مكانك مكانك

[ابومنال الشمري]

أمـوت من فـرقـاك .. وأمـوت بلقـاك

وأمـوت من جورك ..وأمـوت بحنـانك

كلِ قـضــاه يمـوت مـرّه ويفــداك

وأنا أمــوت ألفين .مـرّه . عـشـانك

أذكــرك ..لامني نســيت إني أنسـاك

وأنســاك ..لامنّي ذكـرت انسـيــانك

رضـيت أنا بالهـم لرضـاك مـرضـاك

وارخصت لك قلبٍ جرحـتـه ..وصـانك

أجـيك في صدري عـتابِ ..وابجـفـاك

وأرجـع ألـوم الـوقت وأقـول خـانك

أحب فـيك ..احـسـاسي إني بلامــاك

في عـز خـوفي منـك احـس بأمـانك

عـجـزت أفـرق بين وصلك وفـرقـاك

ياللي عطـيت النـاس بيـدك عنـانـك

مــرً تجـيـني لين أقـول إنـي إيـاك

ومــر تروح .بـعـيـد وانـسي أوانك

أقـبل وتقـفي .. واعـتـذر عن خطاياك

وأقـول ما عـيـيـت ..عـيّـا. زمانك

وإن خــانتك دنيـاك .. أو خنت دنيـاك

إرجـع وتلـقـابي …مـكانك…مـكانك


للشاعر المرحوم \ طلال العبدالعزيز الرشيد

[الدووووخي]

أموت من فرقاك .. وأمـوت بلقـاك

وأموت من جورك ..وأموت بحنانك

كلِ قضـاه يمـوت مـرّه ويفـداك

وأنا أموت ألفيـن .مـرّه . عشانـك

صح لسانك أخوي والله يرحم طلال الرشيد ...

[ابومنال الشمري]

شكرا لمرورك اخوي الدوووخي
صح بدنك

[فـتـــــــــون]

الله يرحمك ياطلال
حروفك ماتزال محفوره بالقلوب

.

.

.

قواك الله ياصديقي

مشاركة رااائعه

[عبد الله بن شنار]

ألله يرحمك ياطلال الرشيد

كان علم من اعلام الشعر

والقصيده معروفه وشكرا لك على نقلها لنا

[أبو فهاد]

الله يرحمه ويغفر له ..





وتسلم على النقل يا مبدع ..

[الضيغم]

تسلم يالغالي عالنقل الجميل . . .

والله يرحم الأمير الشاعــر . . .