::. هل لديك الشجاعة والقدرة على التصريح بأسوأ طبع فيكـ ..؟ .::

[نصراوي]

هل لديك الشجاعة والقدرة على التصريح بأسوأ طبع فيك؟



واذا كان مديح النفس مبغوض الى حد كبير لماذا يتعدى الحدود فبالمقابل يمكن ان يكون مقبولا ومغضوض البصر عنه في بعض الحالات بل ربما يكون محببا اذا لم يتجاوز الحد ..

.
ولكن....!!!


من منا يستطيع ان يغربل صفاته واطباعه ليعرف اطباعه وصفاته الـ(مو حلوة) وفي رواية اخرى المشينة مرة


وهنا بالتحديد فيه شي مهم جدا ...ان فيه ناس حتى وهي تريد تعترف تحاول برضة تمدح نفسها مثل .....

انا اكثر عيب بيه اني حساس
وانا طبعي المشين اني اسامح الناس كثير
انا اكثر شي اكرهه بيا اني دمعتي قريبة

...الـــــ,ــــ,ــــ,ــخ

وهكذا ..

مين الي عنده الشجاعة يعترف بصراحة باكثر طبع مو زين فيه ....واللي يتمنى بنفسه يتخلص منه ؟؟
و الحين كل عضو يقــــول الي عنده وياليـت تكون بصراحه

الموضوع عجبني وحبيت أنقله علشان نتناقش فيه

[][عاشق الهلال][]

إن أسوأ ما فيني من طبع

هو صراحتي اللتي قد تسبب لي الكثير من المشاكل ....
فأنا صريح للغايه ... فهذه أسوا طباعي ... مع أنني أراها عكس ذلك ولكن وقتنا الراهن يحتاج الى المجامله ...

ولكن أخي العزيز نصراوي بما أنك أنت من نقل الموضوع كنت أتمنى أن أراك أول الشجعان اللذين يصرحون بأسوأ طباعهم ....


لك تحيتي ،،،

[رشاش]

الطبع الشين فيني ؟


ماأقدر أتحكم في نفسي أزعل بسرعه وأتكلم على اللي قدامي حتى لو الموضوع

تافهه يعني دمي حار بسرعه أفور وأعصب والصراحه عانيت من المشكله مع اصدقائي

وأقرب الناس لي وصارت مشاكل وبعضهم زعل علي والآخر صار يتجنبني

إلا قليل منهم اللي تعود علي إذا شافني تضايقت غير الموضوع أو قام يراضيني

ودي تقولون لي وش الحل وخصوصاً أن اللي فيني ماهو تصنع هو طبع ورثته من

أقربائي أكثرهم مثلي .

وأشكرك على الموضوع لأنه ترك لي مجال أن أعرض مشكلتي.

[xcon]

نصراوي

فعلاً موضوع يحتاج الى شجاعة

لإنه ما في أحد يحب ينتقد نفسه


وشكراً على الموضوع

[line]

بالنسبة لي

أنا أزعل بسرعة <-- و أنسى بسرعة

و المشكلة اذا عصبت

أعصب على الكل مين ما كان قدامي

يعني في مرة من المرات تعصبت من موضوع بيني و بين أخوي

شوي الا يدق علي ولد عمي على الجوال

ما رديت و سكرت بوجهه

رجع اتصل

ما رديت و سكرت بوجهه

المرة الثالثة

رديت و حطيت حرتي فيه

ههههههههههههههههههههه

هذا اللي صار

و الله انها مشكلة

[][][ SiCK_LOvE ][][]

اشكرك على الموضوع

وانا والله ماشوف الموضوع يحتاج لشجاعه الواحد اذا فيه طبع غلط هذا مو منه لكن العيب انه يستمر على هالطبع لان مافي احد ما يغلط

