][][ من اللي يرحمهم ؟؟ ][][

[][][ SiCK_LOvE ][][]

السلام عليكم ورحمة الله وبركاته ,,,


شلونكم اخواني ان شاء الله مرتاحين ,,,

قبل فتره احد الاعضاء طرح موضوع عن قضية التسول بالخفجي وكثرتها وانا ماكنت معاه وقلت انها ظاهره نادره بعدين فكرت بالموضوع وبديت اتحرى كلامه لقيت للأسف كلامه صحيح واني كنت غلطان بتفكيري ,,,

اخواني هل معقول ان عندنا ولله الحمد كل هاللجان الخيريه ولجان المساعده و هم في تسول ؟؟

انا ما اقول امنعوهم عن التسول لا والله هذا رزقهم شيسوون يعني ؟؟

وآخر موقف اليوم شفته المرأه قاعده عند باب احد المحلات معاها طفل يكسر القلب والله اني اكتبلكم هالموضوع وبس اتذكر شكل الطفل تخنقني العبره طفل توه بادي يرضع يمكن ولابس ملابس مهتريه وامه قاعده بالحر وشايلته و وجهه اصفر من الحر ,,,

كل هذا ليش ؟ علشان تأمنله لقمته ؟؟ مو حرام .

والله لو انكم شايفينه قسما ما تسكتون ولا تخلون هالشي يصير ,,,

اتمنى رسالتي هذي توصل لأكبر مسؤول عن اللجان الخيريه علشان ينحل مثل هالموضوع وبالسرعه القصوى وصحيح ان التسول قليل بالخفجي يعني يمكن حاله او حالتين غير اللي نشوفهم بالمساجد ايام الجمعه لكنها حالات عظيمه تدمي القلب والله ,,,

وارجع انوه وبشده انا اقول امنعوهم عن التسول باللتي هي احسن يعني لازم تتوفرلهم الامور اللي تمنعهم عن التسول اما اذا مافي احد راح يوفرلهم متطلباتهم لا والله خلوهم يتسولون احسن خل يلقون لقمتهم لان الطفل اللي شفته اليوم بين الحياه والموت والله,,,

وللأسف الشديد الظروف ما ساعدتني اني اوقف واسأل المرأه هذي اللي هي ام الطفل ليش قاعده تتسول معقوله مافي احد يساعدها والظروف اللي منعتني كثيره منها انها بالشارع وشكلي ما راح يصير حلو والناس طالعه وداخله للمحل وما حبيت اسألها يمكن يكون سؤالي محرج ,,,

يعني تخيلو ماهي قادره توفر للطفل شي يآكله او يشربه شلون هالطفل لو احتاج لا سمح الله دوا ؟؟ الله اكبر ,,,

هذا اذا فرضنا ان عندهم مكان يسكنون او ينامون فيه ,,,


الله المستعان ,,,


(( الله يخليكم اي احد له سلطه او يعرف احد له سلطه لا يهمل موضوعي هذا )) ,,,


واكون لكم من الشاكرين ,,,


اخوكم : مـــــحـــــمـــــد

[نجم]

الله يكون بعونهم أخوي والله الحاله صعبه اسال الله ان يعينهم ويصبرهم على مصيبتهم

واتمنى من المسؤلين النظر في هذا الموضوع !!


يـــامــسؤلــــين الى متى !

[][][ SiCK_LOvE ][][]

والله فعلا حالهم يصعب على الكافر ,,,


اشكر تعاطفك اخوي نجم ماتقصر ,,,


اخوكم : مـــــحـــــمـــــد

[NO_WaY]

الله يجزااك خير اخوي محمد لي عوده للموضوع جدا رائع

[][][ SiCK_LOvE ][][]

الله يخليك ابي عوده مثمره بخبر حلو ابيك تقولي ان الموضوع راح ينحل ,,,


اخوكم : مـــــحـــــمـــــد

[عشق الشمال]

يارجال الله يعينهم بس ويرزقهم من حيث لا يحتسبون

المهم إن الواحد منا لا يردهم إذا طلبوا شي لأن مالهم بالدنيا غير أهل الخير

بعد الله تعالى ,, أما الجمعيات الخيرية فأتوقع إنها ماتقصر إذا وصلها المحتاج

لكن المشكلة إن الجمعيات لا تبادر بالوصول إلى المحتاج قبل أن يسأل ,,

جزاك الله ألف خير ,,

[عسوووووووووووله]

