-ـ-ـ-ـ> !! الجـــــــــــــــــــــــــــــــــــــــــمهرهــ !! <-ـ-ـ-ـ

[الجوووري]

:

.


http://www.6rp.net/she3r/7amad/algmhrh-6rp-net.ram








إي بالله أخطوا والخطا اللي جابهم عين الصواب

مبطي وأنا أشوف الطمع يكشف رداهم وأستره
مايملي عيون الحسود بهالزمن غير التراب


ومن لايتوب من الخطا تحرم عليه المعذره
اللي من أولها خراب أكيد تاليها خراب


والبندق اللي ماتثور في هدفها تذعره
ودك اليامن جاتك الغلطه من الناس القراب


الصاحب اللي ماكسبت محبته ماتخسره
مشكلتي إني ماعرفت أحسب لصدتهم حساب


قلطتهم صدري على ذكرى قصيد وحنجره
صوت ٍ يصول بمنبره واخطاب مامثله خطاب


والطيبه اللي زعزعت صوت الخطيب ومنبره
مافيه دمع ٍ صوبوه أحبابي بوجهي وخاب


ولازرق حزني على غالي ولافج انحره
كل الزهاب اللي معي ذكرى من أصحاب الزهاب


واللي بقالي من عذاب اشرس طريقي وأخطره
لأني تجنبت الغرق.. عديت من فوق السحاب

لأن أكثر أصحابي ورق..ماشفت للطيب إثمرهـ
والله ماحطيت بين الحقدوالخوه حجااب


حتى غدوا ربعي يحدوني على الضيق أشكره
البارحه ثارت علي رقاب وأوتني رقاب


البارحه ياثقل دم البارح ويامحقره
أثر المصايب ماتجيك إلا من الناس القراب


وبهالزمن حتى الخوي اللي تثق فيه أحذره
أهب ياوجه الحسد وشلون جمعهم وغاب

كيف السنين اللي عطتني بعثرتهم بعثره
لابارك الله في رفيق ٍ تزعله كلمة عتاب

ولاجمع الله الرجال اللي تفرقهم مرهـ
الصاحب اللي مايجي من صحبته غير العذاب


نذر ٍ علي إن ماهجرني وإلا أنا اللي بهجرهـ
من يفتح لفرقاي باب أفك له عشرين باب


وأذا خويي مايقدر خوتي ما أقدرهـ
عو ّدت نفسي كل ماشددت لليمّه ركاب


مأصد وجهي عن طموح إلا لياجبت خبره
أن روّحوا فأنا بري منهم ليوم الحساب


وإن جرحوا قولوا لهم ماحركوا فيّ إشعره
شفهم لهم حول السنه ولا خذوا مني جواب


أحسن دوا للي يحاول يستفزك تحقرهـ
ماكنت أحاتيهم صغيّير ..عاد أحاتيهم شباب


الصاحب اللي ما أذخره لليوم الأسود ما أذخرهـ
شفني جمعت أوراقهم بكتاب وأغلقت الكتاب


ياوقت لم اللي تلمه وأنثر اللي تنثره
اللي يخاف من الظما يترك لنا طرد السراب


واللي ماهو بقد الظلام ووحشته لايسهرهـ
عقب أكتئاب البارحه ماعاد انا حمل إكتئاب

الطيب جرجرني وانا ماني بناقص جرجرهـ
انا تجرعت الظما لين أحترق وجهي وذاب


انا كسرت بخاطري قبل الصداقه تكسره
انا خسرت اللي غيابه غير عن كل الغياب


انا غفرت لعلام ٍ ماتستحق المغفره
انا أكثر (أنسان) تعلم من كثر ماأخطأ وصاب

انا أخر (لسان) يتكلم في زمان الثرثره
انا القصيد اللي فزع من دفتره مليون ناب

وانا الوحيد اللي جمع مليون ناب بدفترهـ
جفني وجرّحه السهر ، حيلي وهدّته الصعاب


دمعي هدر،ضحكي ندر،عمري وضيعت أكثرهـ
شيب بعقول العرب..هيبت روس ٍ ماتهاب


جمهرت ناس ٍ عمرهم مايعرفون الجمهره
ماصرت ذيب إلا لأن اللي تحدوني ذياب


ما كنت أغيب إلا لأن العفو عند المقدرهـ
ترى حلاتك لاحملت لصاحبك كلمة عتاب


أن مانطقت بها بوجهه ماتذمه بظهره
في هالزمن مايملي عيون الحسود إلا التراب


والا الحظيظ.. الطلقه اللي ماتصيبه تذعره
ودك اليامن جاتك الغلطه من الناس القراب

الصاحب اللي ماكسبت محبته ماتخسره ...


:101:

[حنين]

http://www.alraidiah.com/vb/uploaded/mals.gif




ومن لايتوب من الخطا تحرم عليه المعذره
اللي من أولها خراب أكيد تاليها خراب

تسلمين الجوري على النقل الرائع






http://www.alraidiah.com/vb/uploaded/mals2.gif

[طليفيح]

الجوووري ...

تسلم يمينك على القصيدة الرائعة ..

[رووان]

فديتك والله ذوقيه في اختيارك

جديد حامد ابدن عندي كلها

وصحـ لسان شاعرنا القدير

لاحرمنا من عطائك

رووان

[الجوووري]

هلا وغلا


حنين ..


الله يسلمك يالغلا

وشكراً على المرور ..

:101:

[الجوووري]

الله يسلمك ياطليفيح ..
اسعدني مرورك ..
:101:

[الجوووري]

مانجيب الا الزين ياروان << تبتسم احم


صح بدنك

ولاخلا ولاعـدم ..

:101:

[أبو رائد]

اختيار رائع يا الجووووري


الله يعطيك العافية


وصح لسان الشاعر المبدع حامد زيد

[الجوووري]

هلا وغلا

ابو رائد


صدقني مو بـ روعة حضورك ..


صح بدنك ..


لاخلا ولاعدم ..

:101:

[ديومه]

موفق بإذن الله ... لك مني أجمل تحية .