط
وظفيرة..

ضحك الحب ..
وأوصاني بنفسي..
هامساً في أذني ..
وفي قلبي..
أنتِ يا بنت خطيرة..

وقال الحب لي ايضاً..

سوف يجري حولك..
الشبان..
والفرسان..
في الصبح وفي الليل..
وفي عز الظهيرة..


واختفى من فتحة الشباك ..
تاركني لأحلامي المثيرة..
ومضى العمر ..
وأنا أجتر..
رؤياي الضريرة..
< م ن ق و ل >
وكان مكتوب تحت هالخاطرة..
هاذي كتبتها في مرحلة مراهقتي السخيفة في الصف الأول ثانوي في حصة الفيزياء << بل مادورت الا الفيزياء..خخخخخ..مثل صديقتي في الحقيقة..>>
قبل ان اقع في حبه..
حسام انتهى من قراءة المكتوب وجاته حرة من هو هذا اللي وقعت في حبة ياربي عليها بقتلها انا..
وفتح صفحة من النهاية يبي يشوف آخر شي كتبته..
ولقى مكتوب بخط يختلف جدا خط مرتب انيق وجميل
لأن ذاك الخط كان قبل 4 سنين ماشاء الله...

بإنتظار مشاركاتكم....

[فتوتة سكر]

تكملة الجزء الثامن عشر:

واختفى من فتحة الشباك ..
تاركني لأحلامي المثيرة..
ومضى العمر ..
وأنا أجتر..
رؤياي الضريرة..
< م ن ق و ل >
وكان مكتوب تحت هالخاطرة..
هاذي كتبتها في مرحلة مراهقتي السخيفة في الصف الأول ثانوي في حصة الفيزياء << بل مادورت الا الفيزياء..خخخخخ..مثل صديقتي في الحقيقة..>>
قبل ان اقع في حبه..
حسام انتهى من قراءة المكتوب وجاته حرة من هو هذا اللي وقعت في حبة ياربي عليها بقتلها انا..
وفتح صفحة من النهاية يبي يشوف آخر شي كتبته..
ولقى مكتوب بخط يختلف جدا خط مرتب انيق وجميل
لأن ذاك الخط كان قبل 4 سنين ماشاء الله...


رفعت رأسي نحو نسمة الأصيل ..
لتحمل معها دموعي وصراخ قلبي العليل..
من ظلم من أحببته بكل كياني ..
إنه ليس ملاكي بل هو شبح وظلم طويل أعطيته حياتي على طبق من ذهب ومن دون تعليل..
أعطيته حبي,عيني..
عملت له المستحيل ..
بنيت له أمالاً تفوق الوصف بسحر جميل..
لكن بعد كل هذا أنكر وقال أين الدليل ..
صدني بكل جحد..
وقذف بي إلى المستحيل ..
قال ببرودة تموت لها الورود من غير ذبول بعد أن فتحت له أبواب قلبي القتيل..
نظر نحوي بكل لؤم وقال:لقد حان وقت الرحيل ..
سألته : ولكن ماذا عن حلمنا وكلامنا الطويل..
قال بقسوة:كل حلم ووهم أنتِ فيه سيزول..
قلت له: وماذا عن ايام جلسنا فيها معاً تحت شجر ظليل ..
ماذا عن سويعات قضيناها معاً نحدق في الشمس وهي تميل ..
هل هذا جزا~ي لأني أحببتك حباً بل أي تأويل..
وحينما رفعت نظري نحوه أناشدة البقاء
أختفى وكأنه لم يكن إلا سحراً في لحظة الأصيل..
> منقووول<
وكان مكتوب تحت هالخاطرة:
هذا هو حالي ياعالم لكن حالي بشكل غير هذا هو حالي مع الآلام لكنه مو حالي مع القصة..
انا اتعذب نفس عذاب البنت اللي في الخاطرة بسبب حبيبي لكنه مو الملام الله اراد له شي عساه يتعافى
منه..وهالشي نهى اللي كان المفروض يصير نهى الحلم الجميل اللي بديت اعيشة ..
هو حس فيني وفي حبي وحاول يبادلني احاسيسي لكن القدر فرق مابيني وبينة..
وانا مازلت اودة وهذا اللي ابي انساه ..يارب ساعدني..
المتعذبه بصمت ..
جنان..
<عن يازعم توقيع خخخخ..

اما سالم فراح لحق اختة اللي بعدها متبهدلة وقالت له بعصبية:شنو هذا سلوم تدخل ومعاك صديقك دون ماتتأكد انه مافيه احد في الحديق..
سالم بأبتسامة: سوري خيوه والله ماجا على بالي..
ها قولي لي احسن الحين..
جنان: شوي الحمد لله..
سالم: المهم انا الحين بروح لحسام ولما يروح بجي لك غرفتك مثل مااتفقنا اوكيك..
جنان: اوكيك..
جنان: تعال قبل ماتروح جيب اغراضي من برا ..
سالم:شنو هم اغراضك؟
جنان:صحن فاضي وبتلاقي بريدة على الأرض من السرعة استغفر الله طاحت..وبعد عصير في نصة.. ودفتر ازرق ومساكتي اللي طاحت على الأرض..
سالم:بل كل هذا الله يعني عليك ..
جنان مفتحة نص عيونها بمسخرة :روح لا بكس على وجهك..
سالم: هههه طيب..


ونرجع لراشد غريب الأطوار..
لما استوعبت أم راشد اللي يصير وشافت اللي دخله لهم راشد قالت بفرحة:
حسييييييين؟! هذا أنت ياولدي؟؟!
حسين راح لها بسرعة وباسها على رأسها وظل معانقها وهي تبكي وهو يبكي معاها:<حشى ولا فلم هندي خلاص دموعي نزلت هئ هئ هئ..>>
:أيه نعم يا يمه أنا حسين ولدك اللي خيب ظنك يمه سامحيني الله يخليك سامحيني ..
نوار: مسامحتك يا ولي وماعليك أي شي..
حسين: ريحتيني يا يمه والله ريحتيني وتركها وهو يمسح دموعه..
كوثر ونرجس بعدهم قاعدين وهما مدهوشين من اللي شافوه التفت لهم حسين وابتسم فتح ذراعيه على الآخر لهم لكن هم ماتحركوا ولا حركة والكل استغرب منهم..
حسين حز في خاطرة شويه منهم بس مايلومهم:
كوثر , نرجس هذا أنا حسين أخوكم ولا نسيتوني ..تعالو لي تراني اشتقت لكم..
اما هم ولا حركة تقول عمك اصمخ..
أم راشد: يا بنات أخوكم يكلمكم..
كوثر ونرجس كأنهم ستفاقوا من حلم غريب ومخيف ورفعوا راسهم واتجهوا بنظراتهم ألى اخوهم الكبير حسين وطالعوا فيه دققوا النظر وتأكدوا أن هذا هو أخوهم بس في شي يمنعهم يقول لهم لا لا لا لاتروحون له هذا اللي قتل ابوكم ..
نرجس تعوذت من ابليس وراحت له بخطوات مترددة بطيئه لكن من وصلت لعنده خذها لحظنة وعانقها عناق الأخ الحنون عناق خلى حبها له يرجع وإحساسها بأنه أخوها يرجع لها من جديد مع ذكرياتهم الحلوة معاه وقالت له ودموعها تصب على خدودها:الحمد لله على سلامتك ياأخوي الله العالم أني أشتقت لك..
حسين: الله يسلمك..وتركها وطالع في كوثروقال يكلمها:وأنتِ ياكوثر مابتجين تسلمين على أخوك؟!
كوثر بنظرات باردة يبان فيها الحقد قالت بهيجان ماأحد
توقعة منها : لااااا أنت مو أخوي ! أنت لو أخوي كان ماقتلت أبوي!؟؟........

..يتبـــــــــــع..

[فتوتة سكر]

الجزء التاسع عشر:

حسام بعد ماقرأ هالخاطرتين اللي خطتهم جنان بيبدها حس بشعور غريب كان منقهر يبي يعرف منو اللي تتكلم عنه جنان وفي نفس الوقت ارتاح لمعرفته بأنها مو من الغرور اللي يخليها ماتحب احد ..هو كان نفسة يكمل ويقرأ باقي المكتوب اللي يبين عليه كثير بس خاف ان سالم يجي ويشوفة وماهي عدله انه يتطفل على اغراض اختة فبيزعل عليه وهو مايبي هالشيء اللي مو في صالحه فمسك القلم اللي كان مع الدفتر وبسرعة كتب لها..
في داخل القلب مشاعر كثيرة..
يعجز قلمي عن أن يصفها لك..
ومعي كلمات متناثرة يتعثر لساني بها..
أريد التعبير لكني أعجز..
أريد مشاعري أن تصل اليك لكني أتردد..
وأنا بعيد عنك أحس بوحدتي وغربتي..
وأنتِ بقربي أحس بفرحتي وسعادتي..
إن خيالك معي لايفارقني وروحك تعيش معي..
فتكون كالماء الذي يروي عطش عمري..
تمنيت لو كان في إمكاني أن أفتح لك قلبي وتدخلي..
حتى تشاهدي هناك حروف أسمك المنقوشة في كل جزء من أجزاء قلبي ..
حتى تتأكدي من أنك الوحيدة التي أسرت قلبي..
كل مافيك رائع..فاتن..
عندما يغوص شبح اليأس في أعماقي..
أُعبِّر لك بأرق الكلمات..
فلا يعرف الحزن طريقاً لي مادمت معي..
ولو في الخيالات..
من الذي أحبك واحب كل مافيك..
"ح"
وسكر الدفتر بسرعة ورجعة مكانه وهو يلمح باب الصالة
ينفتح ويطلع منه سالم وهو مبتسم..
حسام: لا كان ماجيت ياأخي كان خليتني انتظر شوية بعد ..لا تو الناس روح ارجع كمل اشغالك واذا تفرغت لي تعال اوكيه انا مستنيك..
سالم :هههههه هههه الله يهديك ياحسام أنت ماتدري شكثر بغيت أجن يوم اللي شفت اختي أخيراً طلعت من غرفتها..
حسام اللي اصلا كان يتمنى لو انه تأخر بعد شوي: اهاا دام عشان اختك يله مسموح بس لاتعيدها ثاني..
سالم بسخريه:على امرك عمي..
اسمع حسوم دقايق بس بروح اودي لجنان اغراضها اللي خلتهم هنا وبجي لك والله ماراح أتأخر ..
حسام: اوكيك يله بسرعة خلصنا..تراني ميت من الجوع ..
سالم وهو يشيل اغراض جنان: هههه يا انت ويا الأكل ..
حسام : هههه ههههه..ترانا أصحاب ما بنتفارق..
سالم :الحمد لله والشكر..
وراح وصل الأغراض لجنان ودخل مع حسام المجلس..

حالياً والمهم نرجع لبيت أم راشد..
كوثر ردت على أخوها بكلمات مااحد توقعها منها وهي<لا أنت مو أخوي أنت لو أخوي كان ماقتلت ابوي>..
ماأن انهت أخر كلمه حتى راحت تركض لغرفتها فوق دون ماتسمح لأحد يوقف في طريقها ويكلمها..واللي ماأحد يدري عنه أنها كانت تبكي بكاءً مابكت مثله من قبل ..ورغم الشوق اللي فيها لأخوها ماقدرت تسلم عليه تحس أنها بتخون ابوها..
بس شي ذكّرها وقال لها ترى ابوك بيزعل لانك ماسلمتي عليه لأانه لو تذكري كان لأاخر نفس فيه يذكرة ويقول سلموا لي عليه..

أم راشد شافتْ الصدمة اللي على وجه ولدها واللي كانت على وجه الكل مو بس هو لكن مااحد تكلم فقالت
له: لا تشرهه عليها يا حسين أختك بعدها ياهل ..
حسين مارد عليه بس دموعة اللي كانت تهدده بالنزول تكلمتْ..ومشى عنها..
راشد بصوت مخنوق: وين رايح ياحسين؟؟!
حسين بصوت لايكاد يسمع بصوت الجريح: عن أذنكم بروح غرفتي أرتاح..
نرجس: لكن...!!؟
حسين: لكن ايش؟؟!
نرجس: مفتاح غرفتك عند كوثر لأنها هي اللي كانت تنظفها لك وتنتظر رجعتك..بس ماادري شاللي جرا لها الحين..
حسين انرفعت معنوياته لأن عرف ان اللي خلى كوثر تسوي كذا الصدمة بشوفته لااكثر..وانها لازالت تحبه ..
وصل لغرفتها وسمع صوت انين وبكاء ..فطق الباب..
كوثر على بالها انها نرجس ففتحت الباب بدون مناقشة وعطته ظهرها على طول لأنها ماتبي تشوف نظرات العتاب من أختها..
حسين عرف انها تظنه نرجس فدخل دون مايتكلم وسكر الباب..
راح لها وحط يده على كتغها:ليه سويتي كذا يا كوثر؟!
كوثر رفعت عيونها على طول في عيون اخوها ونزلتها بنفس السرعة ..وانصدمت من وجودة معاها..
حسين تابع كلامه:أنا أتعذب ياكوثر!! كل يوم يزيد عذابي عن اللي قبله..كوثر انا ماسامحت نفسي للحين على اللي صار وراجع وانا ندمان الفين واكثر..ليش تزيديني ياكوثر ليش ؟! ليش؟ ليش!
كانت تطالع فيه وهو يتكلم وحسته صادق بكلل كلمه قالها كانت تحسة يعصر قلبه عشان يقول اللي قاله هي تعرفه انه مستحيل يقول لأحد باللي يحسه بس هو الحين قال لها..وهي لاشوعورياً لما شافت دموعة تنزل دون مايحس بهم راحت له وضمته لها وهي تبكي وتقول: أنا آسفه حسين والله ماكان قصدي اصلاً انت لك وحشة
يا أخوي..
حسين ابتسم لها: وأنت أكثر يا أختي والله يشهد أني تعذبت من نار فرقاكم ..والله كنت اقاسي المر وانا اعد الساعات والأايام..تدرين اني ماكنت اظن اني برجع لكم بتاتاً كنت خايف..خايف الاقي منكم اللي شفته منك الحين..!
كوثر بندم شديد : لاتلومني ياخوي والله بس شوفتي لك ذكرتني باللي صار وماقدرت أتحمل ذكرتني بالمرحوم ..
وابيك الحين تعرف اني ندمانه وتسامحني..
حسين يسخر من نفسة: انا ما الومك والمفروض انا اللي يطلب السماح ..
وظلوا الأثنين ساكتين شوي..
بعدها حسين قال لها وهو يوجه نظرات الأمتنان لها: طيب ممكن تعطيني مفتاح غرفتي ابي ارتاح..
كوثر: هههه انزين دقيقة..وراحت وهي تمسح دموعها بيدها وجابت له المفتاح من درجها..وعطته اياه:تفضل..
حسين:شكراً حبيبتي على كل شي..>هو كان يقصد انها سمعت اللي قاله لها من قلبة وعبر لها عنه لأول مرة بحياته..
كوثر اللي مافهمت نظرات اخوها ولا كلامه قالت للهواء :عفواً على لا شيء..
لأن الهواء حل محل أخوها اللي دخل غرفته دون ماينتظر جوابها ودخل مهاه السر الصغير اللي ماقاله حق أحد ..
واللي مااحد يعرفه غير صديقه اللي كان ساكن معاه في الشقة لما كان بالغربه..
والسر كان ان حسين رجع بس مارجع بروحه رجع ومعاه كوابيس وأحلام يشوفها بين فترة وفترة ومأذيه حياته ومخليته يعيش مثل المجنون ..وهو مو متضايق بسببها لأن يظن انه بها يكفر عن الذنب اللي ارتكبه في حق ابوه..

اما
ام ناصر +أبو ناصر
راحوا في العصر بيت عبير وقعدوا معاهم وخطبوا بنتهم
عبير..بعد ماشرحوا لهم حالة ناصر بالتفصيل وايش ممكن يصير مستقبلاً وخلوا الموافقة او الرفض بين يديهم..
ام عبير وابوا عبير رحبوا فيهم نظراً للمعرفه اللي بينهم..
وقالوا لهم انهم بيفكرون نظراً لحالة ناصر الصحية وغير كذا ناصر ماعليه كلاام ويكفي انه ولدهم وانهم بياخذون راي البنت اول وبعدين بيردون لهم خبر..

بعد ماطلعوا بيت ابو ناصر من بيت عبير..
نادوا ابو وام عبير بنتهم وخذوها معاهم لغرفة نومهم ..
وابتدت معاها امها الكلام..
ام عبير: يابنتي اليوم جات ام ناصر تبيك لولدها ناصر..
عبير بحيى:أدري..
ابو عبير: طيب ووش رايك يابنتي..
عبير اللي تعرف مسبقاً بنتيجة ناصر من وفاء:والله يايبه انا ماعندي مانع والراي رايك..
ام عبير:بس يابنتي مثل ماانتي عارفة ان ناصر ريال أعمى ومايشوف وممكن انه مايشوف طول عمره وأنت محتاجة لريال.....
قاطعتها عبير بحزن لتفكير امها المحدود:يا يمه ولهذا أنا وافقت لأنه أخو صديقتي ومحتاج للي يوقف معاه واذا انا اقرب وحدة لبيتهم رفضته منو اللي بيوقف معاه..انا لما قررت اوافق عرفت اني بسوي فيه خير واهله لما يشوفون ولدهم فرحان بيفرحون له وبكون انا السبب في رسم الضحكة على وجه ام اعتقدت انه مستقبل ولدها انتهى وعلى وجه ابو مو عارف يداري ولده الصغير اللي مايمشي ولا اللي مايشوف واخت انصدمت باللي صاب اخوها..
ولهذا اقول لكم اني موافقة..
أبو عبير كبرتْ بنته في عينه وتكلم وهو فخور فيها؛هاذي هي بنتي اللي ربيتها بنت اصل ودين وواجب وتعرف في الاخلاق الاصيله..
فرجاءً ياهدى لاتجبري البنت على شي ماتبيه اذا هي موافقه هاذي حياتها وهي ادرى بمصلحتها وخليها على راحتها..
هدى ماكان عقلها مقتنع لأنها خايفة على أمان بنتها مع شخص مايشوف ومايقدر يضمن لها الأمان الكافي وطبيعي بيكون هذا حال كل ام في موقف ام عبير لكن هي ماتشوف لا في الريال ولا في اهله أي عيب..فأسلمت امرها لله وقالت:خلاص على بركة الله..
وناظرت عبير:واللهع وكبرتي يابنتي وبكرة بتصيري معرسة..
عبير احمّر وجهها من الخجل وقامت طلعت لغرفتها ..
دخلت غرفتها وشافت هناك يدتها اللي مايتخبى عليها شي بأنتظارها..
فاطمة متلهفه لجواب سؤالها:ها وافقتي؟!
عبير:هههه ايه يمة خلاص وافقت...
فاطمه بكآبه:وبتروحين وبتخليني مع أحلاموه اللي ماتستحي..
عبير: لايمه وين بروح الحين انا للحين ماتزوجت..واذا سمعتيني اذا تزوجت بجي لك كل يوم ..وبعد ليه كذا يا يدتي ترى احلام مسكينه محتاجة اللي يتفهمها ليه دايم تعصبونها تراها كبرت مو بعدها ياهل..!
فاطمه بعصبيه خفيفة: والله هي قليلة حيا بس تبي تعاندني....
عبير:: هههههههه يمه حراام عليك..!

*ليلى جالسة مع وفاء في غرفتها..
وفاء: يله قولي لي شنو صار لك وأنتِ جايه..
ليلى تضحك:اوه لو اقول لك بس صار لي فلم..
وفاء: ههههه علميني يله كلي أذان صاغيه..
ليلى: ياطويلة العمر وانا جايه لما دخلتْ البحرين خلاص حبيت أمر السوبر ماركت لأني جوعانة ومافطرتْ..
وفاء: ايه وبعدين ايش صار؟!
ليلى: زين صبري أنتِ خليني اكمل لا تقاطعيني..
وبعدين في الطريق وقفت علينا السيارة مو راضيه تشتغل..
وفاء بشهقة: ها ووش سويتي بعدين؟!
ليلى:فتحت شنطتي ابي اتصل لكم تجون لي لكني تذكرت ان جوالي على الخط السعودي ماحولته بحريني وهو مو دولي..
وفاء: طيب بعدين شصار؟
ليلى بحماس: اقول لك كان يوقف لي واحد..
وبنظرات حالمه تكمل:ويا وفاء لو شفتيه كان وسييم وحليو مره ويبين عليه خوش ريال آدمي ولد ناس محترمين مو من الصيع..!
وفاء بمسخرة:كِسْكُه تُ فيه لِيْلى؟غاكونتيه مْوا تُو..!
{ماذا تفعلين ياليلى؟أخبريني بكل شيء..!}
ليلى مافهمت للفرنسية اللي قالتها وفاء ولا اهتمت وكملت: وانا كنت واقفة عند شنطة السيارة فهو شافني ونزل لي وقال:
<وهذا اللي صار>
الريال: السلام عليكم..
ليلى:وعليكم السلام..
الريال:شنو اختي محتاجة أي مساعدة؟
ليلى:مشكور والله ماتقصر! اذا ماعليك امر ابي تلفون اتصل منه لأن جوالي مو دولي مايتصل ..
الريال ضحك على نفسه وقال لها مبتسم:تصدقين نفس مشكلتي..!
ليلى ردت له الأبتسامة:اهاا عجل مشكور مارح تقدر تسوي شي..
الريال:شنو مشكلتكم انتوا؟
ليلى: والله السيارة موقفة ماادري شفيهاوسواقنا هندي مايعرف شي..!
الريال بدون تردد رفع اكمام قميصة المخطط بدرجات الأخضر وفتح شنطة السيارة الاماميه اللي توي المكاين
وقام يشتغل فيها وبس سوى شغلة وحدة واشتغلت السيارة على طوول وبعدين سكر الشنطة وسأل سواقنا:في ماي في سيارة؟
السواق:ايه بابا دقيقة واحد بس..
وراح جاب له سواقنا قرشة ماي من الشنطة وغسل يدة ونزل اكمامة وقال لي: خلاص اختي سيارتكم مافيها شي الحين تقدرون تمشون..
ليلى بنظرات شكر عميقة:مشكور ياخوي والله ماكن ادري شبسوي لو ماعرضت علينا خدماتك..
الريال بمسخرة:لا شدعوة اختي لاشكر على واجب..
ليلى خافت من السخرية اللي بانت في صوتة فجأة فركبت السيارة بسرعة وقالت :مع السلامة..
الريال يكلم السواق: مافي سرعة زين..
السواق الهندي يرد وهو يحرك راسه بحركة الهنود:زين بابا..
ومشت ليلى دون ماتنتبة ان اغلى شي عندها واللي هو سبب انتقالها للبحرين طاح منها على الأرض..
الريال انتبه لمغلف ذهبي طاح قبل لا تسكر البنت الباب حاول يوقفهم لكن السيارة مشت وماانتبهت له..
احتار الريال يخليهم ولا ياخذهم..
وتذكر شكل البنت وماقدر يقاوم وخذهم معاه على امل انه يشوفها مرة ثانيه ويعطيها اياه..

[فتوتة سكر]

وفاء بالفرنسي: واااو سُه جاغْسون بونّ ايه جانتِيْ ايه اونيتْ!
{واااو هذا الصبي طيب و لطيف و شريف!}
ليلى:اوه وفاء تكلمي عدل..
وفاء:ماشاء الله صج انه يعرف في الأصول !
ليلى:اقول لك شكلة ولد ناس محترمين لا وشكلة بعد توه راجع من سفر ..
وفاء :هههه مسكين الريال ماخلته في حاله..
ليلى وهي مغمضة عيونها وتمثل دور العاشقة:أه ياوفاء عيونه بس لو شفتيها..
وفاء تضحك عل شكلها:هههههه .. ميشانتْ..ليلوة تأدبي لا والله اعلم عليك..
ليلى:هههه لا والله خلاص تأدبت بس اول قولي لي شنو يعني بيشانت ماادري ميشانت الفرنسية اللي قلتيها؟!
وفاء :خخخ يعني يا الشريرة..!
ليلى: انا شريرة لكن اوريك يالنحسة..!وفاؤ شرايك تعلميني فرنسي أنت؟!
وفاء :خلي النحسة اللي تعلمك..!
ليلى:عاد وفاء اتغشمر وياك انا..
وفاء:الفرنسية سهلة بس يبي لها حفظ وتركيز ..
ليلى:انت تعلمتيها لما رحتوا فرنسا صح؟
وفاء: ايوه قبل سنتين لما رحنا نقضي الاجازة هناك خذت دورة تعلمت فيها شي بسيط وناوية اقول لأبوي يودينا مرة ثانيه عشان اتعلم اكثر ولازم تجين معانا عشان تتعلمين انتِ بعد..!
ليلى بتفكير: يصير خير..
وفاء بجديه:صج ليلى ماقلتي لي شنو السبب الرئيسي والصحيح اللي دفعك انك تجين تدرسين معانا في البحرين مرة وحدة..!؟؟!
ليلى اللي تغير لون وجهها بس عشان وفاء ماتحس قالت بمرح:بقول لك والله بقول لك بس مو الحين الحين خلنا نكلم عبير نقول لها تجي وحشتني السباله ابي اشوفها..
وفاء: هههه سكتي اكيد الحين قالوا لها امها وابوها ومايندرى شصار..
وقامت طلعت جوالها واتصلت لها..
عبير: مرحبااا الساااع..
ليلى:مرحبتين عبير..
عبير انصدمت هذا مو صوت وفاء رغم ان الرقم هو:
مين انتِ؟!
ليلى:ماأقول الا مالت عليك..!ماعرفتيني؟!
عبير:بصراحة للحين ماعرفتك رغم ان صوتك مو غريب علي..!
ليلى بمسخرة: انا خالة زوجك المستقبلي يا العروسة المستقبلية..خخخخخخخ
عبير بدهشة:ليلووووه هاذي انتِ ..؟!
ليلى:هههه ايوه هاذي انا..كيفك؟!
عبير:بخير والحمد لله أسأل عنك..
ليلى:دوووم يارب سألت عنك العافية..
اقول شرايك تقومين تجين تقعدين معانا خلينا نشوفك..
عبير:يصير خير..
وفاء:هلا والله بزوجة اخوي..
عبير:ههههااي ياشين الثقة..!
وفاء انصدمت من ردها وسكتت....
عبير تمنت في هاللحظة لو تشوف تعابير وفاء:ههههه هههههه شنو فيك سكتّي أمزح انا ويا هالوجه..
وفاء براحة: تدرين انه يبغالك كف يعدل وجهك..
عبير:هههه من زمااان لو ماتدرين..!
وفاء:هههه زين قولي لي شصار؟!!
عبير تتنهد:ماصار بس قلت لأمي وابوي اني موافقة ولا ادري عنهم..
وفاء:واااو فُو زِتْ زادْمِير ابْلْ <أنتِ رائعة> يعني ظني ماخاب..
عبير فهمت الفرنسية اللي قالتها وفاء لأنها حفظت منها كم كلمه من اللي دايم تقولهم لكن استغربت من آخر كلمة:ظنك في ايش؟؟!
وفاء:ههههه ظني؟! على بالك صديقتك غبية ! يالحلوة أعرف كل اللي صار بينك وبين نصور لكن والله لأوريك هذا وأنا صديقتك وماقلتي لي لكن ماعليه..!
عبير مندهشة:آه يا الساحرة..! والله ماكنت اقصد اني
مااقولك بس ....
وفاء:لا بس ولا شي خلاص قومي قومي تعالي قعدي معانا..
عبير: اوه وفاء تخيلي يعني اليوم خاطبني اخوك وزاقوم اجي لكم بعد مو عدلة..
وفاء:بل بياخة اعتبريه ماجالك ولا تقدم لك ولاشي..
عبير:امي ماراح ترضى اصلاً..!
وفاء:عطيني اكلمها خالتي ولا بترفض..
عبير:زين صبري اناديها لك..
أم عبير:هلا والله ببنتي وفاء..
وفاء:هلا شلونك خالتي؟!
هدى:بخير الله يسلمك..
وفاء بطنازة:مبروك عليك خالتي..!
هدى:ههه الله يبارك فيك عقبالك يابنتي والله أني لو عندي ولد كان ماخليته يأخذ غيرك..
وفاء استحت: هههه عاد خالتي لاتحرجيني..
هدى:ههه يا حليلها اللي تستحي اقول بس قولي لي شنو تبين مني يا السوسة؟!
وفاء:ههه عارفتني بغيت اقول لك ان خالتي ليلى جات لنا اليوم من السعودية ونبي عبير تجي تقعد معنا ..
هدى:والله ما ادري يابنتي شنو اقول لك بس مااحس ان من الأدب أخليها تجي لكم وانتو.....
وفاء تقاطعها:لا يا خالتي من الأدب والله عادي يله عاد عشان خاطري..
هدى:هههه خلاص اللي تشوفونه يا بنتي..
وفاء:تسلمين لي ياخالتي جعل ربي يعطيك البيبي اللي تبينة واشوفك أم مرة ثانية..
هدى:ههههه الله يقطع شرك ..يله خلوني اروح اشوف اشغالي بعد اللي تبونه حصلتون عليه شتبون اكثر..
وفاء:هههه سلامتك خالتي يله مع السلامة..
هدى:مع السلامة..
أريج تكلم راشد أخوها في التلفون..
اريج بدهشة:كيييف؟ وشلون ماخبرتوني انه وصل..
راشد:يا أريج والله توه هو اليوم واصل ماكان احد يدري انه بيجي اليوم حتى انا قال لي بكرة لكن هو جأ واستأجر سيارة توصلة للبيت وجامر علي في الشركة ورحنا البيت مع بعض وبالصدفة كانوا كلهم قاعدين..
اريج:اوكي خلاص شوية وبنجي لكم انا ومحمود وبنتعشى عندكم ..
راشد :اوكيك خلاص انا بروح ابلغ امي يله باي..
اريج:بايات..
ريهام اللي كانت تنتظر امها تسكر بسرعة عشان تسألها: ماما وين بنلوح؟! <بنروح>
أريج:بنروح بيت ماما نوار حق نشوف خالي..
ريهام بحماس وفرح:بنلوح لخالي لاسد؟<راشد>
اريج والدمع في عينها:ايوه حبيبتي بنروح لخالي راشد وخالي حسين بعد..
ريهام بتعجب:من هو حثين؟!<حسين>
أريج:حسين هذا خالي الكبير..
ريهام ببراءة:وي وس دلاني أنا ان عندي خالين اسنين..!
<وي وش دراني انا ان عندي خالين اثنين>
أريج:هههه عاد مااوصيك لما نروح سلمي عليه وحبيه زين..
ريهام تضحك والظاهر ان الوضع عجبها:زين ماما..
أريج تفكر بأخوها حسين وتحس أنها تبي تسابق الوقت عشان تروح له وتشوفه ..هي كانت أقرب وحدة له
< لأنها اللي انولدت بعدة بسنتين وشوي وكانت دوووم معاه وبعدها بسنتين انولد راشد وبعدة ب4 سنين جاو التوأم نرجس وكوثر..>
أريج قامت أتصلت بزوجها محمود اللي يشتغل في الشركة نفسها اللي يشتغل فيها ابو عبير ..
محمود:هلا حبي..
أريج:أهلين عمري..كيف احوالك؟!
محمود:ممشي الحال..ها بغيتي شي؟!
أريج بحزن:ايه بغيت اقول لك أن أخوي حسين رد اليوم من السفر ونبي نروح له فقلت لأمي أن عشانا اليوم عندها..
محمود مارفض طلبها لأنه هو نفسة أشتاق لحسين اللي كان يودة لأنه السبب في انه شاف اريج وتزوجها عن حب..
وحس أن اريج فيها شي:طيب خلاص أنا بستأذن من المدير الحين وبجي لك البيت ..
اريج:أوكي يله باي..


أحلام تطق باب غرفة عبير بهدؤ..
عبير:تفضلي..
أحلام:هاي..
عبير:هايات..شتبين؟!
أحلام اللي شافت كشخة أختها:وين بتروحين؟!
عبير:بروح لوفاء وخالتها ليلى..
أحلام:العن ابو دارك الحين ماصدقتي على الله اخوها خطبك بتروحين..!!
عبير عصبت من كلامها:أحلاموووه تأدبي أحسن لك ومالك شغل فيني..
أحلام:خلاص خلاص..والله عبيروه انا ملانه خذيني معك..
عبير:سوري ليش تبين تروحين انا بروح لصديقاتي ؟!
أحلام:عبوري صديقاتك صديقاتي عادي بقعد معكم وعشان مايصير تروحين لحالك اروح معاك كذا منظر..
عبير:طيب لك 5 دقايق أن ماجهزتي بخلي ابوي يمشي عنك يوصلني وأنت قعدي ..
أحلام:زين زين 5 دقايق وراحت تركض غرفتها..وعبير تضحك عليها..

بإنتظــــــــار ردودكم...

[فتوتة سكر]

الجزء العشرين:

*خالد مع نايف في السيارة..
نايف:الحين أنت متأكد أن نصور ولد عمتي اللي كنا نلعب معاه بيصير خلاص إنسان مرتبط..!!؟
خالد:هههههههه طالع ويهك شفيك مو مصدق؟!
نايف وعلامات وجهه تبين أنه في حيرة:مافيني شي بس لأنه ....خلاص خلاص..
>مسكين ماعرف يعبر وقال خلاص خلاص خخخخخخخ..
خالد اللي فاقع ضحك على أخوه:يله عقبالك ماتصير ريال وتترك هالبنات الا كل يوم متولي لك وحده..!
نايف اللي جات على باله أحلام:آخ أسكت بس لاتذكرني..
خالد:عشتوا شفيه العاشق الولهان..!
نايف:خلود أخوي بقول لك شي..أنا اللي أكلمها الحين شي غريب لأول مره يصير شي عمره ماصار لي ..
خالد يضحك على أخوه بمسخرة:قول قول..
نايف:تدري أني للحين ماكذبت عليها ولا في شي ولما أتكلم معها اتكلم بصراحه وصدق بدون لف ودوران ..
خالد:خلاص فهمنا ووصلنا هذا اللي فيك مرض!
نايف:أووف يادفع البلاء شنو هالمرض؟!
خالد:مرض خطيير أسمه الحب..
نايف يمثل دور العاجز عن فعل شي:لا عاد لاتقول وشنو الحل وش هو الدواء؟؟!
خالد كأنه يقول شي عظيم: الأرتباط..
نايف وهو ماد يده:
أسكت مالت عليك ..حل مثل وجهك..
خالد:ههههه قوم قوم يله وصلنا..
ونزلوا كل من خالد ونايف ودخلوا الصالة ..
وتفاجئوا بناصر قاعد على الكنب وجنبه وحده حلوة وقاعدة تهذر معاه ويضحكون وجات لهم وفاءوعطتهم اثنينهم شوكلاته وقعدت جنب ناصر في الجهة الثانيه..
خالد ونايف تقدموا شوي عشان يسمحون لهم يشوفونهم ..
خالد وهو منزل عيونه بعكس نايف:أحم أحم..
ليلى رفعت عيونها بخجل وقامت على طول ركبت فوق..
نايف مع خالد:أقول نصور من هاذي اللي كانت معك؟!
ناصر:هي احترموا نفسكم وشيلوا عيونكم عنها..
وفاء:هههه هاذي خالتي ليلى ..
نايف:وفاؤو قولي لها اني ولد عمتك واخوك مو تنسين عاد..
وفاء اللي فاهمة حركاته:ههههه الله عليك نيوف مااقدر انا على حركاتك..
نايف:الا وين خالي ومرته؟!
وفاء وهي تأشر على الباب اللي انفتح:كاهم وصلوا كانوا عند الربع معزومين..
وبينتْ أم ناصر لحالها:أوه اولادي هنيه شلونكم؟
وراح خالد باسها على راسها ونفس الشيء سواه نايف..
أم ناصر:نيوف يلي ماتستحي وينك ابد لاتجي ولاتسأل ؟!
نايف يبي يغير الموضوع بابتسامة:الا وينه خالي..
بدريه عرفت مراده:خالك بيدخل الحين ولا تغير الموضوع ليش ماتسـأل مشغول مع الربع هاه؟!
نايف تخصبق:لالا خالتي مو كذا بس....
بدريه :لابس ولا شي يله نبي نشوفك معرس أنت الثاني خلني ادور لك بنت ولا أحلى..
نايف اللي كان على حافة الخطر:لالا خالتي مو الحين توني انا باقي لي وقت..
بدريه:لا والله شوف نفسك صرت عتريس تقول لي بعده وقت >وهي تهز راسها..الله يهديكم بس..
وفاء تكلم امها:يمه سمعي انا اتصلت لعبير وقلت لها تجي وبعد شوي بتجي عشان تشوف ليلى..
بدريه بصدمة:شنو؟؟ليلى؟؟متى وصلت ومنو اللي جابها؟!
وفاء تضحك على شكل امها:جات الصبح وجابها السايق..
ناصر يسحب بلوزة وفاء وبصوت واطي:ليش ماقلتي لي يالسخيفة؟
وفاء:ومنو انت حق اقول لك؟!
ناصر بدهشة:منو آنا؟!لكن ماعليه اوريك ياوفاء؟
وفاء:نصور حبيبي هي مارضت تجي عشان أنت موجود وانا اقنعتها تجي عشاني وهي للحين ماصرت حرمتك فإذا صارت ذيك الساعة يصير خير..
وراحت قعدت جنب خالد اللي قال:مبروك يالمعرس عسانا نشوفك حامل اولادك على كتوفك..
ناصر:هههه ماصر شي للحين شفيكم أنتوا..!
نايف:تصدقون اني للحين مو مصدق!!
الكل:هههههههههههههههه ههههههههه
خالد:أقول وفاء وينها ريم ؟!
وفاء تتمسخر:في مخباتي وينها يعني فوق في غرفتها..
خالد:طيب عن أذنكم أنا بروح لخطيبتي ..!
نايف:تعال وين بتروح وبتخليني؟!
ناصر:صج أنك قليل حيا وماتستحي على وجهك يعني مو مالي عينك أنا..
نايف:اوه عذراً..
اما ابو ناصر اللي قالت ام ناصر انه بيدخل وراها لأنه قال لها أنه بيدور شغلة في السيارة وبيدخل..
كان ماسك جواله وحاطة في اذنه ينتظر رد..
رفعته وحدة:مرحباا
سعود:مرحبتين أهلين شو عاملة ستي حليمة؟!
حليمه:أهلين سعود الحمد لله عايشة..
سعود:شو فيك بتكلميني هيك؟!
حليمه تتنهد:شو يعني عاجبك حال هالبنت المسكينه لا اكل مثل الناس لا نوم مثل الناس
بس قاعدة جنب التلفون قلقانه عليك بتئول لي صار له مده مااتصل..
سعود اللي عارف انه مقصر في حق هيفاء : ياستي انا قاعد افكر حالياً اني اعلن عن وجودها مشان تعيش حياه طبيعية بس مستني الوقت المناسب..
حليمة بنبرة تهديد:شوف والله ياسعود انا خايفة على بنتي وان جرا لها شي.....
سعود يقاطعها بعصبية:ياستي اسكتي مابدي
اعلي صوتي عليك وانتِ مثل أمي وام لهيفاء..
حليمه:لا انا ماعم بستناك تجي تئول لي بدي ارد لك الجميل هيفاء بنتي قبل ماتصير.......
سعود قاطعها وخذ منه الغضب مااخذ:ستي اديني بنتي بدي اكلمها وانا راح شوف حل للموضوع وانتي خليك بعيده لو سمحتي انا وهيفاء ننجاز ومااحد له دخل في أي شي بيني وبينها..
حليمه:حرام عليك والله حرام
وتركت السماعة وهي تنادي:ياهيفاء سعود بدوه اياك في التلفون..
ومامداها تكمل جملتها الا وهيفاء تجري بكل سرعة خوفاً من انه يسكر او ينقطع:أهلين
سعود:اهلين ياحبيتي وروحي وكل شي حلو في حياتي..
هيفاء:ايوه مبين كثير لدرجة انك خليتني انتظر اتصالك ومو هامك خوفي عليك..
سعود:ياعمري انتِ تعرفي.....
قاطعته هيفاء:أيوه بعرف زوجتك ...الخ الخ كالعادة..
سعود:انا ياهيفاء قررت اني اصارحهم كلهم بالحقيقة بس انتظر اللحظة المناسبة..يمكن بعد مانخلص من خطوبة ناصر..
هيفاء بشهقة:صج؟ناصر بيخطب؟
سعود:هههه ايوه حبيبتي خطب..
هيفاء:منو راح ياخذ؟
سعود:صديقة اخته وفاء اسمها عبير..
<هيفاء اللي اكتشفت للتو ان وفاء معاها في
الجامعة وقررت تروح تشوفها من بعيد الى ان يكتب الله وتصبح قريبة منها بدون اسباب للعداوه اللي ممكن تصير بينهم لما تبان الحقيقة>بس هي ماحبت تقول لسعود بالموضوع عشان مايحاول ينهيها او يغير جامعتها ..فقالت بصوت كئيب:خسارة كان ودي احضر واشوفة مع خطيبتة..
سعود اللي حس فيها:عادي ياحبيبتي روحي وانشاء الله اذا تحدد كل شي اعطيك خبر..
هيفاء بحزن:اروح؟بأي صفة؟
سعود ماحب يتكلم في الموضوع اكثر بعد ماحس انه تأخر عليهم داخل وممكن يثير الشكوك:خلاص حبيبتي انا بروح لايسألون عني الحين وبتصل فيك بكرة انشاءالله وحطي بالك على نفسك وخبري يدتك حليمه انها ماتشيل هم لأن لو شو صار بتكوني في حمايتي انا..
هيفاء اللي حست بالأمان:طيب مع السلامة..

** ودخل أبو ناصر الصاله وشاف بدرية قاعدة مع ناصر ومعاهم نايف..
ابو ناصر:السلام عليكم..
الكل:وعليكم السلام..
بدريه:كل هذا تدور على شي..ووينه اللي تبيه؟
سعود ماعرف شنو يقول لها:مالقيته اووف تعبت وانا احوس ..
قام نايف باس خاله على راسه:شلونك ياسيد القوم؟
سعود:هههه حلوة منك بس لاتعيدها وتعال قول
لي وينك؟شحقة ماتجي تزورنا؟!
نايف:والله مافيني شي سلامتك..
سعود:طيب شخبار الجامعة؟
نايف ماعرف يرد لأنه اصلا مايفتح كتاب ولا يذاكر ولايدرس بس يروح ويطلع ولا كأنه شي:تمام ممشيه معاي..
سعود:الا وينهم وفاء وريم وخالد وهدوي بعد شبدي؟
ناصر:ريم وخالد فوق وهادي بعد فوق اما وفاء قالت لها امي تروح تنادي ليلى عشان تشوفها وللحين ماجات؟
سعود:ليلى؟ليش هي متى وصلت؟؟
ناصر:الصباح
ووصلت وفاء الصالة ومعاها ليلى اللي كانت لابسة شيلتها:وراحت لأختها اللي ضمتها لصدرها..وكانت دوووم تعاملها كانها وفاء بنتها ومااحد كان يفرق بينهم..
ليى:شلونك يابدرية والله وحشتيني..
بدريه:الحمد لله
وتقدمت ليلى تسلم على سعود اللي كان دووم بمثابة ابوها:شلونك يا ابو ناصر عساك بخير؟
سعود:بخير دامك يابنتي بخير
ليلى:تسلم والله ماتقصر..
سعود:اعتبري نفسك يابنتي في بيتك وانا ابوك وبدريه امك ومايحوجك الا لسانك..
ليلى:طيب على كذا بغيت اطلب طلب..
سعود وبدريه:تدللي قولي شتبين؟
ليلى:بغيت اقول لكم اني محتاجة احول جوالي
دولي عشان اقدر استخدمة..
سعود:انشاء الله بكرة يكون خالص..
ليلى:مشكور يايبة والله ماتقصر..>تتطنز..
وفاء:عزات الله طاح سوقي انا..
نايف :هذا اللي ودي يصير لك ماعمرك لفيتي مكان الا وفيه احد يدلعك خلود من جهه وامك وابوك من جهه وانا ونصور من جهه بسك خلاص بكرة الله يعين زوجك عليك بينتحر مسكين..
الكل:ههههههههههههههه
وفاء اللي انقهرت بحنق:لا والله احلف تدري انك ماصخ..
نايف:لا والله توني ادري اجل حطي فيني ملح عادي..
وفاء:مالت عليك من أخو..
نايف:اتحداك..
ليلى:خلاص تراكم بتخلون البنت تكرهني..!
الكل:هههههههههههه
شوي الا والجرس يدق وراحت الخدامه تفتحه..
ودخلوا عبير واحلام..>في الممر اللي قبل الصالة
راحت لهم وفاء سلمت عليهم وباستهم ونفس الشي ليلى..
ودخلوا الصالة..
عبير وأحلام:السلام عليكم..
الكل:وعليكم السلام..
بدرية:هلا والله بالبنات اللي ماينشافون..
عبير نظراً لحالتها فكانت ميته من الخجل فما ردت بس ابتسمت..
أحلام اللي مااهتمت للشخص الجالس ردت
بجرأتها المعتادة:هلا فيك ياخالتي البيت بيتك والله كل يوم تعالي..
الكل:هههههههه
بدرية:ماتهون السوسة عن حركاتها..شخبرا امكم؟
عبير:زينه الحمد لله تسلم عليك..
ابو ناصر: شلونك يبه احلام مرة انتش ماتجين بيتنا الا في السنه مرة..
احلام مسويه نفسها مبوزة:والله هاذي عبيروه ماتبيني اجي معاها..
ناصر اللي كان يسمع كلامهم بكل جوارحة وودة لو كان يقدر يشوف عبير لما قالت اختها عبيروه ودة ةلو يكفخها ويصحح لها الأسم..
اما نايف اللي كان مأخوذ بأحلام كلياً لدرجة انه ماانتبة لما قال سعود اسمها..
< عبير وأحلام كانوا تضاد في كل شي مافي تشابه الا في العيون الواسعة العسلية الا ان احلام عيونها اوسع شوي وثنتيناهم شعرهم بني اما الصفات الثانيه غيير حيث ان عبير بيضاء بياض الحليب وأحلام سمرة الا ان سمارتها كانت أحلى مافيها عاطيه عيونها شكل حلو مع فمها الصغيروني وملامحها الصارخة الأنوثة بعكس عبير اللي كانت ملامحها البرآءة في حد ذاتها يمكن بسبب ان حواجب عبير خفيفة وعلى شكل قوس اما احلام كانت حواجبها غليظة لونها غامق مرة وعلى شكل ثمانية واحلام كانت اضعف من عبير وقاربت تصير طولهاوكل بنات مدرستها مايسمونها الا باربي بسبب شعرها يمكن لأنه طويييل يوصل
لنهاية ظهرها وأطول شوي ومتين ومعطيها حلى فريد من نوعة عكس عبير اللي شعرها يوصل لنهاية كتوفها ومتين وهذا مساعد في اظهار برآءتها وكأنها ملاك مثل ماقال ناصر>
وركبوا البنات غرفة وفاء يدردشون ويهذرون وكانت جلستهم احلى مايكون..

*******
نروح لخالد اللي صعد لغرفة ريم :
راح خالد لغرفة ريم وحب يفاجئها بدخلته فما طق الباب ودخل بس مالقى ريم اللي كان يتلهف لشوفتها..
طلع من غرفتها وسكر الباب وهو خايف عليها..
ومر قرب غرفة هادي وسمع اصوات هناك ومن ضمنها صوت ريم..
راح وقف يبي يطق الباب بس يدة امتنعت عن الحركة لما سمع صوتها الحزين يقول :طيب ياهادي كلمني طالع في عيوني لاتخليني كذا
هادي:ريم انا مااقدر والله حاولت..
ريم:هدوي حبيبي انت اخوي وانت الحمد لله عقلك كامل وسليم وتفهم ومافيك شي يمنعك من التفكير ورجلك هاذي مشكلة وبيحلها رب العالمين انشاء الله اذا استمرينا بالدعاء..
هادي بأنفعال :متى تقدرين تقولين لي ياريم متى ؟انا صار لي 8سنين قاعد على هالكرسي مليت والله مليت..وقام يبكي بكاء فاقد فاقد شي عزيز عليه ومو قادر يتحمل اكثر فقدانه لهذا الشي..
ريم حبت تواسية:يكفي ياهادي يكفي بلليييز لاتعور قلبي..
هادي:خلاص قومي روحي ماابي احد معاي ريم انتِ قاعدة تضيعين وقتك بهاذي الهذرة الفاضية روحي شوفي خالد اكيد الحين هو تحت ولا روحي لناصر تراه محتاجك اكثر مني..
ريم اللي عجزت من اخوها اللي شكل الكل كان مستهين بقدراته وطالعت في الورقة اللي كانت في ايديها ونظرة اخيرة للخاطرة الي كتبها هادي وكانت تحاول تقنعة انه ينشرها وهو رافظ هو كان خايف من المجتمع وهي كانت تحاول تقنعة بالعكس بس مارضى يقتنع هي تفاجئت لما قرتها اول مره وبين لها اخوها اللي ماكمل 12 سنه من عمرة يفكر كذا وكان كاتب:
بيوتنا حلوه وتجيب لك الجنون ريحتها..
طيب يفوح عطر وبخور..
همنا الدنيا نعيش بها بسكون..
نغالط انفسنا ونلف بها وندور..
كيف ننسى حالنا ونغمض عيون..
دام انها بيوتنا بكرة القبور..
كيف ننسى القبر وظلماتة..
تكون دون احباب وديكور ونور..
ليه لاشفنا الكفن تبكي العيون..
نذكر ان في موت ماخذنا الغرور..
كلنا بنموت تبون او ماتبون..
رحلة الدنيا ترانزيت وعبور..
في امتحان يانكون او لانكون..
ماهي إلا ايام وسنين وشهور..
جنة او نار ..بها بن آدم يكون..
فأستعدوا في انصراف أو حظور..
م ن ق و ل
* * *

[فتوتة سكر]

وحطت دفترة على السرير وقامت زعلانه انها ماقدرت تقنعة كانت تظن انها من تعلمه بفكرتها بيفرح ويرضى لكن بين العكس وبي ان اخوها رغم انه طفل بس ماكا يفكر مثل الأطفال..
وطلعت من الغرفة وراحت غرفتها وسكرت الباب وتسندت عليه وماانتبهت لخالد اللي دخل ينتظرها هناك..
وتمت دموعها تنزل ونظراتها مافارقت الأرض..
خالد اللي مايقدر يشوف دموع ريم تنزل راح لها وبكل حنيه رفع راسها وصارت نظراتة المشفقة متعمقة مع نظراتها الدامعه..
وتموا دقايق على هالحالة فقطع الصمت خالد بمسخرة لأنه ما يحب أجواء الكآبه اللي تبنيها ريم حولها فقال:لمذا تبكين ياحبيبتي؟
ريم اللي يعجبها يوم يتناورون بالفسحة ابتسمت بس سرعان مااختفت الابتسامه وقالت بهم:
آآآآه انه الزمن ياحبي!
خالد:وماذا فعل الزمن ياقلبي؟
ريم:الزمن انه غير منصف في حق اخي لا بل في حقنا جميعاً الا ترى مالذي يحصل لبيتنا الذي كان اسعد بيت في الوجود اخواي ووالداي هذا ليس عدلاً..وتساقطت دمعة من عينها..
فسارع خالد لمحوها من على وجهها وقال:لاياريم لاتقولي هذا فلتجعلي ايمانك بالله اقوى من هذا
اتعرفين لو كان سبب همك شخص غير الزمن لقلت لك اني ذاهب لملاقاته لقلت لك أني ذاهب لتعنيفة وظربة ظرباً مبرحاً لانه جعل اغلى مالدي في الكون يبكي ولكنه الزمن ياريم فأنا لاأستطيع فعل شيء لهاتعرفين لماذا؟
لأن الزمن ذاته هو الذي تسبب في ان نقع في حب بعض هو الذي جمعنا معاً والزمن هذا مسير من قبل الرحمن فلا حول لنا ولا قوة نحن البشر لفعل شيء افهمتني ياريم؟اريدك الأن ان تستعيذي بالله من الشيطان الرجيم وتمسحي دموعك الغالية..
ريم اللي اعجبها كلام خالد وعجبها فيه طريقته في مواساتها قالت:اعوذ بالله من الشيطان الرجيم..وكانت ستقول شيء الا انها ترددت...
فقال لها خالد:هناك شيء ياريم ارى انك تريدين قوله هاتي ماعندك ولاتخبئي شيء في قلبك ؟
ريم بتردد:لاشي ولكن....
خالد:ولكن ماذا قولي هيا ولا تخافي فأنا خالد.!
ريم والدمع يهدد بالأنهمار:قل لي كيف لنا أن نقاوم البؤس في كفوفنا المرتجفة,نطبق على بصيص الأمل خوفاً من أن ينطفئ في وجوهنا البريق......!
خالد:ياإلهي
ياريم لاتنسي ياحلوتي بأنه كلما مرت بك سحابة تلبد ايامك بالرمادية تذكري بأن شمس ستبزغ فجأة لتنشر النور في أجوائك..
لحظة سكوت لتفكير في كل ماقيل..
ريم ابتسمت في وجه خالد:شكرا لك يازوجي..
خالد انصدم وتصنم من كلمتها هي عمرها ماقالت له يازوجي الكلمه اللي احياناً يقول لها بلييز قوليها لي ابي اسمعها من لسانك بس هي تستحي وماترضى..
ريم:ههههه شنو ماتشوف وجهك شلون ؟
خالد:لالا بس متأكدة أنك ريم خطيبتي اللي هي بنت خالي؟!
ريم:ههه ايوه متأكدة..
خالد:لالا عجل أنت أكييد مصخنه ولا فيك شي!ومد يده على جبهتها وكمل:للأسف حرارتك عادية..
وريم اللي تستمتع بكل حركات خالد فقعت ضحك..
اما خالد ناظرها برضى:ايوه هاذي هي ريم اللهي انا اعرفها..وابتسموا لبعض..
ريم:يله خلنا ننزل نجلس معهم تحت..
خالد:يله..
واتجهوا للباب بينزلون الا ان خالد وقفها..
ريم بحيرة:شنو؟!
خالد:شفيك؟ لاتخافي بس نسيت اقولك تلبسي شيلتك لأن اخوي نايف تحت..
ريم:هههه قول كذا خوفتني..
ولبستها ونزلوا عصافير الحب مع بعض تحت وغيوم السلام تحوم حواليهم..>الله لايغير عليهم..

* * * * *
لحظة بنلف.باقي لفة بس خلاص وصلنا السعودية
وفي بيت جنان ..
جنان بعد الربكة اللي صارت لها في الحديقة ضلت ضربات قلبها تضرب بلا هدى وبعنف مو متوقع..
وانسدت نفسها عن الأكل وركبت غرفتها تنتظر أخوها يتخلص من صديقة عشان بتعترف له بكل شي عن مشاعرها تجاه ناصر وكيف هي مو قادرة تنساه وللحين تفكر فيه وان هي خلاص ماتبغاة لأنها لمجرد التفكير بهالشيء راح تخلي الهواش في بيتهم يبتدي لأن امها وأبوها مستحيل يوافقون..
بس هي اللي تبغاه تبي تنساه ومو عارفة شلون!
جنان بصوت عالي:قبل الأعتراف..قالت هالجمله وكأنها فكرة انرمت عليها من السماء وفكرت في نفسها:خلني اكتب خاطرة قبل الأعتراف عشان بعدين اعرف كيف هي مشاعري بعد الاعتراف وفتحت دفترها وراحت لآخر صفحة وتوها بتكتب العنوان انتبهت لشي فتحت آخر صفحة مكتوب فيها ولقت خاطرة مكتوبة بس لا الخط خط يدها ولا التعبير تعبيرها ولا هي اللي كاتبتها اصلاً وبتدأت تقراها:

في داخل القلب مشاعر كثيرة..
يعجز قلمي عن أن يصفها لك..
ومعي كلمات متناثرة يتعثر لساني بها..
أريد التعبير لكني أعجز..
أريد مشاعري أن تصل اليك لكني أتردد..
وأنا بعيد عنك أحس بوحدتي وغربتي..
وأنتِ بقربي أحس بفرحتي وسعادتي..
إن خيالك معي لايفارقني وروحك تعيش معي..
فتكون كالماء الذي يروي عطش عمري..
تمنيت لو كان في إمكاني أن أفتح لك قلبي وتدخلي..
حتى تشاهدي هناك حروف أسمك المنقوشة في كل جزء من أجزاء قلبي ..
حتى تتأكدي من أنك الوحيدة التي أسرت قلبي..
كل مافيك رائع..فاتن..
عندما يغوص شبح اليأس في أعماقي..
أُعبِّر لك بأرق الكلمات..
فلا يعرف الحزن طريقاً لي مادمت معي..
ولو في الخيالات..
من الذي أحبك واحب كل مافيك..
"ح"

انتهت جنان من قراء الخاطرة وجاء على بالها لما شافت "ح"يعني حبيبك بس فكرت لقتها مو منطقيه وقالت في نفسها:لكن انا ماعطيت احد دفتري وعمري ماخليت احد يمسكة ولا يقراه ولا احد يعرف بوجودة أصلاً..لحظة عقلها قام يرجع لوراء قبل كم ساعة يوم نست دفترها في الحديقة ومستحيل يكون احد فتحه غيره!!!
ايوه اكيد هذا اهو حسام صديق اخوي اللي مايستحي وصلت فيه المواصيل انه يفتحه دون اذني ويكتب فيه بعد ورجعت كلمات الخاطرة ترن في اذنها ومعقوله يكون صادق في كلماته هاذي
لامو ممكن انه يكون حبني في ظرف انه شافني مرتين يمكن بس لكن انا حبيت ناصر من اللحظة اللي طاحت عيني عليه بعد فراق دام كم سنه رغم انه ولد خالتي وظلت الظنون تروح وتجي معاها والحيرة ماخذة تفكيرها والخوف من شي ماتعرف شنو هو يستولي على كيانها..
• * * *
محمود استأذن من مديره بأنه يبي يطلع للبيت لظروف شخصية ونظراً لأجتهاد محمود في شغله عطاه المدير الأذن وحرية التصرف..
مسافة الطريق بس ووصل محمود بيتهم..
دخل و مالقى احد طل في المطبخ وشاف الشغاله قاعدة تغسل وتمسح وتشتغل..
سألها:ناني وين ماما؟!
ناني:اوه بابا هذا ماما في غرفة..
ولف محمود بيروح لها الا ان ناني استوقفته:بابا
محمود:خير؟!
ناني:هذا ماما في تعبان بس انت مافي كلام انا في قول لان هي في كلام انا مااقول حق بابا عشان مافي خوف..
محمود اللي زاد خوفة على أريج :طيب طيب ومشى عنها بسرعة عشان يروح لأريج يتطمن عليها..يتبع
اريج ياترى شنو فيها؟؟ وايش راح تسوي جنان لحسام على اللي سواه؟
وهادي هل بيستمر حاله كذا ولا بيتحسن ويسمع كلام ريم؟ وليلى ووفاء وعبير واحلام كيف بتنتهي جمعتهم؟!
تابعو وقال القلب آه وانشاء الله تعرفون..

[فتوتة سكر]

الجزء الحادي والعشرين..

دخل محمود غرفة النوم اللي يحب اجوائها اللي دوووم تذكرة في اريج حبيبته اللي مايقدر يتخيل حياته بدونها لف انظارة في نواحي الغرفة ومالقى فيها احد زاد خوفة عن قبل سمع صوت في الحمام راح وطق الباب وقال:اريج؟؟
اريج سمعت رنة الخوف في صوته وحست ان الشغالة اكيد قالت له فردت:هلا عمري.. انا اسبح ريهام بنتك وترى الباب مفتوح ..

فتح الباب وطل براسة لأريج اللي كان وجهها اصفر ويبان عليها التعب وشاف بنته ريهام وهي قاعدة تتسبح وهي هادية جداً وهذا اللي مو من عوايدها..

محمود:شنو فيكم طالعوا روحكم شلون..
اريج ماردت عليه ودارت لبنتها وهي ماسكة الفوطة:يله ماما بسرعة قومي عشان تلبسين ونطلع..
ريهام قامت بدون كلام وراحت عند امها اللي لفتها بالفوطة..

