طلب عاجل من أهل الخفجي

[قرطيل]

السلام عليكم

حبيت أزور الخفجي ، ولأول مرة للسياحة

لكن ممكن أعرف أفضل مكان للسكن العائلي ( شقق مفروشة ) مع رقم الهاتف والعنوان

أفضل المطاعم ومكانها

وهل هناك خريطة تفصيلية للخفجي

أشكركم على تعاونكم

[][][ SiCK_LOvE ][][]

انا اعطيك اخوي بأختصار :) ,,,

احسن فندق اللي هو فانترس وهو طبعا شقق مفروشه و جديد لانه اظن انه آخر واحد وطبعا ما انقص شي من قدر باقي الشقق المفروشه ولهم كل الحب والاحترام بس هذي وجهة نظر شخصيه لا اكثر ولا اقل ,,,

وعنوانه على شارع الستين مقابل التوكيلات العالميه للسيارات والرقم والله ودي اروح الحين اجيبه لك بس المشكله انا بالكويت الحين عموما هو ما يضيع اي احد ممكن يدليك اياه ,,,

ثانيا احسن مطعم تحصله تحت الفندق على طول وهو بيتزا هت واذا انت مو راعي بيتزا انزل من الفندق وامش شوي قدام تحصل مطعم بروستد العربي :> وبينك وبين الارنب الجائع شارع بس لانه على الشارع العام مقابل الشرطه :> وعلى حظك اذا وصلت بعد ما يفتح الكنفاني :>

واجازه سعيده يارب :) ,,,


اخوكم : مـــــحـــــمـــــد

[سمح المحيا]

فندق شاطئ الخفجي
7663080
7663084


فندق رزان
7672623


فندق القلعة
7660650
7662000


جوهرة الساحل
7663333
7665555


فندق فانترس
7668585
7668787


الطير المسافر
7661115


هلا للشقق المفروشة
7675777



المنزل للشقق الفندقية
7670516





الأندلس للشقق الفندقية
7670882


قرطيل هاذي بعض اراقام الشقق المفروشه


وانصحكـ بشقق فانترس على شارع الستين

امام التوكيلات العالميه للسيارات وعلى الشارع

اللي فيه الشقق انواع المطاعم

مثل بيتزا هت وبروستد العربي ومطعم قرطبه

ومطعم السرايا والامبراطور للعصائر

يعني من قريب ما تتوهق

ونتمنا لكـ زيارهـ سعيدهـ لكـ ولعائلتكـ

لكـ ودي

السعيدي

[قرطيل]

لا أملك إلا أن أقول جزاكم الله خيرا فهي أبلغ ما يمكن معه رد الجميل

بقي هل أجد خريطة تفصيلية للخفجي ؟

تقبلوا شكري وتقديري.

[عامر999]

قرطيل اخوي

عندك قوقل ولا في بعد قوقل خرائط


والاخوان ماقصروا بالنسبه للشقق

تجي بالسلامه ان شاء الله

ونتمنى لك طيب الاقامه في الخفجي

[قرطيل]

ما قصرت اخوي

وجزاك الله خيرا ،،،

[][][ SiCK_LOvE ][][]

خريطه للخفجي ؟؟ ,,, :>

نكته هذي ؟؟ :> الله يهديك الخفجي صغيره ما تحتاج خريطه كلها شارع واحد ويتفرع منه كل شي وبعدين اهل الخفجي طيبين فوق ماتتصور يعني لو تسأل اي احد بالشارع ممكن يوريك المكان اللي تبيه على طول ,,,

اقولك شلون ؟ انا مستعد اصير خريطتك بالخفجي واعطيك رقمي وبأي وقت تحس انك محتاج مساعده العين قبل الدار مفتوحه لك ,,,



اخوكم: مـــــحـــــمـــــد

[قرطيل]

][][ SiCK_LOvE ][][

صراحة أحرجتني

لكن عموما قوقل إيرث ما قصر

بس مشكلته ما بين لي أماكن السباحة ، وصيد السمك ، وين أحصل تأجير قوارب ، ودبابت بحرية ، ووين أفضل مكان هاديء على البحر للجلسات العائلية ، وين سوق السمك ، وهل فيه أحد يعلم عيالي السباحة ،

وقبل الختام : أقول مليت من زحمات الخبر والدمام ، وحبيت مكان هادي ، وشواطىء رملية نظيفة.


عموما بكرة عنكم بحول الله .

[كليجا]

D: هههههههه << ضحكة قهر

لا تشطح الله يهيدك ,,

اماكن السباحة كل البحر مفتوح لكم ,, اما تأجير قوراب ودبابات بحرية قوووووية شوي ! ماعندنا << احرجتنا ,, سووق السمك اظن بعد مافيه

واحد يعلم اعيالك السباحة ,, والله مااا اتوووقع فيه

وافضل مكان هادئ ماشاء الله كل البحر تمام ونظيف < احسن شي بالخفجي

تبي امكنة العوايل ممممم ,, وراء الملاهي بشوي ليمااا كافتيريا موجة الظاهر هذاك مناسب

ان شاء الله


والخفجي ترررررحب بكم :)

[الود طبعي]

ههههههههههههههههههه
أماكن السباحة ، وصيد السمك ، وين أحصل تأجير قوارب ، ودبابت بحرية ، ووين أفضل مكان هاديء على البحر للجلسات العائلية ، وين سوق السمك ، وهل فيه أحد يعلم عيالي السباحة ،
تراك في السعوديه منت في دبي ولاشرق اسيا انت في السعوديه!!!

