استغلال الحج في اغراض دنيويه دعوه للنقاش

[طلال]

بسم الله الرحمن الرحيم

السلام عليكم ورحمة الله وبركاته

الحج فريضه فرضها الله على عباده

وهي احد اركان الاسلام لمن استطاع اليه سبيلا

اي حسب الاستطاعه سواء الجسديه او ماديه

والحج كما نعلم يكفر الذنوب كما قال المصطفى صلى الله

عليه وسلم( من حج فلم يرفث ولم يفسق رجع من ذنوبه كيوم ولدته أمه ) .

والدوله اعزها الله لم تقصر لخدمة الحجاج وقدمت لهم كل شيء ويسرت لهم العسير

لكن الشروط بانه يجب ان يكون عن طريق حمله والا فلا

هنا المشكله

صحيح بان ذلك من باب التسهيل للحجاج والتنظيم والبعد عن التزاحم

لكن الشركات التي تقوم باقامة الحملات تقوم على الجشع واكل اموال الضعفاء

فأقل حمله تكلفتها تكون عاليه جدا على الموظفين محدودي الدخل فمثلا المدنيين

الذين على البنود او الجنود العسكريين رواتبهم اقل من ثلاث الاف والحملات

من1500 وفوق وهذا الاخ لا يستطيع ان يوفر القيمة الا اذا ضغط على نفسه وتحمل الظروف

فكيف له ان يوفر

الموضوع كبير ويحتاج الى صفحات و صفحات

لذا ادعوكم للنقاش الهادف البناء لحل هذه المشكله

فهذه شعيرة من شعائر الله سبحانه



بانتظاركم

[][][ SiCK_LOvE ][][]

اول شي اشكرك اخوي طلال على موضوعك القوي والمهم

طبعا كل كلامك صحيح مافي اي اعتراض عليه بس في نقطه وحده اللي هي اسعار الحملات ترى مو كلها 1500 هذا السعر نقدر نقول عالي نسبيا بس ترى في حملات على 500 وفي حملات اقل وفي حملات اكثر وفي حملات توصل لـ 2000 ريال طبعا كله على حسب الحمله والخدمات اللي فيها في ناس تروح بالطياره وفي ناس تروح بالباص وفي ناس تسكن بفنادق قريبه من الحرم وفي ناس تسكن بعيد وناس بخيام و ... الخ

يعني اكييد راح يختلف السعر من حمله لغيرها وكله خاضع للخدمات اللي توفرها لك الحمله واللي مقتدر مافي مانع انه يروح بالحمله الغاليه واللي حالته صعبه في حملات ماتبي غير رضى رب العالمين واللي رايح يبي الحج ويبي يكفر ذنوبه ماتهمه الحمله والراحه اللي فيها رايح يبي يأدي فريضه وبس

بعدين انا لما سألت قبل شوي قالولي ان الـ 1500 هذي شامله الاقامه والتذكره و بوفيهات مفتوحه وفريق طبي وفريق دعوه وارشاد يعني انا والله اشوف ان سعرها معقول بالنسبه لهالخدمات

وشكرا مره ثانيه على هذا الطرح المفيد والقيم

اخوكم : ســـــيـــــك

[ظنا وايل]

الاخ طلال

موضوع يستحق الأشادة لجدية القضية التي يناقشها

اخي العزيز

مثلما ذكر اخي سيك

1500 هذي شامله الاقامه والتذكره و بوفيهات مفتوحه وفريق طبي وفريق دعوه وارشاد يعني انا والله اشوف ان سعرها معقول بالنسبه لهالخدمات

هذا من جهة

احد الحملات في دولة الكويت وصل سعرها الى110500 ريال تصور!!!!

طبعا هذا السعر لا يشمل خدمة الحج بل رفاهيته

لكن اليس من الأجدر ان يكون لكل مواطن حجة بالعمر على حساب الدولة لاسيما ان المشاعر المقدسة

في بلادنا ونحن ولله الحمد نقوم بخدمة عشرات الملايين سنوياً ما بين حج و عمرة من مختلف ارجاء العالم

ولا استغرب على خادم الحرمين الشريفين القيام بمثل هذا العمل

دمتم برعاية الله وحفظة

[طلال]

بسم الله الرحمن الرحيم

السلام عليكم ورحمة الله وبركاته

الله يسلمك ويكفيني وجودك معي وتفاعلك الكريم اخ سيك

وصدقت اخوي فيه حملات بـ 500 ريال لكن هل تكون مريحه وقريبه

من الحرم او داخل عرفه بوجود كل هذه الموسسات المصرح لها

وافتراضي انا عن من رواتبهم اقل من اربعة الاف وهم كثر والحملات خمسمائه لا يرغبها الا

من ليس لهم قدره نهائيه على الموسسات الاكبر

شاكر لك اخوي

[طلال]

بسم الله الرحمن الرحيم

السلام عليكم ورحمة الله وبركاته

الله يعطيك العافيه اخوي على مشاركتك

وانشاء الله نسعى للافضل

وموضوع حجه على الدوله فكره جميله لكن كيف تلحق الدوله على عشرين مليون

الله يعزها الدوله ماقصرت وفرت كل شي وحنا علينا الباقي والحمد لله

هذولاء الي يجون هي حجه وحده بالعمر غالبا وخلاص لكن حنا نحمد الله تحصل كل فتره

والبعض كل سنه يحج

بتصريح ولا بدون يحجون

الحمد لله على النعمه

[][][ SiCK_LOvE ][][]

والله يا اخوي طلال انا اشوفها ماتفرق اذا قريب من الحرم ولا لأ انت رايح تأدي فريضه مايهمك المكان اذا انت قاصد وجه الله وانا بالنسبه لي ما اشوف في فرق والله لان اكييد اللي راح يوديك للحرم باص واللي يرجعك باص يعني نفس الشي وطبعا كله لوجه الله ومعروف كثر ماتتعب لله بعدين يريحك يعني تتعب بالرحله بس اجرك اعظم لانك عانيت وتحملت علشان وجه ربك الكريم

اخوكم : ســـــيـــــك

[طلال]

بسم الله الرحمن الرحيم

السلاام عليكم ورحمة الله وبركاته

صح اخوي الاجر افضل بعد التعب

لكن المساله مساله الاستغلال وزياده الاموال

بعدين مو دايم تجي باصات يوم حجيت قبل العام

لقيت كثير اللي يمشون مسافات طويله على الرجلين

وفيه اماكن مايمكن يمشي بها الباص من الزحمه والبشر المنتشره

سواء الحجاج ولا الكدادين

ولا الافارقه المتسدحين بالطرق والرجلين مقطعه

هذي الاسباب تخلي الباصات تجبر انها توقف بعيد

وفيه بالحملات منهم كبار بالسن وعاجزين وبكذا تكون الحملات

باهظه بالثمن ولا يمكن ان تصل على مستوى الاموال التي تدفع الى الاماكن

المخصصه

وشاكر لك على التعقيب

[][][ SiCK_LOvE ][][]

والله يا طلال ماني مطولها عليك :)

ربك غفور رحيم والله ان مدرسين عندنا راحو على حسابهم وبسيارتهم تتوقع ليش ؟ علشان الاجر بس ومثل ما قلت ربك غفور رحيم الله فرض الحج على اللي يقدر اما اللي ما يقدر الشكوه لله

اخوكم : ســـــيـــــك