بـ كل غضب .. فلتـــة الجيـــل .. !!

[ماجد المري]

السلام عليكم ورحمة الله وبركاته

::

إذا وصلت الحال إلى مرحلة " مادون الحلق إلا اليدين " فمن الطبيعي ان تولد هذه القصيده ..

::


يا داهية عصرك ويا فلتة الجيل=أبصدمك وأعلمك قلّ قدرك
:
الشعر والشاعر لهم كل تجليل=أما انت عقلك ما وصل نص عمرك
:
البارحة ما عاد بي للصبر حيل=ضيقت بي وأنا مانا أهتم لأمرك
:
قد قلتلك لا تعترض حادر السيل=ما طعتني واليوم ما فاد عذرك
:
عارضتني في عشقي لـ "نجمة سهيل"=وأنت بـ "رصيف الشمس" زيّنت شعرك
:
ما يستوون أهل العقل والمهابيل=ذي واضحه لكن على غير فكرك
:
الشعر منطوق الرجال المشاكيل=ماهوب لأمثالك وفعلك وشبرك
:
الشعر بوح وحس ما يلحقه ميل=أما أنت دون إحساس تمشي وتبرك
:
الشعر ياصل للشيوخ الحلاحيل=أما أنت شعرك ما وصل غير "فجرك"
:
الشعر للشجعان لا ركبوا الخيل=أما أنت لاهي كيف تختار عطرك
:
لا ودّي آكمل ولا ودّي آطيل=لأن الإطاله معك بتزيد فخرك
:
ولو جيت أوصّف حالتك وأصدق القيل="فار تسب الذيب من تحت جحرك"
:
أزعلتني لينه طفح عندي الكيل=ولا أنت يا المسكين قد بان فقرك
:
يا حسرة العالم على فلتة الجيل=طلعت ما تسوى وطيّحت قدرك

::

سامحوني على قساوتها لكن مثل ما قلت " ما دون الحلق إلا اليدين "

::

ماجد المري

[عشق الشمال]

أهلين ماااجد ,,

وش هالغيبة يابعدي عسى مااااشر ؟؟!!

صح الله لسانك ولاهنت ,,

لاااااتبعد وإذا أبعدت لااااتبطي :101:

[عبد الله بن شنار]

ما يستـوون أهـل العقـل والمهابيـل
ذي واضحه لكن علـى غيـر فكـرك



ياسلام


صح الله لسانك

يالقرم

وبيض الله وجهك على هالقصيده

[سامي الشمري]

ماجد ..!


صح لسانك على الأبيات الرائعة و الجميلة ..!


لا ودّي آكـمـل ولا ودّي آطـيــل
.............. لأن الإطالـه معـك بتزيـد فـخـرك


:101:

[حنين]

http://www.alraidiah.com/vb/uploaded/mals.gif



لا ودّي آكـمـل ولا ودّي آطـيــل
لأن الإطالـه معـك بتزيـد فخـرك

صح لساانك ماجد





http://www.alraidiah.com/vb/uploaded/mals2.gif

[فهد ابن عقاب]

عارضتني في عشقي لـ"نجمة سهيـل"
وأنت بـ"رصيف الشمس" زيّنت شعرك
ما يستـوون أهـل العقـل والمهابيـل
ذي واضحه لكن علـى غيـر فكـرك
الشعـر منطـوق الرجـال المشاكيـل
ماهـوب لأمثالـك وفعلـك وشبـرك
الشعر بوح وحـس مـا يلحقـه ميـل
أما أنت دون إحساس تمشـي وتبـرك



لله درك ياشيييييييييييييييييييييييخ


صح لسانك

والى الامام

... دلني بس على بيته هالفلته ....وازززهله....


دمت بوووووووووود

[أبو زيدان]

ولو جيت أوصّف حالتك وأصدق القيل
"فار تسب الذيب من تحـت جحـرك"

صح لسانك

[التغلبيه]

يسلموووووووووو

على القصيده الرائعه

[sun shin]

عارضتني في عشقي لـ"نجمة سهيـل"
وأنت بـ"رصيف الشمس" زيّنت شعرك


غيض من فيض

الشاعر/ ماجد
صح لسانك...وجاد بيانك

قصيدة ثائره..وفاتنه ..ورائعه.

كن بخير

[أبو الوليد]

ماجد المري


شاعر منتدى الرائدية


صح لسانك ولا هنت يالغالي


بانتظار جديدك

[فهدالقحطاني]

ولو جيت أوصّف حالتك وأصدق القيل
"فار تسب الذيب من تحـت جحـرك"


ماجد المري

صح لسانك

[ماجد المري]

::

" بكل خجل أعتذر عن التأخير "

::

عشق الشمال

صح بدنكـ مليون ولا هنت على تواصلكـ يا الغالي ..

::

عبدالله

صح بدنكـ ويا مرحبا يا الغالي .. وجهكـ ابيض ودمت بخير ..

::

سامي الشمري

صح بدنكـ ولا هنت على التواجد الغالي ..

::

حنين

صح بدنكـ ..

::

فهد ابن عقاب

صح بدنكـ يا الغالي وبيّض الله وجهكـ ..

::

أبو عبدالعزيز

صح بدنكـ ..

::

التغلبية

يسلمووووو على المرور والرد ..

::

sun shin

صح بدنكـ ولا هنت على الإطراء الذي يزيد في الروح ..

::

خالد البلوشي

صح بدنكـ يا الغالي ولا هنت على الاسم الكبيييير علي .. وأنتظر الجديد ..

::

فهد القحطاني

صح بدنكـ ..

::

لا هان الجميع ومره أخرى أعتذر عن تأخري في بعض الردود ولكن كان هذا التأخير بسبب الظروف ..

::

مـــــاجد ..!!

[نجمة السهيل]

فيها قساوه وابداع واحساس سلمت يمناك وصح لسانك المري

دمت بخير
نجمة السهيل

[أبو رائد]

ماجد المري

سلمت وصح لسانك على هذه الرائعة


والله يعطيك العافية

[ظنا وايل]

صح لسانك


والله انك اقديت به


كن بخير

[ماجد المري]

فيها قساوه وابداع واحساس سلمت يمناك وصح لسانك المري

دمت بخير
نجمة السهيل

::

صح بدنكـ .. ولا هنتي على الرد والمرور ..

::

مـــاجد ..!!

[ماجد المري]

ماجد المري

سلمت وصح لسانك على هذه الرائعة


والله يعطيك العافية

::

صح بدنكـ يا الغالي .. شرفني مروركـ ..

لا تحرمني هذا التواجد ..

::

مـــاجد ..!!

[ماجد المري]

صح لسانك


والله انك اقديت به


كن بخير

::

صح بدنكـ ..

خلني ويّاااااااه :biggrin: ..

::

مــــاجد ..!!

[حسن الحارثي]

ماجد المري
نص غاضب يتوهج بالانذارات الحمراء
ومع ذلك يظهر تعبير الشاعر واحساسه بمراعاة من حوله غير المعني فيتجاوز بعض الشئ
كما فعلت هنا
سلمت ودمت شاعر مبدع بكل ما تعنيه الكلمة

[نـواف الشمــري]

ماجد المري






الاخ الفاضل






صح الله لسانك ولا هنت






حسبان الله ونعم الوكيل











تحياتي لك يا ماجد

[سطام الشمري]

ماجد الخطر



ماأجملك في مرحلة الزعل



صح لسانك والله لا يحرمنا

[نواف الفهاد]

:
:

إنفجار .. لـ بركان .. الروح .....!
ينتج .. من آثاره ..!!
سيل .. أدبي ... يحرق ... الجهات الأربعة ............!!
ويكتب .. بـ حرفنة .............!
مرّ .. من .. هنا ..!
ماجد ...!!

:
:

منذ .. زمن ..!
قلت .. لك .. ياصاحبي ...............!
أنك .. تكتب .. أدب ..!
مختلف .......!
جداً .!!
ولا زلت .. أراهن ... على ... هذا ...............!
وبــ قووووة ..!!

:
:

لك كــل ودي ...!
سلالالام .!!