وعيالك قطهم في البحر وهم بيتعلمون السباحه

اما الاماكن العائليه والسباحه العائليه
روح خارج الخفجي(( بين الخفجي والسفانيه ))على الطريق القديم السباحه العائليه هناك احلا ومافيه احد ابداً في جميع الاوقات
اما سوق السمك..الافضل تروح لسفانيه حراج سمك يبداء بعد صلاه العصر لا يفوتك الان موسم الربيان
والخفجي تراها روعه بهدؤه واهلها
ولاتنسى تتقضى من مركز الوفاء ههههههههههههههه

[samehabdullah]

أنا مهندس مصري وان شاء الله سآتي الخفجي للعمل لمدة سنتين بداية من أول سبتمبر ولكني أول مرة في حياتي أسافر واترك اسرتي وخصوصا في رمضان وسؤالي ياترى هل هناك سلاسل مطاعم موثوق بنظافتها واسمها تقدم وجبات متنوعة وجيدة للفطور والسحور ، وايضا ما أشهر المساجد لصلاة التراويح وهل يختمون القران أم يصلون بما تيسر وأي معلومات أخرى تريدون أضافتها لي أكون ممتن لكم جميعا وجزاكم الله خيرا

[الود طبعي]

مرحباً بك يا باش مهندس
الخفجي مدينه جميله وصغيره
واهلها طيبين وفيهم خير
ومتخفشي على الفطور والسحور كل البيوت مفتوحه ليك
االمساجد في الخفجي جميعها تقيم صلاه التراويح وتختم القرآن بأذن الله
اما بالنسبه للفطور في رمضان غالباً يكون في المساجد تفطير صائم
ام السحور توجد مطاعم عديد للمندي ومنها(المأدبه , وديرتي)....وغيره
وحياك الله في الخفجي

[samehabdullah]

بارك الله فيك ياأخي ولكني لا أفضل الجلوس على موائد افطار الصدقات لأني الحمدلله لست فقيرا
وعموما أذا كان لديك أو لدى أي عضو اخر مجموعة من صور مناطق وشوارع الخفجي أرجو نشرها على المنتدى واقترح ايضا على مطوري الموقع أن يضيفوا البوم صور لمعالم الخفجي تكون موجودة بصفة مستمرة للاطلاع.وجزاكم الله خيرا

[الود طبعي]

اخي الكريم يوجد لدينا في المنتدى قسم يختص بالصور
ولعل هذا الرابط يفي بالغرض
http://www.alraidiah.com/vb/showthread.php?t=32128

[مجرمـ الخفجي]

هذا رقم مطعم واحد من مطعم الخفجي مطعم غزالي 7666902

[مجرمـ الخفجي]

وش كثر مطاعم الخفجي

[التغلبيه]

قرطيل اخوى :
ترى حنااااااااااااااا بالخفجى 000 محنا فى باااااااااااريز
الله يهديك احد يجى سياحه للخفجى
ياخوى الطالع منها مولود 000 والداخل لها مفقود 000
ههههههههههههههههههههههههههههههههههه يحليلك ضحكتنا شوى
تصدق محتاجين نضحك ونروووووح عن نفسنا شوى 000
دمك خفيييييييييييييف وااااااااااااااااااااااااااااااااايد 000 :tongue:

[مجرمـ الخفجي]

احسن فندق شاطى الخفجي خوذ رقمه من الشباب

[ياعمري]

يناس شفيكم سوق سمك موجود واحسن فندق موجود سوق السمك عند شارع البلديه وذا تبي اي حاجه انا عند الشوفه ارسلي بالخاص ومن عيني هذي قبل هذي . . .

[سارا]

قرطيل اخوى :
ترى حنااااااااااااااا بالخفجى 000 محنا فى باااااااااااريز
الله يهديك احد يجى سياحه للخفجى
ياخوى الطالع منها مولود 000 والداخل لها مفقود 000
ههههههههههههههههههههههههههههههههههه يحليلك ضحكتنا شوى
تصدق محتاجين نضحك ونروووووح عن نفسنا شوى 000
دمك خفيييييييييييييف وااااااااااااااااااااااااااااااااايد 000 :tongue:

هههههههههههههههههههههههههههههههههههههههههه
والله الخفجي مافي مثلها ومايعرف قيمتها الا اللي يطلع منها

[ابوهادي العنزي]

(( السلام عليكم ورحمة الله وبركاته ))

كيفكم شباب انشا الله تماااااام واهلين قرطيل انشا الله اعجبتك الخفجي

وكبف اهلها انشا الله اعجبوك طيب وانشا عيالك تعلموا السباحه الله يوفقم

:101: جميعا .:101:

[منتهى الذوق]

هذا الموضوع اكل عليه الدهر وشرب
:wink: