الشباب والعطور النسائيه

[عهد الغرام]

~*¤ô§ô¤*~*¤ô§ô¤*~السلام عليكم ورحمة الله وبركاته~*¤ô§ô¤*~*¤ô§ô¤*~


الشباب والعطور النسائيه ....



الحين هالاياام صرناا نشووف بعض الشبااب يستعملووون العطورات النسائيه

وهذا ما شفته من قليل في أحد المجمعات والغريب في الامر ان الشاب الي وضع العطر

من النوع الي فيه الرجوله ( يعني مو مايع ) لبسه عقال ودشداشه :eek:


يااترى ماهوو السبب ..!!


يمكن لـ ..

1- أن العطر النسائي أخف من الرجالي

2- حب التغيير لدى الشباب

3- من الترف والنعومة لدى شباب هذه الأيام

4- حب كل ماهو إنثوي

5- من باب ما عاد تفرق بين البنت والولد

اووو يمكن في اسبااب ثاانيه ..!!

صاروا البنات يحبون الـعـطور الرجاليـه لأنها أقوى .. ورائحتها تقعد فتره طويله



السؤال هناا موجه للكل شباااب وبناااات ..!!

هل انت تستخدم العطور النسائيه ..؟؟! نعم او لا لماذا ..؟؟!!

للبنات ..

هل انتي تستخدمين العطر الرجاالي ..؟؟ نعم او لا لماذا ؟؟!!

[NO_WaY]

السلام عليكم ورحمة الله ...بالنسبة لي استخدم العطر الرجالي ..ليش ... لانه الانسب في الرائحة ومييز في تصوري اكثر من النسائي وفيه انواع للعطور ..اقصد فيه نوع للصباح وللمساء (وقت الطلعه) واكيد يبقى دهن العود الاصلي احسن اختيار والاسهل من وجهة نظري.... وسامحونا

[عهد الغرام]

السلام عليكم ورحمة الله ...بالنسبة لي استخدم العطر الرجالي ..ليش ... لانه الانسب في الرائحة ومييز في تصوري اكثر من النسائي وفيه انواع للعطور ..اقصد فيه نوع للصباح وللمساء (وقت الطلعه) واكيد يبقى دهن العود الاصلي احسن اختيار والاسهل من وجهة نظري.... وسامحونا


هلا وغلا فيك انت تستخدم عطر الرجالي بس بنوعين


نقول مركز والخفيف


بس انا ابي الي يستخدمون العطر النسائي وليش


ويسلمووووووووووووووووو


ولك :101:

[][][ SiCK_LOvE ][][]

ماكو شغل ؟؟

مره وحده بس بالغلط حطيت من عطر الوالده الله يحفظها وطلعت علي بنقص افتحتلي تحقيق ساعه الا ربع من وين لزق فيك العطر وشلون ومتى واكييد مسوي شي غلط والله لا يوريكم وياريتها خلتني اتكلم بس بقولها هذا العطر اللي انتي تستعملينه ,,,

يعني الحركه اللي صارتلي انا بالغلط بس سالفه اني اروح متعمد لا والله لو يعطوني وزني ذهب من عقب سالفة امي هذي ,,,

هذا سبب زياده :)


وشكرا على الموضوع الحلو ,,,

اخوكم : مـــــحـــــمـــــد

[عهد الغرام]

ماكو شغل ؟؟

مره وحده بس بالغلط حطيت من عطر الوالده الله يحفظها وطلعت علي بنقص افتحتلي تحقيق ساعه الا ربع من وين لزق فيك العطر وشلون ومتى واكييد مسوي شي غلط والله لا يوريكم وياريتها خلتني اتكلم بس بقولها هذا العطر اللي انتي تستعملينه ,,,

يعني الحركه اللي صارتلي انا بالغلط بس سالفه اني اروح متعمد لا والله لو يعطوني وزني ذهب من عقب سالفة امي هذي ,,,

هذا سبب زياده :)


وشكرا على الموضوع الحلو ,,,

اخوكم : مـــــحـــــمـــــد


يعني فعلا في شباب يستخدمون العطور النسائيه


يسلموووووووووووووو

ولك :101:

[NO_WaY]