محمود تباعد عن الباب وراح قعد على السرير وهو يفكر..
اريج طلعت من الحمام وهي ماسكة ريهام ولبستها ومشطت شعرها الناعم البني ..

محمود كان يراقب كل تحركات اريج اللي مو طبيعية وشاف شكلها متغير..
>اريج طالعة على امها في ملامحها مثل حسين بعد بيضاء محمرة شوي شعورهم سوداء سواد الليل ملامحهم تنم عن جمال عربي ..بعكس كوثر ونرجس وراشد اللي كانوا طالعين على ابوهم بيضان بياض مصفر شعورهم بنية اللون زي الشوكلاته التوئم يوصل شعرهم لنص ظهرهم ودوم منسدل مثل الخيوط في نعومتة اما راشد شعرة مرتب ويحمل نفس النعومة وملامحهم تشبه ملامح الأجانب جمال روسي لدرجة انهم لاقالوا لأحد ان اصلهم بحريني مايصدقون ..<<

اريج خلصت من تعديل بنتها ريهام وقالت لها تروح تلعب وقابلت زوجها السرحان ..
اريج يوم ملت:ماخلصت؟؟!
محمود انتبه على صوتها وفاق من سرحانه:شنو؟!
اريج:شفيك؟
محمود:صداع!
أريج:وين؟!
محمود بمسخرة:في راسي طبعاً..
اريج:وشنو السبب؟!
محمود:أنت!!
أريج بتعجب:كيف؟!
محمود:فكرت فيك كثير!
أريج:مشكووور..
محمود مستغرب:على الصدااع؟؟!
اريج:لا ... على التفكير..
محمود:وشنو اسوي؟!
أريج:جرب الأسبرين!!
محمود بسرحان:لا راح أجرب النسيان..
أريج استغربت من نبرة صوتة:النسيان؟شنو تبي تنسى؟!
محمود:سؤال سخيف!
اريج بعدم اهتمام:كل الأسئلة سخيفة.!.
محمود:لكن الحياة كلها اسئلة.!!
أريج:عشان كذا الحياة سخيفة!!
محمود:ايش هذا التشاؤم؟!
أريج:ووين هو التفاؤل؟!
محمود:التفاؤول انك موجودة..في حياتي!
أريج:ومن قال اني موجودة؟!
محمود:بدليل انك تتكلمي معاي!
اريج:يعني اتكلم خلاص موجودة..!
محمود بتفكير:تفكرين بعدين تتكلمين يعني اكيد موجودة..!
اريج:ومن اللي قال لك اني افكر..!
محمود:معاك حق انتِ ماتفكرين..!
اريج رفعت له عيونها:وشنو اسوي؟!
محمود:روحي وريحيني..!
اريج بحدة:اريحك! من شنو؟؟!
محمود:من عدم تفكيرك...وعدم وجودك..!
اريج نزلت دمعة من عيونها كانت حابستها طول الوقت..!
محمود انقهر منها ومن نفسه:آآآآآه شنو هذا يااريج؟؟شفيك يابعد عمري؟؟! والله خوفتيني عليك ؟شوفي وجهك كيف لونه شوفي نفسك شوفي حركاتك..اريج حبيبتي قولي لي شنو اللي مضايقك والله لأريحك..
اريج شهقت :محمود احس انه في شي بيصير شي مو زين ..محمود انا خايفة احس اني بفقد شي ..وزادت في الصياح..
محمود ضمها لصدرة وهو يطمنها:تعوذي من بلييس يا اريج <ولن يصيبنا الا ماكتب الله لنا>هذا الشيطان لاعب في عقلك..
اريج سكتت:محمود
محمود:عيونه آمري تدللي حبيبتي ..
اريج ابتسمت:ماابيك تبعد عني لحظة ابيك دووم حواليني..
محمود:ماطلبتي شي شان على هاذي انا حاضر مو لازم تقولي لي..
اريج:هههه بس عاد لاتصير لي لزقة عنزرووت..!
محمود:افا عليك ولا يهمك..
وتقطع حوارهم ريهام اللي دخلت وهي فرحانه لأنها سمعت امها تضحك..
ريهام:بابا بابا انت ساطر برافوا عليك..>انت شاطر برافو عليك..
محمود:هههههه حبيبتي انتِ ليش انا شاطر؟!
ريهام وهي تقعد نفسها في حضن ابوها:لأنك خليت ماما تصير زينة..
اريج:حبيبتي والله بنتي ..بس انا مو قلت لك لازم يطقون الباب قبل مايدخلون مكان..
ريهام:آسفة ماما..
محمود:شطورة اللي تتأسف..يله روحي لبسي جوتيك الحين انا وماما بنجي عشان نطلع..
ريهام قامت وهي فرحانه:هيه هيه بنروح بيت لاسد <راشد..
اريج:هههه ايه بيت لاسد وحسين بعد..
محمود:ايوه صج ماحد قال لي انه رد من السفر..
اريج:توة راد اليوم..
ولبسوا وجهزوا وطلعوا من البيت..
****

كوثر نزلت من الغرفة بعد ماهدت نفسياً وسبحت وتكشخت وراحت غرفة الجلوس لقت نرجس قاعدة وسرحااانة..
كوثر:هو وين وصلتي يا حلوة..؟
نرجس:هههه وصلت لعندك..
كوثر:وينها امي؟!
نرجس:امك بالمطبخ تسوي العشاء بتجي اريج وريلها يتعشون هنيه وعشان عودة اخوك الكريم بعد..
كوثر استغربت من رمسة اختها:شصاير نرجس؟!
نرجس :مادري مادري..
كوثر:شنو ماتدرين بعد!انت فيك شي ولازم تدرين شنو؟
نرجس:احس بشي غريب..
كوثر:مافي شي ولا تخوفي روحك..
نرجس:يالخاينة شلون تلبسين هاي البلوزة وماتقولين
لي؟؟
كوثر:انا نزلت عشان اقولك..
نرجس:خلاص اجل انا بروح اسبح والبسها ..
كوثر:اوكي..
>>نرجس وكوثر دايماً يحبون يطقمون ويلبسون مثل بعض...
كوثر قعدت ملانة وراحت لأمها بالمطبخ..
كوثر:هاي ماما..
نوار طالعتها بنص عين ودارت عنها..
كوثر:شنو فيها الماما زعلانه عسى ماشر..
نوار:وخري عني مناك مابي اكلمك..
كوثر:شدعوة يمه ليش؟
نوار:بعد اللي سويتيه مع اخوك ولك عين تتكلمين انا ماصدقت على الله يرجع يابنتي>ونزلت دمعة من عيونها..
كوثر حست بالذنب على اللي سوته وندمت على انانيتها في التفكير: آسفة يمه ماقصدت..وبعدين تراني تأسفت من حسون وهو سامحني..
نوار: صج يمه بارك الله فيك يابعد عمري..
كوثر فهمت الحين شكثر امها تحب حسين..
ورن جرس الباب يعلن عن وصول زوار..
نوار:روحي يمه فتحي الباب يمكن اختك وريلها..
كوثر ماراح عن بالها انه يمكن احد ثاني فسحبت شيلة امها من على كتفها ولبستها وراحت فتحت الباب..وشافته..
*******
اما البنات الأربعة وصلوا في السوالف الى التالي:
ليلى:ايوه صج وفاء ماقلتي لنا؟!
وفاء:شنو اقول؟!
ليلى:أنت يوم نكلمك في الماسنجر انا وعبير كنتي حاطه نكنيم <في خاطري لو اشوفة مرة ثانية..على ما اظن وأنت عمرك ماحطيتي شي ماتقصدينة وقلتي انك بتعلمينا سالفته..
عبير:ايوه صحيح وانا نسيت بسررعة قولي لنا..
وفاء:انزين خلاص كلتوني بعلمكم شفيكم انتوا..
وناظرت احلام اللي كنت تسمعهم..
احلام:شنو بعد ماتبين تقولين قدامي اطلع يعني..
عبير:يكون افضل...!
وفاء:بلا نحاسه لامو قصدي..
احلام قلبت فيسها وزعلت منهم..
وفاء:عبيروه زين لك كذا..احلامحبيبتي والله انا مو قصدي لاتزعلين الزعل مايناسبك..
ليلى:يله احلام خلونا نسمع سالفتها متشوقه ابي اسمع..
أحلام:زين ابي ماي..
وفاء:الحين اقوم اجيب لك ولايهمك..
أحلام:لا لاتتعبي نفسك انا اقوم عشان اترك لكم مجال تتكلمون فيه براحتكم..
وفاء:اوه عاد احلام خلاص روحي انتِ شربي ماي وانا مابقول ولا كلمه الا لما تجين..
احلام تغمز لها:بنشوف..
ونزلت احلام وهي تمشي على الدرج وتسمع صوت ام ناصر وابوه يتكلمون معاه ومع شخص بعد..
لما نزلت كانت تبي تروح المطبخ ولازم تمر عليهم في الصاله استحت شوي بس قالت يله عادي..
مشت ويوم وصلت الصالة وشافوها..
بدريه:ها حبيبتي تبين شي؟!
أحلام:أي خالتي نبي ماي..
بدريه:وشلون هاذي وفاء اللي ماتستحي مخليه ضيفتنا تنزل لحالها..
احلام:شدعوة عاد خالتي عادي البيت بيتي ..
بدريه:الله يقطع شرك ماتتوبين ههههه...
أحلام:اعلمك آنا اعلمك..
بدريه:خلك انتِ هنيه انا بقوم اجيب لك الماي..
احلام:اوكيه..
سعود:بعدك يابنتي مأذيه ابوك؟!
احلام:اقول لك عمي وماتعلم احد..
سعود:هههه قولي سرك في بير..
احلام تسوي نفسها تنزل صوتها: اصلا انا ما أاذي ابوي هو اللي يأذيني..
سعود:هههههه الله يقربلك لكن الا اعلمة عليك..
ها استعديتي للمدرسة..
احلام:بالله عليك يعني لازم تعكر لي مزاجي الحين...
سعود:أفا ليش؟!
احلام:والله بعدني مااستعد نفسياً..
سعود:ههه ههه اهم شي تدرسين عدل انتِ ماشفتي ابوك يوم الا خذتي الأولى قبل كم سنة كان فرحاان ووزع علينا حلاوه..
احلام:بفرحة:فديت قلبه ابوي حبيبي والله..الا اقول عمي مانبت لك شعر في صلعتك..
سعود مسك راسه:وي فضحتينا يابنتي يعني لازم تخبرين العالم..
احلام تدور بعيونها:أي عالم مافيه الا ولدك وو.....
ناصر:وولد عمتي..
احلام استحت ونزلت عيونها وسكتت..
سعود:هههه حليلها اللي تستحي..
ووصلت بدرية بالماي:تأخرت عليك يابنتي؟!
احلام:لاعادي خالتي خذي راحتك والله وناسة السوالف مع عمي بو ناصر..
بدرية وسعود:ههههه ههههه هههه
وراحت احلام فوق مع صينية فيها جيك ماي وكاسات..
سعود:يحليلها هالبنت الله يخليها لامها وابوها..
بدريه:وانت صاج بنت مافيه منها لو عندي ولد ثاني خذتها له وتطالع بنايف بعين وعين..
نايف فهم قصدها بس من قبل لاتقول كذا هو قال في نفسة:انا لو فكرت اتزوج ماباخذ الا بنت مثل هاذي..
*******

[فتوتة سكر]

وصلت لهم احلام فوق..
وفاء:لاكان ماجيتي تو الناس بعدها وقت..
عبير:كان قعدتي شوي بعد..
ليلى:مسكينه البنت خلوها تاخذ نفسها..
احلام تبي تعاند عبير:شسوي بعد والله خذتني السوالف مع ناصر!!
عبير بصدمه:مع منو؟؟!
وفاء وليلى فقعوا ضحك على شكلها..!
عبير:اوه والحين ترى برجع بيتنا الحين..>وصار وجهها احمرررر..
احلام :لاتكفين بعدني ماشبعت من حبايبي<وتغمز لوفاء..اللي بعدها تضحك..
عبير:اوه ليش تأخرتي؟!
احلام خلاص وقفت لعب:قلت لك سوالف عمي بوناصر ماتنمل..
وهدأت الأجواء ..وقطعت الصمت ليلى:يله وفاء قولي لنا السالفة..
ورجعت اجواء المرح يوم ابتدأت وفاء تسرد لهم السالفة..
وفاء:ياطويلين العمر..
تذكرون قبل مدة يوم يصير الحادث لأخوي ناصر..
الكل:ايه..
وفاء:هاذي انا كنت في بيتكم عبير صح..
عبير:صح..
وفاء:بعدين لما ركبت السيارة مع راجا عشان بروح المستشفى لأخوي ناصر..كنت ميته خووف عليه
كنت اتذكر هادي اخوي وتزيد مخاوفي من انه يصير فيه شي مثله..
ليلى بحماس:وبعدين..
واحنا بنص الفريج قريب نطلع من الشارع العام كنت انا في سابع ديرة سرحااانة افكر بأخوي واتفاجأ بالسواق يمسك بريك..!
أحلام اللي تحمست ونست الزعل:وشنو صار؟!
وفاء وهي تتذكر الموقف..
:كان اشوف سيارة مقابلة سيارتنا وهي اللي بغت تصقعنا ولا ينزل منها الريال يعني يبي بس يسد الطريق ويعطلنا عاد انا عصبت..
وسويت مثله ونزلت..ورحت قلت له بتهور ياويلي منه:هي انت عمي ماتشوف بغيت تودينا في داهية..!
كان يقول لي<وتخشن صوتها:آسف اختي ماانتبهت..
عاد انتوا تعرفوني اذا قعدت احاتي اخرف..
ليلى:معلوم معلوم..
وفاء:ههههه كان اقول بصوت عالي ناقصة بلاوي آنا..وركبت السيارة وانا منقهرة لاويزيدني قهر بابتسامته الغبية..
عبير:واااااااااو فنتاستك..
احلام:واكييد تبين تشوفينه لأنك حبيتية..!
وفاء:لا اااااا وووع اسم الله علي انا مو من تبع هالحركات عيوني هو صج كان يذبح بوسامته ولاعيونه اللي تجنن بس انا مااهتميت يعني ماكنت افكر في الموضوع لكن بعد فترة كذا قولوا شصار؟
ليلى بسخرية:شصار؟
وفاء بالفرنسي تتمسخر :<كَسْكُه تا؟>..مابك؟
احلام:أي لغة هاذي بعد؟!
عبير:ههه هاذي فرنسي تصدقون اني حفظت نص كلماتها بسبة وفاء..
ليلى:طيبي شنو قالت هي الحين؟!
عبير:شنو فيك؟هذا اللي قالته..
ليلى:مو مهم يله كملي لنا شصار..
وفاء:بعد فترة حلمت حلم ..
احلام:شنو هو؟
وفاء:حلمت اني قاعدة في زاوية في الشارع وكان شكلي غرييب وكان اخوي ناصر واقف قريب مني ولاكأني اعرفة وعبير تطالع فينا انا وخوي ونفس الريال يطالع فيني وفي عبير وكان الحلم غريب وهو راح لعبير قال لها شي لكن هي ماعطته ويه وجا لي وقال لي نفس الشي وابتسمت ومسك يدي ورحت معاه نمشي بعييد وانتِ>تكلم عبير..ضليتي مع اخوي..وقعدت من النوم مزهوقة مدري شصاير..
عبير:ابتسمت..
ليلى:طيب وانتِ ليش كتبتي انك في خاطرك تشوفيه..
وفاء بحيره:بصراحة ماادري..
احلام:قلت لك اكيد حبيتيه..
وفاء:بل بياخة مو هذا هو الحب ..بس ابي اطلع حرتي ودي لو اعطية كف..
عبير:وانتِ شنو بتسوين لو شفتيه..
وفاء:حلوة دي شنو بسوي اكيد ولاشي!
ليلى:ايوه هاذي بنت اختي الحلوة..
الكل:ههههه هههههه
******
جنان طفرت في بالها خطة عشان تردها لحسام الصايع على قولتها..
وقررت تنفذها..
*****

كوثر تفاجأت لما شافت خليل عند الباب..وانخرست..
خليل:مرحباا
كوثر بالموت طلع صوتها:مرحبا بك..ياهلا..
خليل:وينها امك؟
كوثر وهي رافعة حاجب:شتبي فيها..!
خليل انصدم وابتسم بسخريه:بقول لها سر!
كوثر باستغراب:سر!؟شنو هو؟
خليل اللي مايدري من وين نزلت عليه الجرأه:بقول لها اني معجب في بنتها الصغيرونه..
كوثر انحرجت وصار وجهها احمر ودخلت تنادي امها بدون ماترد عليه..
خليل ضل يسب في روحه على اللي سواة وهو منقهر في نفسة..
كوثر نادت امهها وقالت لها:يمه خليل ولد خالتي سعاد براا عند الباب يبيك..
نوار:اوه تصدقين نسيت اقول لسعاد انه حسين رد هذا اكيد خليل يايب السمكري حق جرس الباب ..شوفي انا بروح اشوفة وانتِ دقي تلفون على خالتك سعاد وقولي لها..
كوثر بسرحان:انشاء الله..
وراحت اتصلت بيت جيرانهم..
شهد:الو اهلاً..
كوثر:اهلينات..
شهد:اوه محرحباااا ملايييين..
كوثر:مرحباا الاااف الملايييين..
شهد:شخبار القاطعة اللي ماتتصل ولاتسأل
كوثر:مو زينه
شهد:افاا ليش؟
كوثر:اوووف صاير لي شي عجيب..
شهد:خلاص من اشوفك تعلميني..
كوثر:افكر بالموضوع..
شهد:اوه يالنحيسة..
كوثر:ههههه ولايهمك..اتغشمر معك..
شهد:غريبة كوثر بنت خليل متنزلة تتصل لي..
كوثر:آه والله متصلة عشان اكلم امك..!
شهد:افا وانا اللي ظنيتك متصله عشاني..
كوثر:ولايهمك الحين اسكر واتصل لك مرة ثانية..
شهد:ههههههههه يقطع الله بليسك قولي لي شتبين من امي..
كوثر:قولي لها ان اخوي حسين رد من السفر اليوم..
شهد اللي انصدمت وماصدقت:صج؟؟!
كوثر استغربت من ردة فعلها:ايوه صج اجل اتمسخر.!
شهد:الحمد لله على سلامته..
كوثر:الله يسلمك.. يله انا بسكر وبعدين اكلمك وتعالي مع امك لما تجي..
شهد:اكييد بجي مايبغا لها كلام.. باي..
كوثر بصوت عالي:يشهد الله ان البنت في عقلها شي..
>>اللي مااحد يعرفة عن شهد انها ذايبة في حب حسين من زمااان من اول مادخلت الثانوية..ولااحد عرف عن هذا الحب ابداً ولاحتى حسين..>>
نوار:كوثر ..يمه كوثر..
كوثر سمعت امها تناديها":نعم يمه..
نوار:قومي حبيبتي ودي لخليل عطاه الله العافية قوطي عصير ماقصر جاب السمكري وسوى لنا الجرس وعطاه الفلوس ومارضى ياخذهم من عندي..
كوثر اللي ارتبكت وخافت :ها ودي له انتِ يمه!
نوار استغربت من بنتها:كوثر يمه شفيك؟!
كوثر خافت تنفضح:زين يمه خلاص بقوم..
******
حسين قعد من النوم وهو يحس براااحة غريبة راحة تسري في كل جسمة قام وهو يحس بنشاط يتخلله الخمول..
وفتح شنطته وطلع له ثياب مريحة عشان يلبسهم ودخل الحمام تسبح..
*****
كوثر راحت وهي ماسكة صينية عليها انواع مختلفة من العصير الجاهز وقلبها طبووول خايفة تقابل خليل..
يوم وصلت عن الباب انقذها وصول اريج وريلها فراحت عطته العصير وهو يسلم على محمود ومشت دون ماتطالع فيه..
اريج:وينه حسين؟
كوثر:فوق في غرفته بعده نايم..
اريج:مااظن انا بروح له..
دخل محمود وهو حامل ريهام..
محمود:صبري اريج بروح معاك..
اريج برجاء:لا بلييز محمود بروح له لحالي وشوي تعالوا انتوا..
محمود فاهمنها:اوكي عشر دقايق وبنجي لكم..
كوثر :ريهام حبيبتي تعالي لخالتك..
ريهام:مانا انا ابي لاسد..
كوثر:تعالي بعطيك حلاوة ..
ريهام:حبيبتي حالتي..وراحت لها..
******
حسين بعد مالبس ومشط شعرة الأسود حس انه رجع مثل ماهو..
طاحت عينه على المغلف الذهبي اللي طاح من البنت اللي ساعدها في تصليح سيارتهم وجات في باله صورة ليلى وهو يتذكر ابتسامتها ويتذكر الغمازات اللي طلعت على خدودها يوم ابتسمت وابتسم لهالذكرى وراح مد يده للمغلف يبي يفتحه يشوف ايش فيه لكن طرقات على الباب منعته وقام خبى المغلف وقرر يفتحه بعدين..
وراح قعد على السرير وقال:اتفضل الباب مفتوح..
فتحت اريج الباب ببطئ ودخلت..
حسين فتح فمه من الدهشة كأنه توه متذكر ان عنده اخت ثالثة اسمها اريج..
والتقت نظراتهم وتجمعت الدموع فيها..
وراحت اريج لحظن اخوها اللي لمها بحنان لأنها مالامته على اللي سواه..
اريج بعد فترة صمت:الحمد لله على سلامتك يااغلى اخو في الدنيا..
حسين مبتسم:الله يسلمك يااغلى اخت في العالم..
اريج:حسين حبيبي كيف حالك؟انت شلونك؟
حسين وهو يضحك عليها:انا لوني ابيض ماتشوفين..
اريج:ههه لا جد انت شخبارك؟
حسين:طيب والحمد لله والله دام وجهك قدامي اكيد بكون بخير يابعد عمر اخوها..
اريج:حسين بقول لك شي قبل لااحد يج..!
حسين:قولي حبيبتي كلي آذان صاغية..
اريج:حسي يا اخوي انا اعرفك اكثر وحدة وادري الحين انك محمل نفسك مسؤلية موت ابوي صح؟
حسين نزل عيونة وماتكلم بس هي فهمتها..
اريج:حسين انت لازم تهون على نفسك شوي تراك مالك ذنب في اللي صار واللي انت سويته ردة فعل طبيعية ..
وصدقني اني حطيت نفسي في مكانك وتأكدت اني كنت بسوي مثلك واعظم يمكن..
حسين رفع عيونه:لكن انتِ مو في مكاني..
اريج ولا كأنها سمعته:حسين حبيبي انت كان لك حق باللي سويته..
حسين رفع عيونه المليانه دهشة لها ..
اريج:مو مصدق كلامي ؟
صدقني ياحسين انت لك حق تزعل لأن هم ماكان من حقهم يخبوا عنك ان ابوك كان عايش..!مو يوم مات قالوا لك انه كان عايش..!
يتبع..

[فتوتة سكر]

الجزء الثاني والعشرين

جنان قررت انها لازم تتواجد مع حسام بمكان واحد عشان تنفذ اللي براسها تبي تطلع الحرة اللي في قلبها من ناصر على حسام ومسكت جوالها دقت على اخوها سالم اللي بعدة قاعد مع حسام..
سالم كان مندمج بالسوالف مع حسام يوم رن جواله وشاف المتصل حبيبتي الوحيده اخته جنان استغرب وقال لسالم :هاذي جنان ماادري شفيها!!ورفعة
سالم:هلا
جنان:هلا والله
سالم:ها حبيبتي فيك شي؟
جنان:لا ولا شي اخوي بس بغيت اسألك متى بيروح صديقك؟
سالم:انا بعد شوي بروح اوصله بيته لأن جينا بسيارتي!
جنان:حلو لأني ابيك تاخذني السوبر ماركت فيه كم شغلة احتاجهم..
سالم:وليه ماتروحين مع السايق؟!
جنان:الله يهديك يااخوي وين اروح معاه الحين طالع الساعة كم..
حسام:اوكيه خلاص قبل مااطلع بتصل لك عشان تجين تركبين السيارة..
جنان:طيب يلة باي..
حسام عرف انها قرأت الخاطرة اللي كتبها لها وان طلبها من اخوها انها تجي معهم فيه ان..!
* * *
ريم لما قال لها خالد تلبس شيلتها وانهم بينزلون تحت واخوه نايف موجود صدقته ولبستها بس اللي ماكانت تعرفة انه بيهرب بها لبرا الحديقة..
ريم:والحين خلوود خلني ادخل خلاص ..
خالد:مافي مافي تقعدين معاي يعني تقعدين..
ريم:والله كأنك ياهل..
خالد:ياليت اكون ياهل اذا بيسمح لي احصل على العطف منك.
ريم بنظرات خطيرة:والنهاية معاك خالد!!
خالد:هههههههههههههاااي تعجبني المعصبة..
ريم:يعني الحين مو انت قايل لي انه اخوك تحت والبس شيلتي عشان كذا يوم انك مابتقعدني معاه وبتيببني الحديقة ليش خليتني البسها.؟
خالد:والله مايت لي الفكرة الا يوم طليت من النافذة وشفت القمر شمحلاته..!
ريم بمسخرة: عشتوا نسيت اني ماخذة رومانسي..
خالد:والمفروض تتحمدين ربك وتشكرينة علي تراني نعمه قدريها يابنت الناس..
ريم:لا والله احلف شنو شايفني مااحمد ربي يعني..!
خالد عرف ان هوشة جديدة بتبتدي:سوري سوري يااميرة قلبي السموحة منك..
ريم :آه والله لو مااحبك كان من زمان وليت عنك..!
خالد:لو ما شنو؟
ريم عرفت انه استانس يوم قالت انها تحبة لانه مسكين من عقد عليها وهي حارمته من الدلع وهي الحين مقررة تفك نفسها شوي وتقول له بدلال:لو مااحبك شنو فيك؟!
خالد وهو مفتح ع7يونه على الاآخر:والله اني شاك ان في غقلك شي اليوم قومي ندخل داخل قبل ماتجني علينا الحين..!
ريم:ههههههههههههههههههههه
خالد حاس بالجهد اللي تبذله ريم عشان تسعدة فسكت وهو يستمتع برنة ضحكتها الجذابة..
ودخلوا من الباب الرئيسي..
نايف:بسم الله من وين جايين انتوا؟
بدرية:الله يقطع عمايلكم هربانين من الباب الخلفي ها؟!
ريم:هههههه يمه هذا خلود هاوشيه..
ابو ناصر:الله يهديكم يا عيالي ..
وقام راح فوق غرفته..
ناصر:شفيه ابوي يمه؟!
بدريه:آه والله ماادري ! وقامت الأفكار تتلاعب في عقلها مرة ثانية..
ريم:الا منو في بيتنا يمة اشوف بره جواتي بنات؟!
بدريه:ايه هاذي عبير واختها فوق مع اختك وخالتك..
ريم:صج! شوف الخيانه ولا يقولون..عن اذنكم بروح اشوفهم..
بدريه:اذنك معك..
ناصر:انا بعد ابي اركب غرفتي تعبت من هنية..وبمساعدة خالد ونايف ركبوا كلهم غرفة ناصر..
وظلت بدرية مو قادرة تركب لريلها لاتشوف وجهه وترد تتصارع مع الشكوك ولا هي قادرة تسكت عن الوضع..
* * * * *
اريج ظلت تناظر اخوها حسين تبي تشوف ردة فعلة..
حسين ظل منكس راسة والدموع تنزل من عيونه بغزارة..
اريج:حسين انا مابيك تزعل على شي راح!
حسين بصوت كسير:بس يا اريج:لما امي وابوي راشد قالوا لي ماكان المفروض اسوي لهم كذا..اصلاً انا قبل لاادري انه كان عايش ماكنت مهتم حتى اني اشوف صورة له..
صج انه اسمي مرتبط بأسمة بس ولا يوم سمعت عنه..
ولما قال لي ابوي راشد الله يرحمه انه ابوي كان عايش وانه وامي كذبوا علي وقالوا لي انه مات من زماااااااان عصبت وهجت وتخيلت انه حياتي كان ممكن تصير غير..
اريج:بس ماتظن انه هذا لصالحك انك ولامرة عرفتة..
حسين بتفكير:يجوز..
اريج: الا اكييد امك ماقالتلك عنه لأنها خايفه منه عليك انت تعرف هو شنو سوا لأمك عذبها لين ماحصلت الطلاق وتمرمرت في المحاكم عشان تحصل عليك وعلى حضانتك ..
حسين بصوت اللي يحس بالذنب:وابوي راشد رباني كأني ولدة ومن صلبه وعمرة ماقصر علي في شي ماكان يفرق بيني وبينكم في شي وكان يمكن يعطف علي اكثر بس انا ماقدرته يا اريج ماقدرته وخسرته خسرتهم هم الاثنين ..
اريج:صلي على النبي وخلي ايمانك بالله قوي وحط في بالك ان الله كان رايد هالشي عشان تصلح نفسك..
حسين:مشكورة اختي!
اريج:حبيب اختك انت لاشكر على واجب..
حسين:اريج انا ماادري شكنت بسوي بدونك
اريج:بس اوعدني ان أي شي يصير لك تقول لي عليه..
حسين ذكر الحاله اللي تجي له احيانا بس ماحب يخوفها علية..
وطق الباب محمود وهو ماسك ريهام من يدها وتمشي جنبه..
حسين:تفضل..
محمود:اهليييييين بحبيب قلوبنا..
حسين راح له وسلموا على بعض بقوة حتى ان محمود بغى يصيح..
حسين ناظر ريهام وطالع في اريج:لاتقولين ريهام الحلوة
ريهام طويلة للسان:ايوه انا اندك مانئ!<ايوه انا عنك مانع؟
حسين:ماشاء الله وطويلة لسان
ريهام:انت تصير حالي مو؟>انت تصير خالي مو؟
حسين:ايوه حبيبتي انا خالك اخو امك..
وخذها قعدها على حظنة
ريهام:انت اخو لاسد بعد مو؟
حسين:هههههههه مو
ريهام:ايييييييييه وانا اقول وين سفتك من دبل..<ايييييييه وانا اقول وين شفتك من قبل..!
حسين:هههه وين شفتيني؟!
ريهام:انا سفتك في الصورة!
حسين:أي صورة؟
ريهام:ماما كانت حاتة صورتك تحت محدتها كل يوم دبل لاتنام تسوفها وتصيح ولاتتكلم معاها..!<ماما كانت حاطة صورتك تحت مخدتها كل يوم قبل لاتنام تشوفها وتصيح ولا تتكلم معاها..
حسين رفع راسة لأريج اللي صار وجهها احمر:يابعد عمري اروج..
اريج:خلاص حسون لكن اوريك ياريهاموه فشلتيني.
الكل:هههههههههه
اريج:شسوي يااخوي والله احبك..
حسين:وانا امووووت فيك..
محمود:احم احم اطلع برا؟!شنو هذا تراني اغار !حسين شيل عيونك عن مرتي لااذبحك..!
حسين:تراها اختي قبل لاتصير مرتك ولا انت ناسي انه لولاي ماكان انت عرفتها..
محمود :وهو ذا شي ينسي..
الكل:هههههههه..
دخل لهم راشد:السلااام
الكل:وعليكم السلاااااااام
اريج:لك وينك اخي اختفيت..
حسين:تبوني احزر وين كان؟!
محمود:اتحداك؟
حسين:كان عن البحر ماهيك رشود..
راشد:هههه ايوه حزرت حبيبي كنت عند البحر بفكر..
اريج بمكر :وبأيش كنت تفكر ..
راشد:الحين انتوا نزلوا تعشوا العشاء زاهب وانا بقول لكم بعد ماتخلصون اكل..
حسين:يله اجل خلونا نقوم..
وراحوا كلهم تحت عشان يتعشون..
** ** **
هيفاء في غرفتها تفكر في حياتها وانه مو كل شي دااايم لها وهي تحس انه بيصير شي وخايفة منه..
رن جرس الباب اللي ناذراً مايرن فقامت بسرعة تفتحة عشان مايطول ويزعج يدتها حليمه اللي دخلت في سابع نومة..
فتحته ..
هيفاء:عمي فوااااااااز فينك حبيببي اشتقت لك..
دخل فواز وهو ماسك باقة ورد ملون بالوان الطبيعة وعطاها اياه وهو ضامها له يبي يعوضها عن النقص اللي في حياتها..
فواز:تعرفين والله الشغل مايخلص..
هيفاء:وامريكا بعد ماتخلص ولا انا كاذبه..
فواز:امريكا كلها ماتسوى يوم اقعدة مع بنت اخوي الحلوة الذكية..
هيفاء:احم احم طبعاً
فواز:هههههه
فواز:فينها خالتي حليمه عن جد اشتقت لها..
هيفاء:نامت اصلها صارت بتتعب وايد..
فواز:الله يعينها..
هيفاء:ماقلت لك!
فواز:شنو؟
هيفاء:يقول ابوي انه اخوي ناصر بيخطب!!
فواز:شنو ولد اخوي بيخطب وانا ماادري!!
هيفاء:من كثر مايشوفك هو عشان يقول لك..
فواز:لك ياستي عندي لك مفاجأه..
هيفاء:قول قول من زمان ماسمعت مفاجات..
فواز:خلاص بطلت روح امريكا..
هيفاء:صج..!!!!
فواز:ايوه حبيبتي ماهنتي علي كذا لحالك..
هيفاء:يا اغلى عم في العالم عندي لك بشارة ثانية..
فواز:قولي قولي فرحيني؟.
هيفاء:ابوي قال لي انه بيعترف لهم بوجودي بعد ماتخلص خطوبة ناصر..
فواز:تماام انا كنت عارف ان اخوي ماراح يخليك مخبية اكثر من كذا..
هيفاء:ابي اقول لك سر بس اوعدني انك ماتقول لأبوي...
فواز:قولي سرك في بير..
هيفاء:اكتشفت ان وفاء اختي معك بالجامعة..!
فواز:شلووووون!!!
هيفاء:انا باقي لي سنتين في الجامعة مو مثل ماتعرف انا خلصت 3سنين وهي خلصت سنه بس وانا طب يعني اكثر منها هي التمريض..!
فواز:ايوه صح انتِ اكبر منها بثلاث سنين..

