قصة*حور الجنان* باللهجة السعودية !!

[الود طبعي]

إلى كل من تستهويه القصص

اقدم بين يديكم قصة* حور الجنان * ذات الطابع الرومنسي

تتميز القصة بمجموعة من الإنفعالات وهي .... تعبرعن عائلة من عوائل المملكة

منقسمة إلى مجموعتين بعضهم يقيم في الرياض والأغلب يقيم في الشرقية

اقدمها لكم واتمنى ان تحوز على رضاكم..:101:

[الود طبعي]

حور الجنان


في شرقية الخير وبلاد الأمن والأمان وعلى شط البحر عائلة صغيره مكونة من أب وأم وطفلين
(محمود عمره 32 سنه رجل ناضج بكل ما للكلمه من معنى محب للخير خدوم وواضح متزوج من شروق وهي بنت عمه وانجبت منه ساره ووليد)
محمود: بابا ساره تعالي هنا لا تروحي بعيد.... وليد إنتبه لأختك
شروق: حبيبي خليهم يلعبوا وياخذوا راحتهم احنا من هنا نترقبهم
محمود: ما ادري اخاف عليهم انتي تدرين توهم صغار
شروق: هههههههههه
محمود ابتسم لها: خير عيوني وش مضحكك
شروق: ابد والله بس احس انك ماخذ مكاني وبعدين شوف.... تراني اغار
محمود ضاقت عيونه من ابتسامته: يسلمولي الغيورين بس انتي تدرين ان قلبي وحياتي ملك لك وحدك وساره ووليد ما هم إلا قطعه مني ومنك
شروق وهي ترفع بإيدها من الرمل الي بجنبها : احبك عدد حبات الرمال
محمود: أحبك عمق مياه البحر
صاروا محمود وشروق يطالعون بعض ويتذكرون احلامهم من قبل 7سنوات وهي في بيت عمها كان عمرها20 سنه وكانت جالسه بالحديقه مع رهف ومازن

(رهف اصغر من شروق لكن كانت علاقتهم مره حلوه كانت تدرس بالثانويه وكانت شروق تساعدها في المذاكره وكانت رهف دلوعه وصاحبه مقالب )

(مازن اخو رهف بس كانو زي الاعداء ما احد يتقبل من الثاني ودايم يتناقرون على الطالعه والنازله وكان عمره 15 سنه)

رهف: اقول مزون قوم جيب لنا عصير تعبنا من المذاكره
مازن: لا والله اكيد تمزحين وليه بالله ماتروحين تخدمين نفسك هااا
رهف بعصبيه: والله والله لوما تقوم ماراح يصير لك طيب
مازن بلا مبالاه :ليه خير وش بتسوييين
فزت رهف بكل شراسه وراحت صوب مازن قام هو بدوره قدامها في هاللحظات صرخت عليهم شروق وقالت لهم شروق : خيييييييييييييييرانا اصلا ما ابغى عصير خلوكم من الشرب وذاكروا لا والله العظيم تركتكم ودقيت للسواق يجيني

