قرار ملكي / السماح للمرأة يقيادة السيارة أبتداء من

[ابوعدي10]

:102:
السلام عليكم ورحمة الله وبركاته

ودعواان تكون اشاعة
نقل من وكالة انباء سعودية من مصدر في الديوان الملكي بعد جلسة يوم ألأثنين النصرم

وصدر القرار الملكي ,, بلمرسوم رقم ( 235 )
والذي يقضي بسماح للمرأة السعودية بقيادة السيارة بحرية مطلقة مع مرعات تطبيق أنظمة المرور المتبعة والمعمول بها,, ويجري تنفيذ هاذا القرار أبتدأء من 6/9/1428






وتقبلو تحياتي


أخوكم ابو عدي

[][][ SiCK_LOvE ][][]

التاريخ صح ولا انت مخربط برقم السنه ؟؟ :) ,,,

عموما الله يكتب اللي فيه الخير والصالح ,,,

وبعباره اشمل و اكبر اقول ان الله ما يسوي الا الزين واللي فيه الخير ,,,



اشكرك على التغطيه ,,,


اخوكم : مــــــحــــــمــــــد

[ابوعدي10]

يعطيك العافية اخوي محمد

بنسبة لتاريخ خطاء مطبعي وتم تعديله والتاريخ الصحيح 1428 ه

[شوق الغلا]

عزيزي ..

بما ان متابعة للقناة السعودية والصحف اليومية ما سمعت الخبر ..

الله يكتب اللي فية الخير ..

الرياض زحمة خلقه وزاد ت الزحمة ..

الله يعين ..

دمت لنا يالغلا..

[مطنوخ شمر]

أما عاااااااااااااااد .. خلاص سمحو بقيادة المرأة

بعد كل جهود اللي غايرين على أعراضهم ..

لا لا مستحيل .. وأدعو من كل قلبي أنها تكون إشاعة

وأنا ما أكذبك بقولي مستحيل .. لكن أتمنى ما يكون الخبر صحيح

[جوااهر]

انا زي شوق الغلا متابعه بقوة ولا سمعت


مشكور على الخبر اخوي

[ريما الخفجي]

واخيييييييييييييييييييييييييييييييييييييييييييييرا

تسلم على هالخبر يابو عدي

نو وااااااااااااااااااااي البنوتات بيسوقون اللللللللللللللللللللللله يارب يكون صحيح

يسلمووووووووو

[مـا مـثلـے أحـد]

السلام عليكم ورحمة الله وبركاته


اكيد اشاااعه


ودمتـمـ

[ابوعدي10]

عزيزي ..

بما ان متابعة للقناة السعودية والصحف اليومية ما سمعت الخبر ..

الله يكتب اللي فية الخير ..

الرياض زحمة خلقه وزاد ت الزحمة ..

الله يعين ..

دمت لنا يالغلا..


كلنا نقول أن انشاء الله بيكون اشاعه

[ابوعدي10]

أما عاااااااااااااااد .. خلاص سمحو بقيادة المرأة

بعد كل جهود اللي غايرين على أعراضهم ..

لا لا مستحيل .. وأدعو من كل قلبي أنها تكون إشاعة

وأنا ما أكذبك بقولي مستحيل .. لكن أتمنى ما يكون الخبر صحيح


ولا عاد فية شي مستحيل في هاذا الزمن ونتمنى ان يكون اشاعة ,,

[ابوعدي10]

انا زي شوق الغلا متابعه بقوة ولا سمعت


مشكور على الخبر اخوي

إنشا الله ,,

[ابوعدي10]

واخيييييييييييييييييييييييييييييييييييييييييييييرا

تسلم على هالخبر يابو عدي

نو وااااااااااااااااااااي البنوتات بيسوقون اللللللللللللللللللللللله يارب يكون صحيح

يسلمووووووووو

إذا كان صحيح بتشري سيارة

[الود طبعي]

انشالله اشاعه
يارب اشاعه
اتمنى تكون اشاعه
!!!!!!!!!؟؟؟؟؟
وش فيكم؟؟
ماحد قال الحمدلله
احسن بنفتك من مشاوير هالحريم
انا اشوف انه خبر طيب جدا
واتمنى انته مايكون اشاعه
سايقين
سايقين
الله لايعوق بشر

[ابوعدي10]

مشكور على مرورك اخوي الود طبعي

[دخــــٌيل]

وعليكم السلام ورحمة الله وبركاته..

أخ أبو عدي10

تحيه طيبه لــك.. بالنسبة للخبر ياليــت تضع لنا المصــدر ..,أو صورة من المرسوم الملكـي اللي ذكـرت..!!