هيفاء:وانا ناوية اتقرب منها تدريجياً وحابة اكون اختها بجد وحقيقة..
فواز:احذري ياهيفاء من اللي بتسوينه تراه مو سهل..
وبعدين انا اعرفك اكثر من وفاء تراها عصبية وماادري شنو ممكن تسوي لو عرفت ..!
هيفاء:ومن ين بدها تعرف اذا مااحد يعرف اصلاً!!
فواز:اسمك مطابق لأسمها يا عيوني..!
هيفاء:ماراح خليها تعرف..
فواز:انا قلت لك اللازم ترى ابوك راح يزعل.. والحين بقوم غرفتي انام وارتاح عشان بكرة اقعد اروح بيت اخوي!!
هيفاء:اوكيك انا بعد بروح انام
تصبح على خير..
فواز:وانتِ من اهل الخير..
{فواز دووم في امريكا شغلة ومايرجع الا في السنه كم مرة وعايش مع هيفاء ويدتها بالشقة عشان يصير لهم السند اللي يحتاجونه وكذا مرة وفاء وناصر يسألونه لما تجي فين تنام يقول لهم انه ماعندة مكان محدد }
** ** **
واثناء ما عبير ووفاء وليلى واحلام في نص سوالفهم..
انفتح عليهم الباب فجأة ..وطلت منه ريم..
ريم:يا الخاينيين تقعدون بروحكم وماتقولون لي عشان اقعد معكم..!
احلام:علمنا بك مع حبيب القلب !
ريم اللي أي كلمة تسويها حمرا:ظريفة
وراحت لهم تسلم عليهم:وينكم وحشتونا والله
ها احلام جهزتي نفسك للمدرسة..
احلام : انا لله وانا الية راجعون رجعنا على طير يلي ..
الكل:ههههههههه ههههه
وفاء:ريم فينه هادي ماشفته اليوم؟!
ريم بأسى:آه في غرفته مو حاب ينزل تحت..
احلام:في خاطري اشوفة..!
عبير:وانا بعد..
وفاء:لايغركم بقعدته وبراءتة تراه في الشطانه بلييس..
ليلى:حرام عليك..
ريم:يله نروح له غرفته نفاجأة..
عبير:انتوا روحوا وانا بلحقكم بروح الحمام..
وفاء:اوكي اظن تعرفين غرفته..>أَبْلُ تارْ<سي يو..
عبير: يس سي يو..>لانها فهمت معنى فرنسيتها ..
وراحوا البنات غرفة هادي ..الا عبير راحت عند باب الحمام وتوها بتدخل الا تسمع اصوات شباب في غرفة ناصر..

>صالتهم فوق دائرية وكبيرة وغرفة وفاء جنب غرفة ناصر اما في الجهة الثانية غرفة ريم وجنبها غرفة هادي بين غرفة وفاء وناصر يفصل حمام وكذلك بين غرفة ريم وهادي حمام..>
وسمعت عبير صوت ناصر يقول لواحد:نيوف حبيبي شغل الشريط اللي بالمسجل..
نايف بملل:ولييش؟؟
ناصر:عشان تعرفون باللي احسة..!
خالد:كيف نعرف مافهعمت؟!
ناصر:الاغنية اللي في هذا الشريط توصف حالتي الدقيقة مع الحياة والحب والمشاعر..
خالد:عاش ناصر عاش ابو المشاعر..
نايف:هههههههههههههه هههههههه
ناصر: والحين بتشغلة ولا كيف؟؟
نايف:بشغلة ولاتزعل وهات لي راسك ابوسة..
ناصر بطبعة المغرور:خل بوستك لنفسك مو مجتاجها..
الا وتسمع عبير اغنية لراشد الفارس:
احلى من القمر مية
واحلى يمكن شوية
واحلى من العسل كلمة ..قالتها بحنية..
احبك لما قالتها يا بختي قلت ساعتها ..
وانا واحد من العشاق وهي اختارتني من ميه..
................
انا طاير من الفرحة..
ولا قادر انام اصحى..
هدية عمري ماصدق تجيني بس كذا بلمحة..
انا انا انا اللي عيوني حبتها..
من اول يوم شافتها ..
واثاريها مثل حالي ..
تحس بكل مافيه..
كذا الدنيا تجي حلوة وهي بعيوني من جوا..
بعيش الباقي من عمري واحس ان العمر غنوة..
معاها بقربي جنتها..
تكحل عيني نظرتها..
كذا مرتاح ياقلبي نصيبي وانكتب ليه..
....................
** ** ** ** *** ** ** ** *** ** * **
في بيت ام حسين..
الكل فرحان بردة حسين وبالجمعة اللي صارت بينهم مرة ثانية..
الكل خلص اكل وكلهم قاعدين بالصالة على الكنب يسولفون مع بعض..
والكل التفت لراشد اللي قال بصوت عالي:سمعوني بقول لكم شي..
نوار حست ان ولدها خلاص نوى انه يخطب وفرحت من قلبها..
نرجس:قول اخوي ليش متردد..<وهم نرجس عرفت وحاولت تشجعه..
راشد:يمه خلاص انا عقدتي راحت وحاب ابني حياتي من جديد مع أي بنت تختاريها لي وانا واثق من اختيارك..
نوار بابتسامة مطمئنة:الله يوفقك يابعد امك والله لأاخطب لك احسن بنت تشوفها عيني ومن بكرة..
اريج:ليش يمه من بكرة اليوم اتصلي لناس وخذي منهم موعد لبكرة عشان نروح..
نرجس:ايوه صح احسن...
حسين:بالمبارك ياخوي..
كوثر:عقبالك انت الثاني ولا مو ناوي..!
حسين:ههههه يصير خير..
نوار:شنو يصير خير انا بخلص من اخوك راشد وبدور لك اخلص عليك..
راشد:وشدعوة تتعبين حالك عشان تتخلصين منا بهالطريقة قطينا في ال**الة احسن..
الكل:هههههههههههههه
نوار:مايهون علي اقط حشاشة يوفي في ال**الة..بس الزواج مو معناته اتخلص منكم معناته اتطمن عليكم وعلى مستقبلكم مع اللي تستاهلكم ..
حسين:تسلميين يمه..
وقامت اريج يابت التلفون لأمها:تفضلي يمه التلفون وهذا الرقم..
واتصلت ام راشد بيت ام عبير..
دانة:الوووه
نوار:الو مرحبا حبيبتي شلونك؟!
دانه:بخير خالتي
نوار:وين الماما..
دانه:لحظة بس بناديها لك..
نوار:طيب..
بعد دقيقة..
هدى:الو
نوار:السلام عليكم..
هدى:وعليكم السلام ياهلا..
نوار:اكيد تبين تعرفينن من اكون.؟
هدى:ههه ويبغا لها كلام ! من حضرتك؟
نوار: متصلة اخذ منك موعد..
هدى بتعجب:موعد شنو؟!
نوار:ابيك في موضوع وابي ازورك بكرة في بيتك ..
هدى:خير عسى ماشر!
نوار:الخير في وجهك..
هدى:حياك الله البيت بيتك ..عاد انشاء الله تعرفين الطريق..
نوار:ايوه اعرفة مشكورة..
يله مع السلامة..
هدى:الله يسلمك..
** ** *** ** *** **

[فتوتة سكر]

شهد من عرفت من كوثر ان حسين حلم طفولتها رجع من السفر وهي مو على بعضها كلش..
سرحانه وتتخيل مواقف ممكن تصير بينهم وتتخيل ردة فعلة لما يعرف انها تحبه..
>شهد انسانة طيبة وحنونه مرة وتنحب من اول نظرة ملامحها ملائكيه مطمئنة..
هي ماهي بديك الدرجه من الجمال جمالها رباني طبيعي على قد حالها وجسمها متين يعني دبدوبة وهذا الشي اللي هي ماتحبه في نفسها..وتحاول انها تغيرة لأنه يبينها صغيرة مع قصر قامتها..>
سعاد:شهد شهد يمه تعالي ..
شهد:ها يمه شنوتبين؟
سعاد:ما بتروحين معي بيت خالتك نوار تستحمدين لها على سلامة ولدها حسين؟!
شهد:الحين؟يمه الريال توه جاي اليوم ويبي يقعد مع اهله خليهم اليوم على راحتهم وبكرة نروح لهم..
سعاد:أي والله صدقتي يابنتي مادري شلون طافت علي..
شهد:يعني المفروض تحمدين ربك على بنتك الذكية..
سعاد:ههههههه نحمدة ونشكرة على كل نعمة..
** ** * * ** **
احلام :
ها هادي شلون حبيبي ؟
هادي:بخير حبيبتي..
الكل:هههههههه
هادي:وانتِ شلونك؟
احلام:واحشتني عيونك..
هادي اللي استحى:مايوحشك وحش..
ريم:خلاص لا تغازلونة لايصدق نفسة..
الكل:هههههههه
عبيير رجعت لهم بعد اللي سمعته وهي غيير..
عبير:مرحباااا هدوي..
هادي اللي من شاف عبير تونس ..
هادي:مرحباااااااا عبير كيفك؟
الكل استغرب من استقبالة لعبير كذا تغير 180 ْ..
عبير:انا بخير اسأل عنك وينك؟
هادي بمرح:موجود غناتي وحشتيني..
الكل:ههههههههههههههههههه
عبير:والله انت اكثر..
ليلى:هدوي يالسخيف شمعنى عبيروه ترحب فيها واحنا خوش بوش..
هادي:هاذي عبير ياحبيبتي غير عنكم كلكم..
عبير:احم احم عشان تعرفون قيمتي..<وتبحلس عليهم..
وفاء:صج انك مو خوش اخو..
هادي:شسوي انا باللي يغارون..
احلام:ماهقيتها منك ياهدوي لكن اوريكح شوف اللي تدور لك على مرة..
الكل:ههههههههههه هههههه ههههههههه

عبير:يله احلام ابوي بيجي لنا بعد 5 دقايق..
ليلى:وين تو الناس..
عبير:أي تو الناس الساعة الحين قريب تدخل عشر..
ريم:عاد كررو لنا هالزيارة الحلوة..
احلام تغمز لوفاء:اكيييد مايبغا لها كلااااام اصلا اشك ان زياراتنا لكم بتصير اكثر..
الكل فهم القصد والكل ضحك..
**** *** *** ***
سالم دق على جنان وقال لها تنزل له تحت عشان بيروح الحين يوصل حسام بيتهم ويمر على السوبر ماركت ياخذ اللي تبيه منه..
جنان لبست عبايتها ولثامها ونزلت بابهى حلة رغم انها لابسة بيجامة..
ابو سالم:جنان..
جنان سمعت ابوها يناديها:نعم يبه بغيت شي..
ابو سالم:وين رايحة يابنتي في هالوقت؟؟!
جنان:يبه بروح مع اخوي حسام السوبر ماركت..
ابو سالم:اهاا وانتِ كيفك الحين انشاء الله احسن؟!
جنان:ايه يبه تسلم..
ابو سالم:حطي بالك على نفسك يابنتي ولاتطالعين الناس اللي هم تحت مقامك لانهم مايصلحون لك..!
جنان خافت من كلام ابوها ومافهمت هو شيقصد واشرت له براسها انها فاهمة ومشت عنه..{ابو جنان يحبهاا مرة مثل ما أي اب يحب اولادة ويمكن اكثر ويدللها وينفذ لها كل رغباتها الصغيرة والكبيرة وماعندة مانع انها تسوي أي شي غير انها تكلم شخص او صديقة اقل من مستواها رغم انه مثقف بس ماحد يدري ليه تفكيرة كذا..}
راحت ركبت السيارة بعد ماشافت حسام اللي ماوخر عينه عنها طول طريقها لسيارة..
سالم:كان لاجيتي تأخرتي؟!
جنان:اعذرني بس ابوي ناداني وماقدرت اقولة بمشي..
سالم:دام على ابوي مو مشكلة..
جنان:اكييييد..
حسام ظل يناظرها من وراا سالم وهي ترد له نظراته بنظرات حادة جداً ومحذره..
حسام ماحب اجواء السكون اللي في السيارة مع صمت الليل فقام يدور في اشرطة سالم يبي يشغل شي يفهم فيه جنان انه لها..
سالم:لاتحاول ولاتدور ماراح تلاقي النوع اللي تبيه تراني مااتعامل معاه لو قلت كان قلت لجنان تجيب لك منه لأنه نفس النوع اللي تستخدمة..
حسام وهو متاكد انها تتطلع فيه:ومن اللي قال لك اني ادور على هذا النوع انا ادور شي حلو..
وشاف بالصدفة شريط رويدا المحروقي اللي فيه الأغنية اللي هو غناها لنفسة اول ماشاف جنان وخذه وشغله وعطاها نظرة تقول لها ان الاغنيه اهداء لعيونك..


حطيتك في بالي واشغلت بك حالي ..
الين انا اصبح في قلبك الغالي ..
مهما تصد عني ولا تبعدني ..
وراك انا والله مالك مفر مني..
حطيتك في بالي واشغلت بك حالي
الين انا اصبح في قلبك الغالي..
تذكرني تنساني ..
تلقاني تلقاني..
راحت عيني وياك الين تهواني..
مايفيدك اسلوبك لو تبعد دروبك..
لازم يجي لك يوم واصير محبوبك..
حطيتك في بالي واشغلت بك حالي..
الين انا اصبح في قلبك الغالي..
حتى وفي نومك ..
تلقاني في حلومك..
بتشوفني ياما ياما...
والله في نومك..
لو زدت بعتابك تشكيني لصحابك..
أجي لك أجي لك لو طول غيابك..
*** *** *** *** * ** * ** *** ** * * *** *
انتهت الأغنية وقام حسام طفاه عشان يبيها تتأكد وتفهم من انه يقصد هالأغنية لها..
سالم المسكين اللي مايدري شنو اللي قاعد يصير:ليش طفيته؟!
حسام:بس لأنه عور لي راسي..
جنان خافت يكون بيت حسام قريب فبتدأت تنفذ خطتها يوم شافت في سوبر ماركت في المحطة الجاية فقالت لسالم:سالم ابي هاذي السوبر ماركت..
سالم:طيب خلنا نوصل حسام اول مسكين لايتأخر وحنا راجعين ننزل..
جنان بضيق:لا سالم اخاف يسكرون..
حسام اللي متشوق يبي يعرف تفكيرها وشنو مخططة تسوي:لاحبيبي سالم خذوا راحتكم كله واحد..
سالم:اعذرني تعبتك معاي...
حسام:شدعوة يااخوي تعبكم راحة يله لااغير رايي بسرعة نزلوا وتعالوا..
سالم:ليش؟ انت مابتنزل؟؟!
حسام:لاوالله مالي حاجة هناك..
جنان حطت في بالها انه ممكن مايرضى ينزل ومسوية خطة مظبوطة...
سالم:يله ست جنان شرفي نزلي..
جنان فتحت باب السيارة ويوم نزلت مسكت راسها وست نفسها مو قادرة توقف ..
سالم اللي خاف عليها:جنااان شفيك؟<وراح لها..
جنان:لاتخاف سالم مافيني شي بس راسي دار..
سالم:لأنك ماكلتي شي..
يله امشي نرجع وبعدين ناخذ لك الأغراض مرة ثانية..
جنان:لا سالم ابي هاذي الأشياء ضروري..
سالم:بس انتِ ماتقدرين تمشين..
جنان:انا كاتبة اللي ابيه في ورقة خذها وجيب لي المكتوب ..
سالم:اوكيه..
ودخل السوبر ماركت وجنان رجعت السيارة وبكل عصبية:فهمني انت شتبي مني؟؟!!
حسام فتح عيونه ع الأخر وعرف ان كل اللي سوته قدام اخوها تمثيل..
حسام:اعتقد انك تعرفين..
جنان بصوت شفاف لاشعورياً:انا اللي انت تبيه مني مابتحصله لو تنطبق السماء على الارض..انت فاهم فرجاء لاتضيع وقتك معي ولاتشغل لي بالي..
شوف انا انسانه لو ايش سويت ماراح تتحملها تراني صر ت باردة في كل شي في مشاعري واحاسيسي..
>وعيونها كانت تصب دمع هي منعته بس الحين ماقدرت وماحست لروحها بعد..
تراني لابقدر اخذ منك شي ولااعطيك شي ولايغرك شكلي تراها بس مظاهر انت فاهم بلييز وخر عني وخلني في حالي..تراني مثل النحلة في لسعتها ومثل الفراشة في رقتها وهاذي حقيقة حفظتها من ظروفي اللي عانيتها ..وكانت جنان تتكلم وهي متفاعلة ومو قادرة تمسك نفسها..
حسا صعبت عليه حالتها وتو بيتكلم:انا ياجنان مستحيييييلل ...........
وصول سالم منعه من انه يكمل وسكت..
سالم:تأخرت عليكم.؟!
حسام:لا عادي..
وطلع 3 عصير واخذ واحد له وعطى واحدحسام وواحد جنان اللي مسحت دموعها..
وشوي الا رن جوال حسام ورفعة..
إيثار:اهلا اخوي وينك فيه تأخرت؟
حسام: اهلينات إيثار انا جاي بالطريق لاتحاتين..
إيثار:اوكيه مو تطول ناطرينك..
حسام:ليش صاير شي..؟
إيثار:لاسلامتك خليها سربرايز احسن..؟
حسام:اوه اثور انا كم مره قايل لك اني ما احب المفاجأت..!
إيثار:والله انك فاضي احد مايحب المفاجأات..
حسام:انا شنو عندك؟!
إيثار: طيب راح اقول لك ان بيت عمي في بيتنا واولاد عمي كلهم ..
حسام:ماشاء الله طيب كلها ثواني وانا داخل يله باي..
سالم:عسى ماشر؟!
حسام:لا بس هاذي اختي تقول لي ان اولاد عمي اللي ساكنين بعيد في بيتنا..
سالم:اهاا سلم لي على الكل..
حسام وهو نازل:الله يسلمك..تفضلوا معانا..
سالم:لا زاد فضلك مشكور ماتقصر..
وقبل لا يروح ناظر جنان نظرة رجا ومشى.................
** ** * ** ** * * * *
ابراهيم وهدى طلعوا راحوا المطار يسشتقبلون الشغالة الجديدة اللي وصلت من كم ساعة
ووصلوا المطار وشافوها كانت اندنوسية الجنسية قصيرة ماهي كبيرة ولاصغيرة..
واسمها موديانا)..
وماتعرف تتكلم عربي وهذا اللي خلى هدى تتضايق شوي بس قالت في نفسها مصيرها بتتعلم..
** ** ***

[فتوتة سكر]

الجزء الثالث والعشرين:

توه الصبح طالع عليهم والشمس صايرة مشرقة والجو خالي من الغيوم واصوات العصافير منتشرة في كل مكان بتغريدهم الحلو..

صحت هيفاء من النوم وهي تطالع الساعة وشافتها 8 الصباح..
قامت وغسلت وطلعت من غرفتها ..وشافت في الصالة يدتها حليمة وعمها فواز جالسين يسولفون..
حبت تفاجأهم بس قبل لاتسوي أي حركة سمعت يدتها تصيح وعورها قلبها عليها..
فواز:بس ياخالتي حليمة والله مايهون علي اشوفك تبكين خلاص مايصير خاطرك الا طيب وسعود انا بكلمة..!

حليمة وهي بعدها تصيح:قول له ياولدي تراني مو دايمه لكم انا خلاص كبرت وظليت عايشة في غربه مشان هيفاء بنتي والله لو ماامها الله يرحمها تزوجت سعود ماكان حالتنا كذا..
فواز:ايه صح شلون ام هيفاء تزوجت اخوي ماحد قال لي من قبل السالفة؟؟!
حليمه وهي تتذكر:انا جيت هون مع بنتي ام هيفاء ومع زوجي..
وكان زوجي يشتغل هون وكانت آخر سنه لينا هون كان بنرجع بلدنا كنا بنرجع لبنان بعد غربه قضايناها هون مدتها 7سنين..
وام هيفاء كانت في ثالثة ثانوي بس الله ماكتب لينا دوام الفرحة ومات زوجي وظلينا انا وبنتي ام هيفاء بروحنا هون وماساعدنا غير شخص كان ابوك واهتم فينا غير عن كل الناس وماكان بدو شي في المقابل كان هو وامك الله يرحمهم بيحبوا بنتي كثير وكانت تعوضهم عن البنت اللي الله مارزقهم اياها وكنت انت صغير واخوك كان اكبر من بنتي ب5 سنين وشاف ام هيفاء مرة من المرات وحبها وهي كمان بادلته نفس الشعور ..
بس هو كان صغير على الزواج وطلب من ابوه يخطب له ورفض..فطلب مني بنتي بالسر بدون رضا اهله في الاول مارضيت بس لما شفت حالتهم وكيف عم يتعذبوا بهوا بعض وافقت وياليتني ماوافقت >ودمعت عيونها..
وتزوجوا وتموا متزوجين بالسر لمدة 4 سنين والله رزقهم بهيفاء بعد 3 سنين من تزوجوا..وتمت ام هيفاء معاهم وهي فرحانه ببنتها وسعود كان فرحان اكثر منها..
لكن مثل ماهي الحياة يوم لك ويوم عليك..الله خذ روح بنتي وهيفاء ماكملت السنه ..
وتم سعود يربي هيفاء دون محد يدري من اهلة وحافظ عليها وحبها مثل ما أي اب يحب بنته وظل حزين على فراق مهرة ام هيفاء وماطالع في احد من البنات وكان حارم نفسة من كل شي عشان هيفاء لكن اهله اصروا عليه انه يتزوج وهو بعد سنتين من وفاة مهرة شاف بنت وجا لي مرة وهو فرحان ويبكي يقول لي انه حب بنت ويقدر يحقق امال اهله فيها وانه مستحيل يفرط في هيفاء او ينسى حبه لمهرة..
لكن اللي صار غير كذا البنت اللي بغاها طلعت بنت ناس اغنياء ومتشرطين ولو عرفوا انه عنده بنت عمرها 3 سنين مستحيل بيوافقون فهو خبى هيفاء عندي وعرس على بدرية وكان مايهمل شؤون هيفاء ولا شؤوني بعد فترة امك وابوك الله يرحمهم صابهم حادث سيارة وانت تعرفة وسبب موتهم وصرت انت وحيد فخلاك تعيش معنا في هاي الشقة وكبرت وصرت تروح وتسافر وهيفاء تكبر معاي وبعدها محرومه من شي اسمه اسرة ..محرومه من المعنى الحقيقي لهاي الكلمة ..<ودمعت عيونها وبدت شهقاتها..اخوك انشغل بعياله ونسى حقوق هيفاء وهذا شي مزعلني ومضيق بالي يافواز والله حرام تضيع حقوق هيفاء ..!!

هيفاء كانت تسمع كلام يدتها اللي اول مرة تعرفة ودموعها تصب بحر..
ماكانت حاسة بعمرها الا وهي تركض لحظن يدتها..
فواز تفاجأ بوجود هيفاء لانها كانت نايمة..
هيفاء:فديتك يمه لاتشيلين همي تراني مرتاحة معاك طول الله في عمرك..يمة لاتقولين كذا مرة ثانية والله ازعل عليك..
حليمة وهي تبعد هيفاء وتمسح دموعها:لايبنتي الحق ماينزعل منه لو شو صار..
فواز:خلاص ياجماعة الخير صدقوني ان اخوي ماراح يسكت عن الوضع وانتوا هدوا بالكم وحتى لو هو سكت انا ماراح اسكت ..!!
حليمة تطالعة بنظرات فخر:تسلم ياولدي..
فواز:هيفاء حبيبتي حطي بالك على نفسك وعلى يدتك انا بروح الحين بيت اخوي سعود اشوفهم وبرد لك خبر باحوالهم اوكي..
هيفاء تبتسم:اوكي..
فواز:يلا مع السلامة..
حليمة:في حفظ الرحمن يا ولدي..
هيفاء:مع السلامة..
** *** *** ** * * *** ***


في وادي ثاني..

صحت احلام من نومها المتقطع ..وتمت صاحية تناظر الطوفه اللي قدامها دون ماتقوم..وهي تفكر مر على بالها ان اليوم هوم الاربعاء وان مابقى الا يومين على المدرسة..
فقامت بسررعة وغسلت وشبكت النت ..

فتحت ماسنجرها ومالقت فيه احد شابك فانقهرت..
وراحت فتحت منتدى ودخلت على قصة وابتدات تقراءها ..
وتوها خلصت جزئين من القصة الا المسن يعلن ان احد شبك راحت تشوف منو وشافتها زهرة صديقة عمرها اللي كانت مسافرة..
((زهرة )):مرحبااااااااا السااااااع..
(خلاص انتهيت!!):مرحبتين عمري..
((زهرة)):شلونك احلامووه وحشتيني مووووت..؟
(خلاص انتهيت!!):تماااام اسأل عنك حبيبتي..
((زهرة)):انا بخير الحمد لله..
(خلاص انتهيت!!):دوووم مو يووم..
الا متى رجعتوا من تركيا ؟؟
((زهرة)):تونا امس والله يعني لو رجعت قبل اكيد كنت بكلمك..
(خلاص انتهيت!!):ياعمري انتي والله..
((زهرة)):اوكي عنوني انا بقوم في ضيوف جايين لامي..وخلنا نشوفك..
(خلاص انتهيت!!):وش بقى كلها يومين بشوفك في المدرسة..>>تبي تحرق اعصابها ههههاااي..
((زهرة)):اوووف يعني انتي ماتفهمين في المدرسة غير وفي البيت غير وبعدين يعني انا صديقتك توني راجعة من السفر وصار لك شهر ماشفتيني لازم تجين لي..
(خلاص انتهيت!!):اكيييييد حبيبتي ولايهمك..
((زهرة)):اوكي باي..
(خلاص انتهيت!!):بايات..
وطلعت زهرة من المسن وظلت احلام بروحها مرة ثانية ورجعت تقرأ في القصة ومامداها تقرأ شوي الا حد يشبك..وراحت تشوف منو وكان نايف وفرحت من قلب حست بشعور اكتمال الناقص..

(محتار وبحبك فرحان):اهلا وسهلا..

(خلاص انتهيت!!):اهلا بك عيوني..

(محتار وبحبك فرحان):ياعمري انتِ اشتقت لك وينك عني من زمان؟!..
(خلاص انتهيت!!):والله موجودة بهالدنيا انشد عن احوالك..