وفي هذي الاثناء سمعو صوت
.....:السلام عليكم
التفتت شروق جهة الصوت لقت محمودقدامها ضاعت عيونها في ملامحه الا وش نزل القمر من السما هااا
سمعت صوته :هلا بالغلا كيفك بنت عمي
شروق وكأن احد صب عليها ماي بارد انتبهت لحالها ورفعت شيلتها وردت عليه
شروق :بخير ..... انت كيفك
لمعت عيونه لما سمع صوتها وقال في نفسه.... دامني اشوف احلى عيون لازم اكون بخير ياعمري
وفجأه سمعو صراخ رهف الي صحاهم من دوامتهم: الووووووووووووووووو يا حبايب خير
صدت شروق بوجها عن محمود ياربي انا وش كنت بسوي
محمود تنرفز من طريقة رهف ورد بنبره عاليه
محمود:ياأختي وش بك خطيبتي وانا حر اطالعها لما اشبع وش عندك انتي ..... آمريني
رهف:هههههههههههه اموت انا بروميو
شروق بغت تروح من قدامهم بس سمعت صوت احن من النسمه
محمود : شروق
شروق التفتت: ن...نعم
محمود : ابغاك شوي
طالعت شروق في مازن ورهف وهي تقول في نفسها ليه كذا يا محمود تحرجني وش اسوي انا
محمود طالع رهف بنظره من غير ما يتكلم بكلمه تبلعمت رهف وقالت: انا بروح اسوي لنا احلى كاسة عصير
فز مازن من مكانه: رهوف لاتتركيني بقوم اساعدك وتدرين ما اقدر افارقك دقيقه وحده
مشو مع بعض وهم يتغامزون لمحمود وهو يبتسم لهم ولما بعدو التفت لشروق
محمود:قلبي ونورعيني
شروق انحرجت : تسلم لي عيونك
محمود: اموت انا بهالصوت ممكن طلب
شروق: لبيه..... امر مو طلب
محمود صرخ:تلوموني يا ناس احبها والله ....... تحبيني
شروق بخجل: ايه
محمود :ايه شنو
رهف من بعيد: هااااااااااااااي احنا وصلنا
محمود غمض عيونه من الصدمه وبغى يقوم ويخنق رهف بس هدأ يوم سمع ضحكة شروق
محمود:اموت انا فدا الضحكه وإلي يضحكون
شروق بحيا اكثر: اسم الله حولك وحواليك

بابا بابا انتبه محمود لنفسه وصار يضحك من قلب وين ودته احلامه يا الله ايام مستحيل تنمحى من مخيلته
محمود:هلا حبيبي
وليد : بابا ابغى آيس كريم لو سمحت
محمود: إنت تامر حبيبي والتفت لشروق حبيبتي رتبي الاغراض تأخرنا انا بروح آخذ آيس كريم وجاي ok
شروق :عيوني لك
محمود:آآآآآآآه وهذي قعده ماني ماشي
شروق:هههههههه لا لا ليه
محمود: ما اقدر انا
شروق: خلاص ما راح اتكلم
محمود : وأنا اقدر ما اسمع صوتك بس خليني صابر إلى البيت
شروق:هههههههههه قوم يا الله تأخرنا
محمودk حبيبتي

في بيت بو محمود يعيش محمود وزوجته وأطفاله في قسم خاص بهم لان محمود ما حب يترك البيت ويطلع بره خصوصا لان امه متوفيه
عائلة بو محمود مكونه من(محمودعمره 32 ورهف عمرها24 وإلى الآن ما تزوجت لانها تبغي تخلص دراسه وهي لسه لها سنه تطبيق وتصير دكتورة ومازن الي عمره22 سنه ويدرس بره وشموخ إلي لسه عمرها 20 سنه وهي بنت حبابه وخدوم)

محمود:مساء الخير يبه
بومحمود: مساء النور وليدي شحوالك
محمود:بخير وانت يبه بشرنا عنك
بو محمود: انا خلاص عداني الزمن وراح من وفاة امك الله يرحمها ويغمد روحها الجنه وانا في دنيا غير الدنيا
محمود: الله يرحمها.... بس يبه الدنيا ما توقف الحياة مستمره وامي لو انها موجوده كانت اكيد ما بترضى تشوفك كذا
بو محمود والدموع تتجمع بعينه : والله من 3سنين وانا ما احس بحلاوة الدنيا
وفجأه سمعوا صوت من بعيد وش رايك يبه ادور لك عروس!!!!


يتبع.....

[الود طبعي]

