الدجاج المميز!!!!!!!!!!!!!!!

[بدرانو]

][®][^][®][ياخوان قبل البارح اشتهيت من الدجاج المميز والله ممكن تكون شهوة اكل لكن ؟مريت قلت اخذ لي همبرجر اذا فيه مريت شفت التجمع قلت وش الزحمه خاصه اني اذا مطعم فيه زحمه اقول شكل اكله زين وعندي طبيعه في نفسي ماأوقف اذا زحمه .........قلت اروح واشوف!
طفيت السياره وتوجهت الى المدخل قال لي من الموظفين عندهم ممنوع طبعا انا شايف عسكري بس بحسن نيه قلت مسكين طالع من الدوام وجاي يطلب مثلي لما قال لي الموظف ممنوع قبلها شفت اللي يعد الفلوس واللي يطفي اللمبات واللي يشيل العفش! رديت على الموظف اللي عندهم طبعا الكلام هذا كله برا المطعم ...قلت وانا أضحك وهو محتر ومحروق من داخل .
اكييييد دجاجكم منتهي نظر بنظره فيها شي من اللي وده يمسك اي شي بيده ويضربني على راسي .
في النهايه الحمدلله اللي جت على خير ورحت البيت وسويت بيضه مع جبنه ويازينها من عشوة

على فكره تراي مأدري وش سبب تسكيرهم للمحل
اللي عنده خبر يخبرنا
ولكم اجمل العبارات يااعضاء الرايديه الله يوفق الجميع ][®][^][®][
ومع السلامه

[][][ SiCK_LOvE ][][]

اهم شي انك تعشيت :) بالعافيه ,,,

والله حتى انا ماعندي فكره بس اسباب تسكير المطاعم كثيره ,,,

وهذي فرصه للأشاده بالجهود المبذوله في مراعات نظافة المطاعم وحسن عملها بشكل عام ,,,

بس عندي لك بشاره :> ترى مطعم النافوره امس بالليل شفته فاتح عقب ما سكروه للصيانه :>>>>


اخوكم : مـــــحـــــمـــــد

[NO_WaY]

السلام عليكم ورحمة الله وبركاته شكرا اخوي بدرانو على طرحك الرائع واود الاضافه بان سبب اغلاق المطعم المذكوور كان بعد بلاغ من احد الاهالي وهذا يعني بمشيئة الله التجاوب الكبير من قبل المواطنين والمقيمين للاستفادة من ارقام التبليغ في حاله وجود اي مخالفات للمطاعم وسوف يطبق بحق المطعم المذكورعقوبات شديده حسب مصدر منتدى اخبار الخفجي باغلاق المحل حتى اشعار اخر وتغريم مالي كبير وتجميد ملف السجل التجاري للكفيل ....وتعال حلها لما يفتحون التجميد من الرياض(تطلع روحه)<<<< انذار للبقيه


ويتبقى وعي المواطن الكريم بعدم التعامل مع اي مطعم ليس في الخفجي فحسب بل في اي مكان لخطورة التسمم فترة الصيف مهما كانت الاحتياطات موجوده(كون الميكروبات والبكتيريا لاتهدأ)....دمتم في رعايه الله

[الثابت1]

والله يا أخوان أنا اشتريت من قبل من هذا المحل دجاج بروست وبعد تناول الطعام بساعتين صرت أرجع الطعام وأسهلت معدتي يومين وبعدها امتنعت عن الذهاب إلى هذا المحل حتى لو مت من الجوع

[KHAFJAWY]

تفاعل مميز من المسئولين .. نشكرهم عليه .. بالفعل مثل ما قال اخونا Sick_Love الصيف يهيئ الجو المناسب و المثالى لنمو مثل هالجراثيم و الاهمال فى النظافه ممكن ينتج عنه ما لا يحمد عقباه. والمخالفات لا تقتصر على نظافة الاكل, فمثل ما قال الاخ الثابت1 اكل بروست وهو مقلى فى درجة حراره عاليه تموت الميكروبات. بس نظافة الزيت المقلى فيه مهمه جدا لانه بعد فتره من الاستخدام يصبح سام و مسرطن اجارنا الله و اياكم. فالحذر الحذر.

اخوى بدرانو جرب الجبنه البيضا مع زيت الزيتون و النعناع والجح .. راح تدعيلى .. " والله جعت"

[KHAFJAWY]

بس للمعلوميه .. انا تونى مار اليوم بعد صلاة العشاء و شايفه فاتح و عماله فيه شغال كالعاده.

[bndr34]

بس للمعلوميه .. انا تونى مار اليوم بعد صلاة العشاء و شايفه فاتح و عماله فيه شغال كالعاده.

وانا بعد مريت امس ولقيته مفتوح >>>> دبرّ واسطة :)

[أخلاق]

يا ناس يا عالم هالمطاعم ذي ما وراها إلا التسمم والمرض هونوا عن هالسوالف الحمدالله الواحد منا بخير ونعمه وماهو منحد عليهم وإن كان منحد مره طاقه الجوع خبزه وجبنه الله لا يهينه وإن كان عزابي ولا حول ولا قوة إلا بالله يتزوج وإلا تعلم طبخ الشغلات البسيطة ولا يروح للمطاعم ذي بالعربي ما فيه إلا كبسة وبرستد ومشويات يعني كل يوم كبسة ما تمل أنت وجهك:confused: :confused:

[MEASTRO]

يــا زين طبخ البيت :biggrin:

مشكلة مطاعمنا تنقصها النظافه,, واليد العامله النظيفه .. يعني لو العمال من غير البنقال والهنود افضل ..