لازم تتوفرلهم الامور اللي تمنعهم عن التسول

احلى عباره بالموضوع

يعطيك العافيه اخوي SiCK_LOvE

[هم1]

الله واكبر ياخوان الله في محكم كتابه قال تعالى(فأما السائل فلا تنهر) المظاهر تبي تقطع هالمساكين من قوتهم

ولا كيف ابن ادم ينقد التسول ترا القهر فيه من عزة نفسه تمنعه او تخليه يجي لحد فاتجد ان زوجته او امه او اخته اين

كانت تقوم تسول تبي اللي يوكلها هيوعيالها وياالاعضاء والله والله اني اعرف بيوت بالخفجي ....

بالنهار وقت الشتاء زواليهم يجلسون عليها والموت انهم في الليل يتلحفونها المصيبه .......

انهم يتعففون من ان ياخذون منك اذا مديت شي او انهم بيقبلون اذا جبت كيل البيت من اساسيات

ياناس بلا سوالف اتي كيت ذا اوجع بطونكم الكيك ؟؟؟؟؟

لاتنسون ان فيه من الناس مايلقا!!!!!!

خبز يوديه لعياله يتعشوووووووونه ,........

الناس للناس والكل لله واشكر واثني على


الزميل المشرف على الطرح الجميل شكر خاص ل][][ SiCK_LOvE ][][



واذا ودكم تعرفون المصيبه اسئلو الجمعيه الخيريه عن متم صرفه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

رااااااااااااااااح تلقا خطاب بدفع (53000ثلاثه وخمسون الف ريال او اثنان وخمسون ) تنقص او تزود ناسي والله

تكليف اعلان!


صفحه كامله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟ اللي يبي يرحب يفتل شنباته القصار ويصير كفو للطيب ويررررحب الين بكرااااااا

لايشارك هالفقراء بالقمتهم!!!!!!!!!!!!!!!!!!!!!!!!!!!!!!!!!!!!!!!!!! !!!!!

الصحيح ان بعض العرب اعلومه رمث الله يكرم من يقرا اول مايقبس عقبها حتي الجمر ماتلقاه عسا كبودهم الجمر

اللي يمدهم الله بالغيي ولايقدر حتي ينام والرصيد مازاد الادهى حتي زكاة هالمال نسئل الله العفو مايزكيه

[قلم]

لا حول الله ولا قوة الا بالله

بعض المناظر تدمي القلوب قبل الاعين !!

والغريب من يطالب ببتر ظاهرة التسول بحجة انها من المناظر الغير حضارية للمنطقة !!

وهل المنظر أهم من حياة أسرة ؟ لو كان للاسرة معيل أو دخل شهري لما تحملت

هذه الانثى أقسى درجات الحرارة في الشوارع ولما حضنت رضيعها بكف ومدت

لمعطيها الكف الاخرى .

والله لو كان السائل رجل والمعطي رجل لكان الامر ابسط !!

أو كان السائل انثى والمعطي انثى لكان الامر أهون !!

ولكن انثى تطلب من رجل ماتجود به يمناه ..... مصيبه والله !!

دعوا المتسولون يعيشون فهم أيضاً لهم الحق بالحياة .... والعمر مرة !!

واتركوا الشعارات الباهته ( لا للتسول ) بلا شعارات بلا قرف !!

تحياتي

[نصراوي]

<<< أقسم بالله ..



وأقسم بالله وأقسم بالله وأقسم بالله



ياناس هذولا أخونــــــــــــا .. هذولا خواتنــــــــــــا في الاسلام ..!!




نفس اللي شفتهـ ياخوكـ شفتهـ بعيني ..



والله حرام والله جريمة .. اللي يصير ..!!


جمعيات خيرية وجمعيات خيرية ..


وينكم عن هالايتام ..؟؟



الجو حر الجو ارطوبة الجو مطر الجو غبار .. <<< تخيل نفسكـ بمكانهم ولو ساعهـ !!!


<<< تخنقني العبرهـ قسم بالله ..

