المساعد الشخصي الرقمي

مشاهدة النسخة كاملة : ياعلي

VIP
03-01-2007, 01:48 PM
ياعلي خــل الـــعيـد لأم الدناديـش**** اللي تنظــف كل يومـــن جسدهـا
تبغي تمــاري ناقضات العكاريش**** في كل مـــلفـاح تنقـــض جعدهـا
العيد عــيد الله ولو فـات حتيــــش**** من حسبة ايامــن يمـرك عددهـا
نبي نعلمك المساري على الجيش**** تمــشي ذلولك لـين يفتـر جهدهـا
خابرك منــت بضاري للمطارييش**** نبيــك تونس حـلوها مـن نكدهـا
ليله على مــسرى وليله مغابيـش**** وليـله نخلي نومها لمـن رقدهــا
وليله على تمره وليله على عيش**** وليله نوكــلك الــلحم صيـد يدهـا
ياعلي لاجــيت العرب لاتجي تيش**** خبل ليا جــاب السوالف سردهـا
احفظ لسانك لايـــجي فيه تبطيـش**** تصبح عــــيونك كايـدات رمدهـا
يجيك من ينـــشدك نشــدة كديـش**** يبــي يســـنـع هرجـــــة يعتمدهـا
خله يقوم مفلت في يـــــده ريـش**** يروح مــــنك وحاجــتـه ماوجدهـا
ترى دعابيل الخبـول الفوانيـــش**** تبدي بــما فيها ولا احــــد نشدهـا
يجيك واحــــد يـورش يوريــــش**** سحابـــته يسبـق مــطرهـا بردهــا
واللي لغقمات السوالف مناقيـش**** قراية الكـــلمه علـى اول عددهـا
تجي سوالفهم ضحـك وتهبـــيـش**** وقلوبهــــم محـد يفــــكـك عقدهــا


الشاعر صقر النصافي
الريم
06-01-2007, 11:32 PM
(( ياعلي خل العيد لام الدناديش ...))


رائعه .. رائعه

من روائع صقر النصافي ..


تحياتي لك عزيزي ..

اختك الريم
VIP
07-01-2007, 06:58 PM
تسلمين على المرور اختي الريم

لاهنتي
سامي الشمري
07-01-2007, 07:06 PM
VIP


الله يعطيك العافية على النقل الرائع و الجميل


تحياتي لك


:101:
طليفيح
07-01-2007, 07:40 PM
ياعلي خــل الـــعيـد لأم الدناديـش**** اللي تنظــف كل يومـــن جسدهـا

اي والله خله ياعلي لم الدناديش...

قصيدة جت بوقتها....

يعطيك العافيه .... على القصيدة الرائعه
VIP
08-01-2007, 07:23 PM
الله يعافيك اخوي سامي

لاهنت على المرور
VIP
08-01-2007, 07:24 PM
تسلم اخوي طليفيح

اسعدني مرورك ياغالي