المساعد الشخصي الرقمي

مشاهدة النسخة كاملة : عندك واو

بركـ الحب ـان
20-09-2003, 08:17 PM
عندك واو ... يوقفلك الكل و يخدمك الكل !!
ما عندك واو ... تعال بكرة !!

عندك واو ... تتخطى الصعاب !!
ما عندك واو ... لازم توقف في الطابور !!

عندك واو ... تأخذ أحسن غرفة مكيفة في أي مستشفى !!
ما عندك واو ... جيب المكيف معاك !!

عندك واو ... تكتب في أي جريدة ولو كان موضوعك تافة أو أي كلام !!
ما عندك واو ... يضيع المقال أو يختصر أو ما ينشر !!

عندك واو ... ما تتعب في تسجيل إبنك في أي مرحلة تعليمية أو جامعية طب , هندسة ... حتى لو معدله في الثانوية60% !!
ما عندك واو ... الله يعينك , في المدرسة , لازم يكون عمر المحروس سبع سنوات بالساعة , و إلا في السنة الجاية ألين يكمل !! , وفي الجامعة ما في غير فني , أدب , رسم ... وعلي حسابك !!

عندك واو ... الحلاق يحلق لك أحسن حلاقة مع مساج !!
ما عندك واو ... يحلق لك أي كلام , و رأسك يطلع في يده !!

عندك واو ... تترقى و تاخذ دورات و تسافر إنتدابات !!
ما عندك واو ... و الله حسب النظام المعمول فيه !!

عندك واو ... تأخذ أحسن صالة للأفراح , و كل شي مجانا , و هدايا !!
ما عندك واو ... الله يعينك , حتى المنديل تحاسب عليه !!

عندك واو ... الشارع نظيف و مرتب و أشجاره مقلمة و منسقة !!
ما عندك واو ... الله لا يوريك !! إشي و إشي و إشي !!


عندك واو ... تحجز في المطار في أي وقت , و فورا تلقى عشر كراسي فاضية لك و لأحبابك !!
ما عندك واو ... الحجز أتلغى , و الكرسي طااااااار لغيرك !!

عندك واو ...... بتحصل علي وظيفة قبل ما تخلص الدراسة !!
ما عندك واو .... خيس كم سنة في البيت لانك ما عندك خبرة !!!


منقول


بركـ الحب ـان
ابو خالد
20-09-2003, 11:13 PM
كلام جميل اخوي بركان
وهذا مانعيشه اليوم



يعطيك العافيه ...
بركـ الحب ـان
20-09-2003, 11:58 PM
تسلم اخوي ابو خالد وهذا الواقع فعلا
صدقني الوالد حط بحسابي مرة مليون واربع مية الف وقال خلها بحسابك لمدة شهر
وخذ يا هدايا مع اني عميل للبنك من خمس سنوات وما كانوا يردون السلام
ويوم صار الرصيد محترم صاروا يقومون لي عند الباب
ويخدموني وانا جالس بمكتب المدير وسم طال عمرك وخذ من دهن السير
وخلصت المدة وراح الرصيد وجيت مرة للبنك وما صفيت مع العالم ودخلت على العويده للمدير وقال الله لا يهينك وقف مع الصف بسرعه لا يسبقك احد
والله مالهم خاتمة
صارت العلاقات مع اغلب الناس علاقة مصالح مادية فقط

بركـ الحب ـان
عبدالله الحديثي
21-09-2003, 12:27 AM
اخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخخخخخخخخخخخخخخخخخخخخخخخخ


الله يرجك ور ما علمتني علشان اتدحوس عندك لغدي يطيح منك 500 أو 1000

أجل ما عندك شي<==احرص على قل المعرفة على فكرة حتى الإشراف ابي أشيله منك

اخخخخخخخخخخخخخخخخخخخخخخخخخخخخ

أمزح والله يا بركان الحب ما أفرطبك لو يازنزني ذهب وألف نعم فيك بس حبيت أمزح .

على العموم كلامك صحيح ومنطقي وتحضرني قصة حصلت من ايام

وهي أن احد الأصدقاء أخوه تخرج من ثانوي السنه هذي ونسبته أقل بكثير وأتذكر

أنها 59.15 % تصدق قبل بالكلية التقنية قسم محاسبة وأخوي نسبته 72 %

رفضوه ليش لأن ولد عم الرجال أبو نسبة ضعيفه يدرس بالكلية هذي لا وقايلة النصف

الثاني أبي أحولك ي قسم تبي .

عجاااااااااااااااااااااااااااااااااااااااااااااااي ب يا زمان الوسايط

الشاعر يقول :

ول يا زمان الذل والعار والخوف * * * * * ول يا زمان الوسطة والميانه

ما يذبح الرجال غير إنه يشوف * * * * * اخس خلق الله ياخذ مكانه

الأبيات واضحة ما تحتاج شرح . والمعنى في بطن الشاعر مثل ما يقولون .

شكرا على الموضوع القيم يا بركان الحب .
ابوسعود
21-09-2003, 07:12 PM
يقول الملك فيصل بن عبدالعزيز رحمه الله انه سوف يقضي على كل شيء الا الواسطة
احسـ العالم ـاس
21-09-2003, 07:47 PM
بركـــ الحب ـــان صديقي تعال تعشا عندي بكره

وجيب بطاقة الصراف معك لاتنسي خخخخخخخخ




تحياتي
بركـ الحب ـان
21-09-2003, 09:34 PM
ههههههههههههههههههههههه

الله يرجكم

راحت الفلوس الحين اصف مع الهنود بالبنك لا ويهاوشوني العمال يقولون روخ هناك يعني صف مع السعوديين مادريت ان للعمال صف خاص بهم وما يبون معهم احد





شكرا اخي احساس خلاص قبلت العشاء وبعطيك البطاقة مع رقمها السري

والله ان ترحمني




اخي الفيلسوف يكفي انك صديقي وهذي ما تقاس بالملايين <<< دهن سير متعود من البنك





اخي ابو سعود صدق الملك فيصل والله ما يقدرون يقضون على الواسطة فعلا

الاسلام شرع الشفاعة واثاب فاعلها لكن بدون ضلم للآخرين او على حساب الاخرين

( اشفع تشفع يوم القيامه ) او كما قال صلى الله عليه وسلم



بارك الله فيكم وعلى تعقيباتكم المصلحجيه خخخخخخخخ

بركـ الحب ـان