يمكن كل شي جااااايز الحين هاللبس المخطلط الله يحفظنا وقفت على العطر الحمد الله اللذي عافانا وفضلناه على كثير من خلقه

[][][ SiCK_LOvE ][][]

لحظه لحظه ,,,

طالع لزقتها فيني @@

انا قلت بالغلط يابنت الحلال والله بالغلط :"(

لا وماكنت ادري بعد حطيته وطلعت وتمشيت وحالتي حاله بعدين لما رديت البيت اكتشفت انه نسائي يعني مو متعمد حطيته بس الغرفه كانت ظلمه :$


اخوكم : مـــــحـــــمـــــد

[طليفيح]

لا...لا...لا...ترقع.....يامحمد...

من...ورانا...عطر...الوالدة...قل...غيرها...

يارجال...تعوذ...من ابليس.....ماحنا...معلمين....احد..http://smilies.sofrayt.com/^/aiw/haha.gifسيك....

امزح لاتصدق...

عهد الغرام...اكيد...فيه...رجال...يستعملون...عطور...نسا ء...بس..مهم..

الرجال...الي ...نعرفهم....رجال...رقم...((( 3 )))

شكراً عهد الغرام..

[نصراوي]

عهد الغرام...اكيد...فيه...رجال...يستعملون...عطور...نسا ء...بس..مهم..

الرجال...الي ...نعرفهم....رجال...رقم...((( 3 )))

شكراً عهد الغرام..



لاحول ولاقوة الا بالله ..


أتق الله في كلامـــــــــــــك ..



مع العلم اني ماحب العطورات النسائية .. ولكن أخذ عطورات رجالية ولكن هاديهـ ..


مع العلم انهـ عطورات الرجالية الهاديهـ .. تشابهـ النسائيهـ ..



ولكن اشاهد بعض الشباب من اللي اعرفهـ .. يستخدم نسائي لأن العطر النسائي أخف من الرجالي




ولكن اخوي طليفيح ..


تذكر ان كل كلمة محاسب عليهـا ..

[طليفيح]

والله ...يانصراوي ...انا مادري بخويك...اذا كان يستعمل عطر نسائي...

واذا على العطورات...محد يبي ...يجحد...كلن يعرف ان ..فيه رجال ..يقلدون الحريم بكل شي...

وانت تعرف وش اقصد بكلامي...ماقصد...احد من الاعضاء ولا اقصد احد من المشايخ المعنى معروف..

...عقب على الردود بشكل صحيح..

..

[][][ SiCK_LOvE ][][]

ترى لا العطر ولا غيره اللي يبين الرجال من البنت ,,,

يعني افرض او واحد غيري مثلا حط عطر نسائي بالغلط وانت تعرفه رجال محترم وخلوق وطيب خلاص صار رقم (( 3 )) على قولتك ؟؟

يعني شي بالغلط شتبيه يسوي يروح يقط ملابسه ويلبس غيرهم علشان محد يقول عنه حاط عطر نسائي ؟؟

والله اطلع وكنه العيد ومحد يقدر يفتح فمه ,,,


اخوكم : مـــــحـــــمـــــد

[طليفيح]

يولد يبيلكم مترجم انتم...

ياخي فيه ناس تقلط اوكي بس مو دايم...

اول مرة ثاني مرة عاد دايم عطور نسائية...

فهمت قصدي ولا لا...

اقصد في معنا كلامي

ان فيه ناس مايستعملون العطورات الرجالية نهائياً

يعني مثل الي ذكرتهم ...

[][][ SiCK_LOvE ][][]

لا هذا شي ثاني اللي متعمد كيفه ,,,

بعدين ترى كله عطر بعض الناس مثلا يعجبه العطر ويآخذه حتى لو انه نسائي عادي ,,,


اخوكم : مــــــحـــــمـــــد

[رشاش]

موضوع ممتاز وظاهره أشوفها مع بعض الشباب .


