لماذا ياادارة مستشفي عمليات الخفجي

[@خالد@]

السلام عليكم

لماذا تمنع العلاج لموظفى الحكومة؟ اليسو موطنين سعودين ولهم حق العلاج.






تحياتى

[عبدالله محيلان]

لان فيه مستشفى حكومه لموظفين الحكومه, يقوم بمسولية علاح المواطنين.
وبعدين الله يامستشفى الشركه ذا!!!! مستشفى سعد على غفله.

[MEASTRO]

قطيـــه نفتح مستشفى ..":biggrin:

[العـــابر]

أحمد ربك أن الدولة فتحت لك مستشفى وكفتك منّة مستشفى الشركة
وبعدين لازم تعرف من الأساس أن مستشفى الشركة مسؤول فقط عن صحة موظفين الشركة وعوائلهم ولا وش لها دخل الشركة بموظفين الحكومة
ولا تحسبها جمعية خيرية على غفلة

[طليفيح]

حيااااااااااااااك ..الله خالد...

السبب..واضح...ادخل...على الرابط...

http://www.alraidiah.com/vb/showthread.php?t=30547

[][][ SiCK_LOvE ][][]

اعتقد مستشفى الخفجي العام زين والله مافيه شي شمعنى مستشفى الشركه يعني ؟

خلني اقولك سالفه عنهم

مره جدي الله يرحمه تعب وانا بثالث متوسط للحين اذكرها والله و وديناه مستشفى الشركه قال ان في نغزات بقلبه على طول نوموه وعطوه حبة ضغط لونها وردي اذكرها للحين مره وحده جذي انقلب وجهه اصفر وانتفخ صدره و ركضو فيه لللعنايه وطلع اللي فيه جلطه ... تصور يعني مافي اهتمام والله بايع نفيك تروح تعالج عندهم ؟


اخوكم : ســـــيـــــك

[رشاش]

انا استغرب من اللي يدافعون عن مستشفى الشركه ويقولون فيه مستشفى فتحوه لموضفي الحكومه

ماادري وش مزعلهم لا يكون تعالجون العالم على حسابكم ماأدري ليه الحسد هذا


الظاهر اللي يتكلمون بلسان مستشفى الشركه موظفين فيها ويبون يفتكون من الناس اللي يراجعونهم

بس اقول اقعدوا اللحين كشوا الذبان .

[الضيغم]

يا اخي يوفرون على الشركه مصاريف ..!!

من جدك انت تعالج عندهم بلوشي ..

انواع الحسد ذولي وبخل تقل دافعين من جيوبهم ..

يقولون المستشفى ما يغطي وما يلحق يعالجكم عنده عيال الموظفين خمس طعش الف نفر ..!!

الله يعين يا رجال الظاهر الخفجي كبر القاهره ولا جده..

كلها ما تتعدى عشره كيلو لا والاحياء مطشره ولو تجمعها تصير كيلو بكيلو ..!!

وازيدك من الشعر بيت ذاك اليوم لقيت واحد متناشب معهم على تقفيلة ملف

وسألته قلت شالسالفه ملغين ملفك بعد التقاعد قال ما تقاعدت ..!!!!! ومقفلينه يقولون راجع العلاقات الصناعيه ..!!

انجن المسكين ورفضوا يعالجون ولده يده متجرحه تنزف دم ..

وراح لمستشفى الحكومه وعالجوه على طول بدون سين وجيم ولا تحقيق وخرابيط ..!!

[نجم]

أتضح الامر شكرا ماقصروو الاخوان

[][][ SiCK_LOvE ][][]

لا والله ماني موظف ولا شي بس الواحد يتكلم عن الواقع وبالعقل يعني اذا مستشفى الشركه الحين يكش ذبان ترى هم المستشفى العام قبل كان يكش ذبان بعدين الواحد لما يسوي شي يكون هو الاولى فيه يعني موظفين الشركه اولى انهم يتعالجون بالمستشفى اللي مسويته لهم الشركه

وارجع واقول اولى بس يعني انا بعد ماني مع قرار ان يتم رفض الناس عن المستشفى وماعتقد والله انهم راح يرفضون حاله طارئه ومكتوب اعلان انا شفته ان الحالات الطارئه يستقبلونها اما واحد فيه كحه وجاي ابي اتعالج ؟ ياخي 10 ريال و روح اشتر فيفادول وفك نفسك بلا ما توقف دور ولا شي



اخوكم : ســـــيـــــك

[عبدالله محيلان]

والله انك صادق يا ][][ SiCK_LOvE ][][ كلامك صحيح ميه بالميه


مستشفى الشركه والحكومه كلها زباله تكرمون

[][][ SiCK_LOvE ][][]

لا انا ماقول عنهم شي انا جربت العلاج بالاثنين وكلهم معاملتهم عاديه والله وللأمانه لما رحت المستشفى العام ما تأخرت ونفسية الدكتور كانت حلوه معاي

انا ما انتقد احد لكن اقول اللي اشوفه واقول آراء الناس اللي حولي من خلال مشاهدتهم لهالمستشفيات وتجربتها



اخوكم : ســـــيـــــك :101:

[مسبار]

مهما يكن ............ يبقى مستشفى الشركة خاص لموظفي الشركه منذ تأسيسه والاتفاق على
تشغيله ......... وتبقى معالجة اهالي الخفجي فيه مساعده ومساهمه الى حين ايجاد مستشفى لهم
والان من حق الشركه ان تعتذر عن معالجة غير موظفيها . لتوفر البديل . وهو مستشفى الحكومه .
والكل يعلم تذمر الاطباء من الزحمه سابقا ونقص الخدمات الطبيه سابقا والسبب ان المستشفى
يعمل فوق طاقته المفروضه ....ليس حسدا ولا بخلا ولكن هذا واقع الحال وواقع المستشفى الحقيقي.

[سبعاوي]

الفرق طبعاً واضح
مستشفى الخفجي العام ادويته ابو ريالين فقط
اما مستشفى عمليات الخفجي ادويته 200 ريال 300 ريال يعني مافي مقارنه بالعربي.
لابعد الطريق حق مستشفى العام كله مجاري وسيارتك راح تكسر الأذرعه لين ماتوصل المستشفى.
بالمختصر مشتشفى العام فااااااااااااااااااااااااشل يكفي مافيه وحدة غسيل للكلى ولا اشعه مقطعيه ولاعياده نفسيه.
الله يرحم ايام زمان كانو اهل الخفجي يشكون من مستشفى الشركة ... اما الآن فأصبحو يتمنون مستشفى الشركه.
عقباللكم يفتحولكم مستشفى الماني مثل الذي في جده او مستشفى سعد !!!!!!

[][][ SiCK_LOvE ][][]

اي ننطر انشالله :)


اخوكم : ســـــيـــــك

[رشاش]

راح تسبون مستشفى الحكومه بعد فتره واذكركم.