ياناس ارحمونا من الحفريات بالخفجي

[speedcar]

يعني ولله شي مو طبيعي انا كلمة مهندسين الحفريات بالخفجي يقولون يستغرق تحفير الحاره الوحده مثال المرور 4 سنوات يعني على كيفهم.......ولله ملينـا:eek:

[NO_WaY]

السلام عليكم ورحمة الله وبركاته اخوي سبيد كار شكرا على اهتمامك وحسب افاده ادارة المشاريع ببلدية الخفجي بان شهر رمضان القادم سيكون اخر عهد بالعديد من الحفريات مع سفلتة الشوارع خاااصه مشروع تصريف السيول وخفض منسووب المياه الجوفيه وان غدا لناظره لقريب دمت في رعايه الله

انشالله نحن مع المسئولين الحريصين لاتمام هذه المشاريع لخدمة الاهالي بالمحافظة والسمعه الطيبه دايم تذكر بالخير والدعوى الصادقه حتى يوم الدين.....

[فهدالقحطاني]

الله يعين من ذا الحفريات

[KHAFJAWY]

مو احنا نمشى بالمقلوب .. نبنى البنا و نرجع نهده .. الحفريات ما هى الا دعم للبنيه التحتيه فى البلد واللى المفروض انها تعمل قبل ما توزع الاراضى للبناء. و لا شك انها فى صالحنا, نعانى فتره و ترتاح .. الله يعينكم ويصبركم

[سمح المحيا]

سبيد كار000


يعطيك الف عافيه اخوي على اهتماماتكـ000


وانا معك اخوي الحفريات صارت ازعاج لسكان الخفجي000

خصوصا مرتادي شارع الامير نايف وشارع البلديه000

دمت بووود اخوي 000


السعيدي000

[رمــــــــــاح]

ما اقول الا الله يعين الي معاه سياره جديده او فخمه انا من ناحيتي ابي ابيع سيارتي واشتري ددسن 86 اعبر حالي على ما يخلصون حفريات ياخوي والله المفروض يسون رالي بالخفجي ههههههههههههههههههههههههههههههههه ومشكوورر اخوي على موضوعك

[speedcar]

كلكم ردوكم احلــــى ردود

[الثابت1]

والله يا لربع المفروض البلدية تعطينا تعويض كي نصلح سيارتنا التي هلكت والتي استغلها الباكستنين فرصة وقاموا يرفعون سعر المصنعية وقطع الغيار والله المستعان

[bndr34]

هلا اخواني كلكم

انا من رايي نخلي هالموضوع اهم التسكيرات اللي تصير لشوارع الخفجي

اخر شي شارع نايف مسكر من اتجاهين من النصف

والى تسكيرة اخرى مراسلكم من الخارج بندر طش ام طش

سي يو

[الدووووخي]

والله تعبنا وحنا نكلمهم ولا حياة لمن تنادي ’’’

[نجم]

تفالو بالخير تجدوه

شكر على الاهتمام والى اللقاء

[الصخرة]

الحين لو تبي تروح لبيتك تاخذ لكم فرتين عل الخفجي غصب من كثر التحويلات

[bndr34]

تسكيرة جديدة ( ماهي كاملة بس للتحذير )

عند تقاطع المركز الطبي التخصصي - مكتبة الحديثة

دائرية وفيها ونش يحفر له يومين >>> الظاهر يدور بترول :)

__________________

عجيبة الحفريات

حفرّ بدون لا يسكرون الحفر القديمة والشوارع مسكرة للحين

بديت اشك ان الشركة المستلمة المشروع بأن تسوي كذا على شان احد الاسباب التالية:

1- يا انها ما استلمت حقوقها وتنتنقم بالشوارع وتحفرها

2- يا انها عندها وقت طويل على تسليم المشروع وتتسلى بالشوارع وتجرب معداتها ومدى جاهزيتها

3- يا انهم زي الدكاتره اللي ينسون ( شاش أو فوطة ببطن مريض ) ويرجعون يطلعونها والا وش تفسيركم أذا الشارع فتح ثم قفلوها مرة ثانية .

واللي ادهى وامر >>>> ياعيني

ان الشركة ما انجزت شيء

الشوارع اول أحسن

الحين كنك رايح للبر ماهي شوارع زفت

ذكروني باللبناني اللي يقول ( كل شيء عندنا زفت الا الطرقات )

والي تقفيلة اخرى استودعكم الله

اخوكم بندر

[ناصر الونيس]

والله مشكله كل شوي مسكرين الشوارع ويحفرونها ويخلونها
ليش خلصوها مره وحده و ريحونا
والله يعين

[KHAFJAWY]

تبون مجارى صرف صحى .. لازم حفر. وهالاعمال تنعمل عن طريق مناقصات عامه. الطرح الاول لحفر الطرق و تركيب المجارى. و المرحله الثانيه للسفلته. الحين احنا فى المرحله الاولى .. ولما يخلصون كل شغلهم المرحله الثانيه تبدى. فطولو بالكم .. وكبرو الوساده الشغله مطوله

[speedcar]

الحفريات ماتخلص الا بعد 10000000000000000000000000 سنه هذا اقل شي

[bndr34]

تبون مجارى صرف صحى .. لازم حفر. وهالاعمال تنعمل عن طريق مناقصات عامه. الطرح الاول لحفر الطرق و تركيب المجارى. و المرحله الثانيه للسفلته. الحين احنا فى المرحله الاولى .. ولما يخلصون كل شغلهم المرحله الثانيه تبدى. فطولو بالكم .. وكبرو الوساده الشغله مطوله

هلا اخوي الكريم

صح كلامك بس ليه ما ينجزون الاعمال بطريقة مرتبة

عشرين طريق مغلق واصلاً اللي صلحوا ( مجازاً ) خربان وكن له مية سنة

شركة ........ للمقاولات ماعندها سالفة وربي

تحياتي

اخوك بندر

[wafa]

من مسؤول عن هذه الفوضى والى متى

[أمير الليل]

نفسي أزور الخفجي مرة وما القى فيها تحويلات وحفر وشوارع مكسرة ورايحة فيها ..
قبل شهر بس زرت الخفجي وجلست فيها أربعة أيام .. والله يا شباب ان الهيئة الأمامية لسيارتي انعدمت .. أنواع الحذفية والمساعدات تفقعت .. خلوها على الله بس .. أقول الله يعين الشوارع كل الخدمات مدفونة تحتها مجاري وكيابل كهرباء وتلفونات ومواصير التحلية .. وكل ما تعطل شي منها حفرو من جديد .. وكله كوم والدخل المحدود عندكم كوم .. الله المستعان ..

يعطيك العافية أخوي ..
كل التحية ,,