رحلة الهوشات في الثانويه الثالثه

[الهائمه]

بسم الله الرحمن الرحيم


حدث اليوم حدث في الثانويه الثالثه ثلاث هوشات طبعن هل المره الهوشه عنيفه .....ز

الهوشه الاولى1/بسب اعجاب طبعن راح تستغربون من الطالبه هي بنت أحد الإداريات بانت على حقيقتها تعرف الحين منو البنت المتربيه طبعا المديره <النائمه>ما سوت شي فيها وا سطه بنت الإدارية مايصير..انتهت الهوشه الاولى ما صار شي من قبل الاداره

الثانيه/ بين بنت في اول وبنت في ثالث طبعا البنت الي في ثالث واقفين معها البنات المسترجلات الله يعين حشا الاولاد ماوصلو لهذي الدرجه،،،
عاد الثالثه /ماحضرتها لانها كانت على طلعت البيت :/::::



وشكرا ..اطالب بتغير المدير يا ادره التعليم وبعدين كو مره البنات يشتكون وانتم ماتسون شي

المديره وكادر الاداره بصفه عامه لازم يتغيرون والعجوز الإدارية بعد تتغير
طبعا انا داخله باسم اختي وبعدين راح اسجل فيه

[eye4u]

اذا كانت هذه المواضيع صحيحه
عز الله انها مشكله
واتمنى من ادارة الرائديه معرفة الملابسات
بلإتصال على المدرسه وأولياء الأمور ومعرفة الحقيقه وما وصلت له هذه المدرسه من انحطاط اخلاقي



والله يســتر

[الضيغم]

السلام عليكم ورحمة الله وبركاته ..!!


النظام وضع للجميع سواءً أكانت أبنت الإدارية أم المديره..!!!؟

وبصراحه هالموضوع هذا خطير ولازم تصير توعيه بشأن هالموضوع..!!

وهي سالفة الأعجاب بين الطالبات ..

بصراحه شي يخوف الأسترجال الي قاعد يصير بين الطالبات ..!!

[سامي الشمري]

كثرة المشاكل في هذه المدرسة ..!

فـ قبل يومين نزل موضوع في الرائدية مشابه

لـ هذا الموضوع عن مشاكل بين الطالبات

و لكن السؤال هُنا ..!

هل المشكلة من الطالبات أم من إدارة المدرسة .؟

و من المعروف أن المدرسة هي مكان للعلم و التربية

أتمنى من أولياء الأمور الطلب بالتحقيق في هذه القضيّة

لأن البنات وصلن إلى مرحلة " الاسترجال "

و هذا منافيا ً للشارع الإسلامي

كيف يكون في محافظة صغيرة .؟


...


الهائمة أو أخت الهائمة

أهلا ً بك ِ و شكرا ً لك ِ على طرحك

تم تعديل بعض الأمور في الموضوع

حتى لا يكون السهم مصلّب على شخص معيّن

و هذا من شروط قسم أخبار الخفجي

[][][ SiCK_LOvE ][][]

أما اليوم هوشه بعد ؟؟

توكم حاطين هوشه قبل كم يوم !!

شهالناس هذي ,,,

ترى خلاص هوشه زياده و يسمونها سجن ,,,

بعدين انا ابي افهم اللي يطالب بتغيير الاداره يعني الحين لما تتغير الاداره راح تتعدل امور الطلاب ؟؟ المشكله بالطالبات نفسهم الحين تقولون اعجاب و غيره وغيره وغيره المفروض يكون في توعيه للطالبات افضل من مسألة تغيير الاداره يعني المديره هذي ما جابوها بيوم وليله حطوها مديره اكييد لها خبره و معرفه بأمور الطلاب لكن الهوشات التافهه هذي محد يتوقعها ,,,

وانا اشوف ان اللي على الاداره هو التحقيق بمثل هالامور وتطبيق اشد عقاب على اللي تتسبب بهالمشاكل والهواش او اي مشكله كانت و لازم يكون في توعيه واشدد على هالكلمه يعني محاضرات و غيرها المهم الطالبات يفهمون ان هذا غلط ,,,

