قـدرو ضروف طلاب رأس مشعاب يااا مدارس الخفجي

[ولد مشعاب]

بسم الله الرحمن الرحيم





السلام عليكم ورحمة الله وبركاته



اليوم كلهم غياب بسبب الجو,,,

في يوم من الايام تعطل باااص طلاب راس مشعاب واضطروا الطلاب الدوام بالسيارات الخاصه
وراحوا الطلاب كلن على المدرسه اللي يدرس فيها وأغلب الطلاب في مدرسة الـ؟؟؟ـه الثانويه
ولما دخلوا الطلاب, يوقفونهم مع المتأخرين ويخصمون من درجاتهم وتمارين متعبه المشي وانت
جالس ويدك فوق راسك واقعد واوقف وجلد مع ان الجلد ممنوع من الوزاره , ولكن ؟؟؟
ولما يقولون طلاب راس مشعاب حنا تعطل علينا الباص وداومنا بسياراتنا الخاصه يردون عليهم
ويقولون تنجلدون وتتمرنون ونخصم درجات او نطردكم ؟؟.. (وأخر مره انطردوا الاسبوع اللي راح) يعني لييييه الطلاب ماشيين 45 كيلو واخرتها ينطرد او ينجلد لييييييييييييييييه ما فيه تعاون يااااااااااا ناس قدرو الضروف قدروووووووو الضرووووووووووووووووووووووووف والله مداوميين عشان نتعلم مو عشان ننطرد او ننجلد
وحتى ان داومنا بسيارتنا الخاصه بدري يكون في علمكم ان مافي محطة بنزين بمشعاب واقرب محطه تبعد عن راس مشعاب 20 كيلو في السفانيه وتبعد عن الخفجي 65 كيلو مالنا الا الصبررر.


هذا موضوعي
والله يعينكم ياا طلاب راس مشعاب

وشكرا

[عامر999]

لا حول ولا قوة الا بالله ..

الله يعينكم على الخط .. وبصراحه المفروض يقدرون ضروفكم ...

لانكم تمشون على خط خطير والحوادث فيه كثيره ... ولازم يقدرون على الاقل على شان الوحد مايسرع ...

ان شاء الله ان يصل الموضع الى من يهمه الامر على موضوعك ... ويعيدون النظر في مشاكلكم ...

الله يعينكم على كل حال ..

وفق لله الجميع لما يحبه ويرضاه ...

[][][ SiCK_LOvE ][][]

الله يعينكم هذا اول شي ,,,

بعدين ياخوي مافيها شي لو تطلعون بدري شوي ,,,

شوف انا من سكان الخفجي وقاعد اكلمك الحين الساعه 3 من الكويت تتوقع ليش رايح ؟؟ عندي محاضره الساعه 4 بالجامعه يعني ماشي 120 كم و مو متغدي و بسيارتي الخاصه و مآكل هوا من الغبار والهوا والمطر علشان هالمحاضره وبرجع وانت تقول 45 كيلو الله يهديك ولا جمارك ولا شي توقفكم ,,,

انا ما اعمم بكلامي بس لازم يكون في اهتمام شوي من الطلاب لان والله في طلاب ما يهتمون و لان والله المدارس تعبت ماهم لاقين حل للتأخير بعدين بيني وبينك واسأل نفسك هالسؤال ,,,

شنو الاهون عندك انك تسوي تمارين وتنجلد ولا ينخصم منك درجات ؟؟

لانك تطالب بتطبيق اللآئحه و اللآحه تنص على خصم درجات من المتأخر ,,,

فكر فيها زين ,,,

وعموما انا معاكم والله ماني ضدكم لكن خلك واقعي اللي يبي يتعلم يتحمل علشان العلم ,,,


اخوكم : مـــــحـــــمـــــد

[الدبلوماسي]

الله يعين طلابنا والله وانا تراني من مشعاب بس ما ني من الثانويه بس يقولون انكم انتوا اللي
فششتوا الكفرات وخربتوا الباص والسواق (ابو ع____)انهبل منكم يعني انتم اللي جنيتم على نفسكم مو صحيح

[نجم]

سوف ابتعد عن عراقيل الشبااب للباص

الطريق والله خطير وبعدين ارحمو الشايب الي معكم وانشالله يصل الخبر الى من يهمه الامر ..