رأيي في الموضوع


أنه مايجب على الشاب أستخدام العطور النسائيه مهما كان السبب

يأخي الله يحفظك تخيل بالصدفه طالع من بيتك وصدفك أحد أصدقاءك وأنت واضع عطر نسائي

وعزمك في بيته او اي مكان وكان المكان مجموعه من الرجال تخيل شكلك وأنت بينهم

وريحت العطر النسائي واضحه معاك وش يكون موقفك ........... أنا أقولك موقفك بايخ

وش اللي حادك وش العذر اللي تبي تقوله العطر النسائي أخف من الرجالي عذر أقبح من ذنب

وإذا على العذر هذا خلاص كملها وألبس نقاب وألبس كعب ورح للسوق وتمشى ؟؟؟؟؟؟؟؟؟؟؟


حسب علمي واللي أعرفه أن العطور الرجاليه له أنواع كثيره منها الخفيف والمركز

ماأعجبك شيء منها مولازم تتعطر خلك خشن والصراحه لابد من الخشونه بالرجال

أنا ماأقول خلك خشن لحد القذاره وماحد يقرب منك من الريحه ولا أقولك بالتزيين وتصير مايع

خلك بالنص ياخي وش فيه دهن العود والله أنه أطيب وأزكى من باقي العطور وخاصه النسائيه

ماأقول إلا الله يهديم بعض الشباب الصراحه ماوقفة على العطور وبس إلا اللباس وقصات

الشعر والإهتمام بالبشره وغيرها اللي أشوف أنها ماتلزم لبعض الشباب

تعليق بسيط التربيه لها دور فعال في هذه المواضيع

بمعنى لو أن بعض أولياء الأمور ربوا أبناءهم على الرجوله وأساسياتها كان ماشفنا اللي

نشوفه هذه الأيام .

يعطيك العافيه على الموضوع اللي يحتاجونه الشباب .

[][][ SiCK_LOvE ][][]

طيب اخوي رشاش واللي حط بالغلط شيسوي ؟؟

بعدين مو الخشونه اللي تحدد الشخص اذا فيه رجوله او لأ بعدين لو هي على العطر وان الرجال خشن ليش يصنعون عطور رجاليه خفيفه ؟؟

يعني لازم الله يهديك اتعطر بزيت محروق واطلع علشان خشونه :>


اخوكم : مـــــحـــــمـــــد

[رشاش]

هههههه

لا أنت مافهمت اللي أقصده

عادي لو تحطه بالغلط ماقلنا شي بس اللي يتعمد وش رايك فيه


وانا ماقلت لا تعطر من العطور الرجاليه بالعكس تعطر مافيها شي

بس انا كلامي عن الخشونه بوجهه عام وماهو عن التطيب والعطور

الظاهر انها وضحت الصوره اللحين.

[طليفيح]

يعني لازم الله يهديك اتعطر بزيت محروق واطلع علشان خشونه :>

يعطيك العافيه ...

زيت محروق تقصد دهن العود...!!! وضح..

[][][ SiCK_LOvE ][][]

رشاش :


اي الحين تمام تسلملي على التوضيح :>


طليفيح :

زيت محروق ماتعرفه؟؟

روح البنشر قوله ابي زيت محروق يعطيك وابشرك ببلاش بعد :>


اخوكم : مـــــحـــــمـــــد

[عبدالله محيلان]

طليفيح اسمحلي كلامك خطاء


انا احد عطوراتي المفضله هو Dknyالاخضر وهو الصراحه نسائي


بس لوتشمه ماتقول نسائي انا احبه لعدت اسباب اهمها انه خفيف وريحته تثبت لمده طويله

وبعدين اذا كل من يستخدم طيب نسائي فهو من رجال رقم 3 فاسمحلي اقول نسبه كبيره من اهل الخفجي رجال رقم 3

اذا ماتعجبك هذه الظاهره من حقك تنتقدها لاكن مو بهالاسلوب


اختي عهد مشكوره على الموضوع

جوابي هو استخدم العطر اعلاه لانه خفيف وريحته حلوه وتثبت لمده طويله

[طليفيح]

اول شي...انا ...اتكلم على

الي ذكرتهم... يستعملون جميع العطورات...النسائيه...

انا ماخصيت احد...

انا كلامي واضح...

ووجه كلامي لرجال 3 انهم يستعملون عطورات النساء دايم ...

ياخي اقرا الردود زين..... انت وغيرك امكن يعجب بعطر نسائي معين...لاكن مو كل عطوراتك نسائيه...

والي اتكلم عنهم كل عطوراتهم كلها نسائيه لانهم حريم...

ياخي ليش دايم تطالعون للموضوع بشكل غير الصحيح...

[عهد الغرام]

يعطيكم الف عافيه على مرووو على الموضوع ومناقشتكم على راسي

وانا ما قصدت الجنس الثالث يا طليفيح لانه هذول مو بس العطر حتي الشكل الله لا يبلانا لانه مرض

والي انا شفته بيعني كان شاب اخر العشرينات وملتحي وحط عطر نسائي

ومثل ما فهمت من ردودكم انه البعض ما فرقت وياه عطر رجالي نسائي المهم انه يدوم اطول

وهذا فعلا هو الظاهر ليش يستخدمونه

ويسلموووووووووووووووووووو

ولكم جميعااا :101:

[نايف فهاد]

هلا وغلا .. عهد الغرام ..




بكل صراحه أنا أشوف إن اللي يستخدم عطورات نسائية بصورة مستمره ماهو رجال .. !!


ياخي بالأساس الشركة الصانعه محدده العطور .. عطر نسائي وعطر رجال ..


تجي أنت مسوي فيها حق عطور وكشخه وتأخذ النسائي .. ليش ؟؟





ماهي معجبتك رجولتك ..


عطر نسائي واحد أعجبك وأخذته مره وحده مافيها إشكال .. أما ..





إنك تروح تشتري عطر وحاط ببالك إنك بتأخذ نسائي .. بصراحه ماهي رجولة ..





والله .. ثم والله .. ثم والله .. مافيه أجمل من دهن العود .. اللي واحد من الاخوان كان يستهزئ فيه ..





على العموم >> هذا رائي وكلاً حر برأئيه ..




تقبلي مروري .. الذي أعلم إنه أزعج البعض ..

[نصراوي]

والله ...يانصراوي ...انا مادري بخويك...اذا كان يستعمل عطر نسائي...

واذا على العطورات...محد يبي ...يجحد...كلن يعرف ان ..فيه رجال ..يقلدون الحريم بكل شي...

وانت تعرف وش اقصد بكلامي...ماقصد...احد من الاعضاء ولا اقصد احد من المشايخ المعنى معروف..

...عقب على الردود بشكل صحيح..

..




اخوي الغالي .. طليفيح


انت تقول قبل ..

عهد الغرام...اكيد...فيه...رجال...يستعملون...عطور...نسا ء...بس..مهم..

الرجال...الي ...نعرفهم....رجال...رقم...((( 3 )))

شكراً عهد الغرام..



يعني كل شخص يستخدم عطر نسائي .. هو الجنس الثالث بالمعنى ..!!


صح كلامك او لا ..؟

[طليفيح]

( أنا ما أقصد كل الشباب اللي يستخدمون العطور النسائية جنس 3

أنا أقصد اللي يتعمّد وضعها لـ يظهر لـ غيره أنه يستعمل العطور النسائية )

و هذي وجهة نظر خاصّة لي و حريّة خاصّة لا أحد يستطيع تغييرها

[الديرة]

السلام عليكم ورحمة الله وبركاته

أختي / عهد الغرام

إسمحي لي بالمشاركة

أعتقد أن إختيار العطر يرجع لذوق الشخص بغض النظر عن كون المصنع وضع عليه ( رجالي أو نسائي )

وليس هناك قواعد أساسية للإختيار منذ قديم الزمن

فالمسك كان رائحة الرسول عليه أفضل الصلاة والسلام ومعروف عنه ومع ذلك كان يأمر النساء بمسحة المسك

وأيضا ( دهن العود ودهن الورد ووووو... ) كلها للجنسين ولا خلاف في ذلك

ولكن في العصر الحديث حدد العطر الرجالي وحدد العطر النسائي لأغراض الله بها عليم

هل سأل أحد نفسه لماذا العطورات الرجالية صارخة وشديدة الرائحة بشكل ملفت للإنتباه ؟؟؟!!!!

بينما عطور المرأة هادئة وجذابة .....؟؟؟؟!!!!