لان والله بصراحه يعني سامحوني على هالكلمه مشاكلكم اكثر من مشاكل الاولاد صارت ,,,

ارحمني شوي 3 هوشات بيوم واحد ولا ولا مره سمعت فيها بمدرسة اولاد ,,,

و فوق هذا هوشه على الطلعه :>>>>> ياحبيبي :>>>>>>>

لا حول ولا قوة الا بالله ,,,


اخوكم : مـــــحـــــمـــــد

[CuTe G!RL]

المشكلة مقسمة على الادارة والطالبات ..
بحياتي ماشفت طالبات بهالاخلاق ..
بالأصح مافيه أخلاق من الأصل ..
اليوم صارت مناظر مأساوية للأسف :/

الله المستعان ..
:)


شكراً لك على الطرح ..



كيوت

[][][ SiCK_LOvE ][][]

تنبيه هاااااااام ,,,

استفسرت من الوالده وعرفت ان مديرة الثانويه الثالثه ماعندها بنات كبار يدرسون بالثانويه والهوشه الاولى اللي تكلنتي عنها اختي اللي عرفته منها ان البنت اللي معتديه على الطالبه الثانيه تصير بنت وحده تقرب للمديره يعني ماهي بنت المديره نفسها وسمعت تفاصيل كثيره للأسف والله اني سمعتها احداها :

ان في هوشه من فتره تضاربو الطالبات بحديد !!

وان الهوشه الاولى دخلت ام الطالبه ( المعتديه) و تقول بنات فلانه ما ينضربون !!

يعني اذا هذا كلام الام شترتجون من الطالبه ؟؟

وغيره وغيره وغيره ,,,

وعلى فكره انا ماخص الثانويه الثالثه بالكلام في اكثر من مدرسه بالخفجي فيها نفس الشي ,,,

بس الشي اللي سمعته و ضحكني وضيق خلقي وكدر خاطري بنفس الوقت ,,,

ان الطالبات يجتمعون ورا المدرسه و يطبلون ويغنون لما اتصل امام المسجد اللي جنب المدرسه وقال للمديره انا ماني عارف اكمل الصلاه والسبب ازعاج البنات ,,,

(( مع التحفظ على اسم المدرسه ))


اخوكم : مـــــحـــــمـــــد

[CLOB 999]

لاحول ولا قوة الا بالله

اما بنات يجلسون يطبلون ويغنون<<<<<<< خربوها:)

الله يصلحهم ويصلح شباب المسلمين ان شاء الله يارب

ولاتستغرب في هذا الوقت كل شيء يصير

اما عن موضوع الهوشه <<<<<<<<<< لاتعليق:)

[طليفيح]

الهوشه الاولى1/بسب اعجاب طبعن

انا سمعت اول ان فيه اعجاب بين البنات ...بس ...ماصدقت...صراحه لانها ماتخش الراس...

كانت على طلعت البيت :/::::

:eek::eek::eek:

وليه وليه...طيب لو...وحدة...خربتها...وطعنت...وحدة...بفرجار...ولاشي ...تروح لسجن..ياعيبت الله...

وبالطلعه بعد ...يعني قدام...الناس...

شلون لو يسوقن...كان ....ماتشوف الا...قوت...هجوله...

هذي...من القنوات...الفضائيه...ستار...اكاديمي ...وطقته...

والله شي يقهر...

الله ...يصلح....بنات...المسلمين....

اللهم...امين...اللهم...امين...اللهم...امين...


....................

[عبدالله محيلان]

والله شر البليه مايضحك
:biggrin:

[ملك الرائدية]

مشكوره على الموضوع اختي



اولا الله لايبلانا ولا يبتلينا




ثاني شي هي عدم التربية من قبل الوالدين لهذه البنات المسترجلات والعياذ بالله



ونطالب من مندوب التعليم النظر في الموضوع


ووضع قرارات توقف مثل هذه الاشياء


او اتخاذ مايناسبه

وشكرا لكم

[رشاش]

والله البنات بعضهم قلبوا عرابجه


اخاف بكرا نشوفهم تفاهمات على خمس وعشرين.

[Fahad]

.. عاد بكره يسمحون للمرأه بالقياده ..