(محتار وبحبك فرحان):لو انتي صاجة بكلامك كان من زمان دقيتي علي مسكول وانا اتصل لك انتِ وعدتيني ولا نفذتي الوعد..

(خلاص انتهيت!!):ماتشوفني يعني خلاص انتهيت وبحبك انكويت والله لا ليلي ليل ولا نهاري نهار ومستعدة اني اكلمك اليوم قبل بكرة لأني ما عاد فيني صبر او احتمال على بعادك عني حبيبي..

(محتار وبحبك فرحان):يا ويل حالي من هالكلام ومن قدي اليوم والله انك فرحتيني وريحتيني يوم اللي عرفت انك حبيتيني مثل مااحبك!!

(خلاص انتهيت!!):بس ترا علم يوصلك ويتعداك حركة تكون زايدة عن حدها اعتبر كلامي ماانقال ترى شرفي وسمعة عيلتي اهم عندي من حبي انا صحيح قلت لهم بخليكم تندمون بس انا مو قد هالكلمة..انت اول واحد كلمتة وراح تكون آخر واحد وغيرك ماراح يدخل حياتي لأني مو متعودة اكلم شباب بس شنو اسوي حبيتك!!

(محتار وبحبك فرحان):وصدقيني انا عند كلمتي اني ماراح اضرك بشي لو شو صار بالعكس انا راح احميكي من كل شي..بس نفسي اسمع صوتك اللي عذبني من شوقي لسماعه مره ثانية..
(خلاص انتهيت!!):ولايهمك من عيوني ..انا بشبك المايك وانت اشبكة وراح اكلمك..

واللي بغاه نايف صار.. احلام كلمته صوتياً وهي حاسة بخوف ممزوج بارتياح..وهو اشبع رغبته في سماع صوتها العذب..
واثناء كلامهم قال لها نايف شي في خاطرة:
تعبت وصبرت
اخذني الشوق
قطعت مسافات طويله
حزنت وبكيت
شقيت وتألمت
ابحرت في دروب طويله
وانتظر منك رسالة
غرقت
ذوبني الحنين
نفسي صارت عليلة
صبرت وسهرت
احببت وعشقت
وآمالي ماتت وحيدة
قلبي يرثى لحاله
وانا حبيتك
ومنك بغيت العون
والانقاذ من الغرق
وانتِ اصيلة
يانور عيني..
احلام:تسلم قلبي..
نايف:آآآه ياويل حالي ..الله يسلمك عمري..
احلام خافت ان احد يجي ويشكها :خلاص نايف بشيل المايك لأني اخاف احد يجي..
نايف:اوكي حبيبتي بس لاتحرميني من صوتك..
احلام:اوكي باي..
وطلعت من النت وهي تشعر بمشاعر غريبة مالها اول ولاتالي..
وقانت نزلت تحت الصاله ولقت يدتها فاطمة هناك..
احلام:صباح الخير يمة..
فاطمة بنظرات غريبة:صباح النور..
احلام:شفيك تطالعيني كذا!!؟
فاطمة:سلامة راسك ..تريقتي؟!
احلام:هههه يمه شفيك الحين انا توني جالسة وتوني نازلة وين بتريق!!
فاطمة:اقول تضحكين علي يامسودة الويه ها قومي لابارك الله في اللي يعلمونكم قلة الحيا والخراب..
احلام مستغربة من يدتها:ههههههه
هدى:شصاير بعد؟!
احلام:مادري شفيها يدتي معصبة وحطتها فيني..
وراحوا احلام وامها المطبخ وفطروا وهم قاعدين سمعوا فاطمة تصرخ!!!
** *** * * ** ** **** ***

[فتوتة سكر]

اريج قامت نشيطة ووجها رجع لونة طبيعي ..
الصفرة اختفت بس لها اثر وخدودها محمرة ..
وزهبت الفطور على طاولة الاكل..وراحت توقظ محمود من النوم..
دخلت لقت محمود نايم وهو مرتاح وملامحة الملائكية مطمئنة وتنفسة منتظم..
ظلت تتاملة شوي ..وشافت عيونه تتحرك كأنه حس ان فيه احد يراقبة ..
فتح عيونه ولقى قدامه اريج مبتسمة..ماقدر مايرد لها الابتسامة..
<محمود واريج التقوا في ظروف غامظة كانت اريج رايحة مع حسين اخوها السعودية وحسين مر بشلة شباب من اصحابة يسلم عليهم وكان محمود ضمنهم وهناك شاف اريج وعجبته وتقدم لها وهي ماكان فيه عيب يخليها ترفضة بس شرطت انها تظل عايشة في البحرين وهو وافق وتزوجوا وهم متفاهمين تسود علاقتهم محبة طاهرة من نوع فريد ناذر الوجود>>
اريج:يلا قوم حبيبي الفطور زاهب..
محمود وهو يتمغط:اوكي حبيبتي دقايق وانا عندك..
اريج اللي حافظة حركات محمود عن ظهر قلب:دقايق يعني بترجع تنام قوم الحين قدامي..
محمود باستسلام:اوكي اوكي..
وهم على الطاولة..
محمود:ايش هالحلاوة اليوم..!
اريج وهي مستحيه:اصلاً انا كل يوم حلوة..
محمود:وماحد يقدر ينكر..
اريج:يابعد عمري انت..
محمود:بقول لك شي..
اريج:قول عيوني كلي اذان صاغية:
محمود بنغمة رومانسية:
لقد حجزت غرفة لأثنين في بيت القمر
نقضي بها نهاية الأسبوع ياحبيبتي
فنادق العالم لاتعجبني
الفندق الذي احب ان اسكنه هو القمر
لكنهم هناك ياحبيبتي
لايقبلون زائرا يأتي بغير امرأة..
فعل تجيئين معي..
ياقمري..الى القمر؟
. . . . .
اريج :عشتوا يانزار القباني ماقدر عليك انا..
محمود:ايه ماتقدرين ليش انه نزار قباني لكن لو مطرب من مطاريب هالزمن كان عجبك..
اريج:ههه احب اللي يبرطم انا ياحبيب عمري انت لو تقول لي اغاني الاول المعفنه اللي مالها معنى بس لأنها من لسانك لها معنى عندي لا ومعنى كبيييير..
محمود:يسلم لي لسانك ياقلبي..
اريج:الله يسلمك..بس صج شنو كنت تقصد بهالكلام؟؟!
محمود:كنت اقصد اني ابي اخذ اجازة من الشغل ونروح انا وانتِ وريهام بنتنا مكان كذا حلو نسافر له ونغير جو..
اريج:ايه حبيبي ماعليه بس انتظر نخلص من سالفة راشد اخوي وخليه يخطب وبعدين نسافر محل ماتبي..
محمود:اوكي حبيبتي انا بقوم البس بروح الشغل وانت ريحي لك شويه يعل الصفرة تروح من وجهك نهائيا ..
اريج:اوكيك حبيبي تآمر امر انت..

** ** * * * *** *** **** ****

ليلى قامت من النوم ومالقت وفاء وغسلت وخلصت وجات بتنزل بس خافت من الدرج وراحت غرفة ريم وطقت الباب..
ريم:الباب مفتوح..
ليلى دخلت وهي مبتسمة وردت لها الابتسامة ريم..
ليلى:صباح الخير..
ريم:صباح النور..تعالي جلسي بخلص بس من التلفون وبجي لك..
ليلى:اوكيكو..
(ليلى انسانه رقيقة مرهفة وجبانه تخاااف من كل شي يخطر على البال ..تخاف تركب او تنزل درج لحالها وتخاف من الظلام وتخاف من الحيوانات كلها الا القطوة والخيل..وتخاف من اشياء كثيرة لاتعد ولا تحصى..)
ظلت ليلى تتأمل غرفة ريم وتتأمل الورد المنتشر في الغرفة اللي كله من عند خالد لريم..
خلصت من تأملها للغرفة وطالعت في ريم بنت اختها تتأملها..
تطلعت في شعرها الأسود المجعد اللي يجذب الأنظار له بحلاوته وبلمعانه وصحيته وتسريحته الحلوة..
وشافتها وهي قاعدة ومتوترة وهي تضحك وتكلم خالد وتلعب بصبوع ريولها اليسار من التوتر..
فجأة قطعت ليلى تأملاتها لأن ريم سكرت تلفونها ودارت لها وهي بعدها مبتسمة..
ليلى:اشوفك فرحانه..!؟
ريم:ايوه والله خالد مو مقصر معي..
ليلى بصدق:الله يديمها عليكم يارب..
ريم:يارب من بوئك لباب السما..
ليلى وريم:هههههههه
ريم:غريبة يعني تاركة وفاء وقاعدة معي انا..
ليلى:هذا جزاتي اللي اقول مسكسينه ريم لحالها بروح اقعد معاها..
ريم:مااصدق ليلى ام المصالح تجيني وماتبي شي..
ليلى بعجز:ايه خلاص ابي شي ارتحتي..
ريم:ههههه قلت انا هاتي شنو تبين؟!
ليلى:ابيك تنزليني تحت بشوف وفاء..
ريم:ايه صح نسينا انك جبن كيري..!خخخخخخخ
ليلى:اوه ريم رجاءً عن الطنازة..بتنزليني ولا كيف...؟
ريم:اووف يلا امشي بنزلك وامري لله..
** ** *** ** **** ***
وفاء قاعدة مع ناصر بالصالة والتلفزيون مشتغل على قناة الكرتون سبيس تون وهادي مندمج معاهم..
وفاء:اقول نصور لو عبير رفضتك شبتسوي؟؟؟!
ناصر:فال الله ولا فالك شهالفال اللي مثل وجهك من الصبح..
وفاء:ههه سوري نصور بس يعني ابي اعرف ردة فعلك..
ناصر:انا واثق انها بتقبل فيني..
وفاء:طيب افرض امها ماوافقت!!
ناصر:مادري شبيصير لأني ماجربت هالشعور من قبل..
وفاء:يله انشاء الله يستوي اللي فيه الخير..
ورن الجرس وراحت الخدامة تفتح الباب..
فواز:وينكم يااهل البيت..
وفاء:عمي فواااااز ..
وقامت تسلم عليه:وينك عمي من زماان عنا اشتقنا لك..
فواز:والله توني راد ام من امريكاا..
وفاء:الحمد لله على السلامة..
فواز يطالع في ناصر:وشفيه الأخ ناصر مايقوم يسلم ولا مو مالي عينه؟!!
وفاء حز في نفسها اخوها مسكين مايقدر يقوم وعمه يجرحة دون مايدري..
ناصر وهو بعده قاعد مكانة:اهلييين عمي شخبارك؟!
فواز يطالع فيه بتعجب ويطالع في وفاء!!!!؟؟!!!؟؟!!!
وفاء بتردد:عمي .. اخوي ناصر مايشوف!!
فواز تلقى صدمة شلت لسانه وبعدها بدقايق كأنها سنين:شنو ؟؟!! كيف؟؟!
ناصر:صار لي حادث سيارة تسبب في اصابتي بالعمى!
فواز:سلامتك ياولد اخوي ماتشوف شر والله توني داري..!
ناصر:لا عادي يعني انت من كثر ماتتصل فينا !!
فواز يغير الموضوع:ها حبيب عمك هادي شلونك؟؟!
هادي فرحان:بخير الحمد لله عمي انت شلونك؟
فواز:بخير حبيبي..
فواز:الا وين ابوكم وامكم؟؟!
وفاء:والله بعدهم نايمين استريح عمي شوي بيقعدون..
فواز:اوكي..
(فواز من كثر ماانغمس بالشغل والدراسة في امريكا ماتزوج ولا مرة في حياته ولاارتبط يمكن بنا له علاقة من علاقات هالزمن الخربان بس ماتطول لانه دووم مشغول..
وهو الحين قرب يصك الثلاثين وقرر يستقر ورجع من امريكا عشان يتزوج ويوقف تنقلاته..)..
... .. ... .. .... ... ... .
ليلى يوم جات بتنزل مع ريم سمعوا صوت ريال في الصاله..
ريم:اوه هذا صوت عمي فواز!!
ليلى:اوه خلاص اجل مانا نازلة ..!
ريم:عادي ليلى غير الا عمي..
ليلى:استحي والله مو متعودة كذا لان حنا في السعودية نتغطى بعد..كفايه ذاك اليوم فشلت مع خالد واخوه..
ريم:هههه زين اجل خلك بروحك انا بنزل اسلم على عمي وبقول لوفاء تركب لك..
ليلى:اوكي بس بسرعة بليييز..

شوي وقعدت ام ناصر من نومها وقعد معاها ابو ناصر ونزلوا تحت..
فواز شافهم وهما نازلين:هلاااا والله باخوي ومرته..
سعود تهلهل ويهه بشوفة اخوه الوحيد اللي اصغر منه ب5سنين..
سعود:هلا فيك اخوي <وتلاقوا بالأحضان..
بعد كم ثانية من السكوت..
بدرية:الحمد لله على سلامتك فواز..
فواز:الله يسلمك يا احلى مرة اخو بالعالم..
بدرية:هههه ايه قول لاخوك كان يفهم..
فواز:افا بس افا وانا اللي ظنيتك فاهم يا سعود..
الكل:ههههههههههه ههههههه

** * **** * *** ***** ****** * **

[فتوتة سكر]

بعد فترة في كل بيت خلصوا غداهم..
وجاء العصر..
الساعة 4 العصر..في بيت ام راشد..
نوار:يله يا راشد بسررعة تأخرنا على الناس..
راشدزين يمه زين..
نوار:يلا عشان بنمر على اختك اريج بعد..
راشد:يلا قدامي للسيارة..
وركبت ام راشد السيارة ومروا على اريج ومعاها بنتها ريهام..وانطلقوا لبيت ابراهيم..
** ** * * ** * *** ** **** * **
اما في بيت ام عبير..قبل فترة لما سمعت احلام وامها يدتها فاطمة تصارخ راحوا لها بسرعة..
احلام:شفيك يمه ليش تصارخين؟!
هدى:عسى ماشر عمتي خوفتيني؟!
فاطمة:انا هاذي شغالتكم ماابيها جننتني..
وشافت هدى موديانا وهي تطلع من الحمام وتطالع فيهم وتمشي..
احلام:ليش يمه شسوت لك؟
فاطمة:جيت ابي ادخل الحمام وشفتها تغسله والباب مفتوح ولا ماتغسل مثل الناس طريقتها عجيبة مدري من اين جايبتها الغبية..
واقول لها موديانا طلعي بدخل الحمام تطالعني وتضحك كأني قايلة لها نكتة وبعدين اقول لها بسرعة طلعي قامت تدور في الحمام كأنها تدور حول الكعبة استغفر الله العظيم وبعدين يوم صرخت قالت لي ببرود:ماما سكراً <شكراً.وسكرت باب الحمام..
احلام فقعت ضحك:هههههههههههه ههههه
فاطمة:تضحكين يامسودة الويه ها بدال ماتعلمينها كيف تشتغل!!
هدى:بعد شلون ماتضحك ياعمتي وانتِ كبرتي السالفة وسويتيها من الحبه قبة..
احلام:خخخخخ
فاطمة:قهرتني والله الخايبة..
هدى:ماعلية عمتي هي توها جديدة وماتفهم انشاء الله شوي وبتصير فاهمة وعاقلة..
لا وانا العصر بيجوني ضيوف..
احلام:منو يمه هالضيوف..؟؟
هدى:والله مدري..روحي قولي لاختك عبير تجي تساعدني نجهز للناس شي..
احلام:اوكي..
. .. ... . ...
وراحت احلام لعبير وعلمتها سالفت الشغالة وفطست من الضحك وبعدها لبست ونزلت تحت تساعد امها..
هدى:الساعة الحين 4 اتوقع بيجون في أي لحظة..
عبير:خلهم يجون الله والنبي يحيهم..
ومامداها تكمل جملتها الا والجرس يرن..
راحت دانه فتحت الباب..
نوار:اهلين حبيبتي ..كيف حالك؟
دانه وعيونها على ريهام:الحمد لله..
نوار:فين الماما؟؟
دانه:ماما داخل تفضلوا الحين بتجي لكم..
ودخلوا نوار واريج وريهام مثل البطة وراهم..
.. .. . .. . ... .. . . ..
دقيقتين الا ودخلت لهم في المجلس هدى والحمل باين عليها وبملامح حلوة تشبه ملامح عبير ابتسمت لهم..
ههدى:يا حيا الله من جانا..
نوار:الله يحيك تسلمين والله..
وقام سلام النسوان..وبعد التعارف..
نوار:بدون مقدمات ياوخيتي وبدون لف ودوران انا بصراحة ارتحت لك وودي اعتبرك الأخت اللي انحرمت انا منها..
هدى:والله شعور متبادل يا وخيتي وماقصرتي..
نوار:انا جيتك طامعة ببنتك عبير لولدي راشد!!!
هدى شوي انحرجت منهم:آه والله مادري شقول لك يا اختي بس....
نوار:لا بس ولا شي اخذوا راحتكم وفكروا وعطونا خبر..
وقطعت عليهم الحوار عبير بدخلتها وهي حاملة صينية عليها قهوة وكيك ومستلزمات الضيافة..
عبير اللي ماكنت تدري شنو السالفة:السلام عليكم
اريج وامها:وعليكم السلام..
وحطت اريج الصينية قريب منهم..
هدى بابتسامة:هاذي بنتي عبير!!
نوار:ماشاء الله عليها قمر..
عبير استحت:تسلمين خالتي والله..
اريج:شنو تدرسين عبير؟؟
عبير:تخصص حاسب آلي..
اريج:تماام..
عبير شافت ريهام واستجنت عليها:اوه من بنته الحلوة هاذي..
اريج:الحلوة عيونك حبيبتي هاذي بنتي ريهام..
عبير وهي تمسح على شعرها الحريري:الله يخليها لكِ..
اريج:مشكورة والله..
وطلعت عبير من الغرفة ..
هدى:مادري شقول لك يا ام راشد بس قبل يومين تقدموا ناس طالبين عبير ..!
نوار بحزن واضح للعيان:يا خسارة والله تمنيتها لولدي..!
هدى اللي خذتها فرصة تمنع فيه زواج عبير من ناصر:بس احنا لين الحين ماعيناهم الموافقة رغم ان حنا وافقنا بس عشانك يا وخيتي وعشان اني ارتحت لك بقول لابو عبير وعبير وبنخير البنت وانتَِ تعرفين ان الراي الاول والاخير للبنت..
نوار اللي تهلهل وجهها بالفرحة:تسلمين ياختي والله انتِ ماتدرين شكثر عانيت مع ولدي ليخطب ويوم اخترت انا له بنت الناس تطلع مخطوبة والله يكسر خاطري وانتِ تعرفين قلب الأم.!
هدى:ايه اكييد<وجا على بالها سلمان بس تناسته عشان تقدر تستمر مع ضيوفها..
اريج:المهم ياخالتي احنا سوينا اللي علينا وهاك تفضلي رقمنا عشان تردين علينا وانشاء الله خير..
هدى:انشاء الله خير..
نوار:يلا عجل نخليك الحين لانطول عليك..
هدى:لا والله كله واحد واصلا انستوني وشرفتوني وياريت تعيدون لي هالزيارة..
نوار:انشاء الله..
وهم قايمين بيطلعون..
هدى:والله اني الحين طامعة في صداقتك يا ام راشد فحتى لو ما انكتب نصيب اتمنى منك انك ماتقطعينا وتظل بينا صداقة..
نوار:والله انك قرأتي افكاري ..
الكل:هههههههه..

** ** * **** *** *** ** *** ***


شهد كانت قاعدة بالحديقة وسرحااانة..
وقطعت سرحانها امها:شهد يمه مابتروحين معاي بيت خالتك نوار؟؟!
شهد وهي عالمها مو عالم:بلى يمه بس بلبس عباتي وبروح معاك..
. ... .. . ... .....

وطلعوا شهد وامها لبيت ام راشد..وبعد دقايق من المشي وصلوا..ودقوا الجرس..
وفتحت لهم الباب نرجس..
نرجس:مرحباااا يا حيا الله من جانا تفضلوا..
شهد ونوار:زاد فضلك..
نوار وهي داخلة:ها يا بنتي وينها امك؟!
نرجس:دخلي خالتي امي جاية بالطريق..
نوار:ليش وين راحت؟!
نرجس:راحت تزور ناس وبتجي..
شهد:وشخبارك انتِ؟
نرجس:تماام بخير..
شهد:كوثر صح؟ لالا نرجس؟؟ لالا مدري..!!
نرجس فاقعة ضحك عليها:ههههههه ولايهمك لانرجس ولاكوثر..
نوار وهي تضحك على خبالهم:عجل منو بالله ؟؟!!
الكل:هههههههه
كوثر تدخل لهم في الصالة..
كوثر:مرحبااااااا تو مانور البيت..!
شهد:نوره بوجودك حبيبتي..
كوثر تتطنز:ادري..
الكل:ههههههه
شهد:ايوه خلاص عرفتك انتِ كوثر..
نرجس غمزت لكوثر انها تنفي هالشي بس ضحكت كوثر فضحتها..
شهد مستانسة انها عرفتها:ماقلت لكم...!!!
الا بدخلة حسين:السلام عليكم..
الكل:وعليكم السلام..
نرجس:شفيك حسين ادخل مافي احد غريب هاذي خالتي سعاد..
حسين تهلهل ويهه:صج خالتي سعاد عندنا..شلونك خالتي سعاد؟اشتقنا لك..
سعاد:وي فديتك اشتاقت لك العافية ياولدي انت شخبارك؟!
حسين:بخير ياخالتي بس ناقصتني القعدة معكم..
وتتطلع في شهد اللي كانت الحرارة مخليتها ميتة من الحيا..ومد يده يأشر عليها بصبعة:اممم شهد صح؟؟!
سعاد:ايوه وانت الصاج..
حسين:شلونك شهد عساك بخير..
شهد:الحمد لله بخير والحمد لله على سلامتك..
شهد في نفسها:بخير بشوفتك يا الغالي..
حسين:الا وين خليل وحشني جد ودي اشوفة..
سعاد:والله هو راح من الصبح مع اصحابة البر ..
حسين:خلاص اجل لما يرجع قولوا له اني ابي اشوفة..
سعاد:اوكي ولايهمك ياولدي..
كوثر:خالتي خلي شهد تقعد معانا تتعشا وترجع بعدين..
سعاد:مادري اخاف اخوها يستحرق لأنه مايرضى ترجع بالليل بروحها..
حسين:خلاص خالتي خليها تجلس مع البنات وانا اوصلها لحد الباب وماامشي الا لما تدخل بعد شقلتي؟!
سعاد:شوركم وهداية الرحمن..
كوثر تطالع في اخوها فرحانة وهو فهم نظرات الشكر من عيونها..
سعاد:خلاص اذا جات امكم سلموا عليها انا بمشي..
نرجس وكوثر:يوصل انشاء الله..
اما شهد كانت تفكر ومو معاهم:وااو يعني مانساني بعده يذكرني ويذكر اسمي يافرحتي انا اليوم..
سعاد:شهد يمه وين وصلتي؟!
شهد:لايمه معاك شنو تقولين؟!
حسين كوثر ونرجس فاطسين من الضحك عليها لأن امها صار لها تناديها 5دقايق وهي تقول معاك..
سعاد:لاتتأخرين..
شهد:انشاء الله يمه..
وراحت سعاد وخلتهم متونسين بجمعتهم..

** * * *** *** ** *** * ******** **

[فتوتة سكر]

** * * *** *** ** *** * ******** **

جنان قاعدة في غرفتها وبدون أي شعور راح فكرها لحسام وندمت علىالكلام اللي قالته له تحس انها تسرعت..وخايفة من نتيجة فعلها..
سالم دق الباب:ممكن ادخل..
جنان اللي تعرف مراد اخوها من هالزياة:اكييد تفضل..
سالم وهو يلعب في شعرها المنسدل على كل ظهرها:ها اختي شلونك اليوم؟اكلتي ؟
جنان:بسم الله ايه اكلت شفيك ..
سالم:هههه يعني حرام اتطمن على اختي الوحيدة..
جنان:لا مو حرااام..
سالم بجد:جنان انا امس تركتك لأنك كنتي تعبانه بس اليوم جاي وانا كلي رجا انك تقولي لي اللي مضايقك ومثل ماوعدتك ماراح اتخلى عنك ولا الومك على شي سويتيه..
جنان:بس انت ياسالم توك جاي من الشغل وتعبان ..طيب روح ارتاح لك شوي وبعدين والله بقول لك..
سالم باصرار:لا ياجنان لا انا ابي اعرف والحين..خلاص جنان رحميني من التفكير..
جنان بملامح حزينه ومهمومه:طيب راح اقول لك من البدايه..
سالم ابتسم لها:وانا راح اسمعك واكون معاك خطوة بخطوة..
جنان وهي تسترجع ذكرياتها:لما كنت صغيرة قبل كم سنه..ماكنت اعرف شي عن الحب او عن المشاعر لكن فجأة وبدون سابق انذار لقيت نفسي احب الا اعشق وبصورة موب طبيعيه..لقيت نفسي مااتحمل بعدي عن حبيبي لقيت نفسي احب قربي منه ..كنت اتمنى اشارة منه ولا كلمه لكن هو ماعبرني ولا بكلمة ولا حتى بادلني الشعور ماكنت الاقي منه غير الاحترام..بعد فترة من معاناتي واخيراً لقيت انه بدى يهتم فيني لما حس بحبي المجنون له ..لكن القدر كان اقوى مني ومنه وصار له حادث خلى الأمل في موافقة ابوي عليه يختفي ..فانا الحين احاول انساه بس مو قادرة مو قادرة..احبه ياسالم احبه..
وشهقت بالصياح..
سالم كان منصدم اول مرة يدرك انه اخته كبرت وماعادت البنت الصغيرة اللي يهتم فيها ويملي عليها تصرفاتها..
ماعرف شلون يتصرف هو منقهر منها لانها سوت شي غلط وبنفس الوقت مشفق على حالتها المحزنة..
سالم:خلاص جنان..
جنان بخوف وعدم اهتمام:ماودك تعرف منو؟؟!!
سالم بهدوء متصنع ونار تغلي بقلبه:منو ياجنان منو اللي سبب لك هالعذاب كله؟؟!!
جنان وهي سرحانه:ناصر!!!
سالم منصدم:ناصر؟؟ولد خالتي ماغيرة..
جنان بحسرة:ايوه هو ماغيرة..
{اهنيه تذكر سالم وفاء بنت خالته اللي هو معجب فيها مووت بس ماتكلم عنها ولا بين لحد هذا الشي لأنه يعرف انه ابوة بيرفض رفضاً باتاً لسبب مايعرف منه انههم اقل من مستواهم بالرغم من العز اللي هم فيه..}
سالم:طيب ياجنان هو يحبك؟
جنان كأنها مافهمت السؤال:ايش؟!
سالم بقلة حيلة:ناصر يحبك؟؟!
جنان هزت كتوفها يعني ماتدري وانهمرت دموعها على خدها..
سالم ماتحمل يشوف اخته تعيش بعذاب كذا والحل ممكن يكون موجود وحلف على نفسة انه يطلعها من الحزن اللي هي فيه..
سالم رفع وجهها ومسح دموعها :خلاص جنان مسحي دموعك واعتبري السالفة انحلت ولاتشيلين هم مثل ماوعدتك اني بساعدك فأنا بساعدك..
ومشى بيطلع من الغرفة..
جنان بالموت حصلت صوتها:تعال وين رايح....؟؟!
بس هي سئلت الهواء وماحصلت أي جواب..

{سالم شاب في 26 من عمره طيب وحبوب رغم انه عصبي بس حنون عا** للحين مالقى بنت الحلال اللي يقدر يعيش معها باقي ايام حياته..}

سالم خلاص في اوج انفجارة حمل جواز سفره واخذ محفظته واوراقة الشخصية وركب سيارتة ومشى باعلى سرعة عندة..رايح البحرين..

** **** **** *** **** *****
قعدت شهد مع كوثر ونرجس وتونست معاهم وتعشت والحين قررت انها ترجع بيتهم عشان امها ماتحاتيها وعشان لايرجع اخوها ويلاقيها لساعة 9 برا البيت ويعاتبها..

شهد:يلا كوثر ابي اروح تأخرت..
نرجس:توها الساعة 9..!!
كوثر:ايه خلك شوي معنا ..
شهد:لا مرة ثانية انشاء الله الزيارة عليكم..
كوثر ونرجس:ولايهمك علينا علينا..
الكل:ههههههه هههه
وراحت كوثر تدور اخوها حسين..
كوثر حسين يلا قوم نوصل شهد تبي ترجع بيتهم..
حسين:طيب ثواني وبجي لكم..
كوثر تتحايل عليه:حسون اخوي..
حسين عرف انها تبي شي منه:نعم كوتو شتبين؟!
كوثر:بليييز حسين ودنا معك البحر..!
حسين:البحر..؟؟!!
كوثر:ايه البحر ..تكفى حسين نفسي نرجع مثل ايام قبل لما كنا نروح البحر ومانرد الا الفجر..
حسين عجبته الفكرة:وليش لا..!
كوثر:يعني بنروح اقول لنرجس تاخذ مستلزمات السهرة..
حسين بابتسامه:قولي لها..
كوثر ماساعتها الفرحة الا انها ترفع نفسها لأخوها وتبوسه على خدة وتمشي بسرعة عشان تبلغ نرجس..
وحسين يضحك على حركاتها العفوية..
(كوثر ونرجس متشابهين في كل شي الا في شي واحد..ان كوثر تحب تماشي الناس وتتكلم معاهم عكس نرجس انطوائية واكثر هدوء من كوثر وماتحب تتخالط مع الناس وعندها اهل بيتها واسرتها احب ناس على قلبها..)

