قصة مطنوخ شمر مع السوبر فايزر

[مطنوخ شمر]

بسم الله الرحمن الرحيم
قصتي مع السوبر فايزر .. يا طويلين العمر والسلامة القصة بإختصار هي كالآتي
أنا موظف جديد في شركة سابك ,, وربطتني علاقة صداقة بواحد من زملائي بالعمل
بعد ستة أشهر الله وفقه وصار مسؤول عن قسمة برتبة (سوبر فايزر) .. وش اللي
صار بعدها ؟؟؟؟ اللي صار أنه إنقلب ضدي أنا بالذات ليش ؟؟؟ ما أدري ,, لا مو بس
هذا ....... صار يتصيد علي أتفه الأمور علشان يثبت وجوده قدام المدراء الكبار .....
وأنا عندي صديق أعتبره مثل أخ كبير بالنسبة لي ,, الله يذكره بالخير ويستر عليه وين
ما توجه ,, أسمه خالد خلف الفدعاني العنزي ,, يوم ضاقت بي الدنيا وحيل
إنزعجت من هالموضوع قعد يواسني ويهون علي ,, وأنه كان عليهم رؤساء أول
ما داومو أسوأ من هذا ,, عاد أنا كتبت لي أربع أبيات وسلمتها بيد أبو خالد أقول فيها :
يقول مـن عـقلـه شــوي ويـطـيـــر تــبــت يــدين الـرخــوم وتـبـت ذيـولـهـا
يـا خالد أنــا عقلي ترا مهو صغير أفـهـم معـاني الـرجال وأقـدر أفـعـالـهـا
يا ما كوتني الدنيا وأنا توي صغير ويـا ما رمـت عـلى صـدري حمل جبالها
لكني ما أرضى الذل من إنسان صغير مــا قــدر الــعــشـــرة وجــمــل فـــالــهـا
وجاني بعدها أبو تركي وهو متضايق ,,, أسأله وش فيك ؟؟ يقول والله على شانك بس أبيك تقول
لي وش تبي ؟؟ قلت له ما أبي إلا سلامتك بس أنك أقرب واحد لي وحبيت أفضفضلك ... وإلا أبو
الشباب ناوي يفزع ,, وناوي يخربها بعد بس علشان خويه ,, وهو كفو ,, دام أنه من عيال وايل
وسلامتكم ,, هذي قصتي بإختصار مع القصيدة .. وأتمنى أنها تعجبكم وأبي أسمع ردودكم ..

[سامي الشمري]

يا الغالي أنت أسم على مسمّى ..!


و عيـال وايل وقفتهم تسوى 1000 وقفة ..!


و الشاعر خلف المشعان يقول :

الطيب مبطي بين شمّر و ويلان ..!
....................... كل القبـايل تعتبرهم " قبيلـة " ..!


أهم شيء أنك فضفت لنا عن هالموضوع


و الله يعطيك العافية عليه


يقول مـن عـقلـه شــوي ويـطـيـــر تــبــت يــدين الـرخــوم وتـبـت ذيـولـهـا
يـا خالد أنــا عقلي ترا مهو صغير أفـهـم معـاني الـرجال وأقـدر أفـعـالـهـا

دائما ً القصيدة إذا أنتهت بـ لام و هاء و ألف يجب أن تكون القافية من 4 أحرف

يعني يا تختار ( فعولها و ذيولها و خبولها )

أو

( أفعالها و رجالها و أخبالها )


و يعطيك العافية يا المطنوخ


تحياتي لك


:101:

[هم1]

مطنوخ شمر ماعليك زود انت واخوي سامي والطيب مايشره الا على الطيب وعساه وعساه دايم على هقوتك

ودايم وانا اخوووك الرجل يبني حياته على مبداه والرجال قالت (الكريم أمعان ويمنا الشجاع منجاه)

وعسا طيبك دوم بياض وجهه لك ونجاه ياالمطنوخ وعسا الله يجمل رفيقك فيك

[مطنوخ شمر]

لا هنتو أخواني علا مروركم الطيب وعلى راسي من فوق

[ابوتركي]

بسم الله الرحمن الرحيم
الاخ العزيز مطنوخ شمر وللجميع
السلام عليكم ورحمة الله وبركاته,,,,,
اولا :ماعليكم زود وانتم الطنايا طال عمرك وانت والله اخو واتشرف بمعرفت اللي مثلك وشرواك والله اني ما استحق كل ها الأطراء والمدح لاني ماسويت الا اقل من الواجب والا شمر وعنزه مابينها فرق وهذا وفاء منك ولونها بالكيف تشوف اللي يسرك ويسعد عينك وانت رجال تعرف الاوضاع مع هالناس المعفنه.
ثانياً: الله سبحانه حطنا عند ناس اكثرها ماتسوى التاليه من الغنم من ردى ومن قل معروف ولاعندهم خوه ولا زماله ولا ودي اعم ونهضم حق الطيبين والاجواد
وتعودنا طال عمرك نجاريهم ونعاملهم با اخلاقنا لا اخلاقهم.
ثالثا: ابيك تطول بالك وتوسع صدرك والسفيه ماله علاج غير انك تسفهه وانت بااول المشوار وادري انك اكبر من ها الامور وارجل من هالاشكال ..
واعجبتني بويتات لشاعر تمنيت انها لي يقول.......