**وإن صَـح الخـَـبــر فَلَســـتُ من المؤيدين لــه..


فائق إحترامــي

[عشق الشمال]

عين خير يارجاااااااال

الخبر غير صحيح أبد أبد

ماااااسمعنا به ولا درينا عنه إلا هناااا

والله إن قااااله ربك مايفرن طاااارتها !!

الله يعطيك العافية ,,

[الساجدة لله]

وعليكم السلام ورحمة الله وبركاته

اشكرك اخي الفاضل على غيرتك وجزاك ربي الجنة

ان شاء الله يكون الخبر اشاعة ولا على الدنيا السلام0

[ثـامر البـلوي]

مساء الخير للجميع وخاصه سلامي لأبو عدي بعد التحيه

إخواني أنا بصراحه مستغرب من دعائكم يارب تكون إشاعه ويارب ما يكون صحيح بالعكس ياناس فكروا فيها منطقياً أنا من مؤيدين الخبر ياليت يوافقون للمرئه تسوق أولاً خلونا صريحين إلي تبي تصيع والله محد بيردها إلي براسها تسويه تسويه ساقة ولا ماساقت ثانياً مو شرط خلاااص نزل القرااار إن المرئه تسوق معناتها إنت يارب الأسره تخليهم يسوقون هو عطاكم التصريح وإنت حر تخليها ولا ما تخليها ثالثاُ أنا ائيد للمرئه تسوق في الحالات الضروريه مثلاُ تبي تروح السوق وإنت مالك خلق توديها تروح بروحها أبرك ما تروح مع سواق غريب أو راعي تكسي مايكون لها محرم صارت مصيبه بالبيت لا سمحالله الولد تعب صار شي ما تدق عليك أطلع من الدوام وتعال ودنا لا تدق سلف وتمشي الله لا يهينها للمستشفى أهم شي ياناس نبني الثقه وتكون المراقبه موجوده في كل الحالات صحيح أولها بتكون فوضا أول ما تسوق وحده وتنتشر بين العالم بس عقبها العالم تتعود خلاااص يصير أم طبيعي عندك الجوالات أول ما طلعت ابو كميرا كل ما تروح مجلس الكل ماسك الجوال ويطالع بالمقاطع الحين خلااااااص إنتهت العالم ملت وتطورت فكرياً صارت ما تهتم لهذي التفاهات وهذا الحال لما الحرمه تسوق أول مره بتنقلب الدنيا وآخرتها مصيرهم يتعودون وصدقوني يجي يوم وتقولون يالرجال والله زين نزل هذا القرار ريحنا من دوشتهم وآخر شي نتعود مثل باقي الدول العربيه والخليجيه عندك الكويت والبحرين أقربهم هذا حنا نروح ونوقف عند إشاره يمينك وحده تسوق ويسارك وحده تسوق عادي جداً ماطالعهم ولا تسوي شي يضايقهم يعني أمر طبيعي والصايعه صايعه والعاقله عاقله ياعمي الكلام كثير وما أبي أطول أكثر من كذا عموماً آسف على الإطاله وهذي وجهة نظري وتقبلوا تحياتي المعطره .

أخوكم \ ثامر البلوي

[الود طبعي]

سلمت يمينك وصح السانك
ياخوي/ثامر
واخيرا لقيت مؤيد لقياده المرأه
والله عين العقل

[سامي الشمري]

يا ثامر ..!


لو حاجات المرأة الضرورية ( السوق ) كان كل يوم المرأة عندها حاجة ضرورية ..!

بعدين يا أخ ثامر لاتنسى الشرع .. و حكمه على قيادة المرأة .. ولا تنسى ( الخلوة ) و حكمها ..!


على العموم أبي أريّحكم ..!


مادام أبو متعب حيّ .. لا قيادة للمرأة ..!


و أي وحدة أشوفها تسوق .. أبي ألزّها على الرصيف .. و أوّلهم الود طبعي :)


يعطيك العافية أبو عدي على الموضوع


تحياتي للجميع


:101:

[][][ SiCK_LOvE ][][]

وانا بعد اي وحده اشوفها تسوق و خصوصا من بنات الرائديه اركبها لارصيف ,,,

ولا تعال ليش اركبها الرصيف ادعمها احسن :>

لان على فكره ترى البنت اذا شافت حادث تتعقد من السيارات :>>>


اخوكم : مـــــحـــــمـــــد

[أبو زيدان]

ثامر البلوي


أنا سوف أرد عليك في كل نقطة ذكرتها بعيدًا عن النظرة الشرعية لقيادة المرأة فهذه لأهل العلم