وصلوا بيت سعاد ..
كوثر:ها شهد مابتغيري رايك ترى عادي تروحي ويانا ..
شهد عرفت انها ماتستحمل تكون مع حسين بمكان واحد وخافت ان نظراتها او دقات قلبها القوية تفظحها فقالت: لا مشكورين انا فينيس النوم مااقدر اروح معكم..
حسين:خلاص خلي البنت على راحتها..
وكانت السيارة قريبة من باب البيت مره والنوافذ مفتوحة لأن الجو كان روعة..
دقت شهد الجرس وبعد فترة قصيرة انفتح الباب بحركة بطيئة وطل منه خليل..
كوثر تفاجأت بوجود خليل في البيت دون مايروح لها عشان يجيبها البيت ..
خليل :تو الناس كان ماشرفتي..
شهد:انت مالك شغل..امي تدري وانا حرة..
ودخلت عنه البيت..
حسين نزل من السيارة وطبعاً الكل سمع كلامهم لان السيارة قريبة منهم والنوافذ مفتوحة..
خليل لما شاف حسين رجعت له ذكريات حلوة معاه وابتسم..وتقدم ببطئ له وفتح ذراعينه عشان يسلم سلام حار على صديقه..
وبعد التحيات والسلام وبث الأشواق..
حسين:شفيك على البنت مسكينة احرجتها؟؟!
خليل:والله مااحبها تتأخر عن البيت..
حسين:انا اللي قلت لأمك تخليها وانا بوصلها وكاهي عندكم سالمة غانمة بلحمها وشحمها..
كل اللي في السيارة وبر السيارة ضحكوا عليه:ههههههه
خليل ماكان يشوف اللي في السيارة بوضوح لأنهم كانوا في الظلام وماكان ينشاف منهم شي بس هم كانو يشوفونه وهو كان يقدر يحس بقرب كوثر منه..
حسين:اوه عسى ماشر شفيها رجلك..
خليل:ههه لا ماشر بس يوم كنت في البر وانا ماشي دست على قرشة قزاز ..وانكسرت ودخل الغزاز في ريولي..وكاني مو عرف امشي كأني وحدة حامل..
الكل:ههههههه
كوثر خافت عليه فبدون أي تفكير طلعت راسها من النافذة:سلامتك خليل ماتشوف شر..
حسين ماشاف في حركتها شي لأنه مايدري شلي صاير..
بس خليل عرف من حركتها انه فيها شي بعد اللي قاله لها ذاك اليوم عند بيتهم..
خليل مبتسم:الله يسلمك كوثر..مشكورة والله ماقصرتي..
كوثر:لاشكر على واجب..
ورجعت راسها في السيارة وصار مايشوفة..
حسين:ماشاء الله عليك يابو الشباب شلون عرفت ان هاذي كوثر..
خليل ارتبك ومافهم سؤاله وماعرف شيرد فضحك عشان يخفي توترة:مادري بس كذا عرفتها..!!
حسين:ههههه زين اجل انا بمشي بنروح البحر..وسلم لي على الكل..يلا في امان الله..
خليل:يوصل انشاء الله..وفي حفظة يالغالي..

** * ** * ******* ** * **** *** * ** **

[فتوتة سكر]

اما في مكان ثاني هابه عاصفة هوجاء من كثر الأنفعال..
عبير:قلت لك يا يمة انا ماابي احد ثاني..
هدى:بس يابنتي هذا ريال وخوش ريال بينفعك..!
عبير:ليش وناصر مو ريال يمه انا لما كلمت وفاء قلت لها اني موافقة على اخوها تخيليني الحين برد في كلمتي..
هدى:والله يابنتي انا ابي مصلحتك تخيلي لو ناصر ماشاف طول عمرة ماراح ينفعك صدقيني..
عبير:يمه انا قابلة في ناصر سواء شا ولا ماشاف..ولا تدرين بالعربي انا مرتاحة لهذا الريال واحس ان عيشتي معاه بتكون مريحة..
ابراهيم كان يراقبهم بصمت ولا كأنه موجود بس خلاص ماعاد يستحمل..
وبصوت عالي:والنهاية يعني انا مالي احترام عندكم ولاكأني موجود..!!!
عبير:لا يبه آسفة انت الكل في الكل..
ابراهيم:يابنتي انتِ تبين منو؟؟
عبير وهي تناظر امها:ابي ناصر..!!
هدى:بس ياابراهيم مايصير.......
قاطعها:سكتي انتِ ياهدى البنت هي اللي راح تعيش حياتها مو انتِ وخليها تختار اللي تبيه..
ويكلم بنته:عبير انتِ واثقة من قرارك؟واثقة من اختيارك؟؟!
عبير بكل ثقة:ايه نعم ابوي واثقة منه كل الثقة..
هدى:لكن يابنتي بكرة ماابيك تجين لي تبكين حظك ولا تتشكين انتِ اخترتي وأنتِ تحملي..
عبير:اكيد يمه اكيد..
ابراهيم:خلاص انا بكرة بكلم ابو ناصر وبرد له خبر وبقول له ان حنا موافقين وانتِ ياهدى كلمي المره وقولي لها ان مافي نصيب وان البنت موافقة على اللي تقدم لها..
هدى بعجز:انشاء الله ..

** ** ** ***** * ** ** **** * ** ****
واثناء ماسالم في السيارة اتصلت عليه جنان مرتين من موبايلها ولارد عليها واتصلت لهامه من البيت 3مرات ولا رد عليها وكاهو حسام يتصل فيه للمرة الخامسة..
رفعة سالم بدون نفس:نعم؟؟!شتبي..
حسام:وينك ياخوي من زمان اتصل فيك..!؟
سالم:خلصني شبغيت..؟!
حسام:شفيك معصب؟!
سالم:مافي شي قول لي شتبي ولا سكر عني تراني مالي خلق احد..!
حسام:وين انت؟!
سالم:والله انا في الطريق بروح البحرين..
حسام:صج والله ..! ليش ؟؟ماسمعتك امس تقول انك بتروح البحرين..!!؟
سالم:والله صار عندي ظرف عائلي فمظطر اني اروح..
حسام:اهاا ودخلت انت الحين الجمارك..
سالم:لا بعدني مااوصل ليش؟!
حسام يتنهد:آآآآه ياسالم ابيك في موضوع ضروري الله يخليك تعبت من الكتمان ابي اقول لك شي..
سالم خاف على صديق عمره :ليش فيك شي ياحسام..!قول لي تراك خوفتني عليك..
حسام:السالفة ماتنقال في التلفون..
سالم:اوكي خلاص تعال لي عند مطعم(****)
حسام:اوكي..
... .. . ... . ..... . ...
والتقوا بعد كم دقيقة في المكان اللي اتفقوا علية..
سالم:خير ياحسام خوفتني..
حسام طالع فيه بتردد وبدون أي مقدمات قال:أنا احب اختك..!!!
وبدون مايحس سالم ضربه ضربّة بنت *** سيلت الدم من شفايفة...!!!!!
حسام رغم الألم:صدقني ياسالم انا ماقصدت فيها شي انا قصدي شريف وانا جاي اقول لك عشان ابي اطلب يدها واتزوجها على سنة الله ورسوله..
سالم بتهديد:شوف حسام روح العبها على غيري انا عارف حركاتك وجنان اختي بعدها عن تفكيرك مالك شغل فيها ولا لها شغل فيك..سمعت ولا لا..؟!!تراها اغلى علي من نفسي وان حاولت لو بس تتكلم معاها راح تلاقي مني اللي مايسرك.!!
وطلع كمل طريق للبحرين..
وترك قلب تحطم ..ترك امآال تتهدم..ترك حسام يندب حظة ويبكي حبه اللي ماابتدى..


*** *** **** ** *** ** ***** *

ياترى بعد اللي صار هل في امل لحسام وجنان مع بعض؟وهل راح يقنع سالم ناصر انه ياخذ اخته؟وراشد المسكين هل بيخطب وحده غير عبير بعد مارفضته ولا بييأس؟؟وهيفاء كيف نهاية التخبي اللي هي عايشة فيه؟واحلام شبيصير معاها في علاقتها مع نايف؟؟وشهد هل بيحس حسين في حبها له؟؟
انتظرو الاجزاء الجاية من قصة:وقال القلب :آه..
وانشاء الله تعرفون شبيصير..
*******************************
الحين ابغا توقعاتكم
ولا تبخلون علي بردودكم

[فتوتة سكر]

الجزء الرابع والعشرين..
انتهى يوم الاربعاء والبعض فرحان والبعض زعلان ويوم حلو ويوم مر..
سالم وصل البحرين بوقت مايسمح له انه يقابل ناصر فبات في فندق على امل انه يروح له يوم ثاني ويشوف الحل في هاي المشكلة !!

** ** * * ** *

يوم الخميس الفجر والأذان يأذن والرياييل منهم من راح صلى في المسجد ومنهم من صلى في بيته ..
في المسجد كان ابراهيم(ابو عبير) يصلي مع الجماعة ..عقب ماخلص صلاته توكل على الله بيرجع بيتهم وهو طالع من باب المسجد شاف ابو ناصر وسلم علية سلاام حار ومن بعد السلام..
ابو عبير:والله زين اني شفتك كنت ابتصل فيك ..!
ابو ناصر عرف الموضوع:زين والله اني قصرت عليك المسافة..
ابو عبير:هههههه..اي والله..
ابو ناصر:قول شنو بغيت مني ولاتستحي ترانا اخوان قبل لايصير بيننا شي وسواء قبلتوا في ولدي ولا رفضتوه بتظل بيننا علاقة محبة وتواصل..!!
ابو عبير ارتاح من رمسة ابو ناصر وارتاح اكثر ان بنته بتكون في رعاية هالناس الطيبة اللي لو لفوا الدنيا وداروها مابيلقون احسن منهم: صح السانك ياخوي والله انك اصيل واكيد ولدك راح يكون مثلك ومستحيل اني افرط فيه وبنتي ماراح تلاقي احسن منه والله يشفيه من بلواااه ويسعدهم انشاء الله..
ابو ناصر ارتاح لرد هالريال الطيب صج هم على قد حالهم بس ماشي على اخلاقهم:والله انك ريحتني ياخوي ماتدري شكثر كنت احاتي ولدي وانشاءالله بنتك هي بنتي وبنعوضها عن كل شي..ناقصها..
ابو عبير:تسلم والله وشرايك بعد هالخبر الحلو اعزمك ع فطور من ايد بنتك عبير ولااحلى منه ..!
ابوناصر:هههه دامه من ايد الغاليه بنت الغالي ماقدر ارفض..... ..

وراح ابو ناصر مع ابو عبير بيتهم دون مايتصل في زوجته بدرية اللي كانت تنطرة..!!

** ** **** **** *

وفي بيت عبير..
احلام كانت قاعدة من الصبح عشان تبي تعود نفسها حق المدرسة وفي نفس الوقت عشان ترمس نايف قبل لاحد يقعد ويشوفها..
هي شبكت النت وشافته شابك{ طبعا هو كان يكلم وحده غيرها بس من شافها ترك الكل وراح لها..واحد لعّاب شتتريون منه؟!!!!}
وكلمته شوية وبعدها كلمته بالمايك وطولت معاه وهي متونسة..
وبعدها استأذنت منه لأنها تعرف ان امها بتقعد الحين عشاان تصلي وماتبي حد يشوفها فطفت النت وقامت..
نزلت تحت..راحت المطبخ..
طلعت لها 3 بيضات وحطتهن بالمغلى وطلعت لها 4 برتقالات تبي تسوي لها عصير برتقال طبيعي..
رن جرس بيتهم..
سحبت شيلتها ولبستها وراحت فتحت الباب..
احلام شافت عمها ابو ناصر وتونست تمووت على سوالفة من وهي صغيرة:السلاام ..شلوووونك عمي؟؟!
سعود:ههه وعليكم..ياحي الله المزيونة ..انا يسرك حالي يابنتي وانت شحالك؟!
احلام:آآآآه اسلم عليك..
ابراهيم ماطافت عليه تنهيدة بنته وعرف ان فيها شي..بس ماحب يعلق حالياً..
احلام:الا اقول عمي ها شخبار الصلعة مانبت لك فيها شعر؟!
ابراهيم:هههههههههه
سعود:زين يعني كذا تفشليني قدام ابوك ..!!
احلام:ههههههاااي عادي غير الا ابوي..
الكل:هههههههه
سعود:اوه شنو هاي الريحة كنها ريحة شي يحترق..!!!؟
ابراهيم:صدقك في ريحة شي يحترق..!!
احلام وهي تطق يبهتها بيدها اليمين علامة اللي توة متذكر شي:اووووووه نسيت البيض واكييد الحين احترق..!!
الكل:ههههههههه هههههه
احلام وهي رايحة المطبخ وتدور ويهها طرف عمها وابوها:كله منك ياابو ناصر خليتني التهي صبر الا اوريك(وحركت صبعها وهي تتوعد خلتهم ميتيين من الضحك عليها..

ابراهيم:هههه فديتها هالبنت تدري لو ماوجودها في هالبيت كان الحين البيت هدوووء هي اللي عاطية البيت جو المرح ..

سعود:الله يخليها لك والله يعلم اني احبها مثل بناتي..
الا وعبير تنزل الدرج بعد ماخلصت من الصلاة..وكانت لابسة شيلتها ماشالتها من خلصت صلاة..
وراحت بكل هدوء عكس احلاام تماماً:السلام عليكم..
سعود+ابراهيم:وعليكم السلام..
عبير:شلونك عمي؟!
سعود:بخير ياويه الخير ..مبروك عليك ولدي..ّ!!
عبير صار ويهها احمر من الحيا:ههه الله يبارك فيك..
ابراهيم:هههه شوف شلون خليتها..
اقول عبير قومي حبيبتي سوي لنا انا وعمك فطور احنا بنروح نقعد في المجلس...
عبير:فديتك انت تآمر امر..
وراحت عبير المطبخ ...وراحوا سعود وابراهيم المجلس..وسعود كان مرتاح لعبير ومعجب في اسلوب تعاملها وفرحان لحظ ولده فيها بحيث انها تملي أي مكان تتواجد فيه بهيبتها..!!
** ** * ** ** *** ****

ام ناصر نزلت قعدت في الصاله تنتظر ابو ناصر وهي متهلوسة والافكار تضرب يمين وشمال في عقلها وماطاعت تفطر قبل لايجي..
وفاء وليلى من صلوا الصبح ماناموا..
كانت وفاء تنزل على الدرج ومعاها ليى وتنزلها درجة درجة وليلى ماسكة ايد وفاء وهي منصررعة وتحس عمرها بتطيح ..وفاء تضحك عليها>>وهاحالتها من تنزل او تركب د رج..
وصلوا نهايه الدرج بئر الامان بالنسبة لليلى ..
وفاء:صباح الخير يمة..
بدريه بنظرة سريعة:صباح النور..
ليلى:صباح الخير لأحن خيه بالعالم..
بدريه:ههههه فديت قلبك صباح النور..
يلا روحوا فطروا؟مو زين لكم تقعدون بلا فطور..ومابقي الا يوم على جامعاتكم..
ليلى:اوكي بس بغيت منك شي..
بدرية :آمري تدللي حبيبتي شبغيتي؟!
ليلى والحزن بادي عليها:اشتقت لماماوبابا..!!!!!!
وفاء صخت اول مره من جات ليلى تطريهم وهم صج كنهم نسوا وجودهم في حياتهم او يتناسون ..
بدريه من ذكرت ليلى طاري امهم وابوهم حن قلبها عليها ..
هي تعرف ليلى رغم انها معهم في البحرين بس فكرها مع امهم وابوهم اللي في لندن عشان علاج امهم (مشاعل)الله يكفينا شر جميع الامراض ويكفيكم كلكم ..هم سافروا في نفس اليوم اللي جات فيه ليلى البحرين وخلفوا وراهم 3 بنات كل وحده في وادي ..واولهم:
ام جنان..ومشكلتها خوفها على بنتها جنان وحالتها وعلى ولدها سالم اللي للحين ماطاع بعرس..وعلى ريلها اللي تغيرر وصار مغرور على اللي اقل منه في الثروة لسبب ماحد يعرفة..
والثانيه:
ام ناصر ..والتوتر اللي يسيطر على حياتها بسبب هالشكوك اللي تسيطر عليها..وخوفها على اولادها ناصر وهادي اللي كلن فيه شي غير عن الثاني..وخوفها بعد على ولد حماتها الله يرحمها ..نايف لانه تحسة دووومه هايت..ولايسوي شي مفيد..
والثالثة:
ليلى البنت الورديه الشففافة اللي تنحب من اول نظرة بس هي ماتحب حد بالساهل يادوبها مع صديقاتها ..وهي كانت في الاجازات مع وفاء وعبير وبالمدرسة في السعودية بس الحين الحال تغير وصارت بالجامعة وبالبحرين وهي ماغيرت جامعتها الا بسبب خاااص كان يزعجها وااايد..
..خواتها عرسوا وظلت بروحها مع امها وابوها في البيت وكانت دلوعتهم ومرررره دلووعة والكل يعرف هالشي ولأنها اقرب وحده لامها وابوها فهي اكثر وحدة تأثرت بسفرهم للندن ولو وافقوا انها تروح معاهم كان تركت الجامعة وراحت..
... .... .... . ..... . .... . .. . .. .. .. . . . . . ... . ... ..... ....

[فتوتة سكر]

بدرية:حبيبتي ليلى انت كنت جنبهم يوم كلموني بالتلفون وقالوا لي انهم بيتصلون من يستقرون في مكان محدد...
ليلى:بلييز بدرية حاولي تلقينهم والله اني خايفة على ماما مدري شصار عليها والله ودي اسمع صوتها ..
بدرية راحت لها وضمتها لصدرها:لاتخافين يا ليلى بفضل الله ثم بفضل دعائنا امنا بتقوم وبتقوم بصحة وعافيه..
ليلى:يااااااااارب تحفظ لي ماما من كل شر وتشفيها..
والتفتت لوفاء وكانت في عالم ثاني..هي اول مادرت عن مرض يدتها الغاليه على قلبها صاحتها وصاحت حظها بس تناست الموضوع والحين يوم رد انفتح كأنها تلقت صفعة على وجهها..
ليلى:وفاااء!! وفاااء؟؟وفاااء شو فيك؟!
وفاء:لا لاااا مايصير !!
بدريه خافت من شكل بنتها:يمه بنتي ..وفاء شنو اللي مايصير؟؟!د
وفاء وهي ترجع للواقع:يدتي يمه حرااام اللي يصير فيها انا احبها..ودمعت عيونها..
ليلى تلومت على نفسها لأنها فتحت الموضوع وهي عارفة شو صار لوفاء يوم درت..فراحت لها ومسحت دمعتها بصبعها وابتسمت لها:ادعي لها وفاء ادعي لها..
وراحوا فطروا ورجعوا الصاله..
بدريه تفكر:الساعة صارت 8 وللحين ماوصل مادري وين راح ولا شنو صار عليه اكييد مع....بس رنة الجر س منعتها تكمل تفكيرها..
وبتلهف قامت تفتح الباب..ولاحظت هالتصرف كل من وفاء وليلى..!!واستغربوه!!
.. .. .. .. . ... . . . . . . ** * ** * * * ** ... .. . . . .. . . . ....
حسين قام من النوم وتسبح وصلى الصبح في غرفته وماحب انه يطلع منها الا اذا شاف شوو في المغلف لأن خلاص الفضول بياكله يبي يعرف شوو فيه..
مشى صوب الشنطة الكبيرة اللي للحين ماطلع كل اغراضة منها وحط معهم مغلف ليلى عشان محد يشوفة..
قبل لايفتح الشنطة لمح على الطاولة ورقة وسحبها وكان مكتوب بخط كوثر..
اخوي الحبيب حسين
مشكور على الطلعة اللي طلعتها لنا امس..
والله استانسنا مثل اول واكثر ..
ولاعاد الاسكريم لذيييذ!!
ولا البحر يجنن بلونه الازرق اللامع..
عاد ياحسون بكرة المدرسة بتفتح ابوابها من جديد وحنا في ثالث آخر سمستر لنا ونحتاج كل اسبوع طلعة مثل هاي..
فديناك ..

خواتك التوأم..
وي لوف يو..
. .. .. . .. .. ... . .

حسين ضحك من الخاطر على حركات خواته وبصوت عالي:وسموني حسون بعد الله يقطع شرهم..
وهو يشوف هالتعامل من خواته ومن اهله كلهم ومن جيرانه واصحابة والترحيب اللي رحبوا به يحس بندم على الغيبة الطوييله اللي تعمدها دووون داااعي..
مسك المغلف فتحة وطلع اللي فيه ... كان فيه اورااااق ..كل ورقة يختلف لونها وشكلها وحجمها عن الثانية ..
وكان في كل ورقة مكتوب شي بخط وااحد مرتببب وجميييل بشكل روووعة..
رفع ورقة وقرأ فيها..
ما اصعب الفراق!!
مااجمل هذه الدنيا عندما يعيشها الأنسان مغموراً بالسعادة,
والسعادة تكون حيث يجتمع الأحبه ويتم اللقاء ..
واصعب مافي الحياه عندما يعاند القدر لقاء الأحبه,
ويقع الفراق حين ذاك ..
فنشعر باليأس والقلق..
حبيبي لا تيأس فأنا اشعر بأننا سنلتقي من جديد ..
كيف لا؟
وانت حبي القديم والأزلي..
يا بابا. .

هنيه انصدم حسين كان متوقع ان الكلام مكتوب عشان واحد وبالتالي يطلع حق ابوها.. بس نزل تحت الوورقة في كلام ماخلصت..

كتبت شعوري اللي احس به قبل لا اروح البحرين عشانك يا قلبي لما التقي بك تقرأ كل مشاعري اللي احسها وتقدرها..صج اني ماقد شفتك بس اكييد بتكون لي احلى شي في حياتي..
حبيبتك:ل.م..
بس وانتهت الورقة وظل حسين حيران يفكر بقصدها وافكارها ..
وطالع في الحروف الاخرة اللي تدل على اسمها وفكر ان ممكن ل:يعني لمى وم:يعني اسم ابوها ..
{هي كانت تقصد بالحروف ليلى وم:منير اسم ابوها}
وترك هالورقة وهو حيرااان ومسك ورقة ثانية..
ومكتوب فيها:
مرثية عاشقة الليل..
قال:من انتِ؟..
قلت:انا عاشقة الليل وبه ساكنه..
قال:انا اسمع عنك ولا اعرفك..
قلت:انا اللذي سرق الزمان احلامي..
والحزن في الكون ابكاني..
وصار الظلام مسكني ومأواي..
قال:انتِ حزينه وتضحكي للناس مبتهجة..
قلت:انا اضحك لكن قلبي بين الاضلاع يرتجف..
قال:انتِ متشائمة وكئيبة..
والدنيا من حولك مبتهجة..
قومي اطوي صفحة الاحزان وخاويني..
قلت:استحلفك بالله ان تتركني وانصرف..
قال:انا ذاهب ياعاشقة الليل بلا رجعة..
فقلت:اذهب واضحك للدنيا اما انا فأعيش وسط ذكرياتي واحزاني...
احزاني على ماما الله يشفيها والله عشانها فديت قلبها اضحي بك وبعشر من امثالك..
ياااااارب ياكرييييم طول لي بعمر مامي واحفظها لي واشفيها من مابليتها به ياااااللله ياقادر يارحيم..
المخلصة لمن تحب:ليلى....
حسين متفاجأ من هالانسانة ومن مشاعرها الحنونه والرهيييبة يحس بها غير عن البنات اللي في مثل سنها يحس في تعبيرهاا شي غييير تذكرر شكلها وابتسم وهو يفكر:اسمها ليلى ..الله حلو اسمها طالع عليها..
. ... .... ....
حسين كان مستمتع وهو يقرا اوراق هالانسانه الرقيقة بس ماجا على باله انها ممكن ماتحب احد يقرأ اللي تكتبه..!!!
ومسك ورقة ثالثة مكتوب فيها..
مالشيء الذي يقتلنا ببطء؟
مالشيء الذي يسبب عذابنا؟
إنه ذلك الشيء الذي يدعى الحب..
ها انا أسميك شيئاً لاقيمة لك..
إلى متى ايها الحب سوف تسيطر على قلوب البشر؟
انت من يجرد الانسان من شخصيته..
من كيانه..
انت من يجعل الانسان ضعيفاً..
الا ترغب التغيير؟
الم تمل من تصرفاتك ..
الا تريد الرحيل عنا؟
ابتعد...ارجوك..
آه كم انت ظالم ايها الحب...
لك حبيبي لك وحدك لا لغيرك لقد مللت الأحلام ولكن دون تعب فسأظل
احلم بك واحلم واراك في منامي المكان الوحيد الذي القاك فيه
الى ان تظهر حقيقة وتحول الحلم للحقيقة..
من تحب حلم صامت لايتكلم
من تحب خيال سارح لايفكر
ليلى
حبيبة ماما وبابا..
وموقعة..توقيع بسيط..
حسين هنيه ارتبك وماعرف شسالفة ليلى مرة مشاعر خوف ومرة مشاعر حب ومرة مشاعر يأس..صج غرييبة هالبنت والاغرب هو كتابتها بهالطريقة..يعني هي ماكتبت في دفتر واحد الا كل ورقة بقلم غير بشكل ولون وحجم غييير..
ومسك ورقة صغيرة لقى فيها:
في عيون زورقي المح حزن هذا العالم ..
والمس وجه شواطئة الدفينه..
والشيب الابيض يفلح في كل مكان..
يترنح في كل جزء..
وانا مكاني واقفة كالضائعة..
ليس بيدي حيلة لأحل مشاكل من احب آه يا وفاء كم اتمنى محو الحزن من ملامح وجهك وكم اتمنى لو يتغير العالم للاأفضل آه احبك واخوك وابيك وامك وماما وبابا واتمنى ان لااراكم حزينون ابداً..
ياحبي اريدك فيما بعد ان تعرف كم احب هؤولاء القوم وككم اتمنى ان لاافترق عنهم فلا تحاول بتاتاً ان تمنعني عنهم بعد ارتباطي بك ..
من تحلم بك:لولو..
.. .. .. . .. . . .
حسين تعب كثر مادقق وفكر ولم الأوراق للمغلف وسكرة مره ثانية..
وظل بفكر بهالبنت الغريييبة اللي سلبت له عقلة وفكره..
* ******* ** ** * ** * * ** **

فتحت بدريه الباب دون ماتطل منوفيه ودون ماتسأل لأن على بالها انه سعود..
تفاجأت يوم شافت سالم ولد اختها واقف ع الباب..
سالم:مرحبا كيفك خالتي..ولوى عليها يبوس راسها..
بدرية:مرحباا حياك الله..
سالم:الله يحيييك..
بدرية:غريبة سلوم متنزل تزورنا في بيتنا وين ابوك عنك..
سالم اللي يعرف انه خالته زعلانه منهم لانهم ماصاروا يزورونهم مثل قبل..
سالم:شدعوة خالتي والله انكم دووم في البال بس تعرفيني مشغول بشغلي..
بدرية:وشخبار امك؟!اللي ابد ماتسأل ولا تتصل..!
سالم:زينه يسرك حالها..
الا اقول خالتي مو ناوية تدخليني بنتم عند الباب وااايد..
بدريه:ههههه تفضل البيت بيتك..
دخل وشافوة وفاء وخالته ليلى..
وفاء على طول لبست شيلتها ..اما ليلى من شافته قامت له وسلمت عليه..
سالم:عاش من شافك خالتي والله انك من طلعتي من السعودية والنور منعدم ..
ليلى:ههههه حليلني اكيييد بينعدم لأني نورها وماتسوى بدوني..
سالم:ههههه فديتك والله من بعدك ضعت ماعرف اكلم منو..
ليلى:فديت قلبك خلاص تراني موجودة هنيه متى مابغيتني اتصل بي..
سالم:خلاص عجل اتفقنا..
{سالم اكبر ولد اخت عند ليلى وهي قريبة منه وااايد لأن فلة ليلى مع امها وابوها قريبة من قصر ابو سالم فدووم يتزاورون خصوصا ليلى وسالم اما جنان نادرة زياراتها لها..}
سالم التفت لوفاء ولقاها محلوة وهاذي عادتها من يوم هي صغيرة حلوة الكل يمووت في جمالها..
سالم:شخبارك وفاء؟
وفاء بدون نفس:الحمدلله بخير..وانتوا شخباركم؟
سالم:تمااام نحمد الله ونشكرة..
ليلى:وشخبار جنان؟
سالم:بخييرر تسلم عليكم..
وفاء بنظرة تمووت:وليش انشاء الله ماجات معاك؟اوه صج نسيت بيتنا مو قد المقام الرفيع..
وقامت دون ماتنتظر الرد وراحت المطبخ..
سالم سكت وماعرف شو يرد لان معاها حق في كلامها..
ليلى:شفيها ذي جنت بقوم اشوفها..!
وراحت المطبخ لوفاء ولقتها تاكل تفاحة وعلامات القهر باينه ع وجهها ..
ليلى:شفيك وفاؤه ليش سويتي كذا؟!
وفاء:افففف اكرررهة عنلاااتة الخااام مدري ع شو شايف حاله ولا رافع خشمة ولا مافيه شي زود عن باقي الناس والله ان اللي بقى يصقعني يوم يصير لناصر الحادث احلىىى منه بوااااايد ومع ذلك مو شايف نفسة كذا..
(اللي بغى يصقع وفاء ذاك اليوم كان راااشد ولد ام راشد ماغيره وهي المسكينه تقول انه مو شايف حاله ماتدري ان غرورة اضعاف اضعاف غرور سالم!!)
ليلى:هههههههههههه ههههههههههههههه هههههههههههههههه
وفاء وهي معصبة ومو حاسه هي شقالت اصلاً:هيي يا السباله لييش تضحكيين؟ماقلت شي يضحك..
ليلى:وفاؤة توني اكتشف انك نكته..!
وفاء سكتت وحست بالغلط اللي سوته بس ماحبت تعترف..
ليلى:صج وفاء حررام عليك سالم ماله دخل.....
قاطعتها:لا والله شوفيه هو واخته شايفين نفسهم مدري ع شو الظاهر نسوا انهم بشرر حالهم حالنااا..
ليلى:وفاء عيب عليك هاذوللي اولاد خالتك مايصير تتكلمين عليهم كذا ..!!
وفاء:موب مهم المهم الحين نبي نروح نشتري لنا اغراض للجامعة ونجهز نفسنا...
ليلى:ايه صح ..
وطلعوا الصاله..
وفاء ماالتفتت لسالم ولا طالعت فيه بعكسه هو اللي كان يتأمل شكلها الحلو وانتبه للمعه في عيونها الخضر وبياض وجهها الناصع وصفاء بشرتها ولاحظ انها تشبه جنان اخته شوي ...هو سمع من ليلى ان شعر وفاء نفس شعر جنان بس اطول شوي وهو يموووت في شعر جنان الحلووو ....
وقف نفسة شوي..هي انا بشو قاعد افكر ليش متعب نفسي والله لو قلت لأبوي ليسوي لي سالفة لكن يجوز احاول مع ابوي لاني مابلقى احسن من بنت خالتي..
وفاء:يمه نبي نروح انا وليلى السوق بنتشرى لنا كم شغله للجامعة..
بدريه:روحوا اكو السواق برا بس لاتتأخرون..
ليلى:سلوم صج شعندك جاي اهنيه؟
سالم:والله جاي اشوف ناصر بغيته في موضوع..
ليلى:بس ناصر نايم..
سالم:عادي بنتظرة..
ليلى:اهاا اجل ليه ماتودينا انت السوق..؟!!!!!
وفاء رفعت راسها متفاجأة من اللي سوته ليلى كان تقرصها على ايدها..
ليلى:آآآآي عنلاتك عورتيني..
وفاء:مايحتاج تتعبين الريال وتضيعين وقته الثمين والسواق موجود برا يله امشي نركب نلبس عبياتنا ولا ترى بركب عنك..
ليلى وهي تضحك عليها :زين زين..
وركبت معاها خطوة خطوة ولبسوا ونزلوا وراحواا..
وسالم مستغرب من وفاء اول مرره تسوي له كذا هي دوووم ماتعطيه وجه بس هالمررة زودتها...
* **** * * *** ** * ** ** ** **

[فتوتة سكر]

سالم من سمع كلام ناصر وهو حاس عمره بيختنق ومو قادرر يتنفس ومو عارف كيف يخبرر جنان بهالخبرر خايف انها تنهاار وقرر مايرجع السعووديه الا بعد يومين يكون الخبرر وصلهم..
قعد في السياارة وطلع جواله وفتحة الا يلقى 3 رسايل وحده من حسام:
ياسالم الله يخليك ياحبيبي لا تفهمني غلط بليييز كلمني ابيك انت صاحبي الوحيد مالي غيرك اتكلم له بليييز ..اخوك حسام..
والرساله الثانيه من امه..
سالم ياوليدي وينك جوالك مقفل اتصل فيني ياحبيب امك والله احاتيك..
والرساله الثالثة من جنان:
اخوي حبيبي ارجعع والله بمووت بليييز سالم تعال لي انا محتاجتك ...وانتبه لنفسك والله لو صار لك شي ماراح اسامح نفسي عليه لاني السبب في اختفائك هذا ..
....... ........ .......... ............... ...............