[][][ SiCK_LOvE ][][]

والله ان في ناس عندي بالجامعه وحالهم مثل حالي يروحون للكويت بس علشان الجامعه و حطو بعين الاعتبار ان هالناس متقاعدين الله يعطيهم الصحه يعني متقاعد شاللي يجبره انه يروح كل هالمسافه علشان الجامعه ؟؟

الانسان هذا مو كافيه العلم اللي عنده يبي يتعلم زياده فرق بينه وبين طالب شاب يروح يسوي حركات الاطفال هذي و يخرب الباص اللي يروح فيه هذا وين عقله بذمتكم ؟؟

وفي ناس موظفين وانا منهم تعتقد شاللي يجبرنا نروح ندرس بالجامعه ؟؟ يعني مانقدر نقعد بمعهد بالخفجي وخلاص ؟؟

اللي جابرنا ان اللي يبي يتعلم يتحمل ويصبر ,,,

والله ان شايبنا يقولي سوالف عن المدرسين قبل ان مدارسكم هذي تطلع جنه بالنسبه لهم ,,,

تحملو والله ترتاحون بعدين ,,,


اخوكم : مـــــحـــــمـــــد

[ولد مشعاب]

السلام عليكم


نداء الى الدبلوماسي من انت الباقي في
wink-ya-7lo@hotmail.com
نداااااااااااااااااااااء خااااااااااااااااااااااااااااااااااااص للدبلوماسي

رد على اخوي محمد انا ما اقوول شي ترى حنا ما نتأخر دايم احيان تصير ضروف تجبرك مو بكيفك توصل بدري لازم تتأخر اووووووووووووك مشكوا ع الرد


اخووووووووووووكم

ولــــــــــــــــــــــد مــــشــــعــــاب

[][][ SiCK_LOvE ][][]

اذا في ظرف لا حول ولا قوه واذا مره بالشهر انا اشوفها عادي بس لو ولا مره تتأخر وتتأخر مره ويحاسبونك بهالحاله انا معاك بس :)


اخوكم : مـــــحـــــمـــــد

[شنكوتي]

يعطيك ربي ألف عافــــــيه::

لاعدمناك::

[الكاتب]

السلام عليكم ورحمة الله وبركاته


الله لا يلومكم يا طلاب رأس مشعاب


انا طالب ثانوية النهضه في الصف الثاني علمي

المدير مشيب فيني وكذلك وكيل النهضه

على التأخير واستدعاء ولي امري

وبعدين انا من الخفجي


والله ثم والله العظيم

اني بعض الايام اجي الساعه 6 و 40 دقيقه والقاء الباب مسكر

واعلان بغرفة المرشد يقول الطابور الصباحي الساعه 6 و 45 دقيقه

واقول لهم انتم مسكرين الباب بدري

يقولون والله مو ذنبي تعال مره ثانيه بعد صلاة الفجر

ولا يمكن ما تلحق !!!!!!!!!!!!!!!!!!!!!!!!!!

والله ان قبل ممكن اسبوعين الساحه الخارجيه لموقف السيارات ملايانه طلاب متأخرين

لا والله مو متأخرين الا مسكريين الباب 6 و 35 دقيقه

ويوم دخلت جلدوني وبهذلوني وتلفظوا علي بعد ليش

وخلوني انا والطلاب الباقين نمشي بالساحه مشي بطه

يعني زحف على الرجلين

الحين ابوي وهو ابوي ما بهذلني وسوى فيني اللي هم سوه فيني

وبعدين عندنا مدرس من الكويت (( ............ )) ما عمره قالي كلمه حلوه

كل ما شافني سبني مع العلم انه ما يدرسني يدرس 3 اداري وانا علمي

واذكر بالاختبارات النصفيه لهذه السنه بقاعة الامتحان والله خلا ثيابي اطيب مني

لدرجة اني سلمت الورقه وطلعت

عموما ادعوا لنا ان الله يصبرنا انا وطلاب رأس مشعاب وطلاب السفانيه وطلاب الخفجي بالصبر

وعدم ارتكاب الاخطاء


والله يعيننا ويعين الجميع

[ســــــــــ؟ـعد]

الله يعينكم يارب

والله طريق مخيف جداً

خاصه وان رعاة الشاة هناك كُثر

موفقين يارب

[بستان الحضر]

الله يعين علي الطريق

[ولد مشعاب]

السلاااااااااااام عليكم
اخووووي الكاتب تفضل ع الايميل
wink-ya-7lo@hotmail.com
ابي اتعرف عليك ونشووووووووف حل للنهضه

[ولد مشعاب]

مااااااااااااااا نقووووووووووول غير الله المستعان


ــــــــــــــــــــــــــــــــــــــــــــــــــ ـــــ

اخووووووووووي الدبلوماسي حياااااااااااك ع اايميل ممكن تقلط عندي بعض الاسئله

ممكن
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[الفيصل ...]

الله يعينكم ...


والله يصبرهم عليكم ........



بس انت شد حيلك وخلك في دروسك وما عليكم منهم ..وحط في بالك النسبه واختبار الوزاره ولا تخليلهم عذر عليك داوم بدري شوي الشكوى لله ...
حتى لو تداوم بعد صلاة الفجر <<<<<<<<<< زوتها شوي ههههههههههههههه


الوكاد الله يعينكم ويوفقكم

[الكاتب]

هلا اخوي ولد مشعاب


سويت لك اضافه عندي


ونتفاهم ان شاء الله


على الايميل

مع اجمل تحيه


الكــــاتب

[العنـــــابي]

بسم اللة الرحمن الرحيم 00

اللة يكون في عون الجميع 00

لكن من جد وجد ومن زرع حصد 00 مو مدح في نفسي 00 لكن انا ايضا كنت من طلاب باص راس مشعاب لكن من حبنا للدراسة ومحافظتنا على الباص اللي نسمية باصنا لانة يخدمنا ويخدم اهل مشعاب اللي الباص جايهم من الحكومة يعني ببلاش وبسواق بعد ومريح شيبانا لا يودوونا لا شيء 00 ما اذكر انة فية يوم من الايام تأخرنا او شيء الا قليل 00 لانا كنا نهتم بالمدرسة رغم اني درست مع الباص ست سنوات للة الحمد مرت على خير 00 ولا كنا نزعج السواق ولا نخرب او نلعب بالباص 00

لكن ما أقووول الا اللة يهدكم ويصلحكم ويخليكم لأهلكم 00 أني شفت الباص بعد المشكلة اللي صارت ولا نعرف نحط اللوم على مين لأن (( الشر يعم والخير يخص ))
واللة يعين ابائكم عليكم ولكن مو كلكم لأن اكثركم مالة ذنب في المشكلة اللي صارت رغم انة يعرف اللي سواء فعلتة بالباص 000 !

وانا من كلامي هذا ما اوقف ضدكم 00 لكن فية مثل يقول (( من بغا الدح ما قال اح ))
يجب عليكم التحمل والتكاتف والتعاون بينكم البين00 والتوضيح للمدرسة والمدرسين ومدير المدرسة انكم جاااايين تتعلمون ومجتهدين في دروسكم على شان اذا تاخرتم او شيء يعذروونكم 00 !
ويقدرون ظرووفكم ويتساعدوون معكم 000

والعذر على الاطــــــــــــــــالة 00000!

أخــــــــــــــــــــــــــــوكم / العنـــــــــــــــــــــــــــــــابي 00!