ولعل النقاش يكون منطقي كما ذكرت

أولا مسالة اللي تبي تصيع تسوي اللي برأسها سوا ساقة أو لا

أقول لك ياأخي كلمك صحيح ولكن هل في وجهة نظرك أن صيعتها اللي بالخفاء والدس راح تكون مثل صيعته وهي تسوق وتتطلع متى ماتبي وتتبلى الشباب اللي مالهم في هالشغلة ؟؟


الامر الثاني وهو مسالة أن الامر لايكون أجباري

نعم ولكن نعلم أن المجتمع أحياناً يفرض عليك شيء أنت لاتريده بحيث أغلبنا لايريد كلمة فلان حرم أهله أو بخيل عليهم أو معقد ومتزمة وغيره من الكلمات ولعل أقرب الامثلة الجوال مع فارق التشبيه فكثير من الأباء كان معارض له ومع الزمن صار يشتري لبناته أحدث الجوالات

أما مسألة الامور الضرورية ومسالة السواق والتاكسي

فهذه ليست أخطر من أن تسوق المرأة فالمرأة عندما تخرج لوحدها ويتعرض لها أحد لاتعرفه
ليست مثل لما تخرج مع شخص كل البيت يعرفونه بحيث لو سوي شيء عقابه يجيه أو سهل أخرجه كسواقين التكاسي

أما الولد فكم من جار أسعف بيت جاره دون أن يخرج من دوامه وعمله

أما السوق فاذا كنت تعبان وده بعدين :biggrin: :biggrin: :biggrin:

ومسالة الثقة والمراقبة

هذا كلام للاسف نقوله نظرياً ولي رد عليه فيما بعد أن شاء الله

ومسالة أن تكون فوضا في البداية فقط وتشبيهك لها بالجوال

فأقول كم شخص أصبح من ضاحي المقاطع والصور وتركهم للمقاطع لايعني أنهم ملؤا منها لا ولاكن لاجديد لديهم وأصبح للاسف الشديد تهاون في الأمر حتى أن الأب يرسل لأبنه مقاطع

وأما الكويت والبحرين

فنظر الى شارع الخليج في الكويت وكم لهن الحريم يسوقن وش وضع الشباب والتحرش عين عينك والبحرين ماعمري رحت لها

هذا غير أنه راح تكون المطالبة بتوظيف النساء في المرور أذا حصل الامر لاقدر الله



وغيره الكثير وأسف على الاطالة علماً أن هناك كلام كثير ماقلته



أسال الله أن يحفظ علمائنا وولأة أمورنا ويوفقهم لك مافيه صلاح ورشاد لأمر أمتهم



ويعطيك العافية أبو عدي

وأتقبل وجهات النظر الاخرى بصدر رحب

:101: الشكر لكم جميعا :101:

[مــهــســتــر]

<<< طلع مشروع براسه

( محل ايجار سيارات كلها باللون الوردي )

والبنت اذا حلوه لها خصم والشينه لا تشوفها عيني ماحنا ناقصين حوادث بالسيارات



هههههههههههههههههههه


تراى قاعد امزح





انشاء الله مايصير هلكلام لان لو صار اول واحد رايح يبلشهم انا
والفورد موجود
7
7
7
7
7

[عاصم]

ألا لعنة الله على الكاذبين .

[الود طبعي]

تسلم ياثامر كلام سليم
اما الاخ:سامي الشمري

و أي وحدة أشوفها تسوق .. أبي ألزّها على الرصيف .. و أوّلهم الود طبعي :)
لا تعليق

[ابوعدي10]

صباح الخير للجمع ,,,,,,,,,,

أولا اشكر الجميع على المشاركة الفعالة ,,,

وثانيا بنسبة لسؤال عن مصدر الخبر الخبر موجود في اكثر من موقع واكثر من شخص تحدثت معه بخصوص القرار فكان الرد منهم من سمع ومنهم لا انا ذكرت سابقا في المشاركة ألأصلية ((ادعوا اتكون أشاعة )) معنى كلامي ان الخبر ليس صحيحا % وايضا قد يكون صحيحا % وذلك احببت طرحة لكم حتى نتناقش في السلبيات والإيجبيات وايضا في صحة الخبر ,,

واتمنى بان يكون نقاش جاد بعيد عن الردود الغير لائقة ....................

ولكم مني كل الشكر والتقدير



أخوكم ابو عدي

[كارلوس المحمد]

أما عاااااااااااااااد .. خلاص سمحو بقيادة المرأة

بعد كل جهود اللي غايرين على أعراضهم ..

لا لا مستحيل .. وأدعو من كل قلبي أنها تكون إشاعة

وأنا ما أكذبك بقولي مستحيل .. لكن أتمنى ما يكون الخبر صحيح

وش المشكلة اخوي .. اللي يغير على عرضة لايخلي اهلة يسوقون وبس . بسيطة صح

[ابوعدي10]

اخوي كالورس المحمد يعطيك العافية على المشاركة

[البردويل]

أتمنى يكون الخبر صحيح وكلام الاخ ثامر البلوي كلام جميل واحيي فيه الوعي وخلونا من الدروشة والتحجج بالشرع ونساء الصحابة كانن يركبن الدواب بس حنا مشكلتنا اذا بغينا نسكت أحد قلنا الدين يحرم وبدون دليل. اللي مايبي حريمه يسقن ماهو مجبور والمحترمة وبنت الرجال مايعيبها انها تسوق. واذا كانت العادات تمنع قولوا عاداتنا لاتقولون الدين.

[أبو رائد]

إن شاء الله يكون هالخبر مجرد إشاعة


لان قيادة المرأة اضررارها اكثر من نفعها


والله يكتب اللي فيه الخير

[ابوعدي10]

أتمنى يكون الخبر صحيح وكلام الاخ ثامر البلوي كلام جميل واحيي فيه الوعي وخلونا من الدروشة والتحجج بالشرع ونساء الصحابة كانن يركبن الدواب بس حنا مشكلتنا اذا بغينا نسكت أحد قلنا الدين يحرم وبدون دليل. اللي مايبي حريمه يسقن ماهو مجبور والمحترمة وبنت الرجال مايعيبها انها تسوق. واذا كانت العادات تمنع قولوا عاداتنا لاتقولون الدين.

اولا - اسعتنا بقدومك بين اخوانك وبأسمي وبأسم إدارة منتدى الرائدية نقول لك أهلا بك بين أخوانك ونتمنى لك اطيب الأوقات ,, تمنياتنا لك بمشاركات فعالة ترتقي لأهداف سامية وناجحة لك وللمنتدى ,, وتوفيق إنشاءالله ,,


وللك كل الشكر والتقدير على مشاركتة الجميلة ,, والتي اسعدتني كثيرا لنها مشاركتك ألأولى ..


تحياتي لك

أخوك ابو عدي

[ابوعدي10]

تسلم اخوي ابو رائد على مشاركتك ويعلم الله انك اسعتني كثيرا ,,

اما بنسبة لقيادة المرأة كلنا نتمنى ان تكون إشاعة ’’ لأن لو أن الخبر صحيح فسوف تكثر الفتن وتكثر المصائب وغيرة وأسأل الله ان يحمينا من شر الفتن ما ظهر منها وما بطن ,, أمين

[الشاقي]

,امــــــــــــــــــــــــــــــــــــــا عــــــــــــــــــــــــــــــاد

[ابوعدي10]

,امــــــــــــــــــــــــــــــــــــــا عــــــــــــــــــــــــــــــاد

ووووووووووووووالله جججججججججججججججججججججججججججد

[بــ الخفجي ـنت]

ايهـ بنسوق لا حجت البقر على قرونها هههههههههههههههههههههااي

[فطوم]

اشااااااااااااااعه

[reemonda]

اليوم هو 11/9/1428 هــ !!!
وامس وانا برا البيت ماشافت عيني ولا وحده تسوق السيارة !!
الظاهر انها اشاعه
عموما يعطيك العافية

[عصير توت]

نقول إن شاء الله إشاعه
صحيح أحيانا أتمنى السواقه بس درء المفاسد مقدم على جلب المصالح

[سوسيت]

مشكور اخوي ابو عدي وانشاء الله يطلع الخبر حقيقه
الله يعطيك العافيه
تقبل مروري
تحياتي

[مجرمـ الخفجي]

التاريخ مو صح

[saimi]

دفع المفاسد مقدم على جلب الفوائد إن وجدت وبأذن الله لانرى اليوم الذي يسمح لهن بقيادة السيارة

[شمس العمر]

اليوم 23/9 وما أشوف بنت أبوها تسوق سياره
بس أتمنى على العيد إني أشوف لوحده
والله يعطيك العافيه

[اسيره بلا قيود]

اتمنى تكون اشاعه من دون قياده ويالله الخراج غزل وقله حيا مع القياده ايش حيصير انواع من الجرائم والكوارث

[أبو حمود التومي]

بسم الله الرحمن الرحيم جزاك الله خيرا يابى عدي ان كان صدر هذا القرار فقد صدر من غير تخطيط موفق أولا:لان قيادة المرأه محرمة بالسبب لان من المحرمات ماهو محرم بالذات ثانيا:ان من السياسه ان لا تقود المرأه في وقت تكتض فيه شوارعنا من الزحام باسباب الرجال فكيف بالشوارع اذا اصبحت النساء يقودن السيارات ونتمنا للجميع التوفيق والسداد

[البيان]

الله لا يقوله

[عبدالعزيز العنزي]

انشالله انها اشاعه
ذ