وكـلـش يـهــون الا الـثــلاث الغـرابـيـل

[الذهبي]

بعض العرب ماينعطـى وجـه بالحيـل= وإليا عطيته وجـه صـار آلـك علـه
وبعض العرب ماله سنع لكـن حليـل= بالضبـط كأنـك لا تمعـنـت ظـلـه
وبعض العرب شقراء وشقراء مع الخيل= ماينفعـك لـولا الرمـوش المظـلـه
وبعض العرب لا يعجبك ثرثـرت ليـل= وباكـر تــرى ماقـالـك شــي لله
وبعض العرب مرسال مدري مريسيـل= يسايـر العالـم وهـو حاصـل لــه
وبعض العرب يصلخ وينفخ وهو ريـل= وفي زعمه انـه يفهـم الكـون كلـه
وبعض العرب ماغيـر بنـدق ودربيـل= ومنيـن ماهـب الـهـواء جايـزلـه
وبعض العرب يطلع كما طلعت سهيـل= ويغيـب نجمـه قبـل دربـه تـدلـه
وبعض العرب يذيـك بالقـال والقيـل= تجلس معه ساعـه والأخـرى تملـه
نذل وخسيس يفصـل الهـرج تفصيـل= وإلـيـا لقـالـه طـيـب" يستغـلـه
وبعض العرب منظر وكشخـه وتحليـل= شبـح بحـال وحـال" أخـرى كرلـه
لاشفت زولـه مـن خيـار الرجاجيـل= وإليـا عرفـتـه ماتجـيـه بمحـلـه
وبعض العرب ماضيه ليل" علـى ليـل= قـد بصـمـوه وصــوروه الادلــه
وبعـض العـرب لا والله الا تهـاويـل= مهمـا عقـدت الحبـل لازم يحـلـه
قـد دربــوه ولكـعـوه الرجاجـيـل= من قبـل لا يصيـر الحـدث جاهزلـه
وكانك شجاع" روح حـارب أسرائيـل= قبـل اليهـود الـقـدس لا تستحـلـه
وكلـش يهـون الا الثـلاث الغرابيـل= المهـزلـه والمسكـنـه والمـذلـه

[الظميان]

صح لسانك يا الذيب

[قـحـص]

صح لسان قايلها

وشكراّ على النقل يالذهبي

[نايف فهاد]

صح لسانك ولسان شاعرها,,,





مشكور يالذهبي,,,

[شـــقـــاوي]

وبعض العرب يصلخ وينفخ وهو ريـل
وفي زعمه انـه يفهـم الكـون كلـه


صح لسانك يالذهبي قصيده رائعه ....


دمت بود ...