مستشفي عمليات الخفجي يطرد موظفي الدولة ويعالج الشغالات

[العطيب]

أمر مستشفي عمليات الخفجي جميع الموظفين بإصدار بطاقات صحية للخدم والسائقين ليتم علاجهم
في المستشفي. والله من الفضاوة وقل الشغل بعد ماطردوا موظفين الحكومة.

[رشاش]

هذي سالفه تقولها تقارن السعودي بالأجنبي

لازم الأجنبي يأخذ حقوقه كامله من رعايه صحيه وغيرها لأن هؤلاء ضيوف عندنا .


اما السعودي يدبر نفسه فلوسه واجد يشوف أقرب مستشفى أهلي.


الله المستعان ويصبرنا ياأخوان.

[عبدالله محيلان]

الحق مايزعل
مافيها شي يعالجون الموظفين وشغلاتهم. وبعدينوشفيه طيب مستشفى الحكومه

[رشاش]

والله رح للمستشفى وشف بعينك


وبعدين وش فيها اذا عالجوا موظفين الحكومه موظفين الحكومه يخدمون شركة ارامكوا وموظفيها

ولا انت حاسد العالم بعد.

[العـــابر]

غريب أمركم
يوم كنتوا تعالجون بمستشفى الشركة كنتوا تذمونه
وهالحين يوم (حولوكم على مستشفى الخفجي) تحسفتوا على مستشفى الشركة

روح طالب لمستشفى الحكومة وأترك مستشفى (الشركة) بحاله

وبعدين موظفين الحكومة يخدمون (بلدهم)

[طليفيح]

جزاهم...الله...خير...بس..ان شالله..يكونون..مسلمين..الخدم..بس

ياخي...مستشفى...ومستشفى...كلهن..خايسات..من فتحن..

عاد..حولوهم..للحكومه...ولا خلوهم..بمستشفى..الشركه..كلهن..بالهوا..سوا..

[نجم]

http://www.njmsaheel.com/images/smiles1/sm1.gif

[رشاش]

على قولتك ياطليفيح
بس انا

مايقهرني إلا اللي يحامون عن مستشفى الشركه واللي يسمعهم يقول قاطين بالمستشفى.

[مبروك زايد]

هههههههههه وأنا بعد أوافق الراي يارشاش وياطليفيح مستشفى الحكومه من تدخله

يضيق صدرك ومافيه دكاتره مثل أو بمستواى دكاترة أرامكو بالحقيقه الغلط الأول والأخير من وزارة

الصحه يوم حطو مستشفى ليه مكبروه مستشفى دواعيس كنه جحور أرانب


الطوارى فيها أربع سراير فقط

طيب لوجاء حادث مروري لاسمح الله

وفيه ثلاثه بين الحياة والموت

وشخص توفاى

وتسعه مصابين بالله وش بيسون

[سالم1]

40 سنة ومستشفى الشركة يخدم اهالي الخفجي بلا منه....

غريب امركم كنتوا تسبونه وهلحين تطالبون بالعلاج فيه!!!!!!!!!!!

وشغالات الموظفين تبونهم يعالجونهن بالمستشفى الأهلي!!!!!!! نعبو الحسد بس؟؟؟؟؟؟؟

طالبوا وزارة الصحة إن كان فيه نقص بالمستشفى العام... والشركة ماقصروا قالوا نستقبل الحالات المحولة.....

[عجزت اكابر]

مستشفى الشركة خاص للموظفين بـ العمليات المشتركة

وكان قبل لاهل الخفجي وللموظفين يوم ماكن فيه مستشفى

والان ابناء الخفجي عندهم مستشفى كبير وقريبا تتكمل امكانيات

اتركوو مستشفى الشركة لاهله
والعام لاهل الخفجي

[العـــابر]

على قولتك ياطليفيح
بس انا

مايقهرني إلا اللي يحامون عن مستشفى الشركه واللي يسمعهم يقول قاطين بالمستشفى.

ما قطوا بس الشركة أنشأت المستشفى كتأمين لصحة موظفينها وعائلاتهم مثل مستشفى الظهران أول ما بدا ومثل تكساكو تعالج موظفينها بالأهلي, ليش ما أشتكيت عليهم؟؟؟؟
يابو الشباب المواعيد كانت بعد شهر وشهرين بسب الزحمة والدكتور مزحوم باليوم يستقبل مرضى كثير فوق طاقته. أنا ما أمدح المستشفى بس ما أرضى بالفوضى والأنانية وإذا أنت شايف تقصير من المستشفى العام أرسل شكوى ولا إعتراض لوزارة الصحة بس لا تحاول تذم مستشفى الشركة كون المستشفى العام مقصر بحقك ومبدأ (لعبوني ولا أبخرب عليكم)
دمتم سالمين

[][][ SiCK_LOvE ][][]

الخدم والعماله اللي على كفالة موظف ارامكو بسسسسسس


شوف خلني اقولك

اول شي موظف الحكومه يقدر يعالج الناس اللي تحت كفالته هذا شي عادي يعني يآخذون حقوقهم

يعني شي طبيعي ان موظف ارامكو يعالج الناس اللي على كفالته مثل ما يعالج عياله بمستشفى ارامكو

بعدين شوف موظف ارامكو يخدم ارامكو والشغاله تخدم موظف ارامكو يعني اذا ما تغسل ملابسه شلون يروح للدوام ؟ :)


لان حرام مستخسر فيهم حبتين البندول اللي بيعطونهم اياها ؟

واللي يسمعك الحين يقول مستشفى ارامكو المستشفى الالماني ... ياعمي خليها على ربك

اخوكم : ســـــيـــــك

[ابومنال الشمري]

اخوي سالم ردا على كلامك انه له اربعين سنه
ابوضح لكم امر ان مستشفى الشركه الحالي غير مستشفى شركة الزيت سابقا
الان سواء مستشفى الخفجي العام أو مستشفى الشركه الحالي تعبانات من حيث نقص واضح للاقسام و للاخصائيين والممرضين الأكفاء .
المفروض يدرس الممرض اربع سنوات مع التطبيق على الاقل لانها مهنه حساسه .
الحين تلقى بعض الممرضين وليس الكل والحمد لله شغله الشاغل التسريحه والجل الي حاطه على الشعر والا اللبس تقول عرض ازياء ام المشيه تقول ام خمس طعش وعدم مبالات.
بلاه عليكم هذول كفوا انهم يتحملون المسئوليه .
ماقول إلا لاحول ولا قوة إلا بالله يالله العوض.

[مسبار]

احسنت يا العابر ........................(( لاعبوني والا بخرب عليكم .))
ياجماعه حدثونا بما يعقل وبما يليق ..
مستشفى الشركة اساسا لموظفي الشركة فقط وكل شركات العالم هاكذا .
وعندما كان يخدم جميع الاهالي كان خيرا وكرما ومساعده ... ومع ذالك كان يشتم ويسب طاقمه كله .
وكان موظف الشركة يعاني من المواعيد والمراجعات وسراير التنويم .. وهو حق له وواجب على الشركه ..
واليوم بعد ان انشأت وزارة الصحه ( مشــــكورة ) مستشفى عام حكومي . اصبح الخير خيران .. واصبح الواجب
شكر الشركة على ماقدمته خلال السنوات الماضيه .. واصبح من الواجب محاسبة ادارة المستشفى العام
ووزارة الصحه اذا وجد تقصير او نقص .. وليس منطقيا ان نصب غضبنا على مستشفى الشركة .
ونشتم وننتقد بالاتجاه الخطأ والاتجاه المعكوس .....هل هو خوف ام ماذا .؟؟........اتجه بالشكوى بعد الله الى مسؤولي الصحه وطالبهم بتحسين الخدمات الطبيه والصحيه واستكمال النواقص ....ولا تعض يد من تفضل عليك في سنوات العجاف الماضيه ... فنحن نتمنى ان يكون ويصبح المستشفى العام من ارقى المستشفيات ويكون التحويل معكوسا من مستشفى الشركه الى مستشفى العام للحالات المستعصيه والطارئه .. اللهم امين .ف الى الان لم يصبح مستشفى الشركه بمستوى المستشفيات المعروفه حتى يستحق هذا التندم على مراجعته او المعالجه في اروقته .....
.........والله المستعان ...