سالم بعد ماقرأ الرسايل اتصل في حساام..
ومامداه يكمل رنه الا رفعة..
حسام:سالم حبيبي انت وينك..؟!
سالم بصووت ثقيل ومليان هموم: انا موجود ياحسام بس احس نفسي مخنوووق ياحسام قول لي ليش يصير لنا كذا آآآه والله ان ابوي السبب
خلاص بموووت ياحسام بموووت..
حسام بخوف:سلامتك من المووت يعله مايوصل لك انشاء الله ..قول لي شفيك؟
سالم:بعدين بعدين لان هاي السالفة ماتنقال بالتلفون..
وسكوت لمدة ثانيتين..
سالم:حسان اعذرني ع ذاك اليوم لاني كنت معصبب..!!
حسام رجع له امل شوي:معذوور يااخوي والله انت ماسويت شي غلط بس انا غبي كان المفرووض اقول لك الموضوع بطرريقة غيير بطريقة اخلاقية بس انا دخلت عررض بالسالفة..
سالم:ههههه هذا انت ماتجووز..
حساام ارتاح لأن سمعه يضحك: هههه وين اجووز وانت صديقي..
ضحكوا وبعدها سكر سالم يبي يتصل في امه..
ام سالم:اهليين سالم يابعد شبدي وينك؟!
جنان علطول التفتت لامها يوم سمعت اسم اخوها؟!
سالم:هههه فديت قلبك يايمه انا في البحرين وماراح اجي الا بعد يومين عندي قضيه ..
ام سالم:طيب ليه مااتصلت لي بلغتني خوفتني عليك..
سالم:ماعاش من يخوف الغالية..
جنان:يمه عطيني بكلمه..
سمعها سالم بس مايبي يكلمها:يمه انا مشغوول لازم اسكرر سلمي على جنان وابوي..
ام سالم:ابوك مسافر عنده مؤتمر في كندا اسبوع وبيرجع..وهاذي هي اختك تبي تكلمك..
سالم:اها لايمه لازم اسكرر بلغيها تحياتي يلا بااي..
ام سالم:في حفظ الرحمن ياوليدي ..
** ** *** ** *** ** *** **


وبــــــــس ..
خــلــض الجـــزء ..
اتمــنى انــه نال اعجابكـــم ..
وبليــز لاتبخــلون علــي بردودكــم اللــي تخليني اتحمــس اني اكمــل لكـــم البقيــه ..

[فتوتة سكر]

الجزء الخامس والعشرين..

كان ابو ناصر قاعد ع الكرسي في مكتبة الفخم في شركتة الكبيره ..
وكان مهموم وحزيين حده..
ويفكرر..يفكرر باللي قاعد يصير فيه..واللي راح يصير..
يفكرر في بدرية وفي شكوكها اللي رجعت تلازمها..
وتذكرر موقفة معاها يوم رجع من بيت ابو عبير وماقال لها:
بدرية:لاوالله تو النااس كان لا جيت..كان قعدت شوية بعد..!
سعود:هههه الله يهداك بدوري شسوي والله طاف علي الوقت وماحسيت به..
بدرية:طاااف ولا انت طوفته.؟؟!!
انت ماتحس ولا ماتفهم ان عندك وحده تحاتيك في البيت انا ما طاوعني قلبي افطرر وانت مو في البيت لأني ادري انك مع.....قاطعها..
سعود معصب:بدرية اياني وياك ترجعين للي راح وتقولين اللي في بالك..
بدرية ودمعتها طافرة:لا بقول وبقول ..طيب انت ماتفهمني وتقول لي شسالفة التخبي اللي تمرر فيه مرة روحي بدور شي ومرة من تشوفيني تسكر تلفون ومرة ومرة ولا يعدون ولايحصون..
سعود:ليش يابدوري تسوين في نفسك كذا ليش؟انت فهمي مني وبعدين تكلمي..!!
بدرية:منو اللي كنت قاعد معاها وطاف عليك الوقت دون ماتحس فيه هااه ماتقول لي؟؟!!!
سعوود بااآس لدرجة العجز:ماكو وحده يابدرية شفيك انت؟!
بدرية:لا اكوو وانا متأكدة من هالشي ..!!
سعود:واللي يقدر يثبت لك ان ماكو وحدة..!!
بدرية:يكون افضل لو يثبت بجداارة لأنها بتكوون الفررصة الأخيرة وقسماً بالله العظيم اني هالمرة بطالبك بالطلاق لو على قص رقبتي انا قبل هالمررة عشان عيالي وعشان العشرره اللي بينا سامحتك ووثقت فيك لكن خلااص مابعد المره الثانية الا الذل!!!
سعود توهق وحس نفسه يبي يصيح مثل الطفل..هي عندها الحق انها تشك فيه لأنه صج يكلم وحده لكن هالوحدة مو أي وحده هالوحده بنته هيفااء اللي دخلت حيااته قبل ما تكون بدرية في حيااته :انا كنت عند بيت ابو عبير شفته بالمسجد وقال لي انهم موافقين وعزمني على فطور عندهم انا من
*زوود فرحتي عشان ولدي ماقدرت ارفض ونسيت الدنيا ومافيها ومن ضمن ذلك نسيت اتصل بيك وابلغك اني راح اتأخرر..
بدرية هنيه تهللل وجهها :صج بشررك الله بالخيير يا ابو نااصر ياحبيبي السممووحة منك بس ها تراني عند كلمتي لو شو صاار فخلك امين وصادق معي لأني هم صادقة وامينه معك..
وابتسموا لبعض..رغم ان الشكووك مازالت تدور في عقل بدرية!!..
. ... ... ... .. ..

هذا اللي صار بعد مارجع سعود من بيت ابراهيم..
وظل سعوود متكدر لأنه يحس نفسة مقصرر واايد بحق هيفاء وظالمها واايد وقرر انه لازم بعد ماتتم الملشة على خير وتصير عبير حليلة ناصر وزوجته على سنة الله ورسولة بيبتدي اعترافة بموضوع هيفااء وماراح يتركها لو شو صاار..!!

** ** ** *** ***** * * ** ** *

حسين في الشركة ومستغرب من غياب اخوة رااشد ومكتئب عشان الحاله اللي وصل لها راشد ..كان طول عمررة راافع خشمة ع غيرة رغم اخلااقة العاالية واللي مالها مثيل الا النادر ياما بنات تعرضت له وحاولت تتقرب منه وياما صدهم عشان احساسة بأنه اعلى منهم..
الى ان انكسرر راسة وهذا اللي مايدري عنه حسين لأنه كاان مساافر {راشد صج ماكان يعطي البناات وجه ابدا لكن وحده منهم قدرت تخليه يتغير ويلتفت لها ومو مجرد التفات الا راح وخطبها <مها خطيبته الأولية>لكن الأمور ماجرت بينهم زيين وانفصلوا وهالأنفصال خلى رااشد يهرب من ديرته البحرين ويروح لبنان بحجة فرع شركتهم اللي هنااك..واللي ضايقة اكثرر انها حتى مااحترمته وبسررعة ارطبطت بولد خالتها ويجوز الحين عندها ولد ولا بنت بعد}..
حسين وهو يفكرر بالفرق بينه وبين راشد ويفكر في ابوه راشد الله يرحمه شلون رغم انه كان قاص وجهه وكل مقضي وقته مع البنات وبالمغيزل لكن ابوه عمررة مافرق بينه وبين راشد او قال له شوف اخوك وشوف انت وهذا اللي حاز في خااطر حسين ...
هنيه تذكر ليلى وتذكر يوم يصلح لها سيارتهم وتذكر ابتسامتها المشررقة اللي تصاحبها غمازات غريزة تبينها بشكل حلوو اكثر ..وابتسم وظل سرحاان ومو قادر يركز على شغلة..!

* * *** ** * * * * **** * * * * * **
ونرجع الحين لجنان المنهارة وامها الخايفة ..وحساام المتوتر وخايف يصير في جنان شي وإيثار اللي مو عارفة شتسوي عشان تهدي اخوها او كيف تتصرف مع جنان وامها..
حسام:يلا بسررعة إيثار روحي حيبتي ساعدي ام جنان وجيبي معها جنان وتعالوا بسررعة..
..وراحت إيثار بسررعة دقت الجرس وفتحت لها الباب الخدامه ..
الخدامة وهي منصررعة من اللي تشوفة:بسررعة ماما اكي جنان في موووت..!!
ايثار بصدمة:موووت..بلا غباااء >عصبت على هالفال..وخري مناك وين ماما..؟
واشرت لها على باب يودي للصالة الداخلية..
وراحت وشافت ام جنان قاعدة وهي لا بسة عباتهااللي طايحة على كتوفها وعلى ريولها راس بنتها وهي تمسح على شعرها وهي تصييح صيااح يقطع القلب ..
التفتت ايثار على البنت اللي كانت مو حاسة بعمررها وشافت الأحمرار مو طبيعي فيها وتمت ثواني تراقب ملامحها الصاخبة الجمال ملامحها اللي باينه انها على شفير المووت..
ايثار بصوت مصمم ومتردد:خالتي ؟
ام جنان التفتت للصوت :تعالي يابنتي شوفي ضناي اللي بدت تروح مني تعالي بسررعة الله يخليك لأمك ..
ايثار حنت على حال هالأم المسكينه:ماعلية خالتي قومي برا يلا بنوديها المستشفى ..وتوكلي على ربك وانشاء الله بتكون بخييير..
ام جنان قامت وهي ترفع بنتها وايثار تساعدها وانصقعت اول مالمستها كانت حرارتها مررتفعة بشكل مو طبيعي ابداً..
وهي عندها خبرره من قبل في هالأشياء وطلبت من ام جنان طاسة ماي بااااارد وفوطة نظيفة..وطلعوا برا وهم ماسكين جنان اللي ماتدري عن شي حواليها ابداً..ومعاهم الخدامة ماسكة الماي والفوطة..
وبشوييش ركبوا جنان ورا وهي بعدها بلبس الجامعة وعباة الجامعة ومن الربشة حتى وجهها ماغطوة او كل مايغطونه بالشيلة تطيح الشيلة مع الحركة!!
وحساام يراقب الوضع بصمت وقلبة يتقطع لشوفتها كذا مثل الميتين..!!

وركبت ايثار معهم ورا عشان تحاول تخفف حرارة جنان ..وانطلق حسام بأقصى سررعة عنده..!
ايثار:حسام بلييز خفف السررعة شوي عشان اقدر اسوي لها كمادات كذا تخضنا خض!!
وخفف حسام السررعة..
وقامت ايثار تحط بالفوطة ماي بارد وتحطه على جبهتها ..
اوتعت جنان شوي وبعدها تخربط كلام مو مفهوم..
جنان:لااا والله مايصير ياناس مايصير..!!
ام جنان وهي تصيح:واعلية شنو اللي مايصير ياجنان انا امك قولي لي؟!
جنان:يمه يمه قولي له قولي له مايتركني حراام ..
ايثار دمعت عيونها وهي سااكتة..!!
حسام كان منتبه لكل كلمه تنقال يبي يعرف اللي وصل جنان لهالحالة وماتكلم..!!
ام جنان:منو ياجنان منو ؟!1يمه قولي لي شفيك؟!
جنان ودموعها تصب مثل البحر وكل جسمها يرتجف وحرارتها كل ماجالها تزييد..
ام جنان:يمه بنتي شصار لها !!>وتزيد صيااح..
وتم بس صوت صياح الأم وبنتها ولاحد تكلم..
جنان قطعت الصمت بالكلام المفاجئ كأنها تذكررت شي صدمها:لاااا خذوني له انا ابيه خذوني له ..
حساام متفاجأ من كلامها بس ساكت وهو قلبة يعورره..
ام جنان:يمه منو هذا يمه..
جنان التفتت لأمها وطالعت في وجهها المغطي بالشيلة ودموعها تنهمرر:قولوا له يمه جنان تبيك قولي له يمه اني احبه !!وبصوت اعلى يدل ع الندم:يمه انا ماقد قلت له اني احببة يمه انا مقدر اعيييش من دوونة!!!..
ام جنان عرفت في هاللحظة انها تقصد ناصرر وعرفت ليه جنان تحب خالتها بدرية ووتحب تروح لهم البحريين رغم ان ابوها دووم يمنعها..!!
>وزادت صياااح..
اما حسام كانت كل كلمة تقولها مثل السهم ينهش قلبة ويقطعه كان يحس بالمووت ليش ان حبيبته والأنسانه الوحيده اللي فكرر انه يرطبط فيها تحب وااحد غيييررة..وسيطررت عليه ناار الغيرة!!
وايثار قلبها عورها على هالبنت وعلى اخوها اللي يحبها وعلى هالأم المتألمة عشان الم بنتها بس ماكو باليد حييلة كل شي بأمر رب العالمين..
وصلوا المستشفى..
ونزلت ام جنان وهي ماسكة جنان من جهه ومن الثانية ماسكتها ايثار وكانت جنان بعدها تتكلم لأمها وتترجاها انه ماياخذونه منهاا!!
اما حسام راح تقدم عشان يدخلونهااا..
ودخلوها على طول من بوابة الطواارئ..
وظلت عندها الدكتورة وكلهم براا ..
ام جنان:اقول ولدي حسام ماكلمت اخوك سالم شفته؟!!
حسام وهو ماله خلق شي:ايه بلى خالتي كلمته بس جواله مغلق وارسلت له مسج..!

** * * ** ** ** ** ** ** * * **

[فتوتة سكر]

اما سالم بعد مارسل له حسام المسج بربع ساعة فتح جوواله وشاف المسج اللي يقول:
اختك جنان بالمستشفى ارجع بسررعة
وتطمن معاها امك واختي
وهم في امان وانا اخوك..
وعلى طوول طلع من البحرين وحمد ربه انه مافي زحمه وطول الطريق وهو يتصل بجوال حسام لكن مغلق>>لأنه ماكان فيه ارسال بالمستشفى..!!
وصل بعد نص ساعة لأنه كان يسررع..> ولأن المساافة بين السعودية والبحرين مو طويلة ابداً..بوجود الجسرر!!
شوي الا حسام يتصل له بطلب من امه..
سالم:هلا حسام وينكم فيه؟!
حسام:وصلت ولا ؟
سالم:انا في طريق الخبر الحين قربت اوصل الدمام وانتو بأي مستشفى؟!
حسام:احنا بمستشفى المانع اللي بالدمام يلا تعال بسررعة!!
سالم:اوكي انا جاي ها شخباار اختي؟!
حسام:مدري ياسالم هي من اول ما وصلنا بالغرفة عند الدكتورة وامك حالتها حاله تصيح كل مااقول لها انشاء الله مافيها الا الخيرر مو راضية تسمع!..
سالم خايف على اخته: خلي بالك منهم ياخوي لين مااوصل..
حسام:لاتوصي ياسالم صدقيني اني مافكرت بشي من اول ماتصلت فيني امك واحترمت حرمتكم لاتخاف..!!
سالم تتطمن وعرف ان حسام مستحيل يخونه:تسلم يلا انا جاي..باي..
حسام:باي..

وكلها 10 دقايق ووصل لهم سالم بالفعل..
سالم راح لأمه وعلى طول ضمها :ها يمه بشرري..!
ام سالم وهي تصيح:مدري شصار على اختك ياولدي من قلت لها ان خطوبة ولد خالتك بعد اسبوع انهارت وتمت تقول لي كلام خرابيط انا خايفة على اختك ياسالم!!
سالم خاف ان اخته تسوي في نفسها شي:لاتخافين يمه لاتخافين مافيها الا الخيير..!!
شوي وطلعوا دكتورتين من الغرفة..
سالم:ها دكتورة بشريناا!!
الدكتورة متنقبة وسعودية:من حضرتك؟!يعني شتقرب للمريضة؟
سالم:انا اخوها..
ام سالم:وانا امها..
الدكتورة الثانية:تفضلوا معاي الغررفة..
وراحوا مع الدكتورة الغرفة الثانية..وجلسوا ع الكراسي..
ام سالم:بشريني دكتورة والله خوفتيني على بنتي..!
الدكتورة:والله مدري شقول لك بس بنتك جات عندنا منهاارة وعندها حمى فضيعة لو ماالتصرف اللي سويتوه يمكن ماتت البنت بسبب ارتفاع درجة حرارتها..!
سالم يطالع في امه يستفهم عن أي تصرف تقصد؟!
ام سالم:اخت حسام الله يخليها سوت لها كمادات باردة بالسيارة والله لو ماهالناس ماعرفت شسوي..
ابتسمت لهم الدكتورة:لاتخافون حالتها مو بذاك الخطورة الحين..
بس ابي اعرف الظروف اللي خلتها تصير كذا ..
الدكتورة الثانية:انا دكتورة نفسية وحاولت اتكلم معاها عن اللي فيها وماطاعت تتكلم بس قاعده تهلوس..!!ولازم اعرف شو فيها عشان نقرر حالتها..!!
سالم طالع في امه بتردد وتكلم بشويش:اختي كانت تحب ولد خالتي واليوم وصل لها خبر انه بيتزوج وان ملشته اسبوع الجاي..!!
الدكتورة ابتسمت ابتسامة عريضة واستغرب منها كل من سالم وامه..
الدكتورة:ايه لاتستغربون انا فرحانه لأني الحين اقدر اقول لكم ان بنتكم مافيها شي لأن هاذي ردة فعل طبيعية جداً واحسن ردة فعل لأنها لو سمعت الخبر وسكتت ولاعبرت عن مشاعرها بيصير عندها كبت وبتصير انسانه ثانية في كل شي فيها واللي سوته يطمن مايخوف وانشاء الله اذا نزلت حرارتها اليوم تطلع او بكررة..والحين هي نايمة وهادية وممرضة تشرف على رعايتها وتسوي لها كمادات..
ام سالم مستانسة:مشكورة دكتورة والله ماقصرتي..
ابتسمت:ماسويت الا الواجب..
سالم:اقدر اشوفها؟!
الدكتورة:ايه طبعاً..
وراحوا طلعوا من الغرفة ..
شاف سالم حسام واخته بعدهم موجودين..
سالم:ها حسام مارحت بعدك؟!
حسام:لامارحت انتظركم..
سالم:لاحبيبي روحوا والله ماقصرتوا بس شكلنا بنطول هنيه..!
حسام ونبرة الخوف اللي فيه واللي حس فيها سالم وتتطمن لها:شفيها اختك ماتشوف شر؟!
سالم:مافيها شي بس شوية دلع اليوم تطيب انشاء الله..
حسام يساسره شوي شوي:بس انا سمعتها سالم هي تحب...........
قاطعة :خلاص حسام بعدين بعلمك السالفة وبتفق معك على اللي قلته لي..!!
حسام حس بالأمل وابتسم:تسلم..
سالم:انت اللي تسلم والله تعبناكم معانا..
حسام:تعبكم راحة ..
... ........ ....... ......
مر الوقت بالمستشفى وجنان بعدها نايمة وامها قاعده على كرسي جنبها وتقرأ قرآن بعد مارفضت كل محاولات سالم بأنه يردها البيت والمغرب يرجعها..
وسالم قاعد على الكرسي اللي جنبها يسمعها وهي تقرأ القرآن ومغمض عيونه يفكر بحل يسويه عشان ينسي جنان اللي هي فيه..

اوتعت جنان بهاللحظة..
جنان بصوت شفاف:يمه ابي ماي..
وبسررعة جابت ام سالم لبنتها كاس ماي:خذي يمه شربي سمي بسم الله..
ورفعت جنان نفسها عشان تشرب الماي وشعرها طايح على ظهرها ..
وبعد ماشربته تسآئلت بيها وبين نفسها عن السبب اللي جابها امسشفى بعد ماتذكرت كأن حد صفعها باللي ما تتمناه..
جنان بصت مرتجي: يمـــة صج اللي قلتيلي اياه يمــــــــة الله يخليك قولي لي انه ماصار قولي لي انه كذب..!!
م سالم ماتبي بنتها تعلق بوهم: ايه يمه صج..بس ياعيون امك لاتعذبي نفسك مافي شي يسوى بهالدنيا..!
جنان ماقالت شي بس دموعها قالوا...
سالم: يمة ممكن تخليني شوي بروحي مع جنان..
ام سالم راحت برا يعل وعسى يقدر سالم يقنع اخته انها تهدي نفسها!!
جنان من سمعت صوت خوها التفتت له وارتاحت شوي توها تنتبه لوجوده معاها بالغرفة..
جنان بصوت مخنوق ومرتاح:ســـــــــــالم..!
سالم راح لها عند السرير وضمها لصدره يعله يخفف عنها شوي مافيها..
جنان بصياح:سالم دريت ان ان ن ناا ناصر خ خط ب..!!!
سالم متألم لحال اخته:ايه حبيبتي دريت خلاص جنان لاتصيحين عورتي قلبي والله..
جنان هدت شوي:سالم ابي اطلع ن هنيه احس اني مخنووقة..
سالم:انت هدي شوي عشان ترتاحين ويطلعونك..!
جنان:سالم انا خاايفة..!!!
سالم:من شنو خايفة يابعدي لاتخافين وترا ناصر مايستاهلك صدقيني لانه مو جايب خبررر ولاحتى مهتم وانت معذبه حالك هو خطب بنت يحبها وانت تبي تخسري نفسك جنان حبيبتي ترا محد يسوى يلا خلاص شيليه من بالك ولاعاد تفكرين فيه..!
جنان حست كلام اخوها منطقي بس مو بيدها..
واذن المغرب وهما يتكلمون هو يطمنها وهي تحاول تتقبل ..
قام سالم صلى في مسجد الرجال اللي بالمستشفى ونفس الشي جنان وامها..
وحالة جنان خفت وحرارتها صارت طبيعية..
وسمحت لهم الدكتورة يطلعونها بشرط انهم لازم بخلونها تغييير جو عشان نفسيتها ماتتعب ومايخلونها تقعد دووم بروحها عشان ماتفكر كثييير..

** ** *** *** *** *** * ** ****
ومرهاليوم وانتهى اول يوم بالأسبوع وجنان مصممه تنسى ناصر بأي طريقة ..
ومر الأسبوع وانتهى يوم الأربعاء ورجعوا البنات من دواماتهم..ومابقى على الملجة والحفلة الا هاليوم ..!!
ومر هالأسبوع على الكل وهم بشوووق ليوم الخمييس..
>وبوصف لكم بشكل سريع كيف مر الأسبوع على كل شخص:
وفاء وعبير وبشاير وزينب وليلى توطدت علاقتهم بهيفاء وصارت كأنها معهم من زماان والكل حبها خصوصاً ليلى ووفاء وكلهم مرتاحين في دراستهم..وطبعاً عبير ووفاء وليلى عزموا هيفاء وزينب وبشاير على حفلة عبيراللي الكل بارك لها وفرح عشانها..خصوصاً انها بتاخذ اخو اعز صديقاتها..
** ** **** *** * * * * **

هادي تقوت علاقته مع اولاد صفة وخصوصاً مع زميل له مثله مايمشي واسمه عبود وصار دووم يجلس معاه ويسولف معاه حتى انه جالس جنبه بالصف يعني نفسيته مرتاحة اكثرر من قبل..!!

*** ** ** *** **** * * **

داانه ممشية في المدرسة وعلاقتها طيبة مع الكل مدرسات وطالبات..

** **** ***** ******

احلام في الدراسة اوكيه بس في الأشياء الثانية للأسف لا لأنها صارت تكلم رجاء كل يوم وتقوت علاقتها معها في حين ان علاقتها مع زهرة صارت مهزوزة لأنها ماتحب رجاء ولا شلتها وتقول لها لاتكلمينهم لأن سمعتهم شينه بس احلام ماطاعت..!!
لا وبعد كلمت نايف يوم السبت في المسن ويوم الأحد بعد بس بالمايك وبعدها ماتصلت فية ولا شبكت لأنها انشغلت في تجهيزات حفلة اختها وفي السوق ومامدها..

** **** **** *** **** *** ***

اما ناايف صج انه انشغل على احلام واشتاق لها بس انشغل مع البنات الباقي اللي بمسنجرة رغم انه احلام ظلت مستوليه على تفكييره..

** *** * ** ** ** ** ** **
ريم وخالد ..مدري شقول لكم ..عظم الله اجوركم ماتوا بحادث !!!!!!!!!

!!!!!!!
!!!!!
!!!
!!
خخخخخخخخخخخخخخخ وينكم اقص عليكم لاتصيحون ههههههههااي..
ريم وخالد كل يوم يكلمون بعض صبح وعصر وليل واستاذ خالد مستحييل ينام يوم وهو مو شاايف ريم فلازم كل يوم يروح بيت خاله..
وتعود على حركاات ريم الجديدة ويحسها مريحته اكثرر من اول بحيث انها دووم تعترف له بحبها رغم انه يشوفة بعيونها..
والله يخليهم لبعض..
وتراهم الحين متهاوشين لأن ريم طلبت من خالد يوديها السوق بتشتري شي عشان حفلة اخوها وهو رفض لأنه تعبان ولأنه بعد يبي يعاندها ومايبيها تدمن ع السوق كذا..!!!

** ** *** ** ** ** ***** ** * **

وسالم طول هالأيام يفكرر بطريقة تخلص جنان من اللي هي فيه خصوصاً وهو يتذكرها لما قالت له :سالم الله يخليك ساعدني ابي انسااااه ..
سالم حبيبي ابي انسااااه ..ابي انسااااه..!!!!
ومايدري ليه من يحاول يفكر يجي حسام على باله ..
حسام اللي من سمع كلام جنان ذاك اليوم وهو حابس نفسة في البيت مايطلع لادوام يروح ولا تلفون يكلم وجواله دوم مقفل وكاره عيشته لأنه مو قادر يصدق ان اللي بغاها ماتبيه وتحب غيره عد..!
عشان كذا سالم حاول يتصل له كل ياطالع يانايم يايسبح ومن هالأعذار البايخة..وقرر انه لما يرجع يوصل اهله البحرين بيرجع يروح لحسام بيتهم
وفي خطة براسة عشان يبي يخلص جنان من حب ناصر اللي مامنه فايده..

** *** **** *** * *** *** * *

[فتوتة سكر]

ام عبير تعبانه شوي مع الحمل وتحس اول مرره تتعب كذا خصوصاً مع هالشغاله الهبلة موديانا اللي ماتفهم شي..تقولون لها تيس تقول حلبوه!!

** ****** *** *** *** ****

ونرجس وكوثر مرتاحيين في دراستهم ومن اول اسبوع جدوا واجتهدوا عشان هاي آخر سمستر لهم ويتخرجون من الثانوي وهم شعبيتهم في المدرسة كبييرة خصوصاً انهم توأم فالكل يحب يطالعهم وهم حاليأ ماعندهم اعداء في المدرسة>>ههههه لأن يوم كانوا في اول ثانوي كان في شلة بناات معاديتهم وكل شلة تعاند الثانية بس تخرجوا لأنهم اكبرر..>>
واما شهد قوت علاقتها بهم خصوصاص انها تروح معهم بالسيارة كل يوم وتمشي معهم بالمدرسة وهيس بعد مرتاحة في الدراسة بس مو لهنالك لأنها كسووولة وخاايبة وماتحب تذاكرر..والحين جا من يشغلها اكثرر لأنها طول اليوم سرحاانه وتفكر بحسين اللي تعلقت به زووود حسين اللي مايحس بها ولايدري عنها واصلاً مو شاغلة باله حاليأً غير ليلى اللي قرأ المزيد من خواطرها وزادت دهشتة من هالبنت!!

** **** ********* ****

اما رااشد مااهتم للبنت اللي رفضتة اكثر من مااهتم انه يبي غيرهاا صج في البدايه ضاق خلقة بس يوم درى من امه انها بالكثير يومين من بعد ماتروح حفلة عبير بتكون خاطبة له ارتاح شويه ..وهو ماتحرك ولاقال انا ابي فلانه ولا علانة لأنه فشل مع اللي اختارها بنفسة فيبي امه هي اللي تختارها له هالمره عشان رب العالمين يوفقى ويرضى عليه دام ان امه بتكوون راضية علية مو مثل مها اللي مارضت عليها ...!!

