الشــــــــــــــــــــ المقرود ـــــــــــاعر

[هم1]

الا واشيب عيني من حمولي كل يـوم تـزود

===========وانا اللي ماهقيت ان الحمول اثقال واشـدادي

والا يالله جملني بصبرن منذكـر لـه حـدود

===========يفوق العرف ماله وصف تكفـا يالله الهـادي

والا يالله لاتثني عزومـي باعتلـي واسـود

===========ابي لاجابو اسمي يذكرون افعولي وامجـادي

والا يالله صبرني على حمولي بعد محسـود

============والا يالله لاينهـار متنـي بعيـن حـسـادي

دعاوي موجهه لله وحـده الخالـق المعبـود

============ولا غير الولي ارجي على غاياتي ومـرادي

انارجال لي نظره تشوف ان الرجـال تكـود

==========تشوف ان الرجال اجبال من يخطي ترا يعادي

بنات افكار وهيضها بفكر الشاعـر المقـرود

==========لعمري اللي تهاوا لاني ضايع فيه او غـادي

بلغت العشر والعشرين كله من عمر معـدود

==========وربيع العمر بحسابه وماشي لنقص عـدادي

وقالو بالمثل ظلن مهو لشجرتـه مابـه فـود

==========وانا شفي اصير اظلال ربعي عند الاجـوادي

اقوله والحقيقه اني من حظيظي تـرا ملهـود

==========حقيقة حظي اللي لا ذكرته يدمـي افـوادي

بلغت العشر والعشرين ياحظي العمر محدود

==========بلغت العشر والعشرين وحظي عاثر اوكادي


عبداللــــــــــه بن ضيف اللـــــــــه الشمــــــــــلاني

[سامي الشمري]

..


:101:



( 1 )



:101:

[سامي الشمري]

بلغت العشر والعشرين ياحظي العمر محدود
...................... بلغت العشر والعشرين وحظي عاثر اوكادي


عبد الله ..!

أبيات رائعة ..!


صح لسـانك و يشرّفني المرور أولا ً عليها


:101:

[شوق الغلا]

عزيزي عبداللــــــــــه بن ضيف اللـــــــــه الشمــــــــــلاني

دخلت صفحتك المنسوجه بأناملك

ومشاعرك الجياشه ..

ومااعساني فاعله الا00

الا ان اقف احتراماً امام كلماتك ..

لا املك قوة قلمك بالكتابة ..

فحروفي ستشوه حروفك ..

الجميلة ..

دمت لنا يالغلا

[عبد الله بن شنار]

الله الله صح لسانك



جزله من شاعرن جزل



صح الله لسانك يالقرم

[دانة الدوحة]

صح لسـانك
http://www3.0zz0.com/2007/03/09/23/39601232.gif

[هم1]

هلا بك والله وغلا ياسامي وصح الله ابدااانك حيه من مرووووور يزيدنا ياخوك شرف



عزيزي عبداللــــــــــه بن ضيف اللـــــــــه الشمــــــــــلاني

دخلت صفحتك المنسوجه بأناملك

ومشاعرك الجياشه ..

ومااعساني فاعله الا00

الا ان اقف احتراماً امام كلماتك ..

لا املك قوة قلمك بالكتابة ..

فحروفي ستشوه حروفك ..

الجميلة ..

دمت لنا يالغلا
الاخت شوق الغلا والله مدري شقول على هالاطراء النابع من القلب الى شكر للقلب الذي نبعت منه وتسلمين يااخت على كل حال


صح ربي ابدانك يا السميي وتسلم ياعبدالله




دانه الدوحه اااااااارحبي وصح ابدانك والله يعافيك

[عبدالعزيز الجلعود]

هلا عبدالله الشملاني


وصح قلبك

==========وانا شفي اصير اظلال ربعي عند الاجـوادي

وكفوووووووووالله

كن بخير

[هم1]

صح والله ابداااااااانك يابناخي ولالالالاعليك زود انت من يقراااااااااااه مدري هل اصبت كونننا نرد خطيا عسانا بس جبناه صح وتسلم يبنااااخي على كل الاحوال

[عبدالعزيز الجلعود]

هلا عبد الله

حاولت ارسل لك رساله بالخاص

ولكن للأسف انت را فض هذه الخا صيه

وهي عدم استقبال الرسائل من الأعضاء
ياليت تعدلها
كن بخير

[هم1]

الاخ عبدالعزيز الجلعود والله ياخوك بغيت ارسلك رساله وقال لازم تكون مشاركاتك فوق الخمسين تتفعل خدمة الرسايل الخاصه وان كان الامر فيه ضروره قصوى امر اجيك اطامر ولا مر وقند راسك بفنجال مزعفر يطير العماس وعطنا العلم واللي مثلك وشرواك يشرفنا زيارته محلنا ياخوك