الجزء الثاني

بو محمود:هلا هلا بريحة الغاليه
رهف : هلا يبه شلونك وباست راسه ووطت على يده وباستها
بو محمود: الله يحفظك يا بنيتي الحمد لله
رهف وهي تبوس اخوها: هلا روميو كيفك
محمود:هههههههه الحمدلله ما ادري الى متى بتسميني روميو خلاص راحت علينا
شروق بزعل : وكأني سمعت شي
رهف:ههههه هلا حبيبتي اشتقت لك وين ساره ووليد
شروق: واحنا اكثر الحين بيجون وش الي سمعته يا محمود
محمود:عمري انتي كل خير هههههه
شروق:هههه افكر بعد إلا رهف وش اخبار الرياض واهلها
رهف:طيبين والله
بو محمود:تروحين تشوفين عمك وعمتك ولا مفشلتنا وياهم
رهف: والله يبه انا مشغوله ما اقدر اروح مكان
وهي تحط شنطتها وتجلس على الكرسي وهي تنافخ من التعب
رهف : بس والله دوم اسأل عنهم واسمع اخبارهم من سموي وعلى فكره تسلم عليكم كثير
شروق: يا عمري اشتقت لها وش اخبارها
رهف : تمام التمام
محمود: نعم وش قلتي ....منو الي عمرك غيري
شروق بصوت واطي: ههههه الله يهديك مو يم عمي
رهف:ما ادري والله يا اخوي وش عاجبك فيها اسماء احلى منها بكثير
محمود:وانتي الصاجه تصدقين ماكلني الحسف إلى الآن
شروق بدلع :عمي شايف شيقول أهئ بروح غرفتي وافكم مني
بومحمود:هااا عن النجره ......ورهف خليك محضر خير كأنكم جهال
الكل:هههههههههههههههههههه

وفي الرياض في فيلا فخمه كل شي فيها ينم عن الذوق الرفيع لاصحابها في غرفه مليانه من الشموع وصوت الاستريو عالي على اغنية المهاجر في بنت جالسه على الاريكه بهيئة ملاك عيونها مثل عيون الغزلان ملمسها حريري وشعرها كثيف وطويل يوصل لركبتها مموج كأمواج البحار ملامحها هادئه كهدوء الليل ماينمل النظر في ملامحها وتتصفح في روايه عبير(وش بيقرون البنات غيرها) وعايشه في احلامها
ساتا:طق طق مدام حور
حور: أيوه
ساتا: بابا يبغي انتي
حور: اوك ون منت
(حور بنت في ال19من عمرها اجمل من الجمال وابوها سماها حور لانها مثل حور الجنان واخلاقها اجمل من شكلها بكثير متعلقه بأبوها وأمها متوفيه من وهي تولدها...... وابوها تكفل بتربيتها مع ان العمه ام نزار اصرت انها تربيها لكن ابدا.... وبعد ما كملت 7 سنوات تزوج ابوها من وحده ثانيه بس كانت متفهمه للوضع مع انها كانت تغير من معاملة بومشعل لها)
حور :هلا يبه أمر عيوني
بو مشعل: هلا وغلا بحبيبة قلب ابوها
حور وهي تبوس يد ابوها: الله لايحرمني منك يا الغالي
بومشعل :الله يحفظك..... المهم عندنا اليوم اهل خالتك ام مشعل وابغاك تساعدينها شوي
حور :ان شاء الله يبه انت تامر
ام مشعل: لا يابو مشعل لا تتعبها انا مرتبه اموري
حور:افا بس يا خالتي انابنتك ولالا
ام مشعل : واكثر والله يشهد
بو مشعل: والله ثنتينكم الخير والبركه
ام مشعل : وش رايك نكلم ام نزار تجي تتعشى ويانا
بو مشعل: تهقين ترضى؟؟؟؟
ام مشعل: بغصب عليها وإذا زوجها ما يبغي يجي بلاه
حور طارت من الفرح يعني منيره والهنوف بيجون ياااي
حور:يبه اذا تبغي انا اكلمهم
بو مشعل : والله فكره تراها تسمع منك وما ترفض لك طلب
حور : ok بابا بروح الحين
راحت حور وضربت على الرقم
حوربصوتها الملائكي: هاااااي
:.........
حور : الوووووو
نزار: الوو
حور: السلام عليكم
نزار : وعليكم السلام من معاي
حور: انا حور
نزار سمع الاسم داخ ما عرف كيف يتصرف حور تكلمني لا لا ما اقدر احس انه بيغمى علي
حور : الووووو
نزار: هلا والله ببنت خالي.... انا نزار
حور: نزار كيفك؟
نزارمو قادر يتنفس ابغي اموت ما اصدق توني ادري ان اسمي يجنن مو معقوله
حور:نزار وين عمتي