.. والله تصيير هوشات بالكرنييش ..

.. اما هوشات البنات ..

.. بكره نسمع بنت ماسكه مقص وتقطع شعر الفتاه اللي ضدها ..<< اي بمعنى الكلام انا احنا يالشباب بسكاكييين .. والبنات مقص وتشوه وجه عدوتها .. :tongue: :tongue:

.. سي يوو ..

[الأميرتركي]

لان الشره على وزارة التربيه والتعليم حق البنات الي نايمه والا تدري وخساره الفلوس الي تخسرها الوزاره على جيل مثل هلنوعيه

[ملك الرائدية]

ارجو من الجميع النقاش في الموضوع بجد وعدم الاستهزاء


نطالب مندوب التعليم النظر بالموضوع


واذا لم يحصل اي توقف لمثل هذه المشاكل


سوف اقوم بنفسي بمخاطبة الوزير راساْ

فأرجو من مندوب التعليم حسب معرفتي وجوده بالمنتدى النظر بالموضوع

وانهاء المشاكل بالنظام وعدم التهاون مع احد

وارجو من الجميع عدم الاستهرار بالموضوع لانه موضوع جدي وليس فكاهي


تقبلوا تحياتي

[][][ SiCK_LOvE ][][]

انا لما شفت ان بدأ الموضوع استهزاء اكتفيت بالرد خلاص ,,,


اخوكم : مـــــحـــــمـــــد

[بنت أبوها22]

والله حاااااااااااله الله يستر بكرا وش يصير يابنااااات انقلوواا

,,,,,,,اخوووي طليفيح والله العظيييم سوالف المدرسه هذي وصلت للشرطه

وانسحبت الطالبه بالفسحه مع ولي امرها واسجنوهاووقعوها على تعهد

<===هذي المشكله 1

والمشكله 2 للحييييييييين ماخلصت قاعديين نتابع الاحداااث من بعد

[الدووووخي]

الله يصلحهم ويصلح شباب المسلمين ان شاء الله يارب

[نجم]

بنااااااااااااااااات أخر زمن

هــزلــت

[دلع حلو]

ياااااااااااااا أخواني وأخواتي الأصل في الموضوع كله نقص في التربية والدين وهذا كله من الأساس من البيت .البنات من أول يوم لهم في المدرسة وهم عافسينها يعني مو من المدرسة وبس بأنظمتها المتساهلة .
البنت صورة أهلها في المدرسة فإذا كانت تجي كل يوم ( ليس للدراسة وإنما للعب فقط ) فلا يحدث إلا الآتي :
1. لا تحضر الحصص .
2. إذا حضرت أزعجت المعلمة وأخلت بنظام الفصل وعاد إذا المعلمة شخصيتها قوية يالله تقدر تهجدها ونسمع الشرح بعد ما ترفع ضغط المعلمة وتخليها تختصر الشرح وبسرعة .
أما إذا كانت المعلمة ضعيفة الشخصية فلا درس يسمع ولا نفهم نشوف المدرسة تشرح ولا نسمع لها صوت من كثر الإزعاج وإذا نظرت إلى هؤلاء البنات وجدتهن على صور متعددة من الأكل والرقص والمعارك والأحاديث الجانبية ولكم أن تتخيلوا أكثر ( تطلع إحدى البنات والتي يطلق عليها مسترجلة من الفصل والمدرسة تشرح دون استئذان والمدرسة تركض وراها عشان ترجعها فتتلفظ الطالبة عليها بالكلام البذيء والصوت العالي مما يجعل المدرس عاجزة عن الرد لسوء أخلاق البنت من جهة ولطلبات الإدارة باتخاذ الأسلوب التربوي مع الطالبات واحتواءها من جهة أخرى ) والمدرسة المسكينة طالبة نقل أو تبي داء وظيفي عالي والسالفة كلهاتنقلب على راسها إذا واجهت الطا أكثر لكونها معلة تربوية .
3. إذا لم تحضر الطالبة الحصص تجدها في الحمامات بالساعات هي وزميلاتها ( ما أدري إيش يسووون الله بستر ) أو على باب المديرة ( أبو البنات صديق مندوب التعليم ظهرهم قوي ماتقدر المديرة تكشهم ) .
مسلسل هذي امدرسة مستمر إلى أن تتخذ المديرة أمر حاسم تجاه الطالبات ولا تستمع لمندوب التعلم فهي مديرة هذه المدرسة والمشرفة على مشاكلا وليس المندوب فهو جالس وواضعيده في الماء وأيدينا في النار ( عفواًكلنا قاعدين في النار )
ياااااااااس نبي فرح بسنوات دراستنا في الثانوية نفسيتنا تغيرت من دخلت هذي الثانوية وأبوي ما هو راضي ينقلني وهذا حال أغلب بنات المدرسة المحايدات بسبب كثر مشاكل ها الطالبات ( الغير متربيات )
لازم يصير فيه حل .....

[مهم]

أخت دلع حلو


الله يكون في عونكن على مأساتكن

ليش ماتكلمون هيئة الامر بالمعروف والنهي عن المنكر ، لان الوضع في المدرسة تجاوز الناحية التربوية والتعليمية ووصل إلى حد الناحية الاخلاقية.

كلموهم وخلوا الهيئة يكلمون مدير تعليم البنات عشان يحس ان الموضوع كبر شوي .

اتمنى لك ولزميلاتك التوفيق والنجاح

[ملك الرائدية]

الامر ليس هكذا


يرجى دخول مندوب التعليم بتغير المديرة او اتخاذ مايناسبه من اجراء


فالكلام لاينفع مع البنات على حد قولكن مسترجلات فهذه مصيبه عظمى من المفروض يبلغ وزير التعليم

ببرقية له وتشكيل لجنة للمندوب والمديرة وهذا سوف يحصل في القريب العاجل اذا لم يتدخل مندوب

التعليم في حل المشكله فأرجو من مندوب التعليم التدخل وعدم التهاون بالموضوع لانه موضوع مهم

والى سوف نقوم ببرقية مستعجلة لتهاون الادارة والمندوبيه

هذا ولكم التعليق

[][][ SiCK_LOvE ][][]

طيب يعني حل هذا ؟؟

لما تشيل مديره بخبرتها و تعليمها علشان كم طالبه اساسا ما يستاهلون التعليم ؟؟

بكل مدرسه في الزين وفي الشين وهذا شي طبيعي يعني مو حل انك تشيل مديرة المدرسه اللي ماعتقد لها ذنب بتصرف الطالبات يعني وحده تبي تصير مسترجله راح تردها المديره ؟؟

هذا مشكلتها بالبيت المفروض بيتها يربيها ,,,


اخوكم : مـــــحـــــمـــــد

[الهائمه]

انا كتبت الموضوع عشان تعطوني رايكم بشكل سليم
بس الصراحه شفت عكس ذلك صار الموضوع كله استهزاء وصار الشر يعم بنسبه لردوداصابعكم مونفس بعض

بنت ابواها احب اصلح المعلومه البنت مستئذنه من الاداره ولاتكبرين الموضوع لانه ماله داعي
احب اقول لا تخذون نظره سيئه عن المدرسه ان شاءالله كل شي راح يتصلح



اخت الهائمه

[][][ SiCK_LOvE ][][]

ان شاء الله يتصلح يعني احنا ماودنا يتصلح ,,,

وان شاء الله تصير من احسن المدارس هذا شي حلو ,,,

ولا تعممين بالاستهزاء مو كلنا استهزأنا لاننا مقدرين كبر الموضوع ,,,


اخوكم : مـــــحـــــمـــــد

[محمد بن تركي]

ياناس الجيل كله خربان ..
هي جات على مدرسه والا طالبه ..!!


هذا الجيل جيل البلوتوث .. لاتستغربون من الادهى ..
الله يعافينا ولايبلانا ..


وكل بلوتوث وانتم بخير

[أسد الاسلام]

والله ما أدري ايش أكتب لأن سالفة بنات و هوشات ماتخش الراس
بس الله يعين
أقول و أحذر الخـــــــــــــجـــــــــــــــــــــاويوووووووون

شيلوا العجاري والسككاكين من خواتكم

لأن اللحين ماينخاف من الاولاد أو بالأخص الشباب ينخاف من البنات

ويا أخـــــــــــــــــــــــواني الأعضاء رجائا رجائا عدم الحش بالمديرة مع أنني والله لا أعرفها

لكن احذروا الغيبة والدين الإسلامي ينفي و ينبه من عقاب الغيبة

قال الله تعالى (ولا يغتب بعضكم بعضا أيحب أحدكم أن يأكل لحم أخيه ميتا فكرهتموه... )


والسلام خـــــــــــــــيـــــــــر الختام

[شنكوتي]

لاتعلييييييييق

[فديت امي]

احب اقووول ان الموضوع ما كان فيه ظلم

هوشه مثل اي هوشه بالدنيا الغريب انها كانت بين هوشات

ولا عاد بصراحة غريب هالشي


اما عن الادارة فحولت قد ماتقدر تسوي الشي اللي تشوفه صح

<< هذا رأي طالبة مثل اغلب الطالبات مايطيقون بالادارة

[ابومعاذ النافل]

ارجوا من ادارة المنتدى اغلاق الموضوع


وذلك لانه تعدى من النقاش الهادف ومعالجة الامور الى نقاش حاد وسب واتهام اشخاص ومطالبات غير منطقية والى الشتم في اناس غير موجودين بيننا ...

وكذلك نحى الموضوع منحى شخصي عند بعض الناس وارى ان بعض ممن سجل قريبا في المنتدى فقط سجل ليشارك في الموضوع فقط ولاسباب لا ادري ما هدفها !!!!!!!



ارجوا اغلاق الموضوع للمصلحة العامة ( هذا رأيي)

[[ Jazz ]]

السلام عليكم ورحمه الله وبركاته...

أول شي بقولكم ((هدوا أعصابكم)) ..

الأمور ماتجي بالطريقه هاذي..

اخت الهائمة .. مشكورة على طرحك للموضوع .. بس اظن ان اسلوب الطرح هو الي سبب بعض المناوشات(:

المهم نجي حق موضوعنا...
للأسف الحل ماهو بإغلاق الموضوع.. أو بشتم المدرسات أو غيره..

الحل انكم تاخذون الموضوع بجدية أكبر..

انا طالبة كنت بالمدرسة إلي تتكلمون عنها..
عشان كذا اقدر أأيد بعض الكلام السلبي الي انكتب عن مديرتها..
جد ..المديره الله يهديها ماقاعده تتخذ اي اجراءات فعالة لحل الموضوع..
واذا ناقشوها البنات .. قالت مابيدي شي الآن ..
بالله عليكم هل هذا رد ؟؟!

للأسف المشكله بالأساس من الادراه ثم من الطالبات..

عشان كذا أرجو منكم يااخوان انكم تساعدون بالحل وليس النقاش فقط..
أي أحد يقدر انه يوصل المشاكل هاذي للمندوبية .. راح يسوي خير كبير بهالمدرسه..
ولا تستصغرون السالفه هاذي...لأن الهوشه تجر هوشه .. والخافي أعظم!!

لكم جزيل الشكر ..
وسوري عالإطالــهـ ...

[speedcar]

انا ما استغرب لاني دايم اسمع عن الثانويه الثالثه ومشاكلها

[KHAFJAWY]

:101: :101:

لو فى كل حاله يستدعى اولياء امور الطالبات "الاباء" ويبين لهم الموضوع و يتخذ اجراء بحق الطالبات بدون محسوبيه كان انحلت المشكله. للاسف البنات امنو العقوبه و تمادو .. والاداره ما تبى توجع راسها .. واولياء الامور كلن يظن ان هاللى عنده بالبيت "ملاك" فلا يسال .. واللى بيضيع فيها بناتنا .. بنات اليوم و امهات الغد.

:101: :101:

وقولت الشاعر "الام مدرسة ان اعددتها اعددت شعبا طيب الاعراق" .. واحنا اش قاعدين نعدد ؟؟؟

ما اقول الا على الدنيا السلام .. لا حول ولا قوة الا بالله

تحياتى و احتراماتى للكل
:101: