ام لسااااانين
06-11-2003, 10:24 PM
قصه تبكي اللي مايبكي
هاذي القصة الي بين أيدكم الكريمة هي قصة حبي الي في يوم من الايام انتهت بس ذكراها وألمها
باقي العمر كله..........
من يوم فتحت عيني كنت اشوفه قدامي ,مرت الايام والسنين وكبرت وقلت هذا هو نصيبي ,كان اكبر مني بخمس سنوات,وماكان يهمني الفارق بسن.وكنت اتمنى الايام تمر والسنين عشان ادخل الجامعه ومااحس انه بينا أي فرق,واني اقل مستوى منه.
دخل هو الجامعه وانا كنت في الثانويه وكنت ادعي ربي ليل ونهار اني ادخل الجامعه واكون بنفس مستواه. الاني ماابي احس بنقص وانه اعلى مني مستوى.
وفي يوم من الايام كنت قاعده بغرفتي دخلت اختي ,وسالتني اذا كنت مشغوله ولا...لا...قلتلها لا فاضيه تبين تقولين شىء .قالت ايه نعم فيه شىء صاير وابي اخبرج...استغربت من كلامها ولهجتها وكانت متردده كثير...
واختي كانت تعرف اني احب ولد خالي من يوم كنت صغيره ومب بس هي كل اهلي كانوا يعرفون هل الشىء.قالتلي وبكل هدوء...اليوم ملكته على بنت خالتي....قالتلها من؟توقعت أي حد من اهلي ...لكن هو كاان بعيد عن بالي..
قالتي ولد خالي اليوم ملكته عليها....صرخت بوجها انتي مجنونه ولا تمزحين..وصرخت بوجها انتي كذااابه قولي تمزحين صح...قالت والله اقسملك انه اليوم ملكته....كيف ومتى صار هذا كله...وانا ويني من حياته...
صابتي صدمه والله ثم والله اني حسيت نفسي بحلم وقلت انها تمزح وقعدت اضحك واختي مندهشه مني تقولي انتي يا شوق صاحية,قالتها انتي تمزحين وكأني واثقه من حبه لي...
وبعد اربع ساعات استوعبت السالفه كلها ,طلعت في الصاله الا اسمع امي تكلم في التيلفون وتبارك لخالي.
غريبه هل الدنيا كل شىء صار بلمح البصر...رحت وقعدت عن رجول امي وسالتها
يمه تكفين تكفين يمه قولي الصدق...اهو تزوج ؟ قالت:شوق حبيبتي انتي سمعي السالفه بعدين احكمي عليه؟
يمه ارجوج قولي السالفه كلها والله معد فيني قلب....قالت: شوق انتي تعرفين جدتج ماتت من سنه؟طيب وشدخل هل الموضوع بزواجه..
قالت :يا عمري يا شوق يوم امي على فرااش الموت وصت خالج باخر ايامها انها تزوج ولد خالج من بنت خالتج الي ابوها توفى وهي يتيمه وماعندها احد؟
وخالج خطبها له عشان امي وصته ..ولازم ينفذون وصيت امي..؟!
وانا يا يمه شذنبي بهذا كله ..انتي تعرفين اني احبه وامووت فيه ..يمه تكفين قولي انج تمزحين وانها مزحه منكم تكفين يمه.؟
قالت:شوق الزواج قسمه ونصيب وكل الي يصير تراه بامر الله...مستحيل انتم تمزحون معي لا مااصدق اهو يحبني ...
وركضت غرفتي وانا منصدمه مب قادره اصدق الي صاار ....ودخلت علي اختي وكنت ماسكه عمري كثير ,ماابيها تشوف دموعي...قالت :شوق شتحسين فيه! رديت عليها :مااحس بشىء ,,عادي ؟قالت وبصوت عالي,,, كذاابه ...
طالعتها بنظره .. وتمنيتها تفهمني وتقدر هل الموقف وتتركني بحالي...قالت:ابكي ترى الدموع تخفف عنا كثير ,وانتي تعرفين الملكه كانت غصب عنه..قاطعتها وقلتلها معد يهمني ومن هل اللحظه هو بحسبت اخوي محمد ,قالت:شو حب سنين يتحول الاخوه انتي تكذبين علي ولا على نفسج؟واحلفلج انه من بعد هل اليوم هو اخوي وبس..لو سمحتي يا العنود خلني بروحي...وطلعت وهي مستغربه مني وماصدقت طلعت وقعدت اصيح لين طلع الفجر..وحتى هذاك اليوم ماقدرت اروح المدرسه..وكنت كله اغيب,حسيت حياتي مالها أي معنى من بعده..
كنت اتغاظى اشوفه او اكلمه,واتهرب منه في أي مناسبه تجمعنا........
ويوم زواجه كان اصعب يوم بحياتي,وكنت ادعي ربي ليل ونهار يصبرني ويجعلني قويه قدام اهلي وبنات خالي وخالاتي,وتمنيت اني مااحضره
سالتني اختي :انتي من صدقج بتحضرين عرسه؟جاوبتها:لو ماحضرت الكل بيعرف وبقولون بعدها تحبه,كيف اقابل خالاتي وبنات خالي وعماتي وكلهم يعرفون اني احبه.لازم احضر عشان مايحسون اني بعدني احبه..
شوق انتي ماراح تتحملين الموقف ,صدقيني بكون صعب عليج....لا تخافين اختج قويه وتتحمل كل شىء..حياتي ماانتهت من بعده....انتي دووم تبينين انج قويه لين متى يا شووق ,لا تخافين انا قدها ...
وتجهزت وفصلت اجمل فستان, ويوم العرس والكل راح صار الابوي ظرف وماقدر يرووح واحمدت الله وشكرته الانا كلنا قعدنا,امي وابوي وخواني....رحت أركض لغرفتي وصليت ركعتين شكر الله,الاني اعرف نفسي دموعي بت فضحني.وكل الي كنت بسويه تمثيل عشان مالفت نظرهم..
وطبعا طول اليل ماشفت النوووم,ويوم صباحيته اتصلت عليه الوالده تبارك له,وانا كنت قاعده بغرفتي وتدخلي علي اختي,شوق امي اتصلت وباركتله على العرس واعتذرتله الأنا ماحضرنا العرس.طيب وانا شسوي له ....
قالت:شوق مب لازم تتصلين له وتباركين له على الاقل بتيلفون,قالتها آسفه ماني متصله ومالي شغل فيه.
انتي من فتره قالتي انه اخوج ,واخوج يتمنى تتصلين عليه وتقولين له مبروك على العرس,سمعي لو انتي مب اختي يا العنود كان قلت كلام يزعلج,من فضلج طلعي برع وخليني بروحي ...
قعت افكر بايامي معه وكل الكلام الي صار بينا من سنين ,حب 8 سنوات مب سهل الواحد ينساه ولا يتخلى عنه.معقوله ماكان يحبني,انا ماانكر انه عمره ماقال شوق انا احبج,الانه طبعه يستحي وطبعي اخس عنه.
يمكن انا يتهيأ لي انه كان يحبني,,,,لا مستحيل كل شىء فيه يقول احبج....مستحيل اهو يحبني ...والله يحبني
وخواته يعرفون بحبي له وحتى هم قالولي مره انه يحبج...اذكر اول رحله كنت بطلع معه,,,طلب من اخته تقولي وكنت طايره من الفرحه,,,بس الاسف امي رفضت وقالت عيب تروحين معه بروحج ...وحدد الساعه الي بياخذني فيها..ويشهد علي الله انها كانت اسعد ايام عمري واقنعت امي ان اخته بتروح معي,,,وكانت رافضه وكنت مستحيه منه كثير,,الان امي رفضت وقالت أخته انا بتصرف وماراح اقوله ان امي ( عمته) رفضت ,,,وتضايقت كثير الاني مارحت.وبنفس اليوم اخته قالتلي اهو يحبج ومستحي يقولها... من شكله واااضح انه يحبج,,,,غمرتني السعاده والراحه.
وانا كنت قاعده افكر بذكرياتي معه,,,الا امي تدق الباب,,,ودخلت قالت:انتي قايمه يا شوق,,, خير يمه... ..قالت:شتفكرين فيه يا شوق,,,يمه ليش خالي سوى كذا والله حرام ,,ليش تحطمون حياتي وتخلونها تاخذه,,ماعندها احسااس ...قالت:شوق لا تنسين انها بنت خالتج,وبنت خالتي ليش تسوي فيني كذا ,,يمه هي تعرف اني احبه واموت عليه,,ليش تاخذه,,انا شسويت فيها,,,يمه قوليلي تكفين اقنعيني بأي شىء,,,,قالت:يا شوق هدي نفسج صدقيني غصبن عنها ولد خالج الف بنت تتمناه,,وتعرفين انها لازم توافق عشان وصيت جدتج,,,,وانا يمه شسوي ,,ذكري الله وارضي بهل الشىء.,,,وهذا نصيبكم ..معج حق يمه,,والله يسامح من كان السبب...
مرت علي الايام الصعبه,,,وقدرت اصدق انه خلاص طلع من حياتي وتقبلت الوضع الي انا فيه.........
مر على زواجه 3 سنوات ماشفته الا مره وحده,,,وتمنيت تعمى عيوني ولا اشوفه,,مب هو خليفه الي حبيته ,,,
طلب مني خالي أسافر معه,,رفضت وقلت انت تعرف الي بقلبي ,,قالت الايام هاذيك ولت,,تعالي معي على الأقل أسبوع,,,أسبوع مستحيل يا خال والله صعب علي قال طيب خمس ايام وبعد اخذ وعطى.. اتفقنا اني اقعد يومين وبس.
وسافرت معه,,وكنت ادعي ربي اني مااشوفه,,اول ماوصلنى البيت كان قاعد مع امه في صالة...ومرته كانت مسافره تزور أمها في السعودية,,,مسكني خالي ودخلني وسلمت عليه وعلى طول دخلت داخل وقعدت ابكي قلت مستحيل هذا خليفه,,استقبلتني بنت خالي وقالتلي:شوق ليش هل الدموع....قالتها:بذمتج هذا خليفه الي سملت عليه ,,نزلت راسها قالت مسكين والله تعذب كثير بحياته,,شفيه يا فاطمه ,,تكفين قوليلي,,,بقولج بس ماله داعي تبكين والله دموعج غاليه علينا كلنا...من شهر سوى حادث وكانت الاصابه برجوله وصار يعرج منها والدكاتره أكدوا لنا انه يبيله سنه بلكثير ويرد طبيعي...مسكين يا شوق ماتوفق بحياته,,خلى دراسته الجامعيه بعد الزواج,,,,وانا يا فاطمه تدرين حلمي طول عمري اني ادخل الجامعه عشان اكون بنفس مستواه,,وشوفي اليوم.. انا في الجامعه وهو في الجامعه ,,,لكن كنت اتمنى اكون بلجامعه معه هو.....بس الأسف الظروف كانت أقوى منا,,,وطول اليل صورته مافارقتني لحظه وحده,,شكله كان انسان يائس من حياته,,,,مسكين مايستاهل كل الي صارله,,,الا صوت بنت خالي فاطمه يقطع حبل افكاري شوق متى بتنامين ,,قالتلها ودي اطلع برع اشم هوى,,تطلعين معي برع,,لا يا الغاليه ودي انام ورانا قومه من الصبح,,شلت نفسي وطلعت برع في الحديقه,,,اريد استوعب هل الشكل الي استقبلني فيه خليفه...
وفي هل اللحظه الي كنت افكر فيها اسمع صوت الباب الخارجي ولمحت خليفه داخل,,,واشل عمري وادخل داخل ماكنت ابي اشوفه ولا اتكلم معه,,الانه انسان متزوج و بذمته انسانه وماودي اخرب حياتهم,,,دخلت الغرفه الا فاطمه تقولي اشو فج ماطو لتي قالتها شميت هوى واكتفيت ,,,ودي انام الحين ممكن تخليني انام,,,وكنت اسوي نفسي نايمه وطول الوقت افكر باشياء كثير...اذن الفجر وصليت ونمت...وبعد ماقمت كنت اسال بنات خالي من الي موجود في الصاله اخاف انزل واحصله بوجهي,,,وحمدلله مالتقيت فيه,,اتصلت بخالي ثاني يوم وقلتله خلاص سلمت على خالاتي اعتقد الحين مالك حق تخليني اقعد,,وقال :ومثل كلامه دايما معودني عليه,, من عيوني يا شوق متى تحبين تسافرين,,قالته الحين لو انت فاضي,,,قال:شكلج كارهتنا,,,قلت:لا والله يا خال انتم نظر عيني واغلى من شافت عيني بس مااريد اطول وانت واعتني...قال:خلاص يا شوق العصر نروح ...ونفذ خالي وعده وردني لديرتي وكلي الم وحزن على حال خليفه..
وكل ماتذكرت شكله اقعد ابكي...ماادري ليش ,,,
شوق.......شوق ...............شوق اشفيج يا العنود,,صارلي ساعه اناديج وانتي مب معي,,ابتسمت لها,,,خير شفيج
انتي شتفكرين فيه,,,شفتيه صح....تدرين يا العنود لو شفتيه بتنصدمين,,ليش طالع احلى عن اول,,,لا يا العنود,,مسكين
والله انكسر قلبي عليه,,خير شفيه يا شوق تكلمي,,,وشرحت لها حالته,,وردت علي العنود :ماعليج منه,,,ولا يكسر خاطرج ولا شىء,,,حرام عليج يا العنود لا تقولين هل الكلام,,,طيب يا شوق وين كلامج اول وين قوتج,,ماادري يا العنود من يوم شفته تغيرت نظرتي له,,,وصدقيني يا العنود طول الفتره الي مضت من زواجه اتضحتلي اشياء كثير انا مافكرت فيها ,,,وماتاكدت منها الا يوم شفته بلحاله الي هو فيها,,تصدقين فاطمه قالتلي انه مب مرتاح بحياته ومرته كله عند اهلها,,تقول ثلاث سنوات من زواجه وهو كله حزين ومضايق,,ولا يتكلم مثل اول,,,ومرته بعد مب مرتاحه بحياتها ,,تقول فاطمه كله عند امها ولا يوم يدخل خليفه شقته تطلع مرته وتقعد مع خواته,,مايتواطنون يا العنود,,شوق يمكن فاطمه تبي تحنن قلبج عليه,,لا يا العنود هي حلفتلي ان هاذي حياة أخوها وانه مب مرتاح,,,,يا شوق افهم من كلامج انج تحبينه,,,لا يا العنود لاتروح افكارج بعيد احبه مثل اخوي محمد,,وهو ولد خالي وهي بعد بنت خالتي ومااتمنى لهم غير السعاده ,,,,ومستحيل اخرب حياتهم ,,وتركتني العنود وقالتلي كلمه وحده انتي الي كاسره خاطري مب هو,,,,
والله شلته من راسي من يوم تزوج وحلفت وقطعت على عمري اني انساه وانسى حبه ,,واعتبره اخو بحياتي,,,,,,,,,
وفي يوم العيد خواتي كلهم راحوا بيت عمتي يسلمون عليها ويباركون لهااا,,,وامي كانت تعبانه,,وختها فرصه وقعدت معها,,وكل عيد يمر اقعد ابكي وتذكر الاعياد الي مرت كيف كان يهنيني ويباركلي,,واتخذت هل الشىء عاده,,اني كل عيد اقعد في البيت وماطلع واسترجع ذكرياتي معه...
وكانت الوالده نايمه ,,,وكنت جالسه في الصاله بذكرياتي معه,,ألا فجأه يدق التيلفون وصحاني من ذكرياتي,,,ورحت ارد عليه,,,ألو,,,الطرف الثاني السلام عليكم ...وعليكم السلام ,,من يتكلم,,,,معقوله يا شوق ماعرفتيني ,,,كنت عارفه الصوت زين,,ومستحيل انساه العمر كله,,وسويت نفسي مااعرف قالت لا مااعرف من يتكلم,,انا خليفه يا شوق,,,
خليفه,,,هلا خليفه عاش من سمع صوتك,,,رد علي شوق شخبارج كل عام وانتي بالف خير....وانت بخير يا خليفه,,
شوق مشتاقلج,,قاطعته وقلته خليفه انت متصل تبارك لعمتك,,وعمتك نايمه اتصل بعد ساعتين وبتحصصلها ,,بس يا شوق سمعيني,,,وانا قطعت على عمري وعد اني مااسمع له ولا اعطيه فرصه يكلمني باي موضوع,,,الاني اخاف الكلام ياخذنا ويذكرني بايام حبنا,,وانا مااريد اكون سبه بخراب حياته,,,ماعليه خليفه اعذرني مع السلامه,,وصكيت التيلفون.,,وقعدت ابكي بس قلت احسن ,,ويوم اقعد واذكر كلامي حسيت نفسي قاسيه عليه كثير وماانكر اني تندمت
الاني ماعطيته فرصه يقول شىء,,,وبعد ماقامت الوالده قلت لها ولد خالي اتصل,,وسألتني و ش قال,,قلتها كان يسأل عليج يبي يباركلج بلعيد...وراح يتصل بعد ساعتين,,وماكملت كلمتي الا التيلفون يدق,,وشفت الرقم وعطيته الوالده قالتلي ردي عليه قالت اهو يبيج أنتي,,,ردت عليه وبارك لها بل عيد...وسألها من عندج قالت ماعندي الا شوق,,,وطلب يكلمني واشرت الوالده لي انه يبي يكلمني,,,,,وشلت بعمري ودخلت غرفتي ,,,مااريد اعطيه فرصه,,واعتذرت الوالده له,,,ويوم وصلت العنود خبرتها بلي صار,,,قالت زين ماسويتي فيه,,,
وفي يوم من الايام اتصلت فيني بنت خالي قالت يا شوق ابي اشوفج باي طريقه,,تبين تشوفيني,,ايه يا شوق ودي اقولج شىء,,طيب قوليلي في التيلفون,,قالت ماينفع,,,طيب كيف تشوفيني وانا بديره وانتي بديره,,,قالت بعد كم يوم الاهل كلهم بيطلعون البر طلعي معهم واشوفج هناك,,قالتها ان شالله,,,ويوم طلعنا البر,,,تلاقينا...وقعدنا نمشي في اليل وكان الجو حلو,,والقمر بدر,,,واطالع بنت خالي واقولها شغلتي بالي اسبوع اعتقد يكفي يلله قوليلي شسالفه,,,قالت انا مدري يا شوق ولا اقول متأكده انج بتفرحين,,,فاطمه انتي تعرفين معد فيه شىء يسعدني انتي سمعي يا شوق وبعدين شوفي هل الشىء يفرح ولا مايفرح,,,تعرفين ان خليفه بطلق بنت خالتي,,,نعم شتقولين يا فاطمه ليش ,,حرام,,,
بعدج بطيبتج يا شوق,,وقعدت ابكي وحسيت كاني انا السبب,,,يا شوق انتي تعرفين انهم من الاول ماتوفقوا مع بعض,,والله يا شوق انهم بعذا ب ,,مايناسبون بعض,,,وهذا الي الله مقدره,,,,لا يا فاطمه اهو نظلم وأنا انظلمت وهي بعد انظلمت,,,هذا النصيب يا شوق....وقعدت ابكي حزن عليه,,لو حد بمكاني كان فرح ,,لكن ماادري شلي صابني,,شوق حلفتج بلله ماتخبرين احد تعرفين محد يدري الا انا,,شدراج انتي,,,خليفه قالي انه رايح السعوديه يطلقها.. اليوم سافر,,,وخذت اغارضها كلها شقة خليفه فاضيه مافيها الا اغراضه,,,مسكين مايستاهل ولا حتى هي ماتستاهل ,,,ظفتني فاطمه على صدرها وماتحملت قعدت ابكي ,,,وبعد اسبوع من رجعتنا,,,الا العنود تدخل غرفتي حتى من غير مادق الباب,,,شوق قومي انتي نايمه وعندي سالفه بتسعدج,,خير يا العنود شلي صاير بعد,,,خالتي اتصلت وتقول خليفه طلق بنت خالتي,,,طيب وخير يعني يا العنود.,
اقولج خليفه طلقها,,,ورفعت راسي وطالعت العنود مايهمني,,,شوق انتي صاحيه؟؟؟ ايه يا العنوود صاحيه,,,المفروض تفرحين,,تدرين يا العنود عندي هل الخبر من اسبوع,,والله ياالعنود اني مافرحت بلعكس قعدت ابكي,,,شوق انتي بعدج تحبينه,,,,العنود تركيني ,,,ابي انام,,,وكانت العنود من صدمه مني كثير,,,وبعد ماقمت من النوم,,,الا بنت خالي فاطمه متصله وطلبتني,,,هلا فطومي شخبارج ,,,بخير يا شوق والله شاتقتلج...وانا اكثر يا فطوم ,,شوق سمعي ودي اقولج شىء ,,خير ان شالله,,,امس كانت جلسه عائليه ناقشنا حال خليفه,,تدرين ان حاله مايرضي لا عدوا ولا صديق,,وانا امس طلبت من خالاتي يخطبونج لخليفه,,,وخذنى رأي خليفه بهل الموضع...وقال مايبيلها سؤال,,,,وانا صراحه قلت لازم اخبرج,,يا فاطمه انتي شتقولين,,,انتي أن جنيتي,, شوق انتي شفيج,,,انا مب راضيه ومستحيل اوافق على خليفه ,,,شوق حرام الي تسويه بنفسج وبخليفه,.,فاطمه انتي مالج حق بلي سويتيه,,خليفه شلته من راسي من يوم تزوج,,,بس يا شوق انتي تعرفين انه يحبج,,,وانا مااحبه الا مثل حبي لخوي محمد,,شوق انتي تحبيه بس ماودج تبينين انج سهله,,,يا فاطمه يوم تزوج ماقدرت اشوف احد من اهلي حتى بنات خالي اتغاضى اشوفهم,,واتحاشى نظراتهم ,,كانت نظراتهم كلها شفقه علي ,,,واليوم بعد ماطلقها تبينهم يقولون ماصدقت شوق,,,لا مستحيل اوافق ,,,مع السلامه يا فاطمه...وصكيت الخط,,ودخلت غرفتي,,,وطول عمري اتمنى انه يكون من نصيبي ,,يوم جات الفرصه أبعدتها,,,وبعد طول تفكير ,,,اقتنعت بلي سويته,,كيف بكون موقفي بين خالاتي وبنات خالي واهلي,,بقولون ما صدقت شوق أن خليفة يطلق وتأخذه,,,اعترف ان عزت نفسي خذتني في هل الموقف,,,وكرامتي فوق كل شىء ,,
وكانت فاطمه دايما تقولي ماعليج من كلام الناس ,,انتم تناسبون بعض,,,قالتها بكلمه وحده خليه يسمع كلام اهله,,ويوم يكون عنده راي وشخصيه خليه يخطب شووق,,,واول مره بحياتي حسيت بنتصار,,,انتصار بعد سنين من صراع دام سنين بنفسي,,,مع ان الكل توقع اني اوافق بسهوله ,,لكني خيبت ظنهم كلهم,,,والله خليفه طيب ومايهون علي بس كرامتي فوق كل شىء وبعد فتره من طلاقه...اهله كل يوم يقنعونه يتزوج وهو رافض هل الشىء...وفي يوم كنت راده من الجامعه,,حصلت امي تبكي,,وركضت صوبها ,,يمه خير شفيج شلي صاير,,ومستحت دموعها
قالت مافيني شىء,,يمه تكفينين قوليلي شلي صاير احد من اخواني فيه شىء,,لا يا شوق تطمني روحي غرفتج ارتاحي,,وقعدت اترجاها لين قالتلي,,شوق ابيج قويه مثل ماعوتيني دايما..وانتي طول عمرج قويه,,يمه بلى هل المقدمات والله معد فيني اتحمل,,شوق,, خليفه امس سوى حادث هو بلمستشفى الحين...يمه شفيه اهو بخير ,,والله ماادري يا شوق توه واصلني الخبر وانتظر اخوج يوديني له,,يمه بروح معج قومي يلله,,ان شالله يا شوق والله يستر,,,وطول الطريق ادعي ربي انه يكون بخير,,ومر علي الطريق طويل ,,واول مره احس بطوله مع انه قريب تقريبا عشر دقايق,,وصلنى المستشفى وكنت اسابق خطواتي ودي اشوفه بسرعه,عرفنا مكان الغرفه ويوم وصلنا شفت كل اهلي خالاتي وبنات خالي وخوالي كلهم,,عرفت ان حالته خطيره,استقبلنى خالي وقال هو بخير الحين,,وكنت ابي ادخل وقال ماله داعي تدخيل ...قلت ابي اشوف خليفه وقعدت ابكي ,,وسمحلي ادخل,,ودخلت ويالتني ماشفته,,ثاني مره بحياتي اتمنى اني مااشوفه,,كل شىء فيه ميت
اللهم الا عيونه الي تتحركك..دخلت واول ماشافني ابتسم ابتسامه خفيفه,,وشاف دموعي على خدي واشر لي بيده اني اقعد ,,قعدت وقلتله خليفه حمدلله على سلامتك,,وأشر للكل يطلع وطلعوا خالاتي كلهم وقعدت معه,,وكان وده يقول كلام كثير,,ومسك ايدي وكل شىء فيني يرتجف اول مره احس بضعف قدام خليفه,,وكانت عيونه كلها دموع,,ومسكت ايده وقلته حمدلله على سلامتك...ورد علي بصوت خافت وكأنه طلع هل الكلمتين بمشقه كبيره,,الله يسلمج يا شوق,,خليفه:ارجوك سامحني على كل شىء والله مب بيدي ,,غصبن عني,,وكنت ابي اكمل كلامي وحط ايده على شفايفي كانه يقول صكتي,,ومسح دموعي بأيده الاول مره بحياتي احد يمسح دموعي,,شوق والله احبج ,,وانا بعد يا خليفه احبك,,بس انت قم بسلامه وانا موافقه عليك,,ابتسم ابتسامه غامضه وحسيت وراها ألف معنى ومعنى,,وكان الصمت هو سيد الموقف,,خليفه طايح قدامي وماني قادره اقول ولا كلمة,,ليش الكلمات تخوني بهل اللحظات,,شوق اذا طلعت من هل المكان اول يوم بطلع فيه بخطبج,,توافقين يا شوق,,موافقه يا خليفه بس انت قم بسلامه وانا بنتظارك,,شوق والله تعبت,,تعبت كثير,خليفه عشان خاطري انسى كل شىء وخلنا في اليوم,,انسى الماضي وخلنا نعيش يومنا..خليفه سامحني سامحني على كل شىء,,مسموحه يا شوق,,انتي سامحيني الاني تزوجت وسمعت كلام اهلي,,انت معذور يا خليفه,,وادري انه غصبن عليك,,شوق ادري الحمل كان كبير عليج وصدمتج فيني كبيره,,ومسك ايدي وباسها,,ومسكت ايده وضميتها بصدري,,وكانت حاسه ان خليفه بروح مني,,وفي هل اللحظه دخلت الوالده علينا وقالت:شوق تأخر الوقت لازم نرد البيت,,وعيني بعيون خليفه,,وطالع خليفه أمي وقال يا عمه تكفين خليها تقعد معي,,والله محتاج لها,,الوالدة قالت مب زين تقعد وخوالها وعيال خوالها موجودين,,وطلب من امي تنادي خالي,,ودخل الخال ,,وكلمه خليفة قال له خل الكل يرد البيت انا بخير,,وأبي شوق تقعد معي,,طبعا خالي ماقدر يقول او يرفض,,قال انت تامر يا ولدي ,,وجلست طول اليل سهرانه مع خليفة,,وكان فرحان كثير,,وطول الوقت كنا نسترجع ذكرياتنا مع بعض ,,شوق ممكن أطلب منج طلب..انت تامر يا خليفة,,شوق مااوصيج على دراستج,,انتي طول عمرج تتمنين تدخلين الجامعه,,والحين انتي في الجامعه,,وصدقيني يا شوق هاذا حلمي اني اشوفج في الجامعه,,تكفين يا شوق كمليها بوجودي ولا من غيري,,ماابيج توقفين عن الجامعة مهما كانت الظروف صعبة..عشان خاطري يا شوق أرجوك وعديني,,,أوعدك يا خليفة اني احقق هل الحلم,,وان شالله بحضورك ,,,ومسك أيدي ونام ,,,واليوم الثاني كانوا كل الاهل موجودين بعد ماتطمنوا عليه طلبو انهم يقعدون معه,,وخليفه رفض قال شوق ماتقصر معي,,وقعدت مع خليفة,,لليوم الثاني,,وحسيت نفسي مسؤولة عنه,,ودخل الدكتور وكشف عليه..وسألت الدكتور عنه وماطمني عليه,,قال الامل كبير بربنا,,حسيت اني راح اخسر خليفه,,ودخلت عليه ودموعي على خدي ومثل عادته مسك أيدي ,,شوق ليش هل الدموع,,انا بخير يا شوق وان شالله بطلع معج,,الله يسمع منك يا خليفه,,شوق أوعديني ان هل العيون ما تذرف دموعها الغاليه علي,,خليفه انت شتقول ,,,شوق تذكري كلمة وحده اني احبج ,,يا بعد عمري يا خليفه,,وكنا في عالم ثاني ,كأنا في عالم مافيه أحد غيرنا,,شوق بكره أذا طلعنا بتروحين معي البيت,,وبنخلي الزواج يتم بسرعه,,مافيني انتظر اكثر ,,ان شالله يا خليفه,,بس لا تتعب نفسك,,تصدقين يا شوق انتي راحتي بهل الدنيا ,,لا تتخلين عني يا شوق,,خليفه مستحيل أتخلى عنك مهما صار,,وكنت كل كلمه اقولها دموعي تفضحني,,وكان يرفع أيده ويمسح دموعي,,وقعدنا على هل الحال لين غفلنا,,وخليفه نام وانا بعد نمت,,وكانت أيدنا متشابكه مع بعض,,وطلع النور وأحنا نايمين وفجأه حسيت بأيد خليفه تضغط علي بشكل فضيع,,وكان يرص على أيدي,,وقمت من النوم وانا خايفه عليه,,خليفه حبيبي شفيك..شوق وأقسملك بلله اني احبج,,معقوله توه قايم ويقول يا شوق احبج...خليفه تحس بشىء,,فيه شىء متعبك,,سامحيني يا شوق والله احبج,,,خليفه شفيك,,واخر كلمه سمعتها منه أشهد ان لا اله الا الله,,وطاحت أيده وكانت بارده ,,خليفه خليفه رد علي,,وركضت في المستشفى مثل المجنونه وناديت كل الدكاتره,,وكان المستشفى كله اسود بعيوني,,ومحد من اهلي معي,,شافني الدكتور وانا اصرخ ودموعي على خدي,,وركضت صوب الدكتور ,,دكتور خليفه ,,طالعني الدكتور بنظره ,,وكانت الممرضه معي خليفه مات,,انت شتقول,,الحين قال احبج,,انت كذاااب ,,وركضت غرفة خليفه وكلي امل القاه فاتح عينه,,خليفه رد علي ,,خليفه انت تحبني ماراح تخليني وانت واعتني يا خليفه نطلع من بعض,, نطلع مع بعض لا خليفه,,وماحسيت بنفسي و لا حتى شل الكلام الي قلته,,بعد يومين قمت وحصلت اختي العنود وامي قدام عيني,,وشكلهم متغير,,يمه خليفه وينه,,وينه,,اذكري الله يا شوق,,العنود انا كنت قاعده مع خليفه وينه,,ليش راح وتركني,,وكنت اصرخ ومب مستوعبة ولا مصدقه ان خليفه مات,,الا العنود تركض تنادي الممرضه,,عطتني ابره وحسيت بضيق تنفس,,ومااعرف شلي صار بعد هل اليوم,,احس أنه فيه ناس داخلين طالعين برع الغرفه..لكن مااعرفهم,,حتى أمي صارت غريبه علي كل شىء تغير حولي,,وطول الفتره الي مضت خذت تأهيل نفسي لمدة ثلاث شهور,,و أمنت ان هذا نصيبي من الدنيا,,كرهت المستشفى وكرهت دنياي كلها,,باول يوم لي في البيت كانت الوالده فرحانه برجعتي,,دخلت غرفتي وكانوا اخواني حوالي وماكنت ابي انطق ولا كلمه,,وطلعتهم الوالده عشان ارتاح..واتذكر كلام خليفه يوم يقول بنطلع مع بعض من المستشفى,,وبنتزوج,,بس وينك يا خليفه انا طلعت اليوم من المستشفى وانت كنت في ثلاجة المستشفى,,والله أشتقتلك يا خليفه ليش تتركني ,,,مقسى دنيانا علينا ,,وبعد موت خليفه اعتزلت الناس وكرهت اتكلم مع أي انسان,,صرت أحب اقعد بغرفتي ولا اطلع منها,,وعافت نفسي كل شىء,,اهلي تعودي على اسلوبي الجديد بينهم وما أنكر انهم تعودوا على فرقاي ,,,وفي يوم من الايام بعد ماقمت من نومي ,,تذكرت اني تحلمت بخليفه,,والله شفته بنومي يلومني ليش مارحت الجامعه,,وبكيت من شوقي واحتياجي له,,لبست ملابسي بسرعه,,ونزلت قلت لازم أرد الجامعه واحقق حلم خليفه,,شافتني الوالده وكانت مندهشه قامت من مكانها مب مستوعبه الموقف وكيف أني نزلت,,شوق انتي طالعه,,ايه يمه بروح أسجل في الجامعة..وكانت مب مصدقه,,انتي من صدقج يا شوق,,يمه بعد خليفه نفسي عافت الدنيا كلها,,وبأيامه ألا خيره وصاني أكمل الجامعه وأحقق حلمه,,ولا انا يمه ماودي اطلع من غرفتي بس عشانه يمه,,يمه امس تحلمت فيه كان يلومني ليش اني ماكملت الجامعه,,وضمتني امي لصدرها وقعدت تبكي ,,وطلعت من البيت الاول مره بعد خمس شهور من العذاب والحزن والدموع,كل شىء متغير,,وحسيت الدنيا كلها تغيرت بعيوني,,وسجلت بلجامعه ورديت البيت ,,واستقبلتني الغاليه امي,,بشري شوق شسويتي,,سجلت يمه وبعد اسبوع بداوم,,الله يوفقك يا شوق,,ورحت غرفتني ومرت الايام مثل كل الايام الحزينه الي عشتها ,,صرت أروح الجامعه,,لكني تغيرت كثير,,يوم اسمع ضحكت أي بنت اقعد اطالع فيها وأستغرب ليش يضحكون مافيه شىء يستاهل هل الضحك,,وماكنت اتعمق بعلاقاتي ولا أحب اكلم أي حد من صديقاتي,,أحب اقعد بروحي ,,وكرهت أكون علاقات مع البنات,,الظاهر موت خليفه علمني معنى الوحده,,حبيت البحر ,,وصرت كل يوم اقعد على البحيره,,ومع انها بحيره صناعيه بس كانت تعنيني الكثير,,وخليفه كان يعشق البحر بجنون,,قلت لازم أحب كل الي خليفه يحبه,, وكانت الافكار تدور براسي,,تذكرت ان فاطمه بنت خالي ماتصلت فيني من بعد موت خليفه,,غريبه مع انها كل اسبوع تكلمني,,أول ماوصلت البيت سألت امي عن فاطمه,,وقالت انها ماتصلت,,قلت خليني اتصل فيها,,ورحت للعنود اسألها عن بنات خالي ليش ماكلموني بعد ماطلعت من المستشفى ...العنود ليش بنات خالي ماكلموني بعد ماطلعت من المستشفى,,وكانت أسالها كل يوم عنهم..ودوم العنود تكذب علي وتقول يتصلون وانتي تكونين نايمه,,وكنت حاسه بشىء غريب واتضحلي بعدين,,خليفه خلاص مات,,وظلمته كثير بحياته,,,وعاقبت نفسي كثير وضاع من عمري سنه,,,تمنيت الزمن يرد ورى,,عشان اوافق عليه,,,طول اليل اشوف صورته بس من بعد ماطلعت المستشفى اختفت الصوره من غرفتي,,والله مدري من الي خذاها,,سالت العنود وقالت ماادري سالت الوالده وقالت ماادري...ياليت الزمن يرد شوي ....وبعدين قلت ليش مااتصل في بنت خالي فاطمه,,وأتصلت فيها.. وردت علي باسلوب بعمري كله محد كلمني فيه,,,خير يا شوق شتبين نعم؟فاطمه انا شوق ,,وخير يعني شوق ,,,فاطمه ليش تكلميني بهل الطريقه,,انتي ادرى وصكت التيلفون بوجهي...
انصدمت وماقدرت اتحرك من الكرسي معقوله هاي فاطمه,,رحت لغرفة العنود,,العنود احلفج برج تقولين الصدق,,,خير يا شوق شفيج,,حلفي تقولين الصدق,,والله لقول انتي ليش طالعه من غرفتج,,انتي حلفي ,,والله يا شوق لقول الصدق,,العنود انتي اختي وماتعوت تخشين علي شىء,,,قبل شوي اتصلت بفاطمه بنت خالي,,وكلمتني باسلوب فظيع وصكت التيلفون بوجهي,,ليش تعاملي بهل الطريقه انا شسويت لها,,شوق والله ماودي اقول شىء بس انتي حلفتيني...يقولون انتي سبب موت خليفه..العنود انتي شتقولين مالي ذنب بموت خليفه.خليفه مات بحادث يا العنود. أي صح يا شوق بس قبلها كان في البيت ,,وكل خالاتي موجودات ,,ويبون يخطبون له,,,وقال لهم غيرج مايبي,,مايبي يضيع باقي عمره مع احد غيرج,,وقالت له فاطمه انج رفضتيه,,وماصدق وقعد يحلف فاطمه قدام خالاتي وحلفت له انج رفضتيه,,وطلع من البيت,,معصب,,وبعد ماراح اتصلت فيه فاطمه وتهديه,,وصك التيلفون بوجها,,وبعد خمس ساعات من طلوعه ,,وصلهم الخبر,,,ومن ذيك اليوم وفاطمه تقول انت السبب بلي صار لخليفه؟ انا السبب والله حرام عليها,,يكفيني همي وعذابي ..الله ياسمحها ليش ماقالت جدتي هي السبب ليش ماقالت خالاتي السبب,,انا مالي ذنب يا العنود والله احب خليفه ..العنود ابوس ايدج قوليهم مالي ذنب ,,ليش يحملوني شىء مالي ذنب فيه,,شوق ماعليج منها ولا من غيرها,,مع الايام وبعد ماتمر هل الظروف بتعرف انه مالج ذنب...
ومر على موت خليفه سنتين,,ويشهد علي ربي انها اصعب ايام عمري,,واني مب مصدقه انه اختفى من حياتي,,
واخته فاطمه لين هل اللحظه ماتكلمني مع انها كانت اعز واغلى انساه على قلبي,,فقدت خليفه وفقدتها هي بعد...
ليتني اموت وافتك من دنياه,,احس حياتي مالها أي قيمه,,ليش ادرس ليش اعيش اصلا,,,الله يصبرني على فرقاه ويسكنه جناته ويجعلني التقي فيه في جنات الخلد آمين يااارب...
وهاي قصتي كلها,,والي اتمناه من ربي انه يصبرني ويجعل بنت خالي فاطمه ترضى علي ,,,والله مالي ذنب بلي صار ومايهون علي زعلها..ادري انها زعلانه عشان اخوها,,بس انا مالي دخل بلي صار ,,اصعب إحساس يعيشه الانسان هي لحظات الندم,,وطول عمري بعيش هل اللحظات ,,,والله يصبرني على فرقاه...أحلف لكم بلي خلق سبع سموات برب هل الكون اني نادمه الاني ضيعت فرصه كانت بتجمعني مع خليفه,,,والسبب عزة نفسي وكبريائي,,لكن الحين تخليت عن مبادىء كثير بحياتي..بس ماينفع الندم .وهاذي قصة شوق
نصيحة من اختكم شوق:كثير منا يعاني مثل الي أعانيه والي أرجوه منكم انكم تقوون ايمانك برب العالمين,,ومها طالت أيام حزنا لابد يجىء يوم حلو,نعيش لحظاته السعيده,,وصدقوني لو كل واحد منا فقد انسان عزيز,وفقد الامل بهل الدنيا,واعتزل دنياه,لو الانسان ألي حبه كان موجود بهل الدنيا ماراح يرضى بلي نسويه بنفسنا,لازم نقهر الحزن ونكمل حياتنا,,والحياة ماتوقف بموت انسان معين,راح تستمرالحياة,, والله يصبر كل من فقد غالي عليه..
