كرهني بنفسك [الأرشيف] - منتديات الرائدية

احسـ العالم ـاس

14-11-2003, 03:26 AM

كانك على قولك تمنى لي الخير ..

ساعدني أنسى حبك اللي خذاني

خلا حياتي كلها تنقلب غير ..

و أنسى الحبايب و الزمن و المكاني

حبي لك أبلغ من جميع الأساطير ..

ماله بقاموس الهوى وصف ثاني

لا شك أنا أشعر بالنهاية وش تصير ..

و أحسب حساب فراقنا بالثواني

بيني و بينك واقع الحال تحذير ..

و عند الموادع ما تفيد الأماني

عندك خبر مثلي بحكم المقادير ..

على هوانا صادر الحكم فاني

كرهني بنفسك لو بذنبٍ صغير ..

ألقى به أعذاري و أعود لزماني

المشكل انه ما بدى منك تقصير ..

و هذا يزوّد واقعك في كياني

سعود بن بندر

Power Speak

15-11-2003, 05:57 AM

مشكووووووووووووووووور احساس العالم

قصيده قصيده 100 %

يسلمووو والله

احسـ العالم ـاس

15-11-2003, 03:36 PM

مراحبااا اخوي الرمز

شاكر لك مرورك

تحياتي