** ***** * **** * *** * ****
بعكس ناصر لما درى من وفاء ان في واحد اسمه راشد خطب عبير وهي رفضته عشانه عصب وحمق وتضاايق من قلب لأنه مايبيها بعدين لولاسمح الله وماطاب تقول له لو دريت كان خذت الثاني ومااخذتك ..فكلم ابو عبير وفهمه وجهة نظرة اللي شافها ابراهيم منطقيه وباصرار من ناصر انه يكلمها في هالصدد وافقوا وكلمها وكانت هاذي المكالمة..
عبير بخجل:السلام عليكم..
ناصر ارتاح يوم سمع صوتها:وعليكم السلام...هلا عبير شلونك؟!
عبيرتبي تقتل توترها بمزحة:لوني اخضر وانت؟
ناصر:ههههه انا لوني ازرق..
عبير:عاشت الألوان ياناصر..!
ناصر:هههه والله انك سوالف وانا مادري..
عبير استحت وسكتت..
ثواني صمت..
ناصر:عبير انت عارفه سبب اتصال ولا لا؟
عبيربتوتر:ايه عارفة..
ناصر:عبير انت واثقة من قرارك؟!
عبير:انت شقاعد تقول!اكييد واثقة..
ناصر بقلة حيله:لأني مابيك بكرره في البعييد تقولي ياليتني ما...
قاطعته:لاتخااف ناصر انا اوعدك اني هالجمله ماراح اقولها..
ناصر عصب لأنه مايحب حد يقطع كلاامه لكن سمع رمستها وارتاح : طمنتيني عبير الله يطمنك..
عبير:شدعوة..!!
ناصر:ههههه اوكي مابا اطول عليك لاياكلني ابوك الحين..
عبير:هههههه اوكي انتبه لنفسك..!
ناصر:ليش؟تخافين علي؟
عبير:يلا مع السلامة..
ناصر:هههههه ماقدر ع اللي يستحوون..يلا في حفظ الرحمن..

* ** * *** ** *** **** ** *** * **

اما جناااان عانك الله ياجنان..!
راحت بعد طيحتها ذاك اليوم الجامعة ولاعطلت نفسها صج انها راحت وهي تعبانه بس عشان تشغل نفسها عن التفكيير..
وشلة البنات المصلحشيين ماعطتهم وجه ابداً وماحولوا حتى يقربون منها يوم شافوها مالها خلقهم ..اما بدور صارت لها اكثر من صديقة..بحيث انها الوحيده اللي حاولت معاها انها تقول لها ايش فيها بس جنان رفضت لكن اللي صار يوم الأربعاء قبل لاترجع البيت خلاها تقول لها وهذا اللي صار:
بدور قالت ان احسن شي عشان جنان تثق فيها وتقول لها اللي مضايقها ان هي بعد تفتح لها قلبها..
بدور:جنان اقدر ائتمنك على سر صغيير..!؟
جنان بابتسامه مالها معنى:اكيييد عيوني ولو ..سرك في بير..
بدور وعيونهي تلمع:انا احب ولد عمي..!!
جنان تفاجأت كيف ان بدور قاعده تفضح عمرها بس بعد تفكير عرفت شو معنى الصديقة وهي اللي تخفف على صديقتها وتنصحها:تحبين منو؟!
بدور بارتباك:احب ولد عمي هيثم ..!
جنان:وهو يحبك؟!
بدور براحة وابتسامه معبرة:يمووووت فيني ..!
جنان بصدق:الله يخليكم لبعض ويهنيكم ببعض..!
بدور:بس ماسألتيني ليه للحين ماتزوجنا؟!
جنان باستغراب:ايه صج ليه؟
بدور:لأنه في مشاكل في العايلة مشاكل صارت قبل 4شهور يوم مات يدي عشان الورث تخيلي!!
جنان:حراام والله انتوا مالكم ذنب!!
بدور:شنسوي حكم القوي على الضعيف..
جنان:آآآآآآآه أي والله..
بدور وبتردد:ها الحين انا قلت لك على سري مابتقولين لي سرك انت؟!!
جنان بابتسامه:من غير ماتقولين كنت بقول لك..
وعلمتها كل شي وطلبت منها تنصحها هل تروح الخطوبة ولا لا...!!
بدور:تبين رايي ..بما انك تبين تنسينه اول خطوة لازم تسوينها انك تروحين خطوبته لأنها مو نهاية العالم واللي خلقة خلق الفين احسن منه..
جنان فكررت بكلامها بس مو اكييد تعمل به..
ولما رجعت بيتهم..
ام سالم:ها يمه جنان مابتروحين معاي البحرين؟!
جنان:لا يمه مالي خلق..
ام سالم:بس خالتك بتزعل اذا ماشافتك..!
جنان:بعدين تعالي صج كيف بتروحين وابوي مايدري؟!
ام سالم وهي تتنهد:كلمته ويالله بعد صياح وترجي رضى بس عشان لايقولون ماحضرت حفلة ولد اختها..
سالم:يلا يمه انا جاهز بسررعة بوصلكم عشان برجع عندي شغل؟!
ام سالم:شنو شغلة يمه وحفلة ولد خالتك؟
سالم:يمه حسام تعبان وانا لازم اكون معاه مثل ماوقف معانا والحفلة بجي يوم الخميس..
ام سالم:واعليه شبلاه حسام فديته؟!
سالم:هيي يمه تراني اغااار !!
ام سالم:هههه زيين عجل بس اختك مو طايعة ترووح..!
سالم يناظرها:ليه جنان مابتروحين؟!
جنان مستحيه:مابي خلاص بيكفي..!ولو بغيت اروح بتصل فيك..
سالم عذرها :طيب براحتك..!
ام سالم :حطي بالك على نفسك ..
جنان:انشاء الله..
وراحت ام سالم وخذت معاها وحده من خداماتها عشان تساعدهم هناك..
الكل في بيته مرتبك ويجهز نفسة لبكرة >اللي يسمع يقول عرس موب حفلة!
وصلت ام سالم بيت اختها ونزل معها سالم بيسلم عليهم وبيرجع السعودية..
دخلت بعد مافتحت لها لجين الباب ..
وتلاقت مع اختها بدرية اللي اشتاقت لها حييييل لأنها آخر مره شافتها فيهم بنفس اليوم اللي راحت جنان فيه مع عبير ووفاء المزرعة..!!
ام سالم:شخبارك خيتوو وحشتيني مووت..!
بدرية:والله انت اكثرر احنا بخيير انت شلونك؟
ام سالم:تماام الحمد لله..
بدرية الا وينها جنان..
ام سالم:جنان تعبانه ماطاعت تطلع من البيت وبكرة اذا صارت زينه بتجي!
وفاء من سمعت هالكلام كسرت خاطرها جنان لأنها تعرف بحبها لخوها ناصر لانه كان باين من عيونها..!
وسلمت ام سالم على ليلى..
ام سالم:ها حبيبتي انشاء الله مرتاحة بالبحرين؟!
ليلى مبتسمه:الحمد لله ماما بدرية ماقصرت علي..
الكل:ههههههههههه
ام سالم حست بالغيرة شوي من بدرية بس علطول ذكرت ربها وحمدته..
وسلم سالم على خالته بدرية وعلى ليلى..
ليلى تذكرت يوم قالت لها وفاء انها شافته يصيح وحبت تسأله لأنها تعرفه مايتكلم لحد:سلوم عمري بغيتك في سالفه..!
سالم وهو ينقل نظراته بين ليلى وريم ووفاء اللي كانوا يسلمون على امه ورجعوا جلسوا...
سالم:شخباركم بننات خالتي انشاء الله بخيير.!؟
ريم:بخير الله يسلمك..
وفاء:الحمد لله..
سالم:دووم يارب..!
ريم:تسلم...
سالم رجع لليلى:حبيبتي لولو والله مشغول برجع الحين السعودية بكرة انشاء الله لما اجي قولي لي ..
ليلى عن يازعم مبوزه:ماريييد خلاص رووح..
سالم:فديت المبوزة انا..
الكل:ههههههههههه
ليلى:طيب خلاص لما ترجع بكرة تعال لي بقول لك..
سالم:اوكي..
وراح السعودية عشاان يبي يروح لحساام يشوف شسالفته يتهرب منه لدرجة ان حتى الشغل مايروحه..
بعد ساعة الا ربع..وصل سالم بيت حسام..
ونزل طق الجرس..
حسام من الأنترفون:ميين؟!
سالم:انااا سالم تعال لي ابي بسرررعة..
حسام تفاجأ:ساااالم؟!
سالم:اييه مفاجأه حلوة صح؟!
حسام:اكييد طيب ادخل جايك انا وفتح له الباب من داخل وراح له المجلس..
حسام:مرحبااا حيا الله من جانا..
سالم:مبيين ايه وااضح مررره!!
حسام مستحي منه:شنو ماقلت شي انا؟!
سالم:ليش ماتجي الشغل؟!
حسام ماتوقع سؤاله:هاه لا بس ماخذ اجازة اسبوع..!
سالم:وليش الأجازة؟
حسام بملل:تعبان؟!
سالم:من شنو تعبان؟وليش مو حالق؟!
حسام:شنو المحقق كونان وانا مادري؟!
سالم:لا المحقق توقو موري!!هاهاهاهاها
حسام:ظريييف!!
سالم بجد:لا صج حسومي شفيك؟!
حسام:مافيني شي!
سالم:طيب ليش تتهرب مني..؟؟!
حسام:انااا؟!
سالم:لاجدي!!
حسام:تعبان انا ياسالم تعباان!!
سالم:مسكيين اكييد السبب بنت!؟
حسام متفاجأ ويطالع في سالم بدهشة..
سالم:ههههههههه ادري ان جنان اختي هي سبب عذابك!
حسام بعده في صدمه..
سالم:هههههه شفيك لكن يعلك دوووم سببت العذاب للبنات والحين جت من ترد لك الصاع صاعين.!!!
حسام:لاتتكلم عنها كذا ياسالم تراني ابيها بالحلال!
سالم مبتسم:وانا مابلقى احسن منك لأختي..
حسام مبتسم ابتسامه عريييضة:قول والله..
سالم:هههههههههههه والله..بس يلا روح احلق هالقرف وبدل ملابسك وانا عازمك بكرره لملشة ولد خالتي في البحرين!
حسام بتردد:بس ..انت..اما..عن..بخصوص..ماقلت لي...
سالم فقع ضحك:ههههههههههههههههه ههههههههههههههههههه ههههههههههههه شفيك كأنك بقرة تبمبع..
عارف شتقصد ومو وقته ..شوف انا بخبرك السالفة ومعها خطة عشان نطلع اختي من الحاله اللي هي فيها..بس بعد حفلة نصوور..
حسام بحماس:اوكي..

*** ** ** ** *** * * *** ** *** *** *

[فتوتة سكر]

اليوم الخميس اليوم المهم في حياة عبير وناصر اليوم اللي ماراح ينسونه طول عمرهم..
الكل مرتبش ويبي يخلص ..المعازيم بتبتدي تروح بيت ام ناصر ع الساعة 7 ونص ويبون كل شي جاهز قبل هالوقت..
الحفلة بتكون في بيت ام ناصر لأن ناصر مايبي يطلع مكان مايعرف دروبة عشان يمشي فيه ولأن بيتهم كبيير ويكفي وهم مسوين الحفلة برا في حديقتهم ..
الساعة 3 العصر عبير ووفاء وليلى واحلام راحوا في نفس الصالون بس اللي بتعدل عبير مو نفسها اللي بتعدل الباقي ..
كانو كلهم متحنين حنا روووعة اللي مختارة نقش اماراتي واللي هندي واشكال مختلفة ورهيبة..

وابتدوا الكوافيرات يعدلونهم كل وحده ع حسب رغبتها والمكياج كل وحده على لون ثوبها..
اما ام ناصر وام عبير اللي اصروا عليهم بناتهم يروحون الصالون هم بعد لأنهم امهات المعاريس ولازم يبينون حلويين خصوصاً انهم مو كبار واايد في العمر ..وخذوا معهم داانه وام سالم لأنها خالتهم ..
اما ريم راحت كوافير غيير عنهم لأنها ماتبي تكون مثلهم على قولتها ..

الساعة 5 ونص البنات خلصوا وكانوا احلى مايكوون وانتظروا عبير تخلص بعد لأنها باقي لها شوي ..ويوم خلصت ..
قام التمدح كل وحده تقول انت احلى >>وبصرااحة كانوا كلهم حلوييين وفي تنافس بالجمال بينهم لأن كل وحده عندها شي يميزها ..ولو كانوا مشتركين في مسابقة ملكة الجمال كان احتاروا الحكام من يختارون..هههااي..
طلعوا من الصالون وراحوا الأستيديوا عشان يصورون لهم كم صوورة للذكرياات..وخلصوا الساعة 6 وربع..ورجعهم راجا البيت..

وصلوا الا امهاتهم من زماان مخلصين وكانوا رووعة..
ام ناصر لابسة ثوب اسود لامع بكرستالات حلوة ومكيااج وردي على اسود مناسب لها وشعرها منسدل بكل نعوومة على كتوفها >>يوصل لها لين نهاية كتوفها..
اما ام عبير كانت لابسة نفس ثوب ام ناصر انما لونه سكري وفيه كرستالات و.. ومكياجها وردي على سكري ..
>>وثيابهم كانوا مفصلينهم مع بعض عند نفس الخياط وهم مااشتروا لأن ام عبير حامل وماراح يلقون لهم نفس الشي فخيطوا كل وحده على مقاسها..>>
وام سالم: ثوب كحلي متدرج فيه السماوي ومكياجها نفس الألوان وكان مظهرها يوحي بالفخامه..
ودانه لابسة ثوب ناعم وبسيط يوحي بالطفولة والبراءة ولونه ذهبي وكانت جمييلة وتحمل هدووء عبيروملامحها بس بشكل مصغرر..
اما ريم بعدها ماتوصل >>هاذي البرنسيسة مانقدر عليها عاد خخخخخخ..
الساعة جت سبع وكل شي كان جااهز ومرتب وحلووو..
كانوا متفقين مع مكان مخصص لأغراض الأفراح وكل حاجيات الأعراس والحفلات بأنهم يرتبون الحديقة لهم بحييث انها صاارت رووعة..
اول شي قصصوا الأشجار بشكل حلوو وانيق وجديد وبعدين جابوا طاولات وكراسي على حجم الحديقة عشان المعازيم يجلسون عليها وحطوا للعروسه كوشة بسييطة جداً بحيث كرسي واحد حق نفرين بين شجرتين قصوهم على شكل قلب ..وكان فضييع ..
وخلوهم يحطون لهم في كل الحديقة لمبات منوره من الموديل الجديد وحطوا على العشب وعلى الأشجار وعلى الطوفة وعلقوا بعضهم فوق بحبل وكانت الحديقة فيها ضوء كاافي والقمرر ظاهر يحضر حفلتهم بعد ..
وبعد جابوا لهم وجبات خفيفة يوزعونهم ع المعازيم ومع كل وجبه عصير وكان كل شي مرتب ومنظم ونظيف ..
ابتدت المعازيم توصل وحده ورا الثانية ..وصار المكان شوية زحمه..
ع الساعة 8 طلعوا البنات برا عشان يستقبلون ضيوفهم ماعدا عبير اللي ضلت في غرفة وفاء.. وريم اللي ركبت غرفتها دوون ماحد يشوفها..واول ماطلعوا كانت الأنظار عليهم ..
كانوا يمشون جنب بعض ..

احلام كانت لابسة بلوز وتنورة قصيره فيها شك خفيف وكانت رووعة وتتخللها درجات اللون العنابي وموديلها يشبه موديل بدلة بوكاهانتس هههاااي ..ومكياجها سموك عنابي فاتح وغامق مع اسود..وشعرها مفتوح ويبين طولة وسمكة وكانت تجذب النظر وحلووه بشكل مع سمارة بشرتها وعيونها الواسعة رهييبة..

اما وفاء فكانت غييير لابسة ثوب لونه ازرق كحلي غامق مايل للبنفسجي ومحليها ومبين بياض بشرتها مع مكياجها الازرق والبنفسجي الغامق وكان موديله مررة حلو وجديد من فوق كله شك ومن تحت قصة على شكل مثلث.. كانت روووعة وتبين لون عيونها الخضراء وشعرها مبلورلورات دائرية على طولة ومبينه كثافته خصوصاً انه مع التلويت قصر شوي ووصل لنهاية ظهرها..

وليلى بعد كان لها طلة حلوة ورووعة كانت لابسة ثوب لونه بلون السماء مختلط مع لون الموف وكانت الألوا الفاتحة مبينه صفاء بشرتها الحنطيه ولون عيونها العسلية كانت عن جد رهييبه ومنورة ..شعرها فيه تسريحة خفيفة من فوق ومفلول من تحت وقريب يوصل لنهاية ظهرها..

البنات مشوا ومااهتموا لنظرات الناس فيهم بل مشوا بكل فخر وعلى وجوههم الأبتسامه..
وراحوا ليلى ووفاء يدورون صاحباتهم اذا جاوا وراحت احلام تدور صاحبتها>لأنها عزمت زهرة ورجاء!!
شافت وفاء زينب وراحت لها وسلموا على بعض..
زينب:فديتج وش هالحلااه يابخته ذا اللي بتظوينه ..
وفاء:هههه يسلموو يابعد قلبوو من ذوقج ..
زينب تلتفت لليلى وحستها محلووه زوود:اوه ليلو انت بعد محلاتج ياام الهيلان الحين انا صرت عنكم جيكررة..
الكل:هههه
وفاء:يخسي من يقول عنج جيكرة انت القمر والله شاهد على كلامي..
ليلى:أي والله..
زينب:ههههه فديت قلوبكم..
وفاء:الا وينها بشااير ماجات؟!
زينب:مسكينه خطيبها مارضى يخليها تجي لكم وتهاوشت معاه وزعلت..
وفاء:فديتها ماكان له داعي الهواش..
ليلى:عشاان يراضيها ياهبلان..
الكل:هههههه
ليلى:تخيلوا هيفاء ماتجي..؟!
وفاء:لا انا اكدت عليها تجي وقالت امها بعد بتجي معاها..
زينب:زيين زيين عيل بنشوفها ..
وقعدوا على طاولة يسولفون..

* *** ** *** ***
وفي هاللحظة وصلت ام راشد ومعاها بنتها اريج بس لأن التوأم مارضوا يطلعون ..>>ابو طبيع مايجوز عن طبعة..!
ودخلت والتقت مع هدى وسلمت عليها هي واريج..
نوار:اوووه شهالحلاه ياخيه ..!مع هالدبه فديت البيبي اللي فيها..
هدى:هههه الله يخليك..!
اريج:لا صدقها امي ياخالتي تراك محلووه..
هدى:هههه يلا عاد لاتحرجوني..
الكل:ههههههههه
هدى:تعالي اعرفك باختي ام المعرس..
نوار كانت تتمنى اليوم تكون ام المعرس بس الله هو كاتب النصيب..
التقت بها بدرية وارتاحت لها ورحبت فيها..
وراحوا قعدوا على طاولة..
نوار:وينهم البنات ياهدى؟!
هدى:ههههههه الله يهديك تو الناس ..سمعي لما عبير بنتي تطلع عشان تقعد شويه قبل مايجي المعرس بيمشون معها البنات وبقول لك كل وحده ومن هي..
نوار:خلاص اوكي..
** * * * ** ** ** ** * *
جنان بعد تفكيير عميق قررت انها تروح الحفلة عشان محد يزعل منها وعشان نفسها بعد واتصلت بكوافيرة امها الخاصة وقالت لها تجيها البيت>>متعودة لاتستغربون تراها بنت عز..!
وعدلتها تعديل نااعم ورهييب خلاها تبين مررره حلووه ..
ولما خلصت اتصلت في اخوها سالم..
سالم:الو اهليين جنان..
>>هنيه التفت له حسام اللي قاعد جنبه بالسيارة بيروح معه البحرين..
جنان:اهلينات..
سالم:ها شو فيك وش بغيتي؟!
جنان:وين انت؟!
سالم:ليش تسألين؟!
جنان:انت اول قول لي وبعدين اقول لك ليش!!
سالم:اووه طيب انا في الطريق بروح البحرين ..
جنان:اوه دخلت الجمارك؟!
سالم:قريب..
جنان:طيب حبيبي سلوم بكلف عليك شوي..!
سالم:سلوم في عينك شنو تبين؟!
جنان:ههههه ابيك تمرني بروح معك البحرين..!!!!!!!!!
سالم فرح من الخاطرر لأنها بتروح معناته انها ابتدت بالخطوة الأولى:يابعد عمرري لو كنت وصلت البحرين كان رديت لك لو تبين بعد يلا تجهزي انا جاي لك..
جنان استانست انه ماهزأها :اوكي باي..
** ** **

[فتوتة سكر]

حسام حس بالوناسة انه بيشوف جنان ..
سالم:بنرجع البيت باخذ جنان اختي الحمد لله انها غيرت رايها وبتروح..
حسام مو فاهم شي:الحمد لله..
وشويه ووصلوا ومروا عليها..وركبت السيارة بعد مانصدمت انه حسام مع اخوها..
جنان:السلام..
الكل:وعليكم..
سالم:ها تعدلتي ولا بس كذا.؟!>يبي يشوف اذا كانت مصممه تنساه ولا بس عشان تشوفة راحت..
جنان:افاا عليك اكيييد تعدلت..
سالم:شي طيب هاذي الخطوة اللي تمنيتك تاخذينها..
جنان ابتسمت بس محد شاف ابتسامتها لأنها مغطيه وجهها مو متلثمه كالعادة لأنها حاطة ميك آب..
وصلوا بيت خالتها ومحد نزل كانوا ينتظرون جنان تنزل اول..
بعد دقيقتين..
سالم:ها جنان ماراح تنزلين؟!
جنان فتحت باب السيارة ونزلت ونزل سالم وحسام..
جنان بشويش:خايفة سالم!.!
سالم:لاتخافين حبيبتي انت سويتي الصح وخلك طبيعية..
جنان تتنهد:احاول..
وراحت بتدخل بس دارت ورا:حساام..
اندهش كل من حسام وسالم لمناداة جنان لحسام..
حسام وده يطير من الفرحة بس ماسك نفسة:شنو ؟!
جنان :بغيت اقول لك تشكرر اختك بالنيابة عني لأني ماشكرتها ولولا الله ثم هي ماكنت حيه الحين..
حسام:انشاء الله يوصل..
وراحت بتمشي وبعد مره ثاني:اوه حساام..!
حسام راسة داار لللمره الثانية تناديه محلاتها وهي تنطق اسمه:هلا..
جنان:لو تسمح يعني ابي رقم جوالها..؟!
سالم:خلاص جنان مو وقته بعدين قبل لانروح آخذة لك..
جنان:اوكي..
وراحت دخلت داخل..
فتحت وجهها وشافت ناس كثير بس ولا حد منهم تعرفة...
دخلت ومافيه حد في الصاله وركبت فوق وشافت ليت غرفة وفاء شغال وبعد ليت غرفة ريم..واحتارت وين تدخل..
طقت باب غرفة وفاء..اللي كانت عبير فيها وهي متوترة موووت..وخافت منو اللي يطق الباب وهو كان مقفل بس عبير ماطاعت ترد ..
جنان استغربت وراحت غرفة ريم..
ريم استغربت حد يطق باب غرفتها ومحد يدري انها وصلت:منو؟
جنان:انا جنان..
ريم فتحت الباب..
ريم وهي تسلم عليها:هلاااا جنان عااش من شاافك..
جنان :عاشت ايامك ..اوه الله الله ماشاء الله عليك من وين جايبة هالجمااال؟!
ريم:هههه من عند الله..
وفصخت جنان عباتها..وعدلت نفسها من مراية ريم..
ريم:اووووبس وش هالحلاه هاا ماشاء اله عليك تغارين مني وانت بعد حلووة..
جنان:ههههه طالعة على بنت خالتي..
ريم:ههههههه يلا ننزل..
جنان:يلاا..
ونزلوا جنان وعبير واول مادخلوا الحديقة الكل التفت لهم كانوااا صج رهيبيين وروووعة..
ريم كانت لابسة قطعتين تنورة لها ذيييل طوييل يزحف وراها وبلوزة تبين بطنها شوي لأنها شفافة من تحت وكان موديلهاا مررره حلو والوانها وردي غامق شوي مع ذهبي وكانت فضييييعة وع المكيااج الغامق اللي مبين لون عيونها العسلية المماثلة للون عيون جنان وليلى وام جنان وام ناصر..وكانت توازي جنان في بياضها..وشعرها مرفوع ومبلور وصاير نازل على خفيف وهو ملوت وشكله لامع وحلوو..

اما جنان كانت غير عنهم كلهم كانت لابسة ثوب مخملي لونه اخضر عشبي وكان يوصل لها لفوق ركبتها بشوي..ومن فوق محاوط رقبتها بشكل دائري ويتخلله وردات وردية وكااان حلوو وفخم ويبين انه مرره غاالي ومكياجها كان ناااعم ومزيج بين الوان الوردي والأخضر وشعرها الي مثل شعر وفاء بس اقصر شويه كان منسدل على ظهرها بشكل مرتب وملفت للنظر..
وراحوالوين ماكانت وفاء قاعده مع شلتها ..
وفاء:اوووووووه الريييم كل هذا عشان خالد الله يعينك ياخوي ..
الكل:هههههه
وسلمت على صديقات وفاء اللي تعرفهم كلهم..
ليلى:جناااان؟! اهلييين
وسلمت عليها وبالمثل وفاء اللي قالت لها انها زعلانه عليها في البداية وعرفتها بصديقاتها وقعدوا مع بعض في نفس الطاولة..
** ** ** ** ** ** * **

[فتوتة سكر]

ريم رفعت جوالها:هلا..
خالد:اهلين حياتي...اشتقت لك..
ريم:بعدها زعلاانه عليه..
خالد:بعدك زعلانه عيوني؟!ولايهمك لما يروحون المعازيم بركب لك وبراضيك يابعد اهلي كلهم..
ريم:هههههههه لاتحاول ماراح اكلمك..
خالد:عجل ليه رافعه التلفون..كان طنشتيه..
ريم:عشان اخسررك حرره..
خالد:ههههههه لا صج ليه رافعته؟.
ريم:لأني اشتقت لك رغم انك ماتستاهل..
خالد:افاا ..اوووه هذا اخوك حشرنا يبا يدخل..يلا انا بسكرر بشووفه لما يروحون الناس بشوفك يلا باي..

{ناصر رغم ان كل الناس حواليه الا ان يحس بالنقص ..خالد ونايف وسالم وحسام وابوه وعمه فواز وكلهم حواليه الا انه مفتقد يده منيير ويدته مشااعل كان نفسه يكونون معاه بهاللحظة وكان هذا شعورر الكل بس محد قال لأحد والحين باله مع عبير يبا يدخل خلااص..}
** ** *** ** *** ***
نايف كان قاعد ويفكر بأحلام ويفكر ليه هو كذا منشغل بها كثيير..
وقام بدوون شعور رسل لها مسج لكن على جوالها؟؟!!
احلام وصلها المسج وفتحته وكان يقول:
إن قلت واحشني ترى ماتوفي
وإن قلت توحشني ترى ماقلت لك شي
وغن قلت لك وحشة ابد ماتكفي
وشلون اعبر لك
اني بجد مشتاق؟!
حبك:نايف..

احلاام تونست مووت لأنه تذكرها يوم اللي انشغلت عنه وقامت تدور له مسج عشان ترسله ورسلت له مسجة يقول:
تغيب ويكبر غلاك
ويزيد فيني هواك
لو ابعدتنا الليالي
لاتظن قلبي نساك
في قلبي انت الحبيب
مهما ياروحي تغيب
انتظر شوفة عيونك
احسك اقرب قريب
لو كان كل منا بمكان
يجمع هوانا الحنان
طيفك معي ياحبيبي
في كل لحظة وزمان
نايف لما شافها ارسلت له تونس حييل واتصل لها..
احلام فرحاانه بس متردده شوي روفعت
احلام:هلا قلبي..
نايف:اهليين حياتي وعمري وكل شي..
احلام:ههه كل هذا انا!!؟
نايف:واكثر وربي..اشتقت لك حبيبتي وينك عني..
احلام:عندنا ظروف في العايلة منعتني اشبك..!
نايف:عساها خيير؟!
احلام:كل خييير
نايف:دووم
احلام:تسلم..
نايف:الله يسلم قلبك..
احلام:يلا لاز اسكر عشان محد يشوفني ارمسك..
نايف:اوكي بس طمنيني على اخبارك..!
احلام:اوكي باي حبيب قلبي..
نايف :بايات عيوني..
وسكروا الأثنين وهما مرتاحين بسماع صوت بعض..!

** * *** ** * * ***

وفاء:يمـــــــه تعالي ..
هيفاء بدى جسمها يرجف شوي..
بدرية:نعم يمه شبغيتي؟!
وفاء:ابيك تتعرفين على هيفاء اللي قلت لك عنها..
بدريه:اييه..هلا يمه هيفاء شلونك؟!
رفعت هيفاء راسها والتقت نظراات الثنتين...!!!!!!!!!!
** ******* ** ****** ****
يتبع..
شتتوقعون يصييير؟؟
مع احلام؟مع وفاء ؟؟مع جنان؟مع عبير وناصر؟؟مع ليلى؟؟مع شهد؟؟مع راشد وحسين؟؟مع خليل؟؟مع التوأم؟؟ومع ريم وخالد؟؟ومع ناايف؟؟

انتــظــرونـــي وبتعـــــرفون ^_^ ..

عاد ما اقدر انزل اكثر من كذا
تهنوا فيها زين

[فتوتة سكر]

ترا أنا كتبت هاذي الأجزاء علشان تعرفون أن القصة مررررررررة

حلوووووووووة وأنا منيب كاتبة زيادة لأني مافي أحد يقرأ

[xcon]

ننتظر و نشوف

ما أحكم الحين

[فتوتة سكر]

أناأنتظرك غقرلأ وقلي إذا أعجبيتك