علمني الوقت رفع الراس والهامه لا مااشرب الحب ذل وينحني راسي
نفسي على العز عزامه وجزامه ولا خير بالعشره اللي مالها ساسي
كل يشوف الردى والطيب قدامه وانا لدرب الردى مادق هوجاسي
واللي رضى بالردى لوطالت ايامه لو عاش وقته واليا مات متواسي
ياقف ويحتار باحلامه واوهامه ومن الفخر والمعزه يقطع الياسي
واللي لدرب الكرامه يشد احزامه احب طاريه واغلي راسه القاسي
وترى الظلايم تجي للعبد هدامه ومعناي موجود في ناس عن الناسي

وعلى قول المثل اذا اتتني المذمة من ناقص فهي شهادة بأني كاملُ
اخوك ابوتركي.

[بندر الزايدي]

ونعم بالجميع
والله الله بالتقوى

[مطنوخ شمر]

حياك الله أخوي أبو تركي ولا هنت على ردك الراقي

[مطنوخ شمر]

وما عليك زود يالزائر

[خيال القصيد2007]

اولاً أنت أصيل..والكل يبي خوتك.. حتى أنا ألي ما أعرفك بسلامتك..إلا بالمنتدى أتنمى خوتك..
ُثانياً هذا الشخص شخص مصالح..
ثالثاً هذا مو رجل يستحق انه يكون مع الرجال...

وهذي قصيد تواسيك..


ياليتنا نعلم السر والغيب***حتى نعرف أخصامنا واصدقانا
قدام لا نغلط ببعض الأصاحيب***ألي تحد امونسها من ورانا
سود القلوب مكثرين التراحيب***يضحك لنا ويسبانا في قفانا
يحط فينا عيب لو مابنا عيب***لاشك ماهو بناقصٍ مستوانا
البندق ألي مالها عيار ماتصيب***ما تفرج لراميها لوإنه رمانا

ولك تحيات محبك..:102:

[مطنوخ شمر]

صح لسانك أخوي ولا هنت على الرد الجميل اللي اسعدني جدا

الله يعطيك العافية وما قصرت

[شنكوتي]

يعطيك العافيه اخوي على النقل الرائع تقبل مروري ...

[ابوتركي]

الاخ العزيزمطنوخ شمر لك وللجميع السلام عليكم ورحمة الله وبركاته
هذي بعض الابيات المتأخره جداً وهي رد على ابياتك الجميله والصادقه في معانيها وكلماتها واود ان اسرد قصيدتك ومن ثم مردي المتواضع جداً
عزاه يالفدعاني ياراعي الكار
خذوك منا اهل النفوس الرديه
ياخوي ماشفت انا مثلك بالاقطار
من ساس وايل وانت روحك نقيه
ياجعل من شافك تصلا به النار
وهذا كلام اللي يشوفك أخيه
وهذا مردي......
يامرحبا والفين يانسل الاحرار
شمر طنايا العز لاصار هيه
احرجتني بالطيب وبطيب الاشعار
ياواحد يسوى من الناس ميه
عسى الردي يفداك ياوافي الاشبار
وتفداك روحي يم روحك هديه
البعد بعد القلب ماهو بالانظار
وانت اقرب من العين واروح ليه
ياجعل من جابك يحجب عن النار
وبجنة يسقى بها صافيٍ ميه
وسلامتكم......
هذا ماحبيت المشاركه به ولوانها متأخره نوعا ما
وللجميع التحيه والسلام

[مطنوخ شمر]

الله لا يهينك أبو تركي وتصحيح بسيط بالأبيات اللي فوق :

ياعل من يكرهك تصلا به النار وهذا كلام اللي يشوفك أخيه

أكيد كان دوامك آخر ليل وكنت مستعجل وهذي القصيدة أنت تستاهلها

وتستاهل اللي أكبر منها لكن هذا اللي قدرني الله عليه .. وأعتذر للمنتدى

لعدم طرحي هالأبيات هذي لكن دايم يسبقنا أبو تركي بالطيب

[شمس الأصيل]

السلام عليكم ورحمة الله وبركاته
أخوي مطنوخ شمر أنت أخ عزيز وغااااااالي لكن بعطيك مقولتين ترد على هذا الي خانك

1/عشت بالدنيا تايه وحيد لالي حبيب ولالي ونيس ياناااااس ليس {الطيب} بالدنيا ماله نصيب ليش قلبه يظل يمشي دربه وحيد
/قال ابن تيميه/<إذا رأيت الرجل بين مادح وذام فاعلم أنه عظيييييييييييم
هذا ماعندي يأخي طنوخ شمر فلعلك تعذرنا على التقصير


مع تحيــــــات،،،،،،،
أخوكـــــــــــــــم/ أبو عبيــــــر

[مطنوخ شمر]

الله يعزك يا بو عبير ولا هنت على ردك الراقي

ومحشوم عن القصور طال عمرك ,, كفيت ووفيت

[ديومه]

شـكــ وبارك الله فيك ـــرا لك ... لك مني أجمل تحية .