[][][ SiCK_LOvE ][][]

اشكر تعاطفكم الكريم وهذا ماهو غريب على ناس لها قلوب طيبه مثل قولبكم ,,,

وهذا ان دل على شي يدل على نقاوه معدنكم وطيب اصلكم انكم تحسون بالمحتاج ,,,

بس يا اخوان الموضوع والله اكبر من مسأله انه مشاركه و ردود الموضوع كبر قبل كم يوم بعد والله اني شايف مره كبيره بالسن و حولها 3 اطفار صغاااار بسن المدرسه الساعه 10 الصبح عند المطعم قاعده وحاضنتهم منظر والله يقطع القلب ,,,

وانا ودي والله اروح للجمعيات الخيريه واتكلم بس اللي رادني شي واحد مابي اكبر الوضوع لان التسول ممنوع وخاف اضر هالناس اللي مالهم ذنب غير انهم يبون لقمتهم ,,,

يعني انا مثل اللي بالع موس وساكت علشان هالشي كتبت الموضوع ابي واحد بس واحد يقدر يوصل الموضوع بهداوه و باللتي هي احسن علشان ما نضر احد وانا مستعد والله ازوده بالاماكن اللي يتواجدون فيها لاني دورتهم بكل مكان والله ولقيتهم واجد للأسف ,,,

الله يعين ,,,


اخوكم : مـــــحـــــمـــــد

[هم1]

يامحمد رح للجمعياااااااااااااااااااات وتكلم لان مابه الا الجمعيه الخيريه الباقي بااااااااااااااااااح

والجمعيه الخيريه الظاهر انها اتصعب بعض امورهم من طلبات والله يذكر المستودع الخيري بالخير

والله انه كان يقوووم باشياء مفروض تقوم فيها الجمعيه الخيريه اللي

يطير الشي يجمعونه بخطابات وسوالف ناس مدري وش شاكلتها بس


وانا اقولك رح لان البعير مايشوف عوجة ارقبته يعني تطمن مايقوون يمنعون هالضعوف

الله يعينهم ويعين كل رجل يسعى للخير شرواك ياخوي.......................

[][][ SiCK_LOvE ][][]

اروح والله لأروح وانا ماشوف الدرب بعد لان فعلا شي ما ينسكت عنه خلاص والله نفسيتي تعبت من هالمنظر بروح واللي فيها فيها وماني معطي اي واحد معلومات الا اللي ارتاحله وآخذه بنفسي للمكان ,,,

يستاهلون هالضعاف المساكين اذا احنا اللي الحمدلله بخير ونعمه ما نساعدهم من راح يساعدهم يعني بروح ولو اقتضى الامر اني اجمعلهم بنفسي التبرعات عادي والله ,,,


اشكرك اخوي على الراي السديد ماتقصر ,,,


اخوكم : مـــــحـــــمـــــد

[نصراوي]

[][ SiCK_LOvE ][][;406423']اروح والله لأروح وانا ماشوف الدرب بعد لان فعلا شي ما ينسكت عنه خلاص والله نفسيتي تعبت من هالمنظر بروح واللي فيها فيها وماني معطي اي واحد معلومات الا اللي ارتاحله وآخذه بنفسي للمكان ,,,

يستاهلون هالضعاف المساكين اذا احنا اللي الحمدلله بخير ونعمه ما نساعدهم من راح يساعدهم يعني بروح ولو اقتضى الامر اني اجمعلهم بنفسي التبرعات عادي والله ,,,


اشكرك اخوي على الراي السديد ماتقصر ,,,


اخوكم : مـــــحـــــمـــــد



قسم بالله كفو كفو كفو ..




لله دركـ يالغالي .. جزاك الله الف خير ..



وعسى ربي يكتبهـ في موازين اعمالك .. يارب


واذا تبي اروح معاكـ أبشر يالذيب ..


اخوكـ فواز ..

[][][ SiCK_LOvE ][][]

العفو اخوي ,,,

واشكر كلامك اللي يشجعني زياده ماتقصر والله بس تطمن الحمدلله لقيت شخص يفيدني بدرجه ما تتصورها مو تقليل من شأنك لا والله بس هالشخص بالجمعيه الخيريه الحمدلله :) ,,,

وكلمته و وعدني ان الموضوع راح ينحل ,,,

نشوف الله كريم ,,,


اخوكم : مـــــحـــــمـــــد