__________________
ودي أنزع كل حزن من جفون أغلى عيون
ودي أعطي كل ماأقدر للعيون اللي تمون
----------------------------------------------
منقوله من موقع نبضااااااات
[moved]ام لساااااانين[moveup]heart2
هاذي القصة الي بين أيدكم الكريمة هي قصة حبي الي في يوم من الايام انتهت بس ذكراها وألمها
باقي العمر كله..........
من يوم فتحت عيني كنت اشوفه قدامي ,مرت الايام والسنين وكبرت وقلت هذا هو نصيبي ,كان اكبر مني بخمس سنوات,وماكان يهمني الفارق بسن.وكنت اتمنى الايام تمر والسنين عشان ادخل الجامعه ومااحس انه بينا أي فرق,واني اقل مستوى منه.
دخل هو الجامعه وانا كنت في الثانويه وكنت ادعي ربي ليل ونهار اني ادخل الجامعه واكون بنفس مستواه. الاني ماابي احس بنقص وانه اعلى مني مستوى.
وفي يوم من الايام كنت قاعده بغرفتي دخلت اختي ,وسالتني اذا كنت مشغوله ولا...لا...قلتلها لا فاضيه تبين تقولين شىء .قالت ايه نعم فيه شىء صاير وابي اخبرج...استغربت من كلامها ولهجتها وكانت متردده كثير...
واختي كانت تعرف اني احب ولد خالي من يوم كنت صغيره ومب بس هي كل اهلي كانوا يعرفون هل الشىء.قالتلي وبكل هدوء...اليوم ملكته على بنت خالتي....قالتلها من؟توقعت أي حد من اهلي ...لكن هو كاان بعيد عن بالي..
قالتي ولد خالي اليوم ملكته عليها....صرخت بوجها انتي مجنونه ولا تمزحين..وصرخت بوجها انتي كذااابه قولي تمزحين صح...قالت والله اقسملك انه اليوم ملكته....كيف ومتى صار هذا كله...وانا ويني من حياته...
صابتي صدمه والله ثم والله اني حسيت نفسي بحلم وقلت انها تمزح وقعدت اضحك واختي مندهشه مني تقولي انتي يا شوق صاحية,قالتها انتي تمزحين وكأني واثقه من حبه لي...
وبعد اربع ساعات استوعبت السالفه كلها ,طلعت في الصاله الا اسمع امي تكلم في التيلفون وتبارك لخالي.
غريبه هل الدنيا كل شىء صار بلمح البصر...رحت وقعدت عن رجول امي وسالتها
يمه تكفين تكفين يمه قولي الصدق...اهو تزوج ؟ قالت:شوق حبيبتي انتي سمعي السالفه بعدين احكمي عليه؟
يمه ارجوج قولي السالفه كلها والله معد فيني قلب....قالت: شوق انتي تعرفين جدتج ماتت من سنه؟طيب وشدخل هل الموضوع بزواجه..
قالت :يا عمري يا شوق يوم امي على فرااش الموت وصت خالج باخر ايامها انها تزوج ولد خالج من بنت خالتج الي ابوها توفى وهي يتيمه وماعندها احد؟
وخالج خطبها له عشان امي وصته ..ولازم ينفذون وصيت امي..؟!
وانا يا يمه شذنبي بهذا كله ..انتي تعرفين اني احبه وامووت فيه ..يمه تكفين قولي انج تمزحين وانها مزحه منكم تكفين يمه.؟
قالت:شوق الزواج قسمه ونصيب وكل الي يصير تراه بامر الله...مستحيل انتم تمزحون معي لا مااصدق اهو يحبني ...
وركضت غرفتي وانا منصدمه مب قادره اصدق الي صاار ....ودخلت علي اختي وكنت ماسكه عمري كثير ,ماابيها تشوف دموعي...قالت :شوق شتحسين فيه! رديت عليها :مااحس بشىء ,,عادي ؟قالت وبصوت عالي,,, كذاابه ...
طالعتها بنظره .. وتمنيتها تفهمني وتقدر هل الموقف وتتركني بحالي...قالت:ابكي ترى الدموع تخفف عنا كثير ,وانتي تعرفين الملكه كانت غصب عنه..قاطعتها وقلتلها معد يهمني ومن هل اللحظه هو بحسبت اخوي محمد ,قالت:شو حب سنين يتحول الاخوه انتي تكذبين علي ولا على نفسج؟واحلفلج انه من بعد هل اليوم هو اخوي وبس..لو سمحتي يا العنود خلني بروحي...وطلعت وهي مستغربه مني وماصدقت طلعت وقعدت اصيح لين طلع الفجر..وحتى هذاك اليوم ماقدرت اروح المدرسه..وكنت كله اغيب,حسيت حياتي مالها أي معنى من بعده..
كنت اتغاظى اشوفه او اكلمه,واتهرب منه في أي مناسبه تجمعنا........
ويوم زواجه كان اصعب يوم بحياتي,وكنت ادعي ربي ليل ونهار يصبرني ويجعلني قويه قدام اهلي وبنات خالي وخالاتي,وتمنيت اني مااحضره
سالتني اختي :انتي من صدقج بتحضرين عرسه؟جاوبتها:لو ماحضرت الكل بيعرف وبقولون بعدها تحبه,كيف اقابل خالاتي وبنات خالي وعماتي وكلهم يعرفون اني احبه.لازم احضر عشان مايحسون اني بعدني احبه..
شوق انتي ماراح تتحملين الموقف ,صدقيني بكون صعب عليج....لا تخافين اختج قويه وتتحمل كل شىء..حياتي ماانتهت من بعده....انتي دووم تبينين انج قويه لين متى يا شووق ,لا تخافين انا قدها ...
وتجهزت وفصلت اجمل فستان, ويوم العرس والكل راح صار الابوي ظرف وماقدر يرووح واحمدت الله وشكرته الانا كلنا قعدنا,امي وابوي وخواني....رحت أركض لغرفتي وصليت ركعتين شكر الله,الاني اعرف نفسي دموعي بت فضحني.وكل الي كنت بسويه تمثيل عشان مالفت نظرهم..
وطبعا طول اليل ماشفت النوووم,ويوم صباحيته اتصلت عليه الوالده تبارك له,وانا كنت قاعده بغرفتي وتدخلي علي اختي,شوق امي اتصلت وباركتله على العرس واعتذرتله الأنا ماحضرنا العرس.طيب وانا شسوي له ....
قالت:شوق مب لازم تتصلين له وتباركين له على الاقل بتيلفون,قالتها آسفه ماني متصله ومالي شغل فيه.
انتي من فتره قالتي انه اخوج ,واخوج يتمنى تتصلين عليه وتقولين له مبروك على العرس,سمعي لو انتي مب اختي يا العنود كان قلت كلام يزعلج,من فضلج طلعي برع وخليني بروحي ...
قعت افكر بايامي معه وكل الكلام الي صار بينا من سنين ,حب 8 سنوات مب سهل الواحد ينساه ولا يتخلى عنه.معقوله ماكان يحبني,انا ماانكر انه عمره ماقال شوق انا احبج,الانه طبعه يستحي وطبعي اخس عنه.
يمكن انا يتهيأ لي انه كان يحبني,,,,لا مستحيل كل شىء فيه يقول احبج....مستحيل اهو يحبني ...والله يحبني
وخواته يعرفون بحبي له وحتى هم قالولي مره انه يحبج...اذكر اول رحله كنت بطلع معه,,,طلب من اخته تقولي وكنت طايره من الفرحه,,,بس الاسف امي رفضت وقالت عيب تروحين معه بروحج ...وحدد الساعه الي بياخذني فيها..ويشهد علي الله انها كانت اسعد ايام عمري واقنعت امي ان اخته بتروح معي,,,وكانت رافضه وكنت مستحيه منه كثير,,الان امي رفضت وقالت أخته انا بتصرف وماراح اقوله ان امي ( عمته) رفضت ,,,وتضايقت كثير الاني مارحت.وبنفس اليوم اخته قالتلي اهو يحبج ومستحي يقولها... من شكله واااضح انه يحبج,,,,غمرتني السعاده والراحه.
وانا كنت قاعده افكر بذكرياتي معه,,,الا امي تدق الباب,,,ودخلت قالت:انتي قايمه يا شوق,,, خير يمه... ..قالت:شتفكرين فيه يا شوق,,,يمه ليش خالي سوى كذا والله حرام ,,ليش تحطمون حياتي وتخلونها تاخذه,,ماعندها احسااس ...قالت:شوق لا تنسين انها بنت خالتج,وبنت خالتي ليش تسوي فيني كذا ,,يمه هي تعرف اني احبه واموت عليه,,ليش تاخذه,,انا شسويت فيها,,,يمه قوليلي تكفين اقنعيني بأي شىء,,,,قالت:يا شوق هدي نفسج صدقيني غصبن عنها ولد خالج الف بنت تتمناه,,وتعرفين انها لازم توافق عشان وصيت جدتج,,,,وانا يمه شسوي ,,ذكري الله وارضي بهل الشىء.,,,وهذا نصيبكم ..معج حق يمه,,والله يسامح من كان السبب...
مرت علي الايام الصعبه,,,وقدرت اصدق انه خلاص طلع من حياتي وتقبلت الوضع الي انا فيه.........
مر على زواجه 3 سنوات ماشفته الا مره وحده,,,وتمنيت تعمى عيوني ولا اشوفه,,مب هو خليفه الي حبيته ,,,
طلب مني خالي أسافر معه,,رفضت وقلت انت تعرف الي بقلبي ,,قالت الايام هاذيك ولت,,تعالي معي على الأقل أسبوع,,,أسبوع مستحيل يا خال والله صعب علي قال طيب خمس ايام وبعد اخذ وعطى.. اتفقنا اني اقعد يومين وبس.
وسافرت معه,,وكنت ادعي ربي اني مااشوفه,,اول ماوصلنى البيت كان قاعد مع امه في صالة...ومرته كانت مسافره تزور أمها في السعودية,,,مسكني خالي ودخلني وسلمت عليه وعلى طول دخلت داخل وقعدت ابكي قلت مستحيل هذا خليفه,,استقبلتني بنت خالي وقالتلي:شوق ليش هل الدموع....قالتها:بذمتج هذا خليفه الي سملت عليه ,,نزلت راسها قالت مسكين والله تعذب كثير بحياته,,شفيه يا فاطمه ,,تكفين قوليلي,,,بقولج بس ماله داعي تبكين والله دموعج غاليه علينا كلنا...من شهر سوى حادث وكانت الاصابه برجوله وصار يعرج منها والدكاتره أكدوا لنا انه يبيله سنه بلكثير ويرد طبيعي...مسكين يا شوق ماتوفق بحياته,,خلى دراسته الجامعيه بعد الزواج,,,,وانا يا فاطمه تدرين حلمي طول عمري اني ادخل الجامعه عشان اكون بنفس مستواه,,وشوفي اليوم.. انا في الجامعه وهو في الجامعه ,,,لكن كنت اتمنى اكون بلجامعه معه هو.....بس الأسف الظروف كانت أقوى منا,,,وطول اليل صورته مافارقتني لحظه وحده,,شكله كان انسان يائس من حياته,,,,مسكين مايستاهل كل الي صارله,,,الا صوت بنت خالي فاطمه يقطع حبل افكاري شوق متى بتنامين ,,قالتلها ودي اطلع برع اشم هوى,,تطلعين معي برع,,لا يا الغاليه ودي انام ورانا قومه من الصبح,,شلت نفسي وطلعت برع في الحديقه,,,اريد استوعب هل الشكل الي استقبلني فيه خليفه...
وفي هل اللحظه الي كنت افكر فيها اسمع صوت الباب الخارجي ولمحت خليفه داخل,,,واشل عمري وادخل داخل ماكنت ابي اشوفه ولا اتكلم معه,,الانه انسان متزوج و بذمته انسانه وماودي اخرب حياتهم,,,دخلت الغرفه الا فاطمه تقولي اشو فج ماطو لتي قالتها شميت هوى واكتفيت ,,,ودي انام الحين ممكن تخليني انام,,,وكنت اسوي نفسي نايمه وطول الوقت افكر باشياء كثير...اذن الفجر وصليت ونمت...وبعد ماقمت كنت اسال بنات خالي من الي موجود في الصاله اخاف انزل واحصله بوجهي,,,وحمدلله مالتقيت فيه,,اتصلت بخالي ثاني يوم وقلتله خلاص سلمت على خالاتي اعتقد الحين مالك حق تخليني اقعد,,وقال :ومثل كلامه دايما معودني عليه,, من عيوني يا شوق متى تحبين تسافرين,,قالته الحين لو انت فاضي,,,قال:شكلج كارهتنا,,,قلت:لا والله يا خال انتم نظر عيني واغلى من شافت عيني بس مااريد اطول وانت واعتني...قال:خلاص يا شوق العصر نروح ...ونفذ خالي وعده وردني لديرتي وكلي الم وحزن على حال خليفه..
وكل ماتذكرت شكله اقعد ابكي...ماادري ليش ,,,
شوق.......شوق ...............شوق اشفيج يا العنود,,صارلي ساعه اناديج وانتي مب معي,,ابتسمت لها,,,خير شفيج
انتي شتفكرين فيه,,,شفتيه صح....تدرين يا العنود لو شفتيه بتنصدمين,,ليش طالع احلى عن اول,,,لا يا العنود,,مسكين
والله انكسر قلبي عليه,,خير شفيه يا شوق تكلمي,,,وشرحت لها حالته,,وردت علي العنود :ماعليج منه,,,ولا يكسر خاطرج ولا شىء,,,حرام عليج يا العنود لا تقولين هل الكلام,,,طيب يا شوق وين كلامج اول وين قوتج,,ماادري يا العنود من يوم شفته تغيرت نظرتي له,,,وصدقيني يا العنود طول الفتره الي مضت من زواجه اتضحتلي اشياء كثير انا مافكرت فيها ,,,وماتاكدت منها الا يوم شفته بلحاله الي هو فيها,,تصدقين فاطمه قالتلي انه مب مرتاح بحياته ومرته كله عند اهلها,,تقول ثلاث سنوات من زواجه وهو كله حزين ومضايق,,ولا يتكلم مثل اول,,,ومرته بعد مب مرتاحه بحياتها ,,تقول فاطمه كله عند امها ولا يوم يدخل خليفه شقته تطلع مرته وتقعد مع خواته,,مايتواطنون يا العنود,,شوق يمكن فاطمه تبي تحنن قلبج عليه,,لا يا العنود هي حلفتلي ان هاذي حياة أخوها وانه مب مرتاح,,,,يا شوق افهم من كلامج انج تحبينه,,,لا يا العنود لاتروح افكارج بعيد احبه مثل اخوي محمد,,وهو ولد خالي وهي بعد بنت خالتي ومااتمنى لهم غير السعاده ,,,,ومستحيل اخرب حياتهم ,,وتركتني العنود وقالتلي كلمه وحده انتي الي كاسره خاطري مب هو,,,,
والله شلته من راسي من يوم تزوج وحلفت وقطعت على عمري اني انساه وانسى حبه ,,واعتبره اخو بحياتي,,,,,,,,,
وفي يوم العيد خواتي كلهم راحوا بيت عمتي يسلمون عليها ويباركون لهااا,,,وامي كانت تعبانه,,وختها فرصه وقعدت معها,,وكل عيد يمر اقعد ابكي وتذكر الاعياد الي مرت كيف كان يهنيني ويباركلي,,واتخذت هل الشىء عاده,,اني كل عيد اقعد في البيت وماطلع واسترجع ذكرياتي معه...
وكانت الوالده نايمه ,,,وكنت جالسه في الصاله بذكرياتي معه,,ألا فجأه يدق التيلفون وصحاني من ذكرياتي,,,ورحت ارد عليه,,,ألو,,,الطرف الثاني السلام عليكم ...وعليكم السلام ,,من يتكلم,,,,معقوله يا شوق ماعرفتيني ,,,كنت عارفه الصوت زين,,ومستحيل انساه العمر كله,,وسويت نفسي مااعرف قالت لا مااعرف من يتكلم,,انا خليفه يا شوق,,,
خليفه,,,هلا خليفه عاش من سمع صوتك,,,رد علي شوق شخبارج كل عام وانتي بالف خير....وانت بخير يا خليفه,,
شوق مشتاقلج,,قاطعته وقلته خليفه انت متصل تبارك لعمتك,,وعمتك نايمه اتصل بعد ساعتين وبتحصصلها ,,بس يا شوق سمعيني,,,وانا قطعت على عمري وعد اني مااسمع له ولا اعطيه فرصه يكلمني باي موضوع,,,الاني اخاف الكلام ياخذنا ويذكرني بايام حبنا,,وانا مااريد اكون سبه بخراب حياته,,,ماعليه خليفه اعذرني مع السلامه,,وصكيت التيلفون.,,وقعدت ابكي بس قلت احسن ,,ويوم اقعد واذكر كلامي حسيت نفسي قاسيه عليه كثير وماانكر اني تندمت
الاني ماعطيته فرصه يقول شىء,,,وبعد ماقامت الوالده قلت لها ولد خالي اتصل,,وسألتني و ش قال,,قلتها كان يسأل عليج يبي يباركلج بلعيد...وراح يتصل بعد ساعتين,,وماكملت كلمتي الا التيلفون يدق,,وشفت الرقم وعطيته الوالده قالتلي ردي عليه قالت اهو يبيج أنتي,,,ردت عليه وبارك لها بل عيد...وسألها من عندج قالت ماعندي الا شوق,,,وطلب يكلمني واشرت الوالده لي انه يبي يكلمني,,,,,وشلت بعمري ودخلت غرفتي ,,,مااريد اعطيه فرصه,,واعتذرت الوالده له,,,ويوم وصلت العنود خبرتها بلي صار,,,قالت زين ماسويتي فيه,,,
وفي يوم من الايام اتصلت فيني بنت خالي قالت يا شوق ابي اشوفج باي طريقه,,تبين تشوفيني,,ايه يا شوق ودي اقولج شىء,,طيب قوليلي في التيلفون,,قالت ماينفع,,,طيب كيف تشوفيني وانا بديره وانتي بديره,,,قالت بعد كم يوم الاهل كلهم بيطلعون البر طلعي معهم واشوفج هناك,,قالتها ان شالله,,,ويوم طلعنا البر,,,تلاقينا...وقعدنا نمشي في اليل وكان الجو حلو,,والقمر بدر,,,واطالع بنت خالي واقولها شغلتي بالي اسبوع اعتقد يكفي يلله قوليلي شسالفه,,,قالت انا مدري يا شوق ولا اقول متأكده انج بتفرحين,,,فاطمه انتي تعرفين معد فيه شىء يسعدني انتي سمعي يا شوق وبعدين شوفي هل الشىء يفرح ولا مايفرح,,,تعرفين ان خليفه بطلق بنت خالتي,,,نعم شتقولين يا فاطمه ليش ,,حرام,,,
بعدج بطيبتج يا شوق,,وقعدت ابكي وحسيت كاني انا السبب,,,يا شوق انتي تعرفين انهم من الاول ماتوفقوا مع بعض,,والله يا شوق انهم بعذا ب ,,مايناسبون بعض,,,وهذا الي الله مقدره,,,,لا يا فاطمه اهو نظلم وأنا انظلمت وهي بعد انظلمت,,,هذا النصيب يا شوق....وقعدت ابكي حزن عليه,,لو حد بمكاني كان فرح ,,لكن ماادري شلي صابني,,شوق حلفتج بلله ماتخبرين احد تعرفين محد يدري الا انا,,شدراج انتي,,,خليفه قالي انه رايح السعوديه يطلقها.. اليوم سافر,,,وخذت اغارضها كلها شقة خليفه فاضيه مافيها الا اغراضه,,,مسكين مايستاهل ولا حتى هي ماتستاهل ,,,ظفتني فاطمه على صدرها وماتحملت قعدت ابكي ,,,وبعد اسبوع من رجعتنا,,,الا العنود تدخل غرفتي حتى من غير مادق الباب,,,شوق قومي انتي نايمه وعندي سالفه بتسعدج,,خير يا العنود شلي صاير بعد,,,خالتي اتصلت وتقول خليفه طلق بنت خالتي,,,طيب وخير يعني يا العنود.,
اقولج خليفه طلقها,,,ورفعت راسي وطالعت العنود مايهمني,,,شوق انتي صاحيه؟؟؟ ايه يا العنوود صاحيه,,,المفروض تفرحين,,تدرين يا العنود عندي هل الخبر من اسبوع,,والله ياالعنود اني مافرحت بلعكس قعدت ابكي,,,شوق انتي بعدج تحبينه,,,,العنود تركيني ,,,ابي انام,,,وكانت العنود من صدمه مني كثير,,,وبعد ماقمت من النوم,,,الا بنت خالي فاطمه متصله وطلبتني,,,هلا فطومي شخبارج ,,,بخير يا شوق والله شاتقتلج...وانا اكثر يا فطوم ,,شوق سمعي ودي اقولج شىء ,,خير ان شالله,,,امس كانت جلسه عائليه ناقشنا حال خليفه,,تدرين ان حاله مايرضي لا عدوا ولا صديق,,وانا امس طلبت من خالاتي يخطبونج لخليفه,,,وخذنى رأي خليفه بهل الموضع...وقال مايبيلها سؤال,,,,وانا صراحه قلت لازم اخبرج,,يا فاطمه انتي شتقولين,,,انتي أن جنيتي,, شوق انتي شفيج,,,انا مب راضيه ومستحيل اوافق على خليفه ,,,شوق حرام الي تسويه بنفسج وبخليفه,.,فاطمه انتي مالج حق بلي سويتيه,,خليفه شلته من راسي من يوم تزوج,,,بس يا شوق انتي تعرفين انه يحبج,,,وانا مااحبه الا مثل حبي لخوي محمد,,شوق انتي تحبيه بس ماودج تبينين انج سهله,,,يا فاطمه يوم تزوج ماقدرت اشوف احد من اهلي حتى بنات خالي اتغاضى اشوفهم,,واتحاشى نظراتهم ,,كانت نظراتهم كلها شفقه علي ,,,واليوم بعد ماطلقها تبينهم يقولون ماصدقت شوق,,,لا مستحيل اوافق ,,,مع السلامه يا فاطمه...وصكيت الخط,,ودخلت غرفتي,,,وطول عمري اتمنى انه يكون من نصيبي ,,يوم جات الفرصه أبعدتها,,,وبعد طول تفكير ,,,اقتنعت بلي سويته,,كيف بكون موقفي بين خالاتي وبنات خالي واهلي,,بقولون ما صدقت شوق أن خليفة يطلق وتأخذه,,,اعترف ان عزت نفسي خذتني في هل الموقف,,,وكرامتي فوق كل شىء ,,
وكانت فاطمه دايما تقولي ماعليج من كلام الناس ,,انتم تناسبون بعض,,,قالتها بكلمه وحده خليه يسمع كلام اهله,,ويوم يكون عنده راي وشخصيه خليه يخطب شووق,,,واول مره بحياتي حسيت بنتصار,,,انتصار بعد سنين من صراع دام سنين بنفسي,,,مع ان الكل توقع اني اوافق بسهوله ,,لكني خيبت ظنهم كلهم,,,والله خليفه طيب ومايهون علي بس كرامتي فوق كل شىء وبعد فتره من طلاقه...اهله كل يوم يقنعونه يتزوج وهو رافض هل الشىء...وفي يوم كنت راده من الجامعه,,حصلت امي تبكي,,وركضت صوبها ,,يمه خير شفيج شلي صاير,,ومستحت دموعها
قالت مافيني شىء,,يمه تكفينين قوليلي شلي صاير احد من اخواني فيه شىء,,لا يا شوق تطمني روحي غرفتج ارتاحي,,وقعدت اترجاها لين قالتلي,,شوق ابيج قويه مثل ماعوتيني دايما..وانتي طول عمرج قويه,,يمه بلى هل المقدمات والله معد فيني اتحمل,,شوق,, خليفه امس سوى حادث هو بلمستشفى الحين...يمه شفيه اهو بخير ,,والله ماادري يا شوق توه واصلني الخبر وانتظر اخوج يوديني له,,يمه بروح معج قومي يلله,,ان شالله يا شوق والله يستر,,,وطول الطريق ادعي ربي انه يكون بخير,,ومر علي الطريق طويل ,,واول مره احس بطوله مع انه قريب تقريبا عشر دقايق,,وصلنى المستشفى وكنت اسابق خطواتي ودي اشوفه بسرعه,عرفنا مكان الغرفه ويوم وصلنا شفت كل اهلي خالاتي وبنات خالي وخوالي كلهم,,عرفت ان حالته خطيره,استقبلنى خالي وقال هو بخير الحين,,وكنت ابي ادخل وقال ماله داعي تدخيل ...قلت ابي اشوف خليفه وقعدت ابكي ,,وسمحلي ادخل,,ودخلت ويالتني ماشفته,,ثاني مره بحياتي اتمنى اني مااشوفه,,كل شىء فيه ميت
اللهم الا عيونه الي تتحركك..دخلت واول ماشافني ابتسم ابتسامه خفيفه,,وشاف دموعي على خدي واشر لي بيده اني اقعد ,,قعدت وقلتله خليفه حمدلله على سلامتك,,وأشر للكل يطلع وطلعوا خالاتي كلهم وقعدت معه,,وكان وده يقول كلام كثير,,ومسك ايدي وكل شىء فيني يرتجف اول مره احس بضعف قدام خليفه,,وكانت عيونه كلها دموع,,ومسكت ايده وقلته حمدلله على سلامتك...ورد علي بصوت خافت وكأنه طلع هل الكلمتين بمشقه كبيره,,الله يسلمج يا شوق,,خليفه:ارجوك سامحني على كل شىء والله مب بيدي ,,غصبن عني,,وكنت ابي اكمل كلامي وحط ايده على شفايفي كانه يقول صكتي,,ومسح دموعي بأيده الاول مره بحياتي احد يمسح دموعي,,شوق والله احبج ,,وانا بعد يا خليفه احبك,,بس انت قم بسلامه وانا موافقه عليك,,ابتسم ابتسامه غامضه وحسيت وراها ألف معنى ومعنى,,وكان الصمت هو سيد الموقف,,خليفه طايح قدامي وماني قادره اقول ولا كلمة,,ليش الكلمات تخوني بهل اللحظات,,شوق اذا طلعت من هل المكان اول يوم بطلع فيه بخطبج,,توافقين يا شوق,,موافقه يا خليفه بس انت قم بسلامه وانا بنتظارك,,شوق والله تعبت,,تعبت كثير,خليفه عشان خاطري انسى كل شىء وخلنا في اليوم,,انسى الماضي وخلنا نعيش يومنا..خليفه سامحني سامحني على كل شىء,,مسموحه يا شوق,,انتي سامحيني الاني تزوجت وسمعت كلام اهلي,,انت معذور يا خليفه,,وادري انه غصبن عليك,,شوق ادري الحمل كان كبير عليج وصدمتج فيني كبيره,,ومسك ايدي وباسها,,ومسكت ايده وضميتها بصدري,,وكانت حاسه ان خليفه بروح مني,,وفي هل اللحظه دخلت الوالده علينا وقالت:شوق تأخر الوقت لازم نرد البيت,,وعيني بعيون خليفه,,وطالع خليفه أمي وقال يا عمه تكفين خليها تقعد معي,,والله محتاج لها,,الوالدة قالت مب زين تقعد وخوالها وعيال خوالها موجودين,,وطلب من امي تنادي خالي,,ودخل الخال ,,وكلمه خليفة قال له خل الكل يرد البيت انا بخير,,وأبي شوق تقعد معي,,طبعا خالي ماقدر يقول او يرفض,,قال انت تامر يا ولدي ,,وجلست طول اليل سهرانه مع خليفة,,وكان فرحان كثير,,وطول الوقت كنا نسترجع ذكرياتنا مع بعض ,,شوق ممكن أطلب منج طلب..انت تامر يا خليفة,,شوق مااوصيج على دراستج,,انتي طول عمرج تتمنين تدخلين الجامعه,,والحين انتي في الجامعه,,وصدقيني يا شوق هاذا حلمي اني اشوفج في الجامعه,,تكفين يا شوق كمليها بوجودي ولا من غيري,,ماابيج توقفين عن الجامعة مهما كانت الظروف صعبة..عشان خاطري يا شوق أرجوك وعديني,,,أوعدك يا خليفة اني احقق هل الحلم,,وان شالله بحضورك ,,,ومسك أيدي ونام ,,,واليوم الثاني كانوا كل الاهل موجودين بعد ماتطمنوا عليه طلبو انهم يقعدون معه,,وخليفه رفض قال شوق ماتقصر معي,,وقعدت مع خليفة,,لليوم الثاني,,وحسيت نفسي مسؤولة عنه,,ودخل الدكتور وكشف عليه..وسألت الدكتور عنه وماطمني عليه,,قال الامل كبير بربنا,,حسيت اني راح اخسر خليفه,,ودخلت عليه ودموعي على خدي ومثل عادته مسك أيدي ,,شوق ليش هل الدموع,,انا بخير يا شوق وان شالله بطلع معج,,الله يسمع منك يا خليفه,,شوق أوعديني ان هل العيون ما تذرف دموعها الغاليه علي,,خليفه انت شتقول ,,,شوق تذكري كلمة وحده اني احبج ,,يا بعد عمري يا خليفه,,وكنا في عالم ثاني ,كأنا في عالم مافيه أحد غيرنا,,شوق بكره أذا طلعنا بتروحين معي البيت,,وبنخلي الزواج يتم بسرعه,,مافيني انتظر اكثر ,,ان شالله يا خليفه,,بس لا تتعب نفسك,,تصدقين يا شوق انتي راحتي بهل الدنيا ,,لا تتخلين عني يا شوق,,خليفه مستحيل أتخلى عنك مهما صار,,وكنت كل كلمه اقولها دموعي تفضحني,,وكان يرفع أيده ويمسح دموعي,,وقعدنا على هل الحال لين غفلنا,,وخليفه نام وانا بعد نمت,,وكانت أيدنا متشابكه مع بعض,,وطلع النور وأحنا نايمين وفجأه حسيت بأيد خليفه تضغط علي بشكل فضيع,,وكان يرص على أيدي,,وقمت من النوم وانا خايفه عليه,,خليفه حبيبي شفيك..شوق وأقسملك بلله اني احبج,,معقوله توه قايم ويقول يا شوق احبج...خليفه تحس بشىء,,فيه شىء متعبك,,سامحيني يا شوق والله احبج,,,خليفه شفيك,,واخر كلمه سمعتها منه أشهد ان لا اله الا الله,,وطاحت أيده وكانت بارده ,,خليفه خليفه رد علي,,وركضت في المستشفى مثل المجنونه وناديت كل الدكاتره,,وكان المستشفى كله اسود بعيوني,,ومحد من اهلي معي,,شافني الدكتور وانا اصرخ ودموعي على خدي,,وركضت صوب الدكتور ,,دكتور خليفه ,,طالعني الدكتور بنظره ,,وكانت الممرضه معي خليفه مات,,انت شتقول,,الحين قال احبج,,انت كذاااب ,,وركضت غرفة خليفه وكلي امل القاه فاتح عينه,,خليفه رد علي ,,خليفه انت تحبني ماراح تخليني وانت واعتني يا خليفه نطلع من بعض,, نطلع مع بعض لا خليفه,,وماحسيت بنفسي و لا حتى شل الكلام الي قلته,,بعد يومين قمت وحصلت اختي العنود وامي قدام عيني,,وشكلهم متغير,,يمه خليفه وينه,,وينه,,اذكري الله يا شوق,,العنود انا كنت قاعده مع خليفه وينه,,ليش راح وتركني,,وكنت اصرخ ومب مستوعبة ولا مصدقه ان خليفه مات,,الا العنود تركض تنادي الممرضه,,عطتني ابره وحسيت بضيق تنفس,,ومااعرف شلي صار بعد هل اليوم,,احس أنه فيه ناس داخلين طالعين برع الغرفه..لكن مااعرفهم,,حتى أمي صارت غريبه علي كل شىء تغير حولي,,وطول الفتره الي مضت خذت تأهيل نفسي لمدة ثلاث شهور,,و أمنت ان هذا نصيبي من الدنيا,,كرهت المستشفى وكرهت دنياي كلها,,باول يوم لي في البيت كانت الوالده فرحانه برجعتي,,دخلت غرفتي وكانوا اخواني حوالي وماكنت ابي انطق ولا كلمه,,وطلعتهم الوالده عشان ارتاح..واتذكر كلام خليفه يوم يقول بنطلع مع بعض من المستشفى,,وبنتزوج,,بس وينك يا خليفه انا طلعت اليوم من المستشفى وانت كنت في ثلاجة المستشفى,,والله أشتقتلك يا خليفه ليش تتركني ,,,مقسى دنيانا علينا ,,وبعد موت خليفه اعتزلت الناس وكرهت اتكلم مع أي انسان,,صرت أحب اقعد بغرفتي ولا اطلع منها,,وعافت نفسي كل شىء,,اهلي تعودي على اسلوبي الجديد بينهم وما أنكر انهم تعودوا على فرقاي ,,,وفي يوم من الايام بعد ماقمت من نومي ,,تذكرت اني تحلمت بخليفه,,والله شفته بنومي يلومني ليش مارحت الجامعه,,وبكيت من شوقي واحتياجي له,,لبست ملابسي بسرعه,,ونزلت قلت لازم أرد الجامعه واحقق حلم خليفه,,شافتني الوالده وكانت مندهشه قامت من مكانها مب مستوعبه الموقف وكيف أني نزلت,,شوق انتي طالعه,,ايه يمه بروح أسجل في الجامعة..وكانت مب مصدقه,,انتي من صدقج يا شوق,,يمه بعد خليفه نفسي عافت الدنيا كلها,,وبأيامه ألا خيره وصاني أكمل الجامعه وأحقق حلمه,,ولا انا يمه ماودي اطلع من غرفتي بس عشانه يمه,,يمه امس تحلمت فيه كان يلومني ليش اني ماكملت الجامعه,,وضمتني امي لصدرها وقعدت تبكي ,,وطلعت من البيت الاول مره بعد خمس شهور من العذاب والحزن والدموع,كل شىء متغير,,وحسيت الدنيا كلها تغيرت بعيوني,,وسجلت بلجامعه ورديت البيت ,,واستقبلتني الغاليه امي,,بشري شوق شسويتي,,سجلت يمه وبعد اسبوع بداوم,,الله يوفقك يا شوق,,ورحت غرفتني ومرت الايام مثل كل الايام الحزينه الي عشتها ,,صرت أروح الجامعه,,لكني تغيرت كثير,,يوم اسمع ضحكت أي بنت اقعد اطالع فيها وأستغرب ليش يضحكون مافيه شىء يستاهل هل الضحك,,وماكنت اتعمق بعلاقاتي ولا أحب اكلم أي حد من صديقاتي,,أحب اقعد بروحي ,,وكرهت أكون علاقات مع البنات,,الظاهر موت خليفه علمني معنى الوحده,,حبيت البحر ,,وصرت كل يوم اقعد على البحيره,,ومع انها بحيره صناعيه بس كانت تعنيني الكثير,,وخليفه كان يعشق البحر بجنون,,قلت لازم أحب كل الي خليفه يحبه,, وكانت الافكار تدور براسي,,تذكرت ان فاطمه بنت خالي ماتصلت فيني من بعد موت خليفه,,غريبه مع انها كل اسبوع تكلمني,,أول ماوصلت البيت سألت امي عن فاطمه,,وقالت انها ماتصلت,,قلت خليني اتصل فيها,,ورحت للعنود اسألها عن بنات خالي ليش ماكلموني بعد ماطلعت من المستشفى ...العنود ليش بنات خالي ماكلموني بعد ماطلعت من المستشفى,,وكانت أسالها كل يوم عنهم..ودوم العنود تكذب علي وتقول يتصلون وانتي تكونين نايمه,,وكنت حاسه بشىء غريب واتضحلي بعدين,,خليفه خلاص مات,,وظلمته كثير بحياته,,,وعاقبت نفسي كثير وضاع من عمري سنه,,,تمنيت الزمن يرد ورى,,عشان اوافق عليه,,,طول اليل اشوف صورته بس من بعد ماطلعت المستشفى اختفت الصوره من غرفتي,,والله مدري من الي خذاها,,سالت العنود وقالت ماادري سالت الوالده وقالت ماادري...ياليت الزمن يرد شوي ....وبعدين قلت ليش مااتصل في بنت خالي فاطمه,,وأتصلت فيها.. وردت علي باسلوب بعمري كله محد كلمني فيه,,,خير يا شوق شتبين نعم؟فاطمه انا شوق ,,وخير يعني شوق ,,,فاطمه ليش تكلميني بهل الطريقه,,انتي ادرى وصكت التيلفون بوجهي...
انصدمت وماقدرت اتحرك من الكرسي معقوله هاي فاطمه,,رحت لغرفة العنود,,العنود احلفج برج تقولين الصدق,,,خير يا شوق شفيج,,حلفي تقولين الصدق,,والله لقول انتي ليش طالعه من غرفتج,,انتي حلفي ,,والله يا شوق لقول الصدق,,العنود انتي اختي وماتعوت تخشين علي شىء,,,قبل شوي اتصلت بفاطمه بنت خالي,,وكلمتني باسلوب فظيع وصكت التيلفون بوجهي,,ليش تعاملي بهل الطريقه انا شسويت لها,,شوق والله ماودي اقول شىء بس انتي حلفتيني...يقولون انتي سبب موت خليفه..العنود انتي شتقولين مالي ذنب بموت خليفه.خليفه مات بحادث يا العنود. أي صح يا شوق بس قبلها كان في البيت ,,وكل خالاتي موجودات ,,ويبون يخطبون له,,,وقال لهم غيرج مايبي,,مايبي يضيع باقي عمره مع احد غيرج,,وقالت له فاطمه انج رفضتيه,,وماصدق وقعد يحلف فاطمه قدام خالاتي وحلفت له انج رفضتيه,,وطلع من البيت,,معصب,,وبعد ماراح اتصلت فيه فاطمه وتهديه,,وصك التيلفون بوجها,,وبعد خمس ساعات من طلوعه ,,وصلهم الخبر,,,ومن ذيك اليوم وفاطمه تقول انت السبب بلي صار لخليفه؟ انا السبب والله حرام عليها,,يكفيني همي وعذابي ..الله ياسمحها ليش ماقالت جدتي هي السبب ليش ماقالت خالاتي السبب,,انا مالي ذنب يا العنود والله احب خليفه ..العنود ابوس ايدج قوليهم مالي ذنب ,,ليش يحملوني شىء مالي ذنب فيه,,شوق ماعليج منها ولا من غيرها,,مع الايام وبعد ماتمر هل الظروف بتعرف انه مالج ذنب...
ومر على موت خليفه سنتين,,ويشهد علي ربي انها اصعب ايام عمري,,واني مب مصدقه انه اختفى من حياتي,,
واخته فاطمه لين هل اللحظه ماتكلمني مع انها كانت اعز واغلى انساه على قلبي,,فقدت خليفه وفقدتها هي بعد...
ليتني اموت وافتك من دنياه,,احس حياتي مالها أي قيمه,,ليش ادرس ليش اعيش اصلا,,,الله يصبرني على فرقاه ويسكنه جناته ويجعلني التقي فيه في جنات الخلد آمين يااارب...
وهاي قصتي كلها,,والي اتمناه من ربي انه يصبرني ويجعل بنت خالي فاطمه ترضى علي ,,,والله مالي ذنب بلي صار ومايهون علي زعلها..ادري انها زعلانه عشان اخوها,,بس انا مالي دخل بلي صار ,,اصعب إحساس يعيشه الانسان هي لحظات الندم,,وطول عمري بعيش هل اللحظات ,,,والله يصبرني على فرقاه...أحلف لكم بلي خلق سبع سموات برب هل الكون اني نادمه الاني ضيعت فرصه كانت بتجمعني مع خليفه,,,والسبب عزة نفسي وكبريائي,,لكن الحين تخليت عن مبادىء كثير بحياتي..بس ماينفع الندم .وهاذي قصة شوق
نصيحة من اختكم شوق:كثير منا يعاني مثل الي أعانيه والي أرجوه منكم انكم تقوون ايمانك برب العالمين,,ومها طالت أيام حزنا لابد يجىء يوم حلو,نعيش لحظاته السعيده,,وصدقوني لو كل واحد منا فقد انسان عزيز,وفقد الامل بهل الدنيا,واعتزل دنياه,لو الانسان ألي حبه كان موجود بهل الدنيا ماراح يرضى بلي نسويه بنفسنا,لازم نقهر الحزن ونكمل حياتنا,,والحياة ماتوقف بموت انسان معين,راح تستمرالحياة,, والله يصبر كل من فقد غالي عليه..
__________________
ودي أنزع كل حزن من جفون أغلى عيون
ودي أعطي كل ماأقدر للعيون اللي تمون
----------------------------------------------
منقوله من موقع نبضااااااات
[moved]ام لساااااانين[moveup]heart2