نزار انتبه لنفسه......
نزار صاح لأمه:... يمه تعالي
لما جات ام نزار وشافت وجه ولدها وش لون صاير
ام نزار: خير يمه وش فيك
نزار:............
خافت من جد قالت له: منو الي متصل
مد لها نزار السماعه وراح خافت اكثر ومن خوفها كان ودها تسكر السماعه من غير ما تتكلم وتسمع الخبر الي عفس كيان نزار
ام نزار بتردد: الوووو
حور: حبيبتي عمه شلونك
ابتهج قلبها وصارت تضحك:هلا هلا بنور قلبي بنت الغالي
حور : عمه بغيتك لاترديني
ام نزار :امر يا بنت اخوي
حور:لالالالالالالا.... قولي تم بالاول
ام نزار:هههههههههه تميين
حور:ههههههه عمه اليوم خالتي ام مشعل عازمه اهلها ومكلفتني ابلغك انتي وابو نزار والعيال طبعا
ام نزار متفاجئه :هاااااااااا والله ما ادري يمكن بو نزار ما يرضى
حور: لا هااا ولا شي انتي قولي له واذا ما رضي تعالو انتوا عمه بليز
ام نزار: انشاء الله يا بنيتي انا كم حور عندي
حور : تسلمين عمه يلا انا بستأذن بروح اساعد خالتي
ام نزار: الله وياك مع السلامه

سكرت ام نزار التليفون وقالت بتروح لنزار تشوفه شفيه منقلب كيانه كذا لايكون صاير شي بينه وبين ابوه كالعاده

(العمه ام نزار هي الاخت الوحيده لابو محمود وابو مشعل وابو مهند وابو عبدالله الي بعدين بجيب لكم حكايتهم مع احداث القصه واهي واجد متبهدله مع ابو نزار العصبي والجاحد اسلوبه جد خشن وما يبين في عينه شي على طول متذمر وإلى الآن يمد يده على ام نزار وعياله وعندها منه اسماء وهي الكبيره ومتزوجه ونزار وعمره 22 سنه ومنيره الي كانت بمثل سن حور والهنوف الي اصغر منهم بسنه)

ام نزار: نزار يمه
نزار وهو مرتبك: لب...........لبيه يمه
ام نزار :وش فيك يمه خير وش فيه وجهك منقلب كذا
نزار: ابد يمه سلامتك......إلا قولي لي
ام نزار: سم يمه
نزار:سم الله عدوك إلا.........وش تبغي حور منك
ام نزار: حور؟؟؟!!!


يتبع.....

[][][ SiCK_LOvE ][][]

قاعد اطبع وراك صفحه صفحه علشان اقراهم بعدين :>>>


مشكوره مقدما اختي :) ,,,



اخوكم : مـــــحـــــمـــــد

[الود طبعي]

العفو
وشكرا على المرور

[الود طبعي]

الجزء الثالث


ام نزار: نزار يمه
نزار وهو مرتبك: لب...........لبيه يمه
ام نزار :وش فيك يمه خير وش فيه وجهك منقلب كذا
نزار: ابد يمه سلامتك إلا قولي لي
ام نزار: سم يمه
نزار:سم الله عدوك إلا.........وش تبغي حور منك
ام نزار: حور؟؟؟!!!

ام نزار: ايييييييييييي نسيت الله يلعن الشيطان ابد والله سلامتك تقول يبغونا اليوم نروح لهم على العشا
سمعو صوت من بره : هاااااااااا خير وين بطسوون واي عشا بعد
ام نزار تبلعمت بس ردت عليه بشكل صارم: سلامتك...... اخوي عازمنا على العشا الليلة فيها شي
بو نزار: طبعا (ويقلد على صوتها يتمسخر) فيها شي إلا قولي اشياء
نزار: هلا يبه ارتاح انت بالاول واحنا تحت طوعك..... آمرنا

تنهد هو وجلس وكان نزار يعرف شلون ياخذ الي هو يبغيه بسلاسه وسهوله
بو نزار:اسمع امك تقول تروح بيت اخوها ولا تتعشى بعد
نزار: اي وخير يبه اهم دعونا كلنا ومن باب الذوق ان احنا نلبي دعوتهم
بو نزار بإستهزاء: ادري انه من باب الذوق انكم تلبون دعوتهم ومن باب اوسع للذوق انكم تدعونهم هاااااااااااااا..... وهذا الي انا ما ابغاه