وانا اقولكم بكل صراحه انا عيبي اني عصبي وتوفني اضحك واسولف عادي لكن بأقل من لحضه تلقاني قلبت وقمت اصرخ وبعدين اتعوذ من ابليس وارجع عاااااااااااادي ولا كأن في شي لكن طبعا عصبيتي لها حدود وحدها عند اللي اكبر مني بس لان لساني ودي انه ينقص قبل لا امده على اللي اكبر مني والعيب الثاني اني دايما اذا كان عندي شي او واجب علي دايما اتكاسل واقول اخليه بكرا او بعدين واكييد في اشياء ثانيه ماني ذاكرها وفي اشياء ما ادري عنها والناس تحس فيها بني آدم ملياااااااااااان عيوب نسأل الله ان نتخلص منها ومثل ماقلت مو عيب ان الواحد يغلط بالعكس الغلط يعلم الصح والحكيم مو اللي ما يغلط الحكيم اللي يتعلم من غلطه وغلط غيره

واشكركم على فتح هالموضوع وفتح المجال للنقاش فيه


اخوكم: ســـــيـــــك

[نصراوي]

هلا وغلا .. حبيب قلبي

عاشق الهلال ,,


فديت قلبك على مروركـ الغالي على قلبي ,,



اول شي الصراحهـ أعتبرها أحلى مافي الانسان وأخطر مافيه ..!!



بقولكـ ليش بس لي عودهـ لرد عليكـ بشكل أكبر مرهـ اخرى ,,


وراح أجاوب على سوالي او سوالكـ من الشق الثاني ,,

[نصراوي]

رشــاش الف شكر على مروركـ الغالي على قلبي ,,


وبالفعل الكثير من الناس .. يزعل بسرعهـ


ولكن زعلكـ أنت أعوذبالله يعني على طووول ..!!!



ولكن باذن الله تزول هذي الصفة فيك ,,


ومشكور مرهـ أخرى على الصراحة فيك ,,

[VIP]

تسلم اخوي نصراوي على الطرح المميز

انا صراحه العصبيه ماحبها فيني :)

دمت بخير

[فـتـــــــــون]

نصراوي

قد يكون السيء من وجهة نظري حسن من وجهة نظرك

فلايوجد قاعده للتقييم ...

ولكن إن أردت رأيي أنا في نفسي ...

فإن أسوأ ماأتصف به في بعض المواقف

غلبة المشاعر ... قد تتملكني في توجيه تصرفاتي

ولكن يظل صفاء القلب هو الحاكم بالنهاية

شاكره لك طرحك الطيب

وتواجدك الأطيب

في هذا الصرح المميز

.

.

.

ودمت بود

[M!şş DioR]

هلا اخوي نصراوي

من جد فيني صفة احسه اي شي بس احبها ههههههههههههههههههههههه

لساااااااااني طويل بس مو على كل انسان على اللي يغلطون بس ومع هذا اسامح بسررررررررعه

يسلمووووووووووووو اخوي

[نصراوي]

xcon

الف شكر على مروركـــــــ الغالي على قلبي ..



والله يعين ولد عمكـ هههههههههههه ,,



حبيب قلبي مشكور على الصراحهـ

[مسبار]

بصراحه موضوع ممتاز ومحرج .................... لاكن .............. لاكون صريحا مع نفسي ومع الناس ساعترف بما اشعر بانني افعله كطبع وعاده لا استطيع التخلص منها ... قد كرهها البعض مني وقد احبها الكثير ايضا ..... قد يكون لها محاسن لاكنني اشعر بأنها سيئه وخاصة عندما تكون حاده احيانا ....................:rolleyes:
انا سريع وشديد الملاحظه في تصرفات الناس في اماكن العمل او الاماكن العامه ...فان صادفت شخصا اعرفه وتصرف بما قد لا يعجبني .... انتقده بسرعه وامازحه بالتنبيه لانه فعل فعلا سيئا ..
او انني احدث اصدقائي احيانا بما رأيته اليوم او قبله في المكان الفلاني بان شخصا يلبس كذا او يتكلم او يتصرف بكذا وانه اساء في فعلته او كلامه ..............
هذه العاده لا استطيع تركها ..... واشعر انها احيانا تنفر او تزعل البعض .
قد يكون هناك غيرها .............. لاكن ليس مجالها الان ..

مســــــــــــــــــــبار

[أبو رائد]

يا هلا فيك يا نصراوي

بالنسبة للصفات السيئة بالشخص

من المؤكد أنه لا يكتشفها .. لأنه لو أكتشفها

ويعلم بأنها سيئة بالتأكيد سوف يغير هذه الصفه

ومن تكون به عيوب واضحه ويعلم بأنها عيوب

من الصعب إظهارها أمام الناس


ولك التحية ،،

[عبد الله بن شنار]

ابيخ طبع فيني



اني زعوووووووووووووووووووووووووووووول

[نصراوي]

سيكـ الف شكر على صراحتكـ ورايك بالموضوع ,,


وعطرت موضوعي بمروركـــ

[نصراوي]

vip


مشكور حبيب قلبي على مروركـ الغالي ,,

وباذن الله العصبية تزول منكـ .. وهذا عادهـ بأكثر الاشخاص ,,

[بتال]

بنسبة (لبتال) فانا واعوذبالله من كلمة انا .. لااجامل احد .. وهذه الصفة جميله جدا بالنسبه لي ..
والسبب انه موضوع ما هو لايق عليك ..

[سبيعي الخفجي]

السلام عليــكم ورحمة الله وبركـاته

اخوي نصراوي اشكرك على موضوعك الجاد والصريح

وابقولك عن عيوبي والشكوى لله

خخخخخخخخخخخخخخخخخخخخخخخخخخخخخخخخخ

المجــاملـه:

اعاني منها كثيييييير واتعب من مجاملتي ذي اكثر .

الزعل :

اذا زعلت على شخص معين لا يمكن اتقبل منه اي شي لاكن احيان زعلي اكون مجمع له كل ابواب

الاعذار للشخص الي زعلان منه علشان ما يقدر يتعذر .

الوناسه والضيقه والحزن والفرح:

ممكن اكون اضحك الحين لاكن نفسياً اذا صار شي ما يعجبني او حسيت بشي اتغير على طول الى

عكس الحاله.


وغيرها ما الله به عليم ولا اقدر اعدد عيوبي لاني مو منزه من العيوب والاشياء السيئه

والله لايجيب الضيق والزعل والاحراج لنا ولكم


تقبل مروري!

[ســــندريلا]

انا صراحه اكتر صفه وحشه فيا
انى بتعصب بسرعه
يعنى كلمه واحده تخلينى نار
ولما بتعصب
بتعصب على كل اللى قدامى
وبغلط فى ناس غاليه عليا جدا
ومتستحقش الغلط فيها
وكمان انى لو حد ضايقنى جامد
ممكن متكلمش ولا ارد عليه
غير انى ابصله بصه احتقار
ده بردو عيب وحش اوى فيها
والف شكر نصراوى على طرحك الجميل

[خالد الشمري1]

انا الساني موطويل بس الميزه فيني التغاضي عن بعض الخطاء الي تصدر من بعض الصدقاء بس اذا زعلت اكبتها ومن عيوبي اني اذا شهدت فلم هندي الدموع اربع اربع خذا ياعياط رهيف قلبي

يعطيك العافيه نصراوي على الموضوع

[طليفيح]

انا فيني اسلوب بالكلام..مع الناس ...اذا تناقشت مع احد ..ولا صار ...اي شي ..

يحاسبوني زعلان ...وانا والله قلبي رهيف وطايح علي المكيف..بس من كلامي واسلوبي ...يقولولي ..ابو فهد تعوذ من ابليس...

اقولهم يالربع ماني ...زعلان يقولوي ..قل لا اله الا الله ...الربع مصملين اني زعوول.

يعني عيبي بسلوبي ..على مايقولون..

وعندي النقزات كثيرة....

شكراً ياحلى نادي باسيا...

[نصراوي]

سبيعي الخفجي .. سندريلا .. خالد الشمري .. الف شكر على مروركـ وصراحتكمــ



تقبلو تحياتي ،،،

[لايكل ولايمل]

الشي الشين فيني واتمنى اني اتخلص منه العصبيه علما (سابقا ابرد مني مافي على قولتهم ثلج بس الدنيا والعمروا لظروف تساعد على العصبيه)اتمنى ان الزمن يرجع لوراء لكي اخذ فقط (البرود)ومشكور اخوي نصراوي على الموضوع لكي ابدا من جديد لاضبط عصبيتي&&&&&&