مالنا الا بيتزا هوت والمأدبـــة .. " ويمكن الارنب الجائع ينظم معاهم " ..


دمت بود " ..

[eye4u]

والله مشكله قلنا الحين شكله ماركه ويخاف على اسمه؟!
لكن طلع مافي فرق بينه وبين البوفيه الي يشتغل فيها البنغالي
المصيبه ماعندنا مراقبه مثل الجبيل الصناعيه
بس يكون عندك وااسطه على طول يفتح
الناس تسمم تموت ماعندك مشكله
واكبر دليل مطعم الؤلؤه كم مره قفلوه!!!!!
ماياخذ يوم
اليوم الثاني فاتح
لكن ان شاءالله انهم تغيرو بعد وضعهم للأرقام الشكاوى

[مجنون رسمي]

المطـــعم تقـــفل بســــب البيبســـي الي يبيعه من انتاج الجميح والبلدية منعته من بيبسي الجميح وهذا سبب الاقفال لاتسمم ولا شيء والكلام هذا من احد موظفي البلدية


ودمــــت بــــود
,,,,
,,,
,,
,
مجنون رسمي

[عجاج]

بواسطة / KHAFJAWY

بس للمعلوميه .. انا تونى مار اليوم بعد صلاة العشاء و شايفه فاتح و عماله فيه شغال كالعاده.

بواسطة / bndr34

وانا بعد مريت امس ولقيته مفتوح >>>> دبرّ واسطة :)

ياسلام الأنظمة عندنا بالخفجي صارمة .

وزين أنك تعشيت بالبيت يابدرانو ولا كان هــ الحين الله أعلم بحالك .

الله يعطيك العافية بدرانو ,,,,

[speedcar]

ولله عاد سكرو الدجــاج المميز

[بدرانو]

sick_love
no_way
الثابت 1
khafjawy
bndr34
hobr
اخلاق
meastro
eye4u
مجنون رسمي
عجاج
sbeedcar
مشكورين على المرور والمشاركه واعطاء الموضوع اهميه للجميع وابشر الجميع اكل ام العيال يازينه
الحمدلله الذي اطعمنا وسقانا

[نجم]

والله فرق كبير شف المطعم دجاج المميز الي بالرياض شارع أنكاس سابقاً ((خالد بن الوليد ))

زحمه 24 ساعه من العالم وحنا تسمم وتلوث ياخي أذا واحد مثل أخونا يبي يتعشا ء وين يروح

ممكن تعلموني مطعم حلو بالخفجي !!

[سمح المحيا]

بنســــــــــــــبة لسبب اغلاق المطعم عشان البيبسي المطعم يجيب البيبسي من الرياض هو لزم يجيبة من الدمام ؟؟؟؟؟؟؟؟؟؟؟؟؟؟؟

[الشاقي]

ياربي من الواسطه الي متفشيه في الخفجي حتى صحتنا ما عاد تهمهم
كنا غنم نمرض ونصحى عادي...... عاد ومن زين هالمستشفيات ياناس هذيلا
مسلمين ويخافون الله والله ما تسوى عليكم هالدنيا ترى وراها اخره
بس ودك ان من يفتح هالمحلات ويتوسطلهم ان ولده ياكل منهم ويتسمم عاد خله
يتوسط...

[مطلق الشمري]

ما ادري بس بالنبسه للمطعم هذا بالذات من اول يوم افتتاح له وصلتنا حالات تسمم لاشخاص اعرفهم واغلب سكان الخفجي يعرفووووهم ومستعد اذكرهم بالاسامي للمصداقيه

بس ما ابي اتعدى على خصوصاتي الغير خصوصا ان حالات التسمم اللي كانت توصلنا لذكور واناث

وما حبيت اكتب شي بخصوص هالموضوع قلت يمكن هالمره وتعدي ومابغى اكون سبب في قطع رزق احد

عالعموم انا من اول يوم فتح ما دخلته ولا افكر ادخله بعد اللي شفته من الحالات اللي وصلتنا منه ودايما انصح اللي اعرفهم بعدم الاكل منه


تقبلوا تحياتي

[مجنون رسمي]

والله حرام عليكم المطعم تسكر بسب البيبسي مو تسمم والخبر من احد موظفي البلدية

[aljori]

ياناس والله مافي ألذ وأطعم من طبخ البيت ..
أنا اذا احتديت ما اطلب الا من الشفاء واذا مسكر... اقوم نص الليل واطبخ كبسه يم يم يم .. مع لبن نادك طبعا الاكل ألذ.. والله امووت بشيء اسمه طبخ .... خاصة طبخ الكبسات ياسلااااااااام

:)

تحياتي

[نصراوي]

حرام عليكم ظلمتو المطعم ..!!


قمة القهر .. قطع الرزق ..!!






كل مافي الموضوع ..



البيبسي فقط لا غير <<



لان بيبسيهم يجي من برى << قصدي من الرياض ,,


وفيه طعم حديد فقط لا غير ..!!


وخاصة في الصيف يكون طعم البيبسي حديد <<