تنهد نزار هو فاهم ابوه خايف يردون لهم العزيمه معناتها مصاريف وشغلات واهو بالموت يطلع القرش

نزار: يبه احنا بنروح لهم وما راح نعزمهم ببيتنا وتأكد انهم ما راح يقولون شي
بو نزار: اهااااا....... اذا كذا زين بس انا ماني رايح واقولك يا مره شيلي لي عشا بس زوديه شوي على شان نتغدى فيه بكره..... انا بروح انام وبعد ساعه صحيني سامعه
ام نزار: امرك

راح ابو نزار ورمت ام نزار روحها على الارض وهي تبكي
من قلب
نزار : يمه اروح انا فدوه لدموعك خير وش فيكي
ام نزار وهي تبكي: ما انت سامع كلام ابوك انا حالي مو حال خلق الله ابغي اخواني يزوروني اتبرك فيهم من تزوجت هالنذل البخيل واهم يسرقون نفسهم سرقه حتى يجوني
نزار : يمه وحياة دموعك الغاليه بس اتوظف اول راتب لي اعزم لك خيلاني كلهم ونروح البر يومين وش راييك بعد
ام نزار تمسح دموعها :الله لايحرمني منك
نزار : يلا يمه انا بروح انام اشوي وجلسيني للصلاه
ام نزار:في حفظ الله

في الشرقيه في بيت بو عبدالله الاخ الاكبر للعايله وعنده عبدالله وعمره30 سنه وهو كاره الزواج وطاريه (بعدين تعرفون ليه) وأمين وعمره 25 كان يدرس في مصر طيران واخوه فارس عمره19 سنه طالب واختهم أمنيه وتوأمها اماني في الصف الثاني ثانوي )

امنيه: حبيبتي اماني الله يخليك ابغي البنطلون الجنز لان الشله بتجي اليوم
اماني: لا والله احلفي.... وليه ما البسه انا؟؟؟
امنيه: حبيبتي اهم صديقاتي انا ولازم اصير كشخة
اماني: اتصدقين كلامك صح وش دخلني انا في جمعة ادبي
امنيه: طيب طيب لا تزودينها
....... طق طق
اماني: يسسسسسسسسسس
فارس: انه انا الملك كسرى
امنيه وهي تفتح الباب :ههههههههه كان اخترت لك واحد سنع
فارس: وليه ......... اممممممممم اماني عمري ابغي اندومي
اماني: يععععععععععععع خلي الي تحبه تسويلك اياه
امنيه: بره بره انا مشغوله
دق جوال امنيه وشافتها انوار وشهقت: الووووووو..... يوووووووو...... لا تقولين
انوار: وش رايك اجلس تحت في ها الشمس..... ولا ارجع مكان ما جيت؟
امنيه: اوك اوك وسكرت الجوال فارس حبيبي روح افتح الباب تكفى
فارس: لايكون مفكرتني الشغاله الفلبينيه الي ابوك جابها
امنيه وهي تبوس اخوها : تكفى اخوي انوار بره في الشمس
من سمع فارس اسمها فز: ما عاشت الشمس وطلع يركض
وهو ورا الباب يقلد صوت المزارع: منو بره مين انتا
انوار: انا افتح بسرعه
فارس وهو ميت من الضحك: من يبغى
انوار وهي بتموت من الحر والغيض والله ان ما فتحت خليت عمي بو عبدالله يفنشك
فتح فارس وهو ميت من الضحك ما شاف الا انوار شالت الشيله الي على راسها وهي تنفخ من الحر
ماقدر فارس حتى يرمش من زود حلاوتها وكان وجهها من حرارة الشمس ولا التفاح الامريكي
طالعها بذهول وهي كانت معصبه بس لما شافت انه فارس شهقت وغطت وجهها وطارت تركض الى فوق
فارس من زود الصدمه ظل واقف مبهور
........ لو سمحت
فارس: ايوه نعم خير اختي
.......امنيه موجوده
فارس: ايوه تفظلي حياك تفظلي المجلس

فوق عند امنيه واماني الباب يرجف راحت اماني ركض: خييييييييييير
انوار وهي تشيل الشيله وميته من الفشل وعيونها مليانه دموع ولو احد يكلمها تصيح
امنيه: هلا بالغلا عمري نور
انوار: لا هلا ولا مسهلا فارقي عني
امنيه : خير عيوني وش فيك
انوار: مصيبه...... فكرت فارس المزارع.... ولا اصارخ عليه وافتح له وجهي بعد

فارس بصوت عالي :منو حياتي في وحده زي القمر الي عندك تحت في المجلس
امنيه: طيب اقلب وجهك انت وبلا كلام ماصخ هاااا
فارس:هههههههههه احب التفاح الامريكي
انقلب وجه انوار وقامت تصيح
اماني: يا عمري لاتزعلين تدرين فارس متعود عليك من وانتوا صغار وهو يحب يمزح وياك والغطا صار عائق له
امنيه: يلا خلاص..... البنت تحت
انوار وهي تبتسم : اوك

نزلو تحت كلهم وانوار كانت تترقب فارس ما تبغاه يلمحها ومستره نفسها زين تقولون خايفه الهيئه تشوفها وراحوا للمجلس لقوا البنات اجتمعوا وسلموا على بعض والجلسه كانت ولا احلى

دق جوال رهف وهي غارقه في النوم:الووووووو
.......هلا رهوف
رهف:سموي حبيبتي وش فيك
أسماء ميته من البكي: انا بموووووووت
رهف : تفداك عيوني خير حبيبتي وش فيك
أسماء: ابغي اشوفك مالي احد غيرك
رهف: طمنيني عمري انتي تدرين ان اليوم الخميس وانا بالدمام
أسماء زادت بكي: خلاص عمري لين تجين اشوفك
رهف:لحظه
سمعت صراخ .....وتسكرت السماعه

منو جالسه تكلمين هااااااا ما تردين الله ياخذ روحك وأفتك منك والله بلاني فيك يا شيخه الله يهدك.......رفسها برجله ورماها على الارض وهي جالسه تبكي من قلب ومسكره عيونها ووتتمنى انها بعد ما ترجع تشوف على شان ما تشوفه

يتبع....

[نجم]

متـــابع وراك ويحمل على الجوال ..

لي عـــودهـ ..

[الود طبعي]

الجزء الرابع

فيما كانت حور منشطه ومشغوله في التحضيرات مع خالتها
دخل عليهم بو مشعل
بو مشعل : يبه حور روحي رتبي شكلك الناس الحين
بيجون وما ابغاهم يشوفونك كذا
حور التفتت على خالتها لقتها تبتسم :يلا عن اذنكم..... خاله
اذا بغيتي شي ناديني
ام مشعل: جزاك الله خير ما قصرتي

راحت حور التفتت ام مشعل على ابو مشعل وقالت له : هااا الاقي الدلال كله حق حور واحنا ما لنا في الطيب نصيب
بو مشعل: افا بس انتي الخير والبركه انا مالي غيرك
ام مشعل:ههههه بو مشعل عيونك تفضحك
بو مشعل :هههههههه اقول يالغاليه حور كلها كم سنه وبيجيها نصيبها وبتتزوج وانتي الي بتبقين لي
ام مشعل: يا بو مشعل ترا اخوي واصل ميت عليها بس انت الله يهديك
بو مشعل: انا برضى بحكمك..... الحين اخوك ذا تأمنين حور عنده
ام مشعل: وشعلامه اخوي اهو صحيح طايش شوي بس الزواج بيعقله
بو مشعل : بس شوي
بو مشعل وام مشعل :ههههههههههههههههه

دق الجرس راحت الشغاله تفتح قالت ام مشعل: قلطهم وانا ببدل جلابيتي
بو مشعل: خير ان شاء الله

في مجلس الرجال هلا والله حياكم اقلطوا هلا بالنسايب ياالله حيهم نورت الرياض والله
الكل: منوره بأهلها والله
في مجلس النساء دخلت ام عبد الرحمن ومرت ولدها عبد الرحمن وبنتها نوره
ام مشعل: هلا يمه تو ما نور البيت
ام عبدالرحمن: هلا بالقاطعه الي ما تسأل ولا تتوله لاحد
نوره:حبيبتي اختي اشلونك
ام مشعل وهي تضم اختها: بجيتكم زينه ها ام سعيد وين البنات
ام سعيد :تدرين عنهم ما يحبون الطريق
ام مشعل :قولي لهم ان عمتكم تتشره عليكم وزعلانه بالحيل
...........السلام عليكم
ام مشعل: هلا هلا وغلا بالغاليه حياك يا وخيتي
ام نزار:هلا بالعمه ام عبد الرحمن وش لونك
ام عبد الرحمن:هلا بك يا بنيتي
ام مشعل: هلا ببناتي كيفكم منيره والهنوف شلونكم يمه ووين اسماء عنكم
الهنوف ومنيره: بخير خالتي
ام نزار :تدرين الحين اسماء محكومه عند رجلها
ام مشعل: يا بنات حور فوق صعدوا لها

صعدوا البنات فوق ودقوا على غرفة حور ولكن استحاله تسمعهم لانها حاطه المسجله بصوت عالي ملوا البنات ودخلوا الغرفه وشافتهم حور راحت تركض لهم تهبلوا البنات طاحوا على بعض خافت عليهم حور.... بس قامت تضحك تعرف حركاتهم
منيره:آآآآآآآه يا قلبي ما اقدر
الهنوف:ههههههههههه
حور بدلع :خير صبايا شو في
منيره: انا متخبله بس على ايش ما ادري الغرفه ولا الريحه ولا المطرب ولا على الملاك الي هني
حور بتواضع : هههههههه مو احلى منك
منيره والهنوف :ههههههههههههههههههههههههههههههههههههههههههههههههه ههه
حور:هههههههه تخبلتوا انتوا...... خيـــــــــــــر
منيره: اما احلى احلى ههههههههه
( منيره جمالها على القد ومليانه شوي وسمارها يجنن ملامحها بدويه كلها على بعضها جذابه بس طبعا ماتجي بجنب حور وهي كانت دايما تتمسخر على شكلها وتقول لا تسموني الا العانس لان ما احد بيدق الباب)
حوروهي تضمها لصدرها: احلى بروحك ودمك يا عيوني
الكل:هههههههههههههه
جات الخدامه ونادت حور: حور مدام تقول تعالوا تحت
حور: اوك يلا بنات انامحضره لكم اشياء تجنن
البنات: الللللللللللللللله يالله جوعانين

نزلو البنات ودخلت حور وسلمت ردوا الكل السلام واذكروا الله عليها وعلى جمالها راحت لحضن عمتها الي بحسبة امها وسلمت على الباقين
وراحوا تعشو وبعد العشا جابت حور القهوه حتى تضيف الضيوف
حور: سمي خالة ام عبد الرحمن
ام عبد الرحمن:سم الله عدوك يا حور
حور: تفضلي عمه
ام نزار:تسلمين عمه حياتي انتي ....منيره يمه تعالي كملي عن حور ابغاها شوي
منيره:تامرين يمه
ام نزار خذت حور وراحت الصالة
ام نزار : يمه حور بشريني عنك ان شاء الله مرتاحة
حور: الحمد لله طالما انت بجنبي ما ابغي غير كذا
ام نزار: الحمد لله يا بنيتي الله يشهد اني احاتيك أكثر من بناتي

أسمعوا صوت من بعيد يا الله.... احممم خاله ام مشعل
حور ارتبكت ما تدري وش تسوي.... عمتها ما سكتها من يدها وهي تبغي تروح تحط شي على راسها

ام نزار: اشفيك يمه هذا نزارما بتسلمي عليه صار لك مده ما شفتيه
حور وشوي تبكي: أي عمه انا بروح اجيب لي شيله واجي

قامت تضحك ام نزار يالله الدنيا صحيح تطوي واحنا مو حاسين حور كبرت وصارت حرمه.... وهي تفكر سمعت الدق على الباب
ام نزار: حياك يمه هني
نزار هلا يمه وين خالتي بسلم عليها
سمع صوت خواته جايين صوبه ورفع راسه وشاف وراهم ملاك محوط بنور فتح عينه وقال بهمس حـــــــــــــــــــــــــــــور


يتبع...