من الذين حددو كون العطر النسائي للنساء والعطر الرجالي للرجال ( إرجعو للأصل ) ...؟؟؟

أخواني لا أصل لهذا التقسيم إطلاقا

وهذه الأمور كلها من المحدثات التي أتتنا من الغرب

عموما أنا شخصيا لا أنظر لما كتب على العطر بقدر ما يهمني رائحة العطر نفسه فإن أعجبتني أخذه دون أن أتردد

بغض النظر عن كون الشركة المصنعة وضعت عليه رجالي أو نسائي

تقبلو مروري وأتمنى كذلك أن تتقبلو رأيي

[رشاش]

تعليق بسيط


إذا الكلام هذا جانا من الغرب وهو تحديد العطر للرجال والنساء

فهذا اللي تعودنا عليه وعرفناه عطر رجالي وعطر نسائي

فالواحد ليه يفتح على نفسه باب ويجيب الكلام لنفسه

الرجال لهم عطورهم والنساء لهم عطورهم

مثل ماللرجال ملابسهم فالنساء ملابسهم ولا يمكن ان يتبادلوا اللباس

الله خلق وفرق ليه نخالف فطرتنا وطبيعتنا .

[فهدالقحطاني]

السلام عليكم ورحمة الله وبركاته

أختي / عهد الغرام

إسمحي لي بالمشاركة

أعتقد أن إختيار العطر يرجع لذوق الشخص بغض النظر عن كون المصنع وضع عليه ( رجالي أو نسائي )

وليس هناك قواعد أساسية للإختيار منذ قديم الزمن

فالمسك كان رائحة الرسول عليه أفضل الصلاة والسلام ومعروف عنه ومع ذلك كان يأمر النساء بمسحة المسك

وأيضا ( دهن العود ودهن الورد ووووو... ) كلها للجنسين ولا خلاف في ذلك

ولكن في العصر الحديث حدد العطر الرجالي وحدد العطر النسائي لأغراض الله بها عليم

هل سأل أحد نفسه لماذا العطورات الرجالية صارخة وشديدة الرائحة بشكل ملفت للإنتباه ؟؟؟!!!!

بينما عطور المرأة هادئة وجذابة .....؟؟؟؟!!!!

من الذين حددو كون العطر النسائي للنساء والعطر الرجالي للرجال ( إرجعو للأصل ) ...؟؟؟

أخواني لا أصل لهذا التقسيم إطلاقا

وهذه الأمور كلها من المحدثات التي أتتنا من الغرب

عموما أنا شخصيا لا أنظر لما كتب على العطر بقدر ما يهمني رائحة العطر نفسه فإن أعجبتني أخذه دون أن أتردد

بغض النظر عن كون الشركة المصنعة وضعت عليه رجالي أو نسائي

تقبلو مروري وأتمنى كذلك أن تتقبلو رأيي


ولد الديرة كلامك عين الصواب


وفرت علي كلام واجد كنت بقولة


بيض الله فيسك

[نايف فهاد]

بينما عطور المرأة هادئة وجذابة .....؟؟؟؟!!!!


هلا وغلا الديرة ..


أنتِ تقولين هادئة وجذابه وأضيف إنها أنثوية أكثر .. !!



مدام كل هالصفات فيها وحنا رجال وش نبي فيها ..



النعومه والجاذبية هذي للنساء .. نجي حنا ناشبهم بالنعومه والجاذبية .. ليه ؟؟ ..



اللي اشوفه إن هالشئ ماهو رجوله .. !!

مثل ماللرجال ملابسهم فالنساء ملابسهم ولا يمكن ان يتبادلوا اللباس

الله خلق وفرق ليه نخالف فطرتنا وطبيعتنا .


وكلام رشاش صحيح 100 % ..


شئ مايدخل العقل إن الرجال يستخدم عطر نسائي ..

[عهد الغرام]

يعطيكم العافيه


وهي حريه وانت تعبر عن رايك وهذا ما يزعل أحد لانه الكلام مو موجه لاي شخص فيكم

وما قصرتو على الرد على السؤالي


ويسلموووووووووووووو

ولكم جميعا :101: